#နိုင်ငံတကာသတင်း
◼မြေငလျင်ကြောင့် ထိတ်လန့်မှုများဖြစ်ပြီးနောက် ပါကစ္စတန်အကျဉ်းသား ၂၀၀ ကျော် ထွက်ပြေးသွား
မြေငလျင်လှုပ်ခတ်မှုများ ဆက်တိုက်ဖြစ်ပေါ်ခဲ့သဖြင့် အကျဉ်းသားများအား ၎င်းတို့၏ အခန်းများမှ အပြင်သို့ ထွက်ခွင့်ပေးလိုက်ပြီးနောက်တွင် ယမန်နေ့ ညပိုင်းက ပါကစ္စတန်တောင်ပိုင်း ကရာချိမြို့တွင် အကျဉ်းသား ၂၀၀ ကျော် လွတ်မြောက်မှု ဖြစ်ပွားခဲ့ကြောင်း ဒေသခံအရာရှိများနှင့် ရဲတပ်ဖွဲ့ က ပြောကြားသည်။
ငလျင်လှုပ်ခတ်မှုများကြောင့် အကျဉ်းသား ရာပေါင်းများစွာကို အကျဉ်းထောင်ဝင်းထဲသို့ ဆင်းခွင့်ပြုခဲ့ကြောင်း ပြည်နယ်ဥပဒေရေးရာဝန်ကြီး ဇီယာအူလ်ဟာဆန် လန်ဂျာက သတင်းထောက်များအား အခင်းဖြစ်နေရာ၌ ပြောသည်။
“ ငလျင်လှုပ်တာတွေကြောင့် ကြောက်ရွံ့ထိတ်လန့်မှုတွေဖြစ်ခဲ့ပါတယ်။” ဟု လန်ဂျာက ဆိုပြီး တစ်ထောင်ကျော်ခန့် ရှိသော လူအုပ်ကြီးကို ထိန်းချုပ်ဖို့အလွန်ခက်ခဲသည်ဟု ၎င်းက ဆိုသည်။
တနင်္လာနေ့ည သန်းခေါင်ယံခန့်မှမှစ၍ အင်္ဂါနေ့ နံနက်ပိုင်းအထိ ထောင်ဖောက်ထွက်ပြေးမှု ဖြစ်ပေါ်ခဲ့ကြောင်း ၎င်းက ဆက်ပြောသည်။
အကျဉ်းသားများက ထောင်ဝန်ထမ်းများဆီမှ သေနတ်များကို လုယူခဲ့ပြီး ပစ်ခတ်မှုများဖြစ်ပေါ်ခဲ့ကာ တံခါးမကြီးကိုလည်း အတင်းအဓမ္မဖွင့်ခိုင်းခဲ့ကြကြောင်း ရဲတပ်ဖွဲ့ က ပြောကြားသည်။
ထောင်အတွင်းမှ လျှပ်စစ် ပစ္စည်းများ ဖျက်ဆီးခံထားရပြီး မှန်ပြတင်းများလည်း ကွဲအက်နေသည်ကို ယနေ့နံနက်တွင် ယင်းနေရာသို့ ရောက်ရှိခဲ့သော ရိုက်တာသတင်းထောက်တစ်ဦး က မြင်တွေ့ခဲ့သည်။
