ထိုင်းစာ မဖတ်တတ်ပေမဲ့
အဲဒီတစ်လုံးတော့ ငါထင်တာ
မမှားလောက်ပါဘူး

အမှတ်မထင် တွေ့ဆုံမှုလေးကနေ
အမှတ်တရတွေနဲ့ လက်မလွှတ်နိုင်တဲ့အထိ
မင်းအပေါ်မှာ "သိပ်" သံယောဇဉ် ကြီးမိသွားတယ်

ရေမြုပ်သစ်တုံးတွေပေါ်မှာရှိတဲ့မြို့။
မြို့ဟာ ရေပေါ်မှာရှိပေမဲ့ ရေအောက်ခြေမှာ သစ်တုံးတွေစီရီပြီး ရှိနေတာပါ။
မြို့အမည်က ဗင်းနစ်မြို့ဖြစ်ပြီး အီတလီနိုင်ငငံမှာရှိပါတယ်။ အေဒီ ၄၂၁ လောက်ကတည်းက သန်းနဲ့ချီတဲ့သစ်တုံးတွေကို ပင်လယ်ကမ်းစပ် ထုံးများတဲ့ရွှံ့မြေ ပေါ်မှာ အစီအရီထပ်ပြီး အပေါ်ကမှ မြို့ကိုတည်ထားတာ ဖြစ်ပါတယ်။
သစ်လုံးတွေဟာ နှစ်များစွာကြာပြီးနောက် ပင်လယ်ဆားငန်ရေနဲ့ ဓါတ်ပြုပြီး ကျောက်အဖြစ်ပြောင်းလဲသွားပါတယ်။
St. Mark's Campanile ဘုရားကျောင်းတခုထဲတင် သစ်လုံးရေ ၁၀၀၀၀၀ နဲ့လုပ်ထားတဲ့ တိုင် ( pile ) တွေပေါ်မှာ ဆောက်ထားတာဖြစ်ပါတယ်။
ရှေးဟောင်း အင်ဂျငနီယာတွေရဲ့အတတ်ပညာဟာ အံ့မခန်းဖြစ်နေဆဲပါလို့။

