" Mayor of Kingstown " season (4) ရိုက်ကူးရေး ပြီးစီးသွားပြီပဲ ဖြစ်ပါတယ်။ Paramount plus ကနေ မကြာခင်ထုတ်လွှင့်သွားမှာပဲ ဖြစ်ပါတယ်။

မင်းသား Ajay Devgn’s ရဲ့ မိသားစုမှုခင်း သည်းထိပ်ရင်ဖို ဇာတ်ကားဖြစ်တဲ့ Drishyam ကို ၃ ကားမြှောက်အထိ ထုတ်လုပ်မယ်လို့ သိရပါတယ်။
Drishyam 3 ကိုတော့ ၂၀၂၆ ခုနှစ် အောက်တိုဘာ ၂ ရက်နေ့မှာ ရုံတင်ပြသမယ်လို့ တရားဝင်ကြေငြာလိုက်ပါတယ်။
ဒီရုပ်ရှင်ကို ဒါရိုက်တာ Abhishek Pathak က ရိုက်ကူးမှာဖြစ်ပြီး၊ Panorama Studios နဲ့ Viacom18 တို့ ပူးပေါင်းထုတ်လုပ်မှာပါ။ ဒီပရောဂျက်ဟာ ဒါရိုက်တာ အဘီရှက်ရဲ့ ဖခင်ဖြစ်သူ ထုတ်လုပ်သူ Kumar Mangat Pathak နဲ့ အဓိကသရုပ်ဆောင် Ajay Devgn’s တို့အတွက် ထိပ်တန်းဦးစားပေးတစ်ခုဖြစ်တယ်လို့ သိရပါတယ်။
Drishyam ဟာ အရင်ရုပ်ရှင်တွေရဲ့ အောင်မြင်မှုကြောင့် ပရိသတ်တွေရော ရုပ်ရှင်လောကထဲကသူတွေပါ မျှော်လင့်ချက်အများကြီး ထားနေကြပါတယ်။ ၂၀၁၅ မှာ ထွက်ခဲ့တဲ့ ပထမ Drishyam ဟာ Vijay Salgaonkar ဆိုတဲ့ သာမန်လူတစ်ယောက်ရဲ့ မိသားစုကို ရဲအရာရှိတစ်ဦးရဲ့သားနဲ့ ပတ်သက်တဲ့ ဖြစ်ရပ်တစ်ခုကနေ ကာကွယ်ခဲ့တဲ့ ဇာတ်လမ်းတစ်ခုပါ။ ဒီရုပ်ရှင်ဟာ OTT မှာ ထွက်ပြီးနောက် အရမ်းအောင်မြင်ခဲ့တဲ့ ရုပ်ရှင်ဖြစ်ခဲ့ပါတယ်။
၂၀၂၂ မှာ ထွက်ခဲ့တဲ့ Drishyam 2 ကတော့ Akshaye Khanna ပါဝင်လာပြီး သည်းထိတ်ရင်ဖိုစရာ ဇာတ်လမ်းအလွှာတွေ ထပ်ပေါင်းထည့်ထားပြီး လက်မှတ်ရုံးဝင်ငွေ အတော်လေး ရောင်းရခဲ့ပြီး အောင်မြင်ခဲ့ပါတယ်။
တတိယမြောက်ရုပ်ရှင်ကို အောက်တိုဘာ ၂ ရက်နေ့မှာ ပြသဖို့ စီစဥ်ထားတယ်လို့ သိရပါတယ်။ ဒါ့အပြင် မူရင်းသရုပ်ဆောင်တွေလည်း ပြန်လည်ပါဝင်မယ်လို့သိရပြီး Drishyam 3 ဟာ ၂၀၂၆ ရဲ့ စောင့်မျှော်ထားတဲ့ သည်းထိတ်ရင်ဖိုရုပ်ရှင်တစ်ခု ဖြစ်လာဖွယ်ရှိပါတယ်။

