Joshua Van (UFC Flyweight Ranking 1
Joshua Van က Bruno Silva ကို အလဲထိုးပြီး UFC Flyweight Ranking မှာ အဆင့် (၁၀) ဖြစ်လာပါပြီ။ မူလတုန်းက အဆင့် (၁၄) ဆိုပေမယ့် အလဲထိုးနိုင်ပွဲကြောင့် (၄) ဆင့်ခုန်တက်သွားတာပါ။ Bruno Silva က အဆင့် (၁၄) ဖြစ်သွားပါတယ်။ မူလအဆင့် (၁၂) ကနေ (၂) ဆင့်ကျသွားတာပါ။
ဇွန်လ (၂၈) ရက်နေ့မှာ Brandon Royval နဲ့ Joshua Van တို့က ဖလိုင်းဝိတ်တန်းမှာ ပွဲကြမ်းကြပါမယ်။ Brandon Royval က UFC Flyweight Ranking မှာ အဆင့် (၁) ဖြစ်ပြီး (၂) ပွဲဆက်နိုင်ထားပါတယ်။ သက်လုံကြမ်းတဲ့ ဖိုက်တာမို့လို့ စောင့်ကြည့်ရပါမယ်။
Joshua Van က (၄) ပွဲဆက်နိုင်ထားပြီး စိတ်အားတက်ကြွနေပါတယ်။ အခုဆိုရင် အဆင့် (၁၀) ဖြစ်သွားပြီဆိုတော့ Flyweight Top 10 ဝင်သွားပါပြီ။ ချင်းလေးမောင်ဗန်က လိမ္မာတယ်။ ထိုးကြေးစုပြီး အမေကို အိမ်ဝယ်ပေးလိုက်ပြီ။
Joshua Van က Brandon Royval ကို မနည်းရုန်းရမယ်။ နိုင်ဖို့ သိပ်မလွယ်ဘူး။ နိုင်ရင်တော့ ခါးပတ်လုခွင့်ရသွားနိုင်ပါတယ်။ ဒါဆိုရင် ထိုးကြေးကလည်း ဒေါ်လာသိန်းဂဏန်းကနေ သန်းဂဏန်းအထိ ဖြစ်သွားနိုင်တယ်။ သေမြေကြီး ရှင်ရွှေထီးပဲ။ ကြမ်းပြလိုက်စမ်းပါကွယ်။

နောက်နှစ်ထဲမှာဆိုရင် နောက်ထွက် Anime တွေထဲမှာ Underrated ဖြစ်တယ်လိုပြောလိုရတဲ့ ဒီ Anime သုံးခုလုံး Season 2 ထွက်လာတော့မှာဖြစ်ပါတယ်။

