The older I get, the more I appreciate living a simple and happy life. 🍃💚

The older I get, the more I appreciate living a simple and happy life. 🍃💚

>> မသိဘဲစားနေကြတာမကြည့်ရက်တော့လို့ **
>> တင်ပြလိုက်ရခြင်းဖြစ်ပါတယ်...! **
[ချင်းသို့မဟုတ်ဂျင်းမစားသင့်သူများ
ဖတ်ချိန်တမိနစ်]
* ဂျင်းက ကျန်းမာရေးအတွက် အကျိုးကျေးဇူးများတယ်ဆိုပေမဲ့ လူတိုင်းအတွက် ကောင်းလှတယ်တော့မဟုတ်ပါဘူး။
* အောက်ဖော်ပြပါ ဝေဒနာရှင်တွေအနေနဲ့ ဂျင်းစားသုံးမှုကိုလုံးဝရှောင် ကြဉ်တာမျိုးဖြစ်ဖြစ် ဒါမှမဟုတ် အတိုင်းအချင့်နဲ့ စားသုံးတာမျိုးဖြစ်ဖြစ်လုပ်ဆောင်သင့်ပါတယ်။
(၁) သတေ:ခဲဆေ:သောက်သုံးနေရသူတွေ
ဂျင်းကသွေ:ကို ကျဲစေနိုင်စွမ်းရှိတာကြောင့် သွေ:မတိတ်တဲ့ဝေဒနာရှိတာကြောင့် သွေ:ခဲ ဆေ:သောက်သုံးမှီဝဲနေရ သူတွေအနေနဲ့ ဂျင်းစားသုံးမယ်ဆိုရင်ဆရာဝန်နဲ့တိုင်ပင်ဆွေးနွေးသင့်ပါတယ်။
အချို့သောဖြစ်ရပ်တွေမှာ ဂျင်းကဆေ:အာနိသင်ကို လျော့ပါးစေနိုင်တာကြောင့် ဂျင်းစားသုံးတဲ့အခါ ဆရာဝန်နဲ့တိုင်ပင်ပြီးမှသာ စားသုံးသင့်ပါတယ်။
(၂) ဆီးချိုဆေ: မှီဝဲနေရသူတွေ
ဂျင်းက သွေ:တွင်းသကြားဓာတ်ကို လျော့ကျစေနိုင်စွမ်းရှိပေမဲ့ မက်ဖော်မင်နဲ့အင်ဆူလင်လိုမျိုး ဆီးချိုဆေ:သောက်သုံးနေရသူတွေအနေနဲ့ ဆေ:အာနိသင်ကိုလျော့ပါးစေနိုင်တာကြောင့် ဂျင်းမစားသုံးသင့်ပါဘူး။
သွေ:ချိုတအားကျဆင်းသွားနိုင်တာကြောင့်လည်း ဂျင်းစားသုံးမှုကိုရှောင်ကြဉ်သင့်တာဖြစ်ပါတယ်။
(၃)ဆေ:ကျဆေ:သောက်နေရသူတွေ
သွေ:တိုးကျစေဖို့အတွက် သောက်သုံးရတဲ့ဆေ:တွေကို မှီဝဲနေရသူတွေအနေနဲ့လည်း ဂျင်းကိုမစားသုံးသင့်ပါဘူး။
ဂျင်းကသွေ:တိုးကျဆေ:အချို့နဲ့ ဓာတ်ပြုနိုင်တာကြောင့် ဖြစ်ပါတယ်။
ဂျင်းနဲ့ သွေ:တိုးကျဆေ:တို့ ဓာတ်ပြုတဲ့အခါ နှလုံးခုန်နှုန်းနဲ့ သွေးဖိအားကို အန္တရာယ်ရှိတဲ့ အခြေအနေလောက်အထိကျဆင်းစေတာမျိုး ဖြစ်ပေါ်စေပါတယ်။
နောက်ဆက်တွဲဝေဒနာတွေ ကိုတောင်ဖြစ်ပေါ်စေနိုင်ပါတယ်။
နှလုံးခုန်မမှန်တာမျိုးလည်း ဖြစ်ပေါ်ခံစားရနိုင်ပါတယ်
(၄)သည်းခြေကျောက်တည်နေသူတွေ
သည်းခြေကျောက်တည်မှုကို ခံစားရနိုင်ခြေရှိသူတွေအနေနဲ့ ဂျင်းစားသုံးမယ်ဆိုပါက ရောဂါအခြေအနေက ပိုမိုဆိုးရွားသွားနိုင်ပါတယ်။
သည်းခြေအိတ်မှာ သည်းခြေကျောက်တည်တာမျိုး ဖြစ်လာနိုင်ပါတယ်။
