ဆာလက်နေရာတွင် ရိုဒရီဂိုနှင့် အစားထိုးရန် လီဗာပူး ကြိုးပမ်းလာနိုင်
====================

လီဗာပူးဟာ မိုဟာမက်ဆာလက်နေရာတွင် ရီးရဲလ်မက်ဒရစ်တွင် နေရာပျောက်နေတဲ့ ရိုဒရီဂိုအား ခေါ်ယူပြီး အစားထိုးရန် အလိုရှိနေပါတယ်။
အီဂျစ်စူပါစတားဟာ လိဒ်နှင့် သုံးဂိုးစီသရေကျတဲ့ပွဲတွင် ၃ ပွဲဆက် အရန်ခုံတွင် ထိုင်နေခဲ့ရပြီးနောက် ကလပ်နှင့် နည်းပြအန်းဆလော့တို့အား အပြင်းအထန် ဝေဖန်မှုများ ပြုလုပ်ပြီးနောက် အန်ဖီးလ်အနာဂတ် မရေမရာ ဖြစ်နေပါတယ်။
အစောပိုင်းတုန်းက ထွက်ပေါ်လာတဲ့သတင်းအရ ဆော်ဒီကလပ် Al Hilal က လာမယ့် ဇန်နဝါရီ အပြောင်းအရွှေ့ဈေးကွက်တွင် ဆာလက်အား ခေါ်ယူရေး ကြိုးပမ်းလာမှာ ဖြစ်ကြောင်း သိရပါတယ်။
အသက် ၃၃ နှစ်ရှိ ဆာလက်ဟာ ဧပြီလတုန်း လီဗာပူးနှင့် ၂ နှစ်စာချုပ်သစ်မချုပ်ဆိုမီ ဆော်ဒီပရိုလိဂ်သို့ ပြောင်းရေး ဆွေးနွေးမှုများ ပြုလုပ်ခဲ့ဖူးသူလည်း ဖြစ်ပါတယ်။
ဆာလက်ဟာ လာမယ့် ဒီဇင်ဘာလ ၁၅ ရက်နေ့ ဘရိုက်တန်နှင့်ပွဲအပြီးတွင် အာဖရိကဖလားပြိုင်ပွဲအတွက် အီဂျစ်နှင့် ပူးပေါင်းလာမှာ ဖြစ်ပြီး ကြားရက် အင်တာမီလန်နှင့်ပွဲစဉ်တွင် ပါဝင်ရန် မရေမရာ ဖြစ်နေပါတယ်။
ယခု စပိန်သတင်းစာ Defensa Central က လီဗာပူးမှာ ဆာလက်နေရာတွင် အစားထိုးရန် အသင့်တော်ဆုံးကစားသမားအဖြစ် ရိုဒရီဂိုအား သတ်မှတ်ထားကြောင်း သိရပါတယ်။
တိုက်စစ်တွင် နေရာစုံ ကစားနိုင်တဲ့ ရိုဒရီဂိုအား နွေရာသီတုန်းက မန်စီးတီးတို့ ခေါ်ယူရေး ကြိုးပမ်းခဲ့ပေမယ့် ပြောင်းရွှေကြေး သဘောတူညီမှု မရှိမှုကြောင့် ပရီးမီးယားလိဂ်သို့ မရောက်လာခဲ့တာပါ။
သူဟာ နည်းပြအလွန်ဆိုလက်အောက်တွင် လာလီဂါပွဲ ၃ ပွဲတည်းသာ ပွဲထွက်ကစားခွင့်ရထားပြီး ၃၄၂ မိနစ်တည်းသာ ကစားခွင့်ရထားမှုကြောင့် ပုံမှန်ကစားခွင့် ရရှိမယ့် အသင်းတစ်သင်းသို့ ပြောင်းလိုနေပါတယ်။
ရီးရဲလ်မက်ဒရစ်ဟာ အစောပိုင်းတုန်းက အသက် ၂၄ နှစ်ရှိ ဘရာဇီးတိုက်စစ်သမားအတွက် ယူရိုသန်း ၇၀ တောင်းဆိုခဲ့ပေမယ့်လည်း ဇန်နဝါရီတွင် ဈေးလျှော့ကာ ယူရိုသန်း ၆၀ ခန့်ဖြင့် ရောင်းချလာဖို့ ရှိနေပါတယ်။
လီဗာပူးဟာ ဆာလက်နေရာတွင် အစားထိုးရေး ရိုဒရီဂိုတစ်ဦးတည်းကို ပစ်မှတ်ထားနေတာ မဟုတ်ပါဘူး။ ၎င်းတို့ဟာ ဘုန်းမောက်တောင်ပံကစားသမားအန်တိုနီဆီမန်ယိုအား ခေါ်ယူရန်လည်း စိတ်ဝင်စားနေပါတယ်။ ဆီမန်ယိုဟာ ဘုန်းမောက်နှင့် ၅ နှစ်စာချုပ်သစ်ချုပ်ဆိုထားပေမယ့် စာချုပ်အတွင်းတွင် စာချုပ်ဖျက်သိမ်းကြေး ပေါင် ၆၅ သန်းပေးရမယ့်အချက်ကို ထည့်သွင်းထားသူ ဖြစ်ပါတယ်။
