လာလီဂါအဖွင့်ပွဲ ၆ ပွဲဆက် အနိုင်ရရှိလာတဲ့ ရီးရဲလ်မက်ဒရစ်

စက်တင်ဘာ ၂၄

ရီးရဲလ်မက်ဒရစ်ဟာ အဝေးကွင်းမှာ လီဗန်တေးကို သက်တောင့်သက်သာဖြင့် ဂိုးပြတ် အနိုင်ရရှိကာ လာလီဂါအဖွင့်ပွဲ ၆ ပွဲလုံး အနိုင်ရရှိလာပါတယ်။

မနေ့က လာလီဂါအဝေးကွင်းပွဲစဉ်တွင် ရီးရဲလ်မက်ဒရစ်ဟာ ကိုင်လီယန်ဘက်ပေးရဲ့ သွင်းဂိုး ၂ ဂိုး၊ ဗီနီရှပ်စ်နှင့် မာစတန်တူအိုနိုတို့ရဲ့ သွင်းဂိုး ၁ ဂိုးနဲ့အတူ ၄-၁ ဖြင့် အနိုင်ရခဲ့တာလည်း ဖြစ်ပါတယ်။

ရီးရဲလ်မက်ဒရစ်ဟာ လီဗန်တေးကို အနိုင်ရရှိမှုနှင့် ဘာစီလိုနာကို ရမှတ် ၅ မှတ်အထိ ဖြတ်ထားလာနိုင်ခဲ့ပါတယ်။

ရီးရဲလ်မက်ဒရစ်အတွက် ၂ ဂိုးသွင်းခဲ့တဲ့ ကိုင်လီယန်ဘက်ပေးဟာလည်း လာလီဂါ သွင်းဂိုး ၇ ဂိုးအထိ ရှိလာပြီ ဖြစ်ပါတယ်။

ရီးရဲလ်မက်ဒရစ်ဟာ ပွဲအစ ၂၈ မိနစ်မှာ ဗယ်ဗာဒီရဲ့ ချပေးမှုကနေ ဗီနီရှပ်စ်ရဲ့ လှပလွန်းလှတဲ့ ဝေ့ဝိုက်ကန်ချက်ဖြင့် ဦးဆောင်ဂိုး ရရှိခဲ့ပါတယ်။

ယင်းနောက် ၃၈ မိနစ်မှာ ဗီနီရှပ်စ်ရဲ့ ချပေးမှုကနေ မာစတန်တူအိုနိုက အပေါ်ထောင့်သို့ အပြင်းကန်ပြီး ဒုတိယဂိုး သွင်းယူခဲ့ပါတယ်။

အသက် ၁၈ နှစ်ရှိ အာဂျင်တီးနားလက်ရွေးစင်ဟာ ရီးရဲလ်မက်ဒရစ်သို့ ရောက်လာပြီးနောက် ပထမဆုံးဂိုးသွင်းယူခဲ့တာ ဖြစ်ပြီး ဒီဂိုးကြောင့် ကလပ်ရဲ့ လာလီဂါသမိုင်းတွင် စတုတ္ထအသက်အငယ်ဆုံးဂိုးသွင်းရှင် ဖြစ်လာပါတယ်။

လီဗန်တေးဟာ အိုင်ဗန်ရိုမီယိုရဲ့ ဖြတ်တင်ဘောကနေ အီယန်းရဲ့ အနီးကပ်ခေါင်းတိုက်ဂိုးဖြင့် ချေပဂိုးရရှိကာ မျှော်လင့်ချက်လင်းလက်လာခဲ့ပါသေးတယ်။

ဒါပေမဲ့ ကိုင်လီယန်ဘက်ပေးက ၆၄ မိနစ်မှာ သူ့ကြောင့်ရတဲ့ ပင်နယ်တီကနေ Panenka ကန်ချက်ဖြင့် တတိယဂိုးသွင်းခဲ့ပြီး ၆၆ မိနစ်မှာ ဂူလာရဲ့ ဖန်တီးမှုကနေ စတုတ္ထဂိုးသွင်းယူခဲ့ပါတယ်။

လီဗန်တေးနိုင်ပွဲကြောင့် ဇာဘီးအလွန်ဆိုဟာ ရီးရဲလ်မက်ဒရစ်သမိုင်းတွင် ပထမဆုံးလာလီဂါ ၆ ပွဲဆက် အနိုင်ရရှိတဲ့ ဒုတိယမြောက် နည်းပြဖြစ်လာပါတယ်။

