#ယနေ့ထုတ်သတင်းစာ_နိုင်ငံတကာသတင်း
◼ မြဝတီဘက်ခြမ်း အွန်လိုင်းလိမ်လည်မှုလုပ်ငန်းများ၌ လူပေါင်း တစ်သိန်းကျော် အလုပ်လုပ်နေကြဆဲဖြစ်
ထိုင်း-မြန်မာ နယ်စပ်တစ်လျှောက် လုပ်ငန်းလည်ပတ်နေဆဲဖြစ်သော အွန်လိုင်းလိမ်လည်မှုလုပ်ငန်းများ၌ လူပေါင်းတစ်သိန်းကျော် အလုပ်လုပ်နေကြဆဲဖြစ်ကြောင်းထိုင်းရဲတပ်ဖွဲ့က မတ် ၁၈ ရက်တွင် ထုတ်ဖော်ပြောကြားလိုက်သည်။
ပြန်လည်လွတ်မြောက်လာသူများထံမှ ရရှိသည့်သတင်းအချက် အလက်များအရ မြန်မာနိုင်ငံ မြဝတီဘက်ရှိအွန်လိုင်းလိမ်လည်မှု လုပ်ငန်းများ၌ လူပေါင်းတစ်သိန်းကျော်အထိအလုပ်လုပ်နေကြဆဲ ဖြစ်ကြောင်း ထိုင်းအမျိုးသားရဲတပ်ဖွဲ့ ရဲချုပ်သက်ချိုင်က မီဒီယာများသို့ ထုတ်ဖော်ပြောကြားထားသည်။
ထိုင်းနိုင်ငံ၊ တရုတ်နိုင်ငံနှင့် မြန်မာနိုင်ငံတို့အနေဖြင့် အွန်လိုင်း လိမ်လည်မှုလုပ်ငန်းများကို နှိမ်နင်းနေသည့်တိုင် မြန်မာဘက်ခြမ်း မြဝတီမြို့ရှိအွန်လိုင်းလိမ်လည်ရေး လုပ်ငန်းများအပေါ်အကျိုးသက်ရောက်မှု နည်းပါးနေဆဲဖြစ်ကြောင်း ထိုင်းရဲချုပ် သက်ချိုင်က ပြောကြားထားသည်။
ထိုင်းရဲတပ်ဖွဲ့ နှင့် တရုတ်တာဝန်ရှိသူများရရှိထားသော သတင်းအချက်အလက်များအရမြဝတီဘက်ခြမ်း၌ အွန်လိုင်းရာဇဝတ်မှုကျူးလွန်သူ အနည်းဆုံး ၃၇ဝဝ ခန့်တို့ကလုပ်ငန်းများ ဆက်လက်လည်ပတ်နေဆဲဖြစ်ကြောင်း သိရသည်။
ယင်းအပြင်မြဝတီဘက်ရှိ အွန်လိုင်းလိမ်လည်မှုလုပ်ငန်းများ၌လူပေါင်း ငါးသောင်းမှတစ်သိန်းအထိကျန်ရှိနေဆဲဖြစ်ကြောင်း ထိုင်းရဲချုပ်သက်ချိုင်က ပြောကြားထားသည်။
ယခုနှစ် ဖေဖော်ဝါရီလမှစ၍ ထိုင်း၊ မြန်မာနှင့် တရုတ်တာဝန်ရှိသူ များသည် မြဝတီနှင့်မြဝတီဝန်းကျင်ရှိ အွန်လိုင်းလိမ်လည်မှုလုပ်ငန်းများမှ လူပေါင်း ၅၂ဝဝ ကျော်ကို ခေါ်ထုတ်နိုင်ခဲ့ပြီး ၃၅ဝဝ ကျော်ကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ပို့ဆောင်ပေးခဲ့ပြီးဖြစ်ကြောင်း ထိုင်းရဲချုပ် သက်ချိုင်ကပြောကြားထားသည်။
ဗန်ကောက်ပို့စ်

