တန်ဖိုးထားဖို့ မမေ့ပါနဲ့
------------------------
မိသားစုဆိုတာ ဝါးရုံက
ဝါးပင်တွေနဲ့ တူတယ်
ဝါးပင်တွေက ပေါက်ခါစဆိုရင် အားလုံးဟာ
တစ်စုတစည်းနဲ့ ပေါက်ရောက်ကြတယ်။
တစ်ပင်နဲ့ တစ်ပင်ဟာ
အကိုင်းအခက်တွေယှက်ပြီး
ဖေးမ ထားတတ်ကြတယ်။
အချိန်တန်တော့ ဝါးတွေလည်း
သူ့မိသားစုကို ခွဲခွာကြရပါတယ်။
အချို့ဝါးက နှီး
အချို့ဝါးက ဖြာ
အချို့ဝါးက တံတား
အချို့ဝါးက စည်းရိုး
အချို့ဝါးက ခေါင်မိုး
အချို့ဝါးက အဝတ်ကြိုးတန်း စသဖြင့်
သူ့နေရာနဲ့သူ ရောက်ကုန် ကြရသလိုပေါ့။
မိသားစုတွေလည်း ဒီလိုပါပဲ
အချိန်တန် အရွယ်ရောက်လာတော့
တစ်နေရာဆီ ရောက်ကြရတာ သဘာဝပါ။
ဘယ်နေ့ ဘယ်သူက
ဘယ်လို ခွဲသွားမယ်ဆိုတာ
ဘယ်လိုမှ မသိနိုင်ဘူးလေ
အိုမင်းရင့်ရော်တဲ့အထိ
အတူတူဆိုတာ မဖြစ်နိုင်ပါဘူး။
အဲ့ဒါကြောင့်မို့ အတူရှိနေကြတုန်း
မမု,န်းကြနဲ့.. အပြောအဆို မရင့်ကြပါနဲ့
မရှိတော့မှ ဝေးသွားတဲ့အခါကျမှ
ချစ်တော့ ဘာထူးတော့မလဲ
မိသားစုဆိုတာ ကံကောင်းလွန်းလို့
ရေစက်ပါလာလို့ မိသားစုဖြစ်လာတာပါ။
ဒါကြောင့် တန်ထားတတ်ရမယ်။
အချို့တွေက ဝေးသွားမှ တမ်းတ
မရှိတော့မှ တန်ဖိုးနားလည်တတ်လို့ပါ။
အချိန်တန်ရင် မခွဲချင်လည်း ခွဲကြရတာမို့
ရှိနေတုန်းလေး တန်ဖိုးထားဖို့ မမေ့ပါနဲ့.............။