သည်းခြေကျောက်တွေက သည်းခြေပြွန်တစ်လျှောက် စီးပါသွားရင်း သည်းခြေရည်တွေကို အသည်းဆီကိုရောက်ရှိသွားစေနိုင်ပါတယ်။
ချင်းက သည်းခြေရည်ထုတ် လွှတ်မှုကိုတိုးစေနိုင်ပါတယ်။
သည်အခြေအနေက သည်းခြေကျောက်ပိတ်ဆို့မှုကိုဖြစ်ပေါ်စေပြီးဆိုးရွားလှတဲ့ နာမကျန်းဖြစ်မှုကိုဖြစ်ပေါ်စေနိုင်ပါတယ်။
သည်းခြေရည်များလွန်းတာက သည်းခြေကျောက်ဖြစ်နိုင်ခြေကို တိုးစေနိုင်တာကြောင့် သည်းခြေကျောက်တည်နိုင်ခြေရှိသူတွေအနေနဲ့ ဂျင်းမစား သုံးသင့်ပါဘူး။
(၅) ကိုယ်ဝန်ဆောင်အမျိုးသမီးများ
ကိုယ်ဝန်ဆောင်နေစဉ်အတွင်း ချင်းမစားသုံးသင့်ပါဘူး။
ကိုယ်ဝန်ဆောင်အမျိုးသမီးတွေအနေနဲ့ ဂျင်းစားသုံးသင့်သလားဆိုတာကို သိရတာမျိုးမရှိပေမဲ့ ဆိုးကျိုးဖြစ်နိုင်သလားဆိုတာကိုလည်း ရေရေရာရာမသိရသေးပါဘူး။
လေ့လာမှုတော်တော်များများမှာတော့ ဂျင်းစားသုံးတာက သန္ဓေသားရဲ့ လိ*င်ပိုင်းဆိုင်ရာဟော်မုန်းကို ထိခိုက်စေနိုင်တယ်လို့ ဆိုပါတယ်။
ဂျင်းက သွေ:ထွက်မှုကိုများစေနိုင်တာကြောင့် မီးဖွားမယ့်ရက်နီးတဲ့အခါ မစားသုံးသင့်ပါဘူး။

စိတ်တွေနဲ့ လူတွေနဲ့လည်း မကပ်ပါဘူးဟယ်
သူဌေးကို ယောင်ပြီး ခေါ်တာ ကိုကိုတဲ့ 🥶
ကိုကို ကို သူက ကုန်ကုန်ကြားတာ
တရုတ်လို ကုန်ဆိုတာကခွေး ရှောင်းကုန်(ခွေးလေး)
ဘယ်မှာလဲ ကုန်တဲ့ အောက်ထပ်ကအန်တီ မွေးထားတာ ဆိုတော့ အော်တဲ့😬😑
သူဌေးက သူ့ကို ခွေးလို့ ခေါ်တယ်ထင်ရင်တော့ ခတ်ပြီ😬

Windows စနစ်ကို စတင်ဖွင့်တဲ့အခါ အတက်မြန်စေဖို့ အောက်ပါနည်းလမ်းများး
1. Startup Program တွေကိုလျှော့ချပါ။
Windows စတင်တဲ့အခါ Background မှာ အလိုအလျောက်ဖွင့်တဲ့ Program တွေကို ပိတ်ပါ။
#ဘယ်လိုလုပ်မလဲ?🤔
- Task Manager ကိုဖွင့်ပါ → Ctrl + Shift + Esc (သို့) Ctrl + Alt + Del နှိပ်ပြီး Task Manager ကိုရွေးပါ။
- Startup Tab ကိုနှိပ်ပါ။
- မလိုအပ်တဲ့ Program တွေကို Right-click နှိပ် → Disable လုပ်ပါ။
(ဥပမာ - Spotify, Skype, Adobe Reader စသည်တို့ကို Disable လုပ်နိုင်ပါတယ်)
2. Fast Startup ကိုဖွင့်ပါ။
Windows မှာ Fast Startup ဆိုတဲ့ Feature ပါပါတယ်။ ဒါက Shutdown လုပ်တဲ့အခါ System Information တွေကို Save ထားပြီး နောက်တစ်ခါ ပြန်ဖွင့်ရင် ပိုမြန်ဆန်စေပါတယ်။
#ဘယ်လိုဖွင့်မလဲ?🤔
- Control Panel ကိုဖွင့်ပါ → Power Options ကိုနှိပ်ပါ။
- Choose what the power buttons do ကိုနှိပ်ပါ။
