နေ့စဉ်မိုးလေဝသသတင်း
==============
(၂၀၂၅ ခုနှစ်၊ စက်တင်ဘာလ ၁၀ ရက်နေ့ မွန်းလွဲ ၂:၀၀ နာရီအချိန် ထုတ်ပြန်ချက်)
---------------------------------------------------------------------
ယမန်နေ့နံနက် ၀၉:၃၀ နာရီအချိန်မှ ယနေ့နံနက် ၀၉:၃၀ နာရီအချိန်အထိ မိုးလေဝသတိုင်းထွာချက်အကျဉ်းချုပ်။ လွန်ခဲ့သော ၂၄ နာရီအတွင်းက မကွေးတိုင်း ဒေသကြီး၊ ကယားပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာကွက်ကျား၊ စစ်ကိုင်းတိုင်းဒေသကြီးနှင့် ရခိုင်ပြည်နယ်တို့တွင် နေရာကျဲကျဲ၊ နေပြည်တော်၊ မန္တလေးတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်း ရွာခဲ့ပြီး၊ မွန်ပြည်နယ်တွင် ဒေသအလိုက်နှင့် ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ တနင်္သာရီတိုင်းဒေသကြီးနှင့် ကရင်ပြည်နယ်တို့တွင် နေရာကွက်၍ မိုးကြီးခဲ့ပါသည်။ မှတ်သားဖွယ်ရာ မိုးရေချိန်များမှာ ရွှေကျင်မြို့တွင် ၁၀.၇၁ လက်မ၊ မဒေါက်မြို့တွင် ၈.၄၇ လက်မ၊ ထားဝယ်မြို့တွင် ၇.၆၃ လက်မ၊ ကမမောင်းမြို့တွင် ၇.၀၅ လက်မ၊ ကျိုက္ခမီမြို့တွင် ၆.၃၄ လက်မ၊ ပေါင်မြို့တွင် ၄.၃၃ လက်မ၊ ဘားအံမြို့တွင် ၄.၀၅ လက်မ၊ ဘားအံ(စိုက်ပျိုးရေးမိုးလေဝသ)တွင် ၃.၆၅ လက်မ၊ ချောင်းဆုံမြို့တွင် ၃.၆၃ လက်မနှင့် ရေးမြို့တွင် ၃.၃၉ လက်မတို့ ဖြစ်ကြပါသည်။
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် မုတ်သုံလေ အားအသင့်အတင့်မှ အားကောင်းနေပြီး၊ ကျန် ဘင်္ဂလားပင်လယ်အော်တွင် မုတ်သုံလေ အားအသင့်အတင့် ရှိနေပါသည်။
မနက်ဖြန်နံနက်အထိခန့်မှန်းချက်။ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယားပြည်နယ်နှင့် ရခိုင်ပြည်နယ်တို့တွင် နေရာကျဲကျဲ၊ နေပြည်တော်၊ ကချင်ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာ အနှံ့အပြား မိုးထစ်ချုန်းရွာပြီး၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ ကချင် ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့်‌ တောင်ပိုင်း)တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး၊ အဆိုပါ မိုး တိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေ ခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၂၅ မိုင်မှ မိုင် ၃၀ အထိ တိုက်ခတ်နိုင်ပါ သည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၈ ပေမှ ၁၀ ပေခန့်ရှိနိုင်ပါသည်။ ကျန် မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။ လှိုင်းအမြင့်မှာ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၅ ပေမှ ၇ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်၊ ချင်းပြည်နယ်နှင့် ရှမ်းပြည်နယ်(မြောက်ပိုင်း)တို့တွင် မိုးပိုလာနိုင်ပါသည်။
နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။

အကြောင်းရင်းကတော့မင်းပါပဲ
မင်းပျော်နေမယ်ဆို အဝေးကငေးရလည်း ကိုယ်ကဖြစ်ပါတယ်။

-မာရီယာလင်း
-crd photo

မင်္ဂလာနေ့လယ်ခင်းပါ
မိုးလေဝသနှင့်ဇလဗေဒညွှန်ကြားမှုဦးစီးဌာနမှ ၁၀-၉-၂၀၂၅ ရက်နေ့တွင် ထုတ်ပြန်သည့် နေ့စဉ်မြစ်ရေခန့်မှန်းချက်များကို အောက်ပါအတိုင်း ဖော်ပြလိုက်ပါတယ်........

