နယ်စပ်လမ်းကြောင်းကို အသုံးပြုပြီး လက်နက်၊ မူးယစ်ဆေးဝါးနဲ့ လူမှောင်ခိုကိစ္စတွေကို မြန်မာ- လာအို နှစ်နိုင်ငံပူးပေါင်းတားဆီးဖို့ လာအိုနိုင်ငံမှာ ဆွေးနွေးမှုပြုလုပ်

ဇန်နဝါရီ ၃၁

မြန်မာ - လာအို နယ်စပ်ရေးရာလုံခြုံရေးနဲ့ ပတ်သက်ပြီး လာအို - မြန်မာပူးတွဲ နယ်ခြားလုံရေးကော်မတီရဲ့ (၅)ကြိမ်မြောက် အစည်းအဝေးကို လာအိုနိုင်ငံ၊ ဗန်ဗီယန်းမြို့မှာ ဇန်နဝါရီ ၂၈ ရက်နေ့ကနေ ဒီကနေ့ ဇန်နဝါရီ ၃၁ ရက်နေ့အထိ (၄) ရက်ကြာ ကျင်းပပြုလုပ်နေတယ်လို့ လာအိုပြည်သူ့တပ်မတော်ရဲ့ သတင်းထုတ်ပြန်ချက်အရ သိရပါတယ်။

ယမန်နေ့ (ဇန်နဝါရီ ၃၀ ရက်)ကထုတ်ပြန်တဲ့ လာအိုပြည်သူ့တပ်မတော်ရဲ့ သတင်းထုတ်ပြန်ချက်အရ အဲဒီအစည်းအဝေးမှာ အဓိကအားဖြင့် မြန်မာ - လာအို နယ်စပ်လမ်းကြောင်းကို အသုံးပြုပြီး လက်နက်၊ မူးယစ်ဆေးဝါးနဲ့ လူမှောင်ခိုကိစ္စရပ်တွေအပါအဝင် နှစ်ဖက်ထိစပ်နေတဲ့ မဲခေါင်မြစ်ကြောင်းတလျှောက် လုံခြုံရေးနဲ့ တရားဥပဒေစိုးမိုးရေးကိစ္စရပ်တွေကို ဆွေးနွေးခဲ့ကြတယ်လို့ ဆိုပါတယ်။

ဒါ့အပြင် လက်ရှိ မြန်မာ့နိုင်ငံ အရေးကိစ္စနဲ့ပတ်သက်ပြီး လာအိုနိုင်ငံဘက်ကို ထွက်ပြေးလာသူတွေနဲ့ လာအိုနိုင်ငံဘက်မှာနေထိုင်ပြီး မြန်မာနိုင်ငံမှာအကြမ်းဖက်မှုဖြစ်ပေါ်အောင် လှုံ့ဆော်နေသူတွေကို ဖော်ထုတ်ဖမ်းဆီးနိုင်ရေးအတွက်ပါ ဆွေးနွေးခဲ့ကြတယ်လို့သိရပြီး ယခင်ကလည်း ဖော်ထုတ်ဖမ်းဆီးပေးခဲ့ဖူးတာတွေ ရှိခဲ့တယ်လို့လည်း သတင်းမှတ်တမ်းတွေအရ သိရပါတယ်။

အဲဒီဖြစ်စဥ်ကတော့ ပြီးခဲ့တဲ့ ၂၀၂၄ခုနှစ် ဧပြီလ (၁၃) ရက်နေ့က ဖြစ်ပေါ်ခဲ့တာဖြစ်ပြီး ရွှေတြိဂံအထူးစီးပွားရေးဇုန်(ကာစီနို)ဝန်း ကမ္ဘာလုံးကျောက်ဆိပ်ကမ်းရဲ့ လမ်းမပေါ်မှာ စစ်ဘေးသင့်ကူညီဖို့ဆိုတဲ့အကြောင်းပြချက်နဲ့ အလှူခံနေတဲ့ မြန်မာနိုင်ငံသား အကြမ်းဖက်ထောက်ပို့ (၁၇)ဦးကို လာအိုစစ်တပ်နဲ့ ရဲတပ်ဖွဲ့က ဖမ်းဆီးပြီး မြန်မာဘက်ကို အပ်နှံပေးခဲ့တာပါ။

ယခုလို လာအို- မြန်မာ နှစ်ဖက် ပူးပေါင်းမှုတွေပြုလုပ်ဖို့ RBC လို့ခေါ်တဲ့ ဒေသဆိုင်ရာနယ်ခြားကော်မတီ ( Regional Border Committee - RBC) ကို ၂၀၁၆ ခုနှစ်ကတည်းက ဖွဲ့စည်းကာ နှစ်ဖက် ပူးပေါင်းမှုတွေ ဆောင်ရွက်နေတာလို့ သိရပြီး ယခုပြုလုပ်နေတဲ့ အစည်းအဝေးကိုတော့ မြန်မာနိုင်ငံဘက်က ဗိုလ်ချုပ်မင်းမင်းစိုးနဲ့အဖွဲ့ တက်ရောက်နေတယ်လို့ သိရပါတယ်။

