မန်ချက်စတာစီးတီးအသင်းဟာ အီဒါဆင်ကို ရောင်းထုတ်နိုင်ချေရှိနေပြီး သူ့နေရာကို ပေါ်တို ဂိုးသမား ဒီယိုဂိုကော်စတာ နဲ့ အစားထိုးဖို့ရှိနေပါတယ်။ အဦးဆုံးဆွေးနွေးမှုတွေတောင်စတင်နေပါပြီ။

[Santi_J_FM]🌗

ထောင့်ကန်ဘောကနေ တိုက်ရိုက်ဂိုးသွင်းပြီး ပရိသတ်တွေကို နေမာတုန့်ပြန်

ဖေဖော်ဝါရီ ၂၅

ဘရာဇီးလ်ကြယ်ပွင့် နေမာဟာ ဆန်းတို့စ်အသင်းက အင်တာနေစီယွန်နယ်လ်ဒီလီမာရာအသင်းကို အနိုင်ရခဲ့ တဲ့ပွဲမှာ သူ့ကိုလှောင်ပြောင်မှုတွေ ပြုလုပ်ခဲ့တဲ့ အိမ်ရှင်ပရိသတ်တွေကို ထောင့်ကန်ဘောကနေ တိုက်ရိုက် ဂိုးသွင်းပြီး တုန့်ပြန်ခဲ့ပါတယ်။

ဒီပွဲမှာ ဆန်းတို့စ်အသင်းဟာ အင်တာနေစီယွန်နယ်လ်ဒီလီမာရာအသင်းကို ၃ ဂိုး-ဂိုးမရှိနဲ့ အနိုင်ရရှိခဲ့တာပါ။

အိမ်ရှင်အသင်း ပရိသတ်တွေဟာ ဒီပွဲစဉ်မှာ ထောင့်ကန်ဘောကန်ဖို့ ရောက်ရှိလာတဲ့ နေမာကို ပစ်မှတ်ထားပြီး လှောင်ပြောင် အော်ဟစ်မှုတွေကို ပြုလုပ်ခဲ့တာဖြစ်ပါတယ်။

နေမာဟာ ထောင့်ကန်ဘောကနေ တိုက်ရိုက် ဂိုးသွင်းအပြီးမှာ သူကိုလှောင်ပြောင်နေတဲ့ ပြိုင်ဘက်အသင်း ပရိသတ်တွေ အရှေ့မှာ အောင်ပွဲခံပြီး ပြန်လည်တုန့်ပြန်ခဲ့တာပါ။

နေမာ ဂိုးသွင်းအပြီးမှာ အိမ်ရှင်အသင်းရဲ့ လှောင်ပြောင်မှုတွေ ရပ်တန့်သွားခဲ့ပြီး ဆန်းတို့စ်အသင်းရဲ့ ဝမ်းသာ အားရ အောင်ပွဲခံမှုတွေ အစားထိုးသွားခဲ့တာ ဖြစ်ပါတယ်။

နေမာဟာ ဒီပွဲမှာ ဂိုးသွင်းယူနိုင်ခဲ့သလို ဆန်းတို့စ်အသင်း သွင်းယူတဲ့ နောက်ထပ်သွင်းဂိုး ၂ ဂိုးကိုလည်း ဖန်တီးပေးခဲ့ပြီး အကောင်းဆုံး စွမ်းဆောင်ရည်တွေ ပြသနိုင်ခဲ့တာပါ။

အယ်လ်ဟီလယ်အသင်းမှာ ဒဏ်ရာတွေနဲ့ ရုန်းကန်ခဲ့ရပြီး ပြိုင်ပွဲစုံ ၇ ပွဲသာ ပါဝင်ကစားနိုင်ခဲ့တဲ့ နေမာဟာ ဆန်းတို့စ်အသင်းအတွက် ၆ ပွဲအထိ ပါဝင်ကစားထားပြီးဖြစ်ပါတယ်။

အသက် ၃၃ နှစ်အရွယ်ရှိ နေမာဟာ ဆန်းတို့စ်အသင်းအတွက် ၆ ပွဲ ပါဝင်ကစားအပြီးမှာ ၂ ဂိုးသွင်းယူကာ ဂိုးဖန်တီးမှု ၃ ကြိမ် ပြုလုပ်ထားတာပါ။