- Change settings that are currently unavailable ကိုနှိပ်ပါ။
- Turn on fast startup (recommended) ကို အမှန်ခြစ်ပါ → Save changes နှိပ်ပါ။
3. Disk Cleanup လုပ်ပါ။
တခါတလေ Temporary Files တွေက Startup ကိုနှေးစေပါတယ်။ Disk Cleanup လုပ်ပြီး ဖိုင်အပိုတွေကိုဖျက်ပါ။
#ဘယ်လိုလုပ်မလဲ?🤔
- File Explorer ဖွင့်ပါ → This PC ကိုနှိပ်ပါ။
- C: Drive ကို Right-click နှိပ် → Properties ကိုနှိပ်ပါ။
- Disk Cleanup ကိုနှိပ်ပါ → Temporary files, Recycle Bin စတာတွေကိုရွေးပြီး OK နှိပ်ပါ။
4. SSD သုံးပါ (Optional)
အကယ်၍ သင့်မှာ HDD (Hard Disk) သုံးထားရင် SSD (Solid State Drive) ကိုပြောင်းသုံးပါ။ SSD က HDD ထက် 10x ပိုမြန်ပြီး Windows Boot Time ကိုသိသိသာသာတိုစေပါတယ်။
5. Windows Services တွေကိုစစ်ဆေးပါ 🔍
တချို့ Background Services တွေက Startup ကိုနှေးစေနိုင်ပါတယ်။
#ဘယ်လိုစစ်မလဲ?🤔
- Run Box ဖွင့်ပါ (Win + R) → msconfig ရိုက်ပြီး Enter နှိပ်ပါ။
- Services Tab ကိုနှိပ်ပါ → Hide all Microsoft services ကိုအမှန်ခြစ်ပါ။
- မလိုအပ်တဲ့ Services တွေကို Disable လုပ်ပါ။
6. BIOS/UEFI မှာ Fast Boot ဖွင့်ပါ။
- ကွန်ပျူတာကို Restart လုပ်ပါ → BIOS/UEFI ထဲဝင်ပါ (ဖွင့်စဉ် F2, F12, Del နှိပ်ပါ)။
- Boot Options မှာ Fast Boot ကိုဖွင့်ပါ။
- Save & Exit လုပ်ပါ။
7. Windows Update & Driver တွေကိုနောက်ဆုံးဗားရှင်းအဖြစ်ထားပါ။
- Outdated Drivers တွေက Performance ကိုထိခိုက်စေနိုင်ပါတယ်။
- Device Manager ဖွင့်ပါ → Driver တွေကို Update လုပ်ပါ။
📌နိဂုံး
အထက်ပါနည်းလမ်းတွေကို လုပ်ဆောင်ပါက Windows Boot Time သိသိသာသာ မြန်ဆန်လာပါလိမ့်မယ်။ အထူးသဖြင့် Startup Programs နဲ့ Fast Startup ကို ပြုပြင်ခြင်းက အကျိုးသက်ရောက်မှုအရှိဆုံးဖြစ်ပါတယ်။
အကယ်၍ Laptop/PC က အနှေးစိတ်ဖြစ်နေသေးရင် RAM တိုးဖို့ ဒါမှမဟုတ် SSD အစားထိုးဖို့ စဉ်းစားသင့်ပါတယ်။ 😊

𝑪𝒐𝒎𝒑𝒖𝒕𝒆𝒓 𝑶𝒏𝒍𝒊𝒏𝒆 𝑻𝒓𝒂𝒊𝒏𝒊𝒏𝒈

မုန့်လက်ကောက်ပြုလုပ်နည်း 🍩🍩
လုပ်နည်းကလည်း အလွယ်လေး အခုစားချင်အခုထလုပ်ပဲ😁နေ့လည် နေ့ခင်းအပျင်းပြေဖြစ်ဖြစ် အစာပြေဖြစ်ဖြစ်လုပ်စားလို့ရပီနော် ကိုယ်တိုင်လုပ်တော့ သန့်သန့်ရှင်းရှင်းလည်းစားရ 😍😍😍အပြင်မှာဝယ်စားရင် ဆီမသန့်မှာ မုန့်မှာ ဆန်ကြမ်းများရင် မာတောင့်တောင့်နဲ့စားလို့ မကောင်းမှာ စိုးရိမ်ရတယ်လေ 😊
