I'm obsessed 🫶

I'm obsessed 🫶

I'm obsessed 🫶

ယနေ့စက်သုံးဆီစျေးနှုန်း (၃၁-၁-၂၀၂၅)

ဓာတ်ဆီစျေး ၆၀ကျပ် ဝန်းကျင် ဈေးတက်ပြီး ဒီဇယ်စျေး ၄၅ ကျပ် ဝန်းကျင် စျေးကျသွားတဲ့ စက်သုံးဆီစျေးနှုန်းများ

စားဖူးသူတိုင်း အသည်းစွဲသွားမယ့် ခရမ်းသီး ပုစွန်‌ခြောက်ကြော်

နာမည်ကြီး အရံဟင်းတစ်မျိုးဖြစ်တဲ့ ခရမ်းသီး ပုစွန်ခြောက်ကြော်လုပ်နည်း‌လေး ပြောပြပါမယ်နော်။ လူတိုင်းအကြိုက်တွေ့တဲ့ ဟင်းလေးလဲဖြစ်လို့ မစားဖူးတဲ့သူများလဲ စမ်းစားကြည့်ဖို့ အကြံပေးချင်ပါတယ်။

ပါဝင်ပစ္စည်းများ
ခရမ်းသီး ၂ လုံး
ခနော်ကြက်သားမှုန့် လက်ဖက်ရည်ဇွန်း ၃ ဇွန်းခွဲ
ငံပြာရည် လက်ဖက်ရည်ဇွန်း ၁ ဝက်
ပုဇွန်ခြောက်မှုန့် လက်ဖက်ရည်ဇွန်း ၃ ဇွန်းခွဲ
ရှောက်ရွက် ၃ ရွက်
ဆီ ထမင်းစားဇွန်း ၂ ဇွန်း
ကြက်သွန်နီ ၁ လုံး
ကြက်သွန်ဖြူ ၃ မွှာ
ချင်း လက် ၁ ဆစ်
နနွင်းမှုန့် လက်ဖက်ရည်ဇွန်း ၁/၃ ဇွန်း
ချက်ပြုတ်ပြင်ဆင်ပုံ
ခရမ်းသီးတုံးလေးများကို အရသာဝင်စေရန် ခနောကြက်သားမှုန့် နှင့် သေချာနယ်နှပ်ထားပါ။

ဟင်းအနှစ်လုပ်ရန် ဆီကို အပူပေးပါ၊ ဆီပူလာပြီဆိုရင်တော့ ကြက်သွန်ဖြူ၊ကြက်သွန်နီ၊နနွင်းမှုန့်၊ ငံပြာရည်၊ ပုစွန်ခြောက်မှုန့် ငရုတ်သီးစိမ်း နှင့် ချင်း များကို အရောင်လှပြီး အနံ့မွှေးလာသည်အထိ ဆီသတ်ပါ။

ဆီသတ်ထားတဲ့ အိုးထဲကို ခရမ်းသီးတုံးများ ထည့်မွှေပါ။ ခရမ်းသီးတုံးများ နူးလာပြီဆိုရင် အရသာကိုမြည်းပြီး လိုအပ်ရင် ခနောကြက်သားမှုန့် ထပ်ဖြည့်လို့ရပါတယ်။

အားလုံးပြီးသွားရင်တော့ အရသာရှိတဲ့ ခရမ်းချဉ်သီးပုစွန်ခြောက်ဟင်းလေးကို ထမင်းပူပူလေးနဲ့ အားရပါးရသုံးဆောင်လို့ရပါပြီ။

