အင်းတော်ကြီးကန်

တရုတ် နဲ့ မြောက်ကိုရီးယား ChatGPT အကောင့်တချို့ OpenAI ပိတ်

AI သုံးပြီး မဟုတ်မဟပ်တွေ လုပ်လာတဲ့ အကောင့်တချို့ကို OpenAI က ဖယ်ရှားလိုက်ပါတယ်။

အကောင့်တွေက မြောက်ကိုရီးယားနဲ့ တရုတ်ဘက်ကလို့ ဆိုပါတယ်။ ChatGPT ကို တလွဲသုံးပြီး အမေရိကန်ဆန့်ကျင်ရေးတွေမှာ သုံးလာတာကြောင့်လို့လည်း ပြောပါတယ်။ အကောင့် ဘယ်လောက်အထိ ban ခဲ့တယ်ဆိုတာတော့ ကုမ္ပဏီဘက်က မပြောထားပါဘူး။

ဒီအကောင့်တွေ အလုပ်လုပ်ပုံက တစ်မှုနဲ့တစ်မှု မတူပါဘူး။ တချို့တွေက အရင် Facebook မှာ သတင်းမှားဖြန့်ပြီး အသုံးပြုသူတွေအပေါ် ဩဇာညောင်းအောင် လုပ်တာနဲ့ ဆင်ပါတယ်။

ဥပမာအနေနဲ့ အမေရိကန်ထုတ် ChatGPT ကို သုံးပြီး အမေရိကန်အကြောင်း မကောင်းပြောတဲ့ သတင်းဆောင်းပါးတွေကို စပိန်လို ထုတ်ခဲ့ပြီး လက်တင်အမေရိက အဓိကသတင်းကြီးဌာနကြီးတွေကနေ ထုတ်တာမျိုးပါ။ ဒီသတင်းတွေကို တရုတ်ကုမ္ပဏီရဲ့ သတင်းခေါင်းစီးအောက်ကနေ ထုတ်တာပါ။

မြောက်ကိုရီးယားနဲ့ ဆက်စပ်ပြီး အပိတ်ခံရတဲ့ ChatGPT အကောင့်တွေဆို အယောင်ဆောင်အလုပ်လျှောက်ဖို့ AI ကို သုံးပြီး resume နဲ့ အွန်လိုင်းအလုပ် profile တွေ ဖန်တီးပါတယ်။ အနောက်နိုင်ငံကုမ္ပဏီတွေမှာ အလုပ်ရဖို့ ရည်ရွယ်ချက်နဲ့လို့ ဆိုပါတယ်။

ကမ္ဘောဒီးယားအခြေစိုက် ငွေလိမ်ဂိုဏ်းတွေလို့ ယူဆရတဲ့ ChatGPT အကောင့်တွေကတော့ OpenAI နည်းပညာသုံးပြီး X ၊ Facebook စတဲ့ လူမှုကွန်ရက်ပလက်ဖောင်းတွေပေါ်က မှတ်ချက်တွေကို ဆွဲထုတ် ဘာသာပြန်ပါတယ်။ ဒါတွေရဲ့ နောက်ကွယ်မှာ ကြောက်စရာမသမာမှုနဲ့ ရာဇဝတ်မှုတွေ ရှိလာနိုင်ပါတယ်။

တလောကပဲ အမေရိကန်အစိုးရက AI နည်းပညာသုံးပြီး တရုတ်က သူ့လူဦးရေကို ဖိနှိပ်တာ ၊ သတင်းအချက်အလက်အမှား ဖြန့်တာနဲ့ အမေရိကန်နဲ့ သူ့မဟာမိတ်တွေရဲ့ လုံခြုံရေးထိပါးနှောက်ယှက်တာတွေ လုပ်မှာကို စိုးရိမ်တဲ့အကြောင်း ထုတ်ပြောထားတယ်လို့ Reuters က ဖော်ပြခဲ့ပါတယ်။

OpenAI ထုတ် ChatGPT ဟာ ကမ္ဘာ့လူသုံးအများဆုံး AI chatbot ဖြစ်ပြီး တစ်ပတ်တစ်ပတ် ပုံမှန်သုံးသူ သန်း ၄၀၀ ကျော် ရှိတယ်လို့လည်း ဆိုပါတယ်

အသက် ၈၅ နှစ်နှင့်အထက် လူမှုရေးပင်စင်၊ ကိုယ်ဝန်ဆောင်နှင့် ၎င်းတို့မှမွေးဖွားသည့် အသက် ၂ နှစ်အောက် ကလေးများအား ငွေကြေးထောက်ပံ့ခြင်းအစီအစဉ်တို့မှ အကျိုးခံစားခွင့်ရှိသူများကို ယခုဘဏ္ဍာနှစ်တွင် ထောက်ပံ့ပေးရန် စီစဉ်နေ