ဆန်းတို့စ်အသင်းဟာ Campeonato Paulista ပြိုင်ပွဲမှာ အုပ်စုပွဲစဉ် ၁၂ ပွဲ ကစားထားအပြီး ရမှတ် ၁၈ မှတ်နဲ့ အုပ်စုတွင်း ထိပ်ဆုံးနေရာ ရပ်တည်ကာ ကွာတားဖိုင်နယ်အဆင့်ကို တက်နိုင်ခဲ့ပါတယ်။

ဆန်းတို့စ်အသင်းဟာ ကွာတားဖိုင်နယ်ပွဲစဉ်မှာ ဘရာဂန်တီနိုအသင်းနဲ့ ယှဉ်ပြိုင်ရမှာဖြစ်ပါတယ်။

Source: Dailymail

ပုံ - နေမာကို တွေ့ရစဉ်

#ဘောလုံးသတင်းစုံ

“ကျွန်တော် ဖီယင်နုနည်းပြဖြစ်လာချိန် အရင်ဆုံး ဂုဏ်ပြုကြောင်းစာပို့လာတာ အာဆင်ဝင်းဂါးပါ။ ဒါတကယ်ကို ကြည်နူးစရာပါပဲ။

ဝင်းဂါးက ကျွန်တော့်ရဲ့ ဘောလုံးဖခင်လိုပါပဲ။" ❤️

🗣️ရော်ဘင်ဗန်ပါစီ

Japan စာလေ့လာလို့ရမယ့် website များ

ဒီဘက်ခေတ်မှာက English စာအပြင် အခြားဘာသာစကား ၁ ခု ၂ ခုလောက်ကို ထပ်လေ့လာကြပါတယ်။ ဒီထဲမှာ ပြင်သစ် ဂျပန် ကိုရီးယား ထိုင်း ဘာသာစကားတွေက ဒီမှာ တော်တော်လေးကို လေ့လာကြတာကို တွေ့ကြမှာပါ။

ဒီနေ့မှာတော့ ဂျပန်စာနဲ့ပတ်သက်ပြီး လေ့လာနိုင်တဲ့ website အချို့ကို ဖော်ပြပေးချင်ပါတယ်

JapanDict :
^^^^^
Dictionary Website ပုံစံမျိုးပါ။
Kanji စကာလုံးတွေကအစ ရှာနိုင်ပြီး စာလုံးဆွဲနည်းတွေကအစ ပြပေးပါတယ်
Meaning တွေကိုလည်း eng အပါအဝင် ဘာသာစကား ၈ မျိုးလောက်အထိ ဖော်ပြပေးပါတယ်
——————

Bunpo: Learn Japanese:
^^^^^
ရုပ်ပုံလေးတွေနဲ့ alphabet လေးတွေ ဖော်ပြပေးတာ ချစ်စရာလေးပါ
Beginner ကနေ Upper Intermediate အထိ level အလိုက် ရွေးချယ်လေ့လာနိုင်တယ်

အကြံပေးထားတဲ့ Gammer note တွေကိုလည်း ဖတ်နိုင်ပါသေးတယ်

နောက်ပြီး သူက ဂျပန်တင်မက ဘာသာစကားအချို့ကိုပါ ထပ်လေ့လာနိုင်ပါသေးတယ်
Duolingo နဲ့ နည်းနည်းဆင်ပါတယ်
————

JLPT Sensei :
^^^^^^
သူက Grammar သီးသန့်ပါ ။
Grammar ချည်းပဲ လေ့လာချင်ရင် ဒီ website လေးက အဆင်ပြေပါလိမ့်မယ်

JLPT မှာမေးတတ်တဲ့ grammarတွေကို ပြောပြပေးထားပြီး
N5 ကနေ N1 Level အထိ ရှိပါတယ်
လေ့လာရတာ လွယ်ကူတာမို့ Beginner တွေအတွက်တောင် အဆင်ပြေတယ်လို့ ဆိုပါတယ်
————

JTest4You :
^^^^^^
သူကတော့ Test ဖြေလို့ရတဲ့ Website လေးပါ
kanji, vocab, grammar ကိုယ်ဖြေချင်တာကို ရွေးဖြေနိုင်တယ်

Categories အလိုက်ထားပေးထားတာမို့ စိတိကြိုက်ရွေးရုံပါပဲ
Vocab နဲ့ Grammar Ebook တွေလည်း ရှိပါတယ်

