https://www.marknteladvisors.c....om/research-library/

ပဲခူးမြို့ရှောင်လမ်းမှာ ဆီဘောက်ဆာကားဝင်တိုက်လို့ အသက် ၇ နှစ်အရွယ်ကလေးအပါ နှစ်ယောက်သေဆုံး

စက်တင်ဘာ ၁၁

ပဲခူးမြို့ ၊ မြို့ရှောင်လမ်းရှိ ဝင်းစတားဆီဆိုင်အနီးမှာ ဆီဘောက်ဆာကားက ဝင်တိုက်မိလို့ အသက် ၇ နှစ်အရွယ် ကလေးငယ်နဲ့ အမျိုးသားတယောက်သေဆုံးမှု ဖြစ်ပွားခဲ့တယ်လို့ မြေပြင်ကူညီရေးဆောင်ရွက်ခဲ့သူဆီကသိရပါတယ်။

စက်တင်ဘာလ ၁၀ ရက်နေ့ ညနေပိုင်းမှာ မြို့ရှောင်လမ်းမှာ မောင်းနှင်တဲ့ ဆီဘောက်ဆာကားက ကလေးငယ်လိုက်ပါစီးနင်းလာတဲ့ဆိုင်ကယ်ကို ဝင်တိုက်မိရာကနေ နှစ်ယောက်လုံးသေဆုံးခဲ့ရတာဖြစ်ကြောင်း ၊ ကားသမားကိုဖမ်းဆီးရမိထားတယ်လို့သိရပါတယ်။

" ကျွန်တော်တို့ ဆီအကြောင်းကြားတာက ၄ နာရီထိုးပြီးချိန်ပါ။သွားတော့ဆုံးနေပြီ အလောင်းကောက်ပြီးသယ်လာခဲ့တာ။သိရတာတော့ ဆိုင်ကယ်ကလည်း ရှောင်တယ် ၊ ကားကလည်း ရှောင်တာမှာ နှစ်ဖက်လုံးက ရှောင်ကြရင်း တိုက်မိတာလို့သိရတယ်။နှစ်ယောက်လုံးပွဲချင်းပြီးပဲ။ဒီနေ့သဂြိုလ်တယ်။ကလေးနဲ့ အမျိုးသားက ဘာမှမတော်ဘူး။ကျောင်းဆင်းချိန်လမ်းကြုံလို့ လိုက်ပို့တာ။ " လို့ ကူညီပေးခဲ့တဲ့ လူမှုကူညီရေးအသင်း တာဝန်ရှိသူကပြောပါတယ်။

ယာဥ်တိုက်မှုအတွင်း သေဆုံးခဲ့ရတဲ့ ကလေးငယ်က နန်းတော်ကုန်းရွာကဖြစ်ပြီး ပဲခူးမြို့ရှိ ဘုန်းတော်ကြီးသင်ပညာရေးကျောင်း ( ဘက) တခုမှာ တက်ရောက်နေတဲ့ ကျောင်းသူဖြစ်ကြောင်း နဲ့ သေဆုံးအမျိုးသားကလည်း အဆိုပါ ဘက ကျောင်းမှာ ပရဟိတအဖြစ် ကူညီလုပ်ကိုင်ပေးနေတဲ့အမျိုးသားဖြစ်တယ်လို့သိရပါတယ်။

အဆိုပါ ယာဥ်တိုက်မှုအပေါ် မြို့ခံတယောက်က " မြို့ရှောင်လမ်းက လမ်းကကျဥ်းတာကို ကုန်ကားတွေ ဆီဘောက်ဆာကားတွေ မတရားမောင်းကြတာ။တခုခုဆို ယာဥ်တိုက်မှု ဖြစ်ပြီ။ပြည်သူတွေရှိတဲ့နေရာကို အရှိန်ထိန်းမောင်းဖို့လိုပါတယ်။ခုတော့မဖြစ်သင့်တာဖြစ်ရတယ်။ကလေးရော လိုက်ပို့တဲ့သူပါ သေသွားရတယ်။" လို့ ပြောပါတယ်။
လက်ရှိမှာ ယာဥ်တိုက်မှုကျူးလွန်ခဲ့တဲ့ ဆီဘောက်ဆာကားသမားကို သက်ဆိုင်ရာနယ်မြေရဲစခန်းက အမှုဖွင့်ကာ အရေးယူနိုင်ရေး ဆက်လက်လုပ်ဆောင်နေတယ်လို့သိရပါတယ်။

