#ပြည်တွင်းသတင်း
◼ ဂွမြို့နယ်၌ စစ်ဘေးရှောင်များအပါအဝင်ဒေသခံ ၃၇၀၀ ကျော်အရေးပြားယားနာရောဂါများဖြစ်ပွားနေ
ရခိုင်ပြည်နယ်၊ ဂွမြို့နယ်၌ စစ်ဘေးရှောင်ကလေးငယ်များအပါအဝင် ဒေသခံ ၃၇၀၀ ကျော် အရေပြားယားနာရောဂါများဖြစ်ပွားလျက်ရှိကြောင်း ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့ထံမှသိရသည်။
လက်ရှိကောက်ယူထားသည့်စာရင်းများအရ အသက်(၁၀) နှစ်အောက်ကလေး ၆၀၀ ခန့်၊ အမျိုးသမီး ၂၀၀၆ ဦးနှင် အမျိုးသား ၁၇၉၁ ဦးတို့မှာ အရေးပြားရောဂါဖြစ်ပွားလျက်ရှိပြီး ကုသရေးအတွက် ဆေးဝါးအကူအညီများလိုအပ်နေကြောင်း ၎င်းတို့ထံမှသိရသည်။
ယခုကဲ့သို့အရေပြားယားနာရောဂါပိုမိုဖြစ်ပွားလာရခြင်းမှာ ဆေးဝါးရှားပါးခြင်း၊ ဈေးနှုန်းမြင့်မား ခြင်းတို့အပြင် ဆေးမြီးတိုများဖြင့်ကုသခြင်းတို့ကြောင့် အနာနှင့်ဆေးမတည့်ခြင်းများဖြစ်ကြောင်း ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့မှ တာဝန်ရှိသူတစ်ဦးက ရခိုင်ပြည်နယ်အခြေစိုက် သတင်းမီဒီယာတစ်ခုကို ပြောဆိုထားသည်။
အရေပြားရောဂါဖြစ်ပွားနေသည့်လူနာတစ်ဦးလျှင် သောက်ဆေးနှင့်လိမ်ဆေးငါးရက်စာအတွက် ၂၀၀၀၀ ကျပ်ကျသင့်ကြောင်း ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့ကထုတ်ပြန်ထားသည်။
အဆိုပါအဖွဲ့မှလည်း ကျန်းမာရေးဝန်ထမ်းများနှင့်ပူးပေါင်းကာ ဂွမြို့နယ်အတွင်း ‌ကွင်းဆင်းစစ်ဆေးခြင်း၊ စစ်တမ်းကောက်ယူခြင်းများပြုလုပ်လျက်ရှိပြီး ဆေးဝါးအတွက်ကူညီလှူဒါန်းလိုသူများအနေဖြင့် ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့သို့ဆက်သွယ်လှူဒါန်းနိုင်ကြောင်းသိရသည်။

နော်

John Wick ဒါရိုက်တာ ပြန်ရိုက်မယ့် SIFU


Netflix က အခုဆိုရင် Amazon Prime က ရိုက်ထားတဲ့ Secret Level ထဲက SIFU Game ဇာတ်လမ်းကို ဇာတ်လမ်းရှည်အနေနဲ့ ပြန်ရိုက်နေပြီလို့သိရပါတယ်။

SIFU ကိုတော့ JOHN WICK ရိုက်ခဲ့တဲ့ ဒါရိုက်တာ Chad Stahelski က ရိုက်ကူးသွားမှာဖြစ်ပြီး Netflix ကလည်း developing လုပ်နေတယ်လို့သိရပါတယ်။

ဇာတ်လမ်းကလည်း ကွိုင်လေးတွေကိုသုံးတိုင်း အသက်တစ်ချောင်းရလာပြီး အသက်ပိုကြီးလာတဲ့ပုံစံမျိုးကိုတော့ Secret Level မှာပြသွားပေမယ့် အခု ဇာတ်လမ်းရှည်မှာတော့ ကွိုင်တွေ အကြောင်းနဲ့ Shifu တို့ အကြောင်းကို အသေးစိတ်ရိုက်ပြမယ်လို့သိရပါတယ်။

