နည်းပြရာထူးကနေ နုတ်ထွက်ဖို့ မခြိမ်းခြောက်ခဲ့ဘူးလို့ ဂလက်စ်နာ ပြော

စက်တင်ဘာ ၁၃

ခရစ္စတယ်ပဲလေ့စ်အသင်းဟာ အပြောင်းအရွှေ့ နောက်ဆုံးနေ့မှာ အသင်းခေါင်းဆောင် ဂူဟီကို ရောင်းချမယ့် အခြေအနေနဲ့ ပတ်သက်ပြီး ကလပ်အသင်းကနေ ထွက်ခွာဖို့ ဘယ်တုန်းကမှ ခြိမ်းခြောက်ခဲ့ခြင်း မရှိဘူးလို့ နည်းပြ ဂလက်စ်နာက ပြောခဲ့ပါတယ်။

ဂလက်စ်နာက “ဒီအကြောင်းကို ပြောချင်တာ နောက်ဆုံးအကြိမ်လို့ ထင်ပါတယ်။ ကျနော် ကလပ်ကနေ ထွက်ခွာ မယ်လို့ ဘယ်တုန်းကမှ မခြိမ်းခြောက်ခဲ့ပါဘူး။ ဘယ်သူ့ကိုမှ ခြိမ်းခြောက်ဖို့ မလိုပါဘူး။ ကျနော်နဲ့အသင်းဥက္ကဋ္ဌ ကြားမှာလည်း ဆိုးရွားတဲ့ တင်းမာမှုတွေ မရှိပါဘူး။ ဒါဟာ အားကစားနဲ့ပတ်သက်တဲ့ ဆွေးနွေးမှုသာဖြစ်ပြီး သူဟာ ငွေကြေးနဲ့ ခရစ္စတယ်ပဲလေ့စ်ရဲ့အားကစားအမြင်အတွက် ဒါကို ငြင်းပယ်ဖို့ဆုံးဖြတ်ခဲ့ပါတယ်”လို့ ပြောခဲ့တာပါ။

အင်္ဂလန်နောက်ခံလူ ဂူဟီဟာ လီဗာပူးလ်အသင်းထံ ပြောင်းရွှေ့ဖို့ နီးစပ်ခဲ့ပေမယ့် ခရစ္စတယ်ပဲလေ့စ်အသင်းဟာ သူ့ရဲ့နေရာမှာ အစားထိုးဖို့ အဆင်မပြေခဲ့တာကြောင့် ဒီအပြောင်းအရွှေ့ဟာ ပျက်ပြယ်ခဲ့ပါတယ်။

ခရစ္စတယ်ပဲလေ့စ်အသင်းနည်းပြ ဂလက်စ်နာဟာ ဂူဟီကို ထွက်ခွာခွင့်ပေးခဲ့ရင် အသင်းကနေ သူထွက်ခွာမယ် ဆိုပြီး ခြိမ်းခြောက်ခဲ့တယ်လို့ သတင်းတွေ ထွက်ခဲ့ပေမယ့် သူကတော့ ဒါကို ငြင်းခဲ့တာပါ။

ခရစ္စတယ်ပဲလေ့စ်အသင်းဟာ ဂူဟီကို နွေရာသီမှာ မရောင်းချနိုင်ခဲ့တာကြောင့် ရာသီအကုန်မှာ အလွတ်နဲ့ဆုံးရှုံးရ မယ့် အခြေအနေမှာ ရှိနေပါတယ်။

ခရစ္စတယ်ပဲလေ့စ်အသင်းဟာ နွေရာသီ အပြောင်းအရွှေ့ နောက်ဆုံးနေ့မှာ တူးလော့စ်အသင်း ဗဟိုနောက်ခံလူ ကန်ဗော့ကို ၄ နှစ်စာချုပ်နဲ့ ခေါ်ယူခဲ့ပြီး ဂီတာဖေးအသင်း တိုက်စစ်မှူး အူချီကို ရာသီကုန်အထိ အငှားနဲ့ခေါ်ယူ ခဲ့တာပါ။

ခရစ္စတယ်ပဲလေ့စ်အသင်းနည်းပြ ဂလက်စ်နာက ဂူဟီဟာ အလွန်ကောင်းမွန်တဲ့ ကစားသမားဖြစ်သလို ကောင်းမွန်တဲ့ စရိုက်လက္ခဏာရှိပြီး သူအသင်းမှာရှိနေတဲ့ အချိန်အထိ အသင်းခေါင်းဆောင်အဖြစ် ရှိနေမယ်လို့ ပြောခဲ့ပါတယ်။