သူဟာ စနေနေ့ည အက်သလက်တီကိုနှင့် မက်ဒရစ်ဒါဘီပွဲစဉ်တွင် ဆက်လက် အနိုင်ရရှိလာပါက ၂၀၀၅ ခုနှစ်တုန်းက လူဇမ်ဘာဂိုရဲ့ ပထမဆုံးလာလီဂါ ၇ ပွဲဆက် အနိုင်ရရှိတဲ့ သမိုင်းမှတ်တမ်းကို လိုက်မီလာပါမယ်။

ဘာစီလိုနာဟာ ရီးရဲလ်မက်ဒရစ်ကို ဆက်လက် ဖိအားပေးနိုင်ရေးအတွက် ကြာသပတေးနေ့ အိုဗီဒိုအား အဝေးကွင်းသို့ သွားရောက်ရင်ဆိုင်ကစားရပါမယ်။

#ဘောလုံးသတင်းစုံ

စက်တင်ဘာ ၂၄ ရက်နေ့ စက်သုံးဆီစျေးနှုန်းများ

#democracynowmm

စက်တင်ဘာ ၂၄ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

စက်တင်ဘာ ၂၄ ရက်နေ့ စက်သုံးဆီစျေးနှုန်းများ

#centralnewsnaypyitaw

ဖိုတွန်အမှုန်ကို နှေးကွေးအောင်လုပ်ပြီး အလင်းကို ပုံဖော်ခဲအဖြစ် ပုံဖော်ဖန်တီးနိုင်ခဲ့
အီတလီသိပ္ပံပညာရှင်တွေဟာ အံ့အားသင့်စရာ စွမ်းဆောင်မှုအဖြစ် အလင်းကို အေးခဲပြီး ပုံဆောင်ခဲအဖြစ် ပထမဆုံးအကြိမ် ပြောင်းလဲနိုင်ခဲ့ကြပါတယ်။ အစဉ်အလာအားဖြင့် အလင်းဆိုတာ ထိတွေ့ကိုင်တွယ်မရတဲ့ အမှုန် (သို့) လှိုင်းတွေဖြစ်လို့ အလင်းကို ပုံဆောင်ခဲအဖြစ် ဖန်တီးဖို့ မဖြစ်နိုင်လောက်ဘူးလို့ ယူဆခဲ့ကြပါတယ်။
ဒါပေမဲ့ အီတလီသုတေသီတွေဟာ အလင်းရဲ့ အခြေခံအမှုန်ဖြစ်တဲ့ ဖိုတွန်ကို အလွန်အေးတဲ့ နေရာမှာ စနစ်တကျဘောင်သွင်း ပိတ်လှောင်ပြီး ပုံဆောင်ခဲဖြစ်အောင် စီမံခဲ့ကြတာပါ။ ဖိုတွန်အမှုန်တွေရဲ့ လှုပ်ရှားမှုကို လေးလံနှေးကွေးစေပြီး ထိန်းချုပ်ပုံသွင်းတဲ့ ဒီနည်းလမ်းဟာ ကွမ်တမ်တွက်ချက်မှု၊ ရုပ်မြင် ဆက်သွယ်ရေးနဲ့ အဆင့်မြင့် ဒြပ်ဝတ္တုသိပ္ပံ အစရှိတဲ့ အနာဂတ်နည်းပညာတွေအတွက် ကြီးမားတဲ့ အလားအလာ ရှိနေပါတယ်။
အလင်းကို ပုံဆောင်ခဲအဖြစ် ပုံသွင်းနိုင်ခြင်းအားဖြင့် သုတေသီတွေဟာ သတင်းအချက်အလက်တွေဟာ မကြုံစဖူး အလွန်မြန်ဆန်လွန်းတဲ့ အရှိန်အဟုန်နဲ့ သိုလှောင် စီမံနိုင်ဖို့၊ ဒေတာ ထုတ်လွှင့်မှုတွေကို ပုံသဏ္ဍာန်ပြောင်းလဲဖို့၊ တွက်ချက်မှုဆိုင်ရာ စွမ်းဆောင်ရည်ပိုင်း နည်းလမ်းသစ်တွေကိုလည်း ဖန်တီးနိုင်ဖို့ ရှိနေပါတယ်။
Ref: Italian Scientists Freeze a Ray of Light

