အစ္စရေးစစ်တပ်ရဲ့ တိုက်ခိုက်မှု ဂါဇာမြို့တော်မှာ လူ ၈၀ ကျော်သေဆုံးပြန်

ဂါဇာကမ်းမြှောင် အစ္စရေးစစ်တပ်ရဲ့ တိုက်ခိုက်မှုတွေကြောင့် ပါလက်စတိုင်း ၈၀ ကျော် သေဆုံးခဲ့ပြီး အများစုကတော့ ဂါဇာမြို့ကဖြစ်တယ်လို့ ဆေးရုံဆရာဝန်တွေက ပြောပါတယ်။
ဂါဇာမြို့အလယ်ပိုင်း ဒါရက်ဂျ်ရပ်ကွက်ရှိ ဈေးအနီးရှိ ရွှေ့ပြောင်းဒုက္ခသည်မိသားစုတွေ ခိုလှုံနေတဲ့ အဆောက်အအုံတွေ ရွက်ဖျင်တဲတွေကို တိုက်ခိုက်မှုအတွင်း လူ ၂၀ ထက်မနည်း သေဆုံးခဲ့ကာ အမျိုးသမီးနဲ့ ကလေးငယ်တွေ ပါဝင်တယ်လို့ ဆိုပါတယ်။
ဂါဇာမြို့တော်ရှိ ဆေးရုံတွေဟာ အစ္စရေး၏ တိုက်ခိုက်မှုနဲ့ ပစ်ခတ်မှုကြောင့် သေဆုံးခဲ့ရသူ ၆၀ ကျော်ရဲ့ ရုပ်အလောင်းတွေကို ညသန်းခေါင်ကတည်းက လက်ခံရရှိခဲ့ကြောင်း ဆရာဝန်တွေက ပြောပါတယ်။
ဟားမတ်စ် အရပ်ဘက်ကာကွယ်ရေးအေဂျင်စီကတော့ သေဆုံးသူတွေရဲ့ သုံးပုံတပုံဟာ Firas ဈေးအနီးရှိ ရွှေ့ပြောင်းဒုက္ခသည်တွေ ခိုလှုံနေတဲ့ ဂိုဒေါင်တခုကို အစ္စရေးရဲ့ တိုက်ခိုက်မှုကြောင့်ဖြစ်ကာ သေဆုံးသူတွေထဲမှာ အမျိုးသမီး ခြောက်ယောက်နဲ့ ကလေးကိုးယောက်ပါဝင်တယ်လို့ ဆိုပါတယ်။
အစ္စရေးစစ်တပ်ကတော့ ဟားမတ်စ်တိုက်ခိုက်ရေးသမား နှစ်ယောက်ကို တိုက်ခိုက်ခဲ့တာဖြစ်ပြီး လက်ရှိအသေအပျောက် စာရင်းဟာ သူတို့အချက်အလက်နဲ့ မကိုက်ညီဘူးလို့ ပြောပါတယ်။ ဂါဇာမြို့ဟာ ဟားမတ်စ်တို့ရဲ့ နောက်ဆုံးအမာခံမြို့လို့ အစ္စရေးက ရှုမြင်ထားပြီး လက်ရှိမှာတော့ မြို့လယ်ခေါင်ထိ တင့်ကားနဲ့ စစ်ကားတွေ ချီတက်နေပါတယ်။
မြေပြင်ထိုးစစ်ချဲ့ထွင်မှုဟာ ဟားမတ်စ်အဖွဲ့မှ ဖမ်းဆီးထားဆဲ ဓားစာခံတွေ လွတ်မြောက်ရေးနဲ့ ဟားမတ်စ်တို့ကို အပြီးသတ် ချေမှုန်းဖို့ ရည်ရွယ်တယ်လို့ အစ္စရးက ဆိုပါတယ်။
ဂါဇာမြို့လယ်ခေါင်မှာ လက်ရှိအချိန်ထိ နေထိုင်သူရာပေါင်းများစွာရှိနေသေးပြီး ထောင်ပေါင်းများစွာကတော့ ထွက်ပြေးတိမ်းရှောင်မှုတွေ လုပ်နေပါတယ်။ ဒါအပြင် အငတ်ဘေးကြုံခဲ့ရတယ်လို့ ကုလသမဂ္ဂက သတိပေးထားပါတယ်။