ပျောက်ဆုံးသွားသော မျိုးဆက်တစ်ခု
ဆုတ်ယုတ်လာတဲ့ အခြေအနေတွေကြောင့် မြန်မာနိုင်ငံမှာ ရိုးရာလက်ဝှေ့ပွဲတွေ အရင်လောက် မကျင်းပနိုင်တော့ဘူး။ ပွဲမရှိဘဲ လေ့ကျင့်နေရတာ ကစားသမားတွေက စိတ်အားထက်သန်မှုမရှိတော့ဘူး။ အဲဒီတော့ ပြင်ပအလုပ်ကို ဝင်လုပ်ရင်း ကစားသမားဘဝကို တဖြည်းဖြည်းစွန့်ခွာသွားကြတယ်။ အစွမ်းအဆရှိပေမယ့် အခုလို အခြေအနေတွေကြောင့် ရိုးရာလက်ဝှေ့လောကကို ဝေးကွာခဲ့ရတဲ့ ကစားသမားတွေအကြောင်းကိုပြောရရင်
အရင်ဆုံးသတိရမိတာက ကျားသွေးပဲ။ ကျားသွေးက ထွန်းထွန်းမင်းကလပ်မှာ လေ့ကျင့်ခဲ့ပါတယ်။ ပင်ကိုစွမ်းရည်ကောင်းတယ်။ ဒါပေမယ့် ထွန်းထွန်းမင်းကလပ်ဆိုတော့ သိတဲ့အတိုင်းပဲ။ ဘာသာတူလို့ အားပေးတဲ့ ခပ်ချာချာလော်ဘီတွေက ကျားသွေးကို ကော်နာမက်ဂရီဂေါ်လောက်နီးနီး မြှောက်ပေးကြတယ်။ ကျားသွေးက တော်ပါတယ်။ ကောင်းပါတယ်။ ဒါပေမယ့် မျိုးဆက်သစ်သာသာပဲ ရှိသေးတယ်လေ။ အဲဒါကို ပထမတန်းကို တက်လှမ်းမလေး ဘာလေး။
ကျားသွေးက စောရေထူးနဲ့ ဇွဲရာမာန်ကို နိုင်ခဲ့ဖူးသလို ခြင်္သေ့မင်းကလပ်က ကျားဘဟိန်းကို သရေကျဖူးတယ်။ စကိုင်းနက်အောင်လံပွဲမှာ ကျားသွေးက နက္ခတ်မင်းကို အလဲထိုးရှုံးသွားရတယ်။ အဲဒီနောက်မှာ ဒဏ်ရာရတယ်လို့ ကြားတာပဲ။ ပွဲဝေးသွားတာ အခုထိပဲ။ ဘယ်ရောက်ဘယ်ပေါက်နေမှန်းလည်း မသိတော့ပါဘူး။ အလားတူပဲ သတ္တိကလပ်က စောရေထူးလည်း ပျောက်သွားတယ်။
စောဆဝါးကို စသိတာက ဒို့ရိုးရာကလပ်မှာပါ။ အရင်တုန်းက ကြယ်စင်ဖြိုးကို အလဲထိုးဖူးတယ်။ စောဆဝါးက အလုံးအထည်ရှိလို့ အများကြီးမှန်းလို့ရတဲ့ ကစားသမားပါ။ ရွှေခါးပတ်ချန်ပီယံဖြစ်လိုက်သေးတယ်။ နောက်ပိုင်းမှာ အရင်လောက် မထင်ရှားတော့ဘူး။ ပြည်နယ်ပွဲမှာ သွေးသစ်အောင်၊ မင်းကျော်ဇနဲ့ တိုတိုတို့ကို ကစားဖူးသေးတယ်။
စောကောင်းထက်လည်း ဘယ်ရောက်နေမှန်း မသိဘူး။ အရင်တုန်းက စောမင်းနိုင်ကို နိုင်ဖူးသေးတယ်။ စောကောင်းထက်က ဝိတ်တန်းအတက်အဆင်းလုပ်နိုင်တယ်။ အဲဒါက တော်တော်အားသာတာပါ။ ရွှေခါးပတ်ပြိုင်ပွဲမှာ စောကောင်းထက်က ရဲတံခွန်ကို ရှုံးဖူးတယ်။ ငယ်ဂုဏ်ရှိနေလို့ တော်တော်မျှော်လင့်လို့ရပေမယ့် ခေတ်ကာလအခြေအနေကြောင့် ပွဲဝေးသွားတာ နှမြောစရာပါ။
