ကြက်ဥကိုစားနေကျတိုင်းမဟုတိဘဲ ကိုရီးယားငရုတ်သီးပွနဲ့ စတိုင်တမျိူးပြောင်းပြီးချက်စားကြည့်မယ်နော် 🥚🌶️🧄🫛

ကြက်ဥကိုစားနေကျတိုင်းမဟုတိဘဲ ကိုရီးယားငရုတ်သီးပွနဲ့ စတိုင်တမျိူးပြောင်းပြီးချက်စားကြည့်မယ်နော် 🥚🌶️🧄🫛

ကြက်ဥကိုစားနေကျတိုင်းမဟုတိဘဲ ကိုရီးယားငရုတ်သီးပွနဲ့ စတိုင်တမျိူးပြောင်းပြီးချက်စားကြည့်မယ်နော် 🥚🌶️🧄🫛

ဖုံးမသိန်ရွက်သည် သွေးကြောမျှင်များ🌿🌿 ပေါက်ခြင်းနှင့် ခန္ဓာကိုယ်တစ်ခြမ်း လေဖြတ်ခြင်းများကို ကာကွယ်ပေးသည်။ ထို့အပြင် ခွန်အားဖြည့်ပေးခြင်း၊ သွေးလည်ပတ်မှု ကောင်းမွန်စေခြင်းနှင့် သွေးပျစ်ခြင်းကို လျှော့ချပေးခြင်း စသည့် အစွမ်းသတ္တိများလည်း ရှိသည်။ ဒဏ်ရာများဖြစ်သော အကျိတ်နှင့် ပွန်းပဲ့ဒဏ်ရာများကို သက်သာစေကာ အဆစ်နှင့် အရိုးအဆစ် နာကျင်မှုများကိုလည်း လျှော့ချပေးနိုင်ပါသည်။ ခေါင်းကိုက်ခြင်းကို သက်သာစေသည့်အပြင် ပန်းနာရင်ကျပ် ရောဂါရှင်များအတွက်လည်း အထူးသင့်လျော်သော ဆေးပင် ဖြစ်သည်။
အသုံးပြုနည်းများ
ဖုံးမသိန်ရွက်ကို အဓိကအားဖြင့် နည်းလမ်းနှစ်မျိုးဖြင့် သုံးစွဲနိုင်ပါသည်။
၁။ လက်ဖက်ရည်အနေဖြင့် သောက်သုံးခြင်း
ဖုံးမသိန်ရွက်များကို အမျှင်လေးများ ဖြစ်အောင် လှီးဖြတ်ပြီး နေရောင်ခြည်တွင် သေချာစွာ အခြောက်လှမ်းပါ။ အခြောက်ခံရာတွင် မှိုမတက်စေရန် အထူးဂရုပြုရပါမည်။ ပြီးနောက် လက်တစ်ဆုပ်စာ ပမာဏကို ရေနွေးတစ်ခွက်နှင့် ရောပြီး လက်ဖက်ရည်ကဲ့သို့ ဖျော်သောက်နိုင်ပါသည်။ ယင်းလက်ဖက်ရည်ကို မနက်၊ ည မှန်မှန် သောက်သုံးပေးပါက သွေးမူးခြင်း၊ ခေါင်းကိုက်ခြင်းနှင့် မူးဝေခြင်းတို့ကို ချက်ချင်းနီးပါး သက်သာစေပါသည်။
၂။ ပြုတ်၍ သောက်သုံးခြင်း
ဖုံးမသိန်ရွက် ၁၀ ဂရမ်ခန့်ကို ရေ ၁.၅ လီတာနှင့် ရောကာ ၁၅ မိနစ်ခန့် ပြုတ်ပြီးနောက် အရည်ကို စစ်ယူပါ။ ထိုအရည်ကို မနက်၊ ည သောက်သုံးပေးနိုင်ပါသည်။
လေဖြတ်ထားသူများအနေဖြင့် အထက်ပါအတိုင်း ပြုတ်ရည်ကို ရက် ၃၀ ဆက်တိုက် သောက်သုံးပြီးပါက ၇ ရက်ခန့် နားပေးသင့်ပါသည်။ ဤသို့ စနစ်တကျ သောက်သုံးပေးခြင်းဖြင့် ရောဂါလက္ခဏာများ တဖြည်းဖြည်း သက်သာလာနိုင်ကြောင်း သိရပါသည်။

ဇာဘီးအလွန်ဆိုရဲ့ ရီးရဲလ်မက်ဒရစ်အဝတ်အစားလဲခန်းအတွင်း အက်ကွဲကြောင်း ဖြစ်ပုံနေသလား?