ထောင်ဝင်စာတွေ့သော အခန်းမှာလည်း ဖျက်ဆီးခံထားရကာ စိုးရိမ်ပူပန်နေသော မိသားစုဝင်များက ထောင်ပြင်ပတွင် စောင့်ဆိုင်းနေကြသည်ကိုလည်း တွေ့ရသည်။
ယင်းမှာ ပါကစ္စတန်တွင် ဖြစ်ပေါ်သည့် အကြီးဆုံး ထောင်ဖောက်မှုဖြစ်ကြောင်း လန်ဂျာက ပြောသည်။
ပါကစ္စတန်နိုင်ငံတွင် အကြီးဆုံးဖြစ်သော ကရာချိမြို့ မာလာ ခရိုင်မှ အကျဉ်းထောင်သည် ဆင်းရဲသော လူနေရပ်ကွက်နှင့် စက်မှုလုပ်ငန်းရပ်ကွက်တွင် တည်ရှိကြောင်း သိရသည်။
အချို့ခြေဗလာနှင့်ဖြစ်သော အကျဉ်းသားများက ရပ်ကွက်ထဲသို့ ထွက်ပြေးခဲ့ကြပြီး ရဲတပ်ဖွဲ့က ၎င်းတို့အား လိုက်ဖမ်းကာ ဗင်ကားများပေါ် တင်ဆောင်သွားသည်ကို ဒေသတွင်း ရုပ်သံသတင်းများတွင် တွေ့ရသည်။
အကျဉ်းသားအများစုမှာ ဆေသုံးစွဲခြင်းကဲ့သို့ သေးငယ်သော အမှုများတွင် ပါဝင်ပတ်သက်ခဲ့ကြသူများဖြစ်ကြောင်း ပြည်နယ်ရဲတပ်ဖွဲ့ အကြီးအကဲ ဂူလမ်နာဘီမီမွန် က ပြောသည်။
ပစ်ခတ်မှုအတွင်း အနည်းဆုံးအကျဉ်းသားတစ်ဦး ဒဏ်ရာရရှိခဲ့ကာ ထောင်ဝန်ထမ်းသုံးဦးလည်း ဒဏ်ရာရရှိခဲ့သည်။
လက်ရှိအချိန်ထိ လွတ်မြောက်သွားသော အကျဉ်းသား ၈၀ ခန့်ကို ပြန်လည် ဖမ်းမိထားပြီးဖြစ်ကြောင်း ပြည်နယ်ဝန်ကြီးချုပ် မူရက်အလီရှားက ပြောကြားပြီး အကျဉ်းသားများအား ၎င်းတို့ အခန်းများထဲမှ ပေးထွက်ခြင်းမှာ ထောင်အာဏာပိုင်များ၏ အမှားဖြစ်ကြောင်း ၎င်းက ပြောသည်။
လွတ်မြောက်နေဆဲ အကျဉ်းသားများလည်း ပြန်လည်၍ အဖမ်းခံရန် ရှားက သတိပေးလိုက်ပြီး ထောင်ဖောက်ခြင်းအတွက် ပြစ်မှုကြီးသွားနိုင်ကြောင်း သတိပေးသည်။
“ ဘာမဟုတ်တဲ့ အမှုလေးက အကြမ်းဖက်မှုဝါဒနဲ့ ပတ်သက်တာလိုမျိုး အမှုကြီးသွားနိုင်ပါတယ်” ဟု ရှားက ဆိုသည်။
သတင်း-ရဲမင်း
ကိုးကား-Reuters