ဒီရာသီ ပရီးမီးယားလိဂ်ပွဲစဉ် ၃ ပွဲ ကစားအပြီးမှာ ရှုံးပွဲမရှိသေးတဲ့ ခရစ္စတယ်ပဲလေ့စ်အသင်းဟာ စက်တင်ဘာ ၁၃ ရက်မှာ လိဂ်ပွဲစဉ်အဖြစ် ဆန်းဒါးလန်းအသင်းနဲ့ ယှဉ်ပြိုင်ရမှာဖြစ်ပါတယ်။

Source: BBC

ပုံ - ဂူဟီကို တွေ့ရစဉ်

#ဘောလုံးသတင်းစုံ

နီပေါမှာ ပထမဆုံး အမျိုးသမီးဝန်ကြီးချုပ် တက်လာ

စက်တင်ဘာ ၁၃

နီပေါအစိုးရပြုတ်ကျသွားပြီးနောက် တရားလွှတ်တော်ချုပ်တရားသူကြီး ဆူရှီလာ ကာကီက ကြားဖြတ်ဝန်ကြီးချုပ်ဖြစ်လာပါတယ်။

ဆန္ဒပြခေါင်းဆောင်တွေနဲ့ သဘောတူညီမှု ရယူပြီးနောက်မှာ အသက် ၇၃ နှစ်အရွယ် ကာကီဟာ ပထမဆုံးအမျိုးသမီးဝန်ကြီးချုပ်အဖြစ် ကျမ်းသစ္စာကျိန်ဆိုခဲ့ပါတယ်။

အစိုးရက လူမှုမီဒီယာတွေပိတ်ပင်တာလုပ်ပြီးနောက် ဖြစ်ပေါ်လာတဲ့ဆန္ဒပြမှုတွေအတွင်း အဓိကရုဏ်းနှိမ်နင်းရေးရဲတပ်ဖွဲ့နဲ့ ထိပ်တိုက်ဆုံမှုတွေကြောင့် လူ ၅၀ ကျော် သေဆုံးခဲ့ပါတယ်။

ပိတ်ပင်ချက်ကို တနင်္လာနေ့မှာ ရုတ်သိမ်းခဲ့ပေမဲ့ ဆန္ဒပြမှုတွေဟာ အများပြည်သူပါဝင်တဲ့ လှုပ်ရှားမှုအဖြစ် အသွင်ပြောင်းသွားခဲ့ပါတယ်။

အင်္ဂါနေ့မှာ ဒေါသဖြစ်နေတဲ့ လူအုပ်ပြီးဟာ မြို့တော် ခတ္တမန္တူမှာရှိတဲ့ လွှတ်တော်နဲ့ အစိုးရအဆောက်အအုံတွေကို မီးတင်ရှို့ခဲ့ကြပါတယ်။ အကျိုးဆက်အဖြစ် ဝန်ကြီးချုပ် ကေပီ ရှားမား အိုလီ ဦးဆောင်တဲ့ အစိုးရ ပြုတ်ကျခဲ့ပါတယ်။

ဆွေးနွေးမှုတွေ ရက်ဆက်လုပ်ပြီးနောက်မှာ သမ္မတနဲ့ ဆန္ဒပြခေါင်းဆောင်တွေကြား သဘောတူညီမှုရရှိခဲ့ပါတယ်။ ဒီလိုဆွေးနွေးမှုမှာ တရားရေးကျွမ်းကျင်သူတွေလည်း ပါဝင်ခဲ့ပါတယ်။

နီပေါ စစ်ဦးစီးချုပ်က ကြားဝင်စေ့စပ်ပေးတဲ့ ဆွေးနွေးမှုမှာ ရရှိခဲ့တဲ့ အကျိုးဆက်အဖြစ် ကာကီကို ဝန်ကြီးချုပ်ခန့်အပ်ခဲ့တာဖြစ်ပါတယ်။

သောကြာနေ့ နှောင်းပိုင်းမှာ လွှတ်တော်ကို ဖျက်သိမ်းခဲ့ပြီး အထွေထွေရွေးကောက်ပွဲကို နောက်နှစ် မတ် ၅ ရက်မှာ ပြုလုပ်မယ်လို့ ကြေညာခဲ့ပါတယ်။

ကာကီဟာ သူ့ဝန်ကြီးအဖွဲ့ဝင်တွေကို လာမယ့်ရက်ပိုင်းအတွင်း ခန့်အပ်ဖို့ရှိပါတယ်။

ကာကီဟာ အကျင့်ပျက်ခြစားမှုကင်းစင်သူလို့ သတ်မှတ်ခံထားရပြီး ကြားဖြတ်အစိုးရကို ဦးဆောင်ဖို့ Gen Z ကျောင်းသားခေါင်းဆောင်တွေက သူ့ကို ထောက်ခံပေးထားပါတယ်။