အောက်တိုဘာ ၂

ရီးရဲလ်မက်ဒရစ်စတားဖီဒီရီကိုဗယ်ဗာဒီက နောက်ဆုံး ချန်ပီယံလိဂ်နိုင်ပွဲတွင် ပါဝင်ကစားရန် ငြင်းဆိုခဲ့တယ်လို့ မီဒီယာများက ရေးသားနေမှုကို ငြင်းဆိုလာတဲ့အပြင် ၎င်းနှင့် နည်းပြအလွန်ဆိုအကြား ကောင်းမွန်တဲ့ ဆက်ဆံရေး ရှိနေကြောင်း ပြောကြားလာပါတယ်။

ဗယ်ဗာဒီဟာ အင်္ဂါနေ့ညတုန်းက ချန်ပီယံလိဂ်မျက်နှာသစ် ကိုင်ရတ်အား ၅-၀ ဂိုးဖြင့် အနိုင်ရတဲ့ပွဲမှာ အရန်ခုံမှာ ထိုင်နေခဲ့ရပြီး အရန်အဖြစ်ပင်တဝင်ရောက်ကစားခွင့်မရခဲ့ပါဘူး။

တနင်္လာနေ့တုန်းက သတင်းစာရှင်းလင်းပွဲတွင် ဥရုဂွေးစတားက ထရန်းအလက်ဇန္ဒားအာနိုးနှင့် ဒါနီကာဗာဂျယ်တို့ ဒဏ်ရာရရှိနေမှုနှင့်အတူ ညာနောက်ခံလူနေရာတွင် ဖြည့်ဆည်းကစားရနိုင်မှုအပေါ် "ညာနောက်ခံလူအဖြစ် ကစားဖို့ မွေးဖွားလာသူ မဟုတ်ဘူး'လို့ ပြောကြားခဲ့သူလည်း ဖြစ်ပါတယ်။

စပိန်မီဒီယာများက ဗယ်ဗာဒီရဲ့ ကိုင်ရတ်နှင့်ပွဲစဉ်မှ အပြုအမူများကို အာရုံစိုက် ဖော်ပြပြီး ယင်းပွဲတွင် ပါဝင်ကစားရန် ငြင်းဆိုခဲ့တယ်လို့ ဖော်ပြနေကြပါတယ်။

Marca က ဗယ်ဗာဒီမှာ ဒုတိယပိုင်းတွင် အရန်ကစားသမားများ သွေးပူလေ့ကျင့်ခန်း ပြုလုပ်နေချိန်တွင် မတ်တပ်ရပ် လက်နောက်ပစ်ကာ ပွဲကြည့်နေကြောင်း ဖော်ပြသွားပါတယ်။

ဘယ်လင်ဂမ်က သူ့ထံ လမ်းလျှောက်လာပြီး စကားပြောပြီးချိန်တွင် ဗယ်ဗာဒီဟာ အရန်ခုံသို့ သွားထိုင်နေခဲ့ပါတယ်။

ဒါကြောင့်လည်း စပိန်မီဒီယာများက ဗယ်ဗာဒီမှာ ပွဲကစားရန် ငြင်းဆိုခဲ့ကြောင်း ရေးသားဖော်ပြလာကြတာလည်း ဖြစ်ပါတယ်။

ဒါပေမယ့် ချက်ချင်းဆိုသလို ဗယ်ဗာဒီက "ကျွန်တော့်စရိုက်ကို ထိခိုက်စေတဲ့ စာတွေ အများကြီးဖတ်ရတယ်။ ကစားတာ မကောင်းတဲ့ပုံတွေ ရှိတာ သိပါတယ်။ ကျုပ်လည်း စိုးရိမ်တာပါပဲ။ ဘယ်အရာကမှ ပုန်းရှောင်မနေပါဘူး။ ဒီအတွက် တံခါးလည်း ဖွင့်ထားတယ်။ တကယ်ပဲ စိတ်မကောင်းဖြစ်ရတယ်။ ကျုပ်နဲ့ပတ်သက်ပြီး အများကြီး ပြောလို့ရတယ်။ ဒါပေမယ့် ပွဲကစားဖို့ ငြင်းတယ်ဆိုတာကိုတော့ လက်မခံဘူး။ ဒီကလပ်အတွက် အားလုံးပေးခဲ့တယ်။ အရိုးအက်မှုတွေ ဒဏ်ရာရရှိမှုတွေကြားထဲကနေ ကစားပေးလာခဲ့တယ်။ ဘယ်တုန်းကမှ စောဒက မတက်ခဲ့ဖူးဘူး။ အနားပေးဖို့လည်း မတောင်းခဲ့ဖူးဘူး။ နည်းပြနဲ့ကောင်းမွန်တဲ့ ဆက်ဆံရေး ရှိတယ်။ ဒါကြောင့်လည်း ကွင်းထဲမှာ ဘယ်နေရာမှာ ကစားချင်တယ်ဆိုတာ ပြောရဲတယ်။ ဒါပေမယ့် ဘယ်အဝေးကွင်းမဆို၊ ဘယ်ပွဲမဆို ဘယ်နေရာမှာမဆို ကျွန်တော့်ဘက်က ကစားပေးဖို့ အသင့်ပါ။ ဒီကလပ်အတွက် အားလုံး အိတ်သွန်ဖာမှောက်ပေးထားတယ်။ ဒီအတိုင်းပဲ ဆက်ပေးသွားမယ်။ ကျွန်တော့် ခြေစွမ်း မကောင်းဘူး၊ ကစားချင်တဲ့ နေရာမှာ မကစားရဘူးဆိုရင်တောင် ဘယ်တောမှ လက်မလျော့ဘူးဆိုတာ ဘုရားသခင်နဲ့ ကျိန်ပြောရဲတယ်။ ဘယ်နေရာမှာပဲ ကစားရပါစေ နောက်ဆုံးအချိန်အထိ တိုက်ပွဲဝင်သွားမယ်"လို့ ပြောကြားသွားပါတယ်။