I love you, Dad.
Gay.
After Life (2019)

Internet speed ကို 1 Million GB/s အထိဖန်တီးပြခဲ့တဲ့ Japan
.ဂျပန်နိုင်ငံက အင်တာနက်မြန်နှုန်းအတွက် သမိုင်းတင်မည့်မှတ်တိုင်သစ်ခုကို ရရှိခဲ့ပြီး 1.02 Pb/s(1020000GB/s) အထိမြန်နှုန်းရှိပါတယ်။ ဒါကို ၁၈၀၈ ကီလိုမီတာအကွာအဝေးနေရာမှာ ပြုလုပ်နိုင်ခဲ့ပြီး ၀.၁၂၅ မီလီမီတာ ၁၉-core optical fiber cableအသစ်ကိုအသုံးပြုခဲ့တာဖြစ်ပါတယ်။

ဒီ ultra-thin fiber ဟာ သမားရိုးကျဖိုင်ဘာတွေနဲ့မတူပဲ ဒေတာပမာဏကြီးကြီးမားမားများကိုပါဆက်သွယ်ပို့လွှတ်နိုင်ပါတယ်။ဒါကြောင့် AI, 6G, နဲ့ Internet of Things (IoT) ကဲ့သို့သော နည်းပညာအသစ်များအတွက် အလွန်အရေးကြီးတဲ့အထောက်အကူပြုနည်းပညာသစ်ဖြစ် အသုံးဝင်လာတော့မှာပါ။

ဒီဆန်းသစ်မှုရဲ့ ထူးခြားချက်ကတော့ အလွန်ဝေးကွာသောအကွာအဝေးများတွင်တောင် မြန်နှုန်းအလွန်မြင့်မားမှုကို ထိန်းထားနိုင်တယ်ဆိုတာပါပဲ။ ယခင်နည်းပညာတွေနဲ့မတူဘဲ ဒီဖိုင်ဘာအသစ်က ဒေတာလမ်းမတစ်လမ်းတည်းမဟုတ်ပဲအရေအတွက်အားဖြင့် ၁၉ လမ်းလောက်ထိ ဖြန့်ကြက်နိုင်သော expressway တစ်ခုကဲ့သို့စွမ်းဆောင်နိုင်ပါတယ်။

ဒါဟာ အနာဂတ်ရဲ့ဒစ်ဂျစ်တယ်အခြေခံအဆောက်အအုံတည်ဆောက်မှုအတွက် အရေးကြီးတဲ့ခြေလှမ်းတစ်ခုအဖြစ်သတ်မှတ်လို့ရပါတယ်။

xAI ရဲ့ ရှယ်ယာတွေကို ရောင်းနေရပြီလား ..
Elon Musk တစ်ယောက် နိုင်ငံရေးထဲ ထဲထဲဝင်ဝင် ပါဝင်ပတ်သတ်ပြီးနောက် သူ့ရဲ့လုပ်ငန်းတွေဖြစ်တဲ့ Tesla အပါအဝင် X (Twitter) နဲ့ xAI တို့မှာလည်း ဂယက်တွေ တော်တော်ထလာပါတယ်။ လက်ရှိမှာဆိုရင်လည်း Tesla ရုံးချုပ်မှာ 24 နာရီပတ်လုံး အလုပ်လုပ်နေတာတွေအပြင် xAI ရဲ့ ရှယ်ယာတွေ ရောင်းချမှုကိုပါ လုပ်နေတာကို တွေ့လာရပါပြီ။
အီလွန်မတ်စ်ရဲ့ xAI ကုမ္ပဏီဟာ ဒေါ်လာ သန်း 300 သန်းတန်ဖိုးရှိတဲ့ ရှယ်ယာရောင်းချမှုတစ်ခုကို စတင်လုပ်ဆောင်နေပြီး ဒီလုပ်ငန်းရဲ့တန်ဖိုးဟာ ဒေါ်လာ 113 ဘီလီယံအထိ ရှိလာတယ်လို့ သတင်းထွက်ပေါ်နေတာပါ။

