◼ စူပါတိုင်ဖွန်းမုန်တိုင်းရင်ဆိုင်ရန်ဖိလစ်ပိုင်နှင့်ထိုင်ဝမ်တွင် ကြိုတင်ရွှေ့ပြောင်းမှုများလုပ်ဆောင်
စူပါတိုင်ဖွန်းမုန်တိုင်း ‘ရာဂါဆာ’ ချဉ်းကပ်လာနေစဉ် ရေကြီးမှုများ မြေပြိုမှုများဖြစ်ပေါ်လာနိုင်သဖြင့် ကြိုတင်ရွှေ့ပြောင်းမှုများ လုပ်ဆောင်ကြရန် ဖိလစ်ပိုင်နှင့် ထိုင်ဝမ်အစိုးရ တာဝန်ရှိသူများက ယနေ့ တွင် အမိန့်ထုတ်ပြန်ထားသည်။
တရုတ်နိုင်ငံ‌တောင်ပိုင်းကိုလည်း ရိုက်ခတ်နိုင်သော စူပါမုန်တိုင်းသည် အလျင်အမြန်ပင် ပိုမိုအင်အားကောင်းလာခဲ့ပြီး အင်္ဂါနေ့ နေ့လယ်ခန့်တွင် လူနေကျဲပါးသော ဘာတာနက်စ် ဆီ ဘာဘူယန်ကျွန်းဒေသများမှ ကုန်းတွင်းသို့ ဝင်ရောက်လာနိုင်ကြောင်း ဖိလစ်ပိုင်မိုးလေဝသဌာနက ပြောကြားသည်။
အနောက်စူးစူး ဖိလစ်ပိုင်နိုင်ငံဖက်သို့ ရွေ့လျားလာနေသော မုန်တိုင်းသည် ဗဟိုချက်တွင် လေတိုက်နှုန်းတစ်နာရီ ၁၈၅ ကီလိုမီတာရှိပြီး တစ်ခါတစ်ရံ ကီလိုမီတာ ၂၃၀ အထိ ရောက်ရှိနိုင်ကြောင်း ဖိလစ်ပိုင် မိုးလေဝသဌာနက ပြောသည်။
အန္တရာယ်ရှိသောဇုန်များမှ မိသားစုများကို ဖယ်ရှားရေးအတွက် ဒေသခံအရာရှိများက အချိန်မဖြုန်းသင့်ကြောင်း ပြည်ထဲရေးဝန်ကြီး ဂျွန်ဗစ်ရီမူလာ က ထုတ်ပြန်ချက်တွင် ပြောကြားသည်။
ထိုင်ဝမ်တွင်လည်း နိုင်ငံအရှေ့ပိုင်း ဟူလီယန်ဒေသမှ လူပေါင်း ၃၀၀ ခန့်ကို ဘေးလွတ်ရာရွှေ့ပြောင်းသွားမည်ဖြစ်ကြောင်း နှင့် မုန်တိုင်း၏ရွေ့လျားမှုပေါ်ကြည့်ပြီး ရွေးပြောင်းမည့်အရေအတွက် ပြောင်းလဲသွားနိုင်ကြောင်း တာဝန်ရှိသူများက ပြောကြားသည်။
“ ဒီနေ့ညမှာ တိုင်ဖွန်းကုန်းတွင်းဝင်မယ့် သတိပေးချက်ကို ထုတ်ပြန်မယ်လို့ ခန့်မှန်းပါတယ်။ မနက်ဖြန် မနက် ၆ နာရီလောက်မှာတော့ မုန်တိုင်းက ထိုင်ဝမ်ကမ်းလွန်ကို ချဉ်ကပ်လာပါလိမ့်မယ်” ထိုင်ဝမ်ဗဟိုမိုးလေဝသဌာနက ပြောကြားသည်။
ကျွန်းစုနိုင်ငံဖိလစ်ပိုင်၏ လူနေအထူထပ်ဆုံး လူဇွန်ကျွန်းမြောက်ပိုင်းတွင် ကြီးမားပြင်းထန်သောရေကြီးမှုများ ၊ မြေပြိုမှုများဖြစ်ပေါ်နိုင်ကြောင်း ဖိလစ်ပိုင်ရာသီဥတုကျွမ်းကျင်သူ ဂျွန်ဂရင်ဒါအယ်မာရီယို က ယနေ့ သတင်းစာရှင်းလင်းပွဲတွင် ပြောကြားသည်။
စူပါတိုင်ဖွန်း၏ ရိုက်ခတ်မှုများကို ယနေ့ညမှ စတင်ခံစားရပြီး မနက်ဖြန်မနက် ၈ နာရီခန့်တွင် အဆိုးဆုံးဖြစ်မည်ဟု မျှော်လင့်ကြောင်း အယ်မာရီယို က ဆက်ပြောသည်။
ရာဂါဆာမုန်တိုင်းကြောင့် အင်္ဂါနေ့နှင့် ဗုဒ္ဒဟူးနေ့တွင် ဟောင်ကောင်၏ ရာသီဥတု တဖြည်းဖြည်း ဆိုးရွားလာနိုင်ကြောင်း နှင့် ၂၀၁၈ ခုနှစ် က ဝင်ရောက်ခဲ့သည့် အင်အားပြင်း ‘မန်ခတ်’ မုန်တိုင်းကဲ့သို့ လေပြင်းတိုက်ခတ်မှုများ ၊ မုန်တိုင်းဒီရေလှိုင်းများ ဖြစ်ပေါ်လာနိုင်ကြောင်း ဟောင် ကောင်မိုး လေဝသဌာနက ယနေ့ ထုတ်ပြန်သတိပေးထားသည်။
သတင်း-ရဲမင်း
ကိုးကား-AFP
#နိုင်ငံတကာသတင်း