မင်္ဂလာနေ့လယ်ခင်းပါ
မိုးလေဝသနှင့်ဇလဗေဒညွှန်ကြားမှုဦးစီးဌာနမှ ၁၀-၉-၂၀၂၅ ရက်နေ့တွင် ထုတ်ပြန်သည့် နေ့စဉ်မြစ်ရေခန့်မှန်းချက်များကို အောက်ပါအတိုင်း ဖော်ပြလိုက်ပါတယ်........

မင်္ဂလာနေ့လယ်ခင်းပါ
မိုးလေဝသနှင့်ဇလဗေဒညွှန်ကြားမှုဦးစီးဌာနမှ ၁၀-၉-၂၀၂၅ ရက်နေ့တွင် ထုတ်ပြန်သည့် နေ့စဉ်မြစ်ရေခန့်မှန်းချက်များကို အောက်ပါအတိုင်း ဖော်ပြလိုက်ပါတယ်........

ရုရှားနိုင်ငံမှ ထုတ်လုပ်သည့် mRNA-အခြေခံ ကင်ဆာကာကွယ်ဆေး Enteromix သည် အူမကြီးကင်ဆာဝေဒနာရှင် ၄၈ ဦးပါဝင်သည့် ကနဦးစမ်းသပ်မှုများတွင် ၁၀၀% ထိရောက်မှုရှိကြောင်း ကြေညာခဲ့သည်။
ရုရှားနိုင်ငံ၏ National Medical Research Radiological Centre နှင့် Engelhardt Institute of Molecular Biology တို့မှ ပူးပေါင်းတီထွင်ခဲ့သော အဆိုပါ ကာကွယ်ဆေးသည် လူတစ်ဦးချင်းစီ၏ အကျိတ်ပုံစံများကို တိုက်ဖျက်နိုင်ရန် ကိုယ်ခံအားစနစ်ကို လေ့ကျင့်ပေးရန်အတွက် COVID ကာကွယ်ဆေးများနှင့် ဆင်တူသော mRNA နည်းပညာကို အသုံးပြုထားသည်။
အစီရင်ခံစာများအရ လူနာများသည် ပြင်းထန်သော ဘေးထွက်ဆိုးကျိုးများမရှိဘဲ အကျိတ်များ ကျုံ့သွားသည်ကို တွေ့ကြုံခဲ့ရသည်။ သို့သော်လည်း ကနဦးစမ်းသပ်မှု၏ အောင်မြင်မှုသည် ရေရှည်ထိရောက်မှု သို့မဟုတ် ပိုမိုကျယ်ပြန့်သော ထိရောက်မှုကိုမူ အာမမခံနိုင်သေးပါ။
ဤကာကွယ်ဆေးသည် လူနာတစ်ဦးချင်းစီ၏ အကျိတ်မျိုးရိုးဗီဇပေါ်မူတည်၍ တစ်ဦးစီအတွက်သီးသန့် ထုတ်လုပ်ရန် လိုအပ်သဖြင့် အအေးခန်းသိုလှောင်မှုနှင့် မျိုးရိုးဗီဇဆိုင်ရာ ပရိုဖိုင်လ်ရယူခြင်းကဲ့သို့သော ထောက်ပံ့ပို့ဆောင်ရေးဆိုင်ရာ စိန်ခေါ်မှုများ ရှိနေ‌သေးသည်။
ကမ္ဘာလုံးဆိုင်ရာ ကင်ဆာကုသမှုအတွက် အလားအလာကောင်းများ ရှိနေသော်လည်း စည်းမျဉ်းဆိုင်ရာ ခွင့်ပြုချက်နှင့် ကျယ်ကျယ်ပြန့်ပြန့် အကောင်အထည်ဖော်နိုင်ရေးအတွက် ပိုမိုကြီးမားသော တင်းကျပ်သည့် စမ်းသပ်မှုများ လိုအပ်နေသေးသည်။
Russia announced that its mRNA-based cancer vaccine Enteromix achieved 100% efficacy in early trials involving 48 colorectal cancer patients.
Developed by Russia’s National Medical Research Radiological Centre and Engelhardt Institute of Molecular Biology, the personalized vaccine uses mRNA technology similar to COVID vaccines to train immune systems against individual tumor profiles.
Patients reportedly experienced tumor shrinkage without serious side effects. However, early trial success doesn’t guarantee long-term efficacy or broader effectiveness.
The vaccine requires personalized manufacturing based on each patient’s tumor genetics, presenting logistical challenges including cold-chain storage and genomic profiling.
While promising for global cancer treatment, larger rigorous trials are needed before regulatory approval and widespread implementation.