လက်ရှိမှာတော့ ရိုက်ကူးနေပြီလို့သိရပေမယ့် ဘယ်တော့ကြည့်ရမလဲဆိုတာကိုတော့ မသိရသေးပါဘူး။

သည်းထိပ်ရင်ဖို ဇာတ်လမ်းလေးတွေကို ကြိုက်တဲ့ ညိုကီ လေးတွေ လက်လွှတ်ခံလို့ မဖြစ်တဲ့
သဘာဝလွန် လျှို့ဝှက်ဆန်းကြယ် Horror ဇာတ်လမ်းလေးနဲ့ မိတ်ဆက်ပေးချင်ပါတယ်။IMDb မှာ rating (5.8/1ရထားပြီးတော့ သရုပ်ဆောင်တွေကလည်း
မကြာသေးခင်မှ ပြသွားခဲ့တဲ့ Face Me ဇာတ်ကားထဲမှ
မင်းသား Lee Min Ki၊ 2011 လောက်က ပြသခဲ့တဲ့
Sign ဆိုတဲ့ ဇာတ်ကားထဲမှ မင်းသားကြီး Park Shin Yang
တို့နှင့်အတူ တခြားသော သရုပ်ဆောင်များစွာ ပါဝင်ထားပါတယ်ရှင့်။
ဇာတ်ကြောင်းကို ပြောရမယ်ဆိုရင်တော့ နှလုံးအထူးကုဆရာဝန် ချာဆွန်းဒိုဟာ အရမ်းကိုမှ ထူးချွန်ပြီး အရည်အချင်းရှိတဲ့ ဆရာဝန်တစ်ယောက် ဖြစ်ပါတယ်။
ချာဆွန်းဒိုရဲ့ သမီးဖြစ်သူ ချာဆိုမီဟာ နှလုံးအစားထိုးကုသမှု ခံယူရန် လိုအပ်နေတဲ့သူလေးပေါ့နော်။အဲ့ဒီလိုနဲ့ နှလုံးအစားအထိုးဖို့ နှလုံးကို ရှာတွေ့ပြီး အစားထိုးပြီးတဲ့နောက်မှာဆိုမီဟာ ပုံမှန်နဲ့ မတူတော့ဘဲ အဆုံးမှ သဘာဝလွန်ဖြစ်ရပ်နဲ့အတူ အသက်ဆုံးပါးသွားခဲ့ပါတော့တယ်။
ဆိုမီကွယ်လွန်ပြီးနောက် ကိုရီးယားရဲ့ ဓလေ့ထုံးတမ်းအရ ကွယ်လွန်သူကို သုံးရက်ထားရစဉ် ဆိုမီရဲ့ နှလုံးထဲမှာ ချိတ်ပိတ်ထားတဲ့ မကောင်းဆိုးဝါးဟာ နှ်ိုးထလာခဲ့ပါတော့တယ်။
အပနှင်တဲ့ဖာသာ ဘန်ဟယ်ရှင်းက ဦးဆောင်ကာ မကောင်းဆိုးဝါးကို ဘယ်လိုမျိုး တွန်းလှန်တိုက်ထုတ်မလဲ
အဆုံးသတ်မှ မကောင်းဆိုးဝါးက ပြန်လည်နှိုးထလာမလား
ငရဲကိုပဲ ပြန်လည်ကျရောက်သွားမလားဆိုတာ စိတ်လှုပ်ရှားဖွယ် ရင်တထိတ်ထိတ်နဲ့ ကြည့်ရှုနိုင်ဖို့ တင်ဆက်ပေးလိုက်ပါတယ်။

