အာဆီယံဝင်ခွင့် ကန့်ကွက်ခံရအပြီး တီမောနိုင်ငံခြားရေးဝန်ကြီး မြန်မာသို့လာရန် ဆန္ဒရှိဟု စစ်ကောင်စီပြော

ဧရာဝတီ၊ ဇူလိုင် ၂၅၊ ၂၀၂၅

မြန်မာစစ်ကောင်စီက တီမောလက်စ်တေနိုင်ငံကို အရှေ့တောင်အာရှနိုင်ငံများအသင်း(အာဆီယံ) အဖွဲ့ဝင်နိုင်ငံ ဖြစ်လာမည့် အပေါ် ထုတ်ဖော်ကန့်ကွက်ပြီးနောက် တီမောနိုင်ငံခြားရေးဝန်ကြီးမှ မြန်မာနိုင်ငံလာရန် ဆန္ဒရှိနေကြောင်း စစ်ကောင်စီက ဆိုသည်။

ရန်ကုန်မြို့အခြေစိုက် တီမောလက်စ်တေသံရုံးမှ သံရုံးယာယီတာဝန်ခံနှင့် စစ်ကောင်စီလက်အောက်ခံ နိုင်ငံခြားရေးဝန်ကြီး ဌာန ဒုဝန်ကြီး ဦးကိုကိုကျော်တို့ ဇူလိုင် ၂၄ ရက်၌ တွေ့ဆုံခဲ့စဥ် သံရုံးတာဝန်ခံမှ ထိုသို့ပြောဆိုခဲ့ခြင်းဖြစ်ကြောင်း သတင်း ထုတ်ပြန်ချက်၌ ဖော်ပြထားသည်။

တွေ့ဆုံမှုအတွင်း မြန်မာနှင့် တီမောလက်စ်တေနိုင်ငံကြား ချစ်ကြည်ရင်းနှီးမှုတိုးမြှင့်ရန် ဆန္ဒရှိကြောင်းနှင့် မြန်မာနိုင်ငံအနေဖြင့် တီမောလက်စ်တေနိုင်ငံ မြို့တော်ဒီလီတွင် သံရုံးလာဖွင့်စေလိုသည်ဟု မေတ္တာရပ်ခံခဲ့ကြောင်းလည်း ဖော်ပြထားသည်။

ထို့ပြင် တီမောလက်စ်တေနိုင်ငံအနေဖြင့် မြန်မာ အပါအဝင် အာဆီယံအဖွဲ့ဝင်နိုင်ငံအားလုံးနှင့် ကောင်းမွန်သောဆက်ဆံရေး ထူထောင်လိုကြောင်း၊ အာဆီယံသို့အဖွဲ့ဝင်ဖြစ်ရေး ကြိုးပမ်းဆောင်ရွက်ရာ၌ အာဆီယံအဖွဲ့ဝင်နိုင်ငံအားလုံး၏ အားပေး ထောက်ခံမှုကို ရရှိလိုကြောင်း၊ အာဆီယံပဋိဉာဉ်စာချုပ်ပါ ပြဋ္ဌာန်းချက်များအားလုံးကို လေးစားလိုက်နာသွားမည်ဖြစ် ကြောင်း ပြောကြားခဲ့သည်ဟုလည်း စစ်ကောင်စီက ဆိုထားသည်။

စစ်ကောင်စီဒုဝန်ကြီးကလည်း တီမောလက်စ်တေအနေဖြင့် နှစ်နိုင်ငံဆက်ဆံရေး တိုးမြှင့်ရန်ဆန္ဒရှိမှုကို သိရသဖြင့် ဝမ်းမြောက်ကြောင်း၊ အာဆီယံအဖွဲ့ဝင် နိုင်ငံဖြစ်ရေး ကြိုးပမ်းရာတွင် အာဆီယံပဋိညာဥ်နှင့်အညီဖြစ်ရန်လိုကြောင်း၊ အဖွဲ့ဝင်နိုင်ငံတနိုင်ငံ၏ ပြည်တွင်းရေးကို ဝင်ရောက်မစွက်ဖက်ရန် လိုအပ်ကြောင်း ပြန်လည်ဆွေးနွေးခဲ့သည်ဟု ဖော်ပြထားသည်။