စံချိန်သစ် ရေးထိုးလာတဲ့ စပါးစ်ရဲ့ ဆယ်ကျောက်သက်ကစားသမားမိုး
===================
စပါးစ်ဟာ ဒဏ်ရာပြဿနာများကြုံတွေ့နေပေမဲ့လည်း ဆယ်ကျော်သက် စံချိန်သစ်ရှင် မစ်ကီမိုးရဲ့ သွင်းဂိုးနဲ့အတူ အယ်ဘော့ကို အနိုင်ယူပြီး ၁၆ သင်းရှုံးထွက်အဆင့်သို့ တိုက်ရိုက်တက်ရောက်နိုင်ခဲ့ပါတယ်။
စပါးစ်ဟာ ဒဏ်ရာပြဿနာကြောင့် ကစားသမား ၁၂ ဦးအထိ မပါဝင်ခဲ့သလို ယခုပွဲရဲ့ ဒုတိယပိုင်း ဂိုးမရှိသရေကျနေချိန်မှာ လူစားဝင်လာတဲ့ နောက်ခံလူရာဒူးဒရာဂူဆင် ဒဏ်ရာထပ်မံ ရရှိသွားလို့ အခြေအနေ ပိုမို ဆိုးရွားလာပါမယ်။
ဒါပေမဲ့ စပါးစ်ဟာ လူစားဝင်လာတဲ့ အသက် ၂၀ နှစ်ရှိ ဒိန်းစကားလက်ရဲ့ မိနစ် ၇၀ ခေါင်းတိုက်ဂိုးဖြင့် ဦးဆောင်ဂိုးရခဲ့ပါတယ်။ ယင်းနောက် လူစားဝင်လာတဲ့ အသက် ၁၉ နှစ်ရှိ ဒါမိုလာအေဂျာယီရဲ့ ဂိုးဖြင့် ပွဲကို ၂-၀ ဖြင့် ဦးဆောင်နိုင်ခဲ့ပါတယ်။
ယင်းနောက် စပါးစ်အတွက် အပိတ်ဂိုးကို အသက် ၁၇ နှစ်ရှိ မိုးက အချိန်ပိုမှာ ပါဝါမြင့်ပြေးလွှားမှုနဲ့အတူ လှပတဲ့ ကန်ချက်နဲ့ အပိတ်ဂိုးသွင်းခဲ့ပါတယ်။
လန်ဒန်ဖွား မိုးဟာ အသက် ၁၇ နှစ်၊ ၁၇၂ ရက်ဖြင့် ဂိုးသွင်းနိုင်ခဲ့တာ ဖြစ်ပြီး ဥရောပပြိုင်ပွဲမှာ အသက်အငယ်ဆုံးဂိုးသွင်းယူသူအဖြစ် သမိုင်းစံချိန်သစ်ရေးထိုးလာပါတယ်။ သူဟာ စပါးစ်ဂန္ထဝင်တိုက်စစ်မှူးဂျမ်မီဂရေ့ဗ်(၁၇ နှစ်နှင့် ၂၄၅ ရက်၊ ၁၉၅၇ ခုနှစ်၊ အောက်တိုဘာ)စံချိန်အား ရိုက်ချိုးလာပါတယ်။
စပါးစ်ဟာ ဆွီဒင်ကလပ်အား အနိုင်ယူနိုင်မှုနှင့်အတူ ယူရိုပါလိဂ်မှာ အဆင့် ၄ နေရာမှာ ရပ်တည်နိုင်ပြီး ၁၆ သင်း ရှုံးထွက်အဆင့်သို့ တိုက်ရိုက်တက်ရောက်နိုင်ခဲ့ပါတယ်။
စပါးစ်ဟာ ဖေဖော်ဝါရီလမှာ ပလေးအော့ဖ်ကစားရမှာ မဟုတ်လို့ ရလဒ်ဆိုးရွားနေတဲ့ ပရီးမီးယားလိဂ်အပေါ် အာရုံစိုက်နိုင်ပါမယ်။
အန့်ပိုစတီကိုဂလူရဲ့ စပါးစ်ဟာ ၁၆ သင်းရှုံးထွက်အဆင့်မှာ ဆိုစီဒက်၊ ဂါလာတာစာရေး၊ အယ်ခ်မာ၊ မက်ဂျီလန်းတို့ထဲမှ တစ်သင်းသင်းနှင့် ရင်ဆိုင်ရပါမယ်