#centralnewsnaypyitaw

ပါလက်စတိုင်းများ နေရပ်ပြန်လာမှု နေတန်ယာဟု၏ စစ်ရေးကိုရှုပ်ထွေးစေ

ဂျေရုဆလင်၊ ဇန်နဝါရီ ၃၁

အစ္စရေးဝန်ကြီးချုပ် ဘင်ဂျာမင် နေတန်ယာဟု (Benjamin Netanyahu) သည် ဂါဇာစစ်ပွဲ စတင်ခဲ့သည့် လွန်ခဲ့သည့် ၁၅ လအလိုက အစ္စရေးသည် ဟားမာ့စ်အဖွဲ့ကို အမြစ်ပြတ်ချေမှုန်းပြီး ဓားစာခံများအားလုံးကို ကယ်တင်က ဂါဇာတွင် အလုံးစုံအောင်ပွဲ ရရှိလိမ့်မည်ဟု ကြေညာခဲ့ကြောင်း အေပီမှ ဖော်ပြခဲ့သည်။

သို့သော် လက်ရှိအချိန်တွင် ဟားမာ့စ်နှင့် အစ္စရေးအကြား အပစ်အခတ်ရပ်စဲရေး သဘောတူညီချက် သီတင်း တစ်ပတ် ကြာမြင့်လာချိန်၌ အစ္စရေးနိုင်ငံသား အများစုသည် အစ္စရေးစစ်တပ်၏ စွမ်းဆောင်ရည်အပေါ် မေးခွန်းများ ထုတ်လာကြသည်။

လက်ရှိ အချိန်အထိ ဟားမာ့စ်အဖွဲ့သည် အမြစ်ပြတ် ချေမှုန်းခံရခြင်း မရှိသေးဘဲ ဓားစာခံအားလုံး လွတ်မြောက် ရေးအတွက်လည်း အာမခံချက် မရှိသေးကြောင်း ကျွမ်းကျင်သူများက ပြောကြားခဲ့သည်။

အစ္စရေးနှင့် ဟားမာ့စ်အကြား အပစ်အခတ်ရပ်စဲရေး ကနဦး သီတင်းခြောက်ပတ်ကြာ ကာလထက် ကျော်လွန်ပြီး သက်တမ်းတိုးနိုင်ခြင်းမရှိပါက အစ္စရေးအနေဖြင့် ဟားမာ့စ်အဖွဲ့ကို စစ်ဆင်ရေး ပြန်လည်စတင်ရန် အခြေအနေ များ ရှုပ်ထွေးလာနိုင်သည်။

၂၀၂၃ ခုနှစ်၊ အောက်တိုဘာ ၇ ရက်က ဟားမာ့စ်အဖွဲ့သည် အစ္စရေးနိုင်ငံ တောင်ပိုင်းကို စတင်ဝင်ရောက် တိုက်ခိုက်ခဲ့သဖြင့် ထိုနေ့ တစ်နေ့တည်းမှာပင် အစ္စရေး၌ လူပေါင်း ၁၂၀၀ ခန့်သေဆုံးပြီး ဓားစာခံ ၂၅၀ ခန့် ပြန်ပေးဆွဲ ဖမ်းဆီးခံခဲ့ရသည်။

နာရီပိုင်းအကြာမှာပင် အစ္စရေးက ဂါဇာကို ထိုးစစ်ဆင်ခဲ့ပြီး ဟားမာ့စ်ဘက်မှ ထိပ်သီးခေါင်းဆောင် အများစု သေဆုံးခဲ့ကာ ဂါဇာတွင် ထိခိုက်သေဆုံးမှု၊ ပျက်စီးမှုများ ဖြစ်ပွားခဲ့သည်။

အစ္စရေး၏ တိုက်ခိုက်မှုများကြောင့် ဂါဇာတွင် ပါလက်စတိုင်း ၇၄,၀၀၀ ကျော် သေဆုံးခဲ့ကြောင်း ဂါဇာ ကျန်းမာရေး အာဏာပိုင်များက ထုတ်ပြန်ခဲ့သည်။

အပစ်အခတ်ရပ်စဲရေး၏ ပထမအဆင့် အနေဖြင့် ဂါဇာတွင် ဖမ်းဆီးခံထားရသည့် ဓားစာခံများထဲမှ ၃၃ ဦး လွတ်မြောက်မည်ဖြစ်ကာ အစ္စရေးဘက်ကလည်း ပါလက်စတိုင်း အကျဉ်းသား ၂၀၀၀ နီးပါးကို ပြန်လွှတ် ပေးရမည်ဖြစ်သည်။

