MySPACE

12 w - Translate

#အရိုးကင်ဆာ ပျောက်တဲ့ မှိုကွန်ချာ
......................................................

ကျော် မှတ်ထားတာလေးကို မျှဝေတာပါ ။ လွန်ခဲ့တဲ့ ဆယ်နှစ်လောက်က FB မသုံးစွဲကြပါဘူး နတ္ခတ္တရောင်ခြည် မဂ္ဂဇင်းကို လစဉ် ထွက်တာနဲ့ ဝယ်ဖတ်ပါတယ်။

အဲ့ထဲမှာက အခုလို ဆေးဖက်ဝင်သော အကြောင်းရာတွေကို အကိုးကားနဲ ပါလေ့ရှိပါတယ်

လွယ်လွယ်ကူကူ အသုံးဝင်ပြီး အစွမ်းထက်သော အရာများကို မှတ့်ထားလေ့ရှိပါတယ်။

မှတ်ထားတဲ အကြောင်းရာလေးကဒီလိုပါ

ဟင်္သတ မြိုနယ် တောရွာဘက်က ဦးလေးတယောက်ဟာ အရိုးကင်ဆာ ဖြစ်လို ဆေးရုံက ခြေထောက့် တဖက် ဖြတ်ဖို ရက်ချိန်းပေးလိုက်ပါတယ်တဲ့ ထိုဦးလေးဟာ ခြေထောက်

တဖက်တော့ မဖြတ်တော့ဘူး ဒီအတိုင်းသာ အသေခံသွားမယ်ဟု ဆိုကာ အရိုးကွဲမတတ့် ကိုက့်ခဲ နေသော ဝေဒနာကို ကြိတ်မှိတ်ပြီး အန်တုကာခံနေပြီ ဆေးရုံရက်ချိန်းကို မသွားတော့ပါဘူးတဲ့

ဒီလိုဖြစ်နေချိန်မှာ တိုက်ဆိုင်စွာ တောဘက်ကပဲ ဝါသနာရှင် ရွက်ပုံးသီး ဘိန်းတောဝါရင့် ဆရာကြီးက ဒီနည်းလေးကို ပေးခဲပါသတဲ့

မှိုကွန်ချာ မနုမရင့် အချိန်ကို နှုတ်ပြီး မြေကြီးများ သဲများ သန့်စင်ကာ အရက်ပြန် ပုလင်းထဲကို စိမ်ပြီး ပရက် ဆေးဆိုင်တွေမှာ ဝယ်လိုရတဲ "ဒုတ္ထာ" အမှုန့်နဲ ရောပြီး နေတိုင်း သုပ်လိမ်းပေးနေရုံပါပဲ

အဲဒီလို လိမ်းပေးနေပြီး တဖြေးဖြေး သိသာစွာ နာကျင်ကိုက်ခဲနေသော ဝေဒနာဟာ သက်သာလာပြီး ခြေထောက်ဖြတ်ရမည်ဟု ဆိုသော အရိုးကင်ဆာဟာ ဖြတ်စရာ မလိုပဲ အကောင်းပကတိအတိုင်း ပျောက်ကင်းသွားကြောင်း နေရပ်အတိအကျ ရွာအမည် နံမည် နှင့်တကွ ရေးသားထားတာကို ဖတ်ခဲ့ဖူးပါတယ် ။
အတိကျ နံမည် ကိုတော့ မမှတ်မိပေမယ့် စွဲနေအောင် မှတ်ထားတာကတော့ မှိုကွန်ချာ , အရက်ပြန်, ဒုတ္ထာ ဒီသုံးမျိုးကို ရောစပ်ပြီး လိမ်းပေးရင် အရိုးကင်ဆာ ကို ပျောက်သွားတယ်ဆိုတာပါပဲ

အဓိက တော့ ဒုတ္ထာ အမှုန့်ပါမယ်ဟုဆိုပါသည် ။

မှိုကွန်ချာ ဟာ စား၍ လုံးဝမရသော မှိုပါ မိုးဦးကာလမှာ နေရာဒေသ အတော်များများပေါက်ပါတယ် ပုံပါအတိုင်းမှိုပါ ရင့်သွားလို့ရှိရင် ပုတ်စော်အရမ်းနံပါတယ် လောက်တွယ်တဲ့အထိကို ပုတ်တဲ့မှိုမျိုးပါ ။