ကြောင်ကလေးတစ်ကောင်ရဲ့စွန့်စားခန်း (2024)
ဒီကားဟာ ဆုတွေအများကြီးကိုလည်း သိမ်းပိုက်ထားတာဖြစ်ပါတယ်။
ဘာ‌ေကြာင့်များ ဆုတွေရခဲ့တာ ဖြစ်မလဲ။ အက်မင် ဒီကားကြည့်ပြီး ခေါင်းထဲ ရောက်လာတဲ့ စာလုံးလေးက "Go with the FLOW" ဆိုတဲ့စကားပါပဲ။
ဇာတ်လမ်းအကျဉ်းပြောပြရရင် ဇာတ်ကားနာမည်အတိုင်း Flow လေးအတိုင်း မဖြစ်ခင် ရုတ်တရက် Flood ဆိုတာကို ကြောင်လေးက ရင်ဆိုင်ခဲ့ရပါတယ်။ ဘာဖြစ်လိုက်မှန်းမသိ ဘဝကြီးက ရေထဲ ရုန်းရင်းဆန်ခတ်နဲ့ ယက်ကန်ယက်ကန် ပါသွားခဲ့တယ်။
ကြောင်တွေက ရေကြောက်တတ်ပါတယ်။ ဒါပေမဲ့ ရုတ်တရက်ရေကြီးမှုကြောင့် ရေထဲ ကူးခတ်ခဲ့ရပြီး သူလို ရေကြီးလို့ ဒုက္ခရောက်တဲ့ တခြား တိလေးတွေနဲ့ ဆုံတွေ့ကာ လှေတစ်စင်းပေါ် သောင်တင်သွားကြတယ်။
ကြောင်လေးဟာ ရေကြီးပြီး ဒုက္ခများနေလည်း စိတ်ဓာတ်မကျပဲ လီမာမျောက်ဆီကနေ ငါးဖမ်းနည်းပါ သင်ခဲ့ပြီး ကိုယ်တိုင်အစာအတွက်ကော တခြားကောင်တွေ အတွက်ပါ သူ ရှာဖွေပေးနိုင်ခဲ့တယ်။ ဒုက္ခရောက်နေတဲ့ကြားမှာ အစာရေစာ လုယက်မှုတွေလည်း ရှိတာပေါ့။
ဒီလိုပါပဲ ကျွန်ုပ်တို့လူသားတွေ ဘဝမှာ ရုတ်တရက် ကံကြမ္မာအလှည့်အပြောင်းကြောင့် ဘဝတစ်ဆစ်ချိုးခဲ့ရင် စိတ်ဓာတ် မကျသွားပဲ အခက်အခဲကြားက သင်ယူတတ်ဖို့ မတူကွဲပြားကြတဲ့ လူတွေကြားထဲ လိုက်လျောညီထွေရှိဖို့ ကိုယ်တတ်နိုင်တဲ့ ဘက်ကနေ ဖေးမကူညီတတ်ဖို့ မျှဝေခံစားတတ်ဖို့ ဘဝကြီးက ရုတ်တရက် ရေထကြီးလည်း Go with the FLOW ဆိုသလို ရေစီးမှာ အလိုက်သင့်သွားနိုင်ဖို့ကို ကြောင်လေးတစ်ကောင်ရဲ့ စွန့်စားခန်းကနေ ရိုက်ပြထားပါတယ်။
ကြောင်လေးလည်း ကြောက်တတ်ပေမယ့် အဲဒီအကြောက်တရားကို ရင်ဆိုင်လိုက်တဲ့အခါ အဆုံးမှာ ဘယ်လို အရာက စောင့်ကြိုနေမှာလဲ။