ရွှေခါးပတ်ချန်ပီယံ ဘယ်သန် စောထူးဇော်ကို မေ့တောင်မေ့နေပြီ။ ပြည်နယ်ပွဲတောင်မှ ပွဲထိုးတာ မတွေ့ရဘူး။ ဘယ်ဝိုက်က တိကျသလို နံဘေးကို ကွက်တိ။ Liver Shot ထိရင် အမှောက်ပဲ။ ကျားဘဟိန်း၊ ကျော်ဇင်လတ်နဲ့ ထွန်းနိုင်ဦးတို့ကို အလဲထိုးဖူးတယ်။ ရွှေခါးပတ်ပြိုင်ပွဲမှာလည်း ဘယ်သန် စောထူးဇော်က ဇော်ချစ်အောင်၊ စောဒါဝိတ်နဲ့ ရွှေထွန်းယုံတို့ကို ပွဲသိမ်းပြီး (၆၀) ကီလိုတန်းရွှေခါးပတ်ချန်ပီယံဖြစ်လာတယ်။ စောထူးဇော်က ပွဲဝေးတာ (၇) နှစ်လောက်ရှိပြီ။ စွမ်းဆောင်ရည်မကျပေမယ့် ပွဲမရလို့ လူမြင်ကွင်းက ပျောက်ကွယ်ရတယ်။ ပွဲမရလို့ စွမ်းဆောင်ရည်မပြနိုင်၊ စွမ်းဆောင်ရည်မပြနိုင်လို့ ပွဲမရဖြစ်ပြီး လုံးလည်လိုက်နေတယ်။
အောက်ချင်းလေး၊ ဟိန်းထွန်းအောင်၊ အံဘွား၊ ကျော်စွာဝင်း၊ ဗျဂ္ဃနဲ့ ဒေါင်းဖြူတို့ဆိုတာ အသက်သိပ်မကွာဘူး။ ခေတ်ပြိုင်တွေလို့တောင် ပြောလို့ရတယ်။ ရွှေခါးပတ်ချန်ပီယံ စွမ်းထက်နိုင်က သူတို့ထက် နည်းနည်းစောမလားပဲ။ ကျော်စွာဝင်းက ဝိတ်တင်ပြီး အကြီးတန်းတက်လာတာပါ။ အစောပိုင်းမှာ ရွှေခါးပတ်ချန်ပီယံ ဗျဂ္ဃက ကျော်စွာဝင်းထက် နာမည်ပိုကြီးပေမယ့် နောက်ပိုင်းမှာ ဇောက်ထိုးပြန်ကျသွားတယ်။ ဗျဂ္ဃက ကျားဘဟိန်း၊ ရဲသွေးနီ၊ မိုးထက်အောင်နဲ့ စိန်လုံးချောတို့ကို ရှုံးဖူးပြီး ဖျံသွေး၊ မိုက်ရိုင်း၊ အောက်ချင်းလေးနဲ့ ဟိန်းထွန်းအောင်တို့ကို နိုင်ဖူးပါတယ်။ အခုနောက်ပိုင်းမှာ ပွဲထိုးတာ မတွေ့ရတော့ဘူး။
ဒေါင်းဖြူက မျက်လုံးထိသွားတယ်လို့ ကြားတာပဲ။ သူလည်း ပွဲမထိုးတော့ဘူး။ ဘယ်ရောက်လို့ ရောက်မှန်းလည်း ကျွန်တော်မသိပါဘူး။ အံဘွားက စောရွှေလေးကို နိုင်ဖူးပါတယ်။ သူလည်း အစောကြီးပျောက်သွားတာပါ။ အောက်ချင်းလေးနဲ့ ဟိန်းထွန်းအောင်တို့ကိုလည်း မကြည့်ရတော့ဘူး။
လောကဓံရိုက်ခတ်ချက်ကြောင့် လွင့်စင်သွားရတဲ့ ရိုးရာလက်ဝှေ့သမားတွေက အများကြီးပါပဲလေ။ အခုကျွန်တော်ရေးထားတဲ့ လူစာရင်းက မွန်းတည့်ချိန်မှာ နေဝင်ခဲ့ကြရတဲ့ ကစားသမားတွေပါ။ စိတ်ထဲက ရှိသလောက်သာ ချရေးလိုက်လို့ အခုစာရင်းကလည်း ပြည့်စုံမှာ မဟုတ်ပါဘူး။ လိုသေးရင်လည်း ထပ်ဖြည့်သွားကြပါဦး။ စာဖတ်သူတွေ ဘေးကင်းပါစေ။
Reference Source - Mahar Sport
Photo Credit - MLC Plus
ကျော်စိုးအောင် (Myanmar Fight Edition)