ဖေဖော်ဝါရီ ၂၅

အသက် ၈၅ နှစ်နှင့်အထက် လူမှုရေးပင်စင်အစီအစဉ်နှင့် ကိုယ်ဝန်ဆောင်မိခင်များနှင့် ၎င်းတို့မှ မွေးဖွားလာသော အသက် (၂)နှစ်အောက် ကလေးသူငယ်များအား ငွေကြေးထောက်ပံ့ခြင်းအစီအစဉ်တို့မှ အကျိုးခံစားခွင့်ရှိသူများကို ယခု ၂၀၂၄-၂၀၂၅ ဘဏ္ဍာနှစ်တွင် ထောက်ပံ့နိုင်ရေး စီစဉ်ဆောင်ရွက်လျက်ရှိကြောင်း နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဗိုလ်ချုပ်မှူးကြီးစိုးဝင်းက ယမန်နေ့က ပြုလုပ်သည့် လူမှုကာကွယ်ရေးစောင့်ရှောက်ရေးဆိုင်ရာ အမျိုးသားကော်မတီ အစည်းအဝေးတွင် ပြောကြားသည်။

လူမှုကာကွယ်စောင့်ရှောက်ရေးနှင့်ပတ်သက်၍ ကျန်းမာရေးစောင့်ရှောက်ပေးခြင်း၊ နာမကျန်းအကျိုးခံစားခွင့်၊ အလုပ်လက်မဲ့အကျိုးခံစားခွင့်၊ သက်ကြီးအကျိုးခံစားခွင့်၊ အလုပ်ခွင်ထိခိုက်မှု အကျိုးခံစားခွင့်၊ မိသားစုထောက်ပံ့မှုအကျိုးခံစားခွင့်၊ မီးဖွားမှုအကျိုးခံစားခွင့်၊ ကျန်ရစ်သူမိသားစု အကျိုးခံစားခွင့်နှင့် ပြင်းထန်စွာထိခိုက်ဒဏ်ရာရသူများ အကျိုးခံစားခွင့် စသည် ၉ ရပ်ရှိကြောင်း သိရသည်။

ယင်းတို့ကို မိမိတို့၏ ဘဏ္ဍာငွေကြေးသုံးစွဲနိုင်မှုအပေါ်မူတည်၍ ထောက်ပံ့ပေးလျက်ရှိကြောင်း၊ မိမိတို့အနေဖြင့် လူမှုကာကွယ်စောင့်ရှောက်ရေးနှင့် ပတ်သက်၍ နိုင်ငံတကာနှင့်လည်း ပူးပေါင်းဆောင်ရွက်လျက်ရှိကြောင်း နစက ဒုဥက္ကဋ္ဌက ပြောကြားသည်။

ဆက်လက်ပြီး လူမှုဝန်ထမ်းဦးစီးဌာနအနေဖြင့် လူမှုကာကွယ်စောင့်ရှောက်ရေးဆိုင်ရာ ငွေကြေးအထောက်အပံ့ပေးရေး အစီအစဉ်ဖြစ်သည့် အသက် ၈၅ နှစ်နှင့်အထက် သက်ကြီးပုဂ္ဂိုလ်များအား ထောက်ပံ့သည့် လူမှုရေးပင်စင်အစီအစဉ် (Social Pension)နှင့် ကိုယ်ဝန်ဆောင်မိခင်များနှင့် ၎င်းတို့မှ မွေးဖွားလာသော အသက် (၂)နှစ်အောက် ကလေးသူငယ်များအား ငွေကြေးထောက်ပံ့ခြင်းအစီအစဉ် (Maternal and Child Cash Transfer Program – MCCT)တို့မှ အကျိုးခံစားခွင့်ရှိသူများကို ယခု ၂၀၂၄-၂၀၂၅ ဘဏ္ဍာရေးနှစ်တွင် မြန်မာ့စီးပွားရေးဘဏ်ခွဲများမှတစ်ဆင့် ထောက်ပံ့နိုင်ရေး စီစဉ်ဆောင်ရွက်လျက်ရှိကြောင်း နစကဒုဥက္ကဋ္ဌက ပြောကြားသည်။

ထို့ပြင် အသက်(၂)နှစ်အောက် ကလေးငယ်များ ထောက်ပံ့နိုင်ရေးကိုလည်း စီစဉ်ဆောင်ရွက်လျက်ရှိကြောင်း၊ အသက်(၂) နှစ်အောက်ကလေးငယ်အားလုံး ဉာဏ်ရည်ဖွံ့ဖြိုးတိုးတက်စေရေး ဆောင်ရွက်ရာတွင် တစ်ဦးတစ်ယောက်မျှ မကျန်ခဲ့စေရန် တာဝန်ရှိသူများက ဆောင်ရွက်ပေးစေလိုကြောင်း နစက ဒုဥက္ကဋ္ဌက ပြောကြားသည်။