#ပြည်တွင်းသတင်း
◼တွံတေး၌လေပြင်းတိုက်ခတ်ခြင်းကြောင့် 230 KV ဓာတ်အားလိုင်းတိုင်သုံးတိုင်ကျိုးကျ
ရန်ကုန်တိုင်း၊ တွံတေးမြို့နယ်၊ သံဖြူရုံကျေးရွာအနီး ယမန်နေ့ (ဖေဖော်ဝါရီ ၂၄ ရက်) မွန်းလွဲ ၁ နာရီခန့်တွင် လေပြင်းတိုက်ခတ်ခြင်းကြောင့် ၂၃၀ ကေဗွီဓာတ်အားလိုင်းတိုင်သုံးတိုင်ကျိုးကျခဲ့ကြောင်း ဖျာပုံခရိုင်လျှပ်စစ်အင်ဂျင်နီယာရုံးကထုတ်ပြန်သည်။
အဆိုပါဓာတ်အားလိုင်းတိုင်အမှတ် ၄၅၊ ၄၆၊ ၄၇ တိုင်သုံးတိုင်ကျိုးကျခဲ့ခြင်းကြောင့် ဖျာပုံ၊ ဘိုကလေး၊ ကျိုက်လတ်၊ ဒေးဒရဲနှင့် မြင်းကကုန်းမြို့များတွင် ယာယီဓာတ်အားပြတ်တောက်နေမည်ဖြစ်ပြီး ပြုပြင်ခြင်းလုပ်ငန်းများဆောင်ရွက်ပြီးစီးမှသာ ဖျာပုံခရိုင်အတွင်းဓာတ်အားရရှိမည်ဖြစ်ကြောင်း ယင်းထုတ်ပြန်ချက်အရသိရသည်။
"ရှေ့လတက္ကသိုလ်ဝင်တန်းဖြေမယ့်ကလေးတွေအတွက် ဝမ်းနည်းစရာပေါ့။ မီးကဘယ်နေ့ဘယ်ရက် ပြန်လာမလဲဆိုတာ တိတိကျကျမထုတ်ပြန်ထားဘူး။ သေချာပါတယ်အနည်းဆုံရက် ၂၀ လောက်ကြာ နိုင်တယ်။ ဒါလည်းပြဿနာတော့မဟုတ်ပါဘူး။ ကျွန်တော်တို့ဆီမှာလျှပ်စစ်မီးက လာချိန်နဲ့ပြတ်ချိန်ဆို ပြတ်ချိန်ကများနေတော့ မီးပြတ်တဲ့ဒဏ်ကိုကျင့်သားရနေပြီ” ဟု ဒေဒရဲမြို့နယ်မှ ဒေသခံတစ်ဦးက ပြောသည်။
ယမန်နေ့(ဖေဖော်ဝါရီ ၂၄ ရက်) တွင် ရန်ကုန်တိုင်းအတွင်းရှိ မင်္ဂလာတောင်ညွန့်၊ ပုဇွန်တောင်၊‌ ဒေါပုံ၊ သာကေတ၊ ဗိုလ်တထောင်၊ လမ်းမတော်၊ ကမာရွတ်၊ လှိုင်၊ မရမ်းကုန်း၊ သမိုင်း၊ ကြည့်မြင်တိုင်၊ ရွှေပြည်သာ၊ လှိုင်သာယာ၊ သုဝဏ္ဏ၊သ င်္ဃန်းကျွန်း၊ တာမွေ၊ လှိုင်သာယာ၊‌ ရွှေပေါက်ကံ၊ ဒလ၊ အင်းစိန်၊‌ ဒဂုံမြို့သစ်(အရှေ့ပိုင်း၊ တောင်ပိုင်း၊ မြောက်ပိုင်း)၊ မင်္ဂလာဒုံနှင့်မြောက်ဥက္ကလာပ အစရှိသည့်မြို့နယ်များတွင်လည်း အချိန်အခါမဟုတ်မိုးရွာသွန်းခြင်းနှင့် လေပြင်းတိုက်ခတ်ခြင်းများဖြစ်ပေါ်ခဲ့သည်။