ကျန်းမာရေးနဲ့ အခြားမရှိမဖြစ်လိုအပ်တဲ့ ဝန်ဆောင်မှုတွေ ပြိုလဲသွားပြီး ဆိုးရွားတဲ့ လူသားချင်းစာနာမှု အခြေအနေတွေ ကြုံနေရကာ ဒုက္ခသည်သိန်းချီရှိနေတယ်လို့ အကူအညီအပေးရေးအဖွဲ့တွေက ဆိုပါတယ်။
ဒီခြေအနေမှာ အမေရိကန်အထူးသံတမန် စတိဗ်ဝစ်အော့ဖ်က အရှေ့အလယ်ပိုင်းနဲ့ ဂါဇာဒေသမှာ ငြိမ်းချမ်းရေးအတွက် ၂၁ ချက်ပါ အစီအစဉ်ကို အင်္ဂါနေ့မှာ နယူးယောက်မြို့ ကုလသမဂ္ဂအထွေထွေညီလာခံ ပြင်ပမှာ အာရပ်နဲ့ မွတ်စလင်ခေါင်းဆောင်တွေကို တင်ပြခဲ့တယ်လို့ ဆိုပါတယ်။
ဝစ်အော့ဖ်က အစီအစဉ်နဲ့ပတ်သက်ပြီး အသေးစိတ်ကို ပြောကြားခဲ့ခြင်း မရှိသော်လည်း အစ္စရေးရဲ့ စိုးရိမ်ပူပန်မှုတွေအပြင် ဒေသတွင်း အိမ်နီးချင်းအားလုံးရဲ့ စိုးရိမ်မှုတွေကိုပါ ကိုင်တွယ်ဖြေရှင်းဖို့ ရည်ရွယ်တယ်လို့ ပြောပါတယ်။
"ကျွန်တော်တို့ ဒီအစဉ်ကို မျှော်လင့်ထားပြီး လာမယ့်ရက်တွေမှာ အောင်မြင်မှုမျိုးတွေကို ကြေညာနိုင်လိမ့်မယ်လို့ ယုံကြည်ပါတယ်" လို့ သူကပြောပါတယ်။
Ref:BBC

တရုတ်အတွက် သူလျှိုလုပ်မှု ထိုင်ဝမ်သမ္မတရုံး ဝန်ထမ်းဟောင်းအပါအဝင် လေးယောက်ကို ထောင်ဒဏ်ချ

တရုတ်နိုင်ငံအတွက် သူလျှိုလုပ်မှုကြောင့် ထိုင်ဝမ်သမ္မတရုံး ဝန်ထမ်းဟောင်းတယောက်အပါအဝင် လူလေးယောက်ကို ထိုင်ဝမ်တရားရုံးက ထောင်ဒဏ်လေးနှစ်မှ ၁၀ နှစ်အထိ ချမှတ်လိုက်ပါတယ်။
ထိုင်ဝမ်ရဲ့ အချုပ်အခြာအာဏာကို ဖောက်ဖျက်ကာ တရုတ်သူလျှိုသံသယရှိသူ သမ္မတရုံးဝန်ထမ်းကို အာဏာရ ဒီမိုကရက်တစ်တိုးတက်ရေးပါတီ (DPP) မှ နှင်ထုတ်ခံရပြီးနောက် တလအကြာ ဇွန်လမှာ လူလေးယောက်ကို တရားစွဲဆိုခဲ့ပါတယ်။
တရုတ်နိုင်ငံဟာ ထိုင်ဝမ်ကျွန်းကို ပိုင်ဆိုင်တယ်လို့ အခိုင်အမာဆိုထားပြီး ပြည်မကြီးနဲ့ ပြန်လည်ပေါင်းစည်းရေးအတွက် လိုအပ်ရင် စစ်ရေးအင်အားသုံးမယ်လို့ ထုတ်ဖော်ပြောဆိုထားပါတယ်။ တရုတ်ဟာ ကျွန်မှာ သူလျှိုစိမ့်ဝင်မှုတွေကို လုပ်ဆောင်နေတယ်လို့ ထိုင်ဝမ်က စွပ်စွဲထားပါတယ်။
ထောင်ဒဏ်ချခံလိုက်ရသူလေးယောက်ဟာ တရုတ်နိုင်ငံအတွက် သူလျှိုလုပ်ကာ နိုင်ငံတော်လျှို့ဝှက်ချက်တွေ ပေါက်ကြားမှု၊ ခွဲခြားသတ်မှတ်ထားတဲ့ အမျိုးသားလုံခြုံရေး သတင်းအချက်အလက်ကာကွယ်ရေးဥပဒေ ဖောက်ဖျက်ကျူးလွန်ကြောင်း တိုင်ပေခရိုင်တရားရုံးက ကြေညာချက်ထုတ်ပြန်ခဲ့ပါတယ်။