ဒါ့ကြောင့် မြန်မာလက်ရာဟင်းချက်နည်းဝါသနာရှင်တွေ အိမ်မှာပဲ လုပ်စားလို့ရအောင် ပြောပြမယ်နော် 😋😋
#မုန့်လက်ကောက်
မိသားစု ၃/၄ယောက်စာ စားဖို့အတွက် မုန့်လက်ကောက် လုပ်မယ်ဆိုရင် -
✅ ကောက်ညှင်းမှုန့် ဟင်းစားဇွန်း(၈)ဇွန်း
✅ ဆန်မှုန့်အစိမ်း ဟင်းစားဇွန်း(၄)ဇွန်း
✅ ထန်းလျက်(၈)လုံး
✅ ဆီ ဟင်းစားဇွန်း (၁၀)ဇွန်း
✅ဆားအနည်းငယ် လိုအပ်မှာ ဖြစ်ပါတယ်။
1️⃣ ပထမဆုံး ကောက်ညှင်းမှုန့်နဲ့ ဆန်မှုန့်နဲ့ ဆားအနည်းငယ်တို့ကို ခွက်တစ်ခုထဲရောထည့်ပြီး ရေအေး အနည်းငယ်ဖြင့် သမအောင်နယ်ပါ။
❌ ကောက်ညှင်းမှုန့် ဆန်မှုန့်ထဲကို အစကတည်းက ရေအများကြီး မထည့်သင့်ပါဘူး။ ရေအများကြီးထည့်မိရင် ပျော့ပြဲပြီး နယ်လို့မကောင်းလို့ ဆန့်မှုန့်တွေထည့်လိုက် ကောက်ညှင်းမှုန့်တွေ ထည့်လိုက်နဲ့ မုန့်တွေအများကြီးဖြစ်သွားတတ်ပါတယ်။ သတိထားရမှာက ကောက်ညှင်း(၂)ဆ၊ ဆန်မှုန့် (၁)ဆ ထည့်ရမှာပါနော်။
2️⃣ မုန့်နယ်တဲ့အချိန်မှာ ရေနည်းနည်းထည့်လိုက် နယ်လိုက်လုပ်ပေးရမှာပါ ။ ၁၅မိနစ်လောက် နယ်ပြီူတဲ့အချိန်မှာ မုန့်သားက မပျော့မမာ အနေအထားရပြီဆိုရင်တော့ မုန့်တစ်ခုစာ အလုံးလေးတွေလုံးပြီးထားပါ။
3️⃣ ထန်းလျက်ခဲများကို ရေဆေးပြီး ထန်းလျက်ခဲများနှင့်အတူ ရေဖန်ခွက် တစ်ဝက်ခန့် ထည့်ပြီး ထန်းလျက်ရည် ဟင်းစားဇွန်း(၃)ဇွန်းခန့်ကျန်သည်အထိ ကြိုပါ။ ထန်းလျက်ရည်များ ရပါက ဇကာတစ်ခုဖြင့်စစ်ထားပါ။
4️⃣ မုန့်လက်ကောက်ကြော်မည့်ဒယ်ထဲသို့ ဆီများထည့်ပြီး ဆီပူအောင်တည်ထားပါ။ ဆီပူလာပါက လုံးထားသောမုန့်လုံးများ လက်ကောက်ပုံစံပြုလုပ်ပြီး မုန့်တစ်ကွင်းချင်း မီးအေးအေးဖြင့်ကြော်ပါ။
❌ မုန့်လက်ကောက်ကြော်ရာမှာ 🔥 🔥 မီးပြင်းပြင်းနဲ့ကြော်ရင် မုန့်တွေပေါက်ပြီးစင်တတ်လို့ သတိထားဖို့လိုပါလိမ့်မယ်နော်။
5️⃣ မုန့်လက်ကောက်များ မီးအေးအေးနဲ့ကြော်ပြီးပါက ထန်းလျက်ရည်ဖြင့် တွဲဖက်ပြီး စားသုံးလို့ရပါပြီနော်။

❝ သူများကိုသိပ်ပြီးမသနားနဲ့ ❞
သူများကိုသိပ်ပြီးမသနားနဲ့ နောက်ဆုံးသနားစရာအကောင်းဆုံးသူက ကိုယ်ဖြစ်နေတတ်တယ်။
ဘဝမှာ အပင်ပန်းဆုံးအလုပ်က မျှော်လင့်ချက်နဲ့ အသက်ရှင်ရတာ အပင်ပန်းဆုံးပဲ ။
မျှော်လင့်ချက်တွေ ကိုယ်ထင်သလို ဖြစ်မလာတဲ့အခါ....