ထန်ပိုင်လုံကြီးဟာ အချိန် နှစ်လခွဲသုံးလလောက်
ကြိုတင်ပြင်ဆင်ပြီး ဟင်းချက်လေ့ကျင့် တရုတ်စကားလေ့ကျင့် သိုင်းလေ့ကျင့်ခဲ့ရပါတယ်။ တခြားကားတွေထက် ပိုပြင်ဆင်ရပါတယ်တဲ့။
အင်တာဗျူးသူ “ဒါဆို ခများ ဒီကားမှာ သရုပ်ဆောင်ခ ပိုရမှာပေါ့” ဆိုပြီး မေးလိုက်တာ
“Special appearance မို့လို့ စျေးလျှော့ပြီးပဲ ရပါတယ်တဲ့”(ရယ်လျက်) 🤣
(TV Chosun)

🎬 Men at Work 2 (2025)
👉 Charlie Sheen, Emilio Estevez, Leslie Hope
Carl (Charlie Sheen) and James (Emilio Estevez) are just a pair of trash collectors looking for an easy day on the job — until a routine route lands them in the middle of a deadly conspiracy. When they stumble across evidence of illegal toxic waste dumping, the wisecracking duo suddenly find themselves way over their heads, with dangerous criminals watching their every move.
Armed with nothing but their wits, some questionable gadgets, and a whole lot of sarcasm, Carl and James set out to take down the operation — in their own hilariously reckless way.
Written and directed by Emilio Estevez, Men at Work is a buddy comedy packed with goofy charm, wild action, and two unlikely heroes who prove that even garbage men can clean up the streets.