“သူတို့က သူလျှိုလုပ်၊ စုဆောင်း၊ ပေါက်ကြားပြီး ပေးပို့တဲ့ အချက်အလက်တွေဟာ အရေးကြီးတဲ့ သံတမန်ရေးဆိုင်ရာ ထောက်လှမ်းမှု ပါ၀င်နေတာကြောင့် ကျွန်တော်တို့နိုင်ငံရဲ့ ခက်ခဲတဲ့ သံတမန်ရေးရာ အခြေအနေတွေကို ပိုဆိုးသွားစေပါတယ်” ဟု တရားရုံးက ဆိုပါတယ်။
ဒါဟာ နိုင်ငံရဲ့ သံတမန်လုံခြုံရေးကို အန္တရာယ်ဖြစ်စေပြီး အလွန်စက်ဆုတ်ဖွယ်ကောင်းတဲ့ ကိစ္စဖြစ်ပြီး နိုင်ငံခြားရေး ၀န်ကြီးကဲ့သို့သော အဆင့်မြင့်အရာရှိတွေရဲ့ ခရီးစဉ်တွေကို မျှဝေခြင်းတွေလည်းလုပ်ဆောင်ခဲ့တယ်လို့ ပြောပါတယ်။
ဆယ်နှစ် အပြင်းထန်ဆုံး ပြစ်ဒဏ်မှာ ထိုင်ပေမြို့ ကောင်စီဝင်တယောက်ဆီမှာ ယခင်က အလုပ်လုပ်ခဲ့ဖူးတဲ့ Huang Chu-jung အတွက် ဖြစ်ပါတယ်။ သူဟာ ယခင်က နိုင်ငံခြားရေးဝန်ကြီး Joseph Wu ရဲ့ လက်ထောက် Ho Jen-chieh ထံမှ ရရှိခဲ့တဲ့ လျှို့ဝှက်အချက်အလက်တွေကို ကုဒ်ဝှက်ထားသောဆော့ဖ်ဝဲကိုအသုံးပြုပြီး တရုတ်အေးဂျင့်တွေကို ပေးပို့ခဲ့တယ်လို့ တရားရုံးက ပြောပါတယ်။
Ho Jen-chieh ကိုတော့ ထောင်ဒဏ် ရှစ်နှစ်နဲ့ နှစ်လ ချမှတ်ခဲ့ပါတယ်။ ကျန်နှစ်ယောက်ကတော့ Chiu Shih-yuan နဲ့ Huang တို့ဖြစ်ပြီး ထောင်ဒဏ် ခြောက်နှစ်နဲ့ နှစ်လ၊ သမ္မတရုံးဝန်ထမ်းဟောင်း Wu Shang-yu တော့ ထောင်ဒဏ်လေးနှစ် ချမှတ်ခံခဲ့ရပါတယ်။
တရုတ်နဲ့ ထိုင်ဝမ်တို့ဟာ အချင်းချင်း ထောက်လှမ်းနေတာ ဆယ်စုနှစ်များစွာကြာနေပြီဖြစ်ပေမယ့် ထိုင်ဝမ်အတွက် ခြိမ်းခြောက်မှုဟာ တရုတ်ကျူးကျော်မှုဖြစ်နိုင်ခြေ ပိုများတယ်လို့ ကျွမ်းကျင်သူတွေက ပြောပါတယ်။
ထိုင်ဝမ်အမျိုးသားလုံခြုံရေးဗျူရိုကတော့ ယမန်နှစ်က တရုတ်သူလျှိုလုပ်မှုအတွက် တရားစွဲခံရသူ ၆၄ ယောက်ရှိပြီး ထောင်ဒဏ်အနှစ် ၂၀ အထိ ချမှတ်ခံရနိုင်ကြောင်း ပြောပါတယ်။

#ယနေ့ထုတ်သတင်းစာ_နိုင်ငံတကာသတင်း
◼ ငြိမ်းချမ်းရေးနိုဘယ်ဆုရလိုပါက ဂါဇာစစ်ပွဲကို ဒေါ်နယ်ထရန့် အဆုံးသတ်ပေးရန်လို
အမေရိကန်သမ္မတ ဒေါ်နယ်ထရန့်အနေဖြင့် ငြိမ်းချမ်းရေးနိုဘယ်ဆု ရယူလိုပါက ဂါဇာစစ်ပွဲကိုအဆုံးသတ်ပေးရန်လိုကြောင်း ပြင်သစ်သမ္မတ အီမန်နျူရယ်မက်ခရွန်က စက်တင်ဘာ ၂၃ ရက်တွင် ထုတ်ဖော်ပြောကြားလိုက်သည်။