◾️ထီးဖြူဆောင်းတရားဟောသည့် ပိဋကတ်သုံးပုံ မယ်တော်ကြီးဆိုသူ အမျိုးသမီးဖမ်းဆီးခံရ
မွန်ပြည်နယ်၊ မုဒုံမြို့မှ ထီးဖြူဆောင်းတရားဟောသည့် ပိဋကတ်သုံးပုံ မယ်တော်ကြီးဆိုသူအမျိုးသမီးတစ်ဦးကို ယမန်နေ့(စက်တင်ဘာ ၂၀ ရက်)က ဖမ်းဆီးထိန်းသိမ်းခဲ့ကြောင်း ဒေသခံများထံမှသိရသည်။
အဆိုပါအမျိုးသမီးမှာ မွန်ပြည်နယ်၊ မုဒုံမြို့ ၊ နှီးပဒေါကျေးရွာ၌ သာသနာ့အဆောက်အဦဆောက်ပြီး ယင်း အဆောက်အဦအတွင်း ထီးဖြူမိုးထားသည့်ပလ္လင်ပေါ်တက်၍ တရားဟောနေသည်ကို လူမှုကွန်ရက် စာမျက်နှာတွင် ပြန့်နှံ့ခဲ့ပြီးနောက် မုဒုံမြို့နယ်၊ သံဃနာယကအဖွဲ့ရုံးသို့ လာရောက် ဖြေရှင်းရန် ရပ်ကျေးအုပ်ချုပ်ရေးအဖွဲ့မှတစ်ဆင့် စာ‌ပေးပို့အကြောင်းကြားခဲ့သော်လည်း ဖုန်းလက်ခံဖြေဆိုခြင်းမရှိသကဲ့သို့ လူကိုယ်တိုင်လာရောက်ဖြေရှင်းခြင်းမရှိသဖြင့်သံဃနာယက ဆရာတော်များအပါအဝင် သက်ဆိုင်ရာလုံခြုံ‌ရေးတပ်ဖွဲ့ဝင်များနှင့်တာဝန်ရှိသူများက သွားရောက် ဖမ်းဆီးခဲ့ခြင်းဖြစ်သည်။
“ဓမ္မစက်၊ အာဏာစက် နှစ်ရပ်ပေါင်းစပ်ကာ ဗုဒ္ဓဘာသာဝင်အများကို စိတ်သောကဖြစ်စေခဲ့သော ပိဋကတ်သုံးပုံ မယ်တော်ကြီးအား လုပ်ထုံးလုပ်နည်းနှင့်အညီ စက်တင်ဘာ ၂၀ ရက်၊ ညနေ ၄ နာရီ အချိန်တွင်ထိန်းသိမ်းလိုက်ပြီဖြစ်ပါသည်” ဟု လမင်းဆရာတော်ကမိန့်ကြားထားသည်။
ဖမ်းဆီးခံရသူအမျိုးသမီးမှာ မွန်ပြည်နယ်အတွင်းရှိ ရေးမြို့နှင့် ချောင်းဆုံမြို့တို့တွင် တရားဟောခြင်း များပြုလုပ်ခဲ့ပြီး ဒေသခံများကမောင်းထုတ်၍ နေရာပြောင်းနေထိုင်ကြောင်း၊ ၎င်းအားရာဇသတ်ကြီး ပုဒ်မ ၂၉၅ ဖြင့် အမှုဖွင့်အရေးယူရန် မုဒုံမြို့နယ်ရဲစခန်းတွင် ထိန်းသိမ်းထားကြောင်းသိရသည်။
ရာဇသတ်ကြီး ပုဒ်မ -၂၉၅ ဆိုသည်မှာ လူတစားကိုးကွယ်သည့် ဘာသာသာသနာကို စော်ကားရန် အကြံဖြင့်ဖြစ်စေ၊ ကိုးကွယ်ဝတ်ပြုသော နေရာကိုသော်လည်းကောင်း၊ အထွဋ်အမြတ်ထားသော အရာဝတ္ထုကိုသော်လည်းကောင်း၊ ဖျက်ဆီးခြင်းသည်၊ သို့တည်းမဟုတ် ပျက်စီးနစ်နာစေခြင်းသည်၊ သို့တည်းမဟုတ် ယုတ်ညံ့စေခြင်းသည်၊ ထိုဘာသာသာသနာကိုစော်ကားသည်ဟု လူတစားကယူဆ တန်ရာသည်ကို သိလျက်နှင့်ဖြစ်စေ မည်သူမဆို၊ ထိုလူတစားက ဘာသာသာသနာရေးဆိုင်ရာ ကိုးကွယ် ဝတ်ပြုသော နေရာကိုသော်လည်းကောင်း၊ အထွဋ်အမြတ်ထားသောအရာဝတ္ထုကိုသော်လည်းကောင်း၊ ဖျက်ဆီးလျှင်၊ သို့တည်းမဟုတ် ပျက်စီးနစ်နာစေလျှင်၊ သို့တည်းမဟုတ် ယုတ်ညံ့စေလျှင် ထောင်ဒဏ် ၂ နှစ်သာမက ငွေဒဏ်ပါချမှတ်ခံရနိုင်သည့်ပုဒ်မဖြစ်သည်။
ပြီးခဲ့သည့်စက်တင်ဘာ ၁၄ ရက်တွင်လည်း ဗုဒ္ဓဘာသာအားအကြည်ညိုပျက်စေသည်ဟုဆိုကာ DJ Violet အပါအဝင်လေးဦးအား ရာဇသတ်ကြီးပုဒ်မ ၅၀၅-က ဖြင့် အရေးယူထားကြောင်း ပြန်ကြားရေးဝန်ကြီးဌာနကထုတ်ပြန်ထားသည်။
သတင်း - အင်ကြင်း
#ပြည်တွင်းသတင်း