ဒါ့အပြင် အွန်လိုင်းတွင် ထွက်ပေါ်လာတဲ့ ဗီဒီယိုမှတ်တမ်းအရ အလွန်ဆိုဟာလည်း ဗီနီရှပ်စ်ဂျူနီယာနှင့်လည်း အဆင်မပြေ ဖြစ်နေတယ်လို့ ယူဆရပါတယ်။

ဗီနီရှပ်စ်ဟာ ကိုင်ရတ်နှင့်ပွဲတွင် ပွဲချိန် မိနစ် ၇၀ မှာ လူစားလဲလှယ်ခြင်းခံရပြီးနောက် ရေဗူးပစ်ပေါက်ပြီး အရန်ခုံသို့ သွားထိုင်နေခဲ့တာ တွေ့ရပါတယ်။

ဗီနီရှပ်စ်ဟာ ယခင် အက်စ်ပန်ညိုနှင့်ပွဲတွင်လည်း လူစားလဲလှယ်ခံရပြီးနောက် စိတ်ပျက်လက်ပျက် အမူအယာ ပြသခဲ့ဖူးပါတယ်။

မာဆေးနှင့်ပွဲတွင်လည်း ပွဲထွက်ကစားခွင့်ရခဲ့တဲ့ ဘရာဇီးစူပါစတားဟာ ယခုရာသီတွင် ၃ ဂိုးသွင်းကာ ၄ ကြိမ် ဖန်တီးထားပါတယ်။

ဒါပေမယ့် ဘက်ပေးက ကိုင်ရတ်နှင့်ပွဲတွင် ဟက်ထရစ်သွင်းယူနိုင်မှုအပါအဝင် ယခုရာသီတွင် ၁၃ ဂိုးအထိ သွင်းကာ အကောင်းဆုံးပုံစံ ပြသထားပါတယ်။

ရီးရဲလ်မက်ဒရစ်ဟာ ချန်ပီယံလိဂ်တွင် အဖွင့်ပွဲ ၂ ပွဲလုံး အနိုင်ရထားပေမယ့်လည်း လာလီဂါတွင် ထိပ်ဆုံးမှ ဘာစီလိုနာနှင့် ရမှတ် ၁ မှတ်ကွာဟကာ အဆင့် ၂ နေရာမှာ ရပ်တည်နေပါတယ်။