#WeWereLiars trille အသစ် ကိုကြည့်ရအောင်

stranger things တွေလာအသစ်

#WickedForGood - စုန်းမ ထွေလာ

fantastic four အတွက် ပိုစတာအသစ်

Barbarian ဒါရိုက်တာ Zach Cregger ရုပ်ရှင်အသစ် \ Weapons \ trailer အသစ်ထွက်လာပါတယ်။ ပထမရုပ်ရှင် Barbarian ထက်ကို ပိုမိုကြီးမားပြီးတဲ့ ဇာတ်အိမ်မျိုးဖြစ်ဖို့များတယ်။

"အပြစ်သားတွေ အကြောင်း"
ရုပ်ရှင်က Sinners ဆိုတဲ့အတိုင်း အပြစ်သားတွေအကြောင်းကို ပုံဖော်သွားတယ်။ ကျွန်တော့်အမြင်အရ ဒီရုပ်ရှင်ထဲကလူတွေနဲ့ Vampires တွေမှာ ၂ဖွဲ့လုံးက Villain တွေပဲ။ ထိုခေတ်ကာလရဲ့ လူမည်းတွေ အနှိမ်ခံရမှုနဲ့ KKK(Ku Klux Klan) ကိုပါ နောက်ဆုံးမှာ ပါးပါးလေးထည့်သွားတယ်။ ရုပ်ရှင်ကတော့ ခဗျားတို့ကြည့်ဖူးနေကျ သာမာန် Vampire ရုပ်ရှင်တွေထက် ပိုလေးနက်ပြီး တမူထူးနေလိမ့်မယ်။ No more spoilers ပါပဲ။
ဒီရုပ်ရှင်ရဲ့လိုအပ်ချက်တွေကတော့ အနည်းနဲ့အများရှိတယ်။ Director Ryan Coogler ကပြချင်တာများတဲ့ နေရာတွေကများတယ်။ ဒါပေမဲ့ Ryan နဲ့ Michael ၂ယောက်ပေါင်းတဲ့ရုပ်ရှင်တွေကတော့ ဒီရုပ်ရှင်အထိ ကျွန်တော့်အတွက် အကုန်အဆင်ပြေနေ‌ပါသေးတယ်။ ဒီရုပ်ရှင်က vampire ရုပ်ရှင်တွေထဲမှာ realistic တော်တော်ဆန်တယ်။ ဖိနှိပ်ခံရတဲ့ လူမည်းတွေအတွက် ပြန်ဖိနှိပ်လို့ရမဲ့အခွင့်အရေးနဲ့ လူမည်းတွေကို ဖိနှိပ်နေတဲ့ကမ္ဘာကြီးကနေ လူမည်းတွေဟာ သွေးစုပ်ဖုတ်ကောင် သဖွယ် ပြောင်းနိုင်တယ်ဆိုတဲ့ ဒီရုပ်ရှင်ရဲ့ message ကတော့ အဓိပ္ပာယ်အပြည့်ပဲ။
Fun facts အရတော့ Sammie Character နေရာဟာ အပြင်မှာတစ်ကယ်ရှိပြီး နတ်ဆိုးနဲ့အပေးယူလုပ်ပြီးနာမည်ကြီးပါတယ်ဆိုတဲ့ blues legend ကြီး Robert Johnson ကို inspired ယူထားတာပါ(သူဂီတာ တီးတိုင်း ပွဲမှာရှိသမျှလူတိုင်းဟာ အကြောင်းပြချက်မရှိ ပျော်နေတက်ကြပြီး ပွဲမှာရှိတဲ့သူ အနည်းဆုံး၁‌ေယာက်အမြဲ ‌ေ-သပါတယ်။) Box Office အရ 318,923,168 အထိရတဲ့အထိကို Hit ဖြစ်ခဲ့ပြီး Oscar, Golden Globe တို့မှာဆုရနိုင်တယ်လို့ ဝိုင်းဝန်းသတ်မှတ်ကြပါတယ်။ Sequel, Prequel အထိထွက်နိုင်တဲ့ Movie Franchise အဖြစ်လည်းယခုလက်ရှိ ဖန်တီးနေပါတယ်။

"9" ဟာ မူလက ၂၀၀၅ ခုနှစ်မှာ ထွက်ရှိခဲ့တဲ့ Shane Acker ရဲ့ နာမည်တူ Short Film (ဇာတ်လမ်းတို) ကို အခြေခံပြီး ဖန်တီးခဲ့တာပါ။ ဒီဇာတ်လမ်းတိုဟာ Academy Award for Best Animated Short Film အတွက် ဆန်ခါတင်စာရင်းဝင်ခဲ့ပြီး ဒါရိုက်တာ Tim Burton ရဲ့ စိတ်ဝင်စားမှုကို ရရှိခဲ့ပါတယ်။ ဒါကြောင့်ပဲ Tim Burton က ဒီဇာတ်လမ်းတိုကို feature-length (အပြည့်အစုံ) ရုပ်ရှင်အဖြစ် ဖန်တီးဖို့ ဖြစ်ခဲ့တာပါ။ ပြီးတော့"9" ဟာ ကလေးတွေ ကြည့်လေ့ရှိတဲ့ ချစ်စရာကောင်းတဲ့ ကာတွန်းကားမျိုးမဟုတ်ပဲ စက်တွေ လွှမ်းမိုးသွားလို့ ပျက်စီးသွားတဲ့ Post-Apocalyptic (ကမ္ဘာပျက်ပြီးနောက်) ကမ္ဘာကြီးတစ်ခုကို ပုံဖော်ထားတာပါ။ ဇာတ်ကောင် "Stitchpunk" လေးတွေဟာ ကမ္ဘာကြီးကို ပြန်လည်အသက်သွင်းဖို့ ကြိုးစားရင်း ကြမ်းတမ်းတဲ့ စက်ရုပ်တွေနဲ့ ရင်ဆိုင်ရတဲ့ ဇာတ်လမ်းမျိုးလေးဖြစ်လို့ မကြည့်ရသေးရင် ကြည့်လိုက်ပါဗျ။