စက်တင်ဘာ ၁ရက်နေ့ကလည်း မန္တလေးတိုင်း၊ အမရပူရမြို့နယ်၊ ဥယျာတော်ရွာ၊ စစ်ကိုင်း-မြစ်ငယ်ကားလမ်းမှာ ဆီဘောက်ဆာကားက အရှိန်မထိန်းနိုင်ဘဲ လမ်းဘေးရှိလက်ဖက်ရည်ဆိုင်ကို ဝင်တိုက်မိရာကနေ မီးလောင်မှုဖြစ်ပွားပြီး လူနှစ်ယောက်သေဆုံးကာ ထိခိုက်ဒဏ်ရာရသူတွေရှိခဲ့ပါတယ်။

ဓာတ်ပုံ - သုဘ လူမှုကူညီရေးအသင်း

Credit - VOM News Agency

#သတင်းဟင်းလေးအိုးကြီး

ကမ္ဘာပေါ်က နောက်ဆုံးကျန်တဲ့ ကြံ့ဖြူလေး
ကမ္ဘာပေါ်မှာ အရမ်းရှားပါးပြီးဖြစ်တဲ့ ကြံ့ဖြူလေးတွေဟာ တစ်ချိန်က အများကြီးရှိခဲ့ပေမဲ့ လူတွေအမဲလိုက်မှုကြောင့် အရေအတွက် တဖြည်းဖြည်း နည်းလာခဲ့တယ်။
အခုတော့ Najin နဲ့ Fatu ဆိုတဲ့ ကြံ့ဖြူမလေး ၂ ကောင်ပဲ ကျန်ပါတော့တယ်။
သူတို့ရဲ့ ဖခင်ဖြစ်တဲ့ Sudan ဆိုတဲ့ ကြံ့ဖိုကြီး tay sone သွားပြီးနောက် ဒီကြံ့ဖြူမျိုးစိတ်ဟာ ကမ္ဘာကနေ ပျောက်ကွယ်လုနီးပါး ဖြစ်သွားခဲ့ပါပြီ။
ဒါကြောင့် သိပ္ပံပညာရှင်တွေဟာ သူတို့ကို အထူးဂရုစိုက်ပြီး မျိုးမသုဉ်းအောင် ကူညီပေးဖို့ ကြိုးစားနေကြပါတယ်။
Najin နဲ့ Fatu တို့ဟာ ကမ္ဘာပေါ်မှာ နောက်ဆုံးကျန်တဲ့ ကြံ့ဖြူလေးတွေဖြစ်လို့ သူတို့ကို ကင်ညာနိုင်ငံမှာ လက်နက်ကိုင်အစောင့်အရှောက်နဲ့ သေချာစောင့်ရှောက်ပေးထားပါတယ်။

အိန္ဒိယက KIA အကူအညီဖြင့် မြေရှားနမူနာရဖို့ ကြိုးပမ်း

နယူးဒေလီ၊ စက်တင်ဘာ ၁၁

အိန္ဒိယသည် မြန်မာနိုင်ငံရှိ အင်အားကြီးသူပုန်အဖွဲ့ KIA ၏ အကူအညီဖြင့် မြန်မာနိုင်ငံမှ မြေရှားသတ္တုနမူနာများ ကို ရရှိရန် ကြိုးပမ်းနေကြောင်း ရိုက်တာမှ ဖော်ပြခဲ့သည်။

ထိုအကြောင်းအရာနှင့် နီးစပ်သည့် သတင်းရင်းမြစ် ၄ ဦး၏ ပြောကြားချက်အား ကိုးကားပြီး ရိုက်တာမှ ဖော်ပြခဲ့ ခြင်းဖြစ်သည်။