စစ်ကောင်စီက တီမောလက်စ်တေနိုင်ငံအနေဖြင့် အာဆီယံပဋိညာဉ်စာတမ်းပါ ပြဋ္ဌာန်းထားသည့် ပြည်တွင်းရေးကို ဝင်ရောက်မစွက်ဖက်ရေးမူအား လိုက်နာရန်ပျက်ကွက်သဖြင့် အောက်တိုဘာလတွင် အရှေ့တောင်အာရှနိုင်ငံများအသင်း (အာဆီယံ) အဖွဲ့ဝင်နိုင်ငံ ဖြစ်လာမည့်အပေါ် ကန့်ကွက်ကြောင်း ဇူလိုင်လဆန်းပိုင်း၌ ထုတ်ဖော်ပြောဆိုထားသည်။

ထို့ပြင် တီမောလက်စ်တေနိုင်ငံသည် ၎င်းတို့က အကြမ်းဖက်အဖွဲ့အစည်းအဖြစ် သတ်မှတ်ထားသော အမျိုးသားညီ ညွတ်ရေးအစိုးရ (NUG )နှင့် ကောင်းမွန်သောဆက်ဆံရေးဖြင့် ထိတွေ့ဆက်ဆံနေသည့်အတွက် သံတမန်ဆက်ဆံရေး ဖြတ်တောက်ကြောင်း လည်း စစ်ကောင်စီက ၂၀၂၃ ခုနှစ်တွင် ပြောဆိုထားသည်။