လူမှုကာကွယ်စောင့်ရှောက်ရေးလုပ်ငန်းများ ပိုမိုဆောင်ရွက်နိုင်ရေးအတွက် ယခုအချိန်ကတည်းကပင် အစီအမံများ ချမှတ်ဆောင်ရွက်ရမည်ဖြစ်ကြောင်း၊ ယခုအချိန်တွင် နိုင်ငံတော်မှ ရရှိသည့်ရန်ပုံငွေဖြင့် ထောက်ပံ့ပေးလျက်ရှိကြောင်း၊ နောင်တစ်ချိန်တွင် တိုးမြှင့်ထောက်ပံ့မှုများ ဆောင်ရွက်နိုင်ရန်အတွက် ယခုကတည်းကပင် ကြိုတင်ပြင်ဆင်ထားရမည်ဖြစ်ကြောင်း၊ အလားတူ အလုပ်ရှင်များအနေဖြင့်လည်း မိမိတို့ဝန်ထမ်းများအား ပုံစံအမျိုးမျိုးဖြင့် ထောက်ပံ့နိုင်ရေး မျှော်မှန်းစဉ်းစား ဆောင်ရွက်ကြရမည်ဖြစ်ကြောင်း နစက ဒုဥက္ကဋ္ဌက ပြောကြားသည်။