လူ ၈၀၀၀ အလုပ်ဖြုတ်ပြီး AI သုံးလိုက်တဲ့ IBM

AI ကြောင့် အလုပ်အကိုင်ပျောက်ဆုံးမှုတွေ နောက်ဆို ပိုမြင်ရတော့မှာပါ။

ပြီးခဲ့တဲ့လကပဲ Microsoft က ဝန်ထမ်း ၆၀၀၀ ကို AI နဲ့ အစားထိုးခဲ့ပါတယ်။ ဒီနောက်မှာတောင် နောက်ထပ် လူ ၃၀၀ ကျော် ထပ်ပြီး အလုပ်ရပ်ဆိုင်းခဲ့တယ်လို့ ဆိုပါတယ်။ ငွေကြေးအခက်အခဲကြောင့် လူလျှော့တာ မဟုတ်ဘဲ AI သုံးလို့ရလို့ လူတွေ ဆက်မသုံးတော့တာပါ။

Microsoft ရဲ့ သုံးလပတ်ဝင်ငွေက မှန်းထားတာထက် ကျော်ပြီး ဒေါ်လာဘီလျံ ၇၀ ကျော်တောင် ဝင်ခဲ့တာပါ။ ဒါကို ကြည့်ရင် Microsoft လူလျှော့တာ စရိတ်လျှော့တာထက် ဖွဲ့စည်းပုံပြောင်းဖို့ဆိုတာ သိသာပါတယ်။ IBM လည်း ဒီအတိုင်းပါပဲ။

Microsoft ထက် ဝန်ထမ်းအင်အားကောင်းတဲ့ IBM ကလည်း သူ့ဝန်ထမ်း ၈၀၀၀ ကို အလုပ်က ဖြုတ်လိုက်ပြီး အဲ့ဒီနေရာကို AI နဲ့ အစားထိုးလိုက်ပါတယ်။ IBM ဖြုတ်လိုက်တဲ့ ဝန်ထမ်းတွေထဲမှာ အများစုက HR ဌာနက လူတွေပါ။ IBM က HR ဝန်ထမ်းတွေနေရာမှာ အလုပ်တွေ ပိုမြန်မြန်ဆန်ဆန် ချောချောမွေ့မွေ့ လုပ်နိုင်တဲ့ AI ကို သုံးလိုက်တာပါ။

AI က HR အလုပ်တွေ ဖြစ်တဲ့ ဝန်ထမ်းခန့်တာ ၊ လစာပေးတာ ၊ အလုပ်သမားရေးရာ စီမံတာ ၊ ဆုံးဖြတ်ချက်ချတာတွေ လုပ်နိုင်ပြီ ဖြစ်လို့ တချို့ HR ပိုင်း အလုပ်မှာ လူမလိုတော့တာ ဖြစ်ပါတယ်။ HR က လူတွေ ပြီးရင် တခြားဌာနက ဝန်ထမ်းတွေလည်း လူလျှော့တာတွေ ရှိလာနိုင်ပါတယ်။

IBM ကတော့ AI သုံးနိုင်တဲ့နေရာတွေအတွက် လူထပ်မခန့်တော့ဘဲ တခြားနေရာတွေမှာ လူသစ်ခန့်တော့မှာပါ။ IBM နဲ့ Microsoft တို့ရဲ့ ဝန်ထမ်းထောင်ချီ အလုပ်ဖြုတ်သွားတဲ့ ဖြစ်ရပ်က AI ကို အလုပ်တိုင်းမှာ အစားထိုးတော့မှာလားဆိုတဲ့ မေးခွန်းကို ပိုတွေးမိချင်စရာပါပဲ။