Website အစုံမှာ Test ဖြေချင်တယ်ဆိုရ်ငတော့ Migii JLPT နဲ့ Jpro တို့မှာလည်း ဖြေနိုင်ပါတယ် ။ JLPT examပုံစံအတိုင်းလဲ ဖြေကြည့်လို့ ရသလို မေးခွန်းတွေနဲ့ လေ့ကျင့်နိုင်ပါသေးတယ်

တက္ကသိုလ်ဝင်စာမေးပွဲ ဖြေဆိုခွင့်ကတ်ပြား ထုတ်ယူခြင်းနှင့်ပတ်သက်သော သတင်းကြေညာချက်

#centralnewsnaypyitaw

😍

#flowers

ရခိုင်နဲ့ထိစပ်နေတဲ့ ပဲခူးတိုင်းနဲ့ဧရာဝတီတိုင်းအစပ်မှာ စစ်ရေး ဆက်လက်တင်းမာ

ဖေဖော်ဝါရီ ၂၅

ရခိုင်ပြည်နယ်နဲ့နယ်နမိတ်ထိစပ်နေတဲ့ ပဲခူးတိုင်း နဲ့ ဧရာဝတီတိုင်း အစပ်တွေမှာ AA နဲ့ နစက တပ်ဖွဲ့တွေအကြား တိုက်ပွဲတွေ ဆက်လက်ဖြစ်ပွားနေပြီး စစ်ရေးတင်းမာနေဆဲဖြစ် တယ်လို့ဒေသခံတွေဆီက သိရပါတယ်။

ပဲခူးတိုင်းထဲမှာဆိုရင် ပန်းတောင်မြို့နယ်၊ညောင်ကျိုးရွာမှာ တိုက်ပွဲပြင်းထန်နေပြီး လက်နက်ကြီးပစ်ခတ်မှုတွေအပြင် နစကမှလည်း လေကြောင်းတိုက်ခိုက်မှုတွေရှိတယ်လို့သိရပါတယ်။

ဒါကြောင့် ညောင်ကျိုးရွာဒေသခံတွေ ရွာလုံးကျွတ်စစ်ဘေးရှောင်နေကြရသလို အနီးနားက နေထိုင်သူတွေလည်း နေရပ်စွန့်ခွာပြီး စစ်ဘေးရှောင်နေရတဲ့အတွက် စစ်ရှောင်တွေပိုတိုးလာနေ တယ်လို့သိရပါတယ်။

" ညောင်ကျိုးဘက်မှာ တိုက်ပွဲဖြစ်နေတော့ဘယ်သူမှမရှိတော့ဘူး။သွားလာဖို့လည်းမလွယ်တော့ဘူး။သွားလို့လည်းမရဘူး။ခုထိချနေကြတုန်းပဲ။ပစ်သံခတ်သံတွေကြားရတုန်းပဲ။လေယာဥ်တွေလည်းကျဲတယ်။ရွာသားတွေကတော့ အကုန်ပြေးကြပြီးကျွန်တော်တို့တောင်းပန်းတောင်ရောက်နေပြီ။ညောင်ကျိုးက ရခိုင်နဲ့အစပ်နေရာပဲ။နစက ကလည်းခံစစ်တော်တော်ပြင်ထားတဲ့သဘောရှိတယ်။အဲဒီဘက်ကို စစ်ကားတွေအင်အားဖြည့်တယ်။ " လို့ စစ်ရှောင်လာတဲ့ဒေသခံက ပြောပါတယ်။

တိုက်ပွဲပြင်းထန်နေတဲ့ ညောင်ကျိုးနဲ့ ညောင်ခြေထောက်မှာရှိတဲ့အမှတ် ၆ ကာကွယ်ရေးပစ္စည်းစက်ရုံက ၁၀ မိုင်လောက်သာရှိတာကြောင့် နစကဘက်ကလည်းညောင်ကျိုးစခန်းမကျအောင် အင်အားဖြည့်ပြီး ကာကွယ်တိုက်ခိုက်နေတယ်လို့သိရပါတယ်။

စစ်ရေးတင်းမာနေတဲ့ ညောင်ကျိုး ဘက်အပြင် ညောင်ခြေထောက်ဘက်ကိုလည်းနစက တပ်ဖွဲ့မှလွဲပြီး ကျန်သူတွေ ပုံမှန်လိုသွားလာနိုင်ခြင်းမရှိဘူးလို့သိရပါတယ်။