ကာကီရဲ့ဝန်ကြီးအဖွဲ့ဟာ ငြိမ်ဝပ်ပိပြားရေး ပြန်ရှိအောင်၊ လွှတ်တော်နဲ့ တခြားအဓိကအဆောက်အအုံတွေပြန်လည်တည်ဆောက်တာ၊ အပြောင်းအလဲလိုချင်တဲ့ ဆန္ဒပြသူတွေ စိတ်တိုင်းကျဖြစ်အောင်၊ သက်တမ်းနုသေးတဲ့ ဒီမိုကရေစီစနစ်နဲ့ ဖွဲ့စည်းပုံ ပျက်သုဉ်းသွားနိုင်တယ်လို့ စိုးရိမ်နေသူတွေ အပူအပန်လျော့အောင် လုပ်တာ စတဲ့ စိန်ခေါ်မှုမျိုးစုံနဲ့ ရင်ဆိုင်ရမှာဖြစ်ပါတယ်။

#centralnewsnaypyitaw

ကျောက်မဲမြို့အနီး နေရာသုံးခုမှာ နလအ ဘက်က ပြင်းပြင်းထန်ထန် တိုက်ခိုက်လာ

စက်တင်ဘာ ၁၃

TNLA ထိန်းချုပ်ထားတဲ့ ကျောက်မဲမြို့ အနီး သုံးနေရာခန့်မှာ စက်နင်ဘာလ ၁၂ ရက်နေ့ညကစ နလအ တပ်ဖွဲ့ဘက်က ဒရုန်း၊ လေကြောင်း၊ လက်နက်ကြီး တွေနဲ့ ပြင်းပြင်း ထန်ထန် တိုက်ခိုက်လာကြောင်း ဒေသခံ တွေဆီက သိရပါတယ်။

"မ‌နေ့ညကတော့ စစ်တပ်ဘက်က ဒရုန်းတွေ၊ လက်နက်ကြီးတွေနဲ့ ကျောက်မဲပတ်ပတ်လည် သုံး နေရာလောက်ကိုတော့ ချနေတာပဲ။ တိုက်ပွဲက မြို့ထဲတော့ မရောက်သေးပါဘူး။ မြို့ အနီး လေး၊ ငါး၊ ခြောက်မိုင် ပတ်ဝန်းကျင်ပေါ့။ အဲမှာပဲ ရောက်သေးတယ်။" လို့ ဒေသခံ အမျိုးသား တယောက်က ပြောပါတယ်။

မနေ့ည တညလုံး Y-12 နဲ့ရော ဒရုန်းနဲ့ရော ဗုံး အလုံး ၇၀၊ ၈၀ ခန့် ချသံကြားရပြီး ကျောက်မဲ အနီး ခိုက်တုန်ဟုန်း၊ ကောင်းမှုလျန်၊ မိုင်းလင်း၊ နမ့်ဆော့ ဘက်တွေ လို့ ယူဆရတယ်လို့ သူက ပြောပါတယ်။

"အခြေအနေကို ခန့်မှန်းကြည့်ရသလောက်ကတော့ သူတို့ ရှေ့တိုးဖို့အတွက် စစ်တပ်ဘက်က လေကြောင်းကနေ လမ်းရှင်းတယ်လို့ တော့ ယူဆရတယ်။ အဲလိုသာဆိုရင်တော့ ဒီနေ့လည်း သူတို့ ချပြီးတော့ ခန့်မှန်း အနည်းဆုံး နှစ်ရက်၊ သုံးရက်၊ အများဆုံး တပတ် ‌လောက်ဆိုရင် ကျောက်မဲကို ဝင်လာမယ်" လို့ ‌သူက ပြောပါတယ်။

လူအင်အား၊ လက်နက် အင်အား မမျှတော့ဘူးလို့ ယူဆရပြီး TNLA တပ်ဖွဲ့ဘက်က ကာကင်းတွေကိုတောင် မကာနိုင်တော့တဲ့ အနေအထား တွေ့ရတယ်လို့ ဆိုပါတယ်။

ယမနေ့က ကြားသလောက် ဆိုရင်တော့ TNLA ပူးပေါင်း တပ်ဖွဲ့ဘက်က ကာကင်း တချို့ သီပေါဘက် ဆုတ်တယ်လို့ ကြားရပေမယ့် သီပေါဘက် ဆုတ်မလား ကျောက်မဲဘက်ဆုတ်မလားဆိုတာ သေချာမသိရဘူးလို့ သူက ပြောပါတယ်။

ကျောက်မဲဘက်ထဲဆုတ်ပြီး ‌ပြန်လည် ခုခံတာမျိုးဆိုရင်တော့ ပြည်သူလူထုပဲ နစ်နာသွားမှာဖြစ်တယ်လို့ ဆိုပါတယ်။