- ဆက်သွယ်နေတာလည်း ဖြတ်ရမယ် ။
- ဖက်တွယ်နေတာလည်း ရပ်ရမယ် ။
-အတွေးလွန်တာတွေလည်းလျော့ရမယ် ။
-အားနာတတ်တဲ့စိတ်ကိုလည်းလျှော့ရမယ် ။
ဒါမှပဲ အေးအေးချမ်းချမ်းနဲ့ဘဝကို ရှေ့ဆက်ရှင်သန်းနိုင်မှာပဲဖြစ်ပါတယ် ။
ဒီလိုမှမဟုတ်ရင် သူများစိတ်နဲ့အသက်ရှင်သန်နေရတာနဲ့အတူတူပါပဲ။
သူတို့အတွက် သူတို့အတွက်နဲ့ ကိုယ့်အတွက်ကိုယ်တောင် မေ့နေရတဲ့အခိုက်အတန့် အချိန်တွေရှိတယ်။
သူတို့အဆင်ပြေပါစေဆိုပြီး ကိုယ်အဆင်မပြေတာတွေကို မေ့ပြီး ကိုယ့်ကိုကိုယ်နှစ်သိမ့်ဖို့မေ့နေတတ်တယ်။
တခါတလေ လမ်းပျောက်သလိုနဲ့ စိတ်ထဲဝမ်းနည်းသလို၊အထီးကျန်ဆန်သလိုလိုနဲ့ ဘယ်သူ့ကိုပြောပြလို့ ပြောပြရမှန်းမသိအောင် မွမ်းကြပ်ဖူးလိမ့်မယ်။
ဟုတ်တယ်ဒါတွေ အားလုံးက သူများအတွက်၊သူတို့အတွက်ဆိုပြီး ကိုယ့်အတွက်ကိုယ်မေ့နေတဲ့ နောက်ဆက်တွဲဖြစ်ရပ်တွေပါပဲ။
ဒါကြောင့်ဘဝမှာ ကိုယ်မရှိရင် မဖြစ်ဘူးလို့မတွေးနဲ့ ကိုယ့်ကို အားကိုလွန်းပြီး သူတို့ကိုယ်တိုင် မရပ်တည်နိူင်တဲ့အခါ သိတတ်လွန်းတဲ့ကိုယ်က ဝန်ပိုပိတယ် ။
မိသားစုတစ်ခုမှာဖြစ်ဖြစ်၊လုပ်ငန်းခွင်၊လူမှုအဖွဲ့အစည်းစတဲ့ အားလုံးမှာ အ လိုက်သိတတ်လွန်းသူ၊တာဝန်သိတတ်လွန်းသူက ပိုပင်ပန်းရတယ်ဒါပေမဲ့ ပင်ပန်းခံထားရလောက်ပြန်ရတဲ့ အရာအားလုံးက မထိုက်တန်ဘူးဆိုပြီး စိတ်အပင်ပန်းမခံနဲ့။
လောကမှာ ကျွန်တော်၊ကျွန်မ ဘယ်လောက်ထိတော်ပါတယ်၊တတ်ပါတယ်၊ကောင်းပါတယ်ပြောပြော ဂဏာန်းလိုလူတွေ ရှိနေသရွေ့တော့ ကိုယ့်ရဲ့လုပ်ရပ်တိုင်းက အသိအမှတ်ပြုခံရဖို့မပြောနဲ့ အောက်ဆုံးထိဆွဲချမခံရရင်တောင်ကံကောင်းပါတယ်။
ဒါကြောင့်ဘာကိုပဲ လုပ်လုပ် မျှော်လင့်ချက်မထားနဲ့ ကိုယ်တတ်နိူင်သလောက်လုပ်ပေးခဲ့တဲ့အပေါ်ကျေနပ်ပါ။ကိုယ့်ကိုကိုယ်ချစ်ပါ ကိုယ်မရှိလည်း အရာအားလုံးက သူ့ဟာသူလည်ပတ်နေအုံး မှာပါ ။
ကိုယ့်ကိုကိုယ်ပဲ အားကိုးပါ ။
အနားမှာဘယ်သူကမှ အမြဲတမ်းရှိမယ်လို့မသေချာတဲ့အတွက် ဘယ်သူမှမရှိလည်းတစ်ယောက်တည်းရှင်သန်နိူင်အောင်ကြိုးစားပါ။

မိမိအိမ်မှာ ပဒဲကောပန်းရှိတယ်ဆိုရင် မြန်မြန်စားလိုက်ပါ။