ဂါနာတောင်ပံကစားသမားကို လီဗာပူးအပြင်း မန်စီးတီး၊ စပါးစ်တို့ကလည်း ခေါ်ယူရေး စိတ်ဝင်စားနေပါတယ်။
ဒါ့အပြင် လီဗာပူးဟာ ပီအက်စ်ဂျီနှင့်စာချုပ်သစ်ချုပ်ဆိုရေး ဆွေးနွေးမှု ခက်ခဲနေတဲ့ ဘရက်ဒလေဘာကိုလာကိုလည်း စိတ်ဝင်စားနေသလို ဘိုင်ယန်မြူးနစ်မှ ပြင်သစ်တောင်ပံကစားသမားမိုက်ကယ်အိုလစ်ကိုလည်း လျာထားပါတယ်။ ဒါပေမယ့် မိုက်ကယ်အိုလစ်မှာ ဘိုင်ယန်တွင် အရေးပါတဲ့သူအဖြစ် ကစားခွင့်ရနေသလို ကလပ်ဘက်ကလည်း လက်လွှတ်ဖို့ အစီအစဉ်မရှိတာကြောင့် လီဗာပူးအနေဖြင့် ခေါ်ယူရေး ခက်ခဲနေပါတယ်။

လီဗာပူးနှင့် စာချုပ်သစ်ချုပ်ဆိုပြီးတဲ့နောက် တစ်ဂိုးလျှင် ပေါင် ၂ သန်းနှုန်းအထိ ငွေအမြောက်အမြား ရရှိနေတဲ့ ဆာလက်ရဲ့ စာချုပ်ပါအချက်အလက်များ
======================

မိုဟာမက်ဆာလက်ဟာ ဧပြီလတုန်းက လီဗာပူးနှင့် စာချုပ်သစ်ချုပ်ဆိုလိုက်ပြီးတဲ့နောက် ငွေအမြောက်အမြား ရရှိနေပါတယ်။
ဒါပေမယ့် အသက် ၃၃ နှစ်ရှိ အီဂျစ်စူပါစတားဟာ ပြီးခဲ့တဲ့အပတ် လိဒ်နှင့် သုံးဂိုးစီသရေကျတဲ့ပွဲအပြီးမှာ အန်းဆလော့နှင့် ကလပ်ကို အပြင်းအထန် ဝေဖန်မှု ပြုလုပ်ခဲ့လို့ အန်ဖီးလ်အနာဂတ် မရေမရာ ဖြစ်နေကာ ဇန်နဝါရီတွင် ထွက်ခွာမယ်လို့ ယူဆရပါတယ်။
အီဂျစ်စူပါစတားက အန်းဆလော့နှင့် မိမိအကြား ဆက်ဆံရေး ပြီးပြတ်သွားပြီ ဖြစ်ကြောင်း ပြောကြားခဲ့သလို အသင်းရဲ့ ရလဒ်ဆိုးရွားမှုများအတွက် ၎င်းအပေါ်တွင် အပြစ်ပုံချရန် ကြိုးပမ်းနေကြောင်း စွပ်စွဲပြောဆိုခဲ့သလို ဇန်နဝါရီတွင် ထွက်ခွာနိုင်ကြောင်းလည်း အရိပ်အမြွက်ဆိုသွားပါတယ်။
ဆလော့ဟာ လွန်ခဲ့တဲ့ ရှစ်လခန်ကမှ လီဗာပူးနှင့် ၂ နှစ်စာချုပ်သစ်ချုပ်ဆိုခဲ့သူပါ။
သူဟာ ဆော်ဒီသို့ ပြောင်းမယ်လို့ ယူဆခဲ့ရပြီးမှ စာချုပ်သစ်ချုပ်ဆိုခဲ့တာလည်း ဖြစ်ပါတယ်။
ဆာလက်ဟာ နောက်ဆုံးစာချုပ်သစ်ကြောင့် တစ်ပတ်လုပ်ခ ပေါင် ၄၀၀၀၀၀ အထိ ရရှိနေရာ ပြီးခဲ့တဲ့ ရှစ်လတာကာလအတွင်း ငွေအမြောက်အမြား ရရှိနေပြီးလည်း ဖြစ်ပါတယ်။
သူ့ဟာ စာချုပ်သစ်ချုပ်ဆိုပြီးတဲ့နောက် လီဗာပူးအတွက် ပြိုင်ပွဲအရပ်ရပ် ၂၆ ပွဲကစားခဲ့ရာမှာ ပေါင် ၁၄ သန်းအထိ ရရှိထားပြီး ဖြစ်ပါတယ်။