ဥာဏ်ရည်နိမ့်နဲ့ ငါးပိရည်
ဟိုတလောက ငါးပိရည်အကြောင်း ဆောင်းပါးရေးမိပါတယ်။ ဘယ်သူမှ ထောက်မပြသေးခင်မှာ ကျွန်တော်က ပထမဆုံးရေးတာပါ။ ကျွန်တော့်အယူအဆကို လက်ခံသူတွေ ရှိကြသလို ထမင်းဝိုင်းကိုတောင် ဒီလောက်ပြောနေရလား (မောင်ရင်က မြန်မာမဟုတ်ဘူးလား) ဆိုပြီး ကလော်တုတ်ကြသူတွေလည်း ရှိပါတယ်။ ဒါက အယူအဆပိုင်းမို့ ထားလိုက်ပါ။
ငါးပိရည်က လေးလံထိုင်းမှိုင်းစေတယ်၊ ဝိတ်ချတာ အခက်အခဲဖြစ်တယ်ဆိုပြီး ရေးခဲ့တာပါ။ အဲဒါကလည်း ဆိုဒီယမ်ကလိုရိုက်ကြောင့်ပါ။ ဆေးပညာအသုံးအနှုန်းတွေကို တမင်မထည့်ဘဲ သွေးလေးတယ်ဆိုပြီး လူတိုင်းနားလည်ရအောင် ရေးပြခဲ့တာပါ။ ဒီလောက်ရေးပြတာတောင် သဘောမပေါက်ဘူး။ "ကစားသမားတွေ (၅) ရက်အတွင်းမှာ (၂၀) ပေါင် ဘယ်လိုဝိတ်ချလဲ" ဆိုပြီး ရေးခဲ့ဖူးတယ်။ စိတ်ဝင်စားရင် ဒီမှာ bit.ly/4iuvPg8 ဖတ်ပါ။ ဒီလိုဆောင်းပါးရဖို့ အချိန်ယူပြင်ဆင်ရသလို ဆရာဝန်တွေဆီမှာလည်း အကြံတောင်းရပါတယ်။ ဒါလေးဖတ်ရင်တောင် သဘောပေါက်ကြဖို့ သင့်တယ်။
ငါးပိရည်ဆောင်းပါးဖတ်ပြီး မြန်မာပညာရှိတွေက ဘယ်လိုမြင်သွားလဲ မပြောတတ်ပါဘူး။ ဉာဏ်ရည်နိမ့်ပေ မောင်ဖြိုးဝေနဲ့ စာမတတ်၊ ပေမတတ် အောက်ဆွဲကောင်တွေက ငါးပိရည်စားတဲ့ ထမင်းဝိုင်းဓာတ်ပုံတွေကို အားကျမခံဘဲ တင်ကြတယ်။ ပြန်ရွဲ့တာပေါ့လေ။ ငါးပိရည်ပဲ စားတာပါ၊ ငါးပိရည်သောက်တာ မဟုတ်ပါဘူးတဲ့။ နားမှမလည်ရှာပဲကိုးလို့သာ သနားမိတယ်။ ကျွန်တော်က ကောင်းစေချင်လို့ ထောက်ပြပေးခဲ့တာပါ။ သူတို့က လက်မခံဘဲ ပြန်ရွဲ့နေတော့ ဘယ်တတ်နိုင်မလဲ။
"ခရမ်းသီးမီးဖုတ်နဲ့ ငါးပိရည်ကိုကျို၊ ထမင်းရည်ဆားခပ်ပြီး သောက်ရဲတဲ့ကို။ ဒါဆိုရင် ဘာလိုသေးလဲ၊ အချစ်လေးကိုကြို"
အဲဒီတော့ ဘာဖြစ်သွားလဲ။ စိုးလင်းဦးလည်း ဒုတိယအကြိမ် ဝိတ်ပိုတယ်။ ဝိတ်ထပ်ပိုတာက သိက္ခာကျတယ်။ အရှက်ရှိရင် ရှက်ဖို့ကောင်းတယ်။ ကြိုးဝိုင်းထဲမှာ Punching Bag ကြီးလို မသေရုံတမယ် အထိုးခံအကြိတ်ခံရတယ်။ ရွဲ့ချင်ဦးဟ၊ မှတ်ပြီလား။ သက်ပိုင်အောင်လည်း လက်ရည်မမျှဘဲ အလဲထိုးခံရတယ်။