Independence Dayသည် ၁၉၉၆ ခုနှစ်တွင် ထွက်ရှိခဲ့သော အမေရိကန် သိပ္ပံစိတ်ကူးယဉ် အက်ရှင်ရုပ်ရှင်တစ်ခုဖြစ်ပြီး ဒါရိုက်တာ Roland Emmerich မှ ရိုက်ကူးပြီး သူနှင့် ထုတ်လုပ်သူ Dean Devlin တို့က ဇာတ်ညွှန်းရေးသားခဲ့သည်။ဒီရုပ်ရှင်ကဟောလိဝုဒ်ရှိ (blockbuster)ရုပ်ရှင်များ၏ အရေးပါသော အလှည့်အပြောင်းတစ်ခုအဖြစ် သတ်မှတ်ခံရပြီး၁၉၉၀ ခုနှစ်များအတွင်း သိပ္ပံစိတ်ကူးယဉ်နှင့် ကမ္ဘာကြီးကိုကယ်တင်သည့်ရုပ်ရှင်များ၏ အစလို့တောင်ပြောလို့ရမလားပဲ။(တခြားကားရှိရင်မန့်ပေးကြပါ)
ဇာတ်လမ်းအကျဉ်း
>>>>>><<<<<<<
၁၉၉၆ ခုနှစ် ဇူလိုင်လ၂ရက်နေ့တွင်ကမ္ဘာ့မြို့ကြီးများပေါ်တွင် ဧရာမအာကာသယာဉ်များ
ပေါ်ထွက်လာပြီး နောက်နေ့တွင် နယူးယောက်၊ လော့စ်အိန်ဂျလိစ်၊ ဝါရှင်တန်ဒီစီအပါအဝင် မြို့ကြီးများကို ဖျက်ဆီးပစ်လိုက်ကြတယ်။ ကျန်ရှိသည့်လူတွေစုစည်းပြီး ဂြိုလ်သားများကို ပြန်တီးဖို့ ဇူလိုင်လ ၄ ရက်၊ အမေရိကန်လွတ်လပ်ရေးနေ့မှာနောက်ဆုံးတိုက်ပွဲတစ်ခုကို ဆင်နွဲကြတာပါ။ဒီကားရဲ့အဓိကဇာတ်ဆောင်(၃)ယောက်ဖြစ်တဲ့
• ဒေးဗစ် လီဗင်ဆန် (Jeff Goldblum ): ဂြိုလ်သားများ၏ ဆက်သွယ်ရေးစနစ်ကို ဖော်ထုတ်ပြီး ၎င်းတို့၏ အားနည်းချက်ကို ရှာဖွေတွေ့ရှိသော သိပ္ပံပညာရှင်။(သူ့အဖေကျေးဇူးလဲပါပါတယ်)
• ဗိုလ်ကြီး စတီဗင် ဟီလာ (Will Smith ): တိုက်လေယာဉ်မှူးတစ်ဦး။(ဂြိုလ်သားကိုအခွက်ပြောင်တဲ့skillကပိုမိုက်တယ်)
• သမ္မတ သောမတ်စ် ဝှစ်မိုး (Bill Pullman ): ကမ္ဘာ့ခေါင်းဆောင်များနှင့် ပူးပေါင်းကာ ဂြိုလ်သားများကို ခုခံတိုက်ခိုက်ရန် ဦးဆောင်သူ။(တော်ကီတပေါက်လဲမိုက်တယ်။သူလဲဝင်တီးပါတယ်)။
ထူးခြားချက်များ
• အထူးပြုလုပ်ချက်များ (Visual Effects): အဲ့ခေတ်အဲ့အခါက သူရဲ့ CGIတွေကမိုက်ပြီး အထူးသဖြင့် ဝါရှင်တန်ဒီစီရှိ အဆောက်အဦးကြီးကိုဖျက်ဆီးလိုက်တဲ့အခန်းက ၁၉၉၀ ခုနှစ်များ၏ အမှတ်ရဖွယ် မြင်ကွင်းတစ်ခုဖြစ်ခဲ့ပါတယ်။ပြီးတော့ Academy Award for Best Visual Effects ဆုကို လည်းရရှိခဲ့တယ်။
• အောင်မြင်မှု: ကမ္ဘာတစ်ဝှမ်း၌ ဒေါ်လာ ၈၁၇.၄ သန်းကျော် ရရှိခဲ့ပြီး ၁၉၉၆ ခုနှစ်၏ ဝင်ငွေအများဆုံး ရုပ်ရှင်ဖြစ်လာခဲ့သည်။ Jurassic Park (၁၉၉၃) ပြီးနောက် အဲ့အချိန်က ကမ္ဘာပေါ်တွင် ဒုတိယဝင်ငွေအများဆုံး ရုပ်ရှင်ဖြစ်ခဲ့တာပါ။
ကျွန်တော့်အတွက် ဒီကားထဲက ဂြိုလ်ယာဉ်ပျံ ဒီဇိုင်းတွေက တကယ်ကို ခုထိအကြိုက်ဆုံးဖစ်
နေဆဲပဲ။အပေါက်ကြီး ဟ လာပြီး ပစ်ချလိုက်တဲ့အခန်းတွေဆို တကယ်မိုက်တာ။ခုထိလဲ ခနခနပြန်ကြည့်တုန်းပဲ။No.2ဆက်ထွက်ပေမဲ့…မမှီပါဘူး ဆက်ကိုမရိုက်သင့်တာပါ။မကြည့်ရသေးတဲ့ ခုခေတ်ကလေးတွေရှိသေးရင်90’bornတွေရဲ့အကြိုက်ဆုံး ဂြိုလ်သားကား ကိုကြည့်ဖြစ်အောင်ကြည့်ကြည့်လိုက်ပါ