သူဟာ လီဗာပူးအတွက် တစ်ပွဲလျှင် ပေါင် ၅၈၆၃၁၉ နှုန်းဖြင့် ရရှိထားတာ ဖြစ်ပါတယ်။
သူဟာ ယင်းပွဲများတွင် ၂၁၄၉ မိနစ်ကစားထားတာ ဖြစ်ပြီး တစ်မိနစ်ကစားခအဖြစ် ပေါင် ၆၅၁၄ အထိ ရထားပါတယ်။
သူဟာ လီဗာပူးအတွက် တစ်စက္ကန့်ကစားပေးမှုအတွက်‌ ပေါင် ၁၀၈.၅၇ အထိ ရထားပါတယ်။
တဖက်တွင် စာချုပ်သစ်ချုပ်ဆိုပြီးနောက် လီဗာပူးအတွက် ၇ ဂိုးတည်းသာ သွင်းထားနိုင်ရာ ဆာလက်ဟာ သွင်းဂိုး ၁ ဂိုးစီအတွက် ပေါင် ၂ သန်းအထိ ရထားပါတယ်။
သူဟာ ယနေ့ တနင်္လာနေ့ လီဗာပူးရဲ့ လေ့ကျင့်ခန်းအစီအစဉ်တွင် ပါဝင်ပေမယ့်လည်း အင်္ဂါနေ့ ဆန်စီရိုတွင် အင်တာမီလန်တွင် ကစားရမယ့် ချန်ပီယံလိဂ်ပွဲစဉ်တွင် ပါဝင်ရန် မရေမရာ ဖြစ်နေဆဲ ဖြစ်ပါတယ်။
သူဟာ လာမယ့် ဒီဇင်ဘာလ ၁၅ ရက်နေ့ ဘုန်းမောက်ပွဲအပြီးတွင် အာဖရိကဖလားပြိုင်ပွဲကစားရန် အီဂျစ်သို့ ထွက်ခွာပါမယ်။

အားနည်းသူ မဟုတ်ကြောင်းနှင့် ဆာလက် ပြန်ကစားလာနိုင်သေးကြောင်း အန်းဆလော့ ပြောကြားလာ
====================

လီဗာပူးနည်းပြအန်းဆလော့က ၎င်းမှာ အားနည်းသူ မဟုတ်ကြောင်းနှင့် ဆာလက်နှင့် ဖြစ်ပျက်နေတဲ့အခြေအနေကြောင့် သူ့လုပ်ပိုင်ခွင့်ကို ထိခိုက်နေစေတယ်လို့ ပြောဆိုနေမှုများအား ငြင်းဆိုလာပါတယ်။
အသက် ၃၃ နှစ်ရှိ ဆာလက်ဟာ လိဒ်နှင့် ၃ ဂိုးစီသရေကျတဲ့ပွဲအပြီးတွင် အန်းဆလော့နှင့် ဆက်ဆံရေး အဆုံးသတ်သွားပြီ ဖြစ်ကြောင်းနှင့် အသင်း ရလဒ်ဆိုးရွားမှုများအတွက် မိမိအပေါ် အပြစ်ပုံချရန် ကြိုးပမ်းနေကြောင်း ဝေဖန်ပြောဆိုမှု ပြုလုပ်ခဲ့ပါတယ်။
အီဂျစ်စူပါစတားဟာ တနင်္လာနေ့တုန်းက လီဗာပူးရဲ့ လေ့ကျင့်ခန်းအစီအစဉ်တွင် ပါဝင်ခဲ့ပေမယ့်လည်း အင်တာမီလန်နှင့် ရင်ဆိုင်ကစားမယ့် လူစာရင်းတွင် ချန်လှပ်ခြင်းခံခဲ့ရပါတယ်။
ဒါပေမယ့် အန်းဆလော့က ဆာလက်နှင့် ဆွေးနွေးမှု ပြုလုပ်ပြီးနောက် ရေတိုအနေဖြင့် မီလန်ခရီးစဉ်တွင် ချန်လှပ်လာခြင်း ဖြစ်ကြောင်း ဆိုသွားပါတယ်။
ဆလော့က "ပုံမှန်အားဖြင့် တည်ငြိမ်ပြီး ယဉ်ကျေးပါတယ်။ ဒီလို နေပေမယ့် အားနည်းနေတဲ့သူတော့ မဟုတ်ပါဘူး။ ကစားသမားတစ်ယောက်က ကျွန်တော်နဲ့ ကလပ်အပါအဝင် အများကြီး ပြောလာတဲ့အခါ ခင်ဗျားတို့ မြင်တဲ့အတိုင်းပဲ ကျွန်တော်တို့ တုံပြန့်ပါတယ်။ ဒီမှာ သူ မရှိပါဘူး။ ကျွန်တော့်လုပ်ပိုင်ခွင့် ထိခိုက်နေတယ်လို့တော့ မမြင်ပါဘူး။ ဒီလိုပဲ ခံစားရပါတယ်။ မနက်ဖြန်ပြီးရင်တော့ ဒီအခြေအနေကို သုံးသပ်ပါမယ်။ ကစားသမားတစ်ဦးအတွက် ပြန်လာဖို့ အခွင့်အရေးက ရှိနေဆဲပါ။ နောက်ဆုံးပွဲ(ဆာလက်)ကစားခဲ့တယ်လို့တော့ မထင်ပါဘူး။ အခု ဒီအချိန်မှာ ဒီမေးခွန်းကိုတော့ မဖြေနိုင်ပါဘူး"လို့ ဆိုသွားပါတယ်။