ထို့ပြင် အစ္စရေးက ဂါဇာမြောက်ပိုင်းတွင် ဖြန့်ကြက်ချထားသည့် စစ်သားများကို ပြန်လည် ခေါ်ယူခဲ့သဖြင့် ထိုဒေသမှ ထွက်ပြေးတိမ်းရှောင်သွားခဲ့သော ပါလက်စတိုင်း ၁ သန်းကျော်သည် ၎င်းတို့၏ နေအိမ်များသို့ ပြန်လည်ရောက်ရှိလာခဲ့သည်။

အပစ်အခတ်ရပ်စဲရေး၏ ဒုတိယအဆင့် အနေဖြင့် အစ္စရေးနှင့် ဟားမာ့စ်တို့သည် လာမည့် သီတင်းပတ်တွင် ဆွေးနွေးညှိနှိုင်းမှုများ စတင်ပြုလုပ်မည်ဖြစ်ပြီး ဒုတိယအဆင့်၌ အကျဉ်းသားလဲလှယ်မှုများ ပြုလုပ်ရမည် ဖြစ်သည်။

သို့သော် အစ္စရေးနှင့် ဟားမာ့စ်အကြား တတိယအဆင့်အတွက် အပစ်အခတ်ရပ်စဲရေးကို သက်တမ်းတိုးရန် သဘောတူညီမှု မရရှိပါက အစ္စရေးဓားစာခံ ၉၀ ခန့်သည် ဂါဇာတွင် ဆက်လက် ထိန်းသိမ်းခံထားရမည် ဖြစ်သည်။

Source: အပေီ

ပုံ - နေရပ်ပြန် ပါလက်စတိုင်းများနဲ့ ဟားမာ့စ်ရဲဘော်တစ်ဦးကိုတွေ့ရစဉ်

#သတင်းဟင်းလေးအိုးကြီး

မန်ချက်စတာယူနိုက်တက်အသင်းဟာ တကယ်လို့သင့်တော်တဲ့ကမ်းလှမ်းမှုရရှိခဲ့မယ်ဆိုရင်တော့ အသင်းရဲ့တိုက်စစ်ကစားသမား ရာမို့စ်ဟော်ဂျ်လန်းကိုရောင်းချဖို့အဆင်သင့်ဖြစ်နေပါတယ်။

မန်ချက်စတာယူနိုက်တက်အသင်းဟာနွေရာသီကာလသို့မဟုတ် ဒီတကြိမ်ကစားသမားအပြောင်းအရွှေ့စျေးကွက်မှာသင့်တော်တဲ့ကမ်းလှမ်းမှုရရှိခဲ့မယ်ဆိုရင်တော့ ရာမို့စ်ဟော်ဂျ်လန်းကိုလက်လွှတ်ဖို့အဆင်သင့်ဖြစ်နေတယ်လို့ ESPN သတင်းကဖော်ပြခဲ့ပါတယ်။

အသက် ၂၁ နှစ်အရွယ်ရာမို့စ်ဟော်ဂျ်လန်းဟာ အေစီမီလန်နဲ့ဂျုဗင်တပ်အသင်းတို့အပါအဝင် ဘွန်ဒက်လီဂါလိဂ်ကလပ်အသင်းတွေဆီကနေ စိတ်ဝင်စားမှုရရှိခဲ့တာဖြစ်ပါတယ်။

ရာမို့စ်ဟော်ဂျ်လန်းအနေနဲ့ကတော့ အိုးထရက်ဖို့ဒ်ကွင်းဆီပြောင်းရွှေ့ကြေးပေါင် ၇၂ သန်းနဲ့အတ္တလန်တာအသင်းကနေ ၂၀၂၃ ခုနှစ်မှာပြောင်းရွှေ့လာခဲ့ပြီး သရဲနီအသင်းအတွက်ပြိုင်ပွဲစုံ ၄၃ ပွဲပါဝင်ကစားထားခဲ့ရာ ၁၆ ဂိုးသွင်းယူထားနိုင်ခဲ့ပါတယ်။

ဒါပေမဲ့လည်းဒီရာသီကာလမှာတော့ ရာမို့စ်ဟော်ဂျ်လန်းရဲ့ကစားပုံအတော်လေးကျဆင်းလာခဲ့တာကြောင့်အိုးထရက်ဖို့ဒ်ကွင်းမှာအနာဂတ်နဲ့ပတ်သက်ပြီးမေးခွန်းထုတ်ခံနေရတာဖြစ်ပါတယ်။