ခွေးလေးတွေ၊ ကြောင်လေးတွေမှာ အိုင်အိုဒင်းဓာတ်ချို့တဲ့ခြင်းကြောင့် ဖြစ်ပေါ်လာနိုင်တဲ့ အရေပြားပြဿနာများ
သင့်အိမ်က ချစ်စရာကောင်းတဲ့ ခွေးလေး၊ ကြောင်လေးတွေရဲ့ ကျန်းမာရေးအတွက် အာဟာရဓာတ် တွေပြည့်ဝဖို့က အရေးကြီးပါတယ်။ အဲ့ဒီအာဟာရဓာတ်တွေထဲမှာမှ သိုင်းရွိုက်ဟော်မုန်း (thyroid hormone) ထုတ်လုပ်မှုအတွက် မရှိမဖြစ်လိုအပ်တဲ့ အိုင်အိုဒင်းဓာတ်ဟာ သူတို့လေးတွေရဲ့ အရေပြားနဲ့ အမွေးအမျှင်တွေရဲ့ ကျန်းမာရေးအတွက် အဓိကကျတဲ့ အခန်းကဏ္ဍကနေ ပါဝင်နေပါတယ်။ အိုင်အိုဒင်းဓာတ် ချို့တဲ့ခဲ့မယ်ဆိုရင် သိုင်းရွိုက်ဂလင်းရဲ့ လုပ်ဆောင်ချက်တွေ ပုံမှန်မဟုတ်တော့ဘဲ အရေပြားဆိုင်ရာ ပြဿနာတွေ အပါအဝင် ကျန်းမာရေးပြဿနာမျိုးစုံကို ကြုံတွေ့လာရနိုင်ပါတယ်။
အိုင်အိုဒင်းဓာတ်က ဘာကြောင့် အရေးကြီးတာလဲ။
အိုင်အိုဒင်းဟာ သိုင်းရွိုက်ဂလင်းကနေ သိုင်းရွိုက်ဟော်မုန်းတွေဖြစ်တဲ့ Thyroxine (T4) နဲ့ Triiodothyronine (T3) တို့ကို ထုတ်လုပ်ဖို့အတွက် လိုအပ်တဲ့ အဓိက သတ္တုဓာတ်တစ်မျိုး ဖြစ်ပါတယ်။ ဒီဟော်မုန်းတွေဟာ ခန္ဓာကိုယ်ရဲ့ ဇီဝကမ္မဖြစ်စဉ် (metabolism) ကို ထိန်းညှိပေးပြီး ဆဲလ်တွေရဲ့ ကြီးထွားဖွံ့ဖြိုးမှု၊ စွမ်းအင်အသုံးပြုမှုနဲ့ ခန္ဓာကိုယ်အပူချိန်ထိန်းညှိမှုတွေမှာ အရေးပါတဲ့အခန်းကဏ္ဍကနေ ပါဝင်ပါတယ်။ အထူးသဖြင့် အရေပြားဆဲလ်တွေနဲ့ အမွေးအမျှင်တွေရဲ့ ကျန်းမာသန်စွမ်းမှုကို ထိန်းသိမ်းပေးရာမှာ ဒီဟော်မုန်းတွေက မရှိမဖြစ်လိုအပ်ပါတယ်။
အိုင်အိုဒင်းဓာတ်ချို့တဲ့ခြင်းနဲ့ Hypothyroidism
ခန္ဓာကိုယ်မှာ အိုင်အိုဒင်းဓာတ် လုံလောက်စွာမရရှိတဲ့အခါ သိုင်းရွိုက်ဂလင်းက ဟော်မုန်းတွေကို လုံလောက်အောင် မထုတ်လုပ်နိုင်တော့ပါဘူး။ ဒီအခြေအနေကို "Hypothyroidism" (သိုင်းရွိုက်ဟော်မုန်းနည်းပါးခြင်း) လို့ခေါ်ပါတယ်။ ခွေးတွေမှာ Hypothyroidism ဖြစ်ပွားမှုက အဖြစ်များလေ့ရှိပြီး အဓိကအားဖြင့် ခန္ဓာကိုယ်ရဲ့ ခုခံအားစနစ်က သိုင်းရွိုက်ဂလင်းကို မှားယွင်းတိုက်ခိုက်တာကြောင့် ဖြစ်တတ်ပေမယ့် အာဟာရဓာတ်ချို့တဲ့မှု၊ အထူးသဖြင့် အိုင်အိုဒင်းချို့တဲ့မှုကလည်း အကြောင်းရင်းတစ်ခု ဖြစ်နိုင်ပါတယ်။ ကြောင်တွေမှာတော့ Hypothyroidism ဖြစ်ပွားမှုက ရှားပါးပေမယ့် အိုင်အိုဒင်းဓာတ်ချို့တဲ့မှုကြောင့် ဖြစ်နိုင်ခြေရှိပါတယ်။
အိုင်အိုဒင်းဓာတ်ချို့တဲ့ခြင်းကြောင့် ဖြစ်ပေါ်တတ်တဲ့ အရေပြားဆိုင်ရာ လက္ခဏာများ
Hypothyroidism ကြောင့် ခွေးနဲ့ကြောင်တွေမှာ အောက်ပါအရေပြားပြဿနာတွေကို တွေ့မြင်ရနိုင်ပါတယ်-
- အမွေးကျွတ်ခြင်း (Hair Loss/Alopecia)၊ ခွေးတွေမှာဆိုရင် ခန္ဓာကိုယ်ရဲ့ ဘေးနှစ်ဖက်၊ အမြီး နဲ့ လည်ပင်းတစ်ဝိုက်မှာ အမွေးတွေ ပါးလာပြီး အကွက်လိုက် ကျွတ်တာမျိုး တွေ့ရတတ်ပါတယ်။ ကြောင်တွေမှာလည်း အလားတူ အမွေးကျွတ်တဲ့ လက္ခဏာတွေ ပြသနိုင်ပါတယ်။
-အမွေးအမျှင်များ ခြောက်သွေ့ကြမ်းတမ်းခြင်း၊ အမွေးတွေဟာ တောက်ပမှုမရှိဘဲ ခြောက်သွေ့ပြီး ကြွပ်ဆတ်လာကာ အလွယ်တကူ ကျိုးပဲ့တတ်ပါတယ်။
-အရေပြားခြောက်သွေ့ပြီး အဖတ်လန်ခြင်း (Dry, Flaky Skin)၊အရေပြားဟာ ခြောက်သွေ့ပြီး ဗောက်လိုအဖတ်လေးတွေ ထလာတာမျိုး ဖြစ်တတ်ပါတယ်။