မနက်သုံးနာရီ

မွန်မြတ်ခြင်း - နောနော်

ဘာကြောင့် မေ့မောလဲပြိုကြသလဲ
သဲအင်း ယောဂီအချို့ (ယောဂီတစ်ရာမှာ သုံးလေးယောက်)ဟာ ဘာကြောင့် မေ့မောလဲပြိုကြသလဲဆိုတာကို ကျွန်တော် ဆက်လက် ရှင်းပြပါမယ်။ ဒီလို မေ့မောလဲပြိုရတဲ့အကြောင်းက…
(၁) တမလွန်ဘဝဟောင်းများကပါလာတဲ့ ဝိပါက်ဝဋ်ကြွေးကြောင့်သော်၎င်း၊
(၂) တရားယောဂီဟာ ပေါ်လာတဲ့ဒုက္ခဝေဒနာကို ဥပေက္ခာဝေဒနာ ဖြစ်သွားအောင် သမာဓိ သို့မဟုတ် ပညာဦးဆောင်ပြီး အားထုတ်ရပါတယ်။ သို့ရာတွင် ယောဂီသစ်ဟာ တရားအားထုတ်စမှာ ပညာလဲမဖြစ်သေး၊ သမာဓိကိုလဲ အင်အားကောင်းအောင် မထူထောင်တတ်သေးတဲ့အတွက် ဒုက္ခဝေဒနာရဲ့ အနှိပ်စက်ကို မချိမဆန့်ခံလိုက်ရခြင်းသော်လည်းကောင်း၊ ဤအကြောင်းနှစ်ပါးကြောင့် မေ့မောလဲပြိုခြင်းဖြစ်ပါတယ်။
တရားယောဂီဟာ ဒုက္ခဝေဒနာနဲ့ “နဖူးတွေ့ဒူးတွေ့” တွေ့တဲ့အခါမှာ ဒုက္ခဝေဒနာကို ကျော်လွန်ပြီး ဥပေက္ခာဝေဒနာ ဖြစ်သွားအောင် ပညာလက်နက် သို့မဟုတ် သမာဓိလက်နက်ကို အသုံးပြုရပါတယ်။ အစမှာ ပညာလက်နက်ကို အသုံးမပြုနိုင်သေးပါ။ ထိုအခါမှာ သမာဓိလက်နက်ကို အသုံးပြုရပါမယ်။ သို့ရာတွင် သမာဓိလက်နက် အင်အားကောင်းအောင် အာနာပါနနဲ့ ဘယ်နည်းဘယ်ပုံ ထူထောင်ရမယ်ဆိုတာကို မသိရှိမကျွမ်းကျင်သေးပါ။ သို့အတွက်ကြောင့် ဒုက္ခဝေဒနာရဲ့ ပြင်းပြင်းထန်ထန် နှိပ်စက်ခြင်းကိုခံရကာ ယောဂီအချို့ဟာ မေ့မောလဲပြိုသွားပါတယ်။
ဒီလို မေ့မော့လဲပြိုသွားရတဲ့အတွက် တရားယောဂီမှာ အရှုံးလုံးလုံးမရှိပါ။ အမြတ်ပင်ထွက်ပါတယ်။ ဝမ်းနည်းစရာ မဟုတ်ပါ။ ဝမ်းသာစရာဖြစ်ပါတယ်။ ဘာကြောင့်လဲတဲ့၊ ဝေဒနာရဲ့ ဒုက္ခဒဏ်ချက်ကို နက်နက်နဲနဲသိမြင်အောင် ကျင့်ကြံအား ထုတ်ရတဲ့လုပ်ငန်းမှာ ဝေဒနာရဲ့ ဒုက္ခဒဏ်ချက်ကို အစွမ်းကုန် သိရှိလိုက်ရတဲ့အတွက် ဝမ်းသာဖွယ်ရာ အမြတ်ရခြင်းသာ ဖြစ်သောကြောင့်ပါခင်ဗျား။
ဘယ်လိုအလုပ်မျိုးမှာမဆို အလုပ်လုပ်စမှာ ကျွမ်းကျင်မှု မရှိသေးပါ။ ဒီလို ကျွမ်းကျင်မှုမရှိသေးတဲ့အတွက် မလိုလားအပ်တဲ့ကိစ္စများ ပေါ်လာခြင်းဟာ ဓမ္မတာပင်ဖြစ်ပါတယ်။ ဥပမာ ရေကူးသင်သူဟာ ရေကူးစအချိန်မှာ ရေနစ်တတ်ပါတယ်။ စက်ဘီးအစီးသင်သူဟာ စက်ဘီးစီးစအချိန်မှာ လဲပြိုပြီး ဒူးကွဲပေါင်ပြဲ ဖြစ်တတ်ပါတယ်။ သို့ပေမယ့် စိတ်မပျက်ဘဲ ဆက်လက်ပြီး အလေ့အကျင့်လုပ်တဲ့အခါမှာ ကျွမ်းကျင်လိမ္မာသွားပါတယ်။ ထိုအခါမှာ ရေမနစ်ရုံမကဘဲ ကောင်းစွာရေကူးတတ်သွားပါတယ်။ မလဲမပြို ဒူးမကွဲပေါင်မပြဲရုံမကဘဲ လိုရာအရပ်သို့ စက်ဘီးစီးပြီး လျင်မြန်စွာသွားတတ်ပါတယ်။