လူဝင်မှု မူဝါဒ ထရမ့်ပ်နှင့် တွေ့ဆုံဆွေးနွေးရန် ဖိလစ်ပိုင်သမ္မတ စီစဉ်

အမေရိကန်ပြည်ထောင်စုတွင် ရောက်ရှိနေသည့် ဖိလစ်ပိုင်နိုင်ငံသား အများအပြားအပေါ် အကျိုးသက်ရောက်လာနိုင်သော လူဝင်မှုကြီးကြပ်ရေး မူဝါဒ အရေးအပါအဝင် အခြားအရေးအရာများကို ဆွေးနွေးရန်အတွက် အမေရိကန်သမ္မတ ဒေါ်နယ်ထရမ့်ပ်နှင့် တွေ့ဆုံသွားမည်ဖြစ်ကြောင်း ဖိလစ်ပိုင်သမ္မတ ဖာဒီနန်မားကို့စ် ဂျူနီယာက ကြာသပတေးနေ့တွင် ပြောကြား လိုက်သည်။

လူဝင်မှုကြီးကြပ်ရေးနှင့် ပတ်သက်သည့် မူဝါဒများကို ချမှတ်ရာတွင် မည်ကဲ့သို့ ထိန်းချုပ် စီမံနိုင်မည်လဲဆိုသည်ကို မြင်တွေ့ရမှာဖြစ်ကြောင်း မားကို့စ်က ပြောဆိုခဲ့ပြီး တွေ့ဆုံဆွေးနွေးကြမည့် အချိန်ကို ထုတ်ပြောခြင်း မရှိပေ။

ဇန်နဝါရီလ ၂၀ ရက် နေ့ တွင် ရာထူး တာဝန်ကို စတင်ထမ်းဆောင်ခဲ့ပြီးနောက် ထရမ့်ပ်သည် တင်းကျပ်သော နယ်စပ်မူဝါဒ၊တင်းကျပ်သော ဗီဇာစိစစ်ခြင်းလုပ်ထုံးလုပ်နည်းများနှင့် အမေရိကန်ပြည်ထောင်စုရှိ အထောက်အထားမဲ့ ရွှေ့ပြောင်းနေထိုင်သူများကို နှိမ်နင်းရန် အ‌လေးပေးသည့် လူဝင်မှုကြီးကြပ်ရေးဆိုင်ရာ သမ္မတအမိန့်အများအပြားကို ကြေညာခဲ့သည်။

ရွှေ့ပြောင်းနေထိုင်မှုသုတေသနအဖွဲ့အစည်းတစ်ခုဖြစ်သည့် Think Tank Migration Policy Institute ၏ ၂၀၁၉ ခုနှစ် ခန့်မှန်းချက်အရ အမေရိကတွင် အထောက်အထားမဲ့ ဖိလစ်ပိုင်နိုင်ငံသား ၃၀၀,၀၀၀ ကျော်ရှိသည်ဟု ဆိုသည်။ အမေရိကန်ပြည်ထောင်စုတွင် ဖိလစ်ပိုင်ရွှေ့ပြောင်းနေထိုင်သူဦးရေ ၂ သန်းနီးပါးရှိသည်ဟု အမေရိကန်သန်းခေါင်စာရင်းဗျူရို၏ ၂၀၂၄ ခုနှစ် အစီရင်ခံစာအရ သိရသည်။

ဆွေးနွေးမည့် အကြောင်းအရာများနှင့် ပတ်သက်၍ သတင်းထောက်များကို ပြောကြားရာ၌ တရုတ်နိုင်ငံကသာ ရန်လိုပြီး တင်းမာသော အပြုအမူများနှင့် တောင်တရုတ်ပင်လယ်ရှိ နယ်မြေပိုင်ဆိုင်မှုရပ်တည်ချက်များကို ဖြေလျှော့လာခဲ့ပါက သူ့အနေဖြင့် တိုက်ဖွန်းဒုံးကျည်စနစ်ကို အမေရိကသို့ ပြန်ပို့သွားမည်ဖြစ်ကြောင်းလည်း ပါဝင်ခဲ့သည်။

