ငါ အိမ်က ထွက်သွားတော့မယ်ဆိုတော့
ငါ့အဘွားဟာ ငိုတယ်။
ငါ့ကို ချော့တယ်၊
မနက်မိုးလင်းတိုင်း နှစ်ရာကျပ်ပေးမယ်
အဘွား မသေမချင်းတဲ့။ အသုဘရှိရင်
ဖဲရိုက်ဖို့သပ်သပ် ပေးဦးမှာတဲ့။
အဘွားချက်တဲ့မုန့်ညှင်းစောဟင်းရည်
မသောက်ရပဲနေနိုင်လို့လားတဲ့။
အဘွားကို မဂ္ဂဇိန်ဖတ်ပြဖို့
ငါ့သား မရှိလို့ မဖြစ်ဘူးလေတဲ့။
ဂစ်တာတီးပြရဦးမှာလေတဲ့။
ငါမမှတ်မိတော့တဲ့ငါ့အကြိုက်တွေ
တတွတ်တွတ်ရွတ်လို့ပေါ့။
ငါက ငယ်ရွယ်တော့မိုက်မဲခဲ့တယ်။
စောက်သုံးမကျတဲ့ စာအုပ်တချို့
ဖတ်ပြီး စွန့်စားချင်လွန်းခဲ့တော့ကာ
နှင်းတွေ ပိန်းပိတ် အောင် မှောင်နေတဲ့
မနက်ခင်းတစ်ခုမှာ မြင်းလှည်းပေါ်တက်ပြီး
သင်္ဘောဆိပ်ဆီထွက်သွားခဲ့တာပါပဲ။
မြင်းလှည်းနောက်မြီးလေးကို ကိုင်ထားတဲ့
အဘွားက ဘုရားစာတွေ ရွတ်ပေးနေခဲ့သေး
သလား ဝိုးတဝါးရယ်။
အဖွားဟာ တစ်ဘဝလုံး ထမင်းချက်တယ်
အဖွားဟာ အမြဲမီးမွှေးနေတော့တာပဲ။
(ဝေးခေါင်)
နှစ်တချို့တချို့ကြာတိုင်း ငါပြန်လာတယ်။
ငါ့အဘွားဟာ မီးဖိုထဲကမထွက်ဘူး၊
ငါမပြန်မချင်းပဲ။ ငါ့စွန့်စားခန်းတွေကို
တမေ့တမော နားထောင်တယ်။
လန်ဒန်ဆစ်ကလက်လေး တဖွာဖွာနဲ့
ငါ့မြေးက ဇာတ်လိုက်ပဲလို့
ငါ့ပုံပြင်တွေဆုံးတိုင်း
မှတ်ချက်ချရင်း ကျေနပ်နေပြန်ရော။
အသည်း နှလုံးမရှိတဲ့ ငါက ထပ်ထပ်ပြီး
သူ့ကို ပစ်ထားခဲ့ပြန်တာပါပဲ။
ဒီတစ်ခါ ငါ့မြေးပြန်လာရင်
အဘွားရှိချင်မှရှိတော့မှာပါလေ
လို့ ဆွေးမြေ့မြေ့ကြီးပြောပေမယ့်
အသည်းမာတဲ့ ငါက မျက်နှာကျက်က
မီးလုံး တွေကို ငေး ကြည့်ရင်း
မျက်ရည်ဝဲနေတာကို ကာကွယ်နေကျပေါ့။
" ငုံးအိမ်ကျူလ ( ဗန်းမော်ဗားရှင်း/မှ ) "
#စာအုပ်ရောင်းမယ်
_ _ _ _ _ _ _ _ _ _ _
• ပါပီယွန် •
▪️ပယ်ရီပယ်ရီချစ်ကန်း▪️

❛ ကျွန်တော့်ရဲ့ သူရဲကောင်းခေတ်နဲ့ <br> ဟန်နီဆိုတဲ့နူးညံ့တဲ့ လရောင်ကလေးဟာ <br> အေးခဲလျက် ပြီးဆုံးသွားခဲ့ပါပြီဗျာ ❜ <br> • Rest In Peace ဟန်နီ ? <br> • Rest In Peace ပု