ဧရာဝတီတိုင်းထဲက သာပေါင်း ၊ရေကြည် ၊ ငါးသိုင်းချောင်းဘက်မှာလည်း နစကနဲ့ AA အကြား စစ်ရေးတင်းမာမှုတွေဖြစ်ပွားနေဆဲဖြစ်ပါတယ်။

AA နဲ့ ပူးပေါင်းတပ်တွေက ဧရာဝတီတိုင်းအစပ်ကနေရာအချို့ ကို ဇန်နဝါရီလမှာ စတင် ထိုးစစ်ဆင်ဝင်ရောက်တိုက်ခိုက်ခဲ့တာဖြစ်ပြီး အဲဒီနောက်မှာတော့ ငါးသိုင်းချောင်း ၊ရေကြည်၊သာပေါင်းမြို့နယ်ထဲအထိ နယ်မြေချဲ့ကာ တိုက်ပွဲဖော်ဆောင်နေတာဖြစ်တယ်လို့သိရပါတယ်။

"ငါးသိုင်းချောင်း ဘက်မှာ နစကဘက်က အင်အားတော်တော်ချထားတယ်။အဲဒီနေရာကို ကျော်နိုင်ဖို့ကတော်တော်နဲ့တော့မရနိုင်လောက်ဘူး။ရှိသမျှအင်အားတွေအဲဒီကိုအကုန်ပို့ပြီး ကာကွယ်နေတဲ့ပုံရှိတယ်။အဲဒီဘက်မှာက အမြှောက်တပ်လည်းရှိတော့ လွယ်လွယ်တော့ အကျခံမယ်မထင်ဘူး။"လို့ ဒေသခံကပြောပါတယ်။

တိုက်ပွဲတွေကြောင့် ဒေသခံတွေမှာ ရွာလုံးကျွတ်စစ်ဘေးရှောင်နေရတဲ့အထိ ရှိနေပြီး ခုချိန်ထိလည်းနေရပ်မပြန်နိုင်ကြသေးဘူးလို့သိရပါတယ်။

လက်ရှိဖြစ်ပွားနေတဲ ရခိုင်ပြည်နယ် နယ်နဲ့ နယ်နမိတ်ထိစပ်နေတဲ့ ဧရာဝတီတိုင်း အစပ်နဲ့ ပဲခူးတိုင်းအစပ်က တိုက်ပွဲအခြေအနေတွေနဲ့ပတ်သက်လို့ AA ဘက်ကလည်းသတင်းထုတ်ပြန်တာမရှိသေးသလို နစကဘက်ကလည်းသတင်းထုတ်ပြန်ခြင်းမတွေ့ရှိရသေးပါဘူး။

NUG ကတော့ ရန်ကုန်နဲ့ ပဲခူးတိုင်းကို စိုးမိုးနိုင်ဖို့အတွက် တိုက်ပွဲတွေစတင်ဖော်ဆောင်တော့မယ်ဆိုပြီး ပြောဆိုထားတာတွေ့ရ ပါတယ်။

Photo - CJ

Credit - VOM News Agency

#သတင်းဟင်းလေးအိုးကြီး

မန်ချက်စတာယူနိုက်တက်အသင်းဟာ အသင်းရဲ့ Corporate Structure ကို ပြောင်းလဲဖို့ ဝန်ထမ်း 150 ကနေ 200 အထိ ထုတ်ပယ်သွားနိုင်ချေရှိကြောင်း တရားဝင်ကြေညာချက်ထုတ်ပြန်လာပါတယ် 👀

iPhone 16E နဲ့ဈေးတူပေမဲ့ ဘတ်ထရီမတူတဲ့ဖုန်း

ဒေါ်လာ 600 ချင်းအတူတူ ဒီဖုန်းက ၆ လအားခံပါမယ်။ ဖုန်းနာမည်က Oukitel WP100 Titan လို့ခေါ်တယ်။ Oukitel ဆိုတဲ့ ကုမ္ပဏီကနေ ထုတ်ထားတာပါ။ Oukitel ကိုတော့ ဘတ်ထရီပိုင်း ဦးစားပေးထုတ်တဲ့ ကုမ္ပဏီရယ်လို့ လူသိများပါတယ်။