Credit - Playmaker Journal

#ဘောလုံးသတင်းစုံ

Windows 10/11 တင်နည်း (Clean Installation)
လိုအပ်သောအရာများ
1. USB Bootable (သို့) Windows ISO File
- Microsoft ရဲ့ [official website] မှ Windows 10/11 ISO ဒေါင်းလုပ်ဆွဲပါ။
- Rufus သုံး၍ USB ကို Bootable အဖြစ်ပြုလုပ်ပါ။
2. PC Requirements
- Windows 10
- CPU: 1GHz နှင့်အထက်
- RAM: 1GB (32-bit) / 2GB (64-bit)
- Storage: 32GB နေရာ
- Windows 11
- CPU: 64-bit, 2-core, 1GHz နှင့်အထက် (TPM 2.0 & Secure Boot လိုအပ်)
- RAM: 4GB
- Storage: 64GB
အဆင့်ဆင့်_တင်နည်း
1. BIOS/UEFI မှ Boot Priority ပြောင်းခြင်း
- PC ကို Restart လုပ်ပါ။
- F2 / F12 / DEL / ESC (PC အလိုက်ကွဲပြား) နှိပ်၍ BIOS/UEFI ထဲဝင်ပါ။
- Boot Menu တွင် USB ကို ပထမဆုံး Boot Device အဖြစ်သတ်မှတ်ပါ။
- Save & Exit လုပ်ပါ (ပုံမှန်အားဖြင့် F1။
2. Windows Setup စတင်ခြင်း
- PC က USB မှ Boot လုပ်ပြီး Windows Setup စမည်။
- Language, Time, Keyboard ရွေးပါ
Next > Install Now ။
3. Product Key ထည့်ခြင်း
- Product Key ရှိလျှင် ထည့်ပါ (မရှိလျှင် "I don't have a product key" ကိုနှိပ်ပြီး နောက်မှ Activate လုပ်နိုင်)။
4. Windows Edition ရွေးခြင်း
- Windows 10/11 Pro / Home စသည်ဖြင့် ရွေးပါ။
5. Disk Partition ပြုလုပ်ခြင်း
- "Custom: Install Windows only (advanced)" ကိုနှိပ်ပါ။
- Hard Disk ပေါ်ရှိ Partition များကို Delete လုပ်၍ Unallocated Space ဖြစ်အောင် ပြုလုပ်ပါ။
- New > Apply > Next နှိပ်ပါ (Windows ကို Install လုပ်မည့် Partition ဖန်တီးပါ)။
6. Windows Installation စတင်ခြင်း
- Windows ကို Copy ကူး၍ Install လုပ်မည် (မိနစ် 20-30 ခန့်ကြာနိုင်)။
7. PC Setup ပြုလုပ်ခြင်း
- Region (Myanmar ရွေး) > Keyboard Layout (အင်္ဂလိပ်သို့မဟုတ် မြန်မာ)။
- Microsoft Account (သို့) Offline Account ဖန်တီးပါ။
- Privacy Settings များကို လိုအပ်သလို ပြင်ဆင်ပါ။
8. Desktop ရောက်ပါက
- Device Drivers များကို Windows Update မှတဆင့် Install လုပ်ပါ။
- Activate Windows (Settings > Update & Security > Activation)။
အရေးကြီးသော_အချက်များ
Backup - Install မလုပ်ခင် Data များကို Backup လုပ်ထားပါ။
Secure Boot & TPM 2.0 - Windows 11 တွင် လိုအပ်ပါသည် (PC က Support မလုပ်လျှင် Bypass လုပ်နည်းရှိပါသည်)။
Driver Issues - Wi-Fi, Graphics စသည်တို့အတွက် Driver များကို Manufacturer Website မှ Download ဆွဲပါ။
ဒီပိုစ့်က မိတ်ဆွေအတွက် အကျိုးရှိတဲ့ဆိုရင် Follow လေး နှိပ်ပေးသွားပါဦး ခင်ဗျာ။
မူရင်းရေးသားသူကို လေးစားလျက်

သစ်ပင်တွေနဲ့ မြေပြင်ချိတ်ဆက်ခြင်း (Grounding with Trees) က ဘယ်လိုလဲဆိုတာကို အကျဉ်းချုပ် ကွန်းတန့်တစ်ခုလို ရေးသားပေးလိုက်ပါတယ်။
ခြေဗလာနဲ့ မြေပြင်ထိခြင်းနဲ့ သစ်ပင်စွမ်းအင် တို့ဟာ စိတ်ရဲ့တည်ငြိမ်မှုကို ဘယ်လိုပြန်လည်ရရှိစေနိုင်သလဲ။
သစ်ပင်တွေနဲ့ မြေပြင်ချိတ်ဆက်ခြင်း ဆိုတာဟာ သစ်ပင်တွေကို ထိတွေ့ပွေ့ဖက်ခြင်း ဒါမှမဟုတ် ခြေဗလာနဲ့ မြေကြီးပေါ် လမ်းလျှောက်ခြင်း (Earthing) တို့ကို ဆိုလိုတာပါ။
ဒီလိုလုပ်ခြင်းဖြင့် လူသားတွေဟာ သစ်ပင်နဲ့ မြေကြီးကလာတဲ့ သဘာဝစွမ်းအင် တွေကို တိုက်ရိုက်ရယူနိုင်ပြီး၊ ခန္ဓာကိုယ်ထဲက မလိုလားအပ်တဲ့ လျှပ်စစ်ဓာတ်တွေကို ဖယ်ရှားပစ်နိုင်ပါတယ်။
ဒါကြောင့် စိတ်ဖိစီးမှုတွေ လျော့ကျပြီး၊ ကိုယ်ခန္ဓာရဲ့ ဇီဝချိန်ခွင်လျှာ (Balance) ကို ပြန်လည်ရရှိစေကာ ငြိမ်းချမ်းတဲ့ ခံစားချက်ကို ဖြစ်ပေါ်စေပါတယ်။
သစ်ပင်ပွေ့ဖက်ခြင်း ဒါမှမဟုတ် မြေပြင်နဲ့ ထိတွေ့ခြင်း က သဘာဝတရားရဲ့ အားအင်တွေနဲ့ ပြန်လည်ချိတ်ဆက်ဖို့ အကောင်းဆုံး နည်းလမ်းတစ်ခုပါပဲ။