"မနေ့က မနက်ပိုင်း ငြိမ်းချမ်းရေးကုန်းဂိတ်အနီးဘက် ဒရုန်း ဗုံးကြဲခံရတယ်လို့ ကြားတယ်။ မနေ့ မွန်းလွဲပိုင်းမှာက ကောင်းမူးလျန်ရွာဘက် Y-12 ဖြင့် ဗုံးအလုံး ၃၀ ထက်မနည်း လာကြဲချ သံကြားရတယ်။" နောက်ထပ်ဒေသခံ တယောက်က ပြောပါတယ်။

ယမန်နေ့ညပိုင်းက နမ့်စော့ရွာ ဗြုံးကျင်းတောင်ဘက် ဒရုန်းဗုံးကြဲသံကြားရပြီး ဇီးပင်စခန်းရွာဘက်လည်း လေကြောင်းနဲ့ ဗုံးကြဲသွားတဲ့ အပြင် ခိုက်တုန်ဟုန်းဘက်လည်း ဒရုန်းနဲ့ ပြင်းပြင်းထန်ထန် ဗုံးကြဲသံကြားရတယ်လို့ သူက ပြောပါတယ်။

ကျောက်မဲ မြို့တွင်းမှာတော့ စစ်ဘေး မရှောင်နိုင်သေးတဲ့ ဒေသခံတွေ ရှိနေပေမယ့် အများစု စစ်ဘေးရှောင်သွားလို့ မြို့ထဲ လူသွား လူလာ နည်းပါးသွားတယ်လို့ ဆိုပါတယ်။

ပြီးခဲ့တဲ့ ဩဂုတ်လ ၁၈ ရက်နေ့ခန့်ကစ ကျောက်မဲ မြို့နယ်အတွင်း TNLA ပူးပေါင်းတပ်ဖွဲ့နဲ့ နလအ တပ်ဖွဲ့တို့အကြား တိုက်ပွဲ ပြင်းထန်လာတာဖြစ်ပါတယ်။

Credit - VOM News Agency

#သတင်းဟင်းလေးအိုးကြီး

လေ့ကျင့်ရေးကွင်းမှာရရှိခဲ့တဲ့ ပေါင်ကြွက်သားဒဏ်ရာကြောင့် Rüdiger ၃ လခန့်အနားယူရမယ်လို့ ရီးယဲလ်အသင်းအတည်ပြု

Rüdiger မှာ ပြီးခဲ့တဲ့ ဧပြီလအတွင်းကလည်း ဒူးဒဏ်ရာခွဲစိတ်ကုသမှုကြောင့် ၂ လခန့် အနားယူခဲ့ရပါသေးတယ်။

Credit Photo

#sbdsports

❝ကိုဗစ်ကြောင့် ပိတ်ထားတဲ့ 'Safe Food from Safe Farm Market '(စနေ၊ တနင်္ဂနွေဈေး) ပြန်လည်ဖွင့်လှစ်❞

စက်တင်ဘာ ၁၃

ကိုဗစ်ကပ်ရောဂါကြောင့် ယာယီပိတ်ထားလိုက်ရတဲ့ 'Safe Food from Safe Farm Market '(စနေ၊ တနင်္ဂနွေဈေး) ကို ဒီကနေ့ စက်တင်ဘာလ(၁၃)ရက်ကစတင်ပြီး ရန်ကုန်မြို့ရှိ မြေပဒေဿာကျွန်း၊ ကန်တော်ကြီးမှာ ပြန်လည်ဖွင့်လှစ်လိုက်ပြီလို့ သိရပါတယ်။

အဆိုပါ Safe Food from Safe Farm Market ကို မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း (MFVP) က ကြီးမှူးဖွင့်လှစ်တာလို့ ဆိုပါတယ်။

အဲဒီ Safe Food from Safe Farm Market မှာ ဩဂဲနစ်၊ GAP နဲ့ သဘာဝနည်းစနစ်အတိုင်း စိုက်ပျိုးထုတ်လုပ်ထားတဲ့ လတ်လတ် ဆတ်ဆတ် သစ်သီးဝလံတွေ၊ ဟင်းသီးဟင်းရွက်‌‌တွေ၊ ကိုယ်တိုင်စိုက်ပျိုးထုတ်လုပ်သူတွေရဲ့ ဘေးကင်းစိတ်ချရတဲ့ အစားအသောက်ထုတ်ကုန်တွေကို အပတ်စဉ် စနေ၊တနင်္ဂနွေနေ့တိုင်း ရောင်းချပေးသွာမှာဖြစ်တယ်လို့ သိရပါတယ်။