#ယနေ့ထုတ်သတင်းစာ_နိုင်ငံတကာသတင်း
◼ မောင့်လီဝိုတိုဘီလာကီ-လာကီမီးတောင် ပေါက်ကွဲ၊ ချော်ပြာများ မှုတ်ထုတ်
အင်ဒိုနီးရှားနိုင်ငံအရှေ့ပိုင်းရှိ မောင့်လီဝိုတိုဘီလာကီ- လာကီမီးတောင်သည် စက်တင်ဘာ ၁၉ ရက်တွင် ပေါက်ကွဲမှုများအကြိမ်ကြိမ်ဖြစ်ပွားခဲ့ပြီးမီးတောင်ပြာမှုန့်များကို အမြင့် ၂ ဒသမ ၅ ကီလိုမီတာအထိ မှုတ်ထုတ်ခဲ့ကြောင်း သိရသည်။
အထက်ပါ ပေါက်ကွဲမှုများ ဖြစ်ပွားခဲ့ပြီးနောက် အင်ဒိုနီးရှားအာဏာပိုင်များသည် မောင့်လီဝိုတိုဘီလာကီ- လာကီမီးတောင်အတွက် အန္တရာယ်သတိပေးချက်အဆင့်ကို အမြင့်ဆုံးသို့ မြှင့်တင်ခဲ့ရ သည်။
အမြင့် ၁၅၈၄ မီတာရှိသော မောင့်လီဝိုတိုဘီ လာကီ- လာကီမီးတောင်သည် အင်ဒိုနီးရှားအရှေ့ပိုင်းဖလောရပ်စ်ကျွန်းပေါ်၌ တည်ရှိသည်။
အဆိုပါ မီးတောင်ပေါက်ကွဲမှုကြောင့် ပေါ်ထွက်လာသည့် မီးတောင်ချော်ပြာများသည် လေဆိပ်များ၏ လုပ်ငန်းလည်ပတ်မှုနှင့် လေကြောင်းလမ်းများအပေါ် ဆိုးကျိုးသက်ရောက်မှုရှိလာနိုင် ကြောင်း အင်ဒိုနီးရှားတာဝန်ရှိသူများက သတိပေးထားသည်။
ယခုနှစ်ဇူလိုင်လကလည်း မောင့်လီဝိုတိုဘီလာကီ- လာကီမီးတောင်ပေါက်ကွဲခဲ့ပြီး မီးတောင်ချော်ပြာများကို အမြင့် ၁၈ ကီလိုမီတာအထိ မှုတ်ထုတ်ခဲ့ရာ လေကြောင်းခရီးစဉ် ၂၄ ခု ဖျက်သိမ်းခဲ့ရဖူးသည်။
ရိုက်တာ