#centralnewsnaypyitaw

"ချစ်ခြင်းမေတ္တာဆိုတာ Luxury ပါပဲ"
🔳 အခုခေတ်မှာ ချစ်ခြင်းမေတ္တာဆိုတာ လူတွေအတွက် Luxury တစ်ခုလို၊ ရှားပါးပစ္စည်းတစ်ခုလို ဖြစ်နေပါပြီ။ ဒါဟာ ဘာကြောင့်လဲ။
📌 ပထမဆုံး အချက်က Time ပါ။
လူတိုင်းလိုလို အချိန်မရှိကြတော့ပါဘူး။ အလုပ်တွေ များလွန်းတယ်။ ဝင်ငွေအတွက် ရုန်းကန်နေရတယ်။ မနက်စောစော ထွက်၊ ညနောက်ကျမှ ပြန်နဲ့ တော်တော်များများက ရုပ်ပိုင်းဆိုင်ရာ လိုအပ်ချက်တွေအတွက်တောင် အချိန်မလုံလောက်တော့ပါဘူး။
ကမ္ဘာကြီးဟာ လျင်မြန်စွာ ပြောင်းလဲနေပါတယ်။ နည်းပညာတွေ တိုးတက်လာတာနဲ့အမျှ စက်ယန္တရားတွေက လူတွေရဲ့ အလုပ်ချိန်ကို ပိုမိုများပြားလာစေပါတယ်။ World Economic Forum ရဲ့ အစီရင်ခံစာအရ အမေရိကန်နိုင်ငံမှာ တစ်ပတ်ကို ပျမ်းမျှ အလုပ်ချိန် ၄၇ နာရီကနေ ၅၅ နာရီအထိ တိုးလာတယ်လို့ ဆိုပါတယ်။
ဒီလို အလုပ်ချိန် များလာတာနဲ့အမျှ လူတွေမှာ တစ်ယောက်နဲ့တစ်ယောက် အပြန်အလှန် အချိန်ပေးဖို့ ခက်ခဲလာပါတယ်။ မိသားစုနဲ့အတူ စားပွဲဝိုင်းမှာ ထိုင်စားဖို့တောင် အချိန်မရှိတော့သလို၊ သူငယ်ချင်းတွေနဲ့ ဆုံဖို့၊ အိမ်နီးချင်းတွေနဲ့ စကားပြောဖို့ အချိန်တွေ မရှိတော့ပါဘူး။
ပြောရရင် အချိန်ဆိုတာ ချစ်ခြင်းမေတ္တာအတွက် Luxury တစ်ခုလို ဖြစ်လာပါပြီ။ အချိန်ပေးနိုင်တဲ့သူတွေပဲ ချစ်ခြင်းမေတ္တာဆိုတဲ့ Luxury ကို ခံစားနိုင်ကြတော့တယ်။
📌 ဒုတိယအချက်က Energy ပါ။
American Psychological Association ရဲ့ သုတေသနတစ်ခုအရ လူတွေရဲ့ နေ့စဉ်သုံး စွမ်းအင်ဟာ ၄၀% လောက်က အလုပ်နဲ့ ပတ်သက်တဲ့ စိတ်ဖိစီးမှုတွေအတွက် ကုန်ဆုံးသွားတယ်လို့ ဆိုပါတယ်။ ကျန်တဲ့ ၆၀% ထဲကမှ တစ်ဝက်လောက်က ရုပ်ပိုင်းဆိုင်ရာ လိုအပ်ချက်တွေအတွက် သုံးစွဲရပါတယ်။
ကိုယ်ချစ်တဲ့သူတွေ၊ ခင်တဲ့သူတွေနဲ့ တွေ့ဖို့အချိန်ရတော့မယ်ဆိုရင်တောင် လူတွေမှာ စွမ်းအင် ကုန်ခမ်းနေပါပြီ။
လက်ကျန် စွမ်းအင်နည်းနည်းလေးနဲ့ တစ်ယောက်ကို တစ်ယောက် နားလည်အောင် နားထောင်ပေးဖို့၊ စာနာထောက်ထားဖို့၊ မေတ္တာထားဖို့ဆိုတာ တော်တော်လေး ခက်ခဲလာပါပြီ။
ဒါ့အပြင် နည်းပညာတွေရဲ့ လွှမ်းမိုးမှုကြောင့် လူတွေရဲ့ စွမ်းအင်တွေဟာ ဆိုရှယ်မီဒီယာတွေပေါ်မှာ၊ ဂိမ်းတွေပေါ်မှာ၊ ဖုန်းသုံးတာတွေပေါ်မှာ အများကြီး ကုန်ဆုံးနေပါတယ်။ ဒီလိုနဲ့ အစစ်အမှန် ချစ်ခြင်းမေတ္တာ၊ စာနာမှု၊ နွေးထွေးမှုတွေအတွက် စွမ်းအင်တွေ မကျန်တော့ပါဘူး။
📌 တတိယအချက်က Priority ပါ။
လူတွေရဲ့ ဦးစားပေးမှုတွေက ပြောင်းလဲလာပါပြီ။ အိမ်၊ ကား၊ ရာထူး၊ စီးပွားရေး၊ ဂုဏ်ပုဒ် စတဲ့ ရုပ်ဝတ္ထုပိုင်းဆိုင်ရာတွေကို ပိုအလေးထားလာကြတယ်။
တစ်ယောက်နဲ့တစ်ယောက် အချိန်ပေးဖို့၊ နားလည်မှုတည်ဆောက်ဖို့၊ ယုံကြည်မှုတွေ တည်ဆောက်ဖို့က နောက်ဆုံးမှ စဉ်းစားရမယ့် အရာတွေ ဖြစ်လာပါပြီ။
ယခုလိုအချိန်ကာလမျိုးမှာ လူအများစုရဲ့ ဦးစားပေးတွေ ဘယ်လိုပြောင်းလဲလာသလဲဆိုတာကို သုံးသပ်ကြည့်ရရင်..
၁။ ငွေကြေး/စီးပွားရေး တည်ငြိမ်မှု
၂။ ကျန်းမာရေး
၃။ အလုပ်အကိုင် တည်မြဲမှု
၄။ မိသားစု ဘေးကင်းလုံခြုံရေး
၅။ လူမှုဆက်ဆံရေး
Stanford University က ထုတ်ပြန်တဲ့ Social Connection Index အရ လူတွေရဲ့ နံပါတ်တစ် ဦးစားပေးက ငွေကြေးဖြစ်ပြီး၊ လူမှုဆက်ဆံရေးက နံပါတ် ၅ နေရာမှာပဲ ရှိတယ်လို့ ဆိုပါတယ်။
ချစ်ခြင်းမေတ္တာ၊ ကြင်နာမှု၊ နားလည်မှု၊ ယုံကြည်မှုတွေဟာ နောက်တန်း ရောက်သွားပါပြီ။ Luxury တွေလို ဖြစ်သွားပါပြီ။
🔳 အဲဒီလိုအကြောင်းတွေကြောင့် ချစ်ခြင်းမေတ္တာဆိုတာ လွယ်လွယ်နဲ့မရတဲ့ Luxury တစ်ခုပါ။ ဒီ Luxury က တော်တော်လေး ထူးခြားပါတယ်။ ငွေရှိတိုင်းလည်း ဝယ်လို့မရဘူး။ အချိန်ပေးမှ ရပါတယ်။ စွမ်းအင်သုံးမှ ရပါတယ်။ ဦးစားပေးမှ ရပါတယ်။
ချစ်ခြင်းမေတ္တာတစ်ခုကို တည်မြဲဖို့အတွက် အင်မတန်အားစိုက်ထုတ်ရတဲ့အတွက် တန်ဖိုးရှိတဲ့အရာ၊ ရှားပါးတဲ့အရာလို့ ဆိုရမှာပါ။ လွယ်လွယ်ရမနေဘူး။ ပေါများမနေဘူး။ တန်ဖိုးမဲ့မနေဘူး။
တစ်ချိန်တည်းမှာပဲ ဒီ Luxury က တခြား Luxury တွေနဲ့ မတူတာက လူတွေကို တကယ်ပျော်ရွှင်စေတယ်။ စိတ်ချမ်းသာစေတယ်။ ဘဝကို အဓိပ္ပါယ်ရှိစေတယ်။ ခွန်အားတွေ ရှိစေတယ်။
ဒါကြောင့် တစ်ယောက်နဲ့ တစ်ယောက် အချိန်ပေးကြပါ။ နားထောင်ပေးကြပါ။ နားလည်ပေးကြပါ။ အာရုံစိုက်ပေးကြပါ။ တန်ဖိုးထားကြပါ။ ဘာလို့လဲဆိုတော့ လူသားအားလုံးဟာ ချစ်ခြင်းမေတ္တာဆိုတဲ့ Luxury ကို မဖြစ်မနေ လိုအပ်နေကြလို့ပါပဲ။
#ဉာဏ
January 6, 2025

