တာချီလိတ်တွင် ၁ ဘီလျံကျော် တန်ဖိုးရှိ အိုက်စ်(မက်သ်အဖက်တမင်း)များဖမ်းဆီးရမိပြီး ကွင်းဆက်များအားဆက်လက်ဖော်ထုတ်နေ

အောက်တိုဘာ ၉

တာချီလိတ်တွင် ၁ ဘီလျံကျော် တန်ဖိုးရှိ အိုက်စ်(မက်သ်အဖက်တမင်း)များဖမ်းဆီးရမိပြီး ကွင်းဆက်များအားဆက်လက်ဖော်ထုတ်နေကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သောပူးပေါင်းအဖွဲ့သည် ပြီးခဲ့သည့် အောက်တိုဘာ (၄) ရက်၊ နံနက် (၉) နာရီခန့်က ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်၊ ဖန်မင်ကျေးရွာ အုပ်စု၊ မယ်ယန်းကျေးရွာရှိ စိုင်းရှဲန်တွီ၏ နေအိမ်အားသတင်းအရ ဝင်ရောက်ရှာဖွေခဲ့ကြောင်း သိရသည်။

ထိုသို့ ရှာဖွေရာ စိုင်းရှဲန်တွီ၊ ဖိလစ်(ခ)အကိန်၊ အိုက်မောင်၊ စိုင်းဝန်း၊ အိုက်အွန်ကျောက်၊ စိုင်းရှဲန်ဖနှင့် စိုင်းလောင်နွဲ့တို့ ၇ ဦးကို အိုက်စ်(မက်သ်အဖက်တမင်း) ၂၀၇ ကီလို (ခန့်မှန်းတန်ဖိုးငွေကျပ် ၁ ဒသမ ၆၅၆ ဘီလီယံ)၊ TOYOTA FORTUNER ယာဉ်တစ်စီး၊ HONDA CIVIC ယာဉ် တစ်စီး၊ TOYOTA CROWN ယာဉ်တစ်စီး၊ ISUZU D-MAX ယာဉ် တစ်စီးတို့နှင့်အတူ ဖမ်းဆီးရမိခဲ့ကြောင်း သိရသည်။

ကွင်းဆက်စစ်ဆေးဖော်ထုတ်ချက်အရ ဖမ်းဆီးရမိ အိုက်စ်(မက်သ်အဖက်တမင်း)များ၏ ပိုင်ရှင်ဖြစ်သူ စိုင်းမွန်းနေထိုင်သည့် တာချီလိတ်မြို့နယ်၊ မိုင်းဖုန်း(ခ)ကျေးရွာအုပ်စု၊ ဟိုခိုကျေးရွာရှိ နေအိမ်အား နံနက် (၁၀) ခွဲခန့်တွင် ဝင်ရောက်ရှာဖွေရာ စိုင်းမွန်းမှာ တိမ်းရှောင်လျက်ရှိကြောင်း သိရသည်။

အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူများအား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှု ကျူးလွန်သူများ အား ဆက်လက်ဖော်ထုတ်လျက်ရှိကြောင်း သိရသည်။

Credit - NP News Agency

#centralnewsnaypyitaw

image

ဗဟိုဘဏ်မှ စက်သုံးဆီလုပ်ငန်းရှင်များအတွက် ဒေါ်လာသန်း ၃၀ ထပ်မံထုတ်ရောင်းပေးမည်ဖြစ်ပြီး ဓာတ်ဆီဈေးနှုန်းများလည်း ယခင်အပတ်ထက် ကျပ် ၁၀၀ ဝန်းကျင် ကျဆင်းလာ

အောက်တိုဘာ ၉

ဗဟိုဘဏ်မှ စက်သုံးဆီလုပ်ငန်းရှင်များအတွက် ဒေါ်လာသန်း ၃၀ ထပ်မံထုတ်ရောင်းမည်ဖြစ်၍ ယခုဘဏ္ဍာနှစ် ခြောက်လကျော်အတွင်း ဒေါ်လာသန်း ၇၄၀ ခန့် ထုတ်ရောင်းပေးထားခဲ့ကြောင်း မြန်မာနိုင်ငံတော်ဗဟိုဘဏ်မှ ထုတ်ပြန်ထားသည့် စာရင်းများအရ သိရသည်။

ဗဟိုဘဏ်မှ စက်သုံးဆီလုပ်ငန်းရှင်များအတွက် နိုင်ငံခြားငွေများ ထုတ်ရောင်းပေးခဲ့ရာ ၂၀၂၅-၂၀၂၆ ဘဏ္ဍာနှစ်အစ ဧပြီလတွင် ၉၃ သန်း၊ မေလတွင် ဒေါ်လာ ၈၆ သန်းနှင့် ထိုင်းဘတ်သန်း ၂၀၀၊ ဇွန်လတွင် ဒေါ်လာ ၁၂၅ သန်း၊ ဇူလိုင်လတွင် ဒေါ်လာ ၁၅၃ သန်း၊ ဩဂုတ်လတွင် ဒေါ်လာ ၁၂၆ သန်းနှင့် စက်တင်ဘာလတွင် ဒေါ်လာ ၉၉ သန်း ထုတ်ရောင်းပေးထားသည်။