ဝေဟင်မှာ တစ်နာရီ ၁၂၄ မိုင်နှုန်း ပျံနိုင်တဲ့ မိုးပျံဆိုင်ကယ်

ပိုလန်သားတီထွင်သူ တိုမက်ဇ် ပါတန်ရဲ့ ဂျက်ဝါဝါတပ် မိုးပျံဆိုင်ကယ်က တကယ်ဖြစ်လာပါပြီ။

ပါတန်က သူ့ရဲ့ မိုးပျံဆိုင်ကယ်ကို Volonaut Airbikeလို့ နာမည်ပေးထားပြီး သူကိုယ်တိုင် စီးနင်းပျံသန်းပြခဲ့တာပါ။ Volonaut Airbike ကို သစ်တောနဲ့တောင်ကြားထဲ လက်တွေ့စီးပြတဲ့ ဗွီဒီယိုဖိုင်ကို Volonaut ရဲ့ YouTube မှာ ရှာကြည့်နိုင်ပါတယ်။

Volonaut ရဲ့ ဝက်ဘ်ဆိုက်မှာ Airbike တွေက လူတစ်ယောက်သယ်ဆောင်နိုင်ပြီး တစ်နာရီ ၁၂၄ မိုင်နှုန်းအထိ ပျံသန်းနိုင်တယ်လို့ ဆိုပါတယ်။ ကိုယ်ထည်ကို အကြမ်းခံပြီး ပေါ့ပါးတဲ့ အဆင့်မြင့် ကာဗွန်ဖိုက်ဘာနဲ့ 3D Printing နည်းပညာသုံး ထုတ်ထားတာပါ။

ပုံမှန်မော်တော်ဆိုင်ကယ်တွေထက် Volonaut Airbike တွေက ၇ ဆ ပိုပေါ့ပါးတယ်လို့ ပြောပါတယ်။ တခြား တစ်ကိုယ်ရေသုံး မိုးပျံယာဉ်တွေနဲ့ မတူတဲ့အချက်က Volonaut Airbike တွေမှာ ဂျက်အင်ဂျင်တွန်းစနစ်သုံးတာပါ။ ယာဉ်ကို အလိုအလျောက် ဟန်ချက်ထိန်းဖို့ flight ကွန်ပျူတာနဲ့ အဆင့်မြှင့်ထားတဲ့ ကိုယ်ပိုင် stabilization system တစ်ခုလည်း ပါပါတယ်။

Airbike က ဆိုင်ကယ်မောင်းသူကို အာကာပြင်ကနေ ၃၆၀ ဒီဂရီပတ်လည်ရှုစားလို့ရအောင် အမိုးမပါတဲ့ roofless ဒီဇိုင်းနဲ့ လာပါတယ်။ လွတ်လပ်လွင့်မျောခြင်းအရသာကို အသဲတအေးအေးခံစားချင်တဲ့ biker တွေအတွက်တော့ Airbike က အိပ်မက်တစ်ခုပါပဲ။

Volonaut Airbike တွေကို စီးပွားဖြစ်ထုတ်လာမလားဆိုတာတော့ မသိရသေးပါဘူး။ ဈေးကွက်ထဲ ရောက်မယ်ဆိုရင်တော့ Volonaut အတွက် ဝယ်လက်ရှားစရာမရှိဘူးလို့ ထင်ပါတယ်။

မင်္ဂလာဆောင်ဖို့ အမေ့ဆီက ပိုက်ဆံချေးနေတဲ့ MrBeast

အသက်အငယ်ဆုံးဘီလျံနာ ဖြစ်လာတဲ့ YouTuber MrBeast ရဲ့ အဖြစ်က ရီရတယ်။

MrBeast က မကြာသေးခင်ကပဲ YouTube မှာ subscirber သန်း ၄၀၀ ရထားတဲ့ နာမည်အကြီးဆုံး YouTuber ပါ။ Celebrity Net Worth ရဲ့အဆိုအရ သူက ဒေါ်လာ ၁ ဘီလျံချမ်းသာပါတယ်။ အသက် ၂၇ နှစ်နဲ့ ဘီလျံနာဖြစ်လာတဲ့ ကိုယ့်ဒူးကိုယ်ချွန် ဘီလျံနာပါ။