မြန်မာနိုင်ငံသို့ တရားမဝင် ဝင်ရောက်လာသည့် ပြည်ပနိုင်ငံသား ၁၅၀ ဦး ထပ်မံထိန်းသိမ်းနိုင်ခဲ့၍ ၂၆ ရက်အတွင်း ၂,၃၇၀ ဦး ဖော်ထုတ်ထိန်းသိမ်းနိုင်ခဲ့

ဖေဖော်ဝါရီ ၂၅

နိုင်ငံတော်အစိုးရအနေဖြင့် နယ်စပ်ဒေသများတွင် ဖြစ်ပေါ်လျက်ရှိသည့် တရားမဝင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ အပါအဝင် ဒုစရိုက်မှုများကို ထိထိရောက်ရောက် နှိမ်နင်းဆောင်ရွက်လျက်ရှိရာ ယနေ့တွင် မြဝတီမြို့- ရွှေကုက္ကိုလ်နှင့် KK Park နယ်မြေများသို့ တရားမဝင်လမ်းကြောင်းများမှတစ်ဆင့် ဝင်ရောက်နေကြသည့် ပြည်ပနိုင်ငံသား ၁၅၀ ဦးကို ထပ်မံစစ်ဆေးဖော်ထုတ်ထိန်းသိမ်းနိုင်ခဲ့ကြောင်း နစက သတင်းထုတ်ပြန်ရေးအဖွဲ့မှ ထုတ်ပြန်ထားသည်။

အဆိုပါထိန်းသိမ်းထားသည့် ပြည်ပနိုင်ငံသားများကို သက်ဆိုင်ရာ နိုင်ငံများသို့ အမြန်ဆုံးပြန်လည်လွှဲပြောင်းပေးအပ်နိုင်ရေး လိုအပ်သည့် ကိုယ်ရေးအချက်အလက်များနှင့် မှတ်တမ်းများ စာရင်းကောက်ယူခြင်းလုပ်ငန်းများကို ဌာနဆိုင်ရာ ပူးပေါင်းအဖွဲ့များဖြင့် နေ့ချင်းပြီး ဆောင်ရွက်လျက်ရှိရာ၂၀၂၅ ခုနှစ်၊ ဇန်နဝါရီ ၃၀ ရက်မှ ဖေဖော်ဝါရီ ၂၄ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၂,၃၇၀ ဦး စစ်ဆေးဖော်ထုတ် ထိန်းသိမ်းနိုင်ခဲ့ခြင်းဖြစ်သည်။

ထိန်းသိမ်းထားရှိသည့် ပြည်ပနိုင်ငံသား ၂,၃၇၀ ဦးသည် တရုတ်၊ အင်ဒိုနီးရှား၊ ဗီယက်နမ်၊ မလေးရှား၊ ပါကစ္စတန်၊ အိန္ဒိယ၊ ယူဂါန်ဒါ၊ အီသီယိုးပီးယား၊ နီပေါ၊ ထိုင်း၊ ရဝမ်ဒါ၊ ကင်ညာ၊ ကာဇက်စတန်၊ ကမ္ဘောဒီးယားနှင့် တရုတ် (တိုင်ပေ)တို့မှ နိုင်ငံသားများဖြစ်ကြပြီး အများစုမှာ တရုတ်နိုင်ငံသားများဖြစ်ကြောင်း သိရသည်။

အဆိုပါ ထိန်းသိမ်းထားရှိသည့် ပြည်ပနိုင်ငံသား ၂,၃၇၀ အနက်မှ ၆၇၃ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံသို့ ဥပဒေလုပ်ထုံးလုပ်နည်းများနှင့်အညီ စနစ်တကျလွှဲပြောင်း ပေးအပ်ခဲ့ပြီး ကျန်ရှိသည့် ပြည်ပနိုင်ငံသား ၁,၆၉၇ ဦးကို သက်ဆိုင်ရာ နိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်း သိရသည်။