အဲလို မရင့်မစွန်ခင် အနုကို နှတ်ပြီး အရက်ပြန်ပုလင်းနှင့် စိမ်းထားပါက နှစ်နှင့်ချီကြာနေတောင်မှ အာနိသင် မပျက်ဘူးဟု ဆိုပါသည် ။

ဒုတ္ထာ အမှုန့် မပါဘဲနဲ အရက်ပြန်နဲ စိမ်းထားပြီးအရည်ကို

သွေးစူးနာ
အနာစိမ်း
အနာပဆုတ်
ယားနာ
ပွေးနင်းကူး
စသည့် အရေပြား အနာမျိုစုံကိုလည် ပျောက့်ကင်းကြောင်း ဆိုပါသည်

တောနယ်ဘက်တွေမှာ ထိုကဲသို ဆေးနည်းလေးက အံမတန် အသုံးဝင်ပါတယ် ဒါ့ကြောင့် ကျော်သိသလောက် မျှဝေ လိုက်ပါရစေဗျာ..။

Comment

12 w - Translate

မုန်လာဥနီ ( သို့မဟုတ်) ခါကြက်ဥ စိုက်ပျိုးနည်း
===========================

မုန်လာဥနီမျိုးသည် အရှေ့တောင်အာရှနှင့် အရှေ့မြောက်အာရှတိုင်းပြည်များတွင် စိုက်ပျိုးသော အမျိုးအစားမှာ ဥသေးပြီး အထွက်နှုန်းလည်း မကောင်းလှပါ။ ဥရောပမျိုးသည် အသွေးအရောင်၊ ပုံသဏ္ဍာန်နှင့် အထွက်များကောင်းမွန်ပါ သည်။ အလင်းရောင် တုန့်ပြန်မှု နည်းသည်။ အပွင်ပွင့်မှု နှေးသည်။ ထို့ကြောင့် တစ်နှစ်ပတ်လုံး စိုက်နိုင်ပါသည်။ အာရှတိုက်မျိုးသည် အလင်းရောင်တုန့်ပြန်မှု မြင့်သည်။ အပွင့်ပွင့်မှု မြန်သည်၊ ထို့ကြောင့် ဆောင်းရာသီတွင် စိုက်ပျိုးပါသည်။ ဥအလုံးချောပြီး ထိပ်ပိုင်းနှင့် အဖျား ညီညာစွာ သေးသွားရမည်။ အရှည် (၈-၉) လက်မခန့်ရှိပြီး အချင်း (၂) လက်မခန့် ရှိရမည်။ ထိပ်ပိုင်း (Shoulder) နှင့် အတွင်းရစ် (Core) တို့သည် အသားနှင့် တစ်ရောင်တည်း ဖြစ်ရမည်။

အပင်ပေါက်နိုင်ရန် အပူချိန် (၄၅-၈၅) ဒီဂရီဖာရင်ဟိုက်အတွင်း ရှိရပါမည်။ အကောင်းဆုံး အပူချိန်မှာ (၆၀-၇၀) ဒီဂရီဖာရင်ဟိုက်ဖြစ်ပါသည်။ အပူချိန်များသော အချိန်တွင် စိုက်ပါက ဥအရွယ်ပုတိုပြီး အရည်ရွှမ်းခြင်း မရှိပါ။ အစိုဓာတ်လွန်ကဲသော မြေတွင် စိုက်ပါက ဥများပုပ်သွားတတ်ပါသည်။ ရာသီဥတုအေးသော တောင်ပေါ် ဒေသတွင် ကောင်းစွာ ဖြစ်ထွန်းပါသည်။ ဥကြီးထွားချိန်တွင် အပူရှိန်လွန်ကဲပြီး ရုတ်တရက် မိုးသည်းထန်စွာရွာ ပါက ဥတွင် ကွဲအက်ရာများ ပေါ်ပေါက်တတ်ပါသည်။ အကယ်၍ အေးရာမှ (၂) လခန့် အပူချိန် (၅၀) ဒီဂရီဖာရင်ဟိုက်အထိ အပူချိန် မြင့်တက်လာပါလျှင် အချိန်စော၍ အဖူးအပွင့်များ ထွက်လာတတ်ပါသည်။
စိုက်ချိန် - မြေပြန့်တွင် စက်တင်ဘာလဆန်းမှ နိုဝင်ဘာလ လလယ်တွင် စိုက်ပြီး တောင်ပေါ်ဒေသတွင် ဖေဖော်ဝါရီလဆန်းမှ မတ်လ လယ်တွင် စိုက်သည်။