အောက်တိုဘာလ ၂ ရက်တွင် ဒေါ်လာ ၂၅ သန်းနှင့် ယခုထပ်မံထုတ်‌ရောင်းပေးမည့် ဒေါ်လာသန်း ၃၀ အပါအဝင် ယခုဘဏ္ဍာနှစ် ခြောက်လကျော်အတွင်း စက်သုံးဆီလုပ်ငန်းရှင်းများအတွက် ဗဟိုဘဏ်မှ ဒေါ်လာ ၇၃၇ သန်းနှင့် ထိုင်းဘတ်သန်း ၂၀၀ အထိ ထုတ်ရောင်းပေးခဲ့ခြင်းဖြစ်သည်။

ပြည်တွင်း စက်သုံးဆီဈေးကွက်၌ ယနေ့တွင် ဓာတ်ဆီ ၉၂ တစ်လီတာ ၂,၈၃၀ ကျပ်၊ ဓာတ်ဆီ ၉၅ တစ်လီတာ ၂,၈၉၅ ကျပ်၊ ရိုးရိုးဒီဇယ် တစ်လီတာ ၂,၅၄၅ ကျပ်နှင့် ပရီမီယံဒီဇယ် တစ်လီတာ ၃,၁၁၅ ကျပ်ဖြစ်ပေါ်လျက်ရှိပြီး ယခင်အပတ်ထက် ဓာတ်ဆီတစ်လီတာ ကျပ် ၁၀၀ ဝန်းကျင်နှင့် ဒီဇယ်တစ်လီတာ ၃၅ ကျပ်မှ ၆၅ ကျပ်ကြား ကျဆင်းခဲ့သည်။