#centralnewsnayqyitaw

❝ထိုင်းနိုင်ငံထဲကို ခိုးဝင်တဲ့ လူမှောင်ခိုလှေမှောက်လို့ မြန်မာ ၃ ဦး သေဆုံး❞

စက်တင်ဘာ ၁၃

ထိုင်းနိုင်ငံထဲကို လှေနဲ့ခိုးဝင်ဖို့ ကြိုးစားခဲ့ရာကနေ အဲဒီ လူမှောင်ခိုလှေတိမ်းမှောက်လို့ လှေပေါ်ပါ မြန်မာနိုင်ငံသား ၃ ဦး သေဆုံးသွားတဲ့ဖြစ်စဥ်တစ်ခု စက်တင်ဘာ ၉ ရက်နေ့က ဖြစ်ပွားခဲ့တယ်လို့ ထိုင်းသတင်းဖော်ပြမှုတွေအရ သိရပါတယ်။

အဲဒီဖြစ်စဥ်က ထိုင်းနိုင်ငံ၊ ကန်ချနပူရီပြည်နယ်၊ ဆန်ခလာဘူရီခရိုင်အတွင်းမှာရှိတဲ့ လောင်ကွန်း (ခေါ်) ကန်ချနပူရီ ဆည်အတွင်းမှာ ဖြစ်ပွားခဲ့တာဖြစ်ပြီး သေဆုံးသွားတဲ့ မြန်မာနိုင်ငံသား အမျိုးသမီး၊ အမျိုးသမီး ၃ ဦးရဲ့ ရုပ်အလောင်းတွေကိုတော့ စက်တင်ဘာ ၁၂ ရက်မှာ ပြန်တွေ့ခဲ့တာလို့ ဆိုပါတယ်။

ရွှေ့ပြောင်းအလုပ်သမား ၂၂ ဦးခန့်ကို တင်ဆောင်လာတဲ့ အဆိုပါလှေဟာ ဘန်ဒေါင်ဆတ်ဆိပ်ကမ်းကနေ ညအချိန်မှာဖြစ်ကူးလာစဥ် မတော်တဆမှုဖြစ်ပွားပြီး လှေပေါ်ကအလုပ်သမား ၃ ဦး ရေထဲပြုတ်ကျသွားကြောင်း ဒေသခံတွေရဲ့က ပြောဆိုထားပါတယ်။

ဒါပေမယ့် အာဏာပိုင်တွေဘက်ကတော့ ရေထဲပြုတ်ကျသူအရေအတွက်ကို တိတိကျကျသိရဖို့ စုံစမ်းစစ်ဆေးမှုတွေ ဆက်လက်လုပ်ဆောင်နေဆဲဖြစ်သလို ဖြစ်စဉ်နဲ့ပတ်သက်လို့လည်း ဆန်ခလာဘူရီရဲစခန်းမှ အရာရှိတွေက အမြန်ဆုံးစုံစမ်းစစ်ဆေးသွားမှာဖြစ်တယ်လို့ သိရပါတယ်။

#သတင်းဟင်းလေးအိုးကြီး

ပါလက်စတိုင်းနိုင်ငံ ရှိလာမည်မဟုတ်ဟု နေတန်ယာဟု ပြော

ဂျေရုဆလင်၊ စက်တင်ဘာ ၁၃

ပါလက်စတိုင်းနိုင်ငံ ရှိလာလိမ့်မည် မဟုတ်ကြောင်း အစ္စရေးဝန်ကြီးချုပ် ဘင်ဂျမင် နေတန်ယာဟု (Benjamin Netanyahu) က စက်တင်ဘာ ၁၁ ရက်တွင် ပြောကြားခဲ့သည်ဟု DW သတင်းဝက်ဘ်ဆိုက်၌ ဖော်ပြခဲ့သည်။

နေတန်ယာဟုသည် ဂျော်ဒန်မြစ် အနောက်ဘက်ကမ်းဒေသ (West Bank) ရှိ Maale Adumim ဂျူးလူနေ ရပ်ကွက်သို့ သွားရောက်သည့် ခရီးစဉ်အတွင်း ထိုကဲ့သို့ ပြောကြားခဲ့ခြင်းဖြစ်သည်။

အနောက်ဘက်ကမ်းဒေသတွင် ဂျူးရပ်ကွက်များကို ချဲ့ထွင်မည့် အငြင်းပွားဖွယ် အစီအစဉ်များ၏ တစ်စိတ် တစ်ပိုင်း အနေဖြင့် ထောင်နှင့်ချီသည့် လူနေအိမ်များကို ဆောက်လုပ်ရန် အဆိုပြုချက်အား နေတန်ယာဟုက တရားဝင် လက်မှတ်ရေးထိုးခဲ့သည်။