ကုန်သွယ်ရေးတင်းမာမှုလျော့ပါးရေး မူဘောင်တရပ် အမေရိကန်နဲ့ တရုတ်သဘောတူ

အမေရိကန်နဲ့ တရုတ်နိုင်ငံတို့အကြား ကုန်သွယ်ရေးတင်းမာမှုတွေ လျော့ပါးရေးအတွက် မူဘောင်တရပ်ကို သဘောတူခဲ့ကြောင်း နှစ်နိုင်ငံ တာဝန်ရှိသူတွေက ပြောပါတယ်။
သဘောတူညီချက်ဟာ အမေရိကန်နဲ့ တရုတ်တို့အကြား လန်ဒန်မှာ နှစ်ရက်ကြာ ဆွေးနွေးပြီးနောက် ထွက်ပေါ်လာတာဖြစ်ပါတယ်။ ခေတ်မီနည်းပညာထုတ်ကုန်တွေမှာ အရေးပါတဲ့ မြေရှားသတ္တုတင်ပို့ရေး ကန့်သတ်ချက်တွေဟာ အစည်းအဝေး၌ အဓိကအကြောင်းအရာအဖြစ် ပါဝင်ခဲ့ပါတယ်။
ပြီးခဲ့တဲ့လက ဂျီနီဗာမှာ ပြုလပ်တဲ့ ဆွေးနွေးပွဲပြီးနောက် အမေရိကန်နဲ့ တရုတ်နိုင်ငံတို့ဟာ အခွန်တိုးမြှင့်ကောက်ခံတွေကို ယာယီဖြေလျှော့ဖို့ သဘောတူခဲ့ကြပြီး နောက်ပိုင်းမှာတော့ သဘောတူညီချက်ကို ချိုးဖောက်ကြောင်း အပြန်အလှန် စွပ်စွဲခဲ့ပါတယ်။
သဘောတူညီချက်မူဘောင်ဟာ မြေရှားသတ္တုအပါအဝင် ရှားပါးသတ္တုများ တင်ပို့ခြင်းအပေါ် ကန့်သတ်ထားခြင်းကို ဖြေရှင်းသင့်ကြောင်း အမေရိကန် ကူးသန်းရောင်းဝယ်ရေးဝန်ကြီး ဟောင်းဝပ်လပ်နစ်ခ်က ပြောဆိုပါတယ်။
ဒီမူဘောင်ကို နှစ်နိုင်ငံသမ္မတတွေဖြစ်တဲ့ ဒေါ်နယ်ထရန့်နဲ့ ရှီကျင်းပင်တိုကို တင်ပြသွားမှာဖြစ်ပြီး ခေါင်းဆောင်တွေ အတည်ပြုချက် ရယူဖို့ လိုအပ်သေးတယ်လို့ ကုန်သွယ်ရေးဆွေးနွေးပွဲ ကိုယ်စားလှယ်တွေက ပြောပါတယ်။
အမေရိကန်သမ္မတ ဒေါ်နယ်ထရန့် ရာထူးတက်လာပြီးနောက် အမေရိကန်ဟာ ကမ္ဘာ့နိုင်ငံတွေအပေါ် အပြန်အလှန်စည်းကြပ်ခွန်တွေ ကောက်ခဲ့ပြီးနောက် အထူးသဖြင့် တရုတ်နိုင်ငံနဲ့ ကုန်သွယ်ရေးစစ်ပွဲ အရှိန်မြင့်နေပါတယ်။
Ref:BBC