Credit - Myanmar Transprency News Agency

#သတင်းဟင်းလေးအိုးကြီး

image

French adjectives to describe feelings🤔

image

❤️ပိန်းပန်း စိုက်ပျိုးနည်း🌹🌷
===================
ပိန်းပန်းအလှ၄၀၀၀၀ယိုးဒယားပိန်း
💖ဝင်းစိုက်ပျိုးရေးပျိုးဥယျာဉ်တွင်ရနိုင်ပါတယ်ရှင့် 🌻🌹🌷🥀💐🌺🌸🌼
🍀- ပိန်းပင်ဟာ တိုက်ရိုက်အလင်းရောင်ကို လုံးဝမကြိုက်ပါဘူး ... အပင်ကြီးများအောက် ၊ အိမ်တံဆက်မိတ်အောက်တို့တွင်သာ ထားသင့်ပါတယ်...
- 🍀ဒါမှမဟုတ်စိုက်ပျိုးရေးသုံး အစိမ်းစဇကာ ( ပိုက်စိမ်းစ ) အုပ်မိုးပြီးစိုက်ပျိုးရင်လဲ အဆင်ပြေပါတယ်ခင်ဗျာ ...
- 🍀တိုက်ရိုက် အလင်းရောင်ထိတဲ့အပင်များဟာ အရွက်များဝါကျပြီး သေဆုံးတတ်ပါတယ် ... အရွက်ကြွေရာမှာ နှင်းကြောင့်လဲ ကြွေပါတယ် ...
အထူးသဖြင့် မလေးရှားမျိုး နဂါးမောက်ပိန်း ( သို )့ ဇွန်ခွက်ပိန်းများဟာ နှင်းများတာနဲ့အမျှ အရွက်များကြွေကျကုန်ပါတယ် ...
ဒါပေမယ့်အပင်ကတော့ သေဆုံးခြင်းမရှိပါ ... အရွက်များပြန်ထွက်ရန် အချိန်ယူရပါတယ်ခင်ဗျာ ...
- 🍀ပိန်းပင်များဟာပန်းပွင့်ရန်အတွက် ရက်ပေါင်း ( ၄၀ / ၄၅ ) ရက်လောက်အချိန်ယူရပါတယ် ... အေးတဲ့ရာသီဥတုမှာ အပွင့်သေးပြီး ရိုးတံတိုပါတယ် ....
- 🍀ရေကိုကြိုက်နှစ်သက်မှုမှာတော့ ဒေသမျိုးနဲ့ တရုတ် ၊ ယိုဒယား ပိန်းပင်များဟာ ကွဲပြားခြားနားပါတယ် ...
ဒေသမျိုးဟာ ရေကိုနေ့စဉ်ဖြန်းပေးလို့ရပါတယ် ... တရုတ် ၊ ယိုးဒယာမျိုးများကတော့ အောက်ခံမြေကြီး ၊ ပွားစာ ၊ ခြောက်ခါနီးမှ တစ်ခါလောင်းရင်ရပါပြီ ...
- 🍀အဓိက ကတော့ ရေဆင်းကောင်းဖို့ဖြစ်ပါတယ် ... အပူချိန်အနေနဲ့ ( 60F နှင့်90F ) ကြားဟာ အကောင်းဆုံးဖြစ်ပါတယ် ...
- 🍀ပိန်းပန်းကို မီးသွေးစ ၊ အုန်းဆံခွံ ၊ အုတ်ခဲကျိုး ၊ မြေကြီးအနဲငယ်နဲ့. အိုးများအတွင်းစိုက်ပျိုးနိုင်ပါတယ် ... မြေကြီးပေါ်မှာလဲ စိုက်ပျိုးနိုင်ပါတယ် ...
- 🍀မြေသြဇာအနေနဲ့ ( နိုက်ထရိုဂျင် ) ပါဝင်တဲ့ လက်ဖက်ခြောက်ဖတ်များ ၊ ကြက်ဥခွံများဟာ သဘာဝမြေသြဇာတွေပဲ ဖြစ်ပါတယ်ခင်ဗျာ .....
တို့ပေါ့
🍀ပိန်းပန်းလေးတွေအတွက်သင့်တော်တဲ့မြေသြဇာကတော့ Slow Released Fertilizer (13:13:13) လို့ခေါ်တဲ့ မြေသြဇာလေးပဲ ဖြစ်ပါတယ် အဲ့ဒါကလည်းစိုက်ပျိုးရေးဆေးဆိုင်တွေမှာ အလွယ်တကူ ဝယ်လို့ရရှိနိုင်ပါတယ်
🍀အပွင့်လောင်ရောဂါမွှားတွေကြောင့်ဖြစ်ပေါ်လာတဲ့ရောဂါပူလွန်းအေးလွန်းတာကြောင့်ရယ့ အပင်အားနဲတာရယ်ဒီရောဂါက ပိန်းပင်တိုင်းမှာဖြစ်လေ့ဖြစ်ထရှိတာမို့ တလတခါ ဖန်ကူလာ ဖြန်းပေးအားခြင်းဖြစ်လည်း ကာကွယ်နိူင်တယ်
🍀ဆောင်းရာသီ အအေးဓာတ်များလွန်းတေ့ာ အစိုဓာတ်ထိန်းပေးပါ
ဖြစ်နေတဲ့အပွင့် တွေ ညှပ်ပြီး မီးရိူ့
မိူဘက်တီးရီးယားတွေလည်းတတိထားပါ
အုံးခွံမှာ ဖြူဖြူလေးတက်လာရင်ဖြစ်တဲ့အိုးရဲ့မြေစာ ပြောင်းပေးပါ
မဟုတ်ရင် ပင်စီပုတ်ရောဂါ အရွက်လောင်ရောဂါ ဖြစ့်တေ့ာမည်
အပင်ကို နင်းမထိအောင်မိုးထားပေးပါ
ညနေရေလောင်းချင်းရှောင်ပါ
ရေက ပင်စီနား မှာခံနေရင် အကောင်က ရေလာသောက်တာ ရယ် လာမှီခိုနေထိုင်တာရယ်ကြောင့် ပင်စီကို ဖြတ်စီးပြီး ရောဂါကျနိူင်သည်
တီကောင်နီ ရောဂါက အရွက်အမဲကွက်ရာဂါဖြစိစေသည်
🍀ဖြန်းရမဲ့ဆေး
အောက်မှာပြထားတယ်နော်
သုံးရက်တခါ
ထမင်းစားစွန်း သုံးစွန်စွန်းရောဂါတအားပျင်းရင်
တမျိူးတစွန်းခွဲ ရေလေးဂါလံ
ဆေးစိုက်ပျိူးရေးဆိုင်မေးပြီးဝယ်ပါ
ရောဂါဖြစ်ရတဲ့အကြောင်းရင်း
ပြုစုမူ့အားနဲ တာရယ်
အပင်ကို ဖြစ်သလိုပြစ်ထား
နင်းခါး နဲ့ထိတွေ့
အမိုးမလုံ မြေစာ မိူဘက်တီရီးယားတွေပါရှိ တခါတလေ မိုပန်းပွင့်တွေထွက်တာတွေ့ပြီး
မိူမျှင်လေး သနိးနေတာတွေ့ရင်ချက်ချင်းဆေးဖျန်းပါ

image

ယူနိုက်တက်အား တည်ဆောက်ရန် အမိုရမ်တွင် အချိန် သုံးနှစ်လိုအပ်ကြောင်း ဆာဂျမ်ရက်ကလစ်ဖ် ပြောကြားလာ