"ပါလက်စတိုင်း နိုင်ငံရှိလာမှာ မဟုတ်ဘူးဆိုတဲ့ ကျနော်တို့ရဲ့ ကတိစကားကို ကျနော်တို့ ဖြည့်ဆည်းနေပါတယ်။ ဒီနေရာကို ကျနော်တို့ ပိုင်တာပါ။ ကျနော်တို့ရဲ့ အမွေအနှစ်တွေ၊ ကျနော်တို့ရဲ့ မြေနဲ့ ကျနော်တို့ရဲ့ လုံခြုံရေးကို ကာကွယ်သွားမှာပါ" ဟု နေတန်ယာဟုက ပြောကြားခဲ့သည်။

အစ္စရေး၏ ဂျူးရပ်ကွက် ထူထောင်မှု အစီအစဉ်တွင် ၁၂ စတုရန်း ကီလိုမီတာ အကျယ်ရှိ မြေနေရာ၌ လူနေအိမ် အသစ် ၃၄၀၀ ခန့်ကို တည်ဆောက်သွားမည်ဖြစ်သည်။

ထိုရပ်ကွက်သည် အနောက်ဘက်ကမ်းဒေသကို ဖြတ်ပြီး တည်ဆောက်မည်ဖြစ်ကာ အနောက်ဘက်ကမ်းဒေသနှင့် အရှေ့ဂျေရုဆလင်နှင့် အဆက်ဖြတ်ထားမည်ဖြစ်သည်။

ပါလက်စတိုင်းများကမူ အရှေ့ဂျေရုဆလင်ကို အနာဂတ် ပါလက်စတိုင်းနိုင်ငံ၏ မြို့တော်အဖြစ် သတ်မှတ်ထား သည်။

နိုင်ငံတကာ အသိုင်းအဝိုင်းကလည်း အစ္စရေးနှင့် ပါလက်စတိုင်း ၂ နိုင်ငံ အတူယှဉ်တွဲ နေထိုင်ရေးမူကို ထောက်ခံ ထားသည်။

အစ္စရေးသည် ၁၉၆၇ ခုနှစ်က အနောက်ဘက်ကမ်းဒေသကို သိမ်းပိုက်ခဲ့ပြီးနောက် ဂျူးရပ်ကွက်များ ထူထောင်ခဲ့ ပြီး ထိုကဲ့သို့ ဂျူးရပ်ကွက်များ ထူထောင်မှုသည် နိုင်ငံတကာဥပဒေအရ တရားမဝင်ကြောင်း သတင်းတွင် ဖော်ပြခဲ့ သည်။

Source: DW

ပုံ - အစ္စရေးဝန်ကြီးချုပ် နေတန်ယာဟုကို တွေ့ရစဉ်

#သတင်းဟင်းလေးအိုးကြီး

ဂရီလစ်ရှ်ကို အပြီးသတ်ခေါ်ယူနိုင်ဖို့ အဲဗာတန် မျှော်လင့်

စက်တင်ဘာ ၁၃

အဲဗာတန်အသင်းဟာ မန်စီးတီးအသင်းကနေ အငှားနဲ့ခေါ်ယူထားတဲ့ အင်္ဂလန်တောင်ပံ ကစားသမား ဂရီလစ်ရှ်ကို အငှားစာချုပ်ကုန်ဆုံးချိန်မှာ ပေါင်သန်း ၅၀ အောက်နဲ့ အပြီးသတ် ခေါ်ယူနိုင်ဖို့ မျှော်လင့်နေပါတယ်။

ဂရီလစ်ရှ်ဟာ မန်စီးတီးအသင်းမှာ ပွဲကစားခွင့်တွေ ဆုံးရှုံးခဲ့ပြီးနောက် နွေရာသီ အပြောင်းအရွှေ့မှာ အဲဗာတန် အသင်းထံ ရာသီကုန်အထိ အငှားစာချုပ်နဲ့ ပြောင်းရွှေ့လာခဲ့တာပါ။

ဂရီလစ်ရှ်ဟာ အဲဗာတန်အသင်းအတွက် နောက်ဆုံးကစားခဲ့တဲ့ ပရီးမီးယားလိဂ်ပွဲစဉ် ၂ ပွဲမှာ ဂိုးဖန်တီးမှု ၄ ကြိမ် ပြုလုပ်နိုင်ခဲ့ပြီး အသင်းပရိသတ်တွေရဲ့ အချစ်တော် ကစားသမား ဖြစ်လာခဲ့ပါတယ်။

ဂရီလစ်ရှ်ဟာ အဲဗာတန်အသင်းအတွက် ခြေစွမ်းပြသနိုင်ခဲ့တာကြောင့် သြဂုတ်လအတွက် ပရီးမီးယားလိဂ် တစ်လတာ အကောင်းဆုံး ကစားသမားဆုကိုလည်း ရရှိခဲ့တာပါ။