ဆာလက်ဟာ ယင်းအင်တာဗျူးတွင် ကလပ်အတွင်းမှ တစုံတယောက်က ရလဒ်ဆိုးရွားမှုများအတွက် သူ့အပေါ် အပြစ်ပုံချလိုနေကြောင်း ဆိုသွားခဲ့ပါတယ်။
ဒါပေမယ့် ဆလော့က ဆာလက်ရဲ့ ပြောကြားမှုမှာ သူ့အပေါ် ရည်ရွယ်သလားဆိုတာ မသိကြောင်းနှင့် ဆာလက်အား သုံးပွဲဆက် အရန်ခုံသို့ ပို့ရတဲ့အကြောင်းရင်းအား ပြောကြားခဲ့ပါတယ်။
ဆလော့က "ဘယ်သူ့ကို ရည်ရွယ်ပြောသလဲ မသိပါဘူး။ သူကတော့ မှန်တယ်ထင်လို့ ပြောတာပါ။ ဒါပေမယ့် သူ့အနေနဲ့ မီဒီယာမှာ ဒါကို မပြောသင့်ပါဘူး။ သူက အရမ်းလေးစားခံရသူပါ။ ဒီအပတ်မတိုင်ခင် အရမ်းလည်း လေ့ကျင့်တယ်။ သူ ဒီလို ပြောသွားလို့ အံ့ဩရတယ်။ စကားပြောခဲ့တယ်(ဆာလက် အင်တာဗျူးနဲ့ပတ်သက်ပြီး)။ ဒါပေမယ့် ဖြစ်ပျက်နေတာနဲ့ပတ်သက်ပြီး လက်ခံတယ်လို့ မဆိုလိုပါဘူး။ ပြီးတော့ ပွဲကစားခွင့်မရလို့ ကစားသမားတစ်ဦးက ဒီလိုတွေ ပြောဆိုလာတာ ပထမဆုံးအကြိမ်လည်း မဟုတ်ပါဘူး။ ဒီရာသီမှာ ကျွန်တော်တို့ အသင်းလိုက် ရုန်းကန်ရတယ်။ ကျွန်တော်လည်း အဖြေရှာဖို့ ကြိုးစားတယ်။ ဒါက ကျွန်တော့်တာဝန်ပါ။ အများကြီး ကြိုးစားတယ်။ နော်တင်ဟမ်ဖောရက်စ်၊ ပီအက်စ်ဗွီတို့နဲ့ပွဲတွေကို ဆန်းစစ်လေ့လာပြီးတဲ့နောက် အလယ်တန်းကစားသမား ထပ်ထည့်ပြီး ကစားဖို့ ဆုံးဖြတ်ခဲ့တာပါ"လို့ ပြောကြားသွားပါတယ်၊
BBC ရဲ့ သတင်းအရင်းအမြစ်အရ လီဗာပူးဟာ ဆလော့ကို ထောက်ခံတဲ့အနေဖြင့် ဆာလက်အား အင်တာမီလန်နှင့်ပွဲလူစာရင်းတွင် ချန်လှပ်ထားခဲ့ခြင်းဖြစ်ကြောင်း သိရပါတယ်။ တဖက်တွင် လီဗာပူးက ကစားသမားအား ကာလတို အနားပေးလိုက်မှုက အားလုံးအတွက် အကောင်းဆုံးဖြစ်မယ်လို့ ယုံကြည်နေပါတယ်။
တဖက်တွင် လီဗာပူးဟာ မိုဟာမက်ဆာလက်အား အရေးယူမှု ပြုလုပ်ရန်လည်း အစီအစဉ် မရှိပါဘူး။
အီဂျစ်စူပါစတားဟာ လာမယ့် တနင်္လာနေ့တွင် အာဖရိကဖလားပြိုင်ပွဲ သွားကစားတော့မှာလည်း ဖြစ်ပါတယ်။ သူဟာ လာမယ့် စနေနေ့ ဘရိုက်တန်နှင့် ပရီးမီးယားလိဂ်အိမ်ကွင်းပွဲစဉ်ကိုလည်း လွဲချော်လာဖို့ ရှိနေပါတယ်။