အာရုံကြောအဖျားရောင်ခြင်း၊ လက်ထုံကျင်ခြင်း၊ နိုးလာချိန်မှာ အပူလှိုင်းဝင်သလို ခံစားရခြင်း (သို့) အတွင်းကျတဲ့
ရေယုန်ကြောင့် ကိုယ်လက်တွေ ပူလောင်နေသူများအတွက် ပဒဲကောပန်းကိုစားပေးပါ။ အရမ်းကောင်းပါတယ်။
ပဒဲကောပန်းကို စားပေးခြင်းအားဖြင့် လေဓာတ်လည်ပတ်မှုကို ကောင်းမွန်စေပြီး ခန္ဓာကိုယ်အတွင်းကဓာတ်တွေ ဟန်ချက်ညီစေကာ လေထိုးလေအောင့်၊ အစာမကြေခြင်းများကိုလည်း သက်သာစေပါတယ်။
အစိမ်းလိုက်၊ ပြုတ်၊ ခပ်ပူပူဟင်းရည်လုပ်၍ သောက်နိုင်သလို ဟင်းလျာအနေနဲ့လည်း ချက်စားနိုင်ပါတယ်။ မကြာခဏစားပေးခြင်းဖြင့် ကျန်းမာရေးအတွက် အရမ်းကောင်းပါတယ်။ မေလထဲမှာဆို ပဒဲကောပန်းအများဆုံးပေါ်တဲ့အချိန်ပါနော်.......! 😍😍😍

ခုတလောမှာတော့ Taylor Swift ရဲ့ စေ့စပ်သတင်းက ကျွန်မတို့ရဲ့ Newsfeed မှာ အပြည့်ပါပဲ။ ဘာလို့လဲဆိုတော့ Taylor Swift ဟာ ကျွန်မတို့အတွက် အဝေးကနေကြည့်နေရတဲ့ Pop Star တစ်ယောက်သက်သက် မဟုတ်ခဲ့လို့ပါ။ သူမဟာ ကျွန်မတို့နဲ့အတူတူ ကြီးပြင်းလာခဲ့တဲ့ သူငယ်ချင်းတစ်ယောက်လိုပါပဲ။
ကျွန်မတို့ အခန်းထဲမှာ တစ်ယောက်တည်း ငိုနေခဲ့ချိန်၊ စာပြန်မလာတဲ့ ချစ်သူကြောင့် စိတ်ပူနေခဲ့ချိန်၊ ဒါမှမဟုတ် ကိုယ့်ကို ဘယ်သူကမှ ရွေးချယ်မှာမဟုတ်ဘူးလို့ တွေးနေခဲ့ချိန်တွေမှာ သူမရဲ့သီချင်းတွေဟာ ကျွန်မတို့အတွက် အဖော်လုပ်ပေးခဲ့တယ်။ ကျွန်မတို့ မပြောရဲတဲ့ ခံစားချက်တွေကိုတောင် သူက သူ့သီချင်းတွေထဲမှာ ထည့်ရေးပေးခဲ့တယ်။
ဒါပေမဲ့ သူမက ကျွန်မတို့ကို နှစ်သိမ့်ပေးနေချိန်မှာ ကျွန်မတို့ကလည်း သူမရဲ့အချစ်ရေး ရှုံးနိမ့်မှုတွေကို မြင်တွေ့နေခဲ့ရတယ်။ Joe Jonas နဲ့ ဖုန်းနဲ့ပဲ လမ်းခွဲခဲ့ရတာ၊ Harry Styles နဲ့ မြန်မြန်စပြီး မြန်မြန်ပြတ်ခဲ့ရတာ၊ Calvin Harris နဲ့ လူအများရှေ့မှာ ပြိုလဲခဲ့ရတာတွေကို မြင်ခဲ့ရတယ်။ Joe Alwyn နဲ့ဆို ခြောက်နှစ်ကြာပြီးမှ လမ်းခွဲခဲ့ကြရတယ်။ ကမ္ဘာတစ်ခုလုံးက သူ့အချစ်ရေးကို လှောင်ပြောင်နေချိန်မှာတောင် သူမဟာ အကြိမ်ကြိမ် ချစ်ရဲခဲ့တယ်။
