#ငါးချဥ်စပ်ချက်နည်း ...
Diet သမားတွေပါစားလို့ရမယ့်
အရမ်းအရသာရှိတဲ့ ငါးချဥ်စပ် soup
ချက်နည်းပါ ငါးမကြိုက်သူတွေပါ စားလို့အဆင်ပြေစေမယ့်ချက်နည်းလေးပါရှင် ..
ငါးက ဆလားဗီးယားငါး (သို့မဟုတ်) ကိုယ်ကြိုက်တဲ့ငါးအရိုးနည်းတာကို ချေးချွတ်ပီးရင် အညှီနံပြောင်အောင် ဆားရယ် မန်ကျည်းသီးရယ်နဲ့ပွတ်ပြီးသေချာဆေးထားပါမယ် ဒါမှညှီနံကင်းပီးစားရအဆင်ပြေမှာပါ ..
ပြီးရင်ငါးကိုဓားနဲ့မွှန်းထားပေးပါ ကြက်သားမှုန့် ငါးငံပြာရည်နဲ့ငါးကိုပွတ်ပြီး အရသာနှပ်ထားရပါမယ်
ရေအနည်းငယ်အိုးထဲထည့်ပြီးတည်ပါ ရေနွေးဆူလာရင် ရေထဲကို စပါးလင်တစ်ချောင်း ဂျင်းလက်တဆစ် ကြက်သွန်ဖြူနီအနည်းငယ် လှီးထည့်ရိုက်ပြားထည့်ပါ ငရုတ်သီးအနီတောင့်အစပ်ကြိုက်သလောက်ခွဲခြမ်းပြီးထည့်ပြုတ်နံနံပင်အမြစ် ငါးခုလောက်ထည့်ပါ ခရမ်းချဥ်သီးလေးစိပ်ကွဲထည့်ပါ ဆူအောင်ခနတည်ပါ အရသာက ကြက်သားမှုန့် ငါးငံပြာရည်အနည်းငယ်ထည့်ပါ ငါးနှပ့်ထားတာလေးထည့်ပါ အဖုံးအုပ်ပြီးကျက်အောင်တည်ပါ ငါးကျလာမှ
ကြက်သွန်မြိတ် ရှမ်းနံနံ နံနံပင်အဆင်ပြေတာကိုသုံးပါ ချခါနီးမှထည့်ပြီး အဖုံးအုပ်ချလိုက်ပါ စားခါနီးမှပူပူလေးပြန်နွေး သံပုရာသီးစိပ်ညှစ်ထည့်ပြီးစားပါရှင် ဒီ soup ကို နေ့လည်စာထမင်းနဲ့တွဲဖက်စားတာဖြစ်စေ ညစာအနေနဲ့ဖြစ်စေ ဝိတ်ချနေစဥ်စားလို့ရပါတယ်ရှင်