CGI နဲ့ ဖန်တီးထားသလို ဆွဲ‌ဆောင်မှုရှိတဲ့ မျက်နှာ ပိုင်ရှင် မင်းသမီး Anya Taylor-Joy နဲ့ ချောမောခန့်ညားပြီး အက်ရှင်ပိုင်နိုင်သူ မင်းသား Miles Teller တို့ရဲ့ ရိုမန့်အက်ရှင် ဇာတ်ကား The Gorge ကို မိတ်ဆက်ပေးပါရစေ။
ဒါရိုက်တာကတော့ super hero film Doctor Strange တို့ horror အမျိုးအစားဖြစ်တဲ့ Sinister, the Black Phone တို့ကို ရိုက်ကူးခဲ့သူ ဒါရိုက်တာ Scott Derrickson ဖြစ်ပြီး ကြည့်ရှုနှုန်းမြင့် ဇာတ်ကားတစ်ကားလည်း ဖြစ်ပါတယ်။
ဇာတ်လမ်းအကျဉ်းပြောပြရရင် အထူးလေ့ကျင့်သင်ကြားထားသော တပ်သားနှစ်ဦး အတွဲက အရှေ့တာဝါတစ်‌ယောက် အနောက်တာဝါ တစ်ယောက် စောင့်ကြပ်ရတာပါ။ သူတို့နှစ်ဦးက ရုံးချုပ်ကိုပဲ တိုက်ရိုက်ဆက်သွယ်ရပြီး သူတို့အချင်းချင်း မသိကြသလို ဆက်သွယ်ခွင့်လည်း မရှိပါဘူး။
သူတို့ စောင့်ကြပ်နေရတဲ့ Gorge ဆိုတာလည်း ဘာမှန်းမသိကြပါ။ တစ်ရက်ကြ တာဝါ အချင်းချင်း တွဲဖက်နှစ်ဦး ဆက်သွယ်မိကြတဲ့အခါ မဟာစွန့်စားခန်း စတင်ပါတော့တယ်။
The Gorge ဆိုတာ ဘာလဲ ဘာကြောင့်လျှို့ဝှက်ထားတာလဲ။ တွဲဖက်နှစ်ဦးကြား သတိထားရင်းက ချစ်မိသွားတဲ့နောက် ဘာတွေ ဆက်ဖြစ်မှာလဲ။ ရုံးချုပ်က သူတွေကကော ဘယ်လို ထိန်းချုပ်ထားတာလဲ စတာတွေကို သဘာဝနယ်လွန် ဖြစ်ရပ်ဆန်းတွေ အက်ရှင်ပြကွက်တွေ အပြင် အခက်အခဲကြားက နှစ်ယောက်သားရဲ့ သံယောဇဉ်ကို ခံစားစီးမြောရမယ့် The Gorge ရုပ်ရှင်ကားသစ်ကိုကြည့်လိုက်ရအောင်။

ရုရှား-တရုတ် ပူးပေါင်းဆောင်ရွက်မှု အကန့်အသတ်မရှိဘူးလို့ တရုတ်သမ္မတပြော

ပေကျင်း၊ ဖေဖော်ဝါရီ ၂၅

ရုရှားနဲ့ တရုတ် ပူးပေါင်းဆောင်ရွက်မှုဟာ အကန့်အသတ်မရှိကြောင်း တရုတ်သမ္မတ ရှီကျင်းပင်က ရုရှားသမ္မတ ပူတင်နဲ့ တယ်လီဖုန်းဆက်သွယ်ဆွေးနွေးရာမှာ ပြောကြားလိုက်တယ်လို့ တရုတ်နိုင်ငံပိုင် သတင်းဌာနက ဖော်ပြထားပါတယ်။