အောက်တိုဘာ ၉

ယူနိုက်တက်ပူးတွဲပိုင်ရှင်ဆာဂျမ်ရက်ကလစ်ဖ်က ယူနိုက်တက်နည်းပြရူဘင်အမိုရမ်မှာ ကြီးကျယ်တဲ့ နည်းပြတစ်ဦး ဖြစ်ကြောင်း သက်သေပြရန် အချိန် သုံးနှစ်လိုအပ်နေကြောင်း ပြောကြားလာပါတယ်။

အမိုရမ်ဟာ လာမယ့် နိုဝင်ဘာလတွင် ယူနိုက်တက်အား ကိုင်တွယ်တာ တစ်နှစ်ပြည့်လာမှာ ဖြစ်ပါတယ်။ ဒါပေမယ့် ယူနိုက်တက်ဟာ အမိုရမ်လက်ထက်တွင် မှတ်တမ်းကောင်းများ ပိုင်ဆိုင်ထားခြင်း မရှိပါဘူး။

ယူနိုက်တက်ဟာ ပြီးခဲ့တဲ့ရာသီတုန်းက ၁၉၇၃-၇၄ ရာသီတုန်းက တန်းဆင်းခံရပြီးနောက်ပိုင်း အဆိုးရွားဆုံးအဆင့်အဖြစ် အဆင့် ၁၅ နေရာမှာ ရပ်တည်ခဲ့ရပါတယ်။

ဒါ့အပြင် ယူနိုက်တက်ဟာ နွေရာသီတုန်းက အပြောင်းအရွှေ့အသုံးစရိတ် ပေါင်သန်း ၂၀၀ အထိ အသုံးပြုခဲ့ပေမယ့်လည်း ယခုရာသီတွင် ပရီးမီးယားလိဂ်ပွဲ ၃ ပွဲ ရှုံးနိမ့်ထားပြီး ဖြစ်သလို ခါရာဘောင်ဖလားမှလည်း ထွက်ခွာထားရပြီး ဖြစ်ပါတယ်။

ယူနိုက်တက်တာဝန်ရှိသူများက အမိုရမ်အား အပြည့်အဝ ထောက်ခံနေကြဆဲ ဖြစ်ပေမယ့်လည်း ဆန်းဒါးလန်းအား ၂-၀ ဂိုးဖြင့် အနိုင်ရတဲ့ပွဲသာ မပိုင်ဆိုင်လျှင် ထုတ်ပယ်ခဲ့ပြီး ဖြစ်လာလိမ့်မယ်လို့ သတင်းထွက်ခဲ့ပါတယ်။

ဒါပေမယ့် The Times ရဲ့ The Business အင်တာဗျူးမှာတော့ ဆာဂျမ်ရက်ကလစ်ဖ်က "အကောင်းဆုံးရာသီ မပိုင်ဆိုင်ခဲ့ဘူး။ ရူဘင်မှာ ကြီးကျယ်တဲ့ နည်းပြဖြစ်ကြောင်း သက်သေပြဖို့ အချိန်သုံးနှစ်လိုတယ်။ ကျွန်တော့်ဘက်ကလည်း အချိန်ပေးသွားမယ်"လို့ ဆိုသွားပါတယ်။

အသက် ၄၀ နှစ်ရှိ အမိုရမ်ဟာ ယူနိုက်တက်သို့ ရောက်လာပြီးနောက် ၃-၄-၂-၁ ကစားကွက်ကို ခေါင်းမာစွာ အသုံးပြုလာမှုအတွက် ဝေဖန်မှုများ ကြုံနေရသူလည်း ဖြစ်ပါတယ်။

ဒါပေမယ့် ဆာဂျမ်ရက်ကလစ်ဖ်ကတော့ "သတင်းစာတွေအပေါ် တခါတလေ နားမလည်နိုင်ဘူး။ သူတို့က နေ့ချင်းညချင်း အောင်မြင်ချင်ကြတယ်။ သူတို့က မီးခလုပ်တစ်ခုလို့ ထင်ကြတယ်။ တချက်ခုန်ကူးလိုက်တာနဲ့ မနက်ဖြန် နှင်းဆီပွင့်မယ်လို့ ထင်ကြတယ်။ ယူနိုက်တက်လို ကလပ်တစ်ခုကို အပတ်လာနေတဲ့ ဂျာနယ်လစ်တွေအပေါ် စိတ်ပျက်တဲ့ တုံ့ပြန်မှု ပြုလုပ်လို့ မရပါဘူး"လို့ ပြောကြားသွားပါတယ်။

ရက်ကလစ်ဖ်ဟာ ယူနိုက်တက်ရဲ့ ရှယ်ယာ ၃၀ ရာခိုင်နှုန်းကို ပိုင်ဆိုင်သူ ဖြစ်ပြီး ကလပ်ရဲ့ ဘောလုံးရေးရာနှင့်ပတ်သက်တဲ့ ဆုံးဖြတ်ချက်များ ချမှတ်ခွင့် ရယူထားပါတယ်။