အခုလိုရှုံးပွဲဆက်တာ ငါးပိရည်ကြောင့်ရယ်လို့ မဟုတ်ပါဘူး။ တိုက်ရိုက်အချိုးမကျဘူးလို့ ဆိုလိုချင်တာပါ။ တိုက်ရိုက်အချိုးမကျပေမယ့် သွယ်ဝိုက်ပြီး သက်ဆိုင်နေပြန်တယ်။ ငါးပိရည်က ရေဓာတ်ထိန်းထားလို့ ဝိတ်ချရာမှာ လိုတာထက် ပိုပင်ပန်းတယ်။ ပွဲတွင်းမှာ လန်းလန်းဆန်းဆန်းမရှိတော့ဘူးလေ။ ပွဲတွင်းဝိတ်လည်း အသာမရတော့ဘူး။ ကစားသမားတိုင်းလိုလိုက ကြိုးဝိုင်းထဲမှာ အကောင်သေးသေးလေးဖြစ်နေတယ်။
အခုနောက်ပိုင်းမှာ မြန်မာဖိုက်တာတွေက ဝိတ်ချရာမှာ အခက်အခဲဖြစ်လာပြန်တယ်။ ကစားသမားတိုင်း ဝိတ်ချရပေမယ့် မြန်မာကစားသမားတွေကျမှသာ တိုင်ပတ်ပြီး ကွက်ကြားမိုးရွာနေတာပါ။ စားချင်သလို စားမယ်ဆိုတာ ပြည်တွင်းမှာပဲ အဆင်ပြေပါတယ်။ ရောမရောက်ရင် ရောမလိုကျင့်ဆိုသလို ပြည်ပရောက်ရင် ဒီထက်ပိုအဆင့်မြင့်ရမယ်။ ဒါက သိပ်ခက်လှတယ်မဟုတ်ပါဘူး။ အာဟာရဗေဒကို သေချာနားလည်တဲ့ ဆရာဝန်ကို အကူညီတောင်းလိုက်မယ်ဆိုရင် အေးဆေးပါ။ ဒါလေးကို ဘာဖြစ်နေတာလဲ။
အောင်မယ်၊ ကိုယ့်ဘက်က မဟုတ်တရုတ်လုပ်ထားသေးတယ်၊ ထောက်ပြသူကိုတောင် ရွဲ့သလိုလို ဘာလိုလိုလုပ်မယ်ဆိုရင် အရှုံးရလဒ်ထွက်ရုံကလွဲပြီး တခြားမရှိပါဘူး ခံကြီးမောင်တို့ရေ။ ဉာဏ်ရည်နိမ့်ပေ မောင်ဖြိုးဝေနဲ့ အောက်ဆွဲကောင်တစ်သိုက်လည်း ဒါကို သိထားဖို့လိုပါတယ်။
"လောကကြီးကို အရွဲ့မတိုက်နဲ့၊ လောကကြီးက မင်းထက်သာတယ်၊ မင်းပဲ ဒုက္ခရောက်လိမ့်မယ်၊ မင်းရဲ့ စိတ်ကို ပြုပြင်ဦးဟေ့"
မြန်မာဖိုက်တာတွေ ရှုံးပွဲဆက်ရင် ဘာဖြစ်မလဲ။ ပရိသတ်အင်အားကြောင့် မြန်မာဖိုက်တာတွေက ပွဲရနေဦးမှာပဲ။ ဒါပေမယ့် ကစားသမားပြောင်းသွားနိုင်တယ်။ အခုထိုးနေတဲ့ ဖိုက်တာတွေအစား နောက်လူသစ်မြန်မာဖိုက်တာတွေကိုပဲ အစားထိုးသွားနိုင်တယ်။ ဉာဏ်ရည်နိမ့်ပေ မောင်ဖြိုးဝေက နစ်နာမှာ မဟုတ်ပါဘူး။ ကစားသမားနဲ့ ပွဲစီစဉ်သူကြားမှာ ချိတ်ဆက်ပေးရတဲ့ ပွဲစားကောင်ဆိုတော့ ငိုစားရယ်စားလုပ်ပြီး ရာခိုင်နှုန်းရနေဦးမှာပဲ။ မြန်မာဖိုက်တာတွေပဲ ရှုံးပွဲဆက်ပြီး ခံကြီးမောင်ဖြစ်သွားမှာပါ။ လောကကြီးက မင်းထက်သာသလို ကျော်စိုးအောင်ကလည်း မင်းတို့ထက် ဥာဏ်ရည်ပိုမြင့်ပါတယ်လို့။ ဒီလောက်ပဲ။ စာဖတ်သူတွေ ဘေးကင်းပါစေ။
Reference Source - SCMP
Photo Credit - ONE Championship
ကျော်စိုးအောင် (Myanmar Fight Edition)

