ကိုယ့်ဆီက အလေးထားမှုကို လိုချင်နေတဲ့သူ ။
ကိုယ့်ကို အရိပ်တကြည့်ကြည့် ဂရုစိုက်နေသူ ။
ကိုယ့်ရဲ့ အချစ်ကို တောင်းတနေသူ ။
ကိုယ်နဲ့ စကားတွေ အများကြီး ပြောချင်နေတဲ့သူ ။
ကိုယ် မကောင်းတာ တစ်ခုခုဖြစ်မှာ စိုးရိမ်နေတဲ့သူ ။
ကိုယ့်ကို ပျော်စေချင်တဲ့သူ ။ လူတိုင်းမှာ အဲ့ဒီလိုလူ တစ်ယောက်ရှိပါတယ် ။ သူဟာ သူစိမ်းဖြစ်ရင် ဖြစ်မယ် ၊ ဆွေမျိုးသားချင်း ၊ မိသားစုလည်း ဖြစ်ရင်ဖြစ်မယ် ။ တစ်ယောက်ယောက်ပေါ့ ။
ရင်ဘတ်ကို ကျယ်ကျယ်ထားပြီး နှလုံးသားကို ဖွင့်ကြည့်တဲ့အခါ မြင်ရပါလိမ့်မယ် ။ အဲဒီလူက ဘာလို့ပျောက်ဆုံးနေတာလဲဆိုရင် ကိုယ်ဟာ ကိုယ်နဲ့ လက်လှမ်းမမီတဲ့ နေရာကို မျှော်လင့်နေတာမျိုး ၊ မကောင်းတဲ့ toxic relationship ထဲကနေ ရုန်းမထွက်နိုင်တာမျိုး ၊ အခြားအရာတွေ ဦးစားပေးပြီး ချစ်ခြင်းမေတ္တာကို လစ်လျှူရှုထားမိတာမျိုး အဲ့ဒီလို အခြေနေတွေကြောင့် မတွေ့နိုင်တာလဲ ဖြစ်တတ်ပါတယ် ။
ချစ်တဲ့ မိသားစုတွေနဲ့အတူ ပျော်ရွှင်အေးချမ်းစွာနေထိုင်ဖို့ ၊ ကိုယ်ဟာ ပိုကောင်းတဲ့သူတွေနဲ့ တွေ့ပြီး အချစ်ခံရဖို့လည်း ထိုက်တန်တယ်ဆိုတာ မမေ့ပါနဲ့ ။
ဘဝဟာ တိုတိုလေးပါ ။ ကိုယ့်အတွက် သီးသန့်မဟုတ်တဲ့ အရာတွေကို မမျှော်လင့်ပါနဲ့ ။ ကိုယ်မရှိလဲ ဖြစ်တဲ့လူတွေအနားမှာ ကပ်တွယ်နေပြီး စျေးကျမခံပါနဲ့ ။ လူပို
တစ်ယောက်ဖြစ်ရတဲ့ ခံစားချက်ဟာ ဆိုးပါတယ် ။ ကိုယ့်ကို အသိမှတ်မပြုတဲ့သူ ၊ လေးစားမှုမရှိတဲ့သူ ၊ ကိုယ့်တန်ဖိုးကို အလေးမထားသူတွေအနား အချိန်မဖြုန်းပါနဲ့
ကိုယ့်ကို တကယ်လိုအပ်သူတွေ ၊ ချစ်သူ ၊ ခင်သူတွေအနားမှာနေပြီး ရယ်မောပါ ။ ပျော်ရွှင်ပါ ။
#tharhtwe
#note_pages