ဆာလက်ဟာ ၂၀၁၇ ခုနှစ်တွင် ရိုးမားမှ ပြောင်းလာပြီးနောက် လီဗာပူးအတွက် ဂိုး ၂၅၀ သွင်းထားသူ ဖြစ်ပါတယ်။ ဒါပေမယ့် သူဟာ ယခုရာသီတွင် လီဗာပူးအတွက် ၁၉ ပွဲကစားထားရာတွင် ၅ ဂိုးတည်းသာ သွင်းထားနိုင်ပါတယ်။
ဆလော့ဟာ အင်တာမီလန်နှင့်ပွဲအတွက် ကစားသမား ၁၉ ဦး ခေါ်ဆောင်လာခဲ့ရာမှာ ကိုဒီဂတ်ပို၊ ဖီဒီရီကိုချီယေဆာ၊ ဝါတာရူအန်ဒိုတို့လည်း မပါဝင်ပါဘူး။
လီဗာပူးဂိုးသမားအလစ်ဆစ်ဘက်ကာက ဆာလက်အား အင်တာဗျူးတွင် ပြောကြားခဲ့မှုများအတွက် လီဗာပူးကစားဖော်များက ယခင်အတိုင်းပင် ရှိနေဆဲ ဖြစ်ပြီး အသင်းတွင် ပြန်ကစားလာနိုင်ဖို့ မျှော်လင့်ကြောင်း ဆိုသွားပါတယ်။
ဘရာဇီးလက်ရွေးစင်ဂိုးသမားက "ဒီအခြေအနေက ကျွန်တော်တို့ ပျော်တဲ့ အခြေအနေမျိုးတော့ မဟုတ်ပါဘူး။ ပုဂ္ဂိုလ်ရေးပိုင်းမှာ ကျွန်တော်တို့အားလုံး မိုကို ချစ်ကြတယ်။ အနည်းငယ်တော့ အံ့ဩခဲ့ရတယ်။ ဒါပေမယ့် ပုဂ္ဂိုလ်ရေးပိုင်းအရ ဖြစ်နေလေတော့ ကလပ်နဲ့ သူ့ကြားကိစ္စကို ကျွန်တော်တို့ ဂရုမစိုက်ပါဘူး။ သနဲ့ ကလပ်အကြား အကောင်းဆုံးဖြစ်စေမယ့် သဘောတူညီမှုရလာဖိ့ပဲ မျှော်လင့်တယ်။ ဒီကလပ်အတွက် သူ ပြန်ကစားလာဖို့ မျှော်လင့်နေတုန်းပါ"လို့ ပြောကြားသွားပါတယ်။

အက်ဖ်အေဖလားတတိယအဆင့်တွင် ဘရိုက်တန်နှင့် ရင်ဆိုင်တွေ့ရပြီးနောက် ပြိုင်ပွဲမှ ထွက်လိုက်ရပြီလို့ ယူနိုက်တက်ပရိသတ်များ ယုံကြည်နေ
======================

ယူနိုက်တက်ပရိသတ်များဟာ အက်ဖ်အေဖလားတတိယအဆင့်တွင် ဘရိုက်တန်နှင့် ရင်ဆိုင်တွေ့ရပြီးနောက် ယခုရာသီတွင်လည်း ဆုဖလားလက်မဲ့ရာသီတစ်ခု ကြုံလာရမယ်လို့ ယုံကြည်နေကြပြီ ဖြစ်ပါတယ်။
အက်ဖ်အေဖလားတတိယအဆင့်မဲခွဲမှု ပြုလုပ်ရာတွင် ယူနိုက်တက်ဟာ လာမယ့်လတွင် ပရီးမီးယားလိဂ်ပြိုင်ဘက် ဘရိုက်တန်အား အိုးထရက်ဖို့ဒ်ကွင်းမှာ ဧည့်ခံကစားလာရပါမယ်။
ယူနိုက်တက်ဟာ ဘရိုက်တန်နှင့် တွေ့ဆုံမှုတွင် ရလဒ်ကောင်းမွန်ခြင်းမရှိဘဲ နောက်ဆုံး ၉ ပွဲတွင် ၆ ကြိမ်အထိ အရေးနိမ့်ထားပါတယ်။
အောက်တိုဘာလနောက်ဆုံးအကြိမ် တွေ့ဆုံတုန်းက ယူနိုက်တက်တို့ အနိုင်ရထားပေမယ့်လည်း ပရိသတ်တွေကတော့ အက်ဖ်အေဖလားမှ ထွက်ခွာလိုက်ရပြီလို့ ယုံကြည်နေကြပါတယ်။
ယူနိုက်တက်ပရိသတ်တစ်ဦးက "သေရော၊ ထွက်လိုက်ရပြီပေါ့"လို့ ဆိုသွားပါတယ်။ အခြားတစ်ဦးကလည်း "ဘယ်လိုတောင် တွေ့တာလဲ။ လုပ်ဇာတ်မဲခွဲတာကြီး"လို့ ဝေဖန်သွားပါတယ်။