ပိန္နဲသီးဟင်း ♡
❀ ❀ ❀
ပိန္နဲသီးနုနုကိုကြော်စားချက်စားသုပ်စားပုံစံအမျိုးမျိုးလုပ်စားလေ့ရှိကြပါတယ်။ သိပြီးသားလည်းရှိသလိုမသိသေးသူများအတွက်ချက်နည်းလေးမျှဝေပေးလိုက်ပါတယ်။
ပါဝင်ပစ္စည်း
*********
ပိန္နဲသီးနုနု - တလုံး
ကြက်သွန်နီ - တစ်လုံး
ခရမ်းချဉ်သီး - တစ်လုံး
ဂျင်းကြက်သွန်ဖြူ - တစ်ဇွန်း
ဆူးပုတ်ရွက် - နှစ်စည်း
နနွင်း - အနည်းငယ်
ဆား - လိုသလောက်
ဟင်းခပ်မှုန့် -တစ်ဇွန်း
ဆီ - အနည်းငယ်
ရှမ်းပဲပုတ်ထောင်း - ၂ဇွန်း
ပြင်ဆင်ချက်ပြုတ်ပုံ
*************
1.ဦးစွာပိန္နဲသီးနုနုကိုအခွံခွာပြီးအကွင်းလိုက်လှီးကာရေဆူတွင်ဆားအနည်းငယ်ထည့်ပြီးပြုတ်ပါ။အစေးဓာတ်ကုန်သည်ထိနှစ်ရေသုံးရေလဲပြီးပြုတ်ပါ။ပြီးလျှင်ဆယ်ယူရေစစ်ထားပါ။
2.ရေစစ်ပြီးပါကအလည်အူတိုင်ဖယ်ထုတ်ပြီးလိုသလိုအတုံးငယ်များလှီးဖြတ်ထားပါ(အချို့ဒေသများတွင်ပြုတ်ပြီးသားဝယ်ယူရရှိနိုင်ပါသည်။အစိမ်းဖြင့်လည်းချက်နိုင်ပါတယ်)
3.အိုးတခုတွင်ဆီအနည်းငယ်ထည့်ပြီးကြက်သွန်ဆီသပ်ပါ။
အရောင်ရပါကနနွင်းကြက်သွန်ဖြူဂျင်းထောင်းထည့်ပါ။
4.ဆီသပ်နံ့မွေးလာပါကလှီးပြီးသားပိန္နဲသီးကိုထည့်ပြီးဆားဟင်းခပ်မှုန့်ထည့်ပြီးတည်ပါရေအနည်းငယ်ဆီထည့်ပြီးမွေပေးပါ။
(၅)ပိန္နဲသီးအတော်နူးအိပါကခရမ်းချဉ်သီးထည့်ပါ။ဆူးပုတ်ရွက်ခပ်ပြီးမီးဖိုမှချပြီးတည်ခင်းနိုင်ပါပြီ။ရှမ်းပဲပုတ်ထည့့်လိုကထည့်ပါ (ဆူးပုတ်အရသာသီးသန့်ချက်လို၍မထည့့်ထားပါ)။အစပ်စားလိုပါကငရုပ်သီးစိမ်းထည့်ပါ။ မိမိနှစ်သက်ရာအသားဖြင့်လည်းတွဲချက်နိုင်ပါတယ်