ကမ္ဘောဇဘဏ်သို့ ချေးငွေပြန်ဆပ်ရန် ပျက်ကွက်သူ (၆၀)ကျော်ကို သတ်မှတ်ရက်အတွင်း ပေးဆပ်ခြင်းမရှိပါက ဥပဒေနှင့်အညီဆောင်ရွက်သွားမည်

အောက်တိုဘာ ၂

ကမ္ဘောဇဘဏ်လီမိတက်၏ Quick Access Loan, Personal Loan, Shopper Loan နှင့် Shopper Installment Loan ချေးငွေများ ပြန်လည်ပေးဆပ်ရန် ပျက်ကွက်နေသူ (၆၂)ဦးကို သတ်မှတ်ရက်အတွင်း ပေးဆပ်ခြင်းမရှိပါက ဥပဒေနှင့်အညီ ဆောင်ရွက်သွားမည်ဖြစ်ကြောင်း နိုင်ငံပိုင်သတင်းစာတွင် ထည့်သွင်းကြေညာထားသည်။

အဆိုပါလုပ်ငန်းရှင်များသည် ချေးငွေ အရင်း၊ အတိုးနှင့် ကျသင့်သည့် အဖိုးအခများအား ပြန်လည်ပေးဆပ်ရန် ပျက်ကွက်လျက်ရှိနေသည့်အတွက် နည်းမျိုးစုံဖြင့် အကြိမ်ကြိမ် ဆက်သွယ်တောင်းခံခြင်း၊ ကြေညာချက်ထုတ်ပြန်ခြင်းများ ပြုလုပ်ခဲ့သော်လည်း ပေးဆပ်ခြင်းမရှိဘဲ ဆက်လက်ပျက်ကွက်နေကြောင်း ကြေညာထားချက်အရ သိရသည်။

ချေးငွေပြန်လည်ပေးဆပ်ရန် ပျက်ကွက်နေသူများမှာ ဦးဖြိုးမောင်မောင် {ငွေကျော့ (၂) စတိုး (စတိုးဆိုင်)}၊ဒေါ်နီနီအေး {ဦးမြင့်သိန်း (၂) (ကုန်စုံဆိုင်)}၊ ဒေါ်ဆုမြတ်စန္ဒာ {ဗိုလ်ရွှေထိုက်စု (မီနီမတ် နှင့် စားသောက်ဆိုင်)}၊ ဒေါ်သက်သက်ဝေ {မေတ္တာစမ်းရေ (ရေသန့်)}နှင့်ဒေါ်အေးနန္ဒာဝင်း {Shwe Yamin (စတိုးဆိုင်)} စသည့်တို့အပြင် လုပ်ငန်းရှင် (၅၇)ဦးတို့လည်း ပါဝင်ကြောင်း သိရသည်။

ထို့ကြောင့် ချေးငွေပြန်လည်ပေးဆပ်ရန် ပျက်ကွက်နေသူများအနေဖြင့် ကမ္ဘောဇဘဏ်လီမိတက်သို့ ပေးဆပ်ရန်ရှိသည့် အရင်း၊ အတိုးနှင့် ကျသင့်သည့် အဖိုးအခများကို ယနေ့ (အောက်တိုဘာ ၁ ရက်) မှ (၁၄) ရက်အတွင်း နီးစပ်ရာဘဏ်ခွဲသို့ လာရောက်ဆက်သွယ်ပေးဆပ်ပါရန် နှင့် သတ်မှတ်ရက်အတွင်း ပေးဆပ်ခြင်းမရှိပါက ဥပဒေနှင့်အညီ ဆက်လက်၍ တရားစွဲဆိုဆောင်ရွက်သွားမည်ဖြစ်ပါကြောင်း အသိပေးကြေညာထားသည်။

Credit - NP News Agency

#သတင်းဟင်းလေးအိုးကြီး

❝ထိုင်းမှာ ကားရေဆေးတဲ့အလုပ်ကို လုပ်ကိုင်နေတဲ့ မြန်မာ အလုပ်သမားတစ်ဦး ရေဆေးဖို့လုပ်နေတဲ့ကားနဲ့တိုက်မိလို့ ‌​သေဆုံး❞

အောက်တိုဘာ ၂

ထိုင်းနိုငံ ဘူရီခရိုင်က ကားရေဆေးဆိုင်တစ်ခုမှာ အလုပ်လုပ်တဲ့ မြန်မာအလုပ်သမားတစ်ဦးဟာ ပြီးခဲ့တဲ့ စက်တင်ဘာလ ၂၉ ရက်နေ့က ရေဆေးဖို့လုပ်နေတဲ့ ကားတစ်စီးနဲ့ တိုက်မိခဲ့လို့ ​သေဆုံးသွားခဲ့တယ်လို့ ထိုင်းသတင်းဖော်ပြမှုတွေအရ သိရပါတယ်။