-အရေပြားထူထဲပြီး မည်းလာခြင်း (Thickened and Darkened Skin)၊ အထူးသဖြင့် ပွတ်တိုက်မှုများတဲ့နေရာတွေဖြစ်တဲ့ ချိုင်းကြား၊ ပေါင်ခြံလိုနေရာတွေမှာ အရေပြားက ထူထဲပြီး အရောင်ရင့်လာတတ်ပါတယ်။
-အရေပြားပိုးဝင်ခြင်း (Skin Infections)၊ အရေပြားရဲ့ ခုခံအားစနစ် အားနည်းသွားတာကြောင့် ဘက်တီးရီးယား ဒါမှမဟုတ် မှိုပိုးတွေ အလွယ်တကူ ဝင်ရောက်ပြီး အရေပြားယားယံခြင်း၊ အနာဖြစ်ခြင်း၊ အနံ့ဆိုးထွက်ခြင်းတို့ ဖြစ်ပေါ်နိုင်ပါတယ်။
-အနာကျက်နှေးခြင်း၊အရေပြားမှာဖြစ်တဲ့ ဒဏ်ရာတွေ၊ ထိခိုက်ရှနာတွေက ပုံမှန်ထက် အနာကျက်နှေးကွေးတာကို တွေ့ရနိုင်ပါတယ်။
ဒီအရေပြားပြဿနာတွေအပြင် အခြားလက္ခဏာတွေဖြစ်တဲ့ ကိုယ်အလေးချိန်တက်လာခြင်း၊ နုံးချည့်ခြင်း၊ အအေးဒဏ်မခံနိုင်ခြင်း၊ နှလုံးခုန်နှုန်းနှေးခြင်း စတာတွေလည်း တွဲဖက်တွေ့ရှိရနိုင်ပါတယ်။
ဘယ်လိုအခြေအနေတွေမှာ အိုင်အိုဒင်းဓာတ်ချို့တဲ့နိုင်သလဲ။
-အိမ်ချက်အစားအစာများ ကျွေးမွေးခြင်း
အိမ်မှာ ချက်ကျွေးတဲ့ အစားအစာတွေဟာ အာဟာရဓာတ်မျှတအောင် ပြင်ဆင်ဖို့ ခက်ခဲနိုင်ပြီး အိုင်အိုဒင်းဓာတ် ချို့တဲ့သွားနိုင်ခြေ များပါတယ်။
-အရည်အသွေးမပြည့်မီသော အသင့်စားအစာများ
စီးပွားဖြစ်ထုတ်လုပ်တဲ့ အချို့သောခွေးစာ၊ ကြောင်စာတွေမှာ အိုင်အိုဒင်းပါဝင်မှုနှုန်း မလုံလောက်တာ ဒါမှမဟုတ် အိုင်အိုဒင်းပမာဏ မတည်ငြိမ်တာတွေ ဖြစ်တတ်ပါတယ်။
-သက်သတ်လွတ်ကျွေးမွေးခြင်း
အသား၊ ငါးတွေမှာ အိုင်အိုဒင်းဓာတ် ကြွယ်ဝစွာပါဝင်တာကြောင့် သက်သတ်လွတ်အစားအစာတွေပဲ ကျွေးမွေးမယ်ဆိုရင် အိုင်အိုဒင်းချို့တဲ့မှု ဖြစ်နိုင်ခြေရှိပါတယ်။
ကာကွယ်ခြင်းနှင့် ကုသခြင်း
သင့်အိမ်မွေးတိရစ္ဆာန်လေးတွေမှာ အထက်မှာဖော်ပြခဲ့တဲ့ အရေပြားပြဿနာတွေနဲ့ အခြားလက္ခဏာတွေ တွေ့ရှိရပါက တိရစ္ဆာန်ဆေးကုဆရာဝန်နဲ့ အမြန်ဆုံးပြသပြီး စစ်ဆေးမှုခံယူသင့်ပါတယ်။ ဆရာဝန်က သွေးစစ်ဆေးခြင်းအားဖြင့် Hypothyroidism ဟုတ်မဟုတ်ကို အတည်ပြုပေးနိုင်မှာပါ။
ကုသမှုအနေနဲ့ အိုင်အိုဒင်းချို့တဲ့မှုကြောင့်ဖြစ်တဲ့ Hypothyroidism ဆိုရင် တိရစ္ဆာန်ဆေးကုဆရာဝန်ရဲ့ ညွှန်ကြားချက်အတိုင်း သိုင်းရွိုက်ဟော်မုန်းဆေးကို နေ့စဉ်တိုက်ကျွေးဖို့ လိုအပ်ပါတယ်။ ဒါ့အပြင် အာဟာရပြည့်ဝပြီး အိုင်အိုဒင်းဓာတ် လုံလောက်စွာပါဝင်တဲ့ အရည်အသွေးမြင့် အသင့်စားအစာတွေကို ပြောင်းလဲကျွေးမွေးဖို့လည်း အကြံပြုလိုပါတယ်။
နိဂုံးချုပ်အနေနဲ့ အိုင်အိုဒင်းဓာတ်ဟာ ခွေးလေးတွေ၊ ကြောင်လေးတွေရဲ့ အရေပြားနဲ့ အမွေးအမျှင်ကျန်းမာရေးအတွက် အလွန်အရေးကြီးတဲ့ အာဟာရဓာတ်တစ်မျိုးဖြစ်ပါတယ်။ အိုင်အိုဒင်းဓာတ်ချို့တဲ့ခြင်းက Hypothyroidism ကိုဖြစ်စေပြီး အရေပြားခြောက်သွေ့ခြင်း၊ အမွေးကျွတ်ခြင်း၊ အရေပြားပိုးဝင်ခြင်းစတဲ့ ပြဿနာမျိုးစုံကို ဖြစ်ပေါ်စေနိုင်တာကြောင့် မိမိတို့ရဲ့အချစ်တော်လေးတွေအတွက် အာဟာရမျှတတဲ့ အစားအစာကို ရွေးချယ်ကျွေးမွေးဖို့နဲ့ ကျန်းမာရေးကို အမြဲမပြတ်စောင့်ကြည့်ပေးဖို့ အရေးကြီးကြောင်း တိုက်တွန်းလိုက်ရပါတယ်။