ကမ္ဘာ့ဖလားခြေစစ်ပွဲ ပူးတွဲဂိုးသွင်း အများဆုံးအဖြစ် ရော်နယ်ဒို ရပ်တည်

စက်တင်ဘာ ၁၀

ပေါ်တူဂီအသင်းခေါင်းဆောင် ရော်နယ်ဒိုဟာ ဟန်ဂေရီအသင်းကို ၃ ဂိုး-၂ ဂိုးနဲ့ အနိုင်ရခဲ့တဲ့ ၂၀၂၆ ကမ္ဘာ့ဖလား ခြေစစ်ပွဲမှာ ပင်နယ်တီကနေ ၁ ဂိုး သွင်းယူခဲ့ပြီးနောက် ကမ္ဘာ့ဖလား ခြေစစ်ပွဲတွေမှာ ပူးတွဲဂိုးသွင်း အများဆုံး ကစားသမားအဖြစ် ရပ်တည်နိုင်ခဲ့ပါတယ်။

ရော်နယ်ဒိုဟာ ဒီသွင်းဂိုးကြောင့် ကမ္ဘာ့ဖလား ခြေစစ်ပွဲတွေမှာ သွင်းဂိုးပေါင်း ၃၉ ဂိုးအထိ ရှိလာခဲ့တာပါ။

ကမ္ဘာ့ဖလား ခြေစစ်ပွဲတွေမှာ ဂိုးအများဆုံး သွင်းယူထားတဲ့ သူအဖြစ် အရင်က စံချိန်တင်ထားတဲ့ သူကတော့ ဂွာတီမာလာအသင်းက ကားလို့စ်ရုပ်ဇ်ဖြစ်ပြီး အခုအချိန်မှာ ရော်နယ်ဒိုက သူ့ရဲ့သွင်းဂိုး အရေအတွက်နဲ့ တူညီ သွားခဲ့တာ ဖြစ်ပါတယ်။

အာဂျင်တီးနားအသင်း ခေါင်းဆောင် မက်ဆီဟာ ကမ္ဘာ့ဖလား ခြေစစ်ပွဲတွေမှာ ၃၆ ဂိုး သွင်းယူထားပြီး ရော်နယ်ဒိုနဲ့ ၃ ဂိုး ကွာဟနေတာပါ။

ရော်နယ်ဒိုဟာ ပြီးခဲ့တဲ့ အာမေးနီးယားအသင်းနဲ့ ခြေစစ်ပွဲမှာလည်း ပေါ်တူဂီအသင်းအတွက် ၂ ဂိုးသွင်းယူခဲ့ပြီး နောက်ဆုံး ၂ ပွဲမှာ ၃ ဂိုးအထိ သွင်းယူထားပါတယ်။

ရော်နယ်ဒိုဟာ အသက် ၄၀ နှစ်ကျော်ပြီ ဖြစ်ပေမယ့် လက်ရှိအချိန်ထိ သွင်းဂိုးတွေနဲ့ ပေါ်တူဂီအသင်းကို အကူအညီ ပေးနိုင်သေးကြောင်း ပြသထားတာပါ။