အဲဒီ သေဆုံးသူအလုပ်သမားက ချွန်ဘူရီခရိုင်၊ Ban Bueng မြို့နယ်၊ Soi Withun Damri 6 လမ်းမှာရှိတဲ့ ကားရေဆေးဆိုင်တစ်ခုမှာ အလုပ်လုပ်နေတဲ့ အသက် ၃၆ နှစ်အရွယ် ဆုထွေးအောင် ဆိုသူဖြစ်တယ်လို့ သိရပြီး သူနဲ့အတူ အလုပ်လုပ်နေတဲ့ မြန်မာလုပ်သား စော ဆိုသူက ရေလာဆေးတဲ့ကားတစ်စီးကို ရေဆေးခုံပေါ် မောင်းတင်ပြီးချိန်မှာ ရှေ့ဘီးနှစ်ဘီးလုံးက ချော်ကျသွားပြီး ဆုထွေးအောင် ဆိုသူကို နံရံနဲ့ဖိကြိတ်မိသလို ဖြစ်သွားခဲ့တာလို့ ဆိုပါတယ်။

အဲဒီအချိန်မှာ ကားရေဆေးဆိုင်ဝန်ထမ်းတွေနဲ့ အနီးအနားရှိ လူတွေက ကားကိုပြန်မ,တင်ဖို့ ကြိုးစားခဲ့ကြပေမယ့် မရဘဲဖြစ်နေတာကြောင့် ကယ်ဆယ်ရေးအဖွဲ့ကိုခေါ်ယူပြီး အခြားတစ်စီးနဲ့ စင်ပေါ်ပြန်တင်ခဲ့ပြီးမှ ခြေထောက်မှာ ပြင်းထန်ဒဏ်ရာတွေ ရရှိထားတဲ့ ဆုထွေးအောင် ဆိုသူကို ဆေးရုံပို့ပေးနိုင်ခဲ့တာလို့ သိရပါတယ်။

ဆေးရုံကို ပို့ပေးနိုင်ခဲ့ပေမယ့် ဆုထွေးအောင်ဟာ ရရှိဒဏ်ရာတွေနဲ့ သေဆုံးသွားခဲ့လို့ ရဲတပ်ဖွဲ့ကတော့ အဲဒီဖြစ်ရပ်ဟာ ပေါ့ဆမှုကြောင့် ဟုတ်မဟုတ်ကို အတည်ပြုနိုင်ဖို့ လိုအပ်တဲ့စစ်ဆေးမှုတွေ ပြုလုပ်ပြီးမှ ယာဥ်မောင်းသူ မြန်မာလုပ်သားအပေါ် အရေးယူမယ်၊ မယူဘူးဆိုတာ ဆုံးဖြတ်သွားမှာဖြစ်တယ်လို့ သိရပါတယ်။