#crd

အသည်းကွဲရက်ရာဇာ / Cover Pya

Radio || G Fatt // Wink

ကြုံရင်ပြောပေးကြပါ-Big Bag

မြစ်တို့၏မာယာ - ဂျူး
" ကိုယ် မထိန်းချုပ်နိုင်ဘူးဆိုတာကို
အချိန်လွန်မှ သိခဲ့ရတဲ့ အမှားပဲ "
ကိုယ့်ကိုယ်ကိုယ် ထိန်းချုပ်နိုင်ပြီထင်ပေမဲ့
မရမှန်းသိတိုင်း အမှတ်ရနေမိတဲ့ ဇာတ်ကောင်ဟာ မိုးဝေ တဲ့ ။
ပုဂံမြေမှာ စတင်ဖြစ်ပွားခဲ့တဲ့ ရေစက်ကလေးတစ်ခု ။ ကျောက်စာချပ်တွေ ရှေးဟောင်းဘုရားတွေကြားမှာ ရင်းနှီးခဲ့ရတဲ့ လူနှစ်ယောက် ။
မျက်မှန်ထူထူတပ်ထားပြီး ဆေးလိပ်အရမ်းသောက်တဲ့ တိုးရစ်ဂိုက် မိုးဝေ နဲ့ မန္တလေးတက္ကသိုလ်က မြန်မာစာနည်းပြဆရာမလေး
ကေသီ ။
ပုဂံရဲ့ ရှေးဟောင်းကျောက်စာချပ်တွေကြားမှာ
နံရံဆေးရေးပန်းချီတွေ ကြည့်ကြတဲ့အခါမှာ
ရှေးသမိုင်းတွေ ပြောကြရင်း တစ်စတစ်စ
ပွားခဲ့တဲ့ သံယောဇဉ်ကြိုးမျှင်လေး ။
တကယ်တော့ ကေသီမှာ လူကြီးချင်းသဘောတူ
စေ့စပ်ထားတဲ့ ဦးရန်နိုင်ဆိုတဲ့ ဆရာတစ်ယောက်ရှိတယ် ။ ကေသီရဲ့ စာတမ်းတင်ပြီးမှ လက်ထပ်ယူကြဖို့ လုပ်ထားတဲ့သူပေါ့ ။
ဒါပေမဲ့ ပုဂံမှာ ဆုံစည်းခဲ့ရတဲ့ မိုးဝေ ဆိုတဲ့
တိုးရစ်ဂိုက်လေးနဲ့ တွေ့ပြီးမှ ကေသီဟာ
ချစ်တတ်လာခဲ့တော့တယ် ။
သူမ ချစ်မိသူဟာ မိုးဝေ ။
တကယ်တော့ ကေသီကို အစက သိပ်ပြီး
အမြင်မကြည့်ခဲ့ဘူး ။ စာအုပ်ကို နှစ်ခါမြောက်ဖတ်ပြီးချိန်မှပဲ နားလည် သနားသွားခဲ့ရတာ ။
ကေသီဟာ ဖောက်ပြန်တာ မဟုတ်ဘူး ။
ရွေးချယ်လို့ မရခဲ့တာဆိုတာကိုလေ ။
ပုဂံမှာ လေးရက်တာ ဆုံခဲ့တဲ့ မိုးဝေ နဲ့ ကေသီ ။
တစ်ယောက်လိပ်စာ တစ်ယောက်မသိ ။
ကဲ သူတို့ဘယ်လိုဆက်ဖြစ်မှာလဲ ။
" မောင်ဟာ ကျွန်မကို ချစ်ကိုချစ်လာစေရမယ်
မောင့်ကို ကျွန်မ ရအောင်ယူမယ် "
ကိုယ်ချစ်ရတဲ့သူဟာ ကိုယ့်ကိုပြန်ချစ် မချစ်
သိရအောင် ကေသီဟာ ရန်ကုန်ကို လိုက်လာပြီး
မိုးဝေကို ရှာပါတော့တယ် ။ တိုးရစ်လုပ်တယ်
ဆိုတဲ့ဟာလေးတစ်ခုနဲ့ ရန်ကုန်မြို့ကြီးမှာ
ကေသီဟာ မိုးဝေကို ရှာခဲ့ပါတယ် ။
မိုးဝေဟာလည်း ကေသီကို ချစ်နေခဲ့လား ။
အချိန်တစ်လ အတွင်းမှာ တစ်ယောက်နဲ့
တစ်ယောက် ချစ်မိနေကြတာကို သိအောင်
ပြောပြခွင့် ရနိုင်ပါ့မလား ။
တသသနဲ့ မေ့မရတော့မဲ့ ကေသီ နဲ့ မိုးဝေ ။
အချစ်နဲ့ ပတ်သက်လို့ အသနားရဆုံး ဇာတ်ကောင်ဟာ မိုးဝေပါပဲ ။
မိုးဝေသာ သူ့စိတ်ကို အကြာကြီး မထိန်းချုပ်ခဲ့ရင်
ကေသီသာ ဆုံးဖြတ်ချက်တွေ မမြန်ခဲ့ရင်
" ကိုယ်တို့ နှစ်ယောက်ဟာ တစ်ယောက်ကို
တစ်ယောက် အပြစ်ပေးဖို့သက်သက်
တွေ့ခဲ့ကြတာပဲ "