#ယနေ့ထုတ်သတင်းစာ_သတင်း
◼ တာ့ခ်ခရိုင်တွင် ဆိုင်ကယ်များဖြင့် တရားမဝင်ဝင်ရောက်လာသည့် မြန်မာ ၂၀ အဖမ်းခံရ
ထိုင်းနိုင်ငံ တာ့ခ်ခရိုင် မဲဆောက်မြို့နယ်တွင် ဆိုင်ကယ်လေးစီးဖြင့် တရားမဝင်ဝင်ရောက်လာသည့် မြန်မာနိုင်ငံသား ၂ဝ ကို စက် တင်ဘာ ၁၈ ရက်ညတွင် နယ်စပ်တပ်ဖွဲ့များကဖမ်းဆီးခဲ့ကြောင်း သိရ သည်။
မဲဆောက်မြို့နယ် ဘန်ဝမ်ကဲရွာအနီးရှိ မြစ်တစ်လျှောက် ရာ့ချ်မာနူ အထူးတပ်ဖွဲ့ကင်းလှည့်စဉ်အတွင်း မြန်မာနိုင်ငံသား ၂ဝ၊ အမျိုးသား ရှစ်ဦး၊ အမျိုးသမီးကိုးဦးနှင့် ကလေးသုံးဦးအား မော်တော်ဆိုင်ကယ်လေးစီးဖြင့် တွေ့ရှိခဲ့ခြင်းဖြစ်ကြောင်း စက်တင်ဘာ ၂ဝ ရက်က နရဲစွမ်အထူးတပ်ဖွဲ့ (Naresuan Task Force) က ထုတ်ပြန်ထားသည်။
မြန်မာနိုင်ငံသား ၂၀ သည် တရားဝင်ခွင့်ပြုချက် စာရွက်စာတမ်း မပါရှိဘဲ နယ်စပ်လမ်းကြောင်းမှ ဝင်ရောက်လာကြောင်း ဝန်ခံခဲ့သည့်အတွက် ဥပဒေအရအရေးယူနိုင်ရန် သက်ဆိုင်ရာရဲစခန်းသို့လွှဲပြောင်းခဲ့ကြောင်း သိရသည်။
ပြီးခဲ့သည့် စက်တင်ဘာ ၁၆ ရက်မနက်ကလည်း ကန်ချနဘူရီပြည်နယ် သောင်ဖာဖုမ်မြို့နယ်တွင် တရားမဝင် ဝင်ရောက်သည့် မြန်မာနိုင်ငံသား ၁၁၃ ဦးအား ဖမ်းမိခဲ့ကြောင်း ထိုင်းစစ်တပ်၏ ထုတ်ပြန်ချက်အရ သိရသည်။
ဓာတ်ပုံ - Naresuan Task Force