အနာဂတ်မှာ ဘာဖြစ်ချင်လဲလို မေးရင်
ဟိုဟာ ဒီဟာဖြစ်ချင်တယ်လို မပြောတော့ဘူး။

ပျော်ရွှင်ချင်တယ်ပဲ ဖြေမိတော့တယ်။

ဘယ်နေရာ ဘယ်အခြေနေမှာ ဘာပဲလုပ်လုပ်

ပျော်ရွှင်မှုရှိတဲ့ အရပ်မှာ
ကိုယ်ချစ်တဲ့ သူတွေနဲ့ပဲ ရှိချင်တော့တယ်။
#စာရယ်ကဗျာရယ်

ဇေယျာသီရိမြိုနယ်တွင် ယာဥ်တိုက်မှုဖြစ်ပွားရာမှ ဆိုင်ကယ်စီးလာသူ သေဆုံး
********
(မှုခင်း) မတ် ၁၇
နေပြည်တော်၊ ဇေယျာသီရိမြိုနယ် ၊ရန်ကုန်မန္တလေးလမ်းဟောင်း ရေဆင်းတက္ကသိုလ် မီးပွိုင့်လမ်းဆုံအနီး မိုင်တိုင်အမှတ် ၂၂၇/၇ နှင့် ၂၂၈/၈ကြားတွင် ယမန်နေ့ည၇နာရီကျော်အချိန်က ယာဥ်တိုက်မှုဖြစ်ပွားခဲ့ကြောင်း သိရသည်။နေပြည်တော်၊ ဇေယျာသီရိမြိုနယ် ၊ရန်ကုန်မန္တလေးလမ်းဟောင်း ရေဆင်းတက္ကသိုလ် မီးပွိုင့်လမ်းဆုံအနီး မိုင်တိုင်အမှတ် ၂၂၇/၇ နှင့် ၂၂၈/၈ကြားတွင် ယမန်နေ့ည၇နာရီကျော်အချိန်က ယာဥ်တိုက်မှုဖြစ်ပွားခဲ့ကြောင်း သိရသည်။အဆိုပါ ယာဥ်တိုက်မှုကြောင့် သေဆုံးသူဦးပြည့်စုံ၏အလောင်းအား ပြည်စံအောင် ဂရုနာရှင် လူမှုကူညီရေးကားဖြင့် နေပြည်တော် ခုတင် (၁၀၀၀) ဆေးရုံသို့ ပိုဆောင်ပေးခဲ့ကြောင်း၊ ယာဥ်တိုက်မှုဖြစ်စဥ်အား သက်ဆိုင်ရာတာဝန်ရှိသူများမှ စုံစမ်း​စစ်ဆေးလျက်ရှိကြောင်း သိရသည်။