ဥစားသီနှံ ဖြစ်သောကြောင့် မြေဆွေးဓါတ် ပါဝင်မှုများသော သဲနုန်းမြေတွင် ကောင်းစွာဖြစ်ထွန်းပြီး မြေစေး၊ ကျောက်စရစ် မြေမျိုးတွင် စိုက်ပျိုးပါက အသားကြမ်းပြီး အရောင်ညစ်ထေးပါသည်။ အထွက်ကောင်း ရန် pH (၆-၇) ဖြစ်သင့်သည်။ မြေတွင်းတွင် ကြီးထွားရသော အပင်မျိုးဖြစ်သဖြင့် မြေသားထူထူနှင့် ပွနေရန် လိုအပ်ပါသည်။ မြေသည် ပွ၍ ဥမြေတွင်းဆင်းနိုင်ရန် ထယ်ရေးနက်ရမည်။ စက်ထယ် (၁) စပ်နှင့် စက်ထွန် (၂) စပ်နှင့် မြေပြုပြင်ရပါမည်။

တစ်ဧကလျှင် မျိုးစေ့ (၃) ပေါင်နှုန်း သုံးသင့်ပါသည်။ စိုက်ဘောင်ပေါ်တွင် တစ်ပေတန်းအကွာ တန်း ဆွဲ၍ မုန်လာဥနီမျိုးစေ့များကို ကြွက်မြီးတန်းချပါ။ မြေဖုံးပြီးလျှင် ပြီးချင်း ကောက်ရိုးများဖြင့် ဖုံးအုပ်ပေးရ မည်။ အပင်ပေါက်သည်နှင့် ဖုံးအုပ်ထားသော ကောက်ရိုးများကို ဖယ်ထားပေးရမည်။

မြေဩဇာအနေဖြင့်
တစ်ဧကအတွက် -
နွားချေးမြေဆွေး - ၅ တန်
ယူရီးယား - ၃ အိတ်
တီစူပါ - ၂ အိတ်
ပိုတက်ရှ်- ၂ အိတ်
ပဲဖတ် - ၈၀ ပေါင်
တီစူပါမြေသြဇာအားလုံးနှင့် ပိုတက်ရှ်မြေသြဇာ တစ်ဝက်အား မြေပြုပြင်ချိန်တွင် ထည့်သွင်း၍ ကျန်မြေ သြဇာများကို အပင်ပေါက်ပြီး (၂-၃) ပတ်အတွင်း တစ်ကြိမ်၊ (၂၅-၃၀) ရက်အတွင်း တစ်ကြိမ် (၄၅) ရက်သားတွင် ဥကြီးထွားချိန် ဖြစ်သဖြင့် ပဲဖတ်နှင့် သစ်ရွက်၊ မြက်တို့၏ ပြာများကို တတိယအကြိမ်ထည့်ပေးရ မည်။

အပင်အမြင့် (၃) လက်မရှိချိန်တွင် စိုက်တန်းတွင်းမှ ပင်ကြပ်များကို ပထမအကြိမ် နုတ်ပေးရမည်။ အပင်အမြင့် (၅) လက်မခန့် ရှိချိန်တွင် ဒုတိယအကြိမ်အဖြစ် တစ်ပင်နှင့်တစ်ပင် (၄) လက်မ အကွာအဝေး ကျန် ရှိအောင် အပင်မှုန်းပေးရန် လိုအပ်ပါသည်။