၂၀၃၂ ခုနှစ်တွင် ကမ္ဘာကို တိုက်မိနိုင်သော ဥက္ကာခဲ ကျရောက်ထိခိုက်နိုင်သည့် နေရာပြမြေပုံထုတ်ပြန်

ဆယ်ထပ်တိုက်တစ်လုံးစာရှိသည့် ဥက္ကာခဲတစ်ခုသည် ၂၀၃၂ ခုနှစ်တွင် ကမ္ဘာမြေကို ဝင်ရောက်ထိခိုက်နိုင်ခြေ ရှိသဖြင့်၊ ၎င်းဥက္ကာခဲ ကျရောက် ထိခိုက်နိုင်သည့် နေရာများကိုပြသသည့်မြေပုံတစ်ခုကို ပညာရှင်များက ထုတ်ပြန်လိုက်သည်။

အသစ်တွေ့ရှိထားသော 2024 YR4 ဟုအမည်ပေးထားသည့် ဥက္ကာခဲသည် ဗျက် ၁၉၆ပေရှိပြီး၊ လက်ရှိတွင် ကမ္ဘာမှ မိုင်ပေါင်း ၂၇ သန်း ကွာဝေးသည်။ NASA ၏ NEO Studies Center အရ၊ ၎င်းသည် ၂၀၃၂ ခုနှစ် ဒီဇင်ဘာလ ၂၂ ရက်နေ့ကမ္ဘာနှင့် အနီးဆုံးချဉ်းကပ်မည့်အချိန်တွင် ကမ္ဘာကို တိုက်မိ ထိခိုက်နိုင်ခြေ ၈၃ ပုံ ၁ ပုံ ရှိသည်။

Catalina Sky Survey အင်ဂျင်နီယာနှင့် ဥက္ကာခဲလိုက်လံရှာဖွေသူ David Rankin က "ဒါဟာ အရွယ်အစားကြီးမားတဲ့ ကျောက်တုံးတစ်ခုရဲ့ ထိခိုက်နိုင်ခြေ အမြင့်ဆုံး ဖြစ်နိုင်ခြေတွေထဲက တစ်ခုပါ" ဟု ရေးသားခဲ့သည်။

သိပ္ပံပညာရှင်များက လက်ရှိတွင် ထိခိုက်နိုင်သည့် "အန္တရာယ်လမ်းကြောင်း" သည် တောင်အမေရိကမှ စတင်၍ အတ္တလန္တိတ်သမုဒ္ဒရာကို ဖြတ်ကျော်ကာ ဆာဟာရတောင်ပိုင်း အာဖရိကမှသည် အာရှိအထိ ရှိနိုင်သည်ဟု ဆိုသည်။ သို့သော် မသေချာမှုများ မြင့်မားနေဆဲဖြစ်ပြီး ခန့်မှန်းချက်များကို အတည်ပြုရန် လေ့လာမှုများ ပိုမိုလိုအပ်ကြောင်း ပညာရှင်များက ထောက်ပြသည်။

ထို့အပြင်၊ အချက်အလက်အသစ်များက ဥက္ကာခဲ ကမ္ဘာသို့ ထိခိုက်နိုင်ခြေကို လျော့ကျစေနိုင်သည်ဟု ၎င်းတို့က ဖြည့်စွက်ပြောကြားသည်။

ပုံစာ - ဥက္ကာခဲ ကျရောက်ထိခိုက်နိုင်သည့် နေရာများကို အနီရောင်မျဉ်းဖြင့်ပြသထားသည်။

cool