ဒီတစ်ခေါက်ထုတ်လာတဲ့ WP100 Titan ဆိုတဲ့ မော်ဒယ်ကတော့ တော်တော်စားပါတယ်။ 33000mAh Battery ပါတယ်။ Projector feature လည်း ပါတယ်။ ဓါတ်မီးပုံစံ ဖုန်းမီးကြီးလည်း ပါသေးတယ်။ ဘတ်ထရီက ရှယ်ဆို‌တော့ တော်တော်လေးလည်း လေးပါတယ်။ အလေးချိန် 876g နဲ့ အထူက 1.3” ရှိပါမယ်။

ဆိုတော့ ဘတ်ထရီက သူတို့ပြောထားပုံအရဆို ၆ လလောက် အေးဆေးသုံးရုံပဲ။ နောက်ပြီး Projector feature ဆိုတာကလည်း built-in ထည့်ပေးထားသေးတယ်။ ကုမ္ပဏီဘက်က အဆိုအရ ရုပ်ရှင်ခြောက်ကားလောက်ထိ ကြည့်နိုင်တယ်လို့ ဆိုတယ်။ တစ်ခုရှိတာက တော်တော်လေးမှောင်တဲ့နေရာမှာမှ ကြည့်လို့အဆင်ပြေမှာပါ။

ပြီးတော့ ဖုန်းနောက်ကျောဘက်မှာ 1,200-lumen LED camp light ဆိုပြီးပါလာသေးတယ်။ သူက ဓါတ်မီးပုံစံနဲ့ သုံးနိုင်ပြီးတော့ နာရီ 150 အထိ ဆက်တိုက်ထွန်းထားနိုင်တယ်လို့ ဆိုတယ်။ IP68 Raing ပါလို့ ရေစိမ်ခံတယ် အကြမ်းခံပါသေးတယ်။

ဖုန်းဆိုတော့လည်း ဖုန်းရဲ့ Spec: တွေလည်း လက်ခံချင်စရာကောင်းပါသေးတယ်။ 200MP Main Camera, 20MP infrared night vision camera, 2MP Macro Lens တွေပါမယ်။ Selfie ကတော့ 32MP ရှိပါမယ်။ MideaTek Dimensity 7300 Chips သုံးထားတယ်။ 6.8” FHD+ Display ကိုမှ 120Hz Refresh Rate သုံးနိုင်မယ်။ 33000mAh Battery ဆိုပေမဲ့ Fast Charge ကတေ့ 66W ပဲရှိပါတယ်။ (တမုန်းသုံး တမုန်းသွင်း)

မူရင်းဈေးက ဒေါ်လာ 899 ဆိုပေမဲ့ Pre-order မှာမယ်ဆိုရင် ဒေါ်လာ 599 ပဲ ကျသင့်ပါမယ်။ လာမယ့်ဧပြီလမှာ စတင်ရောင်းချသွားမယ်လို့ ဆိုထားပါတယ်။

အချိန်ကုန်မှန်းမသိ ကုန်သွားနိုင်တဲ့ Idle ဂိမ်း ၅ ခု

Idle ဂိမ်းတွေဆိုတာ အချိန်ကုန်မှန်းမသိကုန်သွားစေနိုင်တဲ့အပြင် Player တွေကို အာရုံစိုက်စရာ အများကြီး မလိုစေတဲ့ Mini ဂိမ်းမကျ တစ်ကယ့်အချိန်ပေးကစားရတဲ့ ဂိမ်းကြီးတွေလိုမဟုတ်တဲ့ဂိမ်းတွေပါ။ နောက်တစ်ခုက App ကိုဒေါင်းလုပ်ဆွဲပြီး ကစားစရာမလိုပဲ Web Browser ထဲကနေတဆင့် ကစားလို့ရနိုင်ပါသေးတယ်။

၁. Cookie Clicker
Cookie Clicker ဟာ Idle Game တွေထဲမှာ ထင်ရှားဆုံးဂိမ်းတစ်ခုပါ။ Cookie ကိုကလစ်နှိပ်ပြီး နောက်ပိုင်းမှာတော့ Upgrade တွေလုပ်ရင်း တဖြည်းဖြည်းနဲ့ Background Story က Dark မှန်းမသိ Dark လာတဲ့ အမျိုးအစားဖြစ်ပါတယ်။ ကစားကြည့်ရင်းနဲ့မှ Gameplay ပိုင်းကိုပိုနားလည်လာမှာမို့ ကိုယ်တိုင်ကစားကြည့်ကဖို့ အကြံပေးချင်ပါတယ်။ Browser ကနေတိုက်ရိုက်ကစားနိုင်ပါတယ်။