အံ့မခန်း၊ ရှောက်နူကို မီးကင်ပြီး ချောင်းဆိုးတာ၊ ချွဲကြပ်တာ၊ ချောင်းခြောက်ဆိုးတာနဲ့ နာတာရှည်ချောင်းဆိုးတာကို သက်သာစေတယ်
​ရှောက်နူသီးကို မီးနဲ့အပူပေးပါ။
​ထက်ခြမ်းခြမ်းပြီး ဆားနည်းနည်းဖြူးပေးပါ။
​နွေးနေတုန်းမှာပဲ အရည်ကိုညှစ်ပြီး သောက်ပေးပါ။
​တစ်ရက်တည်းနဲ့ သက်သာသွားပါလိမ့်မယ်။

နေ့စဉ်မိုးလေဝသသတင်း
-----------------------
(၂၀၂၅ ခုနှစ်၊ စက်တင်ဘာလ ၂၄ ရက်နေ့ နံနက် ၇:၀၀ နာရီအချိန် ထုတ်ပြန်ချက်)
=========================================
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် မုတ်သုံလေ အားကောင်း နေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအသင့်အတင့်ရှိနေပါသည်။
ထူးခြားသည့်အခြေအနေ။ ယနေ့မြန်မာစံတော်ချိန် ၀၅:၃၀ နာရီအချိန် တိုင်းထွာချက်များအရ တောင်တရုတ်ပင်လယ်ပြင်တွင် ဖြစ်ပေါ်နေသော တိုင်ဖွန်းမုန်တိုင်း“ရာဂါဆာ”(RAGASA)သည် အနောက်- အနောက်မြောက်ဘက်သို့ရွေ့လျားခဲ့ပြီး၊ တရုတ်နိုင်ငံ၊ မကာအိုမြို့(Macao)၏ အရှေ့တောင်ဘက် ရေမိုင် ၇၀ မိုင်ခန့်အကွာ ပင်လယ်ပြင်ကို ဗဟိုပြုနေပါသည်။
ယနေ့ညနေအထိခန့်မှန်းချက်။ မကွေးတိုင်းဒေသကြီးနှင့် ကယားပြည်နယ်တို့တွင် နေရာကျဲကျဲ၊ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီး နှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး စစ်ကိုင်းတိုင်းဒေသကြီးအောက်ပိုင်းတွင် ဒေသအလိုက်နှင့် ရန်ကုန် တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။ ရွာရန် ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် မိုးတိမ်တောင်များ ဖြစ်ထွန်းမှုအားကောင်းလျက်ရှိပြီး အဆိုပါ မိုးတိမ်တောင်များရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူလေပြင်း တိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များဖြစ်ပေါ်နိုင် ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၁၀ ပေမှ ၁၂ ပေခန့် ရှိနိုင်ပါသည်။ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၉ ပေမှ ၁၁ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် မိုးဆက်လက်ပိုနေမည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။