လုံခြုံရေးစိုးရိမ်မှုတွေကြောင့် အီရတ်ရှိ အမေရိကန်သံရုံးဝန်ထမ်းတွေကို ပြောင်းရွေ့
ဘဂ္ဂဒက်၊ ဇွန်-၁၂-၂၀၂၅
မျိုးဆက်(VOM)
ဘဂ္ဂဒက်ရှိ မရှိမဖြစ်မဟုတ်သော အမေရိကန်သံရုံးဝန်ထမ်းတွေနဲ့ မိသားစုတွေကို အီရတ်ကနေ ဘေးလွတ်ရာရွှေ့ပြောင်းဖို့ ညွှန်ကြားထားတယ်လို့ အမေရိကန်အစိုးရ သတင်းရင်းမြစ်တွေက ပြောပါတယ်။
ဒီလိုပြောင်းရွှေ့ရမယ့် အကြောင်းရင်းကို အာဏာပိုင်တွေက အသေးစိတ်ထုတ်ဖော်ပြောဆိုခြင်းမရှိပေမယ့် မကြာသေးခင်ရက်ပိုင်းက အီရန်နျူကလီးယားအစီအစဉ်နဲ့ပတ်သက်ပြီး အမေရိကန်နဲ့ ဆွေးနွေးပွဲတွေ ရပ်တန့်သွားပုံပေါ်တယ်လို့ ဆိုပါတယ်။
ဘဂ္ဂရှိ မိမိတို့ရဲ့သံရုံးဝန်ထမ်းတွေရဲ့ အခြေအနေကို အဆက်မပြတ်အကဲဖြတ်နေတယ်လို့ အမေရိကန်နိုင်ငံခြားရေးဝန်ကြီးဌာန တာဝန်ရှိသူက ပြောပါတယ်။ နောက်ဆုံးအခြေအနေ ခွဲခြမ်းစိတ်ဖြာမှုတွေအရ အီရတ်ရှိ သံရုံးမစ်ရှင်ကို လျှော့ချဖို့ ဆုံးဖြတ်လိုက်တယ်လို့ ပြောပါတယ်။
ဒါဟာ အန္တရာယ်ရှိတဲ့ နေရာတခုဖြစ်နိုင်တာကြောင့် ပြောင်းရွှေ့ရတာဖြစ်ပြီး ဘာဖြစ်မလဲဆိုတာ စောင့်ကြည့်ရမယ်လို့ အမေရိကန်သမ္မတ ဒေါ်နယ်ထရန့်ကပြောပါတယ်။
အီရန်နဲ့ အမေရိကန်တို့အကြာ ရက်သတ္တပတ်ကြာ ဆွေးနွေးမှုများပြီးနောက် သံရုံးဝန်ထမ်းတွေကို ပြောင်းရွေ့ဖို့ စီစဉ်လာတာဖြစ်ပြီး ဒေါ်နယ်ထရန့်ကတော့ အီရန်ရဲ့ နျူကလီးအစီအစဉ်ကို ရပ်တန့်ရေး သဘောတူညီချက်တရပ် မျှော်လင့်ထားပါတယ်။
ဒါပေမယ့်လည်း အီရန်ဟာ ယူရေနီယံသန့်စင်မှုတွေကို ရပ်တန့်နိုင်ခြေနည်းပါးတယ်လို့ ဒေါ်နယ်ထရန့်က မနေ့က ပြောပါတယ်။ ဆွေးနွေးပွဲမအောင်မြင်ဘူးဆိုရင် ဒေသတွင်းရှိ အမေရိကန်စစ်အခြေစိုက်စခန်းတွေကို လက်တုံ့ပြန်မယ်လို့ အီရန်ကာကွယ်ရေးဝန်ကြီးက သတိပေးထားပြီး အမေရိကန်ကလည်း စစ်ရေးအရ ရေးယူမယ်လို့ ခြိမ်းခြောက်ထားပါတယ်။

ငါ့အယူအဆက
ဘယ်အရာမဆို ထာဝရမဟုတ်ဘူး။
ဒုက္ခသည်လည်းပဲ ထိုနည်းလည်းကောင်းပေါ့။
ငါးမျှားတံမှာ တပ်ထားတဲ့ ဖော့ဖြူဖြူလေးလိုပေါ့။ လောကဓံဟာ ငါးတွေ ဆိုပါတော့။
ငါးအဆွဲမှာ ဖော့ကလေးဟာ မြုပ်မြုပ်သွားတယ်။ ထာဝရ မဟုတ်ဘူး။
ရေပေါ် ပြန်ပေါ်လာတာချည့်ပဲ။ အဲ့ဒါပါပဲ။
ငါ မင်းတို့ကို မိုတီဗိတ်တာလည်း မဟုတ်ပါဘူး။
တက်ကျမ်းတွေ ကျကျမ်းတွေအပေါ်
ငါဘယ်တုန်းကမှ အယုံအကြည်
မရှိဖူးခဲ့တဲ့အတွက် လူစွာလုပ်တဲ့ကိစ္စကို
မစင်ဘင်ပုတ်တွေလို ရွံရှာတယ်။
ငါထင်တာ ငါပြောတာပါပဲ။
မင်းတို့မေးတဲ့အခါ ငါဖြေပါတယ်။
ငါ့ရင်ထဲမှာ မကြောက် တရားရယ်။
ဒုက္ခဆိုတာ ငါးမျှားတံက
ဖော့ဖြူဖြူလေးဆိုတာရယ် အဲ့ဒီနှစ်ခုပါပဲ။
ပါပီယွန်ဇာတ်လမ်းထဲမှာ
ပါပီယွန်က သူ့သူငယ်ချင်း လူဝီဒတ်ဂါးကို
ပြောတဲ့ စကား တစ်ခွန်းရှိတယ်။
❛ အရေးအကြီးဆုံးတစ်ချက်က
ငါတို့ အသက်ရှင်နေသေးတယ် ဆိုတာပဲ ❜ တဲ့။
အဲ့ဒီစာကြောင်းလေးနဲ့
ငါအသက်ရှင်သန်ခဲ့ဖူးတယ်။ ဒါပါပဲ။
• ပါပီယွန် •
▪️ငါးမျှားတံထိပ်ဖျားက ဖော့ဖြူဖြူ ဒုက္ခတရား