#ဘောလုံးသတင်းစုံ

ဂျပန်မှာ ကားလမ်းကျွံကျ ပိတ်မိနေတဲ့ယာဉ်မောင်းကို လေးရက်ကြာချိန်ထိ ကယ်ထုတ်မရသေး

တိုကျို၊ ဇန်နဝါရီ ၃၁

ဂျပန်နိုင်ငံမှာ ကားလမ်းမြေကျွံမှုဖြစ်ပွားပြီးနောက် ပိတ်မိနေတဲ့ အသက် ၇၄ နှစ်အရွယ် ကုန်တင်ယာဉ်မောင်းကို လေးရက်ကြာမြင့်တဲ့အချိန်ထိ ကယ်တင်နိုင်ခြင်းမရှိသေးဘဲ မြေပြင်အခြေအနေ ပိုမိုဆိုးရွားလာတာကြောင့် ကယ်ဆယ်ရေးလုပ်ငန်းတွေ ရှုပ်ထွေးလာတယ်လို့ တာဝန်ရှိသူတွေက ပြောပါတယ်။

ဒီဖြစ်စဉ်ဟာ ပြီးခဲ့တဲ့ အင်္ဂါနေ့က တိုကျိုအရှေ့မြောက်ဘက် ဆိုင်တာမာစီရင်စုရှိ ယာရှီယိုမြို့မှာ မနက်ပိုင်းယာဉ်အသွားအလာများချိန်မှာ ဖြစ်ပွားခဲ့တာပါ။ ကားလမ်းမြေကျွံကျမှုမှာ အကျယ် ၁၀ မီတာ အနက် ၅ မီတာနက်ပေမယ်လည်း အနီးနားရှိ မြေကျွံလှိုဏ်တခုနဲ့ပေါင်းပြီး နှစ်ဆဖြစ်သွားတယ်လို့ တာဝန်ရှိသူတွေက ပြောပါတယ်။

ပိတ်မိနေတဲ့ ထရပ်ကားမောင်းသူဟာ အင်္ဂါနေ့မွန်းလွဲပိုင်းက ကယ်ဆယ်ရေးသမားတွေကို နောက်ဆုံးတုံ့ပြန်ခဲ့တယ်လို့ မီးသတ်တပ်ဖွဲ့က ပြောပါတယ်။ ထရပ်ကားဟာ မြေကြီးထဲကို ထပ်မံနစ်မြုပ်သွားပြီးနောက် ပိတ်မိနေသူနဲ့ အဆက်အသွယ်ပြတ်သွားခဲ့တာလို့ တာဝန်ရှိသူတွေက ပြောပါတယ်။

အောက်ဘက်မှာ လှိုဏ်ခေါင်းတခုရှိနေတာက ကယ်ဆယ်ရေးကို အဓိကအတားအဆီးဖြစ်နေတယ်လို့ ဆိုပါတယ်။ အာဏာပိုင်တွေဟာ ထရပ်ကားကိုကရိန်းနဲ့ ဆွဲတင်ပြီး ကားသမားကို ကယ်တင်ဖို့ ကြိုးပမ်းခဲ့ပေမယ့် နောက်တွဲသာပါလာခဲ့ပြီး ယာဉ်မောင်းခန်းက ကျန်ခဲ့တာကြောင်း မအောင်မြင်ခဲ့ပါဘူး။

တွင်းထဲက မြေစာတွေကို ဖယ်ထုတ်ပြီး ကယ်ဆယ်ရေးမှာလည်း အခက်အခဲတွေ ရှိနေတယ်လို့ ဆိုပါတယ်။ဒါဟာ ရေဆိုးမြောင်းစနစ်ကနေ အက်ဆစ်ဓါတ်များတဲ့ ရေတွေဖြတ်သန်းသွားပြီးနောက် အခုလို လှိုဏ်ပေါက်ဖြစ်လာနိုင်ကြောင်း ရေဆိုးမြောင်းစနစ် တာဝန်ရှိသူတယောက် ပြောပါတယ်။ ငါးနှစ်တကြိမ် စစ်ဆေးမှုမှာတော့ ပြသနာတစုံတရာမရှိခဲ့ဘူးလို့ တာဝန်ရှိသူသူတွေက ပြောဆိုထားပါတယ်။

တွင်းနံရံတွေက မြေပြိုမှု ဆက်လက်ဆိုးရွားကျယ်ပြန့်လာပြီး ကတ္တရာတွေ ဆက်လက်ပဲ့ကျမှုတွေကြောင့် တွင်းအနီးကိုသွားရောက်ဖို့ပါ ခက်ခဲနေသလို စက်ယန္တရားကြီးတွေ နေရာချထားရေးမှာလည်း အန္တရယ်များကြောင်း ကယ်ဆယ်ရေးသမားတွေက ပြောပါတယ်။

