အပိုင်း(၂)
အိမ်ခြံမြေ နှင့် ကွန်ဒို ဝယ်ယူထားကြသူများ အတွက်ကတော့ ပိုင်ဆိုင်ခွင့်တွေထဲက Freehold / Leasehold အကြောင်းကို တီးမိ ခေါက်မိ ရှိပြီးသားဖြစ်မှာပါ။ မသိသေးတဲ့ မိတ်ဆွေများအတွက် ဖတ်ရလွယ်အောင် အနည်းငယ်ရှင်းပြရလျှင်
၁။ မြေယာပိုင်ဆိုင်ခွင့် (Land Ownership)
တိုက်ရိုက်ပိုင်ဆိုင်ခွင့်မရှိခြင်း-ထိုင်းဥပဒေအရ နိုင်ငံခြားသားများသည် ထိုင်းနိုင်ငံတွင် မြေယာကို မိမိအမည်ဖြင့် တိုက်ရိုက်ဝယ်ယူ ပိုင်ဆိုင်ခွင့်မရှိပါ။
ခြွင်းချက် ရှိပါသည် (ဥပမာ - အမွေဆက်ခံခြင်းဆိုင်ရာ အထူးအခြေအနေများ၊ သို့မဟုတ် ထိုင်းနိုင်ငံနှင့် အိမ်ခြံမြေပိုင်ဆိုင်ခွင့်ဆိုင်ရာ သဘောတူစာချုပ် ချုပ်ဆိုထားသည့် နိုင်ငံမှဖြစ်ခြင်း - လက်ရှိတွင် ထိုသို့သော စာချုပ်မျိုး မရှိသလောက်ရှားပါသည်) မှလွဲ၍ ယေဘုယျအားဖြင့် တားမြစ်ထားသည်။
ကုမ္ပဏီမှတစ်ဆင့်ပိုင်ဆိုင်ခြင်း-နိုင်ငံခြားသားများသည် ထိုင်းနိုင်ငံတွင် မှတ်ပုံတင်ထားသော ထိုင်းကုမ္ပဏီလီမိတက် (Thai Limited Company) မှ တစ်ဆင့် မြေယာဝယ်ယူနိုင်ပါသည်။
သို့သော် ထိုကုမ္ပဏီတွင် ထိုင်းနိုင်ငံသား အစုရှယ်ယာရှင် အများစု (အနည်းဆုံး ၅၁%) ပါဝင်ရမည်ဖြစ်ပြီး နိုင်ငံခြားသားက အစုရှယ်ယာ အနည်းစု (အများဆုံး ၄၉%) သာ ပိုင်ဆိုင်ခွင့်ရှိသည်။
မြေယာပိုင်ဆိုင်ရန်သက်သက်အတွက် ကုမ္ပဏီထောင်ခြင်း ဟုတ်မဟုတ်အပေါ် တာဝန်ရှိသူများက ပိုမိုစိစစ်လာသည့်အတွက် ကုမ္ပဏီသည် အမှန်တကယ် စီးပွားရေးလုပ်ငန်း လုပ်ကိုင်နေကြောင်း ပြသရန် လိုအပ်ပါသည်။
ထိုင်းနိုင်ငံ ရင်းနှီးမြှုပ်နှံမှုဘုတ်အဖွဲ့ (BOI) မှ ခွင့်ပြုချက်-အချို့သော ရင်းနှီးမြှုပ်နှံမှု ပမာဏနှင့် သတ်မှတ်ချက်များ ပြည့်မီသော နိုင်ငံခြားသား ရင်းနှီးမြှုပ်နှံသူများသည် BOI ၏ အထူးအခွင့်အရေးပေးသော စီမံကိန်းများအောက်တွင် လူနေထိုင်ရန် သို့မဟုတ် စီးပွားရေးလုပ်ငန်းအတွက် မြေယာပိုင်ဆိုင်ခွင့် လျှောက်ထားနိုင်ပါသည်။
သို့သော် ဧရိယာကန့်သတ်ချက်များနှင့် အခြားသော တင်းကျပ်သည့် စည်းကမ်းချက်များစွာ ရှိပါသည်။
