မြန်မာမှာ တီဘီရောဂါ ဖြစ်ပွားမှု မြင့်တက်နေ

စက်တင်ဘာ ၁၀

မြန်မာလူဦး‌ရေ တစ်သိန်းမှာ အယောက် ၈၇၀ ကျော်က တီဘီရောဂါပိုးရှိနေတယ်လို့ ပြည့်သူကျန်းမာရေးနဲ့ ကုသရေးဦးစီးဌာန ညွှန်ကြားရေးမှုးချုပ် ဒေါက်တာနန္ဒဝင်းက ပြောပါတယ်။

ရန်ကုန်မြို့မှာ ဒီနေ့ပြုလုပ်တဲ့တီဘီရောဂါ ကူးစက်မှုအခြေအနေကို ရှင်းပြချိန် အခုလိုပြောလိုက်တာဖြစ်ပါတယ်။

ပြီးခဲ့တဲ့ ၂၀၁၈ ခုနှစ်မှာတော့ လူဦးရေ တစ်သိန်းမှာ တီဘီရောဂါပိုးရှိသူ ၃၃၈ ဦးရှိခဲ့တာဖြစ်ပြီး ၆ နှစ်အတွင်းမှာ အယောက် ၅၃၀ လောက်အထိ တိုးလာတာလို့ သူက ပြောပါတယ်။

ဒီအထဲမှာ တီဘီရောပိုးရှိသူ လူဦးရေ ၃ ပုံ ၁ပုံမှာ ၁ ပုံကတော့ ရန်ကုန်မှာ တွေ့ရတယ်လို့ ဆိုပါတယ်။

တီဘီရောဂါက ရိုးရိုးတီဘီနဲ့ ဆေးယဥ်ပါး တီဘီဆိုပြီး နှစ်မျိုးရှိပြီး နာတာရှည်ရောဂါတွေ၊ ဆီးချိုသွေးချိုရှိတဲ့သူ၊ HIV ပိုးကူးစက်ခံထားရသူ၊ လူအုပ်စုနဲ့ လုပ်ရတဲ့စက်ရုံ အလုပ်ရုံတွေ၊ အဟာရချို့တဲ့သူ၊ ဆေးလိပ်သောက်သူ၊ မူးယစ်ဆေးဝါးသုံးစွဲသူ၊ အကျဥ်းကျနေသူတွေနဲ့ အဆုတ်ရောဂါအခံရှိသူ စတဲ့သူတွေမှာ တီဘီရောဂါပိုးတွေ့ရှိတာဖြစ်ပါတယ်။

လက်ရှိမှာ ပြည်သူ့ကျန်းမာရေးစင်တာတွေမှာ တီဘီအတွက် ဆေးအလုံအလောက်ရှိပြီး အခမဲ့ပေးဝေနေတယ်လို့ ပြည်သူ့ကျန်းမာရေးဦးစီးဌာနက ပြောပါတယ်။

တီဘီကူးစက်မှုတွေ့ရှိရတဲ့မြို့နယ်တွေဟာ လှိုင်သာယာ၊ ရွှေပြည်သာ၊ မြောက်ဥက္ကလာနဲ့ တောင်ဒဂုံစတဲ့ မြို့နယ်တွေမှာ တွေ့ရတာလို့ဆိုပါတယ်။

#သတင်းဟင်းလေးအိုးကြီး

❝ရွေးကောက်ပွဲပျက်အောင် ရည်ရွယ်ချက်ဖြင့် အွန်လိုင်းပေါ်တွင် ဝါဒဖြန့်၊ လှုံ့ဆော်စာများရေးသားခဲ့သည့် တောင်ကြီးမြို့နယ်မှ အမျိုးသားတစ်ဦးကို ဥပဒေအသစ်အရ ထောင် ၇ နှစ်ချ❞

စက်တင်ဘာ ၁၀

ပါတီစုံဒီမိုကရေစီ အထွေထွေရွေးကောက်ပွဲကို ပျက်ပြားစေရန်ရည်ရွယ်၍ လူမှုကွန်ရက်စာမျက်နှာပေါ် လှုံ့ဆော်ခြင်း၊ ဝါဒဖြန့်ခြင်းများ လုပ်ဆောင်ခဲ့သည့် ရှမ်းပြည်နယ်(တောင်ပိုင်း)၊ တောင်ကြီးမြို့နယ်မှ အမျိုးသားတစ်ဦးကို ပြစ်မှုထင်ရှားသဖြင့် တောင်ကြီးမြို့နယ်တရားရုံးက အလုပ်နှင့်ထောင်ဒဏ် ၇ နှစ်တိတိ ကျခံစေရန် အမိန့်ချမှတ်ခဲ့ကြောင်း သိရသည်။