ဒီလိုအရှုံးတွေ မြင်ရတော့ ကျွန်မတို့တွေက သူမအမြဲဆိုနေတဲ့ နတ်သမီးပုံပြင်လို အချစ်မျိုးကို လက်လျှော့လိုက်ပြီလားလို့ တွေးမိခဲ့တယ်။ ဒါပေမဲ့ ဒီအခက်အခဲတွေကြားကနေတောင် သူမဟာ အချစ်အကြောင်းကို ဆက်ရေးခဲ့တယ်။ အမြဲတည်မြဲနေမယ့် အချစ်အကြောင်း၊ သူ့ကို တန်ဖိုးထားမယ့်သူအကြောင်း စိတ်ကူးယဉ်ခဲ့တယ်။ ကျွန်မတို့ သန်းနဲ့ချီတဲ့လူတွေဟာလည်း ဒီခံစားချက်တွေနဲ့ ရင်းနှီးပါတယ်။ ဘာလို့လဲဆိုတော့ အဲ့ဒါတွေက ကျွန်မတို့တကယ်တမ်း လိုချင်နေတဲ့အရာတွေ ဖြစ်နေလို့လေ။
ဒါကြောင့် ဒီစေ့စပ်သတင်းက ကျွန်မတို့ ရင်ထဲကို ဒီလောက်ထိ လှုပ်ခတ်စေခဲ့တာပါ။ ပြီးတော့ Travis Kelce ဟာ အရင်ချစ်သူတွေနဲ့မတူဘဲ Taylor Swift ကို အပြည့်အဝလက်ခံပေးပြီး ဂုဏ်ယူနေလို့ပါပဲ။ သူက သူမကို ပါရမီရှင်လို့ ခေါ်တယ်။ သူမရဲ့ကြိုးစားမှုကို ချီးကျူးတယ်။ အရင်လို ကိုယ့်ကိုယ်ကိုယ် သိမ်ငယ်စိတ်မထားဘဲ ပွင့်ပွင့်လင်းလင်းချစ်ပြနိုင်တာကို မြင်ရတဲ့အခါ ကျွန်မတို့အားလုံးဟာ သူမ တကယ်အချစ်ခံနေရတာကို သိလိုက်ရတယ်။
Taylor Swift ဟာ ကျွန်မတို့ရဲ့ အသည်းကွဲနေတဲ့နှလုံးသားတွေထဲကို အချစ်အပေါ် မျှော်လင့်ချက်တွေ ပြန်ပေးခဲ့ပါတယ်။ သူမရဲ့စေ့စပ်မှုဟာ ရင်ကွဲနာတွေ၊ လှောင်ပြောင်ခံရမှုတွေနဲ့ သံသယတွေအပြီးမှာတောင် အချစ်က အနိုင်ရနိုင်တယ်ဆိုတာကို သတိပေးလိုက်တာပါ။
စာချစ်သူတို့အတွက်လည်း Right Time မှာ Right Person လေးရောက်လာမှာမို့ တေတေ့လိုပဲ အချစ်ကို စိတ်မကုန်စတမ်း စောင့်မျှော်လိုက်ရအောင်နော် 😜

နေ့စဉ်မိုးလေဝသသတင်း
===============
(၂၀၂၅ ခုနှစ်၊ ဩဂုတ်လ ၂၈ ရက်နေ့ မွန်းလွဲ ၂:၀၀ နာရီအချိန် ထုတ်ပြန်ချက်)
--------------------------------------------------------------------------
ယမန်နေ့နံနက် ၀၉:၃၀ နာရီအချိန်မှ ယနေ့နံနက် ၀၉:၃၀ နာရီအချိန်အထိ မိုးလေဝသတိုင်းထွာချက်အကျဉ်းချုပ်။ လွန်ခဲ့သော ၂၄ နာရီအတွင်းက စစ်ကိုင်းတိုင်း ဒေသကြီးအထက်ပိုင်း၊ မကွေးတိုင်းဒေသကြီးနှင့် ကယားပြည်နယ်တို့တွင် နေရာကျဲကျဲ၊ ပဲခူးတိုင်းဒေသကြီး၊ ကချင်ပြည်နယ်နှင့် ရခိုင်ပြည်နယ်တို့တွင် နေရာစိပ်စိပ် နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာခဲ့ပြီး၊ နေပြည်တော်၊ မန္တလေးတိုင်းဒေသကြီးနှင့် မကွေးတိုင်းဒေသကြီးတို့တွင် နေရာကွက်၍ မိုးကြီးခဲ့ပါသည်။
