သဘာဝမြေသြဇာပြုလုပ်သုံးစွဲပါ
🔰သဘာဝမြေသြဇာ ဖြစ်သော နွားချေး၊ ကြက်ချေး၊ မြေဆွေး ၊နုန်း၊ အမှိုက်သရိုက်များကို စနစ်တကျ စုဆောင်းပြီး မဖြစ်မနေ ချပေေးရမည်။
🔰တစ်ရာသီးပြီး တစ်ရာသီ သီးနှံစိုက်ပျိုးပြီး တစ်ရာသီကုန်သွားတိုင်း မြေကြီးထဲမှာ ရှိသော အာဟာရ ဓာတ်များကို နုတ်ယူစားသုံးသွားကြပါတယ်။
🔰ထုတ်ယူသွားသော အာဟာရဓာတ်များကို မြေကြီးထဲသို့ ပြန်လည်မထည့်ပေးပါက မြေကြီးမှာ ဘာမှ မကျန်ဘဲ အခွံသက်သက် ဖြစ်သွားပြီး မြေကန်းသွားရုံသာမက မြေဆီလွှာပျက်သုဉ်းသွားနိုင်ပါတယ်။
🔰 သီးနှံပင်များဟာ အသက်ရှင့်သန်ကြီးထွားဖွံ့ဖြိုးဖို့အတွက် မြေဆီလွှာထဲမှ အာဟာရဓာတ်များကို စုပ်ယူစားသုံးကြသည်။
🔰 ထို့ကြောင့် သီးနှံတစ်ရာသီမှာ သစ်ပင်တွေ ရိတ်သိမ်း ပြီးတိုင်း နောက်သီးနှံများ မစိုက်ပျိုးခင်ကတည်းက နွားချေး၊ ကြက်ချေး၊ မြေဆွေး၊ အမှိုက် သရိုက်များကို စနစ်တကျ စုဆောင်းပြီး လယ်မြေယာမြေ များတွင် ပြန်လည် ထည့်ပေးဖို့ များစွာလိုအပ်ပါသည်။
🔰 သဘာဝမြေသြဇာတွေကို စုဆောင်းသုံးစွဲသည့်အခါ မြေဆွေးပုံ စနစ်တကျ ပြုလုပ်သုံးစွဲခြင်းက အာဟာရဓာတ် ပိုများစေပါတယ်။
🔰 မြေဆွေးပုံ ပြုလုပ်မည်ဆိုပါက အရှည် ၁၀ ပေ၊ အကျယ် ၈ပေ၊ အနံ ၆ပေ ရှိသော မြေဆွေးကျင်းများကို တူးပြီး ရသမျှ တိရစ္ဆာန် အညစ်အကြေးများကို ၁၀လက်မလောက်တစ်လွှာထည့်ပြီး အမှိုက်သရိုက်များထည့်ခြင်း၊ တစ်လွှာချင်းတွင် ဆန်ကွဲ၊ ဖွဲနုတစ်ပြည်လောက် ဖြူးလိုက်၊ အပေါ်မှ မြေဆွေးနွားချေား အမှိုက် တစ်လွှာချင်းထည့်ပေးပြီး ကျင်းပြည့်မောက်လာပါက တာလပတ်နှင့် အုတ်ပေးထားရမည်။
🔰မြေဆွေးကျင်းပူပြီး အိကျသွားပါက အပေါ်မှ မြေဆွေး၊ နွားချေး၊ အမှိုက်များ ပြည့်သည်အထိ ထပ်ထည့်ပေးရပါမည်။ မြေဆွေးလာပါက မြေဆွေးအဖြစ် ဘယ်မြေယာမြေများအတွင်းပြန်လည် အသုံးပြုနိုင်ပါသည်။
credit ဆောင်ဆန်း (စိုက်ပျိုးရေး)