ဂါဇာစစ်ပွဲကို အဆုံးသတ်ပေးရေးအတွက် အစ္စရေးနိုင်ငံကို ဖိအားပေးနိုင်သောသူမှာ အမေရိကန်သမ္မတ ဒေါ်နယ်ထရန့် တစ်ဦးတည်းသာရှိကြောင်း ပြင်သစ်အခြေစိုက်ရုပ်သံဌာနတစ်ခုနှင့်ပြု လုပ်ခဲ့သော တွေ့ဆုံမေးမြန်းခန်း၌ သမ္မတမက်ခရွန်က ထုတ်ဖော်ပြောကြားခဲ့သည်။
သမ္မတဒေါ်နယ်ထရန့်အနေဖြင့် ယခုနှစ်ငြိမ်းချမ်းရေး နိုဘယ်ဆုကိုရယူလိုပါက ဂါဇာစစ်ပွဲကိုအဆုံးသတ်ပေးနိုင်မှသာလျှင် ရယူနိုင်လိမ့်မည်ဖြစ်ကြောင်း သမ္မတမက်ခရွန်ကသုံးသပ်ထားသည်။
ကမ္ဘောဒီးယား၊ အစ္စရေးနှင့်ပါကစ္စတန်ကဲ့သို့ နိုင်ငံများသည် အမေရိကန်သမ္မတဒေါ်နယ်ထရန့် ကိုယခုနှစ်ငြိမ်းချမ်းရေး နိုဘယ်ဆုရှင်အဖြစ် အမည်စာရင်းတင်သွင်းထားသည်။
၎င်းအနေဖြင့် ယခုနှစ်ငြိမ်းချမ်းရေးနိုဘယ်ဆုဖြင့် ထိုက်တန်သူဖြစ်ကြောင်း သမ္မတဒေါ်နယ်ထရန့်ကိုယ်တိုင်ကလည်း ပြောကြားထားသည်။
ကုလသမဂ္ဂအထွေထွေညီလာခံ၌ စက်တင်ဘာ ၂၃ ရက်က မိန့်ခွန်းပြောကြားရာတွင် ဂါဇာစစ်ပွဲကို အမြန်ဆုံးအဆုံးသတ်နိုင်ရေးအတွက် ကြိုးပမ်းရမည်ဖြစ်ကြောင်း သမ္မတဒေါ်နယ်ထရန့်က ပြောကြားခဲ့သော်လည်း ပါလက်စတိုင်းကို လွတ်လပ်သည့်နိုင်ငံအဖြစ် အနောက်အုပ်စုမဟာမိတ်များက အသိအမှတ်ပြုလာမှုကို ပြင်းပြင်းထန်ထန် ကန့်ကွက်ခဲ့သည်။
အမေရိကန်သမ္မတ ဒေါ်နယ်ထရန့်သည် ကမ္ဘောဒီးယားနှင့် ထိုင်းနယ်စပ် စစ်ရေးပဋိပက္ခအပါအဝင် နိုင်ငံတကာပဋိပက္ခအချို့ ပြီးဆုံးရေးအတွက် ယခုနှစ်အတွင်းကြားဝင်ညှိနှိုင်းပေးခဲ့ ဖူးသည်။
ရိုက်တာ

◼ အလုပ်သမားသမဂ္ဂများ အားကောင်းလာမှုကြောင့် အမေရိကန်စီးပွားရေးနှင့် နိုင်ငံခြားရေးမူဝါဒအပေါ် သက်ရောက်မှုရှိလာ
အလုပ်သမားသမဂ္ဂများ ပြန်လည်အားကောင်းလာမှုကြောင့် အမေရိကန်ပြည်ထောင်စု၏စီးပွားရေးနှင့် နိုင်ငံခြားရေးမူဝါဒတို့အပေါ် အကျိုးသက်ရောက်မှုများရှိလာနိုင်ကြောင်း အမေရိကန်ပြည်ပဆက်ဆံ ရေးကောင်စီ (စီအက်ဖ်အာရ်) က ထုတ်ပြန်သည့် အစီရင်ခံစာ၌ သုံးသပ်ထားသည်။