Ref:AFP
Photo:AP

#centralnewsnaypyitaw

မြန်မာနိုင်ငံ၏ ဖွံ့ဖြိုးတိုးတက်မှုများ ကျဆင်းနေပြီး ပေါ်လစီအကျပ်အတည်းများနှင့် ရင်ဆိုင်နေရဟု ကုလသမဂ္ဂပြော

ဇန်နဝါရီ ၃၁

နိုင်ငံရေးအာဏာအငြင်းပွားမှုများဖြစ်လာခဲ့ပြီးနောက် လေးနှစ်ကျော်ကာလအတွင်း မြန်မာနိုင်ငံသည် စီးပွားရေးပြိုလဲမှု၊ ပဋိပက္ခပိုမိုပြင်းထန်လာမှု၊ ရာသီဥတုပြောင်းလဲမှုဆိုင်ရာအန္တရာယ်များနှင့် ဆင်းရဲမွဲတေမှု နက်ရှိုင်းလာမှုတို့ကြောင့် မကြုံစဖူးသော “ပေါ်လစီအကျပ်အတည်း” နှင့် ရင်ဆိုင်နေရကြောင်း ကုလသမဂ္ဂဖွံ့ဖြိုးမှုအစီအစဉ် (UNDP) ၏ အစီရင်ခံစာသစ်အရ သိရသည်။

မြန်မာနိုင်ငံ၏ လူဦးရေ ထက်ဝက်နီးပါးသည် ဆင်းရဲမွဲတေမှုမျဉ်းအောက် နေထိုင်နေရခြင်း၊ မရှိမဖြစ်လိုအပ်သော ဝန်ဆောင်မှုများ ပြိုလဲခြင်းနှင့် စီးပွားရေး ဝရုန်းသုန်းကားဖြစ်နေသည့် နိုင်ငံတစ်နိုင်ငံ၏ တုန်လှုပ်ချောက်ချားဖွယ်ပုံရိပ်ကို ညွှန်ပြနေရာ နိုင်ငံရေးအရ ပြေလည်မှုမရသဖြင့် အကျပ်အတည်းသည် လာမည့်နှစ်တွင် ပိုမိုဆိုးရွားလာမည်ဟု မျှော်လင့်ရကြောင်းကုလသမဂ္ဂအဖွဲ့ကပြောသည်။

“လာမယ့်နှစ်မှာ မြန်မာနိုင်ငံရဲ့ ကန့်သတ်ချက်တွေကို ခံနိုင်ရည်ရှိမှုကို စမ်းသပ်လိမ့်မယ်” ဟု (UNDP) အစီရင်ခံစာက သတိပေးထားသည်။

ထို့အပြင် မြန်မာနိုင်ငံတွင်တွေ့ကြုံရမည့် နောက်ထပ်အခက်အခဲပြဿနာများ လျော့ပါးစေရန်နှင့် စုစုပေါင်းပြိုလဲခြင်းမှ ကာကွယ်ရန် နိုင်ငံတကာ ထိတွေ့ဆက်ဆံမှုကို အရေးတကြီး တောင်းဆိုထားသည်။

“တရားဝင်စီးပွားရေးကို ဖော်ဆောင်တဲ့ ပိုမိုတည်ငြိမ်အေးချမ်းတဲ့ မြန်မာနိုင်ငံဟာ လူသားနဲ့ သဘာဝသယံဇာတအရင်း အမြစ်တွေကို ကာကွယ်ပြီး ပြည်သူတွေရဲ့ဘေးကင်းရေးနဲ့ သာယာဝပြောရေးမှာ ရင်းနှီးမြှုပ်နှံတာဟာ အိမ်နီးချင်းနိုင်ငံတွေနဲ့ နိုင်ငံတကာ အသိုက်အဝန်းရဲ့ ကိုယ်ကျိုးစီးပွားအတွက်ပါ” ဟု ဆက်ပြောသည်။

၂၀၂၀ ပြည့်နှစ်မှစတင်၍ မြန်မာ့ပြည်တွင်းအသားတင်ထုတ်ကုန် (GDP) သည် မျှော်လင့်သလောက်ကောင်းမွန်တိုးတက်လာခြင်းမရှိဘဲ လက်ရှိအချိန်တွင် ကျဆင်းနေကြောင်း သိရသည်။ မြန်မာနိုင်ငံ၏ ငွေကြေးဖောင်းပွမှုသည် ၂၀၂၄ ခုနှစ်တွင် ၂၅ ဒသမ ၄ ရာခိုင်နှုန်းအထိ ကျဆင်းခဲ့ရာ အိမ်ထောင်စုဝယ်ယူမှုစွမ်းအားကို ပိုမိုကျဆင်းစေသလို ကုန်သွယ်မှုလိုငွေကလည်း နိုင်ငံ့ GDP ၏ ၂ ဒသမ ၂ ရာခိုင်နှုန်းအထိ မြင့်တက်လာကြောင်း သိရသည်။