စာရွက်ပေါ်မှာ ဘီလျံနာဆိုပေမယ့် သူ့ personal account ထဲမှာ ငွေများများစားစား မရှိပါဘူး။ YouTube က ရတဲ့ ငွေတွေကို content ဖန်တီးဖို့ ပုံအောသုံးတာကြောင့်ပါ။ ဒါကြောင့်ပဲ MrBeast က သူ့မင်္ဂလာဆောင်အတွက်တောင် အမေ့ဆီက ပိုက်ဆံချေးထားရတယ်လို့ ပြောတာပါ။

X ပေါ်မှာ Dexerto ဆိုတဲ့အကောင့်က "ဓနဥစ္စာအမွေပေးစရာ မရှိတဲ့ အသက် ၃၀ အောက် တစ်ဦးတည်းသော ဘီလျံနာ" ဆိုပြီး တင်ခဲ့တဲ့ ပို့စ်ကို MrBeast က သူ့မှာ ပိုက်ဆံနည်းနည်းပဲ ရှိပါတယ်လို့ ပြန်ပြောခဲ့ပါတယ်။

"ဒီနှစ်ထဲ content ပိုင်းမှာ ကျွန်တော်တို့ တစ်ဘီလျံရဲ့ လေးပုံတစ်ပုံလောက် သုံးပါမယ်။ တကယ်က လာမယ့် ကျွန်တော့်မင်္ဂလာဆောင်တောင် အမေ့ဆီက ပိုက်ဆံချေးဆောင်ရမှာပါ။ ဟုတ်ပါတယ်။ စာရွက်ပေါ်မှာ ကျွန်တော်ပိုင်တဲ့ လုပ်ငန်းတွေက အများကြီးတန်ပါတယ်။"

MrBeast က YouTube Channel ကအပြင် Amazon ပေါ်က ရှိုးတို့ Lunchly လို စားသောက်ကုန်တို့နဲ့ MrBeast Burger တို့လို စားသောက်ဆိုင်လုပ်ငန်းတွေလည်း လုပ်ပါတယ်။ Challenge ခေါ် Giveaways ပေးတဲ့ သူ့ဗွီဒီယိုတွေကလည်း အင်တာနက်ပေါ်မှာ အလွန်ပဲ နာမည်ကြီးပါတယ်။

YouTube ကြော်ငြာ ၊ စပွန်ဆာကြေး နဲ့ ပစ္စည်းရောင်းရတာတွေပေါင်းပြီး မတ်လတစ်လတည်းတင် MrBeast ဝင်ငွေက ဒေါ်လာ ၅.၄ သန်းလောက် ရခဲ့တာပါ။ တစ်ရက် သူ့ဝင်ငွေဟာ ပျမ်းမျှ ဒေါ်လာ ၁၇၄၀၀၀ နှုန်း ရှိခဲ့တာလည်း ဖြစ်ပါတယ်။

MrBeast နဲ့ သူ့ချစ်သူ တီယာဘူးဆန်တို့က ပြီးခဲ့တဲ့နှစ် ခရစ္စမတ်မှာ လက်ထပ်ခွင့်တောင်းထားပေမယ့် မင်္ဂလာဆောင်မယ့်ရက် ထွက်မလာသေးပါဘူး။

ဘေလ်လုံးဝမကုန်တဲ့ဖုန်း အာဖရိကလူငယ်တစ်ဦး တီထွင်


ဆိုင်မွန် ပီထရက်ဇ်ဆိုတဲ့ နမ်မီဘီးယားနိုင်ငံသား လူငယ်တစ်ယောက်ဟာ SIM Card မလို ၊ ဘေလ်ဖြည့်စရာမလိုဘဲ ဖုန်းခေါ်နိုင်တဲ့ မိုဘိုင်းဖုန်းတစ်မျိုး တီထွင်နိုင်ခဲ့ပါတယ်။