ယူနိုက်တက်ဟာ ယခုရာသီတွင် ခါရာဘောင်ဖလားတွင် လိဂ် ၂ ကလပ် ဂရမ်စဘီအား ရှုံးနိမ့်ကာ ပြိုင်ပွဲတစ်ခုမှ ထွက်ခွာထားရပြီး ဖြစ်ပါတယ်။
၎င်းတို့ဟာ ဥရောပဖလားဝင်ခွင့်ရထားခြင်းမရှိရာ ယခုရာသီတစ်ခုတည်းသော ဆုဖလားမျှော်လင့်ချက်အဖြစ် အက်ဖ်အေဖလားသာ ရှိပါတယ်။
ယူနိုက်တက်ဟာ ပြီးခဲ့တဲ့ရာသီတုန်းက အာဆင်နယ်နှင့် လက်စတာတို့အား ကျော်ဖြတ်ကာ ပဥ္စအဆင့်သို့အထိ တက်ရောက်ခဲ့ပြီး ဖူလ်ဟမ်ကို အရေးနိမ့်ကာ ထွက်ခဲ့ရပါတယ်။ ဘရိုက်တန်မှာလည်း ကွာတားဖိုင်နယ်အထိ တက်ခဲ့ကာ နော်တင်ဟမ်ဖောရက်စ်ကို ရှုံးနိမ့်ပြီး ထွက်ခဲ့ရပါတယ်။
ယူနိုက်တက်ဟာ ၂၀၂၄ ခုနှစ်တုန်းက အဲရစ်တန်ဟက် ကိုင်တွယ်စဉ်တုန်းက အက်ဖ်အေဖလား နောက်ဆုံး ဆွတ်ခူးခဲ့တာပါ။
အက်ဖ်အေဖလားတတိယအဆင့်တွင် နောက်ထပ် စိတ်ဝင်စားစရာ တွေ့ဆုံမှုအဖြစ် စပါးစ်နှင့် ဗီလာတို့ ထိပ်တိုက်တွေ့နေပါတယ်။
ဒါ့အပြင် အက်ဒီဟောင်းရဲ့ နယူးကာဆယ်မှာလည်း စိန့်ဂျိမ်းစ်ပါ့ခ်တွင် ပရီးမီးယားလိဂ်ပြိုင်ဘက် ဘုန်းမောက်အား ဧည့်ခံကစားရပါမယ်။
အခြားပရီးမီးယားလိဂ်ထိပ်တိုက်တွေ့ဆုံမှုများအဖြစ် အဲဗာတန်ကလည်း Hill Dickinson Stadium တွင် ဆန်းဒါးလန်းကို ဧည့်ခံကစားရပါမယ်။
မေလတုန်းက အက်ဖ်အေဖလား ဆွတ်ခူးခဲ့တဲ့ လက်ရှိ ချန်ပီယံ ပဲလေ့စ်မှာ အပျော်တမ်းကလပ် မက်ကလစ်ဖီးလ်နှင့် ရင်ဆိုင်ကစားရပါမယ်။

၂၀၂၆ ကမ္ဘာ့ဖလားပြိုင်ပွဲတွင် ရေဓာတ်ဖြည့်တင်းရန် တစ်ပိုင်းလျှင် ၃ မိနစ်စီ ၂ ကြိမ် အနားပေးလာမည်
=====================

၂၀၂၆ ကမ္ဘာ့ဖလားပွဲစဉ်တိုင်းတွင် တစ်ပိုင်းလျှင် ၃ မိနစ်နှုန်းဖြင့် ရေဓာတ်ဖြည့်တင်းရန် အနားပေးလာပါမယ်။
ဖီဖာဟာ ကစားသမားများရဲ့ ကျန်းမာရေးကို ဂရုစိုက်တဲ့အနေဖြင့် ကမ္ဘာ့ဖလားပွဲစဉ်တိုင်းတွင် NFL ပွဲစဉ်များကဲ့သို့ပင် ပထမပိုင်းတွင် တစ်ကြိမ်၊ ဒုတိယပိုင်းတွင် တစ်ကြိမ် ၃ မိနစ်စီ ရေသောက်နားချိန်ပေးလာပါမယ်။
ဒိုင်လူကြီးများဟာ တစ်ပိုင်းစီရဲ့ ပွဲချိန် ၂၂ မိနစ်တွင် ကစားသမားများ ရေသောက်နိုင်ရန် ၃ မိနစ် အနားပေးလာမှာလည်း ဖြစ်ပါတယ်။
၂၀၂၆ ကမ္ဘာ့ဖလားပြိုင်ပွဲကို အမေရိကန်၊ မက္ကဆီကိုနှင့် ကနေဒါတို့က ပူးတွဲအိမ်ရှင်အဖြစ် ကျင်းပလာမှာ ဖြစ်ပြီး ဆိုးရွားတဲ့ ရာသီဥတုအပူချိန်အပြင် ဟာရီကိန်းပင် ရင်ဆိုင်ရနိုင်ကြောင်း သတိပေးထားပါတယ်။