ယူကရိန်းစစ်ပွဲ သုံးနှစ်ပြည့်လာပြီး စစ်ပွဲအဆုံးသတ်ရေးအတွက် သဘောတူညီချက်တရပ် အမြန်ဆုံးရယူဖို့ အမေရိကန်သမ္မတ ဒေါ်နယ်ထရန့်က တွန်းအားပေးနေချိန်မှာ အခုလို ဆွေးနွေးခဲ့ကြတာဖြစ်ပြီး နှစ်နို်ငငံအကြား မဟာမိတ်ဖွဲ့မှုနဲ့ ရေရှည်ဆက်ဆံရေးကို တတိယာအင်အားစုကြောင့် သက်ရောက်မှုရှိနိုင်မှာမဟုတ်ဘူးလို့ ပူတင်နဲ့ ရှီကျင်းပင်က အလေးပေးပြောဆိုပါတယ်။

တရုတ်-ရုရှားဆက်ဆံရေးမှာ ခို်ငမာတဲ့ ပြည်တွင်ရေးမောင်းနှင်အားနဲ့ ထူးခြားတဲ့ဗျူဟာမြောက် တန်ဖိုးတွေရှိပြီး ဘယ်နိုင်ငံ ဘယ်အဖွဲ့အစည်းကမှ ဩဇာလွှမ်းမိုးခြင်းမရှိဘူးလို့ တရုတ်သမ္မတ ရှီကျင်းပင်က ပြောပါတယ်။ တရုတ်နဲ့ ရုရှားတို့ရဲ့ ဖွံ့ဖြိုးတိုးတက်ရေး မဟာဗျူဟာတွေနဲ့ နို်ငငံခြားရေး မူဝါဒတွေဟာ ရေရှည်အတွက်ဖြစ်တယ်လို့ သူကဆိုပါတယ်။

နေတိုးနဲ့ အနောက်အုပ်စုနိုင်ငံတွေ ကျောထောက်နောက်ခံပြုထားတဲ့ ယူကရိန်းနဲ့ စစ်တိုက်နေတဲ့ ရုရှားကတော့ တရုတ်နဲ့ ဆက်ဆံရေးပိုမိုနီးစပ်နေပါတယ်။၂၀၂၂ ခုနှစ် ဖေဖော်ဝါရီလမှာ ယူကရိန်းကိုတိုက်ဖို့ ရုရှားစစ်သားတွေ မစေလွှတ်ခင် တရုတ်နဲ့ ရုရှားတို့အကြား မဟာဗျူဟာမြောက် မိတ်ဖက်အဖြစ် ကြေညာခဲ့ပါတယ်။

လက်ရှိမှာတော့ ယူကရိ်နးစစ်ပွဲ အဆုံးသတ်ရေးအတွက် အမေရိကန်နဲ့ ရုရှားတာဝန်ရှိသူတွေဟာ ဆော်ဒီမှာ တွေ့ဆုံဆွေးနွေးခဲ့ကြပါတယ်။ ထရန့်ကတော့ ယူကရိန်းစစ်ပွဲအဆုံးသတ်ရမယ်လို့ ကတိပြုထားသူဖြစ်ပါတယ်။

ဒီဆွေးနွေးပွဲမှာတော့ ယူကရိန်းနဲ့ ဥရောပနိုင်ငံတွေ မပါဝင်ခဲ့ပါဘဲ ယူကရိန်းမပါတဲ့ သဘောတူညီချက်မှန်သမျှ လက်မခံဘူးလို့ ယူကရိန်းသမ္မတ ဇီလန်စကီးက ပြောဆိုထားပါတယ်။ တရုတ်နို်ငငံကတော့ အကျပ်အတည်းကို ဖြေရှင်းဖို့ သက်ဆိုင်အားလုံးရဲ့ အပြုသဘောဆောင်ကြိုးပမ်းမှုတွေကို မြင်တွေ့ရတဲ့အတွက် ကြိုဆိုတယ်လို့ တရုတ်သမ္မတ ရှီကျင်းပင်က ပြောဆိုထားပါတယ်။