ဘယ်သူနဲ့မှ တူဖို့ မကြိုးစားပါနဲ့ ။
မိုးပေါ်ကနေ တဖွဲဖွဲကျလာတဲ့ နှင်းပွင့်နှင်းဖတ်ကလေး တွေဟာ ဘယ်လောက်ပဲများပါစေ တစ်ခု နဲ့ တစ်ခု ပုံစံ မတူကြပါဘူးတဲ့ ။ တစ်ခုချင်း တစ်ခုချင်းဟာ သူ့ပုံစံနဲ့သူ ထူးနေကြတယ်တဲ့ ။ အံ့ဩစရာနော် ။ အဲဒီ နှင်းပွင့်နှင်းဖတ်ကလေးတွေ တစ်ခု နဲ့ တစ်ခု မတူသလိုဘဲ ဒီကမ္ဘာကြီးမှာ လူတွေ ဘယ်လောက်များများ တစ်ယောက်နဲ့တစ်ယောက် ထပ်တူ မတူကြပါဘူး ။ ရုပ်ချင်းချွတ်စွပ်တူတဲ့ အမွှာဖြစ်ပါတယ်ဆိုရင်တောင် ထပ်တူ မဖြစ်တာတွေ အများကြီးပါနော် ။
ဆိုလိုတာက ဒီကမ္ဘာလောကကြီးမှာ ငါရယ်လို့ မွေးဖွားလာတဲ့ ဟောဒီငါဟာ သီးသီးသန့်သန့်ပဲ ။ ငါနဲ့ ထပ်တူတူတဲ့သူ ဒီကမ္ဘာလောကမှာ တစ်ယောက်မှ မရှိဘူး ။ ခု လည်း မရှိဘူး ။ နောင်လည်း မရှိဘူး ။ ဘယ်တုန်းကမှလည်း မရှိခဲ့ဘူး ။ ဘယ်လောက် ထူးလိုက်တဲ့ အဖြစ်လဲနော် ။ ကိုယ့်ရဲ့ ဒီထူးတဲ့ အဖြစ်ကို တန်ဖိုးထားရမယ် ။ မြတ်နိုးရမယ် ။ ဘယ်သူနဲ့မှ တူအောင် လိုက်မတုရဘူး ။ တစ်ယောက်ယေက်နဲ့ တူချင်နေပြီ တူအောင် လိုက်တုနေပြီဆိုရင် အဲဒါ ကိုယ့်ကိုယ်ကိုယ် ဖြေးဖြေးချင်း မျှင်းသတ်လိုက်တာပဲ ။ ကိုယ်ဟာ သေမှန်းမသိ သေသွားပြီ ။
ကိုယ့်ပင်ကို မွေးရာပါ ပါလာပြီးသား ရုပ်ရည်ကို ပိုကြည့်ကောင်းအောင်ပြင်မယ် ။ ကိုယ့်မှာ ပင်ကိုပါလာ ပြီးသား အရည်အချင်းကို ပိုကောင်းအောင် လုပ်မယ် ။ ဘယ်သူနဲ့မှ တူအောင် မလုပ်ဘူး ။ ဘယ်သူနဲ့တူရင် ကောင်းမှာပဲလို့လည်း မတွေးဘူး ။ ငါဟာငါပဲ ။ ငါဟာ သနားစရာကောင်းလောက်အောင် တစ်ယောက်ယောက်နဲ့တူဖို့ ကြိုးစားပမ်းစား လုပ်နေရတဲ့သူ မဟုတ်ဘူး ။ ငါ့အရည်အချင်း ငါမြှင့်မယ် ။ ငါ့စိတ်ဓာတ် ပိုကောင်းအောင် ငါ လုပ်မယ် ။ ငါ့ရဲ့စိတ်ဓာတ်ခွန်အားတွေ တိုးသထက်တိုးနေဖို့ ငါကြိုးစားမယ် ။ ငါ လုပ်ယူမယ် ။ ငါ ပြုစုပျိုးထောင်ထားတဲ့ စိတ်အင်အားတွေကို ငါသုံးပြီး ပိုကောင်းတဲ့ဘဝကို ငါနေမယ် ။ ငါ့နည်းငါ့ဟန်နဲ့ ငါ့ဘဝ ကို ငါနေမယ် ။ ငါ့နည်းငါ့ဟန်နဲ့ပဲ ငါ့ရုပ်ရည်ကို ပိုကြည့် ကောင်းအောင် ပြင်ဆင်မယ် ။ အကောင်းဆုံးဖြစ်ရမယ် ။ ငါ ဘယ်သူနဲ့မှ မတူစေရဘူး ။
ဘယ်တော့မှ သူများနဲ့တူဖို့ မကြိုးစားပါနဲ့ ။ ကိုယ့်ပင်ကိုထဲကပဲ အကောင်းဆုံးဖြစ်ဖို့ ကြိုးစားပါ ။ ဘယ်သူနဲ့မှ တူဖို့ မကြိုးစားတဲ့သူဟာ အသက်အဝင်ဆုံးသူ ၊ အစစ်မှန်ဆုံးသူ ၊ စိတ်လည်း အချမ်းသာဆုံးသူပါ ။
#နေ့တိုင်းပျော်ပါတယ် #ထက်ထက်ထွန်း