ဒါ့အပြင် ရက်ကလစ်ဖ်က အမိုရမ်အား ထုတ်ပယ်မှု ဖြစ်လာမှာ မဟုတ်ကြောင်းလည်း အာမခံ ပြောကြားသွားပါတယ်။

ရက်ကလစ်ဖ်ဟာ ယူနိုက်တက်ပူးတွဲပိုင်ရှင် ဖြစ်လာပြီးနောက် ဝန်ထမ်း ၄၀၀ ကျော်တို့အား လျှော့ချကာ အသုံးစရိတ်လျှော့ချမှု ပြုလုပ်လာသူလည်း ဖြစ်ပါတယ်။

ယူနိုက်တက်ဟာ ယင်းသို့ အသုံးစရိတ်လျှော့ချလာမှုနှင့်အတူ ၂၀၂၅ ခုနှစ် ဇူလိုင်လအထိ တစ်နှစ်တာဘဏ္ဍာရေးရှင်းတမ်းတွင် ပေါင် ၃၃ သန်းတည်းသာ ရှုံးနိမ့်လာပါတယ်။ ၎င်းတို့ဟာ ယင်းမတိုင်မီ တစ်နှစ်တုန်းက ပေါင် ၁၁၃.၂ သန်းအထိ အရှုံးပေါ်ထားတာပါ။

Credit - Playmaker Journal

#ဘောလုံးသတင်းစုံ

image

ကန်၊ တရုတ်၊ ပါကစ္စတန်ကို အချက်ပြသည့် တာလီဘန်၏ အိန္ဒိယခရီးစဉ်

နယူးဒေလီ၊ အောက်တိုဘာ ၉

အာဖဂန်နစ္စတန်နိုင်ငံ၏ တာလီဘန်နိုင်ငံခြားရေးဝန်ကြီး အမီယာခန်း မွတ်တာကီ (Amir Khan Muttaqi ) သည် ယခုလအတွင်း အိန္ဒိယသို့ သွားရောက်ရန် စီစဉ်ထားသည့်အတွက် ထိုခရီးစဉ်သည် အမေရိကန်၊ တရုတ်နှင့် ပါကစ္စတန်တို့ကို အရိပ်လက္ခဏာများ ပြသရာရောက်လာလိမ့်မည်ဟု Nikkei Asia မှ ဖော်ပြခဲ့သည်။

ကုလသမဂ္ဂလုံခြုံရေးကောင်စီက မွတ်တာကီအပေါ် ခရီးသွားလာမှု ပိတ်ပင်ချက်ကို ယာယီရုပ်သိမ်းပေးခဲ့ပြီး နောက် ၎င်း၏ အိန္ဒိယခရီးစဉ် ပေါ်ပေါက်လာခဲ့ခြင်း ဖြစ်သည်။

အိန္ဒိယသည် တာလီဘန်အစိုးရနှင့် ထိတွေ့ဆက်ဆံမှုများကို တဖြည်းဖြည်း တိုးမြှင့်နေချိန်တွင် အိန္ဒိယ၏ ဒေသ တွင်း ပြိုင်ဘက်များဖြစ်သည့် တရုတ်နှင့် ပါကစ္စတန်တို့ကလည်း ၎င်းတို့၏ ဩဇာလွှမ်းမိုးမှုများအား မြင့်တက်စေ ရန် ကြိုးပမ်းလျက်ရှိသည်။

မွတ်တာကီ၏ အိန္ဒိယခရီးစဉ်အတွင်း ကုန်သွယ်ရေး၊ ကျန်းမာရေး ပြုစုစောင့်ရှောက်မှု၊ ကောင်စစ်ဝန် လုပ်ငန်းစဉ် များနှင့် စီးပွားရေး ပူးပေါင်းဆောင်ရွက်မှုများကို ဆွေးနွေးသွားမည်ဖြစ်သည်။

အိန္ဒိယသည် အာဖဂန်၌ တာလီဘန်တို့ အာဏာပြန်ရလာခဲ့ချိန်ကတည်းက အာဖဂန်တွင် လူသားချင်းစာနာ ထောက်ထားမှုဆိုင်ရာ လုပ်ငန်းသဘော မစ်ရှင်တစ်ရပ်ကို ဆက်လက် ထိန်းသိမ်းထားခဲ့သည်။

အမေရိကန်အတွက်မူ မွတ်တာကီ၏ ခရီးစဉ်သည် တာလီဘန်အစိုးရနှင့် ဒေသတွင်း နိုင်ငံများကြား လက်တွေ့ကျ သည့် ထိတွေ့ဆက်ဆံမှုများ ဆက်လက် ပေါ်ပေါက်လာမည့် အရိပ်လက္ခဏာ တစ်ခုအဖြစ် ရှုမြင်နိုင်သည်။