ရော်နယ်ဒိုဟာ ပေါ်တူဂီအသင်းအတွက် ၂၂၃ ပွဲကစားထားပြီး ၁၄၁ ဂိုး သွင်းယူထားပါတယ်။

ပရော်ဖက်ရှင်နယ် ကစားသမားဘဝ သွင်းဂိုး ၁,၀၀၀ ပြည့်ဖို့ ရည်မှန်းထားတဲ့ ရော်နယ်ဒိုဟာ ၉၄၃ အထိ သွင်းယူ ထားတာပါ။

ပြီးခဲ့တဲ့ နေးရှင်းလိဂ်ပြိုင်ပွဲမှာ ချန်ပီယံဖြစ်ခဲ့တဲ့ ပေါ်တူဂီအသင်းဟာ ၂၀၂၆ ကမ္ဘာ့ဖလားခြေစစ်ပွဲ ၂ ပွဲကစား အပြီးမှာ ၂ ပွဲစလုံး နိုင်ပွဲရရှိကာ အုပ်စုတွင်း အမှတ်ပေးဇယားကို ဦးဆောင်ထားပါတယ်။

ပေါ်တူဂီအသင်းဟာ လာမယ့် အောက်တိုဘာမှာ ၂၀၂၆ ကမ္ဘာ့ဖလား ခြေစစ်ပွဲတွေအဖြစ် အိုင်ယာလန်နဲ့ ဟန်ဂေရီ အသင်းတို့ကို အိမ်ကွင်း လက်ခံယှဉ်ပြိုင်ရမှာ ဖြစ်ပါတယ်။

Source: Goal

ပုံ - ရော်နယ်ဒိုကို တွေ့ရစဉ်

#သတင်းဟင်းလေးအိုးကြီး

နီပေါတွင် Gen Z လူငယ်များဆန္ဒပြမှု လူ ၁၉ ဦးသေဆုံး

ခတ္တမန္ဒူ၊ စက်တင်ဘာ ၁၀

နီပေါနိုင်ငံ၊ ခန္တမန္ဒူ (Kathmandu) မြို့တော်တွင် စက်တင်ဘာ ၈ ရက်က Gen Z မျိုးဆက် ကျောင်းသား လူငယ်များ ဦးဆောင်သည့် ဆန္ဒပြမှုများအတွင်း ရဲတပ်ဖွဲ့က ပစ်ခတ်နှိမ်နင်းမှုများကြောင့် ၁၉ ဦးထက်မနည်း သေဆုံးခဲ့ကြောင်း South China Morning Post မှ ဖော်ပြခဲ့သည်။

နီပေါတွင် အဂတိလိုက်စားမှုနှင့် ဆင်ဆာဖြတ်မှုများကို ဆန့်ကျင်သည့် ဆန္ဒပြမှုများသည် ပြီးခဲ့သည့်နှစ်များအတွင်း သွေးထွက်သံယို အများဆုံး အကျပ်အတည်းတစ်ခု ဖြစ်လာခဲ့သည်။

စက်တင်ဘာ ၈ ရက် ညပိုင်းအထိ ထွက်ပေါ်ခဲ့သည့် သတင်းများအရ ခတ္တမန္ဒူ (Kathmandu) မြို့တော်နှင့် အခြား မြို့များတွင် ရဲတပ်ဖွဲ့၏ ပစ်ခတ်မှုများကြောင့် ဆန္ဒပြသူ ၁၉ ဦးထက်မနည်း သေဆုံးခဲ့ကာ လူ ၃၀၀ ကျော် ဒဏ်ရာ ရခဲ့ကြောင်း သိရသည်။

ထိခိုက်နစ်နာသူ အများစုမှာ ကျောင်းဝတ်စုံများ ဝတ်ထားသည့် ကျောင်းသားများဖြစ်သည်။

လူမှုမီဒီယာများပေါ်တွင် ထွက်ပေါ်ခဲ့သည့် ဗွီဒီယိုများ၌ ရဲတပ်ဖွဲ့သည် လမ်းကြိုလမ်းကြားများထဲမှာ ဆန္ဒပြ သူများကို နံပါတ်တုတ်များဖြင့် လိုက်လံရိုက်နှက်ခြင်း၊ လွှတ်တော် အဆောက်အအုံ အပြင်ဘက်တွင် ဒဏ်ရာ ရသူများကို လူနာတင်ကားများပေါ်သို့ တင်ဆောင်ရန် ကြိုးပမ်းသည့် ဆန္ဒပြသူများအား ပစ်ခတ်ခြင်းတို့ ပြုလုပ်နေ သည့် ရုပ်သံမှတ်တမ်းများကို မြင်တွေ့ရသည်။