#နိုင်ငံတကာသမိုင်းရက်စွဲ
အမေရိကန် ဒုတိယသမ္မတနှင့် သမ္မတတာဝန်များကို ထမ်းဆောင်ခဲ့သူ ဂျော့ချ်ဒဗလျူဘုရှ်ကို ၁၉၂၄ ခုနှစ် ဇွန် ၁၂ ရက်တွင် မက်ဆာချူးဆက်ပြည်နယ်၌ မွေးဖွားခဲ့သည်။

Digital Marketing လေ့လာဖို့ Free Website များ
Digital ခေတ်ဖြစ်တာနဲ့အညီ Digital Marketing လုပ်ငန်းကလည်း အရေးပါလာတဲ့ အခန်းကဏ္ဋတစ်ခုမှာ ပါဝင်လာပါပြီ။လက်ရှိမှာလည်း အလုပ်အကိုင်အခွင့်အလမ်းများတာကြောင့်လည်း သင်ယူထားသူသင့်တဲ့ ပညာရပ်တစ်ခုလည်းဖြစ်ပါတယ်.ဒါကြောင့် အခုမှ စပြီးလေ့လာလိုသူများအတွက် Self Study အနေနဲ့ စတင်လေ့လာနိုင်အောင်လို့ အခမဲ့ website လေးတွေကို ဖော်ပြပေးလိုက်ပါတယ်။

Google Digital Garage : Google ကနေ အခမဲ့သင်ပေးတဲ့ Course တစ်ခုပါ။ Fundamentals of Digital Marketing လို့ ခေါ်ပါတယ်။ digital marketing, SEO, social media, email marketing စသဖြင့် DM နဲ့ သက်ဆိုင်တဲ့ သင်ခန်းစာပေါင်း ၂၀ ကျော်ပါဝင်တာမို့ ကိုယ်အဓိကထားလေ့လာချင်တာကိုလည်း ရွေးနိုင်ပါသေးတယ်။ ပြီးတော့ Certificate လည်း ယူလို့ရပါတယ်
Hubspot Academy: Beginner ကနေ advanced အထိတောင် သင်လို့ရတဲ့ Course တွေ စုံလို့ တော်တော်လေးလူသုံးများပါတယ်။ DM နဲ့ပတ်သက်ပြီး SEO Strategy နဲ့ Marketing Design တွေအပြင် Customer Service၊ Data Analyst , Web development ကနေ Sales ပိုင်းတွေကိုလည်း လေ့လာနိုင်ပါသေးတယ်
Meta Blurprint: အချိန်နဲ့အမျှ ထိတွေ့နေရတဲ့ facebook ကနေလည်း လေ့လာနိုင်ပါတယ်။ Facebook ရဲ့ Meta Blurprint ကလည်း Ads အကြောင်းတွေ၊ Audience Targeting တွေကို ဦးစားပေးလေ့လာနိုင်ပါတယ်။ Meta မှာလည်း Level အလိုက်ရှိတာမို့ Beginner တွေကအစ လေ့လာနိုင်ပါတယ်
LinkedIn Learning : လုပ်ငန်းခွင်နဲ့ပတ်သက်ပြီး နယ်ပယ်တိုင်းအတွက် သင်ယူလေ့လာမယ်ဆိုရင်တော့ LinkedIn Learning ကို ချန်ထားခဲ့လို့မရပါဘူး။ သူလည်း Google လိုပဲ Master Digital Marketing ဆိုတဲ့ Course ကို လေ့လာနိုင်ပါတယ်။ Course မှာ အပိုင်း ၉ ပိုင်းပါဝင်ပြီး DM နဲ့ပတ်သက်လို့ SEO Keyword Strategy , Marketing on LinkedIn, SEO Content writing, Augmented Reality Marketing စတာတွေကို လေ့လာနိုင်ပါတယ်။
Class Central : နာမည်ကြီး Learning Platform တွေ အများကြီးစုထားတာမို့ ဒီ website တစ်ခုသိတာနဲ့တင် တော်တော်လေးကို အဆင်ပြေနေပါပြီ။ Coursea၊ Udemy၊ edx တို့က အစရှိပြီး DM အပါအဝင် Free Course တွေ တပုံကြီး တွေ့ရမှာပါ။ ဒါကြောင့် အခြားလုပ်ငန်းနယ်ပယ်တွေအတွက်လည်း လေ့လာနိုင်ပါတယ်