အဆိုပါအမျိုးသားမှာ တောင်ကြီးမြို့နယ်၊ အေးသာယာမြို့၊ ရပ်ကွက်(၁)နေ နေသွေး (၃၆)နှစ် (ဘ) ဦးအောင်ခင် ဆိုသူဖြစ်သည်ဟု သိရပြီး ၎င်းအမျိုးသားအနေဖြင့် ပြီးခဲ့သည့် ဩဂုတ်လ ၂၅ ရက်နေ့တွင် ၎င်းအသုံးပြုသည့် “Lashio Baegyi" Facebook Account လူမှုကွန်ရက် စာမျက်နှာပေါ်တွင် "မဲပေးဖို့ချည်း ဇွတ်ပြောပြီ၊ မင်းတို့က ဘာကောင်တွေလဲ၊ စောက်လုံးပါရင် သေချာကြည့် ပြည်သူဆီက မဲလိုချင်ရင် ပြည်သူကို ဘယ်လိုအကျိုးပြုရမလဲစဉ်းစား၊ အလကားနေ ဘာမှ စောက်ပြစ် မရှိဘဲ ပြည်သူဆီကပဲ လိုချင်ရင်တော့..."စသည့်စာသားများကို ဖြန့်ဝေရေးသားခဲ့ခြင်းဖြစ်သည်ဟုဆိုသည်။

သို့ဖြစ်သဖြင့် ၎င်းကိုစစ်ဆေးခဲ့ရာ ပါတီစုံဒီမိုကရေစီ အထွေထွေရွေးကောက်ပွဲကို ပျက်ပြားစေရန်ရည်ရွယ်၍ ပြုလုပ်နေ ကြောင်း စစ်ဆေးတွေ့ရှိရသဖြင့် တောင်ကြီးမြို့နယ်၊ အေးသာယာနယ်မြေရဲစခန်း(ပ)၉၉/၂၀၂၅၊ ပါတီစုံဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေပုဒ်မ ၂၃(က) ဖြင့် အမှုရေးဖွင့်စစ်ဆေး၍ တောင်ကြီးမြို့နယ်တရားရုံးသို့ တရားစွဲတင်ပို့ခဲ့ခြင်းလည်းဖြစ်သည်။

ထို့နောက် တောင်ကြီးမြို့နယ်တရားရုံးက ရာဇဝတ်ကြီးမှုအမှတ် ၂၇၁၄/၂၀၂၅ ဖြင့် လက်ခံစစ်ဆေးခဲ့ပြီး စက်တင်ဘာလ ၉ ရက်နေ့တွင် ပြစ်မှုထင်ရှားသဖြင့် တရားခံ နေသွေးကို ပါတီစုံဒီမိုကရေစီအထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေး ဥပဒေပုဒ်မ ၂၃(က) အရ အလုပ်နှင့် ထောင်ဒဏ် ၇ နှစ်တိတိကျခံစေရန် အမိန့်ချမှတ်ခဲ့ခြင်းဖြစ်ကြောင်း သိရသည်။

#centralnewsnaypyitaw

MAN UNITED SEPTEMBER FIXTURES

မန်ယူနိုက်တက်အနေနဲ့ Septemberလအတွင်း မန်စီးတီးအသင်းအား မန်ချက်စတာဒါဘီအဖြစ် အဝေးကွင်းပွဲစဉ်၊ ချဲလ်ဆီးအသင်းအား အိမ်ကွင်း အိုးထရက်ဖို့မှာ လက်ခံကစားရမည့်ပွဲစဉ်နှင့် အိမ်ကွင်းကစားအားမာကျောတဲ့ ဘရန့်ဖို့ဒ်အသင်းတို့အား အဝေးကွင်းမှာ သွားရောက်ယှဉ်ပြိုင်ကစားသွားရမှာလည်း ဖြစ်ပါတယ်။

Septemberလအတွင်း ကစားရမည့် အသင်း၏ပွဲစဉ်တွေနဲ့ အချိန်များကိုလည်း တစ်ပါတည်း ဖော်ပြပေးလိုက်ပါတယ်။

(p.s အကြောင်းအမျိုးမျိုးကြောင့် ပွဲစဉ်နှင့်အချိန်များ အပြောင်းအလဲရှိနိုင်ပါသည်။)

#uptodatemanutdnews
#2025_septemberfixtures

❝ပြန်လည်ပြုပြင်နေသည့် စစ်ကိုင်းတံတား ခေါ် ဧရာဝတီတံတား (ရတနာပုံ)ကို ဆက်လက်လှုပ်ခတ်နေသည့် ငလျင်ငယ်များကြောင့် ထပ်မံပျက်စီးမှု ရှိ/မရှိ စောင့်ကြည့်စစ်ဆေးသွားမည်❞

စက်တင်ဘာ ၁၀

မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးတို့ကို ဆက်သွယ်ပေးထားသည့် ဧရာဝတီတံတား (ရတနာပုံ) ကို ပြည်လည်ပြုပြင်ရေးလုပ်ငန်းများ ဆောင်ရွက်လျှက်ရှိသော်လည်း ဆက်လက်လှုပ်ခတ်နေဆဲဖြစ်သည့် နောက်ဆက်တွဲငလျင်ငယ်များကြောင့် ထပ်မံပျက်စီးမှု ရှိ/မရှိ စောင့်ကြည့်စစ်ဆေးသွားမည်ဖြစ်ကြောင်း ဆောက်လုပ်ရေးဝန်ကြီးဌာနမှ သိရသည်။