#centralnewsnaypyitaw

ခွေး၊ ကြောင်များတွင် ယားနာနှင့် စိုထိုင်းဆ- အိမ်မွေးတိရစ္ဆာန်များ၏ အရေပြားကျန်းမာရေးကို ကာကွယ်ခြင်း
စိုထိုင်းဆများသော ရာသီဥတု၊ အထူးသဖြင့် မိုးရာသီတွင် ကျွန်ုပ်တို့၏ အချစ်တော် ခွေးများနှင့် ကြောင်များတွင် အရေပြားယားယံခြင်း၊ ကုတ်ဖဲ့ခြင်းနှင့် အရေပြားရောဂါများ အဖြစ်များလာသည်ကို အိမ်မွေးတိရစ္ဆာန်ပိုင်ရှင်များ သတိပြုမိကြပေမည်။ လေထဲတွင် ရေငွေ့ပါဝင်မှုများခြင်းသည် အရေပြားဆိုင်ရာ ပြဿနာများစွာကို ဖြစ်ပေါ်စေနိုင်သော အဓိကအကြောင်းအရင်းတစ်ခု ဖြစ်သည်။ ဤဆောင်းပါးတွင် စိုထိုင်းဆက ခွေးနှင့်ကြောင်များ၏ အရေပြားကို မည်သို့သက်ရောက်မှုရှိပုံ၊ အဖြစ်များသော အရေပြားပြဿနာများ၊ ကာကွယ်ကုသနည်းများနှင့် တိရစ္ဆာန်ဆေးကုဆရာဝန်နှင့် မည်သည့်အချိန်တွင် ပြသသင့်သည်ကို ကျယ်ကျယ်ပြန့်ပြန့် ဖော်ပြသွားမည် ဖြစ်သည်။
စိုထိုင်းဆနှင့် အရေပြားကျန်းမာရေးကြားက ဆက်စပ်မှု
စိုထိုင်းဆများသော ပတ်ဝန်းကျင်သည် ဘက်တီးရီးယားနှင့် မှိုများ ပေါက်ပွားရန်အတွက် အကောင်းဆုံးအခြေအနေကို ဖန်တီးပေးသည်။ ခွေးနှင့်ကြောင်များ၏ သားမွေးများသည် စိုထိုင်းဆကို ထိန်းသိမ်းထားနိုင်ပြီး အရေပြားကို အမြဲတစေ စိုစွတ်နေစေသည်။ ဤအခြေအနေသည် အောက်ပါအရေပြားပြဿနာများကို ဖြစ်ပွားစေနိုင်သည်-
မှိုစွဲခြင်း (Fungal Infections): စိုစွတ်သော အရေပြားသည် မှိုများ၊ အထူးသဖြင့် Ringworm (ပွေး) ကဲ့သို့သော အရေပြားမှိုရောဂါများအတွက် ပျော်စရာနေရာတစ်ခုဖြစ်သည်။
ဘက်တီးရီးယားပိုးဝင်ခြင်း (Bacterial Infections): အရေပြား၏ ပုံမှန်ကာကွယ်ရေးစနစ်သည် စိုထိုင်းဆကြောင့် အားနည်းသွားနိုင်ပြီး ဘက်တီးရီးယားများ အလွယ်တကူ ဝင်ရောက်ပိုးဝင်စေနိုင်သည်။ Pyoderma ဟုခေါ်သော ဘက်တီးရီးယား အရေပြားပိုးဝင်ခြင်းသည် အဖြစ်များသော ပြဿနာတစ်ခုဖြစ်သည်။
ဓာတ်မတည့်မှုများ ပိုမိုဆိုးရွားလာခြင်း (Aggravated Allergies): စိုထိုင်းဆသည် ဖုန်မှုန့် (dust mites) နှင့် မှိုစပอร์များ (mold spores) ကဲ့သို့သော ဓာတ်မတည့်မှုဖြစ်စေသည့် အရာများကို ပိုမိုပေါက်ပွားစေသည်။ အကယ်၍ သင့်အိမ်မွေးတိရစ္ဆာန်သည် ဓာတ်မတည့်မှုအခံရှိပါက စိုထိုင်းသောရာသီတွင် ပိုမိုယားယံလာနိုင်ပါသည်။
အရေပြားယားယံခြင်းနှင့် အနီကွက်များထွက်ခြင်း (Hot Spots): အဆက်မပြတ် ကုတ်ဖဲ့ခြင်း၊ လျက်ခြင်းတို့ကြောင့် အရေပြားတွင် စိုစွတ်နီရဲနေသော အကွက်များ ဖြစ်ပေါ်လာနိုင်သည်။ ၎င်းကို Acute Moist Dermatitis သို့မဟုတ် "Hot Spots" ဟုခေါ်ပြီး ဘက်တီးရီးယားပိုးဝင်ခြင်းကို လျင်မြန်စွာ ဖြစ်ပေါ်စေနိုင်သည်။
အဖြစ်များသော အရေပြားပြဿနာများနှင့် ရောဂါလက္ခဏာများ
စိုထိုင်းသောရာသီတွင် သင့်အိမ်မွေးတိရစ္ဆာန်တွင် အောက်ပါလက္ခဏာများကို သတိထားစောင့်ကြည့်သင့်သည်-
အဆက်မပြတ် ကုတ်ဖဲ့ခြင်း၊ ကိုက်ခြင်း သို့မဟုတ် လျက်ခြင်း။
အရေပြားနီရဲခြင်း၊ ရောင်ရမ်းခြင်း။
အမွေးများကျွတ်ပြီး အရေပြားအကွက်လိုက်ဖြစ်ခြင်း။