ဂရီလစ်ရှ်ဟာ ဒီဆုကို သူ့ရဲ့ ကစားသမားဘဝမှာ ပထမဆုံးအကြိမ် ရရှိခဲ့တာလည်း ဖြစ်ပါတယ်။

အဲဗာတန်အသင်းဟာ ဂရီလစ်ရှ်ရဲ့ ခြေစွမ်းကို နှစ်သက်နေတာကြောင့် အပြီးသတ် ခေါ်ယူနိုင်ဖို့ စိတ်အား ထက်သန်နေပြီး အငှားစာချုပ်ထဲမှာ ပေါင်သန်း ၅၀ နဲ့ ဝယ်ယူဖို့အတွက် ရွေးချယ်ခွင့်ရှိနေတာပါ။

အဲဗာတန်အသင်းကတော့ ဒီပြောင်းရွှေ့ကြေး ပမာဏထက် လျော့နည်းတဲ့ ပြောင်းရွှေ့ကြေးနဲ့ ဂရီလစ်ရှ်ကို အပြီးသတ် ခေါ်ယူနိုင်မယ်လို့ မျှော်လင့်နေတာဖြစ်ပါတယ်။

ဂရီလစ်ရှ်နဲ့ မန်စီးတီးအသင်းရဲ့ စာချုပ်ဟာ လာမယ့် နွေရာသီဆိုရင် တစ်နှစ်သာ ကျန်ရှိတော့မှာဖြစ်လို့ အဲဗာတန် အသင်းဟာ အင်္ဂလန်ကစားသမားကို ခေါ်ယူနိုင်မယ်လို့ ယုံကြည်မှုရှိနေတာပါ။

ဂရီလစ်ရှ်ဟာ အဲဗာတန်အသင်းမှာ ပြသနေတဲ့ သူ့ရဲ့ခြေစွမ်းကို ဆက်ထိန်းပြီး အင်္ဂလန်အသင်း လူစာရင်းထဲမှာ ပြန်လည်ပါဝင်နိုင်ဖို့ မျှော်လင့်နေပါတယ်။

ဂရီလစ်ရှ်ဟာ ပြီးခဲ့တဲ့ အင်္ဂလန်အသင်းရဲ့ ၂၀၂၆ ကမ္ဘာ့ဖလား ခြေစစ်ပွဲတွေမှာ အသင်းလူစာရင်းထဲ ပါဝင်ခဲ့ခြင်း မရှိတာပါ။

ဒီရာသီ ပရီးမီးယားလိဂ်ပွဲစဉ် ၃ ပွဲ ကစားအပြီးမှာ ၂ ပွဲ အနိုင်ရရှိထားတဲ့ အဲဗာတန်အသင်းဟာ စက်တင်ဘာ ၁၃ ရက်မှာ လိဂ်ပွဲစဉ်အဖြစ် အက်စတွန်ဗီလာအသင်းကို အိမ်ကွင်းယှဉ်ပြိုင်ရမှာ ဖြစ်ပါတယ်။

Source: Dailymail

#သတင်းအပြည့်အစုံကို Comment Link တွင် ဖတ်ရန်

ပုံ - ဂရီလစ်ရှ်ကို တွေ့ရစဉ်

#ဘောလုံးသတင်းစုံ

❝ပြည်ပရောက် မဲဆန္ဒရှင်များ ကြိုတင်ဆန္ဒမဲပေးနိုင်ရေးအတွက် ပုံစံ(၁၅) လက်ခံသည့်ရက်ကို တိုးမြှင့်သတ်မှတ်❞

စက်တင်ဘာ ၁၃

၂၀၂၅ ခုနှစ်၊ ဒီဇင်ဘာလတွင်ကျင်းပမည့် အထွေထွေရွေးကောက်ပွဲတွင် ပြည်ပရောက် မြန်မာနိုင်ငံသား မဲဆန္ဒရှင်များ ကြိုတင်ဆန္ဒမဲပေးနိုင်ရေးအတွက် ပုံစံ(၁၅) လက်ခံသည့်ရက်ကို တိုးမြှင့်သတ်မှတ်လိုက်ကြောင်း သက်ဆိုင်ရာ မြန်မာသံရုံးများက အသိပေးထုတ်ပြန်လိုက်သည်။