ထိုင်းနိုင်ငံသား ဇနီး/ခင်ပွန်းမှတစ်ဆင့်-နိုင်ငံခြားသားတစ်ဦးသည် ထိုင်းနိုင်ငံသားနှင့် တရားဝင်လက်ထပ်ထားပါက အိမ်ခြံမြေ ဝယ်ယူရာတွင် ထိုင်းနိုင်ငံသားအမည်ဖြင့်သာ မှတ်ပုံတင် ပိုင်ဆိုင်ရမည်ဖြစ်သည်။
နိုင်ငံခြားသားအိမ်ထောင်ဖက်အနေဖြင့် အဆိုပါအိမ်ခြံမြေ ဝယ်ယူရာတွင် အသုံးပြုသည့်ငွေကြေးသည် ထိုင်းနိုင်ငံသား အိမ်ထောင်ဖက်၏ ငွေကြေးဖြစ်ကြောင်း ဝန်ခံချက်လက်မှတ် ရေးထိုးရလေ့ရှိသည်။
၂။ ကွန်ဒိုမီနီယံ အခန်းပိုင်ဆိုင်ခွင့် (Condominium Ownership)
တိုက်ရိုက်ပိုင်ဆိုင်ခွင့် (Freehold)-နိုင်ငံခြားသားများအတွက် အိမ်ခြံမြေပိုင်ဆိုင်ရန် အလွယ်ကူဆုံးနှင့် တရားဝင်အအဖြစ်အများဆုံး နည်းလမ်းဖြစ်သည်။ နိုင်ငံခြားသားများသည် ကွန်ဒိုမီနီယံ အဆောက်အအုံတစ်ခုအတွင်းရှိ အခန်းများကို မိမိအမည်ရင်းဖြင့် တိုက်ရိုက်ဝယ်ယူ ပိုင်ဆိုင်ခွင့် (Freehold) ရှိသည်။
၄၉% ကန့်သတ်ချက်-ကွန်ဒိုမီနီယံ အဆောက်အအုံတစ်ခုလုံးရှိ ရောင်းချနိုင်သော ဧရိယာစုစုပေါင်း၏ ၄၉% ထက်မပိုသော အခန်းများကိုသာ နိုင်ငံခြားသားများက ပိုင်ဆိုင်ခွင့်ရှိသည်။ ကျန်ရှိသော အနည်းဆုံး ၅၁% ကို ထိုင်းနိုင်ငံသားများက ပိုင်ဆိုင်ရမည်ဖြစ်သည်။
ငွေကြေးလွှဲပြောင်းမှု-ကွန်ဒိုအခန်းဝယ်ယူရန်အတွက် ငွေကြေးကို နိုင်ငံခြားမှ နိုင်ငံခြားငွေကြေး (ဥပမာ - အမေရိကန်ဒေါ်လာ) ဖြင့် ထိုင်းနိုင်ငံသို့ တရားဝင်လွှဲပြောင်းလာကြောင်း အထောက်အထား ပြသရန်လိုအပ်သည်။
ထိုင်းဘဏ်တွင် နိုင်ငံခြားငွေစာရင်းဖွင့်၍ ထိုမှတစ်ဆင့် ငွေပေးချေမှုများ ပြုလုပ်ရပါသည်။
၃။ အဆောက်အအုံပိုင်ဆိုင်ခွင့် (Building Ownership - မြေငှားရမ်းခြင်းဖြင့်)
နိုင်ငံခြားသားများသည် မြေကိုတိုက်ရိုက်မပိုင်ဆိုင်နိုင်သော်လည်း၊ ထိုင်းနိုင်ငံသား သို့မဟုတ် ထိုင်းကုမ္ပဏီပိုင်မြေပေါ်တွင် မြေငှားစာချုပ်ဖြင့် မြေငှားရမ်းပြီး ထိုမြေပေါ်တွင် အိမ် သို့မဟုတ် အခြားအဆောက်
အအုံများကို မိမိအမည်ဖြင့် တည်ဆောက်ပိုင်ဆိုင်ခွင့် ရှိသည်။
အဆောက်အအုံပိုင်ဆိုင်ခွင့်သည် မြေပိုင်ဆိုင်ခွင့်နှင့် သီးခြားဖြစ်သည်။