အဖုအပိမ့်များ၊ ပြည်တည်အိတ်များ သို့မဟုတ် အရည်ကြည်ဖုများ ထွက်ခြင်း။
အရေပြားမှ အနံ့ဆိုးထွက်ခြင်း။
ဗောက်ထခြင်း သို့မဟုတ် အရေပြားခြောက်သွေ့ပြီး အဖတ်လန်ခြင်း။
ပွေးကဲ့သို့ အနီရောင်အဝိုင်းကွက်များ ပေါ်လာခြင်း။ (Ringworm ၏ လက္ခဏာဖြစ်နိုင်ပြီး လူသို့ ကူးစက်နိုင်ပါသည်။)
ကာကွယ်ခြင်းသည် အကောင်းဆုံးကုသခြင်း
သင့်အိမ်မွေးတိရစ္ဆာန်ကို စိုထိုင်းဆကြောင့်ဖြစ်သော အရေပြားပြဿနာများမှ ကာကွယ်ရန် အောက်ပါတို့ကို လိုက်နာဆောင်ရွက်နိုင်သည်-
၁။ ခြောက်သွေ့အောင်ထားပါ:
မိုးရေစိုလာပါက သို့မဟုတ် ရေချိုးပြီးပါက သားမွေးများကို လုံးဝခြောက်သွေ့သွားသည်အထိ သဘက်ဖြင့် သေချာသုတ်ပေးပါ။ လိုအပ်ပါက အပူချိန်နိမ့်သော မွေးခြောက်စက် (hair dryer) ကို အသုံးပြုနိုင်ပါသည်။
စိုစွတ်သောမြက်ခင်းပြင်များ သို့မဟုတ် ရွှံ့ဗွက်များတွင် လမ်းလျှောက်ခြင်းကို ရှောင်ကြဉ်ပါ။ အပြင်မှပြန်လာတိုင်း ခြေထောက်များကို သန့်စင်ခြောက်သွေ့အောင် ပြုလုပ်ပေးပါ။
၂။ ပုံမှန် သန့်ရှင်းရေးနှင့် အမွေးအမျှင် Pflege:
သားမွေးများကို ပုံမှန်ဖြီးပေးခြင်းဖြင့် လေဝင်လေထွက်ကောင်းစေပြီး အရေပြားပေါ်ရှိ အညစ်အကြေးများနှင့် အမွေးသေများကို ဖယ်ရှားပေးနိုင်သည်။
လိုအပ်ပါက မှိုနှင့် ဘက်တီးရီးယားဆန့်ကျင်သော ခေါင်းလျှော်ရည် (medicated shampoo) ဖြင့် တိရစ္ဆာန်ဆေးကုဆရာဝန်၏ ညွှန်ကြားချက်အတိုင်း ရေချိုးပေးပါ။ ရေအလွန်အကျွံချိုးခြင်းသည် အရေပြား၏ သဘာဝအဆီဓာတ်ကို ခမ်းခြောက်စေနိုင်သဖြင့် သတိပြုသင့်သည်။
၃။ ပတ်ဝန်းကျင်ကို သန့်ရှင်းခြောက်သွေ့အောင်ထားပါ:
အိမ်မွေးတိရစ္ဆာန်၏ အိပ်ရာ၊ စောင်များကို ပုံမှန်လျှော်ဖွပ်ပြီး နေလှန်းပါ။
အိမ်တွင်းလေဝင်လေထွက်ကောင်းအောင် ပြုလုပ်ပါ။ လေထုစိုထိုင်းဆကို လျှော့ချရန် လေစုပ်ပန်ကာ (dehumidifier) ကို အသုံးပြုနိုင်ပါသည်။
ဖုန်မှုန့်နှင့် ဓာတ်မတည့်မှုဖြစ်စေသော အရာများကို လျှော့ချရန် အိမ်ကို ပုံမှန်ဖုန်စုပ်သန့်ရှင်းရေးလုပ်ပါ။
၄။ ကျန်းမာရေးနှင့် ညီညွတ်သော အစားအသောက်:
အရေပြားကျန်းမာရေးကို အထောက်အကူပြုသော Omega-3 နှင့် Omega-6 fatty acids ကြွယ်ဝသည့် အစာများကို ကျွေးပါ။
ကိုယ်ခံအားစနစ်ကောင်းမွန်စေရန် အရည်အသွေးမြင့်မားသော အစာအာဟာရကို ကျွေးမွေးပါ။
အိမ်တွင်းကုထုံးနှင့် တိရစ္ဆာန်ဆရာဝန်နှင့် ပြသရန်လိုအပ်သည့်အချိန်
အနည်းငယ်ယားယံခြင်းအတွက် အိမ်တွင် သက်သာအောင် ပြုလုပ်ပေးနိုင်သော်လည်း ပြင်းထန်သော သို့မဟုတ် ကြာရှည်သော ပြဿနာများအတွက် တိရစ္ဆာန်ဆေးကုဆရာဝန်နှင့် ပြသရန် အရေးကြီးသည်။
အိမ်တွင်းပြုစုနည်း:
Oatmeal Bath: Oatmeal (အုတ်ဂျုံမှုန့်) ကို ရေနွေးနွေးဖြင့်ဖျော်ပြီး ရေချိုးပေးခြင်းသည် ယားယံမှုကို သက်သာစေနိုင်သည်။
Apple Cider Vinegar Spray: ပန်းသီးရှာလကာရည်နှင့် ရေကို ဆတူရောပြီး ယားယံသောနေရာကို ဖြန်းပေးနိုင်သည် (အနာဖြစ်နေသောနေရာများကို ရှောင်ပါ)။
မှတ်ချက် - တိကုဆရာဝန်အကူညီမပါပဲမပြုလုပ်သင့်ပါ။