vivo ရဲ့ မူပိုင်နည်းပညာ BlueVolt Technology ပေါင်းစပ်ထားပြီး စွမ်းအားမြင့်ဘတ်ထရီပါဝင်လာမယ့် vivo Y29 ကို ဈေးကွက်ထဲ မကြာမီ ဝယ်ယူရရှိနိုင်ပါပြီ
နည်းပညာထိပ်တန်း ကုမ္ပဏီတစ်ခုဖြစ်တဲ့ vivo ဟာဆိုရင် လူငယ်အကြိုက် ခေတ်မီဆန်းသစ်တဲ့ ဒီဇိုင်း၊ စွမ်းအားမြင့်ဘတ်ထရီနဲ့ အကြမ်းခံနိုင်ရည်တို့ပေါင်းစပ်ထားတဲ့ vivo Y series ထဲက Y29 ကို မိတ်ဆက်ခဲ့ပြီး Storage (8+128G ကို ၇၉၉,၈၀၀ ကျပ်၊ (8+256G ကို ၈၉၉,၈၀၀ ကျပ်ဆိုပြီး ဗားရှင်းနှစ်မျိုးနဲ့ ဈေးကွက်ထဲမှာ မကြာခင် ဝယ်ယူရရှိနိုင်တော့မှာ ဖြစ်ပါတယ်။
လူငယ်ဆန်ပြီး စတိုင်ကျခေတ်မီတဲ့ ဒီဇိုင်းနဲ့ မျက်နှာပြင်
vivo Y29 ဟာဆိုရင် ခေတ်မီဆန်းသစ်ပြီး လူငယ်တွေကြားရေပန်းစားနေတဲ့ အသွင်အပြင်၊ အရောင်တွေကို ပေါင်းစပ်ထုတ်လုပ်ထားတာပါ။ ကိုယ်ထည်ပါးလွှာကျစ်လစ်ရုံသာမက လက်ထဲမှာ သက်သောင့်သက်သာဖြစ်စေဖို့ အနောက်ဖက်ကို Quad Curved ဒီဇိုင်းနဲ့ လုပ်ပေးထားပြီး ဘေးဘောင်တွေကို ပြောင်လက်တဲ့ ဒီဇိုင်းနဲ့ ပုံဖော်ထားပါတယ်။ vivo Y29 ကို အရောင်အနေနဲ့ အဆင့်အတန်းမြင့်ပြီး ထူးခြားခမ်းနားတဲ့ Espresso Brown ၊ လက်ရာမထင်တဲ့ Glitter Anti-Fingerprint Process နဲ့ ရရှိနိုင်မှာဖြစ်ပြီး တိမ်တိုက်တွေကြားထဲမှာ နေရောင်ခြည်ဖြာကျနေသလို သဘာဝရဲ့သန့်စင်တဲ့ အလှတရားကိုဖော်ပြတဲ့ Cloud White ဆိုပြီး နှစ်မျိုးရရှိနိုင်မှာ ဖြစ်ပါတယ်။
vivo Y29 က ၆.၆၈ လက်မ မျက်နှာပြင်ရှိပြီး 120Hz refresh rate ပါဝင်တာကြောင့် ချောချောမွေ့မွေ့ သုံးစွဲနိုင်မှာပါ။ နေရောင်အောက်မှာ အသုံးပြုနိုင်ဖို့ အလင်းအားကို 1000 Nits အထိ အလင်းအားထုတ်ပေးနိုင်ပါတယ်။ TUV Rheinland Eye Protection အသိအမှတ်ပြုလက်မှတ်ရရှိထားပြီး ဖုန်းအကြာကြီးသုံးရင်လည်း မျက်လုံးထိခိုက်မှုကို ကာကွယ်ပေးနိုင်ပါတယ်။ ဒါ့အပြင် SCHOTT Cover Glass ကို တပ်ဆင်ထားတာကြောင့် ဖုန်းမျက်နှာပြင်က နေ့စဉ်ဘဝမှာဖြစ်လေ့ရှိတဲ့ မတော်တဆများမှ ထိခိုက်မှုတွေကို ခံနိုင်ရည်ရှိပါတယ်။
Y series ထုတ်ကုန်တွေထဲမှာ 6500mAh BlueVolt Battery ပထမဆုံးပါဝင်လာတဲ့ Y29
vivo ရဲ့ BlueVolt နည်းပညာကို vivo ထုတ်ကုန်တွေမှာ ထည့်သွင်းအသုံးပြုနေတာဖြစ်ပြီး အခု ပထမဆုံးအနေနဲ့ vivo Y29 မှာတော့ 6500mAh ဘတ်ထရီပါဝင်လာပြီး BlueVolt နည်းပညာကိုပါ ပေါင်းစပ်ထားတာပါ။ ဘတ်ထရီပမာဏအနေနဲ့ YouTube ကြည့်ရင် နာရီ ၄၀ ကျော်၊ TikTok သုံးရင် ၁၉ နာရီအထက် သုံးစွဲနိုင်မှာဖြစ်တာကြောင့် သုံးစွဲသူတွေအနေနဲ့ အနှောက်အယှက်မရှိဘဲ သုံးစွဲနိုင်မှာပဲဖြစ်ပါတယ်။ အမြန်အားသွင်းစနစ်အနေနဲ့ 44W FlashCharge စနစ်ပါဝင်ပြီး အား ၅၀ ရာခိုင်နှုန်းပြည့်ဖို့ ၄၁ မိနစ်ပဲ ကြာမြင့်မှာဖြစ်ပြီး ၁၀၀ ရာခိုင်နှုန်းပြည့်ဖို့ ၉၂ မိနစ်ပဲ ကြာမြင့်မှာပါ။ ဒါ့အပြင် vivo Y29 မှာ reverse charging အားသွင်းစနစ်ပါဝင်တာကြောင့် အခြားပစ္စည်းတွေကို အားပြန်သွင်းနိုင်မှာ ဖြစ်ပါတယ်။
ဘတ်ထရီနည်းပညာတွေရဲ့ ရှေ့ဆောင်ဖြစ်တဲ့ Carbon Recomposition၊ Electrode Reshaping နဲ့ Laser Etching နည်းပညာတွေက ဘတ်ထရီတည်ဆောက်ပုံ၊ စွမ်းအားတိုးမြှင့်ခြင်း၊ မြန်ဆန်သောစွမ်းအားကူးပြောင်းခြင်း စတာတွေကို လုပ်ဆောင်ပေးပါတယ်။ vivo ရဲ့ မူပိုင်နည်းပညာတစ်ခုဖြစ်တဲ့ Battery Encapsulation Technology ဟာဆိုရင် သိပ်သည်းကျစ်လစ်တဲ့ ဘတ်ထရီကို ပါးလွှာတဲ့ဘတ်ထရီကိုယ်ထည် ဝင်ဆံ့နိုင်ဖို့ လုပ်ဆောင်ထားတာပါ။ ဒါ့အပြင် ဘတ်ထရီက ၅ နှစ်ကြာ ဘတ်ထရီအရည်အသွေးကို ထိန်းသိမ်းထားနိုင်ပါတယ်။ အကြိမ် ၁၅၀၀ အားသွင်းပြီးရင်တောင် ဘတ်ထရီကို ၈၀ ရာခိုင်နှုန်းအထိရှိနေအောင် လုပ်ဆောင်ပေးနိုင်မှာပါ။
ဘက်စုံအကြမ်းခံနိုင်မှုနဲ့ လုပ်ဆောင်ချက် စွမ်းဆောင်ရည်
ဈေးတန်းတူဖုန်းတွေကြား အရည်အသွေးနဲ့လုပ်ဆောင်ချက် သာလွန်အောင်လုပ်ဆောင်ထားတဲ့ Y29 ကို မတော်တဆပြုတ်ကျမှုတွေက ခံနိုင်ရည်ရှိစေဖို့ Anti-Drop Armor Design နဲ့ လုပ်ဆောင်ထားပါတယ်။ SGS Five-Star Drop Resistance နဲ့ Military-Grade certification တိုကိုလည်း ရရှိထားတာပါ။ ဒါ့အပြင် IP64 Dust and Water Resistance ပါဝင်တာကြောင့် နေ့စဉ်ကြုံတွေ့နေရတဲ့ ရေစင်ဒဏ်၊ ဖုန်ဒဏ်တွေကို ကာကွယ်ပေးနိုင်ပါတယ်။ Wet-Hand Touch နည်းပညာဟာဆိုရင် ဘယ်အခြေအနေမှာမဆို ရေစိုနေတဲ့လက်၊ ဆီပေနေတဲ့လက်တွေနဲ့ အလွယ်တကူ ချက်ချင်းလုပ်ဆောင်နိုင်မှာဖြစ်ပါတယ်။
လုပ်ဆောင်ချက်ချောမွေ့စေဖို့ Snapdragon 685 ကို တပ်ဆင်ထားပြီး အက်ပလီကေးရှင်းများစွာကို တစ်ပြိုင်နက်တည်း သုံးစွဲနိုင်တဲ့အပြင် စွမ်းဆောင်ရည်ကိုလည်း လ ၅၀ ကြာ ချောမွေ့တဲ့ သုံးစွဲမှုအတွေ့အကြုံကို ပေးစွမ်းနိုင်မှာပါ။ အသံလုပ်ဆောင်ချက်အတွက်လည်း Dual Stereo Speaker 400% ပေါင်းစပ်ထားတာကြောင့် သာလွန်တဲ့ အသံစွမ်းရည်ကို ဂိမ်းကစားခြင်း၊ လမ်းညွှန်ခြင်း၊ သီချင်းနားထောင်ခြင်းနဲ့ ရုပ်ရှင်ကြည့်ခြင်းတွေကနေမှတဆင့် ခံစားနိုင်မှာဖြစ်ပါတယ်။ AI နည်းပညာနဲ့ လိုင်းဆွဲအားကောင်းစေရဖို့ အထောက်အပံ့ပေးတဲ့ AI SuperLink ကိုလည်း တပ်ဆင်ပေးထာပါတယ်။
