ပွေး၊ ဝဲ၊ ယားနာ၊ အင်ပြင်နှင့် ခရုသင်း တို့ဖြစ်လျှင်ကုသနိုင်သော ဆေးဖက်ဝင် အင်ပင်
မြန်မာနိုင်ငံ အနှံ့အပြားတွင်သဘာဝအလျောက်ပေါက်ရောက်သည်။
အထူးသဖြင့်အင်တိုင်းကုန်းမြေ သဲကြမ်းမြေများတွင် အုပ်စုဖွဲ့၍ပေါက်တတ်သည်။
အပင်ကြီးမျိုးဖြစ်ပြီး အခေါက်သည်အညိုရောင်ဖြစ်၍အပွေးထူကာ အက်ကြောင်းများပါရှိ၏။
အသီးမှ ငါးမြှောင့်ရှိ၍အဖျားသည်ရှည်လျက် ပါးလွှာကာအတောင့် နှစ်ခုရှိ၏။အရွက်၏အလျားသည် ၁ ပေခွဲမျှရှိပြီး အနံသည် ၁၀လက်မကျော်ရှိ၏ အပင်ကိုခုတ်ထစ်ကြည့်ပါက ညိုမည်းရောင်အစေးထွက်ပြီး၎င်းကို အရောင်တင်ဆေးအဖြစ်လည်းအသုံးပြုနိုင်သည်။ အနံ့သည်စူးရှ၏။
ရောဂါအလိုက်အသုံးပြုပုံ
ပွေး၊ ဝဲ၊ ယားနာ၊ ခရုသင်း၊ နူနာဖြစ်လျှင် ၎င်းအစေးကို လိမ်းပေးခြင်းဖြင့် သက်သာပျောက်ကင်းစေနိုင်၏။
အင်ပင်မှထွက်သောအဆီကို နံ့သာဖြူဆီ အင်ဥ ဆတူရောရ၍ တစ်ခွက်စာလျှင် အစက် ၃၀ စက် ချ၍သောက်ပါက ဆီးပူညောင်းကျရောဂါအမျိုးမျိုးပျောက်ကင်းနိုင်၏။
အင်ပြင် များပေါက်လျှင် ၎င်းအရွက်ပြုတ်၍ ရေချိုးပေးခြင်း အင်သားကို သွေး၍လိမ်းပေးခြင်းဖြင့်ပျောက်ကင်းနိုင်၏။