Ref:Reuters
Photo:Reuters

#သတင်းဟင်းလေးအိုးကြီး

စစ်ရှောင်တွေကြောင့် မကွေးမြို့ပေါ်က အိမ်ခြံမြေ‌ဈေးကွက် ပြန်သွက်လာ

ဖေဖော်ဝါရီ ၂၅

မကွေးတိုင်းရဲ့မြို့တော်ဖြစ်တဲ့ မကွေးမြို့အိမ်ခြံမြေဈေးကွက်ဟာ ပြီးခဲ့တဲ့ ၂၀၂၄ ခုနှစ်၊နှစ်လည်ပိုင်းကစလို့ အိမ်ခြံမြေဈေးနှုန်းတွေ မြင့်မားလာသကဲ့သို့ အငှားဈေး ကွက်ဟာလည်း ယခင်နှစ်တွေကထက် ငှားရမ်းသူတွေပိုမိုများပြားလာတယ်လို့ သိရပါတယ်။

ပြီးခဲ့တဲ့ ၂၀၂၄ ခုနှစ်ကစလို့ ရခိုင်ပြည်နယ်မှာ AA လက်နက်ကိုင်အဖွဲ့တွေနဲ့ နစက တပ်တို့အကြား တိုက်ပွဲတွေ စဉ်ဆက်မပြတ်ဆက် တိုက်ဖြစ်ပွားခဲ့တာဖြစ်ပါတယ်။

အဲဒီလိုတိုက်ပွဲတွေကြောင့် နိုင်ငံ့၀န်ထမ်းတွေ အခြားသော အရပ်သားတွေ အပါအဝင် ရခိုင်ပြည်နယ်က စီးပွားရေးလုပ်ငန်းရှင်တွေဟာ မြို့လုံးကျွတ်၊ရွာလုံးကျွတ် အုပ်ချုပ်ရေးပိုင်း၊လုံခြုံမှုအပိုင်းအားကောင်းတဲ့ မကွေးမြို့ပေါ်သို့ အစုလိုက်အပုံလိုက်ပြောင်းရွှေ့လာတဲ့အတွက် မကွေးမြို့အိမ်ခြံမြေ‌ဈေးကွက်က ပြန်သွက်လာခဲ့တာဖြစ်တယ်လို့ ဒေသခံအိမ်ခြံမြေဈေးကွက်ပွဲစား တယောက်က ပြောပါတယ်။

"မကွေးကို စစ်ဘေးရှောင်လာကြသူတွေထဲမှာဆိုရင် တိုက်ပွဲဖြစ်ပွားနေတဲ့ မကွေးတိုင်းမြောက်ခြမ်းကမြို့တွေ ချင်းပြည်နယ်တောင်ပိုင်း၊မြောက်ပိုင်းက စစ်ဘေးရှောင်တွေမိသားစု၀င်တွေ ကျောင်းနေအရွယ်ကလေးငယ်တွေ များစွာပါဝင်တဲ့ အတွက် ဒီဘက်က အိမ်ခြံမြေဈေးကွက်မြင့်မားလာတဲ့ သဘောပါ"လို့ မကွေးမြို့ဒေသခံ တယောက်က ထပ်လောင်း ပြောပြပါတယ်။

ဒါအပြင် နစကအစိုးရကလည်း ယခုဖေဖော်ဝါရီလထဲမှာ စစ်ဘေးရှောင်တယောက်ကို တလလျှင်နှစ်သောင်းကျပ်နှုန်းနဲ့ ထောက်ပံ့ပေး နေတယ်လို့ သတင်းထုတ်ပြန်မှုတွေအရ သိရပါတယ်။

ဒါအပြင် ရန်ကုန်နဲ့ မန္တလေး အိမ်ခြံမြေဈေးကွက်ကတော့ ယခု ၂ဝ၂၅ ခုနှစ်ဆန်းပိုင်းမှာ အရောင်းသာများပြီး အဝယ်ပါးနေတယ်လို့ အိမ်ခြံမြေအသိုင်းအဝိုင်းနဲ့ နီးစပ်သူတွေက ပြောပါတယ်။