ဒီစီးရီးသုံးခုလုံးကတော့ 2026 Winter Season မှာထွက်ရှိမယ်လိုလည်းသိရပါတယ်။

အားလုံးကော ဒီသုံးကားထဲမှာ ဘယ်ကားကိုမျှော်နေကြလဲ? 🤔

Weight Cut ကြောင့် ကြံ့ခိုင်ရည်ထိမလား
အရင်တုန်းကဆိုရင် Khamzat Chimaev လည်း ပွဲကူးကြမ်းဖူးတယ်။ မြင်လွယ်တဲ့ ဥပမာကို ပြောပြမယ်။ ဝယ်တာဝိတ်တန်းမှာ Khamzat Chimaev က Rhys McKee ကို ပွဲသိမ်းနိုင်ဖူးတယ်။ (၅၅) ရက်အကြာမှာ ပွဲပြန်ထိုး‌ပါတယ်။ မစ်ဒယ်ဝိတ်တန်းမှာ Gerald Meerschaert ကို နိုင်လိုက်ပါရော။
Cody Durden က Bruno Silva ကို ရှုံးထားတာပါ။ ဖလိုင်းဝိတ်တန်းမှာ အလဲထိုးခံရတာပါ။ သိပ်မကြာခင်မှာ Cody Durden က လူစားဝင်ထိုးရမယ်တဲ့။ ပြိုင်ဘက်က Matt Schnell တဲ့။ ဖလိုင်းဝိတ်တန်းမှာ မထိုးပါဘူး။ ဘင်တန်ဝိတ်တန်းကို တက်ထိုးတာပါ။
ဒီအဖြစ်အပျက်တွေကို အကဲခတ်ကြည့်ရအောင်။ ကစားသမားတွေက ပွဲရက်ကပ်လွန်းရင် နောက်ပွဲကို အပေါ်တန်းမှာ ထိုးလေ့ရှိတယ်။ ပထမပွဲမှာ Weight Cut လုပ်တည်းက ပင်ပန်းထားပြီ။ ဒုတိယပွဲမှာ Weight Cut ဆက်လုပ်ရဦးမယ်ဆိုရင် စွမ်းဆောင်ရည်ကျတာပဲ။ အဲဒါကြောင့်မို့ လူသက်သာအောင် ဒုတိယပွဲမှာ ‌အပေါ်တန်းမှာ ထိုးတာပါ။
Joshua Van လည်း ဒီသဘောပါပဲ။ (၂၁) ရက်အတွင်းမှာ ပွဲကူးကြမ်းသွားတာပါ။ ပထမပွဲက အိုကေသွားပြီ။ ရက်ပိုင်းနားရဦးမယ်။ အောက်ခြေကန်ချက်ထိသေးတယ်မလား။
ဒုတိယပွဲအတွက် လေ့ကျင့်ရဦးမယ်။ အာဟာရဖြည့်ချိန်တောင် သိပ်မရဘူး။ ဒုတိယပွဲမှာ ဖလိုင်းဝိတ်တန်းရောက်အောင် ဝိတ်ချရဦးမယ်။ တစ်လမပြည့်ခင်မှာ (၂) ကြိမ် Weight Cut လုပ်တာက ကြံ့ခိုင်ရည်ထိနိုင်မလား။ အခုဟာက ရက်ကပ်လွန်းလို့ပါ။