နယ်စပ်ဖြတ်ကျော် ကူးသန်းရောင်းဝယ်ရေးတွင် ပြင်းထန်သော ကန့်သတ်ချက်များကြောင့် မြန်မာနိုင်ငံ၏ ကျပ်ငွေတန်ဖိုးသည် ၂၀၂၁ ခုနှစ်တွင် တစ်ဒေါ်လာလျှင် ၁၃၃၀ ကျပ်မှ ၂၀၂၅ ခုနှစ်တွင် ၄၅၂၀ သို့ ကျဆင်းသွားကာ သွင်းကုန်များ မတင်သွင်းနိုင်ဘဲ ဈေးနှုန်းများ မြင့်တက်လာခဲ့သည်။

ငွေကြေးခဝါချမှုနှင့် အကြမ်းဖက်ငွေကြေးထောက်ပံ့မှုတို့ကို တိုက်ဖျက်ရန် ပျက်ကွက်ခြင်းကြောင့် မြန်မာနိုင်ငံအား ငွေကြေးခဝါချမှုတိုက်ဖျက်ရေးအဖွဲ့(FATF) မှ အမည်ပျက်စာရင်းသွင်းထားခြင်းကြောင့် စီးပွားရေးအခြေအနေ ပိုမိုဆိုးရွားလာခဲ့သည်။ မြန်မာနိုင်ငံသည် တရားမဝင်စီးပွားရေး ဖွံ့ဖြိုးလာကာ ကမ္ဘာ့နိုင်ငံများထဲတွင် ဘိန်းဖြူထုတ်လုပ်သူနှင့် မက်သာဖက်တမင်း အများဆုံးထုတ်လုပ်သည့် နိုင်ငံဖြစ်လာခဲ့သည်။

နှစ်စဉ်ဒေါ်လာဘီလျံနှင့်ချီတန်ဖိုးရှိသော ကျောက်စိမ်းလုပ်ငန်းသည် စည်းကမ်းမဲ့စွာ ဆက်လက်တည်ရှိနေကာ အကျင့်ပျက်ခြစားမှုနှင့် သဘာဝပတ်ဝန်းကျင်ယိုယွင်းမှုကို ဖြစ်ပေါ်စေသည်။ တရားမဝင် လောင်းကစားမှု၊ လူကုန်ကူးမှုနှင့် လိမ်လည်လှည့်ဖြားမှု လုပ်ငန်းများသည် နိုင်ငံ၏ ထူထပ်သော နယ်နိမိတ်တစ်လျှောက်တွင် ထွန်းကားခဲ့သည်ဟုလည်း UNDP က ပြောသည်။

Ref , UN

Credit - Myanmar Transparency News Agency

#သတင်းဟင်းလေးအိုးကြီး

*လွတ်လပ်စွာ ပြောဆိုခွင့်ကို ထိန်းသိမ်း ကာကွယ်ခြင်း

အများပြည်သူတို့အနေနှင့် လွတ်လပ်သောသူများဖြစ်ဖို့ တိုင်းပြည်အုပ်ချုပ်ရာ၌ မိမိတို့သဘောဆန္ဒများပါ ပါဝင်နိုင်စေဖို့ဆိုလျှင် မိမိ ထင်မြင်ယူဆချက်များကို အများသူငါ ကြားသိအောင် လွတ်လပ်စွာ ပြောခွင့်ဆိုခွင့် ဖြန့်ဖြူးခွင့် ရှိလိုပေသည်။
သည့်အတွက် “လွတ်လပ်စွာပြောဆိုခွင့်’ ကို နိုင်ငံသားတို့၏ မူလ ရပိုင်ခွင့် တစ်ရပ်အဖြစ် ဖွဲ့စည်းပုံအခြေခံဥပဒေ၌ အခိုင်အမာ ပြဋ္ဌာန်းခြင်းအပြင် အဆိုပါ အခွင့်အရေးအား ဥပဒေပြုမဏ္ဍိုင်ကဖြစ်စေ၊ အုပ်ချုပ်ရေး မဏ္ဍိုင်ကဖြစ်စေ ကန့်သတ် ဖြတ်တောက်ခြင်း၊ တားမြစ်ပိတ်ပင်ခြင်းများ မပြုရအောင် တိတိကျကျ ကာကွယ် ပေးသော ပြဋ္ဌာန်းချက်မျိုးကိုလည်းယင်း၌ ထည့်သွင်းထားဖို့လိုသည်။