ဆယ်လူလာလိုင်းတွေ မလိုဘဲ ရေဒီယိုကြိမ်နှုန်းနဲ့ ဖုန်းခေါ်နိုင်တဲ့ device ပါ။ ဆိုင်မွန်က ဒီဖုန်းကို သုတေသနရန်ပုံငွေက ရတဲ့ ပိုက်ဆံနဲ့ တီထွင်ခဲ့တာ မဟုတ်ပါဘူး။ သူ့ဘာသာ ကျောင်းတက်ရင်း ဟိုကဒီကရတဲ့ အီလက်ထရွန်းနစ်အစိတ်အပိုင်းလေးတွေ စုပြီး ဖန်တီးခဲ့တာပါ။

သူ သုံးထားတဲ့ ပစ္စည်းတွေထဲမှာ ခေတ်ဟောင်း လက်ကိုင်ဖုန်းစုတ်ကြီးတစ်ခုဆီက ပစ္စည်းတွေ ပါသလို TV ဟောင်းကြီးက ထုတ်ထားတဲ့ ပစ္စည်းတွေလည်း ပါတာပါပဲ။ လှိုင်းတိုကြိမ်နှုန်းနဲ့ အပြန်အလှန်ဆက်သွယ်နိုင်မယ့် ရေဒီယိုစနစ်တွေလည်း ပါတာပါပဲ။

ဆိုင်မွန့်ဖုန်းမှာက TV ကြည့်လို့ရတဲ့ feature ပါသလို LED မီး ၊ fan နဲ့ USB အားသွင်းပေါက်တွေလည်း ပါပါတယ်။ ဒါတွေကို အိမ်ဖြစ် ဆားကစ်တစ်ခုနဲ့ မောင်းနှင်ပါတယ်။ ပြီးရင် ပါဝါ source တစ်ခုနဲ့ ချိတ်သုံးပါတယ်။

စစ်တပ်သုံး ဝေါကီတော်ကီ two-way ရေဒီယိုတွေနဲ့ တူပေမယ့် မတူတာက သူက လက်ကိုင်မိုဘိုင်းဖုန်းပုံစံ ပြောင်းလိုက်တာပါ။ ရေဒီယို signal မိတဲ့ အဝန်းအဝိုင်းအတွင်း ဘယ်နေရာမဆို Free ကောတွေ အကြိုက်ပြောနိုင်မှာပါ။

ဖုန်းလိုင်းမမိတဲ့နေရာတွေ ၊ သဘာဝဘေးကြောင့် ဆက်သွယ်ရေး ပြတ်သွားတဲ့ နေရာမျိုးမှာ ရွှေလိုအဖိုးတန်မယ့် တီထွင်မှုလို့ ဆိုနိုင်ပါတယ်။ ဒီတီထွင်မှုနဲ့ပဲ ဆိုင်မွန် ပီးထရက်ဇ်က ဆုရခဲ့ပါတယ်။

စိတ်မကောင်းစရာက အီလက်ထရွန်းနစ် အင်ဂျင်နီယာ‌မေဂျာနဲ့ သူဘွဲ့ရပြီးတာတောင် ၂ နှစ်ကြာပြီဆိုပေမယ့် အခုထိ သူ့နည်းပညာကို ဈေးကွက်ဝင်ထုတ်ကုန်အဖြစ် ထုတ်လုပ်ဖို့ ထောက်ပံ့မယ့်သူ မရှိသေးတာပါပဲ။

ဆိုင်မွန့်ရဲ့ ဘေလ်မကုန်တဲ့ ဖုန်းဟာ prototype အနေနဲ့ပဲ ရှိသေးသလို သူလည်း အခုထိ အလုပ်မရသေးပါဘူး။