လေပေါ်ပျံသန်းနိုင်မယ့် ကမ္ဘာ့ပထမဆုံးမော်တော်ဆိုင်ကယ်
ဒီနှစ်ရဲ့ CES 2025 မှာ မိတ်ဆက်လာတဲ့ ပစ္စည်းတော်တော်များများက ရှယ်တွေပါပဲ။ တစ်ခုပဲ ဈေးကွက်ထဲ ရောက်မရောက်မသေချာတာရယ် ရောက်ဖို့ အချိန်ကြာဦးမှာရယ်က လွဲပြီးတော့ပေါ့။ ဒီလထဲတော့ CES 2025 မှာ မိတ်ဆက်ခဲ့တဲ့ ပစ္စည်းတွေကို ခပ်များများဖော်ပြဖြစ်မယ်ထင်ပါတယ်။

ဒီတစ်ခေါက်ပြောပြပေးမှာက ဆိုင်ကယ်ပါ။ ရိုးရိုးတော့မဟုတ်ပါဘူး။ သိပ္ပံရုပ်ရှင်တွေထဲမှာ တွေ့လေ့ရှိတဲ့ မိုးပေါ်ပျံသန်းနိုင်တဲ့ မော်တော်ဆိုင်ကယ်မျိုးပါ။ Skyrider X1 လို့အမည်ပေးထားပြီး လျှပ်စစ်ဆိုင်ကယ်တွေထုတ်တဲ့ RICTOR ဆိုတဲ့ ကုမ္ပဏီကနေ မိတ်ဆက်လာတာပါ။ လေထီးအရှိန် 100 km/h (62 mph) အထိ ရောက်ရှိနိုင်တဲ့အပြင် အားအပြည့်သွင်းထားမယ်ဆိုရင် ဘတ္ထရီအရွယ်အစားပေါ်မူတည်ပြီး ပျံသန်းချိန်ဟာ 25 မိနစ်မှ မိနစ် 40 အထိ ရှိနိုင်တယ်လို့ ဆိုပါတယ်။

ဘော်ဒီကိုတော့ ကာဗွန်ဖိုင်ဘာနှင့် လေယာဉ်အဆင့် အလူမီနီယမ်ဖြင့် ပြုလုပ်ထားပါတယ်။ ပုံမှန်ဆိုင်ကယ်တွေလို ဘီး ၂ ဘီးပါဝင်ပြီး ပန်ကာ ၈ ခုပါရှိပါတယ်။ ချစ်သူလေးနဲ့တော့ အတူစီးနိုင်မှာမဟုတ်ပါဘူး။ ဘာလို့လဲဆိုတော့ ၁ ယောက်စာပဲ နေရာပါပါတယ်။ နောက်ထပ်မိုက်တဲ့အချက်က မောင်းသူမဲ့နည်းပညာလည်း ထည့်ထားတာပါ။ (၁ ယောက်ပဲစီးလို့ရမယ်ဆိုတော့ မမောင်းပဲ​ ထိုင်လိုက်သွား အာ့လိုနေမယ်)