သက်လျင်မျိုးကို စိုက်ပျိုးပြီး ရက် (၉၀-၁၀၀) အတွင်း ဥဖော်နိုင်ပါသည်။ အပူချိန်မြင့်ပါက (၁၀-၁၅)ရက်ခန့်စော၍ ဥဖော်နိုင်ပါသည်။ ဥဖော်ချိန်နောက်ကျလျှင် ဥများ ခွတတ်ပါသည်။ ဥမဖော်မီ ရေအနည်း ငယ် သွပ်ပေးခြင်း ပြုလုပ်ရမည်။ ဥဖော်ပြီး မကြာမီအချိန်အတွင်း ရေဆေးမှသာ ဥအရောင် တောက်ပနိုင်ပါ သည်။ တစ်ဧကလျှင် မျိုး၊ ရာသီဥတု၊ မြေအမျိုးအစားလိုက်၍ ထွက်ရှိမှု ကွာခြားတတ်သော်လည်း ပျမ်းမျှ တစ်ဧက (၁၀၀၀၀ - ၁၅၀၀၀) ပေါင်နှုန်း ထွက်ပါသည်။

မျိုးစေ့ခံခြင်း
အောက်တိုဘာလဆန်းလောက်တွင် မျိုးစေ့ချလျှင် မျိုးကိုလိုက်၍ ဇန်နဝါရီလခန့်တွင် မုန်လာဥနီ ဖော် နိုင်ပါသည်။ တစ်ဧကမှ ထွက်သောဥများကို မျိုးစေ့အတွက် ပြန်စိုက်လျှင် (၅-၆) ဧကအတွက် ရပါသည်။ မျိုး အတွက် ဥကို မစိုက်မီ၊ ဥကွဲ၊ အကောက်၊ အရောင်ပျက်များကို ဖယ်ထုတ်ပြီး၊ အရောင်ရင့်၍ ဥတွင် မြစ်မွှေးနှင့် အတက်များမရှိသည့်ဥကို ရွေးချယ်စိုက်ရမည်။ ဥ၏ အရွက်များကို (၂-၃) လက်မချန်၍ ဖြတ်ပစ်ရမည်။
မျိုးစေ့ထုတ်လုပ်မည့်မြေကွက်တွင် နွားချေးလှည်း (၅၀) (၈၀) ခန့် ချပေးရမည်။ ထို့ပြင် တီစူပါ (၂၅၀) ပေါင်ထည့်၍ ထယ်ရေးနက်နက် မြေပြုပြင်ရမည်။ စိတ်ကြိုက်မုန်လာဥကို တည့်မတ်စွာ စိုက်ရပါမည်။ တစ်ပင်နှင့် တစ်ပင်မျိုးလိုက်၍ (၁၄-၂၀) လက်မအတွင်းထားပြီး တစ်တန်းနှင့် တစ်တန်း (၂.၅ -၃) ပေခန့် အကွာထား စိုက်ပါသည်။ မြေတွင်းအောင်းပိုးအတွက် ပိုးသတ်ဆေးထည့်၍ မြေပြုပြင်ရမည်။ ယူရီးယား ပေါင် (၂၀) ၊ မဂ္ဂနှီဆီယမ် ဖော့စဖိတ် ပေါင် (၈၀) နှုန်း ရောစပ်ပြီးသော မြေသြဇာကို စိုက်ပြီး ရက် (၂၀) အကြာတွင် လည်းကောင်း၊ ရက် (၄၀) အကြာတွင်လည်းကောင်း၊ ပန်းပွင့်ချိန်တွင်လည်းကောင်း၊ (၃) ကြိမ်ခွဲ၍ အပင်ဘေး တွင် ထည့်ပေးရမည်။

မြေသြဇာကျွေးသည့်အခါတိုင်း ပေါင်းမြက်သင်ခြင်း၊ မြေတောင်မြှောက်ခြင်းတို့ကို ပြုလုပ်ပေးရမည်။ အပင်ကိုင်းများ လွယ်ကူစွာ ကျိုးတတ်ခြင်း၊ ကိုင်းရှည်လာလျှင် မြေပေါ်သို့ ယိုင်လဲကျခြင်းတို့ကြောင့် ဘေးတွင် တိုင်စိုက်ပြီး၊ ကြိုးသိုင်းပေးရမည်။ မျိုးကွဲပုံစံများတွေ့ရှိပါက နှုတ်ဖယ်ရပါမည်။ ပန်းပွင့်ပြီး ရက် (၃၀-၄၀) အတွင်း အပင်ကိုင်းများ၏ မျက်နှာပြင် ညိုဝါရောင်သန်းလျှင် ခူးဆွတ်၍ ရသည်။ ခူးပြီး (၅-၇) ရက်ခန့်ကြာသည့် တိုင် အရိပ်အောက်တွင် ထားရပါသည်။ ထို့နောက် သံဇကာကွက်ပေါ်တွင် အပွင့်ကို မှောက်၍ ပွတ်တိုက်လျှင် အစေ့များ ထွက်လာပါသည်။ အမှိုက်ရိုးတန်အကြေ ကင်းစင်အောင် ပြုလုပ်ပေးရမည်။ လေလုံဘူးထဲထည့်၍ သိမ်းထားရမည်။ တစ်ဧကလျှင် မျိုးစေ့ (၆၀၀-၈၀၀) ပေါင် ထွက်ပါသည်