ဘီလျံ ၂၀၀ ကို အာဖရိကမှာ အများဆုံးလှူမယ့် ဘီလ်ဂိတ်စ်
နောက်နှစ်၂၀ မှာ ဒေါ်လာဘီလျံ ၂၀၀ ပေးလှူမယ့် Microsoft သူဌေးကြီးက သူ့အလှူအများစု အာဖရိကရောက်မယ်လို့ ပြောပါတယ်။
"အရင်က ကျွန်တော်ထုတ်မပြောဖြစ်တာတစ်ခုက ဦးစားပေးရမှာတွေနဲ့ ကြီးမားတဲ့ လက်တွဲဆောင်ရွက်မှုတွေ ထည့်တွက်ရင် အဲ့ဒီရန်ပုံငွေအများစုက အာဖရိကမှာ ကြုံနေတဲ့ စိန်ခေါ်မှုတွေ ကူညီဖို့ သုံးသွားမှာပါ။"
ဘီလ်ဂိတ်စ်က ၂၀၄၅ မှာ သူ့စည်းစိမ်ရဲ့ ၉၉% ကို စွန့်လွှတ်လှူဒါန်းမယ့်အကြောင်း ပြီးခဲ့တဲ့လကပဲ ကြေညာထားတာပါ။ နောင်အနှစ် ၂၀ မှာ အဆုံးသတ်မယ့် The Gates Foundation က အာဖရိကရဲ့ ကျန်းမာရေး ၊ ပညာရေးနဲ့ ဆင်းရဲတွင်းက ကယ်တင်နိုင်ရေး ဦးစားပေးမှာပါ။
"ရည်မှန်းပန်းတိုင်တွေက တကယ့်ကို အခြေခံကျပါတယ်။ ဒါတွေက ကျွန်တော်တို့ရဲ့ တန်ဖိုးတွေကို ပြောပြနေတာပါ။ မိခင်တွေက ကျန်းကျန်းမာမာ ကိုယ်ဝန်ဆောင်နိုင်ရမယ်။ ကလေး‌တွေက သူတို့ ငါးနှစ်ပြည့်မွေးနေ့ကို ကျော်လွန်နိုင်ရမယ်။ ကလေးတွေ ပြုစုပျိုးထောင်နိုင်ရမယ်။ ကူးစက်ရောဂါအများအပြား ကင်းစင်ရမယ်။ နှစ် ၂၀ အတွင်း ကျန်တဲ့ရောဂါတွေ အနိမ့်ဆုံး ရောက်စေရပါမယ်။"
ဘီလ်ဂိတ်စ်က သမ္မတထရမ့် ဖွဲ့ပေးထားတဲ့ DOGE လို့ခေါ်တဲ့ အစိုးရစွမ်းဆောင်ရည် ထိရောက်ရေးဌာနအစီအစဉ်နဲ့ USAID ဘတ်ဂျက်ဖြတ်တဲ့ကိစ္စ လူသိရှင်ကြား ရှုတ်ချထားသူလည်း ဖြစ်ပါတယ်။ DOGE ကို ဦးဆောင်တဲ့ အီလွန်မတ်စ်ကိုလည်း "ကမ္ဘာ့အဆင်းရဲဆုံးကလေးတွေကို သတ်နေတဲ့ ကမ္ဘာ့အချမ်းသာဆုံးလူ" လို့ သမုတ်ခဲ့တာပါ။
"အာဖရိကနိုင်ငံတိုင်း ချမ်းသာကြွယ်ဝရေးလမ်းကြောင်းပေါ် ရှိနေသင့်တယ်" လို့ ပြောထားတဲ့ ဒီသူဌေးကြီးက ကျန်းမာရေးစောင့်ရှောက်မှုမှာ AI ဘယ်လိုသုံးကြမလဲ တွေးခေါ်ဖို့ အာဖရိကလူငယ်တီထွင်ရှင်တွေကို တိုက်တွန်းထားပါတယ်။