ဒီဥပမာအတိုင်းပဲ တရားအားထုတ်စယောဂီအသစ်ဟာ မေ့မောလဲပြိုခြင်းကို လွန်မြောက်ကျော်နင်းအောင် သဒ္ဓါဝီရိယနဲ့ကြိုးစားအားထုတ်လိုက်တဲ့အခါမှာ သမာဓိအင်အားကောင်းအောင် တည်ထောင်နည်းကို သိရာက ဝေဒနာပေါ်လာတဲ့အခါ နာကျင်ကိုက်ခဲတယ်လို့ ဝေဒနာသညာနဲ့ အမှတ်မပြုတော့ဘဲ ဝေဒနာနာမ် ခံစားတဲ့သဘောမျှကိုသိတဲ့ ဝေဒနာပညာနဲ့သိတဲ့ အသိမျိုးဖြစ်သွားပါတယ်။
ဒုက္ခဝေဒနာမှ ကျွတ်လွတ်ပြီး ဥပေက္ခာဝေဒနာဖြစ် အောင် တစ်ကြိမ်တစ်ခါ အားထုတ်ဘူးတဲ့ယောဂီဟာ ထို တစ်ကြိမ်တစ်ခါကစပြီး ဝေဒနာရဲ့ ပြောင်းလဲနှိပ်စက်ခြင်းများကို ဉာဏ်ငုံမိ သိရှိသွားပါတယ်။ ထိုအချိန်ကစပြီး အဖန်တလဲလဲ ပေါ်လာကြတဲ့ ဝေဒနာများကို ခံစားရသည်တိုင်အောင် “လှိုင်းကြီးလှေအောက်” သဘောမျိုးနဲ့ ဝေဒနာရဲ့ နှိပ်စက်ညှဉ်းပန်းခြင်းများကို ဥပေက္ခာရှုနိုင်သော သမာဓိပညာနှင့် ပြည့်စုံသောအဆင့်သို့ ရောက်သွားပါတယ်။
ထို့ကြောင့် ဝေဒနာကို အရှုခံအာရုံအဖြစ်ထားပြီး ဒုက္ခ လက္ခဏာဉာဏ်ပေါ်အောင် ရှုပွားကြရမယ့် သဲအင်းယောဂီများဟာ သဒ္ဓါနဲ့ဝီရိယကို အရင်းပြုပြီး ဇွဲသတ္တိရှိရှိနဲ့ ဒုက္ခဝေဒနာကို ကျော်လွန်အောင် ကျင့်ကြံအားထုတ်ရမယ်ဆိုတာကို ကြိုတင် သဘောပေါက်ထားကြရမည်ဖြစ်ပါတယ်။ ဒုက္ခဝေဒနာနဲ့ ရင်ဆိုင်တွေ့တဲ့အခါ သားသမင်ကိုတွေ့မြင်ရတဲ့ တောမုဆိုးပမာ ဝမ်းမြောက်ကြရမည်သာ ဖြစ်ပါတယ်ခင်ဗျား။
📌 သဲအင်းဂူဆရာတော်ဘုရားကြီး
📖 (မိုးကြိုး) ဦးအုန်းခင် – ဒိဋ္ဌိသတ် တဏှာသတ်
#ဓမ္မအသိဖြင့်အကျိုးရှိရှိနေမည်

25.7.2025
မြန်မာ့အလင်းနှင့် ကြေးမုံသတင်းစာပါ
တည်ဆောက်ရေးလုပ်ငန်း တင်ဒါများ

25.7.2025
မြန်မာ့အလင်းနှင့် ကြေးမုံသတင်းစာပါ
တည်ဆောက်ရေးလုပ်ငန်း တင်ဒါများ

25.7.2025
မြန်မာ့အလင်းနှင့် ကြေးမုံသတင်းစာပါ
တည်ဆောက်ရေးလုပ်ငန်း တင်ဒါများ

25.7.2025
မြန်မာ့အလင်းနှင့် ကြေးမုံသတင်းစာပါ
တည်ဆောက်ရေးလုပ်ငန်း တင်ဒါများ

25.7.2025
မြန်မာ့အလင်းနှင့် ကြေးမုံသတင်းစာပါ
တည်ဆောက်ရေးလုပ်ငန်း တင်ဒါများ

25.7.2025
မြန်မာ့အလင်းနှင့် ကြေးမုံသတင်းစာပါ
တည်ဆောက်ရေးလုပ်ငန်း တင်ဒါများ