Comment

12 w - Translate

Comment

12 w - Translate

Comment

12 w - Translate

အားကောင်းသော လေဖိအားနည်းရပ်ဝန်း၏အရှိန်ကြောင့် အချို့ဒေသများတွင် နေရာကွက်၍ မိုးကြီးမည်

ဘင်္ဂလား ပင်လယ်အော်မြောက်ပိုင်းတွင် ဖြစ်ပေါ်နေသော အားကောင်းသော လေဖိအားနည်းရပ်ဝန်း၏ အရှိန်ကြောင့် ရန်ကုန်အပါအဝင် အချို့ဒေသများတွင် မိုးကြီးမည်ဖြစ်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။

အားကောင်းသော လေဖိအားနည်းရပ်ဝန်း၏ အရှိန်ကြောင့်မန္တလေးတိုင်းဒေသကြီးနှင့် ကယားပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီး နှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ မွန်ပြည်နယ်နှင့် ရခိုင်ပြည်နယ်တို့တွင် ဒေသအလိုက်နှင့် နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ ကရင်ပြည်နယ်နှင့် ချင်းပြည်နယ်တို့တွင် နေရာကွက်၍ မိုးကြီးနိုင်ကြောင်း အသိပေးထားသည်။

ဧရာဝတီတိုင်း ဒေသကြီး၊ ရခိုင်ပြည်နယ်နှင့် ရှမ်းပြည်နယ် (မြောက်ပိုင်းနှင့် အရှေ့ပိုင်း) တို့တွင် မိုးတိမ်တောင်များ ဖြစ် ထွန်းလျက်ရှိပြီး အဆိုပါ မိုးတိမ်တောင်များ ရွေ့လျားရာနေရာတလျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်သဖြင့် ကြိုတင်သတိပြုကြရန်လည်း အကြံပြုထားသည်။

ထို့ပြင် နောက် (၂) ရက်အတွင်း ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်း ဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးထစ်ချုန်းရွာပြီး နေရာကွက်၍ မိုးကြီးမည်ဖြစ်ကြောင်း သိရသည်။

Comment

12 w - Translate

ကျုံဒိုး-ကော့ကရိတ် ပြည်ထောင်စုကားလမ်းမကြီးအား တပ်မတော်ကပြန်လည်ထိန်းချုပ်
ဒေသတွင်းကုန်စည်စီးဆင်းမှုများပြန်လည်စတင်နိုင်မည်မျှော်မှန်း

KNU ၊ KNLA နှင့် PDF ပူးပေါင်းအဖွဲ့များပိတ်ဆို့ထားသည့် ကျုံဒိုး-ကော့ကရိတ် ပြည်ထောင်စုကားလမ်းမကြီးအား တပ်မတော်မှ ဇူလိုင် ၂၄ ရက်တွင် ပြန်လည်ထိန်းချုပ်ဖွင့်လှစ်နိုင်ခဲ့ကြောင်း သိရသည်။