၂. Adventure Capitalist
စီးပွားရေးသမားကြီးတစ်ယောက်ဖြစ်ချင်သူတွေအတွက် Adventure Capitalist က စိတ်ဝင်စားဖို့ကောင်းပါတယ်။ သင့်ရဲ့ စီးပွားရေးလုပ်ငန်းကို စတင်တည်ထောင်ပြီး အရွယ်အစားအမျိုးမျိုးနဲ့ လုပ်ငန်းတွေကို တဖြည်းဖြည်းချင်း ချဲ့ထွင်သွားရမှာပါ။ လက်ဖက်ရည်ဆိုင်လေးကနေ စတင်ပြီး နောက်ပိုင်းမှာ ကမ္ဘာကျော်ကုမ္ပဏီကြီးတွေထိ Game ထဲမှာ ပိုင်ဆိုင်အောင် တွက်ချက်ပြီး ကစားရမယ့် Strategic Game အမျိုးအစားဖြစ်ပါတယ်။

၃. Melvor Idle
RuneScape ဂိမ်းကနေ ပုံစံတူဖြစ်တဲ့ Melvor Idle က RPG ပုံစံ Idle Game တစ်ခုဖြစ်ပါတယ်။ ကိုယ့်ရဲ့ Character ကို တစ်ဖြည်းဖြည်းနဲ့ Level တက်လာအောင် သတ္တုတူးဖော်ခြင်း၊ သစ်ခုတ်ခြင်း၊ ငါးဖမ်းခြင်းစတဲ့ Skill တွေကို အလုပ်လုပ်ရင်း Grind ရတာဖြစ်ပါတယ်။ ဒီဂိမ်းရဲ့ နောက်ခံသီချင်းလေးတွေနဲ့ ရိုးရှင်းတဲ့ဂရပ်ဖစ်တွေက ကစားသူတွေကြိုက်ပေမယ့် အစပိုင်းမှာတော့ အနည်းငယ် Gameplay ရှုပ်နေတတ်ပါတယ်။

၄. Egg Inc.
ကြက်ဥထုတ်လုပ်ရေးလုပ်ငန်းကို စီမံခန့်ခွဲရတဲ့ Egg Inc. မှာ ကြက်ဥအမျိုးအစားပေါင်း များစွာကို ထုတ်လုပ်ရမှာဖြစ်ပါတယ်။ သုတေသနလုပ်ပြီး ပိုကောင်းတဲ့ ကြက်ဥအမျိုးအစားတွေကို ထုတ်လုပ်နိုင်ဖို့ ကြိုးစာရမှာဖြစ်သလို၊ ကြက်မွေးမြူရေးခြံကိုလည်း ကြီးသထက်ကြီးလာအောင် တိုးချဲ့ဖို့ကြိုးစားရမှာပါ။

၅. Universal Paperclips
ဒီကောင်ကတော့ PaperClips တွေထုတ်ဖို့အတွက် ကြိုးစားရတဲ့ Clicking Game အမျိုးအစားဖြစ်ပြီး နောက်ပိုင်းမှာတော့ PaperClips ထက်ပိုတဲ့ ဇာတ်လမ်းတွေပါဝင်လာမှာပါ။ ဘာ Graphics မှမပါပေမယ့် ကစားရင်း၊ ကစားရင်း စိတ်ဝင်စားဖို့ကောင်းတာမို့ အိမ်မှာပဲကစားကစား၊ လမ်းမှာပဲ ပျင်းလို့ခဏလောက်ထုတ်ကစားကစား အဆင်ပြေတဲ့ Text Based Idle Game ပါ။

ပြောပြခဲ့တဲ့ Idle Game တွေဟာ အားလုံး အခမဲ့ကစားနိုင်ပြီး၊ တစ်ချို့က Full Version ကို ပိုက်ဆံပေးရတာမျိုး၊ App ရှိတဲ့ဂိမ်း၊ မရှိတဲ့ဂိမ်း အမျိုးမျိုးရှိတာမို့ ကိုယ်တိုင် ကစားကြည့်ပြီးမှာ ဝယ်သင့်မဝယ်သင့်ကတော့ ဆုံးဖြတ်သင့်ပါတယ်။ တစ်ကယ့်ဂိမ်းကြီးတွေလို အချိန်သပ်သပ်ပေးပြီး အအိပ်အစားပျက်မကစားချင်သူတွေအတွက် အဆင်ပြေစေမယ့် Game တွေပဲဖြစ်ပါတယ်။