ရန်ကုန်မြို့လမ်းကြားတစ်ခုမှ ဂျစ်ကားတစ်စီးကို ပိုက်ထိုး၍ရေဝိုင်းပက်နေကြပုံ(1962)
Date created - July 9, 1962. Collected by Bettmann.
(Source: Getty images) #rangoon #burma #thingyan #jeep #water_hose #water_festival #burmese #colorized
#crd

ဒီနှစ်ရဲ့ Mythic Skin အတွက် Voting လေးပေးလို့ရနေပါပြီ ❤

အက်မင်ကတော့ Kimmy Fav ဆိုတော့ Kimmy Vote မှာပါ 👻

အချစ်၏ ငွေရောင်ဆံညှပ်လေး
ဖြစ်ချင်သောစိတ်အား ကဲ့ရဲ့ရှုတ်ချသူများကို
ကျွန်တော် မုန်းပါသည်။ အချစ်၏
အပြာရောင်လွယ်အိတ်လေး ဖြစ်ချင်သော
စိတ်အား ကန့်ကွက်ခြေထိုးကြသူများကို
ကျွန်တော် ရွံရှာမိပါသည်။ အချစ်၏
ကတ္တီပါဖိနပ်လေး ဖြစ်ချင်သောစိတ်အား
လှောင်ပြောင်သရော်ကြသူများကို
ကျွန်တော် စက်ဆုပ်မိပါသည်။
ဒေါင်းတစ်တွန် စွန်တစ်ဝဲ ဝေးနေရသည်ကိုပင်
အချစ်က မလိုလားပါ။ ကဗျာတစ်ပါဒမျှ
အလှမ်းဝေးရုံလေး ဝေးနေရသည်ကိုလည်း
အချစ်က မပျော်ပိုက်နိုင်ပါ။
ထိကရုံးပင်လေးများ တစ်ခါအိပ်သွားပြီး
ပြန်နိုးလာ ကြသည့်အချိန်မျှပင်
ခွဲခွာ၍မနေချင်ပါ။ စောင်းသမား၏
တစ်ဘွဲ့တစ်ကြိုးလောက်ဝေးနေရလျှင်တော့
အခက်ကြီး ခက်ရပါလိမ့်မည်။
သက်တံတစ်ခုံးတစ်ဝန်းမျှ ဝေးရဖို့ကိုတော့ဖြင့်
အတွေးမှာပင် မတွေးဝံ့ မတွေးတတ်တော့ပါ။
တစ်ခြမ်းတစ်ဖဲ့ဖြစ်ဖြစ်
စေတနာသဒ္ဓါသလောက် စွန့်ကြဲဖို့ရန်
တောင်းခံနေရခြင်းမှာ အချစ်ကြောင့်ဖြစ်ပါသည်။ တွယ်တာနိုင်သလောက် ရွေ့လာလှမ်းလာခဲ့
စေချင်ခြင်းမှာအချစ်ကြောင့် ဖြစ်ပါသည်။
ငုလို ပိတောက်လို ခိုင်ရွှေဝါ လို
အခါ ရာသီအလိုက် ပန်းများ မဆုတ်မနစ်
အလှဆုံးပွင့်ဝေခဲ့ကြခြင်းမှာ
အချစ်ကြောင့် ဖြစ်ပါသည်။ ဥတ္တရလေ၊
မုတ်သုံလေ စသည်ဖြင့် အခါရာသီအလိုက်
တိုက်သောလေများ အရပ်ဌာနေ မလွဲမသွေ
မှန်ခဲ့ကြသည်မှာလည်း အချစ်ကြောင့်ပင်
ဖြစ်ပါသည်။ လူသူလေးပါးမရိပ်မိပါဘဲ
ပဲခူးရွှေမော်ဓောဘုရား၏ ကြာသပတေးထောင့်
ပန်းခုံပေါ်တွင် သစ္စာပန်းတချို့ ခဏခဏ
တွေ့နေရခြင်း မှာလည်း အချစ်ကြောင့်ပင်
ဖြစ်ပါသည်။
မြားကာနိမ့်နေသော စစ်မြင်းရထားကို
ဒသဂီရိကြီး အကြောက်အလန့်မရှိ
စီးဖြစ်ခဲ့ခြင်းမှာလည်း အချစ်ကြောင့်သာ
ဖြစ်ပါသည်။ ဒသဂီရိ ကျဆုံးသည့်အခါ
မိုဟန်ဂျိုဒါရိုတောင်တန်းများပေါ်တွင်
မြှုပ်နှံသင်္ဂြိုဟ်လိုက်ကြသည်။
မြားဒဏ်သင့်၍ သေဆုံးခဲ့သည်ဆိုသော်လည်း
မည်သူ၏ မြားချက်ဖြင့် သေဆုံးသွားရကြောင်းကို
ဒီကနေ့အထိ ကျွန်တော် ဇဝေဇဝါ ဖြစ်နေမိသည်။
“ညှို့မျက်ဝန်း””