ရဲတပ်ဖွဲ့ဝင်များသည် ဆန္ဒပြသူများကို တရားမဝင် အင်အားသုံး ဖြိုခွင်းခဲ့ကြောင်း လူ့အခွင့်အရေးအဖွဲ့များက ပြောကြားခဲ့သည်။

“လက်နက်မရှိတဲ့ လူငယ်တွေကို အစိုးရက အခုလိုပုံစံမျိုးနဲ့ တိုက်ခိုက်လိမ့်မယ်လို့ ကျနော်တို့ ထင်မထားခဲ့ပါဘူး။ သူတို့ မြေးအရွယ်လောက်ပဲရှိတဲ့ ဆန္ဒပြသူတွေကို တိုက်ခိုက်ခဲ့ကြတာပါ” ဟု ဆန္ဒပြသူတစ်ဦးက ပြောကြားခဲ့ သည်။

“Gen Z တွေက ငြိမ်းချမ်းစွာ ဆန္ဒပြနေကြပေမယ့် ထိခိုက် သေဆုံးမှုတွေအတွက် အစိုးရက တာဝန်ယူရပါ လိမ့်မယ်။ အစိုးရနဲ့ ရဲတပ်ဖွဲ့ရဲ့ လက်တွေမှာ သွေးစွန်းခဲ့ကြပါပြီ” ဟု ၎င်းက ဆိုသည်။

ပြီးခဲ့သည့် သီတင်းပတ်က နီပေါအစိုးရသည် Facebook ၊ X ၊ YouTube ၊ Instagram နှင့် WhatsApp တို့ အပါအဝင် လူမှုမီဒီယာ ၂၆ ခုကို တားမြစ်ပိတ်ပင်ခဲ့သဖြင့် ဆန္ဒပြမှုများ စတင်ဖြစ်ပွားလာခဲ့ခြင်းဖြစ်သည်။

နီပေါအစိုးရက ထိုလူမှုမီဒီယာများသည် ချမှတ်ထားသည့် စည်းကမ်းများကို လိုက်နာရန် ပျက်ကွက်ခဲ့သဖြင့် ထိုကဲ့သို့ ပိတ်ပင်ခဲ့ခြင်းဖြစ်ကြောင်း ပြောကြားခဲ့သည်။

TikTok၊ Viber နှင့် အခြားလူမှုမီဒီယာ ၃ ခုမှာမူ မှတ်ပုံတင်ခဲ့သဖြင့် ပိတ်ပင်ခံခဲ့ရခြင်းမရှိပေ။

စက်တင်ဘာ ၉ ရက် နံနက်ပိုင်းတွင်မူ လူမှုမီဒီယာများအား ပိတ်ပင်မှုကို ပြန်လည် ရုပ်သိမ်းလိုက်ပြီ ဖြစ်ကြောင်း နီပေါပြန်ကြားရေးဝန်ကြီး ပရစ်သ်ဗီ ဆပ်ဘာ ဂူရန် (Prithvi Subba Gurung) က ပြောကြားခဲ့သည်။

ပြည်ထဲရေးဝန်ကြီး ရာမက်ရှ် လက်ခ်ဟက်ခ် (Ramesh Lekhak) သူသည် ကျင့်ဝတ်သိက္ခာပိုင်းဆိုင်ရာ အကြောင်း ပြချက်များဖြင့် ရာထူးမှ နုတ်ထွက်မည်ဖြစ်ကြောင်း ကြေညာခဲ့သည်။