ဒါကတော့ ဒုတိယကမ္ဘာစစ်အတွင်းက နာဇီဂျာမနီ‌တို့အသုံးပြုခဲ့တဲ့ အလွန်ကြီးမားတဲ့ ရထားလမ်းပေါ်တင်ရွှေ့ပြောင်းရတဲ့ အမြောက်ကြီး Schwerer Gustav (Heavy Gustav) ရဲ့ ပစ်ခတ်နေတဲ့ပုံရိပ်ပဲဖြစ်ပါတယ်။

ဒီ Schwerer Gustav အမြောက်ကြီးဟာ ပြင်သစ်တို့ရဲ့ Maginot Line ခံတပ်ကြီးကို ထိုးဖောက်ဖို့အတွက် အထူးတီထွင်ခဲ့တာပါ။ အရွယ်အစားအားဖြင့်လည်း အလွန်ကြီးမားပြီး အလေးချိန် တန်ချိန် ၁၃၅၀ လောက်ရှိပါတယ်။

အမြောက်ပြောင်းချည်းပဲ အရှည် မီတာ ၃၀ ကျော်ရှိပြီး။ပစ်ခတ်နိုင်စွမ်းအ‌နေနဲ့ ၇ တန်လေးတဲ့ အမြောက်ဆံကို ကီလိုမီတာ ၄၀ ဝန်းကျင်အထိ ပစ်ခတ်နိုင်ပါတယ်။

#knowledge

“ကျွန်တော် အရမ်းတုံးခဲ့တယ် ကိုယ့်ကိုယ်ကို ကြော်ငြာသင့်ခဲ့တာ”
X men Character မဂ္ဂနီတိုနဲ့ လူသိများတဲ့ မင်းသား Michael Fassbender က James Bond လုပ်ဖို့ audition ဝင်ခဲ့ပေမယ့် သူကိုယ်တိုင်က ထုတ်လုပ်သူတွေကို Daniel Craig အား James Bond အနေနဲ့ ခန့်ဖို့ အကြံပြုပေးခဲ့ပါတယ်။
သူက “Happy Sad Confused” podcast မှာ ဒီလိုပြောခဲ့ပါတယ် -
“ကျွန်တော် Barbara Broccoli နဲ့ အမှတ်မထင် တွေ့ဖြစ်ခဲ့တယ်။ ပြီးတော့ Daniel Craig ကို မရွေးခင် audition လုပ်ခဲ့တယ်။ ဒါပေမယ့် ကျွန်တော် James Bonds ဖြစ်ဖို့ တကယ်စဉ်းစားခံရမယ်လို့ မထင်ဘူး။
ဒါပေမယ့် ကျွန်တော် အဲ့ဒီအခန်းထဲဝင်ပြီး သူမနဲ့ Michael G. Wilson ကို တွေ့တုန်းက ‘Daniel Craig က…’ လို့ဆိုပြီး ‘Daniel Craig အကြောင်းကြီးပဲ ပြောခဲ့တာကို မှတ်မိတယ်။ ဘာလို့ သူ့ကို ကြော်ငြာနေခဲ့တာလဲ ကျွန်တော် မသိဘူး၊ ကျွန်တော် ကိုယ့်ကိုယ်ကို ကြော်ငြာသင့်တာ။ ကျွန်တော် audition တွေမှာ အရမ်းညံ့ခဲ့တယ်။ Daniel က အရမ်းကောင်းတဲ့ အလုပ်ကိုလက်ခံခဲ့ပြီး သမိုင်းမှာ အောင်မြင်ဆုံး Bond ဖြစ်လာခဲ့တယ်ပေါ့။ အဲ့ဒါပဲ၊ အဲ့ဒီနောက်ပိုင်း Bond နဲ့ပတ်သက်ပြီး ဘာစကားမှ မပြောဖြစ်တော့ဘူး။”