#သတင်းဟင်းလေးအိုးကြီး

ငွေကို တန်ဖိုးမထားခဲ့ရင်
မရှိတော့တဲ့အခါ သိမ်ငယ်ရတယ်။

လူကိုတန်ဖိုးမထားရင်
ဝေးတဲ့အခါ နောင်တရတတ်တယ်။

#စာတို

#ယနေ့ထုတ်သတင်းစာ_သတင်း
◼ မိုးကြို ချည်မျှင်ရှည်ဝါစိုက်တောင်သူများသို့ကြိုတင်ဆောင်ရွက်ရမည့် အချက်များ ထုတ်ပြန်
မိုးကြိုချည်မျှင်ရှည်ဝါကို ဖေဖော်ဝါရီ လလယ်မှ စတင်စိုက်ပျိုးသည့်အတွက် စိုက်တောင်သူများသို့ ကြိုတင်ဆောင်ရွက်ရမည့် အချက်များကို ဝါနှင့်လျှော်မျှင်ထွက်သီးနှံ ဌာနခွဲ စိုက်ပျိုးရေးဦးစီးဌာနက ထုတ်ပြန်ခဲ့သည်။
အဆိုပါအချက်များမှာ မျိုးအနေဖြင့် မိုးကြိုချည်မျှင်ရှည်ဝါကိုအချိန်မီစိုက်ပျိုးနိုင်ရေးအတွက် စိုက်ပျိုးရေးဦးစီးဌာနဝါနှင့် လျှော်မျှင်ထွက်သီးနှံဌာနခွဲမှ ထုတ်လုပ်ဖြန့်ဖြူးလျက်ရှိသော ငွေချည် ၆၊ ရွှေတောင် ၈၊ ငွေ ချည် ၉၊ ရွှေတောင် ၁ဝ၊ ငွေချည် ၁၁ ဝါမျိုးစေ့များအား ကြိုတင်ဝယ်ယူ စုဆောင်းထားရန်၊ မျိုးကွဲလုံးဝကင်းစင်ပြီး အပင်ပေါက်ရာခိုင်နှုန်း ၈ဝ အထက်ရှိ အရည်အသွေးမြင့် မျိုးဝါစေ့များကိုသာ အသုံးပြုစိုက်ပျိုးနိုင်ရေးအတွက် ကြိုတင်စုဆောင်းထားရန်၊ မျိုးစေ့များ ခြောက်သွေ့ရန်အတွက် နေ နှစ်ကြိမ်၊သုံးကြိမ်လှန်းပြီးမှ ဂုန်နီအိတ်တွင်ထည့်၍ ရေမစိုနိုင်သောနေရာတွင် ကတ်များခင်းပြီး သိုလှောင်ထားရန်တို့ဖြစ်သည်။
ယင်းပြင် မြေအနေဖြင့် မိုးကြိုချည်မျှင်ရှည်ဝါကို အချိန်မီ စိုက် ပျိုးနိုင်ရေးအတွက် ရှေ့သီးနှံများ အချိန်မီဖယ်ရှားရေး၊ အချိန်မီ မြေပြုပြင်ပြီးစီးရေး၊ စိုက်ပျိုးချိန်တွင် ရေအပြည့်အဝ ပေးသွင်းရရှိရေးတို့အတွက် ကြိုတင်အစီအစဉ်များ ရေးဆွဲဆောင်ရွက်ရန်၊ မြေဆီဩဇာ သင့်တင့်ကောင်းမွန်ပြီး အစိုဓာတ် ထိန်းသိမ်းမှုနှင့် လေဝင်လေထွက်ကောင်းသော နုန်းမြေ၊ နုန်းစနယ်မြေနှင့် သဲနုန်းမြေများကို ရွေးချယ်စိုက်ပျိုးရန်၊ ပေါင်းမြက်ကြိုတင်ကာကွယ် နှိမ်နင်းရေးအနေဖြင့် ရှေ့သီးနှံ (ဥပမာ-စပါး)ရိတ်သိမ်းပြီးသည်နှင့်တစ်ပြိုင်နက် မြေမစိုလွန်း၊ မခြောက်လွန်းရှိမည့်ပပ်ကြားအက်စအချိန်တွင် ပထမ ထယ်တစ်စပ်ထိုးရန်နှင့် အခြောက်လွန်သွားသော စိုက်ခင်းတွင် ရေစပ်ရုံမျှသွင်းပြီး မြေအထန့်တွင် ထယ်ထိုးရန်၊ မိုးနှောင်းချည်မျှင်ရှည်ဝါအပြီး မိုးကြိုဝါဆက်လက်စိုက်ပျိုးမည့် စိုက်ခင်းများတွင် ဝါကို နောက်ဆွဲကောက်သိမ်းခြင်းဖြင့် စိုက်ခင်းများအတွင်း ပေါင်းပင်များအစေ့တည်ပြီး ရင့်မှည့်လာနိုင်သောကြောင့် ပေါင်းပင်များကို ဆက်လက်ရှင်သန်ခွင့်မပေးဘဲ ထယ်ထိုးပေါင်းသတ်ထားရန် တို့ဖြစ်ကြောင်းသိရသည်။
ထို့နောက် စိုက်ထယ်ရေး မပြုလုပ်မီအချိန်အတွင်း ၁၆ သွား ထွန် တစ်စပ် သို့မဟုတ် နှစ်စပ်ဝင်ပြီး ပေါင်းသတ်ထွန်ရေး ပြုလုပ်ထားရန်၊ အသုံးပြုမည့်ထယ်၊ ထွန်၊ ကြားတိုက်ကိရိယာများတွင် ပေါင်းစေ့များ တွယ်ကပ်မှု မရှိစေရန် ကောင်းစွာသန့်ရှင်းပြီးမှ အသုံးပြုရန်၊ မိုးကြိုချည်မျှင်ရှည်ဝါသည် ရေသွင်းစိုက်ပျိုးသည့် သီးနှံဖြစ်သည့်အလျောက် ရေသွင်းမြောင်းများ သန့်ရှင်းရေးကို ကြိုတင်ဆောင်ရွက်ထားရန်၊ ကောင်းစွာဆွေးမြည့်သော နွားချေးနှင့် သဘာဝမြေဩဇာများကိုသာ သုံးစွဲရန်၊ အကယ်၍ ပေါင်းသတ်ထွန်ရေး မပြုလုပ်နိုင်ခဲ့လျှင်သော်လည်းကောင်း၊ ပေါင်းသတ်ထွန်ရေး ပြုလုပ်သော်လည်း ပေါင်းမြက်များ ဆက်လက်ကျန်ရှိနေလျှင် သော်လည်းကောင်း၊ အထူးသဖြင့် မြေစာမြက်ကဲ့သို့သော နှစ်ရှည်ခံပေါင်းမြက်များ ပေါက်ရောက်မှုထူထပ်လျှင်သော်လည်းကောင်း အစိုဓာတ်သင့်တင့်စွာ ရှိချိန်ဝါမစိုက်ပျိုးမီ အနည်းဆုံး ၂ဝ၊ ၂၅ ရက် ကြိုတင်၍ပေါင်းသတ်ဆေး ပက်ဖျန်းပေါင်း သတ်ထားရန်တို့ဖြစ်ကြောင်း သိရသည်။