အဆိုပါ ပြည်ပရောက် မြန်မာနိုင်ငံသားများအနေဖြင့် ကြိုတင်ဆန္ဒမဲလက်မှတ်ဖြင့် မဲပေးနိုင်ရေးအတွက် ပြည့်စုံစွာ ဖြည့်စွက်ပြီးသည့် ပုံစံ (၁၅) များကို မိမိတို့ရောက်ရှိရာနိုင်ငံအသီးသီးရှိ မြန်မာသံရုံးများသို့ သြဂုတ်လ ၂၁ ရက်နေ့မှ စက်တင်ဘာ ၈ ရက်နေ့အထိ ပေးပို့နိုင်ကြောင်း သတ်မှတ်ထားရာမှ ယခုအခါ ပုံစံ (၁၅) များ လက်ခံမည့်ရက်ကို အောက်တိုဘာ ၃ ရက်နေ့အထိ တိုးမြှင့်သတ်မှတ်လိုက်ခြင်းဖြစ်သည်။

သို့ဖြစ်သဖြင့် ပြည်ပရောက် မြန်မာနိုင်ငံသားများအနေဖြင့် ပုံစံ(၁၅) များကို ပြည့်စုံစွာဖြည့်စွက်၍ အိမ်ထောင်စု စာရင်းမိတ္တူ၊ မြန်မာနိုင်ငံကူးလက်မှတ်မိတ္တူ၊ ဆက်သွယ်ရမည့်လိပ်စာ၊ အီးမေးလ်နှင့် ဖုန်းနံပါတ်များနှင့်အတူ သတ်မှတ်ရက်အတွင်း သက်ဆိုင်ရာ သံရုံးလိပ်စာများသို့ ပေးပို့နိုင်ကြောင်း သိရသည်။

#centralnewsnaypyitaw

🖱️Transparent Bluetooth Dual‑Mode Mouse🔋🔇 Quiet, Light, Smart 🔁
စျေးနုန် ၃၀၀၀၀ကျပ်။
သက်သောင့်သက်သာ သုံးချင်သူများအတွက် Transparent Dual‑Mode Wireless Mouse ကိုပြလိုက်ပါတယ်။ Bluetooth 5.0 + 2.4G တို့ဖြင့် Multi‑device ချိတ်ဆက်နိုင်ပြီး Type‑C Charging ဖြင့် အားသွင်းရလွယ်ကူပါတယ်။

Dual‑Mode Connection: Wireless 2.4G + Bluetooth 5.0, plug‑and‑play micro USB receiver ပါ, device မျိုးစုံနှင့် ချိတ်ဆက်လွယ်ကူ
Adjustable DPI: 800/1000/1200/1600 DPI သို့ ချိန်ညှိနိုင်၊ office မှ gaming အထိ အသင့်တော်
Long Battery Life: Auto‑sleep power‑saving function ဖြင့် အသုံးမပြုချိန် power ကို သိသိသာသာ လျှော့ချ
Ergonomic & Mute: Human‑curve ဒီဇိုင်း၊ လက်အရွယ်အားလုံးအတွက် သက်သာ၊ left/right mute buttons ဖြင့် အေးချမ်းစွာ အသုံးပြုနိုင်
Smart Design: Transparent body, built‑in power indicator, Type‑C charging port, portable lightweight

DPI: 800/1000/1200/1600 DPI
Connection: 2.4G + Bluetooth, operating distance ≤ 10 m
Interface: USB receiver + Type C charging
Size/Weight: 112×57×27 mm, portable lightweight
Package: Mouse ×1, USB receiver ×1, Type C cable ×1, Manual, Foam bag, Color box
Color: Dual mode Transparent White

Multi‑device, dual‑mode ချိတ်ဆက်မှုနဲ့ အလုပ်/တက်လတ်/ဖြေရှင်းမှု အလိုက် ပြောင်းလွယ်ပြင်လွယ် 🔁
Quiet clicks + ergonomic curve ကြောင့် ရုံးခန်း/စာကြည့်တိုက်/ညအချိန်တွင်လည်း အနှောက်အယှက်မဖြစ် 🔇
Type‑C Fast Charging + auto‑sleep နည်းပညာဖြင့် သက်တမ်းရှည်သုံးနိုင် 🔋
📞 #shop, #kbzmarketplace , #uab market , Page chat တို့မှ တစ်နိုင်ငံလုံးသို့ အိမ်အရောက်ငွေခြေ. Banking တို့ဖြင့် ကြိုက်နှစ်သက်ရာရွေးခြယ် ဝယ်ယူနိုင်ပါသည်။ ဖုန်း ၀၉၈၉၄၂၇၃၉၁၁ (ရုံးချိန်အတွင်းဆက်သွယ်နိုင်ပါသည်) . အမှတ် ၂၈. သိန္ဒီလမ်း. သီတာရပ်ကွက်. ကြည့်မြင်တိုင်.ရန်ကုန်မြို. www.shop.com.mm/shop/zaycho
#transparentmouse #dualmodemouse #bluetoothmouse #2_4gwireless #typeccharging #muteclick #adjustabledpi #portablemouse #officeandgaming #ergonomicmouse #smartaccessories #myanmarshop