တရုတ်က မြေရှားသတ္တုများ တင်ပို့ရောင်းချမှုများကို တင်းကျပ်စွာ ထိန်းချုပ်ခဲ့သဖြင့် အိန္ဒိယသည် မြေရှား သတ္တုများအား အခြားနေရာမှ ရရှိရန် ကြိုးပမ်းနေခြင်း ဖြစ်သည်။

အိန္ဒိယသတ္တုတွင်းဝန်ကြီးဌာနက ကချင်လွတ်လပ်ရေးတပ်မတော်(KIA) ထိန်းချုပ်ထားသည့် မြန်မာနိုင်ငံ အရှေ့မြောက်ပိုင်းဒေသရှိ သတ္တုတွင်းများမှ နမူနာများကို စုဆောင်းရယူရန်အတွက် နိုင်ငံပိုင်နှင့် ပုဂ္ဂလိကပိုင် ကုမ္ပဏီများအား တိုက်တွန်းထားကြောင်း သတင်းရင်းမြစ် ၃ ဦးက ပြောကြားခဲ့သည်။

အိန္ဒိယနိုင်ငံပိုင် IREL ကုမ္ပဏီနှင့် ပုဂ္ဂလိကပိုင် Midwest Advanced Materials ကုမ္ပဏီတို့သည် မြေရှားသတ္တု သံလိုက်များ စီးပွားဖြစ် ထုတ်လုပ်ရေးအတွက် ပြီးခဲ့သည့်နှစ်က အစိုးရထံမှ ရန်ပုံငွေများ လက်ခံရရှိခဲ့သည်ဟု ဆိုသည်။

အိန္ဒိယအစိုးရက လျှပ်စစ်ကားများနှင့် အခြားခေတ်မီပစ္စည်းများ ထုတ်လုပ်ရာတွင် အသုံးပြုသည့် သံလိုက်များ အဖြစ် ပြောင်းလဲထုတ်လုပ်နိုင်မည့် မြေရှားသတ္တု နမူနာများကို ပြည်တွင်း ဓာတ်ခွဲခန်းများ၌ စမ်းသပ်ရန် မျှော်လင့်ထားသည်ဟု ဆိုသည်။

ဇူလိုင်လအတွင်းက အိန္ဒိယသတ္တုတွင်းဝန်ကြီးဌာနသည် နိုင်ငံပိုင် IREL ကုမ္ပဏီနှင့် ပုဂ္ဂလိကပိုင် Midwest Advanced Materials ကုမ္ပဏီတို့နှင့် အွန်လိုင်းမှ အစည်းအဝေး ပြုလုပ်ပြီး ထိုကဲ့သို့ တိုက်တွန်းခဲ့ခြင်းဖြစ်သည်။

ထို့ကြောင့် အိန္ဒိယအစိုးရသည် ပြည်ပမှ အစိုးရမဟုတ်သည့် အခြားအဖွဲ့အစည်း တစ်ခုနှင့် ထိတွေ့ဆက်ဆံနေ သော အချက်ကို ထင်ရှားပေါ်လွင်စေခဲ့ကြောင်း သတင်းရင်းမြစ်များက ပြောကြားခဲ့သည်။

KIA သည် အိန္ဒိယ ကျွမ်းကျင်သူများအတွက် သတ္တုနမူနာများကို စတင် စုဆောင်းပေးနေကြောင်း KIA ၏ အရာရှိ တစ်ဦးဖြစ်သည့် စတုတ္ထမြောက် သတင်းရင်းမြစ် ၁ ဦးက ပြောကြားခဲ့သည်။

KIA သည် အိန္ဒိယသို့ မြေရှားသတ္တု အများအပြား တင်ပို့ရောင်းချရန် ဖြစ်နိုင်မည်ဆိုပါက မြေရှား နမူနာများကို လေ့လာခွင့်ပေးရန် သဘောတူခဲ့သည်ဟုလည်း အမည်မဖော်လိုသည့် KIA အရာရှိတစ်ဦးက ပြောကြားခဲ့သည်။