Source: South China Morning Post

ပုံ - နီပေါ ဆန္ဒပြမှု ထိပ်တိုက်တွေ့နေကြစဉ်

#သတင်းဟင်းလေးအိုးကြီး

❝အင်းလေးဖောင်တော်ဦးမြတ်စွာဘုရား ရုပ်ရှင်တော်မြတ်များ အင်းလေးဒေသဝဲယာ (၂၁) ဌာနသို့ ၁၈ ရက်တိုင်တိုင် ဒေသစာရီကြွချီလှည့်လည်ပူဇော်ခံမည်❞

စက်တင်ဘာ ၁၀

ရှမ်းပြည်နယ် ညောင်ရွှေမြို့နယ် အင်းလေးဖောင်တော်ဦးမြတ်စွာဘုရား ရုပ်ရှင်တော်မြတ်များ အင်းလေးဒေသဝဲယာ (၂၁) ဌာနသို့ ဒေသစာရီကြွချီလှည့်လည်ပူဇော်ခံခြင်းကို ယခုနှစ်တွင်လည်း ရိုးရာအစဉ်အလာအတိုင်း ၁၈ ရက်တိုင်တိုင် ကျင်းပသွားမည်ဖြစ်ကြောင်း သိရသည်။

ထိုသို့ ဒေသစာရီကြွချီပူဇော်ခံခြင်းကို ဆောင်ရွက်ရာတွင် သီတင်းကျွတ်လဆန်း ၁ ရက် စက်တင်ဘာ ၂၂ ရက် နံနက် ၅ နာရီတွင် မူလသီတင်းသုံး စံပယ်တော်မူရာရတနာစံကျောင်းတော်၌ ရောင်ခြည်တော်ဖွင့်ခြင်း၊ အနေကဇာတင်ခြင်းမင်္ဂလာအခမ်းအနားဖြင့် စတင်ဆောင်ရွက်မည်ဖြစ်သည်။

ထို့နောက် ယင်းနေ့ နံနက် ၇ နာရီတွင် ရတနာစံကျောင်းတော်မှ ကရဝိက်ဖောင်တော်ဖြင့် ကျေးပေါခုံဌာနသို့ စတင်ပင့်ဆောင်ပူဇော်မည်ဖြစ်သလို သီတင်းကျွတ်လဆန်း ၇ ရက် စက်တင်ဘာ ၂၈ ရက် နံနက်ပိုင်းတွင် ညောင်ရွှေမြို့ဌာနသို့ဆိုက်ရောက်၍ သုံးရက်ကိန်းဝပ်ပူဇော်ခံပြီး သီတင်းကျွတ်လပြည့်ကျော် ၃ ရက် အောက်တိုဘာ ၉ ရက်တွင် မူလသီတင်းသုံးတော်မူရာ ရတနာစံကျောင်းတော်သို့ ပြန်လည်ကြွချီ၍ စံကျောင်းတော်ဝင်ပွဲ ကျင်းပမည်ဖြစ်သည်။

အဆိုပါ ပွဲတော်ကာလအတွင်း အင်းသားရိုးရာလှေလှော်ပြိုင်ပွဲကို ထည့်သွင်းကျင်းပသွားမည်ဖြစ်ရာ အကြိုပွဲစဉ်များအဖြစ် သီတင်းကျွတ်လဆန်း ၅ ရက် စက်တင်ဘာ ၂၆ ရက်တွင် ရေလယ်ဧည့်ခန်းမရှေ့ရေပြင်ကျယ်၌ ကျင်းပပြုလုပ်သွားမည်ပြီး ညောင်ရွှေမြို့ဌာနသို့ ဆိုက်ရောက်သည့် စက်တင်ဘာ ၂၈ ရက်တွင် ညောင်ရွှေမြို့ နန်းကပ်ချောင်း၌လည်းကောင်း၊ အောက်တိုဘာ ၈ ရက်နှင့် ၉ ရက်တို့တွင် အင်းလေးဖောင်တော်ဦး မြတ်စွာဘုရားရတနာစံကျောင်းတော်ရှေ့ရေပြင်၌လည်းကောင်း စည်ကားသိုက်မြိုက်စွာ ကျင်းပပြုလုပ်သွားမည်ဖြစ်ကြောင်း သိရသည်။

#centralnewsnaypyitaw