တာလီဘန်အဖွဲ့နှင့် ထိတွေ့ဆက်ဆံမှုများ ပြုလုပ်ရန် ကြိုးပမ်းနေသည့် တရုတ်အတွက်လည်း အိန္ဒိယ-တာလီဘန် ဆက်ဆံရေးသည် ဒေသတွင်း တရုတ်၏ မဟာဗျူဟာမြောက် လွှမ်းမိုးရေးကို ရှုပ်ထွေးနိုင်သည်ဟု ရှုမြင်လိမ့်မည် ဖြစ်သည်။

အထူးသဖြင့် အိန္ဒိယသည် တရုတ်အပြင် အာဖဂန်နစ္စတန်အတွက် နောက်ထပ် အရေးကြီးသည့် မိတ်ဖက်နိုင်ငံ ဖြစ်လာနိုင်သည်။

ထို့ကြောင့် တရုတ်သည် အာဖဂန်နစ္စတန်ကို ဩဇာလွှမ်းမိုးမှု ရရှိရေးအတွက် ပြိုင်ဆိုင်မှုများ မြင့်တက်လာဖွယ် ရှိသည်။

ပါကစ္စတန်နိုင်ငံအတွက်မူ အိန္ဒိယ-တာလီဘန် ဆက်ဆံရေးသည် တိုက်ရိုက်အဖြစ်ဆုံး လက္ခဏာတစ်ခု ဖြစ်သည်။

ပါကစ္စတန်သည် အာဖဂန်ပြည်တွင်းရေးတွင် အဓိကကျသည့် အခန်းကဏ္ဍမှ ပါဝင်ခဲ့သည်။

အထူးသဖြင့် တာလီဘန်အဖွဲ့ အုပ်ချုပ်သည့် ကာလများနှင့် တာလီဘန်တို့ ဖြုတ်ချခံခဲ့ရသော ကာလများတွင် ပါကစ္စတန်သည် အာဖဂန်တာလီဘန်တို့အတွက် အဓိကမိတ်ဖက်ဖြစ်ခဲ့သည်။

သို့သော် လက်ရှိတွင် တာလီဘန်တို့သည် အိန္ဒိယနှင့် ထိတွေ့ဆက်ဆံမှု မြင့်တက်လာမည်ဆိုပါက အာဖဂန်၌ ပါကစ္စတန်၏ ဩဇာလွှမ်းမိုးမှုကို လျှော့ချနိုင်လိမ့်မည်ဖြစ်ကြောင်း ကျွမ်းကျင်သူများက ပြောကြားခဲ့သည်။

Source: Nikkei Asia

ပုံ - အိန္ဒိယနိုင်ငံခြားရေးဝန်ကြီးနဲ့ တာလီဘန်နိုင်ငံခြားရေးဝန်ကြီး အမီယာခန်း မွတ်တာကီကို တွေ့ရစဉ်

Credit - Myanmar Transparency News Agency

#သတင်းဟင်းလေးအိုးကြီး

image

ယာယီသမ္မတ ဗိုလ်ချုပ်မှူးကြီး မင်းအောင်လှိုင်၊ ဝန်ကြီးချုပ် ဦးညိုစောတို့ကို ဂါရဝပြုတွေ့ဆုံရန်နှင့် မြန်မာနိုင်ငံခြားရေးဝန်ကြီးနှင့် တွေ့ဆုံဆွေးနွေးရန် မလေးရှားနိုင်ငံခြားရေးဝန်ကြီးက မြန်မာနိုင်ငံသို့ တစ်နေ့တာခရီးစဥ်လာရောက်နေ

အောက်တိုဘာ ၉

မ​လေးရှား နိုင်ငံခြားရေးဝန်ကြီး ဒါတွတ် စရီ မိုဟာမက် ဟာဆန်ဟာ မြန်မာနိုင်ငံရဲ့ ထိပ်တန်းခေါင်းဆောင်တွေကို ဂါရဝပြု တွေ့ဆုံဖိုနဲ့ သူ့နည်းတူ ရာထူးတူ မြန်မာနိုင်ငံခြားရေးဝန်ကြီးတို့နဲ့ ဆွေးနွေးမှု ပြုလုပ်ဖို့ ဒီနေ့မှာ မြန်မာနိုင်ငံကို ထွက်ခွာလာခဲ့တယ်လို့ မလေးရှားသတင်းဌာနတွေက ဖော်​ပြပါတယ်။

​”ယာယီသမ္မတ ဗိုလ်ချုပ်မှူးကြီး မင်းအောင်လှိုင်၊ ဝန်ကြီးချုပ် ဦးညိုစောနဲ့ ကျွန်တော်နဲ့ ရာထူးတူ ဝန်ကြီး ဦးသန်းဆွေတို့နဲ့ တွေ့ဆုံဆွေးနွေးဖို့ မြန်မာနိုင်ငံကို ထွက်ခွာ” လို့ ဟာဆန်က ဒီမနက်မှာ သူ့ရဲ့ ဖေ့စ်ဘွတ်ခ်စာမျက်နှာမှာ ရေးသားခဲ့ပါတယ်။