အကြမ်းဖက်သမားမှ ကမ္ဘာကျော်အေးဂျင့်ဖြစ်လာသူ - Ali Abdelaziz
MMA လောကမှာ Ali Abdelaziz ၊ Audie Attar ၊ Matt Dodge ၊ DeWayne Zinkin ၊ Malki Kawa တို့က ထိပ်တန်းအေးဂျင့်တွေပါ။ အခုဆောင်းပါးမှာ အကြမ်းဖက်သမားမှ ကမ္ဘာကျော်အေးဂျင့်ဖြစ်လာတဲ့ Ali Abdelaziz အကြောင်းကို ရေးပါမယ်။
Ali Abdelaziz ကို ၁၉၇၇ ခုနှစ်မှာ မွေးတယ်။ အီဂျစ်နိုင်ငံသားဖြစ်ပါတယ်။ ဂျူဒိုနဲ့ Brazilian Jiu-Jitsu ကစားတယ်။ ငယ်ငယ်တုန်းက MMA လည်း ထိုးတယ်။ (၁) ပွဲနိုင် (၃) ပွဲရှုံးဆိုတော့ ကြေးစားဘဝက မအောင်မြင်ခဲ့ဘူးလို့ ဆိုနိုင်ပါတယ်။
Ali Abdelaziz က MMA ကစားသလို Muslims of America ဆိုတဲ့ အကြမ်းဖက်အဖွဲ့မှာ အလုပ်လုပ်တယ်။ အကြမ်းဖက်သမားတွေကို ကိုယ်ခံပညာသင်ပေးရတာပါ။ CIA အဖွဲ့အစည်းကလည်း Ali Abdelaziz ကို စောင့်ကြည့်နေတယ်။
ဒီနေရာမှာ FBI (Federal Bureau of Investigation) နဲ့ CIA (Central Intelligence Agency) ကွာခြားပုံကို ရှင်းပြပါမယ်။ အမေရိကန်နိုင်ငံမှာ ပြည်နယ် (၅ဝ) ရှိပါတယ်။ ဖလော်ရီဒါပြည်နယ် ဝရမ်းပြေးက ဝါရှင်တန်ပြည်နယ်ကိုရောက်ရင် ဖလော်ရီဒါရဲတွေက ဝင်ဖမ်းလို့ မရဘူး။ FBI က ပြည်နယ်မရွေးဘဲ ဝင်ဖမ်းနိုင်တယ်။ FBI က ပြည်တွင်းရေးကို ကိုင်တွယ်ရပြီး CIA က ပြည်ပ ရာဇဝတ်သားတွေကို နှိမ်နှင်းရတယ်။ 9/11 Attack တုန်းက FBI နဲ့ CIA ပူးပေါင်းခဲ့ဖူးတယ်။
၂၀၀၁ ခုနှစ် စက်တင်ဘာလ (၁၁) ရက်မှာ Osama bin Laden ရဲ့ Al-Qaeda အကြမ်းဖက်အဖွဲ့က World Trade Center ကို လေယာဉ်နဲ့ ဝင်တိုက်တယ်။ 9/11 Attack ပါ။ အဲဒီနေ့မှာ Ali Abdelaziz က ကိုင်ရိုမြို့မှ နယူးယောက်မြို့ကို သွားဖို့ လက်မှတ်ဖြတ်ထားတယ်။ ချက်ချင်းပဲ လေယာဉ်လက်မှတ်ကို Cancel လုပ်တယ်။ အကြမ်းဖက်မှုဖြစ်‌မှာကို ကြိုသိတဲ့သဘော။ ခရီးသည် အဝင်အထွက်ကို ပြန်စစ်ကြည့်လို့ CIA အဖွဲ့အစည်းက ရိပ်မိသွားတယ်။ ဒါပေမယ့် ခွင်မဝင်သေးလို့ Ali Abdelaziz ကို မဖမ်းပါဘူး။
Ali Abdelaziz က နိုင်ငံကူးလက်မှတ်အတုကိုင်ပြီး အမေရိကန်နိုင်ငံကို ခိုးဝင်လာတယ်။ ဒုက္ခသည်ဟန်ဆောင်တယ်။ နိုင်ငံကူးလက်မှတ်အတု (၅) ခုရှိတယ်။ ဒီဇင်ဘာလ (၁၈) ရက်မှာ အဖမ်းခံရတယ်။
ကျွန်တော်က အိုလံပစ်ဂျူဒိုချန်ပီယံပါ။ အီဂျစ်အစိုးရက လာနေခိုင်းလို့ အမေရိကန်နိုင်ငံကို ရောက်လာတာပါ။ Olympic Training Center မှာ လေ့ကျင့်တာ (၅) နှစ်ရှိပါပြီလို့ Ali Abdelaziz ကလျှောက်ပြောတယ်။ ပြန်စစ်လိုက်တော့ အလိမ်ပေါ်တာပဲ။
နယူးယောက်ရဲဌာနက Muslims of America အကြမ်းဖက်အဖွဲ့ကို စုံစမ်းနေလို့ အကျဉ်းသား Ali Abdelaziz ကို သွားတွေ့တယ်။ Jamaat ul-Fuqra အကြမ်းဖက်အဖွဲ့ရဲ့ သတင်းတွေပြန်ပေးခိုင်းတယ်။ Ali Abdelaziz လည်း ရဲသတင်းပေးဖြစ်သွားတယ်။ သတင်းစုပြီး နယူးယောက်ရဲဌာကို ပြန်ပေးရတယ်။
နယူးယောက်ရဲဌာနကလည်း Ali Abdelaziz လို အကြမ်းဖက်သမားကို မယုံပါဘူး။ မုသားဖော်စက်သုံးပြီး သတင်းတွေကို စိစစ်ရတယ်။ ကိုလိုရာဒိုပြည်နယ် အကျဉ်းထောင်ထဲမှာ (၉) လကျော် နေလိုက်ရတယ်။ ထောင်ကလွတ်ပြီး နောက်ပိုင်းမှာ FBI သတင်းပေးလုပ်ရတယ်။ FBI ကို တစ်ပတ်ရိုက်ပေမယ့် မုသားဖော်စက်မှာ အလိမ်ပေါ်လို့ အလုပ်ပြုတ်သွားပြန်တယ်။ အဲဒါကြောင့်မို့လို့ Conor McGregor က Ali Abdelaziz ကို "Snitch Terrorist Rat" လို့တောင် ခေါ်တာပါ။
Ali Abdelaziz က အားကစားဘက်ကို အာရုံစိုက်လာတယ်။ လူရင်း Renzo Gracie ကို အေးဂျင့်လုပ်ပေးတယ်။ ကစားသမားများလာလို့ Dominance MMA Management ကုမ္ပဏီကို ထောင်လိုက်တယ်။ အောင်မြင်တာပါပဲ။
Ali Abdelaziz က Khabib Nurmagomedov ၊ Justin Gaethje ၊ Kamaru Usman ၊ Henry Cejudo ၊ Cody Garbrandt ၊ Beneil Dariush နဲ့ Islam Makhachev တို့ကို အေးဂျင့်လုပ်ပေးတယ်။ ပွဲစာချုပ်နဲ့ စပွန်ဆာကိစ္စတွေကို အဓိကလုပ်တယ်။
"Dominance MMA Management မှာ Khabib Nurmagomedov လို (၁၀) ယောက်လောက် ရှိတယ်။ Khamzat Chimaev လို ဖိုက်တာမျိုးလည်း (၁၀) ယောက်လောက်ရှိတယ်"
Ali Abdelaziz ဆီမှာ နပန်းကောင်းတဲ့ ဖိုက်တာတွေ အများကြီးရှိတယ်တဲ့။ စုစုပေါင်း ဖိုက်တာ (၃၀၀) ကျော်လောက် ကိုင်တွယ်ထားတယ်။ ကစားသမား အများဆုံးကိုင်ထားတဲ့ အေးဂျင့်ပါ။ အများအားဖြင့် ရုရှားနိုင်ငံသားတွေနဲ့ အစ္စလာမ်ဘာသာဝင်တွေပဲ။
ရုံးအလုပ်မရှိရင် Ali Abdelaziz က American Kickboxing Academy (AKA) မှာ လေ့ကျင့်တယ်။ သူ့ဖိုက်တာတွေကိုလည်း အမြဲကာကွယ်ပေးတယ်။ အခုချိန်မှာ အောင်မြင်ထင်ရှားတဲ့ အေးဂျင့်ဖြစ်နေပြီ။
နိဂုံးချုပ်ပါမယ်။ ဘယ်သူမှ အမှားမကင်းဘူး။ လူ့ဘဝက တိုပါတယ်။ အမှားကို လက်ညှိုးထိုးနေရင်လည်း နေပျော်မှာ မဟုတ်ဘူး။ လမ်းမှန်လျှောက်နိုင်ဖို့ပဲ လိုတာပါ။