အဆိုပါ အဖွဲ့များသည် နယ်စပ်ကုန်သွယ်ရေးလမ်းကြောင်းတွင် အဓိကကျသည့် ဘားအံ-ကျုံဒိုး-ကော့ကရိတ်- မြဝတီ အာရှလမ်းမကြီးနှင့် ကျုံဒိုးမြို့နှင့် ကော့ကရိတ်မြို့တို့အား ယခုနှစ် ဧပြီ ၁၃ ရက်မှစ၍ အောက်ဘိုတဲ- ရန်ကုတ်- ကော့ကရိတ် လမ်းကြောင်း၊ အောက်ဘိုတဲ- မြပတိုင်- အုန်းတပင်- အင်းကြီး- ကျုံဒိုး လမ်းကြောင်း၊ မိကလုံ-နောင်တမံ-တာဝါလဲ- နွားခြံကုန်း-ကျုံဒိုးလမ်း ကြောင်း၊ တောင်ကြာအင်း-မြောက်ကြာအင်း- ကိုးတိုင်- ငါးတိုင် လေးတိုင် လမ်းကြောင်း၊ စက္ကဝက်-အောင်လှိုင်- တမိုင်ကုန်း- ကော့ကရိတ် လမ်းကြောင်းများဖြင့်ဝင်ရောက်ကာ ကျုံဒိုး-ကော့ကရိတ်-မြဝတီ အာရှလမ်းမကြီးအားပိတ်ဆို့ပြီး ကျုံဒိုးမြို့နှင့် ကော့ကရိတ်မြို့တို့အားတိုက်ခိုက်ခဲ့၍ ဒေသတွင်းကုန်စည်စီးဆင်းမှုများရပ်တန့်ခဲ့ကြောင်း သိရသည်။

ထို့ကြောင့် တပ်မတော်မှ ဧပြီ ၁၃ ရက်မှစ၍ ယင်းအဖွဲ့များကို ချေမှုန်းခဲ့သဖြင့် စစ်ဆင်ရေးကာလ ၃ လကျော်အတွင်း တိုက်ပွဲကြီး(၇)ကြိမ်၊ ထိတွေ့တိုက်ပွဲ(၈၅)ကြိမ်ဖြစ်ပွားခဲ့ပြီး လက်နက်ကိုင်အဖွဲ့များ၏ ခေါင်းဆောင်ပိုင်းအချို့ ပြင်းထန်စွာ ဒဏ်ရာရရှိခြင်းအပါအဝင် အလေ-ာင်း(၁၇)လေ-ာင်း၊ လက်နက်မျိုးစုံ(၃ဝ)လက်နှင့် ဆက်စပ်ပစ္စည်းများအား သိမ်းပိုက်ရရှိခဲ့ပြီးနောက် ဇူလိုင် ၂၄ ရက်တွင် ကျုံဒိုး-ကော့ကရိတ်လမ်းကြောင်းတစ်လျှောက်အားပြန်လည်ထိန်းချုပ်ဖွင့်လှစ်ပေးနိုင်ခဲ့ကြောင်း သိရသည်။

ထို့နောက် လမ်းမကြီးတစ်လျှောက်တွင် ဒေသခံများ၊ ခရီးသွားများ၊ ကုန်စည်ပို့ဆောင်သည့်ကားများ၊ ခရီးသွားကားများ ဘေးကင်းစွာပုံမှန်အတိုင်း ပြန်လည်သွားလာနိုင်ရေးအတွက် ဖောက်ခွဲဖျက်ဆီးခံခဲ့ရသည့် လမ်း၊ တံတားများအား ပြန်လည်ပြုပြင်ခြင်းနှင့် မိုင်းရှင်းလင်းရေးလုပ်ငန်းများကိုဆောင် ရွက်လျက်ရှိကြောင်း သိရသည်။

ထို့အတူ မြဝတီမှတစ်ဆင့် အာရှလမ်းမကြီးအား ပုံမှန်အတိုင်းပြန်လည်ဖွင့်လှစ်နိုင်ရန် ကျန်ရှိနေသည့် လမ်းပိုင်းအချို့အား အမြန်ဆုံးဆက်လက်ရှင်းလင်းနိုင်ရေးအတွက် စီမံဆောင်ရွက်လျက်ရှိကာ ကျုံဒိုး-ကော့ကရိတ်မြို့များ၏ ဒုတိယအကြိမ် ပြန်လည်ထူ ထောင်ရေးလုပ်ငန်းများနှင့် အနီးဝန်းကျင်ကျေးရွာများအား တရားဥပဒေစိုးမိုးရေး၊ နယ်မြေတည်ငြိမ်ရေးနှင့် နယ်မြေစိုးမိုးရေးလုပ်ငန်းများကိုလည်း တစ်ပြိုင်တည်း ဆက်လက်ဆောင်ရွက်လျက်ရှိကြောင်း သိရသည်။