​ပဋိပက္ခများစွာကြောင့် ပြင်းထန်စွာထိခိုက်ခံစားနေရတဲ့ နိုင်ငံကို အလုပ်ခရီးစဥ် သွားရောက်ရခြင်း ရည်ရွယ်ချက်ကတော့ မကြာသေးမီက အပစ်အခတ်ရပ်စဲရေးကို ချိုးဖောက်ခဲ့ကြတာကြောင့် “ငြိမ်းချမ်းရေး အစီအစဉ် ကြိုးပမ်းမှုတွေကို ထိခိုက်စေပြီး အခြေအနေကို ပိုမိုဆိုးရွားစေခဲ့ခြင်း”ကြောင့်ဖြစ်တယ်လို့လည်း သူက ဖော်ပြခဲ့ပါတယ်။

​သူ့ရဲ့ ပို့စ်နဲ့အတူ “မလေးရှား တော်ဝင်လေတပ်စခန်းမှာ။ မြန်မာနိုင်ငံရဲ့ အုပ်ချုပ်ရေးမြို့တော် နေပြည်တော်သို့ ထွက်ခွာ” ဆိုတဲ့ စာတန်းပါ ဓာတ်ပုံတစ်ပုံလည်း တွဲပါလာပါတယ်။

ဟာဆန်ရဲ့ ခရီးစဥ်ဟာ ပြီးခဲ့တဲ့ စက်တင်ဘာ ၁၉ ရက်မှာ သွားရောက်ဖို့ မူလစီစဉ်ထားတဲ့ မြန်မာနိုင်ငံ ခရီးစဉ်ကို ရှောင်လွှဲမရတဲ့ အခြေအနေတွေကြောင့် ရွှေ့ဆိုင်းခဲ့ရမှုအတွက် ဒီနေ့မှာ ပြန်လည်သွားရောက်တာဖြစ်ကြောင်း မလေးရှားနိုင်ငံခြားရေးဝန်ကြီးဌာတက ဒီနေ့ပဲ အတည်ပြုခဲ့ပါတယ်။

​တစ်ချိန်တည်းမှာပဲ ဝန်ကြီးဌာနရဲ့ ကြေညာချက်မှာ မိုဟာမက်ဟာ မြန်မာနိုင်ငံ၊ နေပြည်တော်ကို တစ်ရက်တာ အလုပ်လုပ်ငန်းခရီးအဖြစ် သွားရောက်နေကြောင်း အတည်ပြုခဲ့သလို ​ဝန်ကြီးဌာနရဲ့ အဆိုအရ ဒီခရီးစဉ်ဟာ ၂၀၂၅ ခုနှစ်၊ ဇူလိုင်လက ကျင်းပခဲ့တဲ့ ၅၈ ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးရဲ့ ရလဒ်နဲ့အညီ ဖြစ်ကြောင်းနဲ့ ​မိုဟာမက်နဲ့အတူ အာဆီယံ ဥက္ကဋ္ဌရဲ့ မြန်မာနိုင်ငံဆိုင်ရာ အထူးကိုယ်စားလှယ် တန်စရီ အော့စ်မန် ဟာရှင်မ် လိုက်ပါသွားပါတယ်လို့ ပြောခဲ့ပါတယ်။

​ဒီအလုပ်လုပ်ငန်းခရီးစဉ်အတွင်းမှာ ဟာဆန်ဟာ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် (SSPC) ဥက္ကဋ္ဌ ယာယီသမ္မတ ဗိုလ်ချုပ်မှူးကြီး မင်းအောင်လှိုင်၊ ဝန်ကြီးချုပ် ဦးညိုစောတို့ကို ဂါရဝပြုတွေ့ဆုံဖို့ စီစဉ်ထားပါတယ်။

​ဟာဆန်ဟာ SSPC ရဲ့ နိုင်ငံခြားရေးဝန်ကြီး ဦးသန်းဆွေနဲ့လည်း တွေ့ဆုံပွဲ ပြုလုပ်မှာ ဖြစ်ပါတယ်။

​မြန်မာ့ထိပ်တန်းခေါင်းဆောင်တွေနဲ့ တွေ့ဆုံမှုတွေအတွင်းမှာ ဟာဆန်ဟာ အခြားကိစ္စများစွာအပြင် အာဆီယံ ဘုံသဘောတူညီချက် (၅) ရပ်ကို အပြည့်အဝနဲ့ အဓိပ္ပာယ်ရှိစွာ အကောင်အထည်ဖော်ဖို့၊ အထူးသဖြင့် အကြမ်းဖက်မှု ရပ်စဲရေး၊ အကန့်အသတ်မရှိ လူသားချင်းစာနာထောက်ထားမှု အကူအညီပေးရေးနဲ့ မြန်မာ့အရေး ပတ်သက်သူအားလုံး ပါဝင်တဲ့ ဘက်စုံဆွေးနွေးပွဲ ပြုလုပ်ရေးတို့ကို တောင်းဆိုသွားမယ်လို့ သိရပါတယ်။