၂၀၂၃ ခုနှစ်အတွင်း အမေရိကန်ပြည်ထောင်စုသည် နှစ်ပေါင်းများစွာအတွင်း အပြင်းထန်ဆုံး အလုပ်သမားဆန္ဒပြပွဲများနှင့် ရင်ဆိုင်ခဲ့ရသည်။ အလုပ်သမားသမဂ္ဂများ၌ အဖွဲ့ဝင်အင်အားကာလရှည်ကျဆင်းခဲ့ပြီး လုပ်ခလစာဆိုင်ရာတောင်းဆို ချက်များ ကာလအတန်ကြာ ငြိမ်သက်နေခဲ့ပြီးနောက် ၂၀၂၃ ခုနှစ်မှစ၍ အမေရိကန်ပြည်ထောင်စု၌ အလုပ်သမားသမဂ္ဂများ ပြန်လည်အင်အား ကောင်းလာခဲ့သည်။
ယင်းကဲ့သို့ အလုပ်သမားသမဂ္ဂများ၌လုပ်သားများအားကောင်းလာခြင်းသည် အလုပ်သမားတို့၏ ဩဇာပြန်လည်ဆင်းသက်လာမှု၏ လက္ခဏာဖြစ်ကြောင်း အချို့ပညာရှင်များက သုံးသပ်ထားသည်။
သို့ရာတွင် အလုပ်သမားသမဂ္ဂများဆန္ဒပြလှုပ်ရှားမှုများ မြင့်တက်လာမှုကြောင့် အမေရိကန်ပြည်ထောင်စု၏ ကုန်စည်စီးဆင်းမှု ကွင်းဆက်ခိုင်မာမှု စီးပွားရေးအရ ယှဉ်ပြိုင်နိုင်စွမ်းတို့ ထိခိုက်သွားနိုင်ကြောင်း အချို့စီးပွားပညာရှင်များက သတိပေးထားသည်။ အလားတူ အလုပ်သမားသမဂ္ဂများအား ကောင်းလာမှုသည် အမေရိကန်အစိုးရ၏ နိုင်ငံခြားရေးမူဝါဒအပေါ်တွင်လည်း ပိုမိုဩဇာညောင်းလာနိုင်ကြောင်း ပြည်ပဆက်ဆံရေးကောင်စီအစီရင်ခံစာ၌ ဖော်ပြထားသည်။
လူလတ်တန်းစားအခြေပြု နိုင်ငံခြားရေးမူဝါဒအရ သမ္မတဟောင်းဂျိုးဘိုင်ဒင်သည် ၂၀၂၃ ခုနှစ်အတွင်း ပစ္စဘတ်အခြေစိုက် အမေရိကန်သံမဏိစက်ရုံတစ်ရုံအား ဂျပန်အခြေစိုက် နီပွန်သံမဏိလုပ်ငန်းက ဝယ်ယူရေးအစီအစဉ်ကို အမေရိကန်သံမဏိလုပ်သားများသမဂ္ဂ၏ ကန့်ကွက်မှုကြောင့် ပယ်ဖျက်ပေးခဲ့ရသည်ကို သာဓကအဖြစ်ကျွမ်းကျင်သူများက ထောက်ပြထားသည်။
အလုပ်သမားသမဂ္ဂများ အင်အားကောင်းလာမှုကြောင့် သမ္မတဟောင်း ဂျိုးဘိုင်ဒင်လက်ထက်၌ အလုပ်သမားများကို ဦးစားပေးခဲ့သလို လက်ရှိအမေရိကန်သမ္မတဒေါ်နယ်ထရန့်လက်ထက်တွင်လည်း အလုပ်သမားများကို ဆက်လက်ဦးစားပေးနေဆဲဖြစ်ကြောင်း စီးပွားရေးပညာရှင်များက သုံးသပ်ထားသည်။ အလုပ်သမားသမဂ္ဂများ ကြောင့် အဖွဲ့ဝင်အလုပ်သမားများ အကျိုးကျေးဇူးရှိသော်လည်းစားသုံးသူများ နစ်နာနိုင်ကြောင်း ငြင်းချက် ထုတ်မှုများရှိနေသည့်တိုင် လက်ရှိ အချိန်တွင် အမေရိကန်ပြည်သူများကလည်း အလုပ်သမားများကို မျက်နှာသာ ပိုပေးလာကြောင်း သိရသည်။