ဖီဖာဟာ ပွဲတိုင်းတွင် တစ်ပိုင်းစီတွင် ၃ မိနစ်စီ ရေသောက်နားချိန်ပေးတဲ့ စနစ်အား ကလပ်ကမ္ဘာ့ဖလားပြိုင်ပွဲတွင် စတင် အသုံးပြုလာခဲ့တာလည်း ဖြစ်ပါတယ်။
ကလပ်ကမ္ဘာ့ဖလားပြိုင်ပွဲတုန်းက အချိန် 32C အထိ ရှိနေမှုနှင့်အတူ ယင်းသို့ ရေသောက်နားချိန် ၃ မိနစ်စီ ပေးတာလည်း ဖြစ်ပါတယ်။
တဖက်တွင် ဖီဖာဟာ ၂၀၂၆ ကမ္ဘာ့ဖလားပြိုင်ပွဲတွင် ပွဲစတင်ကစားချိန် ၁၃ ချိန်အထိ ကွဲပြား အသုံးပြုလာပါမယ်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**********************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ယူနိုက်တက်တွင် ခြောက်လကြာ တာဝန်ထမ်းဆောင်ပြီးနောက် ဂျွန်နီအီဗန့် ထွက်ခွာလာ
====================

ယူနိုက်တက်နောက်ခံလူဟောင်းဂျွန်နီအီဗန့်ဟာ ကလပ်ရဲ့ အငှားနှင့် လမ်းကြောင်းများဌာနအကြီးအကဲအဖြစ် ၆ လကြာ တာဝန်ထမ်းဆောင်ပြီးနောက် ထွက်ခွာလာခဲ့ပါတယ်။
အသက် ၃၇ နှစ်ရှိ အီဗန့်ဟာ ၂၀၂၄-၂၅ ရာသီအကုန်တွင် ကစားသမားဘဝမှ အနားယူပြီးနောက် ယူနိုက်တက်တွင်ပင် အငှားချထားတဲ့ ကစားသမားများကို လုပ်ဆောင်ရတဲ့ ဌာနတွင် အကြီးအကဲအဖြစ် ဇွန်လမှ စတင်တာဝန်ထမ်းဆောင်ခဲ့ပါတယ်။
သူဟာ ဘောလုံးဒါရိုက်တာဂျေဆင်ဝဲလ်ကော့စ်လက်အောက်တွင် လုပ်ဆောင်ရတာ ဖြစ်ပြီး ပထမအသင်းတွင် နေရာမရမီ လူငယ်ပါရမီရှင်များကို အငှားချထားရေး လုပ်ဆောင်ရတာလည်း ဖြစ်ပါတယ်။
အီဗန့်ဟာ မိသားစုဝင်များအတွက် အချိန်ပိုပေးလိုမှုနှင့်အတူ ယခုကဲ့သို့ ယူနိုက်တက်မှ ထွက်ခွာလာတာလည်း ဖြစ်ပါတယ်။
အီဗန့်ဟာ ယူနိုက်တက်အကယ်ဒမီထွက်တစ်ဦး ဖြစ်ပြီး ၂၄၁ ပွဲကစားပေးခဲ့ကာ ပရီးမီးယားလိဂ်ဖလား ၃ ကြိမ်၊ ချန်ပီယံလိဂ်ဖလား ၁ ကြိမ်၊ ကလပ်ကမ္ဘာ့ဖလား ၁ ကြိမ်၊ အက်ဖ်အေဖလား ၁ ကြိမ်နှင့် လိဂ်ဖလား ၂ ကြိမ် ဆွတ်ခူးနိုင်ခဲ့ပါတယ်။
သူဟာ ဝက်စ်ဟမ်း၊ လက်စတာနှင့် ဆန်းဒါးလန်းတို့တွင်လည်း ကစားခဲ့ဖူးပါတယ်။ သူဟာ မြောက်အိုင်ယာလန်အသင်းအတွက် ၁၀၇ ပွဲကစားခဲ့သူလည်း ဖြစ်ပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
(ဒီဇင်ဘာ - ၉ ရက်၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၁၉၄ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၉၈၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၇၈၀၀၀၀ ကျပ်
ဝယ်ဈေး ၈၇၄၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၃၈၀၀၀၀ ကျပ်