ဈေးနှုန်းအရတော့ ဒေါ်လာ 60,000 ပါ။ လောလောဆယ်တော့ ကုမ္ပဏီဖက်က လေကြောင်းမောင်းနှင်တာနဲ့ ပတ်သက်ပြီး စမ်းသပ်မှုအချို့ ကျန်ရှိနေတာကြောင့် ဈေးကွက်ထဲတော့ မဖြန့်ချိသေးဘူးလို့ဆိုပါတယ်။ လေကြောင်းအပါအဝင် သက်ဆိုင်ရာစမ်းသပ်ချက်တွေ ပြီးစီးရင်တော့ 2026 ထဲမှာ ရောင်းချသွားနိုင်ဖို့ မျှော်လင့်နေတယ်လို့ ဖော်ပြခဲ့ပါတယ်။

ပထမဆုံး Gaming Tablet ထုတ်ဖို့ ပြင်ဆင်နေတဲ့ Infinix
နှစ်အစပိုင်းပဲရှိနေသေးပေမဲ့ တော်တော်လေးအဖွင့်ကောင်းနေတဲ့အထဲ Infinix လည်း အပါအဝင်ပါပဲ။ MWC 2025 မှာ product အသစ်တွေ မိတ်ဆက်ပီးကထဲက လူပြောများလာတဲ့ Infinx က အခုလည်း ပထမဆုံး Gaming Tablet ထုတ်ဖို့ ပြင်ဆင်နေပြီဆိုတဲ့အကြောင်း သတင်းတွေထွက်လာပါတယ်။
မနှစ်က XPad ဆိုတဲ့ Infinix ရဲ့ ပထမဆုံး Tablet ကို မိတ်ဆက်ခဲ့ပြီးတဲ့နောက်မှာ ဒုတိယမြောက်ထပ်ပြီးမိတ်ဆက်လာတဲ့ Tablet လို့ပဲပြောရမှာပါ။ ဒါပေမဲဲ့ ဒီတစ်ခေါက် Tablet ကိုတော့ Gaming ပိုင်းကို ဦးစားပေးပြီး ဖန်တီးထားတယ်လို့ ဆိုပါတယ်။
XPad GT လို့ အမည်ပေးထားတဲ့ ဒီ Gaming Tablet ဟာဆိုရင် Ram 8GB / Storage 256GB ပါဝင်မယ်လို့သာ ‌သတင်းတွေထွက်ထားတာပါ။ Spec: အသေးစိတ်နဲ့ ဈေးနှုန်းတွေကိုတော့ ဖော်ပြထားခြင်းမရှိသေးပါဘူး။ Gaming Tablet ဖြစ်တာမို့ spec: တွေ အမြင့်ပိုင်းဖြစ်ဖို့တော့ မျှော်လင့်နေကြပါတယ်။

ပထမဆုံး Gaming Tablet ထုတ်ဖို့ ပြင်ဆင်နေတဲ့ Infinix
နှစ်အစပိုင်းပဲရှိနေသေးပေမဲ့ တော်တော်လေးအဖွင့်ကောင်းနေတဲ့အထဲ Infinix လည်း အပါအဝင်ပါပဲ။ MWC 2025 မှာ product အသစ်တွေ မိတ်ဆက်ပီးကထဲက လူပြောများလာတဲ့ Infinx က အခုလည်း ပထမဆုံး Gaming Tablet ထုတ်ဖို့ ပြင်ဆင်နေပြီဆိုတဲ့အကြောင်း သတင်းတွေထွက်လာပါတယ်။
မနှစ်က XPad ဆိုတဲ့ Infinix ရဲ့ ပထမဆုံး Tablet ကို မိတ်ဆက်ခဲ့ပြီးတဲ့နောက်မှာ ဒုတိယမြောက်ထပ်ပြီးမိတ်ဆက်လာတဲ့ Tablet လို့ပဲပြောရမှာပါ။ ဒါပေမဲဲ့ ဒီတစ်ခေါက် Tablet ကိုတော့ Gaming ပိုင်းကို ဦးစားပေးပြီး ဖန်တီးထားတယ်လို့ ဆိုပါတယ်။
XPad GT လို့ အမည်ပေးထားတဲ့ ဒီ Gaming Tablet ဟာဆိုရင် Ram 8GB / Storage 256GB ပါဝင်မယ်လို့သာ ‌သတင်းတွေထွက်ထားတာပါ။ Spec: အသေးစိတ်နဲ့ ဈေးနှုန်းတွေကိုတော့ ဖော်ပြထားခြင်းမရှိသေးပါဘူး။ Gaming Tablet ဖြစ်တာမို့ spec: တွေ အမြင့်ပိုင်းဖြစ်ဖို့တော့ မျှော်လင့်နေကြပါတယ်။