❝ကြိုတင်ဆန္ဒမဲပေးနိုင်ရန်အတွက် ပုံစံ(၁၅)များ လက်ခံခြင်းကို ရက် ထပ်မံတိုးမြှင့်သတ်မှတ်❞
အောက်တိုဘာ ၁၃
ပြည်ပနိုင်ငံများတွင် ရောက်ရှိနေသော ဆန္ဒမဲပေးပိုင်ခွင့်ရှိသူ မြန်မာ နိုင်ငံသားမဲဆန္ဒရှင်များ လာမည့်ရွေးကေူက်ပွဲတွင် ကြိုတင်ဆန္ဒမဲပေးနိုင်ရန်အတွက် ပုံစံ(၁၅)များ လက်ခံခြင်းကို ရက် ထပ်မံတိုးမြှင့်သတ်မှတ်လိုက်ကြောင်း ဂျပန်နိုင်ငံ၊ တိုကျိုမြို့ရှိ မြန်မာသံရုံးက ယနေ့ အောက်တိုဘာ ၁၂ ရက်တွင် အသိပေးထုတ်ပြန်ထုတ်ပြန်ထားသည်။
တိုကျိုမြို့ရှိ မြန်မာသံရုံးအနေဖြင့် ဂျပန်နိုင်ငံ၌ ရောက်ရှိနေကြသော ဆန္ဒမဲပေးပိုင်ခွင့်ရှိသူ မြန်မာနိုင်ငံသားမဲဆန္ဒရှင်များမှ ကြိုတင်ဆန္ဒမဲပေးနိုင်ရန်အတွက် ဖြည့်စွက်ပြီး ပုံစံ(၁၅)များ လက်ခံခြင်းကို အောက်တိုဘာ ၆ ရက်နေ့အထိ ရက်တိုးမြှင့် လက်ခံဆောင်ရွက်ပေးသွားမည်ဖြစ်ကြောင်း ယခင်က အသိပေးထုတ်ပြန်ခဲ့သည်။
ယခုအခါ နိုင်ငံပြင်ပတွင် ရောက်ရှိနေပြီး ကြိုတင်ဆန္ဒမဲပေးပိုင်ခွင့်ရှိသည့် နိုင်ငံသားများ ကျန်ရှိမှုမရှိစေရေးအတွက် မြန်မာသံရုံး၊ တိုကျိုမြို့အနေဖြင့် ဖြည့်စွက်ပြီး ပုံစံ(၁၅)များ လက်ခံခြင်းကို အောက်တိုဘာ ၁၅ ရက်နေ့အထိ ရက်တိုးမြှင့် လက်ခံဆောင်ရွက်ပေးသွားမည်ဖြစ်ကြောင်း ထပ်မံအသိပေးထားခြင်းဖြစ်သည်။
အလားတူ ယခုအသိပေးကြေညာချက်ကို မိမိတို့နှင့်နီးစပ်ရာ မြန်မာနိုင်ငံသားများထံ ဖြန့်ဝေအသိ ပေးနိုင်ရန်လည်း မေတ္တာရပ်ခံ တိုက်တွန်းနှိုးဆော်ထားသည်။
#သတင်းဟင်းလေးအိုးကြီး