စစ်ကိုင်းတံတားဟု လူသိများသော အဆိုပါ ဧရာဝတီတံတား(ရတနာပုံ) သည် အင်အားပြင်းငလျင်ကြီးကြောင့် မန္တလေးဘက်ခြမ်းတွင် Lateral Bracing သံပေါင်များနှင့် Pier များ ပျက်စီးခဲ့မှုဖြစ်ပေါ်ခဲ့သဖြင့် ပညာရှင်များမှ ပြန်လည်ပြုပြင်ရေးလုပ်ငန်းများကို ဆောင်ရွက်နေခြင်းဖြစ်သည်။

ထိုသို့ဆောင်ရွက်ရာတွင် ရေထဲရှိ တံတားတိုင်များ၊ ဆိပ်ခံတံတားတိုင် (piers) များ ပိုမိုခိုင်ခံ့စေရန်အတွက် Pier Jacketing ပုံစံဖြင့် ပြုပြင်သွားမည်ဟု သိရပြီး လက်ရှိအချိန်တွင်လည်း တံတားကြီးတွင် ဖြတ်သန်းသွားလာလျှက်ရှိကြသည့် ပြည်သူများ အန္တရာယ်ကင်းရှင်းစွာ သွားလာနိုင်စေရန် နေ့စဉ် စောင့်ကြည့်စစ်ဆေးကာ အချိန်နှင့်တပြေးညီ တင်ပြနိုင်ရေးနှင့် လုပ်ငန်းခွင် အန္တရာယ်ကင်းရှင်းစေရေး ဆောင်ရွက်လျက်ရှိကြောင်း သိရသည်။

#သတင်းဟင်းလေးအိုးကြီး

❝မြန်မာနိုင်ငံ နယ်စပ်ရေးရာဝန်ကြီးနှင့် ကုလသမဂ္ဂဒုက္ခသည်များဆိုင်ရာ မဟာမင်းကြီးတို့ တွေ့ဆုံ၍ နယ်စပ်ဒေသများ တည်ငြိမ်‌အေးချမ်းရေး ဆွေးနွေး❞

စက်တင်ဘာ ၁၀

နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်သည် ကုလသမဂ္ဂဒုက္ခသည်များဆိုင်ရာ မဟာမင်းကြီး Mr. Filippo Grandi အား စက်တင်ဘာ ၉ နံနက်ပိုင်းတွင် နယ်စပ်ရေးရာဝန်ကြီးဌာန ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံ၍ မြန်မာနိုင်ငံအတွင်းရှိ နယ်စပ်ဒေသများ တည်ငြိမ်‌အေးချမ်းရေးနှင့် ဖွံ့ဖြိုးတိုးတက်ရေးကိစ္စရပ်များ ဆွေးနွေးခဲ့ကြောင်း သိရသည်။

ထို့အပြင် နယ်စပ်ဒေသများတွင် နေထိုင်ကြသည့် တိုင်းရင်းသားပြည်သူများ၏ လူမှုစီးပွားဘဝများ ဖွံ့ဖြိုးတိုးတက်ရေးအတွက် ဆောင်ရွက်ပေးနေမှုများ၊ နိုင်ငံတော်အစိုးရက အကောင်အထည်ဖော်ဆောင်ရွက်နေသည့် အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေးလုပ်ငန်းစဉ်များ၏ ဖြစ်ပေါ်တိုးတက်မှုများ၊ လူသားချင်းစာနာထောက်ထားမှုအကူအညီများ ပံ့ပိုးဆောင်ရွက်ပေးနေမှုအခြေအနေများကိုလည်း ဆွေးနွေးခဲ့ကြသည်။

အလားတူ ရခိုင်ပြည်နယ်အတွင်း၌ နယ်မြေတည်ငြိမ်အေးချမ်းမှု ရရှိလာပါက နေရပ်စွန့်ခွာသွားသူများအား ၎င်းတို့၏ဆန္ဒအလျောက် ဘေးကင်းပြီး ဂုဏ်သိက္ခာရှိစွာ နေရပ်ပြန်နိုင်ရေးအတွက် ဆက်လက်ညှိနှိုင်းဆောင်ရွက်လျက်ရှိသည့် ကိစ္စရပ်များအပြင် UNHCR နှင့် ရှေ့ဆက်လက်ပူးပေါင်းဆောင်ရွက်နိုင်မည့် ကိစ္စရပ်များကိုပါ ထည့်သွင်းဆွေးနွေးခဲ့ကြောင်း သိရသည်။

#centralnewsnaypyitaw

ဒီမှာအန်တီ ကျမ ဆ” ယ် - ဆ - ပြ- ၊ န်ပေးမယ်
အ” န်တီသာ အ” န်တီ့ သာ: နဲ့ဝေ: ဝေ: နေ

LATEST: A federal judge has blocked President Trump’s attempt to fire Federal Reserve Governor Lisa Cook.
Read more: https://abcnews.visitlink.me/xUsMSc

BREAKING: Military officials in Poland say the country's airspace was "repeatedly violated by drone-type objects" in the overnight hours amid Russian strikes on targets in Ukraine.
Read more: https://abcnews.visitlink.me/pB5qr-