အိန္ဒိယနှင့် KIA တို့၏ ထိတွေ့ဆက်ဆံမှု အသေးစိတ်ကို ရိုက်တာသတင်းဌာနက ပထမဆုံးအကြိမ် သတင်း ထုတ်ပြန်ခဲ့ခြင်းဖြစ်သည်။

ထိုအကြောင်းအရာနှင့် ပတ်သက်ပြီး ရိုက်တာသတင်းဌာန၏ မှတ်ချက် တောင်းခံမှုကို အိန္ဒိယနိုင်ငံခြားရေးနှင့် သတ္တုတွင်းဝန်ကြီးဌာနများက တုံ့ပြန်ခဲ့ခြင်းမရှိပေ။

ထို့ပြင် KIA အဖွဲ့ကလည်း ရိုက်တာသတင်းဌာန၏ ဖုန်းခေါ်ဆိုမှုများနှင့် မက်ဆေ့ချ် ပေးပို့မှုများကို တုံ့ပြန်ခဲ့ခြင်း မရှိပေ။

ထို့အတူ IREL နှင့် Midwest ကုမ္ပဏီတို့ကလည်း မှတ်ချက်ပေးရန် တောင်းဆိုချက်များကို ဖြေကြားခဲ့ခြင်းမရှိပေ။

Source: ရိုက်တာ

ပုံ - လက်နက်ကိုင်က မြေရှားသတ္တုကို ထိန်းချုပ်ထားမှုအား သရုပ်ဖော်ပြထားစဉ်

#centralnewsnaypyitaw

"နို့ဗူးကို ကိုင်စို့တက်နေပြီဖြစ်တဲ့ သမီးလေး Aura"
Photo. Credit

အော်စွန်းသုပ် သုပ်နည်း

အော်စွန်းသုပ် သုပ်နည်း

အော်စွန်းသုပ် သုပ်နည်း

‎နဝဒေးမီးပွိုင့်တွင် စျေးကားနှင့် Box ကားတိုက် (၁)ဦး ‌ေ-သဆုံးကာ (၁၁)ဦးဒ-ဏ်ရာရ
‎
‎ရန်ကုန်တိုင်း၊ မရမ်းကုန်းမြို့နယ်ရှိ နဝဒေးမီးပွိုင့်တွင် စျေးကားနှင့် Box ကားတို-က်မိခဲ့မှု ယနေ့ စက်တင်ဘာ ၁၁ ရက်နံနက် ၆ နာရီခန့်ကဖြစ်ပွားခဲ့ကြောင်း မြန်မာ့ကြယ်ဖြူလူမှုကူညီရေးအသင်းထံမှ သိရသည်။
‎
‎မရမ်းကုန်းမြို့နယ်၊ ကမ္ဘာအေးဘုရားလမ်းမပေါ်ရှိ နဝဒေးမီးပွိုင့်တွင် စျေးကားနှင့် Box ကားတို-က်မိကာ စျေးကားမှာတိမ်းမှေ-ာက်သွားခဲ့သဖြင့် အမျိုးသား(၁)ဦးမှာ ထိခို-က်ဒ-ဏ်ရာများရရှိ၍ ‌ေ-သဆုံးသွားခဲ့ပြီး အမျိုးသား၊ အမျိုးသမီး(၁၁) ဦးတွင်လည်း ထိခို-က်ဒ-ဏ်ရာများရရှိခဲ့ကြောင်း သိရသည်။
‎
‎ထို့ကြောင့် မြန်မာ့ကြယ်ဖြူလူမှုကူညီရေးအသင်း၊ လှိုင်လူမှုကူညီရေးအသင်း၊ ကောင်းမှုဆောင်လူမှူကူညီရေးအသင်းနှင့် မိတ်ဖက်လူမှုကူညီရေးအသင်းဝင်များက မြေပြင်ကုသမှုများပြုလုပ်ပေးခဲ့ကြပြီးနောက် မြောက်ဥက္ကလာပဆေးရုံသို့ပို့ဆောင်ပေးခဲ့ကြကြောင်း သိရသည်။