"အခုပွင့်လင်းရာသီမှာ ရန်ကုန်၊မန္တလေးအိမ်ခြံမြေဈေးကွက်က အေးစက်နေတယ်။အရောင်းသာရှိပြီး အ၀ယ်မရှိတဲ့အခြေအနေရောက်နေတယ်။ဝယ်လက်တွေပြန်ပါးသွားတယ်။အရင်လိုသိပ်မသွက်တော့ဘူး။နောက်တခုက ‌၀ယ်သူသာမရှိတာဈေးနှုန်းတွေကလည်းကျမလာဘူး။အခုကာလက ကန်ထရိုက်တိုက်ဆောက်တဲ့သူတွေလည်းအဆင်မပြေ၊မြေကွက်ပေးပြီးတယောက်တ၀က်နဲ့ ဆောက်နေကြတဲ့အိမ်ပိုင်ရှင်တွေလည်းနစ်နာကုန်ကြပြီပြောတယ်။ဒါကရန်ကုန်အိမ်ခြံ‌ မြေဈေးကွက်ထဲက သတင်းအမှန်ပါ"လို့ အိမ်ခြံမြေအသိုင်းအဝိုင်းနဲ့ နီးစပ်သူတယောက်က ပြောပါတယ်။

ဒါအပြင် လက်ရှိ ရန်ကုန်အိမ်ခြံမြေ ဈေးကွက်ဟာ မကွေးမြို့နီးတူအရောင်းအဝယ်ထက် အငှားတွေကသာပိုအလုပ်ဖြစ်နေကြတယ်လို့လည်း အိမ်ခြံ‌မြေအကျိုးဆောင် လုပ်ငန်းလုပ်ကိုင်သူတွေထံကနေ သိရပါတယ်။

Photo - CJ

#centralnewsnaypyitaw

ဆိုတော့ မနှစ်က Tokyo Auto Show မှာပဲ Honda အနေနဲ့ သူတို့ရဲ့ Iconic ဖြစ်လှတဲ့ Coupe တစ်စီး Prelude Concept ကို ပြသခဲ့တယ်ဗျ။ ပြောရရင်တော့ Honda Enthusiasts တွေအတွက် သတင်းကောင်းပဲဆိုပါတော့။
ဒီ Concept ရဲ့ Design Language က ပြောရရင် ဟိုးတုန်းက Accord Coupe နဲ့ သွားတူသလို၊ Wheelbase ကလည်း 101.4 in ရှိတာဆိုတော့ GR86 နဲ့ အတူတူပဲဗျ၊ Miata ထက် 10 in လောက်တောင် ပိုရှည်တယ်ပြောရမယ်။ ကြည့်ရသလောက်လည်း ဒီကောင့်ရဲ့အင်ဂျင်က အရှေ့မှာပဲဖြစ်ဖို့များတာဆိုတော့ ထုံးစံအတိုင်း Honda ဆီကနေ RWD ကိုမျှော်မနေတာ အကောင်းဆုံးပါပဲ။
ဒီကားမှာသုံးပေးလာမည့် အင်ဂျင် Specs အတိအကျမသိရသေးပေမယ့် Rumors တွေအရတော့ 2.0L 4-Cyl e:HEV ဖြစ်မယ်လို့သိရပါတယ်။ ဆိုလိုချင်တာက လက်ရှိ Accord တို့ CR-V တို့မှာတွေ့ရတဲ့ Powertrain ပါ။ Honda အနေနဲ့ မကြာသေးခင်ကပဲ Manual Civic ကို မိတ်ဆက်ခဲ့တယ်ဆိုပေမယ့်လို့ ဒါကလည်း Prelude မှာသုံးပေးလာဖို့ကတော့ အတော်လေးရာခိုင်နှုန်းနည်းပါတယ်။
Anyway, Honda အနေနဲ့ Prelude အသစ်ကို လာမည့် 2025 အကုန်၊ 2026 အစောပိုင်းလောက်မှာ စတင်ရောင်းချသွားတော့မယ်လို့ သိရပါတယ်။