ကိုးကား - စီအက်ဖ်အာရ်
ရေး - ကြည်လှ
#နိုင်ငံတကာသတင်း

◼ BKFC လက်ဝှေ့ပြိုင်ပွဲများ ကျင်းပနိုင်ရေး ရိုးရာလက်ဝှေ့လောကသားများ ဆွေးနွေး
BKFC-လက်ဝှေ့ပြိုင်ပွဲများ ကျင်းပရေးနှင့်ပတ်သက်ပြီး ရိုးရာလက်ဝှေ့လောကသားများနှင့် ပြုလုပ်သည့် Seminar အခမ်းအနားကို စက်တင်ဘာ ၂၅ရက် နံနက် ၉နာရီက ရန်ကုန်မြို့ တာမွေ မြို့နယ်ရှိ Sky Star ဟို တယ်တွင် ကျင်းပခဲ့ကြောင်း သိရသည်။
အခမ်းအနားတွင် မြန်မာနိုင်ငံ ရိုးရာလက်ဝှေ့အဖွဲ့ချုပ် ဥက္ကဌ ဒေါက်တာတင်အောင်လွင်က အဖွင့်အမှာစကား ပြောကြားပြီး မြန်မာနိုင်ငံရိုးရာလက်ဝှေ့အဖွဲ့ချုပ်အမှု ဆောင် ဦး၀ဏ္ဏက BKFC အဖွဲ့နှင့် ဆွေးနွေးသဘောတူညီချက်များ ရှင်းလင်းတင်ပြခဲ့သည်။
ယင်းနောက်မြန်မာနိုင်ငံရိုးရာလက်ဝှေ့အဖွဲ့ချုပ် ဒုတိယဥက္ကဌ (နည်းစနစ်)ဦး၀င်းဇင်ဦးက ဖြည့်စွက်ဆွေးနွေးခဲ့ပြီး မြန်မာနိုင်ငံအားကစား မီဒီယာအဖွဲ့ချုပ်၊တိုင်းဒေသကြီးနှင့်ပြည်နယ်ရိုးရာ လက်ဝှေ့ဆပ်ကော်မတီဥက္ကဌများ၊အဖွဲ့ချုပ် ဒိုင်လူကြီးများနှင့် ပြည်နယ်တိုင်းခုံဒိုင်ချုပ်များ၊မှတ်ပုံတင်ကလပ်အသင်းပိုင်ရှင်များနှင့် နည်းပြများ၊လိုင်စင်ရ ပွဲစီစဉ်သူများ၊မြန်မာ့ရိုးရာ လက်ဝှေ့သမားဟောင်းကြီးများ၊ကျွမ်းကျင်ပညာရှင်များနှင့်ရိုးရာလက်ဝှေ့အားကစား ကလောင်ရှင်များ စသည့် တက်ရောက်လာသူများက ဆွေးနွေးခြင်းနှင့်အကြံပြုခြင်းများ တင်ပြခဲ့သည်။
BKFC သည် အမေရိကန်အခြေစိုက် ကိုယ်ခံပညာပြိုင်ပွဲများ ကျင်းပနေသည့် သက်တမ်း ဆယ်နှစ်ရှိ အဖွဲ့ချုပ်ဖြစ်ပြီး ယခင်က အင်္ဂလိပ်ဘောက်ဆင်ကို အခြေခံ၍ ပြိုင်ပွဲများကျင်းပခဲ့ကြောင်းသိရသည်။
သို့သော်ပိုမိုအောင်မြင်မှုရရှိစေရန် မြန်မာ့ရိုးရာ လက်ဝှေ့အဖွဲ့ချုပ်နှင့်ပူးပေါင်း၍ BKFC ပြိုင်ပွဲများကျင်းပရန် ဆွေးနွေးလျက်ရှိကြောင်းသိရသည်။
ဓာတ်ပုံ-ရိုးရာလက်ဝှေ့အဖွဲ့ချုပ်
#ယနေ့ထုတ်သတင်းစာ_သတင်း

◼ စရပူရီပြည်နယ်တွင် ကားတစ်စီးပေါ်၌ ပုန်းအောင်း လိုက်ပါလာသည့် မြန်မာနိုင်ငံသားရှစ်ဦး ဖမ်းဆီးခံရ