single ဖြစ်နေသူတွေအတွက် အိမ်မက်ဆိုးတွေကို ပေးမယ့် The Lobster (2015)....
David ဆိုတဲ့ သတ်လက်ပိုင်း ယောကျာ်း တစ်ယောက်ဟာ single ဖြစ်ချင်းက တရားမဝင်ဘူးလို့ သတ်မှတ်ထားတဲ့ universe တစ်ခုမှာ နေထိုင်တယ်
David ဟာ သူ့ရဲ့ မိန်းမက တခြား ယောကျာ်း တစ်ယောက်နဲ့ လိုက်ပြေးသွားတဲ့ အတွက် single တွေကို တွဲဘက်ရှာပေးတဲ့ ဟိုတယ် တစ်ခုကို မဖြစ်မနေ သွားခဲ့ရတယ်
ဒီဟိုတယ်မှာ နေထိုင်ကြသူ single တွေတိုင်းဟာ 45 ရက်အတွင်းမှာ ကိုယ့်ရဲ့ တွဲဖက်ဖြစ်လာမယ့် သူကို ရှာဖွေရတယ်
ဒီ 45 ရက်အတွင်းမှာ ကိုယ့်ရဲ့ တွဲဖက်ကို မရှာနိုင်ရင်တော့ ပြစ်ဒဏ် အနေနဲ့ လူအဖြစ်ကနေ တိရစ္ဆာန် တစ်ကောင် အဖြစ်ကို ပြောင်းလဲခံရတယ်
ဒါမဲ့ ကိုယ့်ရ​ဲ့ တွဲဖက်ကို ရှာဖို့ ပေးထားတဲ့ အချိန် 45 ရက်ကို ထပ်တိုးချင်ရင်တော့ rule တစ်ခု ရှိတယ်
အဲ့ဒါကတော့ ဟိုတယ်နားက တောတွေထဲမှာ တရားမဝင်နေထိုင်နေတဲ့ single တွေကို လိုက်လံ ရှာဖွေ သတ်ဖြတ်ရတယ် ရက်များများရချင်ရင် များများ သတ်ရတယ်
ဒီလို စည်းမျဉ်းတွေကို ကြောက်လို့ ဆိုပြီး ဟိုတယ်မှာတွေ့တဲ့ လူကို ကောက်တွဲလို့ မရဘူး
ကိုယ့့်ရဲ့ တွဲဖက်ဖြစ်လာမယ့် သူဟာ ကိုယ့်နဲ့ တူညီတဲ​့ အရာ တစ်ခုရှိကို ရှိနေရမယ်
ဥပမာ ကိုယ်တွဲဖက်ဖြစ်ချင်နေတဲ့ ကောင်မလေးက နှာခေါင်းသွေး လျှံတက်တဲ့ အကျင့်ရှိတယ်ဆိုရင်
ကိုယ့်ရဲ့ နှာခေါင်းကို နေ့စဉ် စားပွဲခုံနဲ့ ပြစ်ဆောင့်ပီး နှာခေါင်းသွေးလျှံအောင် အမြဲ လုပ်နေရတာမျိုး
အဲ့ဒါမှ ဒီကောင်မလေးနဲ့ တူညီတဲ့ အချက်ရှိပီး ဒီကောင်မလေးနဲ့ တွဲလို့ရမှာ
ဒါက အစပဲ ရှိပါသေးတယ် ဒီ ဟိုတယ်မှာ ရက်ကြာကြာနေလာတာနဲ့ အမျှ ဘယ်လောက်ထိ ရူးကြောင်ကြောင် နိုင်တဲ့ ကိစ္စတွေကို လုပ်ခိုင်းလာမှာလဲ
David တစ်ယောက် တိရစ္ဆာန် တစ်ကောင် ဖြစ်မသွားဖို့နဲ့ ဒီ ဟိုတယ်ကြီးကနေ လွတ်မြောက်အောင် ဘယ်လို ကြိုးစားသွားရမှာလဲ....?
weird but good ဆိုတဲ့ ရုပ်ရှင်ထဲမှာ The Lobster က ထိပ်ဆုံးကနေ ပါဝင်နေတယ်
2015 ခုနှစ်ထဲက ထွက်ရှိထားသလို နာမည်ကြီး ရုပ်ရှင်လဲ ဖြစ်တဲ့ အတွက် တော်တော်များများတော့ ကြည့်ပီးကြပီဖြစ်မှာပါ
ဒါမဲ့ မကြည့်ရသေးသူတွေ အတွက် ကော်ဖီ တစ်ခွက်ကို ဘေးနားချပီး ကြည့်ရှူရမယ့် psychological horror ရုပ်ရှင်ကောင်း တစ်ခု အဖြစ် ညွှန်းပေးလိုက်ရပါတယ်...