ဝယ်ဈေး ၈၃၄၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၆၆၀၀၀၀ ကျပ်
ဝယ်ဈေး ၈၆၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၂၆၀၀၀၀ ကျပ်
ဝယ်ဈေး ၈၂၂၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၂ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၀၁၀ ကျပ်
ဝယ်ဈေး - ၃၉၁၀ ကျပ်
-စင်္ကာပူဒေါ်လာ
ရောင်းဈေး - ၃၀၉၀ ကျပ်
ဝယ်ဈေး - ၃၀၁၅ ကျပ်
-ယူရို
ရောင်းဈေး - ၄၆၆၅ ကျပ်
ဝယ်ဈေး - ၄၅၅၀ ကျပ်
-ထိုင်းဘတ်
ရောင်းဈေး - ၁၂၅.၇၉ ကျပ်
ဝယ်ဈေး - ၁၂၂.၇ ကျပ်
-မလေးရှားရင်းဂစ်
ရောင်းဈေး - ၉၇၂ ကျပ်
ဝယ်ဈေး - ၉၄၈ ကျပ်
-တရုတ်ယွမ်
ရောင်းဈေး - ၅၆၇ ကျပ်
ဝယ်ဈေး - ၅၅၃ ကျပ်
-ဂျပန်ယန်း
ရောင်းဈေး - ၂၅.၇၁ ကျပ်
ဝယ်ဈေး - ၂၅.၀၈ ကျပ်
-အိန္ဒိယရူပီး
ရောင်းဈေး - ၄၄.၄၇ ကျပ်
ဝယ်ဈေး - ၄၃.၃၇ ကျပ်
-ကိုရီးယားဝမ်
ရောင်းဈေး - ၂.၇၃ ကျပ်
ဝယ်ဈေး - ၂.၆၆ ကျပ်
-စတာလင်ပေါင်
ရောင်းဈေး - ၅၃၄၀ ကျပ်
ဝယ်ဈေး - ၅၂၁၀ ကျပ်
-ဩစတြေးလျဒေါ်လာ
ရောင်းဈေး - ၂၆၅၅ ကျပ်
ဝယ်ဈေး - ၂၅၉၀ ကျပ်
-ကနေဒါဒေါ်လာ
ရောင်းဈေး - ၂၈၉၃ ကျပ်
ဝယ်ဈေး - ၂၈၂၂ ကျပ်
-ဟောင်ကောင်ဒေါ်လာ
ရောင်းဈေး - ၅၁၅ ကျပ်
ဝယ်ဈေး - ၅၀၃ ကျပ်
-ယူအေအီး
ရောင်းဈေး - ၁၀၉၁ ကျပ်
ဝယ်ဈေး - ၁၀၆၄ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

ခြင်းတပ်

Frozen Cocktail Mixers Market Set for Significant Growth by 2032

The global Frozen Cocktail Mixers market is poised for remarkable growth as consumer demand for convenient, ready-to-use cocktail solutions increases. The frozen cocktail mixers market, part of the Food & Beverage sector and categorized under Beverages, is experiencing rapid innovation as both retail and hospitality industries embrace new ways to enhance consumer experiences. As frozen cocktails become a preferred choice for both at-home and on-the-go consumers, the market is expected to see significant expansion in the coming years.
Read Full Research Study: https://marketintelo.com/repor....t/frozen-cocktail-mi