မေမြို့က နှင်းဆီဥယျာဉ်မှာ မင်္ဂလာညစာစားပွဲကျင်းပခဲ့တဲ့ ကျော်ကျော်နဲ့ #ဆုမြတ်နိုးဦး

ခရမ်းချဉ်သီးပန်ထွေဖျော် မေးထားသူအတွက်

ပန်ထွေဖျော်လုပ်ဖို့လိုတာလေးတွေက
ကိုင်းခရမ်းချဉ်သီး
ငရုတ်သီးစိမ်း
မျှင်ငပိ
ကြက်သွန်ဖြူ
ကြက်သွန်နီ
ဆား
အရသာမှုန့်
ငံပြာရည်
နံနံပင်
ကိုင်းခရမ်းချဉ်သီးနဲ့ငရုတ်သီးကို ရေဆေးပြီး အိုးတလုံး
ထဲကို ရေ၊ခရမ်းချဉ်သီး၊ငရုတ်သီး၊ကြက်သွန်ဖြူ၊ဆား
အရသာမှုန့်၊ငံပြာရည်၊မျှင်ငပိထည့်ပြီး ပြုတ်ပါ။ရေကို
အများကြီးထည့်ဖို့ မလိုပါ။သောက်ရေခွက်တခွက်စာ
လောက်ဆိုရပါပြီ။ခရမ်းချည်သီးနူးရင်တော့ အအေးခံထားပါ။အိုးထဲမှာ ပြုတ်ထားတဲ့အရည်ကျန်ရပါ
မယ်။အေးသွားရင် ခရမ်းချဉ်သီးကို အခွံခွာပါ။ခွာပြီးရင်
စဉ့်တီတုံးသန့်သန့်အပေါ်မှာ ခရမ်းချဉ်သီးတွေကို စင်းပါ
ငရုတ်သီးစိမ်းနဲ့ ကြက်သွန်ဖြူကို ထောင်းပါ။ထောင်းထားတဲ့အထဲကို ခရမ်းချည်သီးထည့်ထောင်းပါ။ပြုတ်ထားတဲ့အရည်တွေကိုထည့်ပါ။နံနံပင်ညှပ်ထည့်ပါ။ကြက်သွန်နီပါးပါးလှီး
ထည့်ပါ။အရသာမြည်းပါ။လိုရင် ငံပြာရည်လေးထပ်
ထည့်ပါ။
ဒါဆို ထမင်းမြိန်တဲ့ ခရမ်းချဉ်သီးပန်ထွေဖျော်လေးရပါပြီ

🥔 အာလူးမဆလာ အစပ်ကြော် 🥔
*********************************
စားဖူးသူတိုင်း အကြိုက်တွေ့စေရမယ့်
အာလူးမဆလာ အစပ်ကြော်နည်းလေး တင်ပေးလိုက်ပါတယ်။