Neymar goal
ဆန်းတို့စ်မှာ ပြန်ကစားပြီး ပထမဆုံးဂိုးကို‌ နေမာရခဲ့ပါပြီ။ ရမယ့်ရတော့လည်း ထောင့်ကန်ဘောကနေ တိုက်ရိုက်ကန်သွင်းခဲ့တာပါ။ အင်တာနေစီယွန်နယ်နဲ့ ကစားခဲ့တဲ့ပွဲမှာ ဆန်းတို့စ်က ၃-၀နဲ့ နိုင်ခဲ့ပြီး ဂိုးအားလုံးမှာ နေမာက ပါဝင်ပတ်သက်နိုင်ခဲ့ပါတယ်။

ပထမပိုင်းမှာ သူကိုယ်တိုင် တဂိုးသွင်းပြီး ကျန်တဲ့နှစ်ဂိုးအတွက် ဖန်တီးပေးခဲ့တာပါ။ ဘရာဇီးလ်ကို ပြန်ရောက်ပြီးနောက် သူ အကောင်းဆုံးခြေစွမ်းပြနိုင်ခဲ့တဲ့ပွဲပါပဲ။ ပွဲကစားချိန်တွေ ပိုများလာလေ နေမာက ပိုကောင်းလာလေလို့ ပြောရမယ်။ အရင်လိုမျိုုး မဟုတ်သေးပေမယ့် အဲဒီလိုဖြစ်လာဖို့အတွက် အခြေအနေကောင်းနေပါပြီ။

ပြိုင်ဘက်ပရိသတ်တွေ ဝိုင်းလှောင်ပြောင်တာကိုလည်း ခံခဲ့ရပါသေးတယ်။ ဒါပေမယ့် သူကတော့ နားရွက်ဘေးမှာ လက်ဝါးကာပြီး ပြန်အောင်ပွဲခံပြသွားပါတယ်။ ထောင့်ကန်ဘောကို ကန်တင်ခဲ့ရာမှာ ဘောလုံးက ဂိုးပေါက်ထဲကို တိုက်ရိုက်သွားခဲ့ပြီး တိုင်ထိကာ ဝင်သွားခဲ့တာပါ။ ဂိုးရချင်ရင်လည်း အဲလိုပဲ။ ကြံဖန်ပြီးတော့ကို ရတာ။