လေယာဉ်အင်ဂျင်မှာ ဘာကြောင့် နစ်ကယ်အလွိုင်းသတ္တုကိုသုံးရတာလဲ။
လေယာဉ်အင်ဂျင်တွေဟာ မြင့်မားတဲ့အပူချိန်၊ ပြင်းထန်တဲ့ဖိအားတွေ၊ စက်ပိုင်းဆိုင်ရာ ဒဏ်တွေကို အခံရဆုံးဖြစ်ပါတယ်။
ဒါတွေကိုခံနိုင်ရည်ရှိဖို့ အင်ဂျင်တွေမှာ နစ်ကယ်အလွိုင်းသတ္တုကို သုံးပါတယ်။
ဒီသတ္တုဟာ သဘာဝပါတ်ဝန်းကျင်ကိုထိခိုက်မှုနည်းတဲ့အပြင် ယုံကြည်စိတ်ချစွာသုံးစွဲနိုင်ပါတယ်။
သူ့ရဲ့ကောင်းကွက်တွေကတော့ အောက်ပါအတိုင်း ဖြစ်ပါတယ်။
အပူချိန် ၁၀၀၀ ဒီဂရီစင်တီဂရိတ်အထိ ခံနိုင်ရည်ရှိတာကြောင့် အင်ဂျင်ရဲ့ combustion chamber လိုနေရာမှာ သုံးလို့ကောင်းပါတယ်။
သံချေးတက်တာလို oxidation မဖြစ်ပါဘူး။
ဒါကြောင့် အမြင့်ပေများစွာမှာဆိုးရွားတဲ့ရာသီဥတုကိုလဲ ခံနိုင်ရည်ရှိပါတယ်။
သတ္တုဟာ မာကျောခိုင်ခန့်တဲ့အတွက် စိတ်ချရသလို အပူကြောင့် ကျုံ့ခြင်း၊ပွခြင်း အလွန်နည်းပါတယ်။
ဒါကြောင့် အင်ဂျင်တွေမှာ နစ်ကယ်အလွိုင်းသတ္တုဟာ အကောင်းဆုံး အသုံးပြုနိုင်တဲ့သတ္တုလို့ဆိုရမှာ ဖြစ်ပါကြောင်း။
#လေယာဉ်
#နစ်ကယ်အလွိုင်းသတ္တု
#crd