​မြန်မာနိုင်ငံမှာ ကျင်းပဖို့ စီစဉ်ထားတဲ့ ရွေးကောက်ပွဲကိစ္စကိုလည်း ဒီအစည်းအဝေးတွေအတွင်း ဆွေးနွေးဖို့ မျှော်မှန်းထားကြောင်း ဝန်ကြီးဌာနက ပြောကြားခဲ့ပါတယ်။

​မလေးရှားနိုင်ငံအနေနဲ့ မြန်မာ့ငြိမ်းချမ်းရေး၊ တည်ငြိမ်ရေးနဲ့ ဖွံ့ဖြိုးတိုးတက်ရေးကို ထောက်ခံဖို့အတွက် အာဆီယံ ဥက္ကဋ္ဌအနေနဲ့ SSPC နဲ့ ဆက်ဆံရေးကို ဆောင်ရွက်နေတာဖြစ်ကြောင်း ဝန်ကြီးဌာနက ထပ်လောင်းပြောကြားခဲ့ပါတယ်။

​မလေးရှားနိုင်ငံဟာ အာဆီယံရဲ့ အပြည့်အဝ ထောက်ခံမှုနဲ့အတူ မြန်မာနိုင်ငံကိုယ်တိုင် ပိုင်ဆိုင်ပြီး မြန်မာနိုင်ငံ ဦးဆောင်တဲ့ အကျပ်အတည်း ဖြေရှင်းရေးကို မြှင့်တင်ဖို့ ဆက်လက်အာရုံစိုက်နေပါတယ်။

​ဒီအလုပ်ခရီးစဉ်ဟာ မြန်မာနိုင်ငံမှာ ငြိမ်းချမ်းရေး၊ တည်ငြိမ်ရေးနဲ့ ရေရှည်တည်တံ့တဲ့ ဖြေရှင်းချက်ရရှိဖို့ အာဆီယံရဲ့ ခိုင်မာသော ကတိကဝတ်ကိုလည်း ပြသနေပါတယ်။ ၂၀၂၅ ခုနှစ် အာဆီယံ ဥက္ကဋ္ဌအနေနဲ့ မလေးရှားနိုင်ငံဟာ ဘက်စုံပါဝင်ပြီး ရေရှည်တည်တံ့တဲ့ နည်းလမ်းတွေနဲ့ အမျိုးသားငြိမ်းချမ်းရေးနဲ့ ပြန်လည်သင့်မြတ်ရေးကို ရရှိစေဖို့အတွက် မြန်မာ့အရေး ပတ်သက်သူအားလုံးနဲ့ ဆက်လက်ထိတွေ့ ဆောင်ရွက်သွားမှာ ဖြစ်ပါတယ်။

​Ref, BERNAMA

Credit - Myanmar Transprency News Agency

#centralnewsnaypyitaw

image
image
image
image

ငှက်ချစ်သူများ အားလုံး မင်္ဂလာပါ
Common kingfisher မောင်ကင်းပုံလေးကို ငှက်ချစ်သူတွေအတွက် မျှဝေပေးလိုက်ပါတယ် 🥰

image
3 w - Translate

"ဟိုးအရင်ခေတ်တုန်းက လူတွေမှာ သူတို့မပြောပြချင်တဲ့ လျှို့ဝှက်ချက်တစ်ခုခုရှိခဲ့ရင် ဘာလုပ်ကြလဲသိလား။ တောင်တစ်တောင်ပေါ်တက်၊ သစ်ပင်တစ်ပင်ကိုရှာပြီး အဲ့သစ်ပင်မှာ အပေါက်ကလေးဖောက်၊ သူ့ရဲ့လျှို့ဝှက်ချက်ကို အဲ့အပေါက်ထဲ တိုးတိုးကလေးရေရွတ်ကြသတဲ့။ ပြီးရင် အဲ့ဒီနေရာကို​ ရွှံ့နဲ့ပြန်အုပ်ပြီး လျှို့ဝှက်ချက်ကို တစ်သက်လုံးချန်ထားခဲ့ရော။"
ဒီနေ့ကူးပြောင်းရောက်ရှိတဲ့ ၂၀၂၅ ခုနှစ်​ အောက်တိုဘာလမှာ ဒါရိုက်တာ Wong Kar-Wai ရဲ့ အကောင်းဆုံးလက်ရာတစ်ခုဖြစ်တဲ့ In the Mood for Love ရုပ်ရှင်ဟာ ငွေရတုပြည့်မြောက်ခဲ့ပြီဖြစ်ပါတယ်။

Crd

image
3 w - Translate

ဘယ်ဥယျာဉ်မှူးကောင်းလို့မှ လှတာမဟုတ်ဘူးနော်
တို့ကအမေမွေးကတည်းက လှတာ

image