ထိုင်းနိုင်ငံ စရပူရီပြည်နယ်တွင် စက်တင်ဘာ ၂၅ရက်က ကားတစ်စီးပေါ်၌လိုက်ပါလာသည့် တရားမ၀င် ၀င်ရောက်လာသော မြန်မာ နိုင်ငံသားရှစ်ဦးကို ဖမ်းဆီးရမိခဲ့ကြောင်းထိုင်းအဝေးပြေးလမ်းမရဲတပ်ဖွဲ့၏ထုတ်ပြန်ချက်အရသိရသည်။
စရပူရီအဝေးပြေးလမ်းမရဲတပ်ဖွဲ့သည် ရာဇ၀တ်မှုများကိုတိုက်ဖျက်ရန် စစ်ဆေးရေးဂိတ်တစ်ခုဖွင့်လှစ်ခဲ့ပြီး သံသယဖြစ်ဖွယ် ကားတစ်စီးကိုရှာဖွေစဉ်အတွင်း ပတ်စ်ပို့နှင့် ခရီးသွားလာခွင့်ဆိုင်ရာ စာရွက်စာတမ်းများ မပါရှိသည့်မြန်မာအလုပ်သမားရှစ်ဦးအား ပြွတ်သိပ်စီးနင်းလိုက်ပါလာသည်ကိုတွေ့ရှိခဲ့ကြောင်းသိရသည်။
ကားမောင်းသူအားစစ်ဆေးရာ အမည်မသိ ထိုင်းအမျိုးသားတစ်ဦးက အက်ပလီကေးရှင်းတစ်ခုမှ စ်ဆင့်ဆက်သွယ်ခဲ့ပြီး နခွန်ဆ၀မ် ပြည်နယ်မှမြန်မာ အလုပ်သမားရှစ်ဦးကိုသွားရောက်ခေါ်ဆောင်ရန်ပြောဆိုခဲ့ပြီး တစ်ဦးလျှင် ဘတ် ၁၀၀၀ ရရှိခဲ့သည်ဟု ၀န်ခံခဲ့ကြောင်းသိရသည်။
၎င်းတို့အားလုံးကိုထိန်းသိမ်းထားပြီး ဥပဒေအရဆက်လက်အရေးယူသွားမည်ဖြစ်ကြောင်း အဝေးပြေးလမ်းမရဲတပ်ဖွဲ့၏ ထုတ်ပြန်ချက်အရသိရသည်။
ဓာတ်ပုံ- ထိုင်းအဝေးပြေးလမ်းမရဲတပ်ဖွဲ့
#ယနေ့ထုတ်သတင်းစာ_သတင်း

မင်္ဂလာနံနက်ခင်းလေးပါ
ကျန်းမာခြင်း✨
ချမ်းသာကြွယ်ဝခြင်း ✨
ပျော်ရွှင်ခြင်း ✨
ချစ်သူခင်သူပေါများခြင်း✨
စိတ်နှလုံးချမ်းမြေ့ခြင်း ✨
ကြံစဉ်သမျှအောင်မြင်ခြင်း ✨
အလှူရေစက်လက်နှင့်မကွာ လှူတန်းနိုင်ခြင်း✨
လာဘ်လာဘကြွယ်ဝခြင်း
ဘေးအန္တရာယ် ကင်းခြင်း
အားလုံး ပြည့်စုံကြပါစေ
🙏🙏🙏🙏🙏

မြန်မာနိုင်ငံသားများ အောက်တိုဘာလ ၁ ရက်နေ့မှစတင်၍ ဗီဇာမလိုဘဲ မလေးရှားနိုင်ငံသို့ ၁၄ ရက်သွားရောက်လည်ပတ်ခွင့်ပြု
ရန်ကုန်၊ စက်တင်ဘာ ၂၆
အာဆီယံအဖွဲ့ဝင် မလေးရှားနိုင်ငံက မြန်မာနိုင်ငံသားများကို ဗီဇာမလိုဘဲ မလေးရှားနိုင်ငံသို့ ၁၄ ရက်သွားရောက်လည်ပတ်ခွင့်ပြုလိုက်ကြောင်း ရန်ကုန်အခြေစိုက် မလေးရှားသံရုံးက တရားဝင် သတင်းထုတ်ပြန် ကြေညာသည်။
လာမည့် အောက်တိုဘာလ ၁ ရက်နေ့မှစတင်၍ မြန်မာနိုင်ငံသားနိုင်ငံကူးလက်မှတ်ကိုင်ဆောင်ထားသူများအနေဖြင့် မလေးရှားနိုင်ငံသို့ ကာလတို လည်ပတ်မှုအတွက် ဗီဇာကင်းလွတ်ခွင့်ပြုလိုက်ကြောင်း၊ အဆိုပါ ဗီဇာကင်းလွတ်ခွင့်တွင် မလေးရှားနိုင်ငံအတွင်း ရက်ပေါင်း ၁၄ ရက်နေထိုင်နိုင်ကြောင်း မလေးရှားသံရုံးက ဆိုသည်။