၄။ မြေငှားရမ်းခြင်း (Leasehold)
နိုင်ငံခြားသားများအတွက် မြေယာကို ရေရှည်အသုံးပြုနိုင်ရန် အသုံးများသော နည်းလမ်းတစ်ခုမှာ နှစ်ရှည်မြေငှားစာချုပ် (Leasehold Agreement) ဖြစ်သည်။ ပုံမှန်အားဖြင့် နှစ် ၃၀ အထိ ငှားရမ်းခွင့်ရှိပြီး၊ သက်တမ်းတိုးနိုင်သည့် အခွင့်အရေးများလည်း ပါဝင်နိုင်သည်။ စာချုပ်ပါ သဘောတူညီချက်များပေါ်မူတည်၍ သက်တမ်း နှစ်ကြိမ် သို့မဟုတ် သုံးကြိမ်အထိ တိုးနိုင်သည်ဟု ဆိုသော်လည်း စာချုပ်ချုပ်ဆိုစဉ်ကတည်းက တိကျစွာ ထည့်သွင်းချုပ်ဆိုရန် အရေးကြီးသည်။
မြေငှားစာချုပ်ကို သက်ဆိုင်ရာ မြေစာရင်းရုံးတွင် တရားဝင်မှတ်ပုံတင်ရမည်။
၅။ အခြား တရားဝင်နည်းလမ်းများ
Usufruct (အသုံးပြုခွင့်)-ဤသည်မှာ မြေပိုင်ရှင်က မြေကိုမရောင်းချဘဲ၊ နိုင်ငံခြားသားအား အကန့်အသတ်ကာလတစ်ခုအထိ (ဥပမာ - နှစ် ၃၀ သို့မဟုတ် ထိုသူ၏သက်တမ်းတစ်လျှောက်) မြေယာကို အသုံးပြုခွင့်၊ အကျိုးအမြတ်ခံစားခွင့် ပေးခြင်းဖြစ်သည်။ ပိုင်ဆိုင်ခွင့်ရရှိခြင်းမဟုတ်ဘဲ အသုံးပြုခွင့်သာဖြစ်သည်။
Superficies (မြေပေါ်မြေအောက် ဆောက်လုပ်ပိုင်ဆိုင်ခွင့်)-ဤအခွင့်အရေးအရ နိုင်ငံခြားသားသည် သူတစ်ပါးပိုင်မြေပေါ်တွင် အဆောက်အအုံများ၊ သစ်ပင်စိုက်ပျိုးခြင်းများ ပြုလုပ်ပိုင်ဆိုင်ခွင့် ရရှိသည်။ မြေကိုမူ ပိုင်ဆိုင်ခြင်းမရှိပေ။
အိမ်ခြံမြေကွန်ဒိုအရောင်းအဝယ်မှာ အစမကောင်းခဲ့လျှင် ပြန်စဉ်းစားပါ။ အပေါ်ကရှင်းလင်းပြခဲ့သောအချက်တွေထဲက မညီညွတ်ဘူးထင်လျှင် အစကောင်းပြီး အနှောင်းသေချာဖို့ မိမိမှာ ပြန်လည်ပြင်ဆင်ချိန် ရပါတယ်။
အတွေ့အကြုံရှိသော ရှေ့နေနှင့် သေချာတိုင်ပင်ဆွေးနွေးပါ ။ ပိုင်ဆိုင်မှုစာရွက်စာတမ်းများ စစ်ဆေးခြင်းပြုလုပ်ပါ။
နိုင်ငံခြားသား အိမ်ခြံမြေပိုင်ဆိုင်ခွင့်ဆိုင်ရာ ဥပဒေများကို အခါအားလျော်စွာ ပြန်လည်သုံးသပ်ပြီး ပြောင်းလဲမှုများ ပြုလုပ်လေ့ရှိပါသည်။
ဘန်ကောက် အိမ်ခြံမြေဈေးကွက်ဟာ အနှစ် ၂၀ အတွင်း အဆိုးရွားဆုံးအခြေအနေသို့ ရောက်ရှိနေပြီဖြစ်ပါတယ်။
အပေါ်ကပြောခဲ့သလိုပါပဲ မိတ်ဆွေများကို မရိုမသေတွေးကြည့်ခိုင်းတာပါ …။
#crd
+4