မှတ်သားဖွယ်ရာ မိုးရေချိန်များမှာ ပိုင်ကျုံမြို့တွင် ၃.၀၀ လက်မ၊ နေပြည်တော်(ဇေယျာသီရိမြို့နယ်)တွင် ၂.၉၁ လက်မ၊ တောင်တွင်းကြီးမြို့တွင် ၂.၅၂ လက်မ၊ မုဒုံမြို့နှင့် မိုင်းဆတ်မြို့တို့တွင် ၂.၄၀ လက်မစီ၊ တာချီလိတ်မြို့တွင် ၂.၃၅ လက်မ၊ ထားဝယ်မြို့တွင် ၂.၁၇ လက်မ၊ ပင်လောင်းမြို့တွင် ၂.၁၃ လက်မ၊ ကျိုင်းတုံမြို့တွင် ၁.၈၉ လက်မ၊ မိုင်းပျဉ်းမြို့ တွင် ၁.၈၂ လက်မနှင့် လွိုင်လင်မြို့တွင် ၁.၇၇ လက်မတို့ ဖြစ်ကြပါသည်။
ဘင်္ဂလားပင်လယ်အော်အ‌ခြေအနေ။ ယနေ့မြန်မာစံတော်ချိန် ၁၂:၃၀ နာရီအချိန် တိုင်းထွာချက်များအရ အိန္ဒိယနိုင်ငံ၊ ဩရိဿပြည်နယ်တောင်ပိုင်းနှင့် ယင်းနှင့် ဆက်စပ်လျက်ရှိသော ချက်တစ်ဂတ်ပြည်နယ်တို့တွင် ဖြစ်ပေါ်နေသော လေဖိအားနည်းရပ်ဝန်း (Low Pressure Area) သည် အနောက်-အနောက်မြောက်ဘက်သို့ ဖြည်းညှင်းစွာ ရွေ့လျားခဲ့ပြီး အိန္ဒိယနိုင်ငံ၊ ချက်တစ်ဂတ်ပြည်နယ်အလယ်ပိုင်းသို့ ရောက်ရှိခဲ့ပါသည်။ အဆိုပါ လေဖိအားနည်းရပ်ဝန်းသည် အနောက်-အနောက်မြောက်ဘက်သို့ ဆက်လက် ရွေ့လျားနိုင်ပြီး တဖြည်းဖြည်းအားလျော့သွားမည်ဟု ခန့်မှန်းရပါသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားအသင့်အတင့်မှ အားကောင်းနေပါသည်။
မနက်ဖြန်နံနက်အထိခန့်မှန်းချက်။ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ကချင်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်(တောင်ပိုင်း)တို့တွင် မိုးတိမ်တောင်များ ဖြစ်ထွန်းမှုအားကောင်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသ ဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းကြီးနိုင်ပါသည်။ မိုးသက် လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၈ ပေမှ ၁၀ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် မိုးပိုလာနိုင်ပါသည်။
နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။