သို့ရာတွင် ဗီဇာကင်းလွတ် အစီအစဉ်သည် မလေးရှားနိုင်ငံအတွင်းသို့ သေချာပေါက် ဝင်ရောက်ခွင့် ရရှိမည်ဟု အာမခံခြင်းမဟုတ်ဘဲ မလေးရှားလူဝင်မှုကြီးကြပ်ရေးအရာရှိ၏ သဘောတူညီ ခွင့်ပြုချက်ပေါ် မူတည်နေကြောင်း သိရှိရသည်။
"အသွားအပြန် လေယာဉ်လက်မှတ်၊ ဟိုတယ်ဘိုကင်၊ Show Money ၊ မလေးရှားကို လာရောက်တဲ့ အကြောင်းအရာစတာတွေကို သေသေချာချသာ စိစစ်မယ့် အခြေအနေရှိပါတယ်။ မြန်မာနိုင်ငံသားတိုင်း ဗီဇာမလိုဘူးဆိုပေမယ့် သူတို့ဘက်ကတော့ သေချာကို စိစစ်မှာက သေချာပါတယ်။ တကယ်သွားလာမယ့်သူတွေကတော့ ခုနက ပြောတဲ့ လိုအပ်ချက်တွေကို သေချာ ပြင်ဆင်ပြီး သွားသင့်ပါတယ်" ဟု ရန်ကုန်အခြေစိုက် မလေးရှား၊ ထိုင်းနှင့် စင်ကာပူနိုင်ငံသို့ ခရီးသွားဝန်ဆောင်မှုပေးနေသော ခရီးသွား Tour ကုမ္ပဏီတစ်ခုက သုံးသပ်ပြောဆိုသည်။
မလေးရှားနိုင်ငံသည် လုပ်ခလစာ မြင့်မားခြင်းကြောင့် မြန်မာနိုင်ငံသားများ တရားဝင်နှင့် တရားမဝင်ပါ လမ်းကြောင်းအမျိုးမျိုးဖြင့် သွားရောက် အလုပ်လုပ်ကိုင်နေကြသော နိုင်ငံတစ်ခုလည်းဖြစ်သည်။

ရတနာကမ်းလွန် သဘာဝဓာတ်ငွေ့ပိုက်လိုင်းမှ Compressor များ အရေးပေါ်ရပ်တန့်သွားသဖြင့် ရန်ကုန်တိုင်းအတွင်းရှိ စက်မှုဇုန်များနှင့် မြို့နယ်၊ နေရာအချို့ ယာယီဓာတ်အား ပြတ်တောက်မည် +++++

ဘယ်မှာပဲနေနေ
ရတနာသုံးပါး မမေ့အောင်နေပါ ။
ဘယ်အချိန်ရောက်ရောက်
စိတ်မဖောက်အောင်နေထိုင်ပါ ။
ဘယ်ကိုပဲ သွားသွား
အမှားမကျန်ခဲ့အောင်ကြိုးစားပါ ။
ဘာအလုပ်ပဲ လုပ်ပေးလုပ်ပေး
အကျိုးလိုလားတဲ့ စိတ်နဲ့လုပ်ပေးပါ ။
ဘယ်သူနဲ့ပဲ ပြောပြော
ဒေါနဲ့မောနဲ့ လုံး၀မပြောပါနဲ့ ။
ဘယ်ဌာနမှာပဲ၀င်၀င်
အတ္တကိုတော့ ရှေ့တန်းမတင်ပါနဲ့ ။
ဘယ်လောက်ပဲရှုံးရှုံး
အပြုံးကတော့ မပျက်ပါစေနဲ့ ။
ဘယ်သူပဲ ကျန်ရစ် ကျန်ရစ်
ကိုယ့်တရားအဖော် မချန်ရစ်ခဲ့ပါနဲ့ ။
ဘယ်သူနဲ့ သူစိမ်းဖြစ်ဖြစ်
ကိုယ့်ကုသိုလ်နဲ့ သူစိမ်းမဖြစ်ပါနဲ့ ။
သာရ ဂ ဝေ သီ
🙏🙏🙏