ပါဝင်ပစ္စည်းများ
**************
၁- အာလူး ( ပြုတ်ပီး ထောင်းထားပါ )
၂- ကြက်သွန်နီ ( နုတ်နုတ်စင်းထားပါ )
၃- ငရုတ်သီးစိမ်း ( ပါးပါးလှီးထားပါ )
၄- ကြက်ဥ ( ခေါက်ထားပါ )
၅- ကော်မှုန့်
၆- မဆလာ
၇- ဟင်းခပ်မှုန့်
၈- ဆား

ပါဝင်ပစ္စည်း ၈ မျိုးကို ရောနယ်လိုက်ပီး
အရသာစပ်ပီး မြည်းကြည့်ပါ။
ပီးရင် နှစ်သက်ရာ အရွယ်လုံး၍
ဆီပူပူထဲထည့်၍ မီးအားပြင်းပြင်းနဲ့ ကြော်ပါ။
နီရဲလာရင် ဆယ်ပြီး
ဆီစစ်စက္ကူပေါ်တင်၍ ဆီစစ်ပီးနောက်
ပူပူနွေးနွေး စားသုံးပါလေ။

မှတ်ချက်
********
အာလူး ၃၀ သား မှ ကြက်ဥ ၁ လုံးသာထည့်ပါ။
အာလူး နည်းနေရင် ခေါက်ထားတဲ့ကြက်ဥကို
တဝက်လောက်သာ ထည့်ပါ။
နောက်ဆုံးမှ ကော်မှုန့်ကို လုံးကောင်းရုံမျှ ထည့်နယ်ပေးပါ။
ပီးမှ လိုသလို အရွယ်အစားလေး လုံးပေးပီး ကြော်ပါ။

အာလူး ၃၀ သား
ကွကျဥ ၁ လုံး
ကော်မှုန့် ထမင်းစားဇွန်း ၃ ဇွန်းဆို ရပါပြီ။

ကြက်ကလယ်ချက်
စီပီကြက်နဲ့ချက်တယ်
ကြက်သားတွေကိုတုံးပြီးဆားနနွင်းနယ်ထား
ကြက်သွန်ဖြူကြက်သွန်နီဂျင်းငရုတ်သီးတို့ကို
ညက်အောင်ထောင်းပြီးဆီသပ်
နွမ်းရင် ဇီယာစေ့လှော်ထောင်း ကရဝေးရွက်
လေးညှင်းပွင့်ထောင်း တွေထည့်ကြော်
မွှေးလာရင်ကြက်သားတွေထည့်ချက်
ရေကိုလိုမှထည့်
ဒီအတိုင်းဆီနဲ့ချက်လည်းကျက်တယ်
မီးမများစေနဲ့
နူးလို့ဆီပြန်မှဂေါ်ရင်ဂျီမဆလာနဲ့ငရုတ်သီးအလှော်မှုန့်ထည့်တယ်
စပ်စပ်မွှေးမွှေးအရသာရှိတယ်

ချဉ်ပေါင်မျှစ်ကြော်
ချဉ်ပေါင်ရွက်တွေကိုအိုးထဲထည့်ရေအနည်းငယ်ထည့်ပြီးကြေသွားအောင်အရင်မွှေပါ
ပြီးရင်ထွက်လာတဲ့ရေတွေသွန်ပြီးစစ်ထားပါ
ကြက်သွန်ဖြူကြက်သွန်နီငရုတ်သီးတို့ကို
မညက်တညက်ထောင်းပြီးဆီသပ်ပါ
နွမ်းရင်စိမ်းစားငပိနဲ့ပုစွန်ခြောက်မှုန့်ထည့်ကြော်ပါ
မွှေးလာရင်မျှစ်တွေအရင်ထည့်ကြော်ပါ
မျှစ်ကြော်နံ့မွှေးလာမှ
ချဉ်ပေါင်တွေထည့် ငန်ပြာရည်ထည့်ပြီး
ကြာကြာလေးမွှေကြော်ပါတယ်
ငရုတ်သီးစိမ်းအုပ်ပါတယ်

အနုပညာလောကထဲ လက်တွဲခေါ်ပေးတဲ့ ဒါရိုတ်တာ ကို​ဇော် (အာရုံဦး) ရဲ့ မွေးနေ့လေးပွဲကို တတ်ရောက်ခဲ့ကြတဲ့ မင်းသမီးများ 😍
အားကျလိုက်တာ ဦး​ဇော်ရယ်