#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၉ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၂၄၅ ကျပ်
ဝယ်ဈေး - ၄၁၆၀ ကျပ်
-စင်္ကာပူဒေါ်လာ
ရောင်းဈေး - ၃၃၀၀ ကျပ်
ဝယ်ဈေး - ၃၂၃၅ ကျပ်
-ယူရို
ရောင်းဈေး - ၄၉၈၀ ကျပ်
ဝယ်ဈေး - ၄၈၈၀ ကျပ်
-ထိုင်းဘတ်
ရောင်းဈေး - ၁၃၃.၃၃ ကျပ်
ဝယ်ဈေး - ၁၃၀.၇၂ ကျပ်
-မလေးရှားရင်းဂစ်
ရောင်းဈေး - ၁၀၀၈ ကျပ်
ဝယ်ဈေး - ၉၈၈ ကျပ်
-တရုတ်ယွမ်
ရောင်းဈေး - ၅၉၇ ကျပ်
ဝယ်ဈေး - ၅၈၅ ကျပ်
-ဂျပန်ယန်း
ရောင်းဈေး - ၂၈.၆၁ ကျပ်
ဝယ်ဈေး - ၂၈.၀၅ ကျပ်
-အိန္ဒိယရူပီး
ရောင်းဈေး - ၄၈.၁၉ ကျပ်
ဝယ်ဈေး - ၄၇.၂၄ ကျပ်
-ကိုရီးယားဝမ်
ရောင်းဈေး - ၃.၀၅ ကျပ်
ဝယ်ဈေး - ၂.၉၉ ကျပ်
-စတာလင်ပေါင်
ရောင်းဈေး - ၅၇၁၅ ကျပ်
ဝယ်ဈေး - ၅၆၀၅ ကျပ်
-ဩစတြေးလျဒေါ်လာ
ရောင်းဈေး - ၂၇၉၇ ကျပ်
ဝယ်ဈေး - ၂၇၄၂ ကျပ်
-ကနေဒါဒေါ်လာ
ရောင်းဈေး - ၃၀၇၇ ကျပ်
ဝယ်ဈေး - ၃၀၁၇ ကျပ်
-ဟောင်ကောင်ဒေါ်လာ
ရောင်းဈေး - ၅၄၇ ကျပ်
ဝယ်ဈေး - ၅၃၆ ကျပ်
-ယူအေအီး
ရောင်းဈေး - ၁၁၅၆ ကျပ်
ဝယ်ဈေး - ၁၁၃၃ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

သီတင်းကျွတ် လပြည့်နေ့အတွက် plan

#ရွှေဈေး
-ကမ္ဘာ့ရွှေဈေး
တအောင်စ ၃၆၈၉ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၉၈၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
* စနစ်ဟောင်း
(၁ိ - ၁၆.၆၀၆ ဂရမ် = ၁၂၈ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၉၆၀၀၀၀ ကျပ်
ဝယ်ဈေး ၇၉၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၇၅၆၀၀၀၀ ကျပ်
ဝယ်ဈေး ၇၅၂၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၈၄၀၀၀၀ ကျပ်
ဝယ်ဈေး ၇၈၀၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၇၄၄၀၀၀၀ ကျပ်
ဝယ်ဈေး ၇၄၀၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

ကိုယ့်အချစ်က
စံပယ်ပန်းလိုအချစ်မို
မင်းပိုင်ဆိုင်ချိန်မှာ သင်းပျံ့နေမှာပါ။

ကိုယ့်အချစ်က
ခရေပန်းလိုအချစ်မို
မင်းခြွေချခဲ့ရင်တောင် သင်းပျံ့နေမှာပါ။

,ကြက်သားငရုတ်ခြောက်ကြော်နည်း🌶️🌶️🌶️
ကြော်နည်းပုံမှာကြည့်ပေးပါရှင့်

,ကြက်သားငရုတ်ခြောက်ကြော်နည်း🌶️🌶️🌶️
ကြော်နည်းပုံမှာကြည့်ပေးပါရှင့်