Neymar goal
ဆန်းတို့စ်မှာ ပြန်ကစားပြီး ပထမဆုံးဂိုးကို‌ နေမာရခဲ့ပါပြီ။ ရမယ့်ရတော့လည်း ထောင့်ကန်ဘောကနေ တိုက်ရိုက်ကန်သွင်းခဲ့တာပါ။ အင်တာနေစီယွန်နယ်နဲ့ ကစားခဲ့တဲ့ပွဲမှာ ဆန်းတို့စ်က ၃-၀နဲ့ နိုင်ခဲ့ပြီး ဂိုးအားလုံးမှာ နေမာက ပါဝင်ပတ်သက်နိုင်ခဲ့ပါတယ်။

ပထမပိုင်းမှာ သူကိုယ်တိုင် တဂိုးသွင်းပြီး ကျန်တဲ့နှစ်ဂိုးအတွက် ဖန်တီးပေးခဲ့တာပါ။ ဘရာဇီးလ်ကို ပြန်ရောက်ပြီးနောက် သူ အကောင်းဆုံးခြေစွမ်းပြနိုင်ခဲ့တဲ့ပွဲပါပဲ။ ပွဲကစားချိန်တွေ ပိုများလာလေ နေမာက ပိုကောင်းလာလေလို့ ပြောရမယ်။ အရင်လိုမျိုုး မဟုတ်သေးပေမယ့် အဲဒီလိုဖြစ်လာဖို့အတွက် အခြေအနေကောင်းနေပါပြီ။

ပြိုင်ဘက်ပရိသတ်တွေ ဝိုင်းလှောင်ပြောင်တာကိုလည်း ခံခဲ့ရပါသေးတယ်။ ဒါပေမယ့် သူကတော့ နားရွက်ဘေးမှာ လက်ဝါးကာပြီး ပြန်အောင်ပွဲခံပြသွားပါတယ်။ ထောင့်ကန်ဘောကို ကန်တင်ခဲ့ရာမှာ ဘောလုံးက ဂိုးပေါက်ထဲကို တိုက်ရိုက်သွားခဲ့ပြီး တိုင်ထိကာ ဝင်သွားခဲ့တာပါ။ ဂိုးရချင်ရင်လည်း အဲလိုပဲ။ ကြံဖန်ပြီးတော့ကို ရတာ။

ညက ကစားခဲ့တဲ့ ဂါလာတာစာရေးနဲ့ ဖီနာဘာချီပွဲအတွက် ရဲတပ်ဖွဲ့ဝင်ပေါင်း ၃ သောင်းကျော်အထိ အသုံးပြုသွားခဲ့တာပါ။ ကွင်းဘေးပတ်ပတ်လည်မှာ ရဲတပ်ဖွဲ့ဝင်တွေကို နေရာချထားခဲ့တာဖြစ်ပြီး တူရကီရဲ့ အကြမ်းတမ်းဆုံးပွဲအတွက် အာဏာပိုင်တွေ ပြင်ဆင်ခဲ့ရပါတယ်။
ဒီပွဲကလည်း အားလုံးသိတဲ့အတိုင်းပါပဲ။ ပြသနာတခုမဟုတ်တခုဖြစ်ပွားနေကျပါ။ ကွင်းထဲမှာ ကစားသမားတွေချင်း နောင်ဂျိန်ချရင်ချ၊ မချရင်စင်ပေါ်မှာ ပရိသတ်တွေ တီးနေကျပါ။ ဒါကြောင့်မို့ ကြိုတင်ကာကွယ်မှုတွေလုပ်ခဲ့ရပြီး ရဲတပ်ဖွဲ့အင်အား အများအပြားကို အသုံးပြုသွားခဲ့ရတာပါ။
ပွဲကြည့်စင်နဲ့အနီးဆုံး ကွင်းဘေးပတ်ပတ်လည်မှာ ပွဲမတိုင်ခင်ကတည်းက ရဲတပ်ဖွဲ့နေရာယူထားခဲ့ရတာပါ။ ဒါပေမယ့် ညကပွဲကတော့ ထင်မှတ်သလောက်အထိ ဖြစ်မလာခဲ့ပါဘူး။ ဂိုးမရှိသရေကျပြီး ပွဲက အေးအေးဆေးဆေးနဲ့ပဲ ပြီးသွားခဲ့ပါတယ်။ သတင်းစာရှင်းလင်းပွဲကျမှ မော်ရင်ဟိုက ဂါလာတာစာရေးကစားသမားတွေ မျောက်လိုအောင်ပွဲခံတယ်လို့ ပြောခဲ့လို့ ပွဲနည်းနည်းဆူသွားခဲ့ပါတယ်။