Part-5
*ဆရာနိုး အမှတ်တရ
မြန်မာနိုင်ငံတွင် ပထမဆုံး မြန်မာလူမျိုး ဘာသာဗေဒပညာရှင်ဟု ဆိုအပ်သည့် ဆရာကြီး ဦးဖေမောင်တင်က စ၍ရေတွက်လျှင် ဘာသာဗေဒကို စူးစူးစိုက်စိုက် လေ့လာသော မြန်မာလူမျိုးပညာရှင် အရေအတွက်မှာ အများဆုံး လက်ချောင်း ဆယ်ချောင်းဖြင့် ရေတွက်နိုင်သည့်ပမာဏသာ ရှိမည်ထင်ပါသည်။ များများစားစား မရှိပါ။ ထိုပညာရှင်များတွင် ဆရာနိုးသည် ရှေ့တန်းမှာထားအပ်သော ပညာရှင် တစ်ယောက် ဖြစ်သည်ဟု အလေးအမြတ်ခံယူမိပါသည်။ ဆရာနိုး၏ ဘာသာဗေဒ ဆိုင်ရာ ဆောင်းပါးများ၊ စာတမ်းများ၊ စာအုပ်များက ထိုအချက်ကို အထင်အရှား သက်သေပြနေပါသည်။
ကျွန်တော်က ဆရာနိုးကို 'မျက်နှာထားတင်းမာသော အပြုံးပိုင်ရှင်’ဟု ကိုယ့် သဘောနှင့်ကိုယ် ဝိသေသပြုမိသည်။ အထူးသဖြင့် ဆရာနိုးကို စပြီးတွေ့ဖူး မြင်ဖူးသော လူငယ်တပည့်များက ဆရာ့မျက်နှာထားကိုကြည့်ပြီးပြောဆိုဆက်ဆံဖို့မဝံ့မရဲဖြစ်တတ်ကြသည်။သဘောထားအယူအဆနှင့်ပတ်သက်၍ မငဲ့မကွက် တင်းတင်းမာမာ ရေးတတ်သော ဆရာ့အရေးအသားကြောင့် ကြောက်စရာကောင်း သူဟု ထင်သူများလည်း ရှိသည်။ ကျွန်တော်တို့နှင့် နှစ်ပေါင်းများစွာ ပြောဆို ဆက်ဆံရာတွင် လေသံလေးလေးအေးအေးဖြင့် ပြောရင်း လှစ်ခနဲပေါ်လာတတ်သော သူ့အပြုံးမျက်နှာကို မကြာခဏတွေ့မြင်ရသည်နှင့်အမျှ စိတ်ထဲမှာလည်း အမှတ်တရ ဖြစ်ရပါသည်။
မောင်ခင်မင် (ဓနုဖြူ)

ငယ်ငယ်တည်းက အသဲစွဲ Idol သင်ဇာဝင့်ကျော်ကိုခေါ်ပြီး မွေးနေ့မှာ Surprise လုပ်ပေးတာခံရတဲ့ မွေးနေ့ရှင် အမွှာ ညီအကို 🎉🥰🥰
ဇန်နဝါရီလ ၂၇ ရက်နေ့မှာကျရောက်တဲ့ မွေးနေ့ရှင် အမွှာ ညီအစ်ကိုရဲ့ မွေးနေ့ပွဲလေးကို ဖိတ်ကြားခံခဲ့ရတာပါ။ အဆိုပါ အမွှာညီအကိုဖြစ်သူဟာ သင်ဇာဝင့်ကျော်ရဲ့ Fan ဖြစ်တယ်လို့သိရပါတယ်။ သူတို့ရဲ့ မွေးနေ့မှာ Surprise ဖြစ်အောင် ချစ်သူက သင်ဇာဝင့်ကျော်ကို ဖိတ်ခေါ်ပေးခဲ့တာဖြစ်တယ်လို့ ပရိသတ်တွေက မှတ်ချက်ပေးခဲ့ကြတာပါ။ အဆိုပါ Surprise ဗီဒီယိုထဲမှာ အမွှာညီအကိုရဲ့ မျက်လုံးတွေကို စည်းနှောင်ထားပြီး ပြန်လည်ဖွင့်ခိုင်းချိန်မှာပဲ သင်ဇာဝင့်ကျော်ကို တွေ့ခဲ့ရတာကြောင့် အမွှာညီအကိုထဲက တစ်ဦးဖြစ်သူဟာ ပျော်ရွှင်အားရစွာနဲ့ သူ့ရဲ့ ချစ်သူကို ပြေးဖက်ခဲ့တာကြောင့်ပါ။ ပရိသတ်တွေထဲမှာရော ကိုယ့်ရဲ့ Idol ကို မွေးနေ့မှာသာ ဖိတ်ကြားခံရမယ်ဆိုရင် ဘယ်လောက်ပျော်နေမလဲဆိုတာ မှတ်ချက်ပေးသွားပေးကြပါဦးနော်။

#crd
#celenews