မိုင်းရယ်မှဘားအံကိုပိုမည့် ၃ဒသမ ၇ဘီလီယံကျော်တန်ဖိုးရှိစိတ်ကြွရူးသွပ်ဆေးပြား ၂၅ သိန်းကျော်အား ပဲခူးတိုင်းတွင်ဖမ်းဆီးနိုင်ခဲ့
********************************
(မှုခင်း) မတ် ၁၇
ရှမ်းပြည်နယ်မြောက်ပိုင်း မိုင်းရယ်မြို့မှ ကရင်ပြည်နယ်ကို ဘားအံမြို့ကိုသယ်ဆောင်လာသည့် မူးယစ်ဆေးဝါး ၂၅ ဒသမ ၃ သိန်းကို ပဲခူးတိုင်းဒေသကြီး၊ ဝေါမြို့နယ်၊ ညောင်ခါးရှည်ကျေးရွာအနီးတွင်ဖမ်းဆီးရမိခဲ့ကြောင်း သိရသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့များသည် မတ်လ ၁၀ ရက်နေ့ နံနက် ၅ နာရီခွဲအချိန်ခန့်က ကြိုတင်သတင်းအရ ပဲခူးတိုင်းဒေသကြီး၊ ဝေါမြို့နယ်၊ ညောင်ခါးရှည်ကျေးရွာအနီးတွင် မန္တလေးမှဘားအံဘက်သို့ ယာဥ်မောင်း ဝေဖြိုးမောင်(ခ)ကိုဖြိုး မောင်းနှင်ပြီး မမာလာကျော် လိုက်ပါလာသော DONG FENG ၂၂ ဘီးတွဲယာဉ်အား ရှာဖွေရာ ယာဉ်၏ရေတိုင်ကီအံဝှက်အတွင်း၌သိုဝှက်သယ်ဆောင်လာသော ဒေသကာလတန်ဖိုးငွေကျပ် ၃ဒသမ ၇ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား ၂၅ဒသမ ၃သိန်းအားသိမ်းဆည်းရမိခဲ့ပြီး စစ်ဆေးဖော်ထုတ်ချက်များအရ သိမ်းဆည်းရမိခဲ့သော စိတ်ကြွရူးသွပ်ဆေးပြားများအား ရန်ကြားရှော့(ခ)ကုလားမှ ရှမ်းပြည်နယ်(မြောက်ပိုင်း)၊ မိုင်းရယ်မှ ကရင်ပြည်နယ်၊ ဘားအံ သို့ သယ်ဆောင်ခိုင်းခြင်းဖြစ်ကြောင်း သိရသည်။
သိရှိရပြီး ၎င်းတို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရအမှာဖွင့် ဖမ်းဆီး အရေးယူထားရှိပြီး ကွင်းဆက်ပြစ်မှုကျူးလွန်သူများအား စစ်ဆေးဖော်ထုတ်လျက်ရှိကြောင်း မြန်မာနိုင်ငံရဲတပ်ဖွဲ့၏သတင်းထုတ်ပြန်ချက်အရသိရသည်။
ပဲခူးတိုင်းဒေသကြီးရဲတပ်ဖွဲ့သည် တိုင်းဒေသကြီးရဲတပ်ဖွဲ့မှူး ရဲမှူးကြီးကျော်ထွဋ်၏လုပ်ငန်းဦးဆောင်လမ်းညွန်မှု ၊ နယ်မြေကွင်းဆင်းစစ်ဆေးမှုများဖြင့် တိုင်းဒေသကြီးအတွင်း၌ လက်နက် ခဲ ယမ်းများအားရှာဖွေဖမ်းဆီးခြင်း ၊ အကြမ်းဖက်သောင်းကျန်းသူများအား ဖော်ထုတ်ဖမ်းဆီးခြင်း ၊
တရားမဝင် သယ်ဆောင်လာသော ကုန်စည်များအား စစ်ဆေးအရေးယူခြင်း ၊ မူးယစ်ဆေးဝါးဆေးဝါးနှင့် တရားမဝင်သစ်လုပ်ငန်း လုပ်ဆောင်နေမှုများအား နေ့စဥ်ဖမ်းဆီးအရေးယူလျှက်ရှိကြောင်း သိရသည်။