"အကောင်းဆုံးတွေဆို ထည့်ပြောကိုပြောသင့်တဲ့ မင်းသား"
Jack Nicholson ကတော့ ရုပ်ရှင်ချစ်သူတွေ စိမ်းမယ်မထင်ပါဘူး။ ဒီလူ့ဘဝက ဟာသဗျ သူကိုယ်တိုင်တောင်ရီရခက်ငိုရခက်ပဲ။ သူငယ်စဉ်က သူ့အဖွားကို သူ့ဟာအမေထင်ခဲ့ပြီး သူ့အမေကို သူ့အမ လို့ပဲထင်ခဲ့တာပါတဲ့။ ဒါကိုတော့သူဟာ 1974 မှာ Time Magazine က သတင်းထောက်ပြောမှ သိခဲ့ရပါတယ်။ အဖေမဲ့ဘဝနဲ့ Jack ဟာကျောင်းမှာ Class Clown ဖြစ်သလို bar တွေမှာ Comedian ဝင်လုပ်လေ့ရှိပါတယ်။နောက်ပိုင်း အသက်အရွယ်ရလာတော့ ထိုခေတ်ကနာမည်ကြီး MGM studio မှာ
Office Worker လုပ်လိုက် ဝါသနာထိန်းမရတော့ ညဘက် Comedian လုပ်လိုက်ပေါ့။ 1950 ကျော်မှာ မင်းသားလုပ်ပေမဲ့ နာမည်ကမကြီး ပေါကားတွေပဲဖြစ်နေတော့ ရာသက်ပန်နားလိုက်ပါတယ်။ ဒါပေမဲ့ 1960ကျော်မှာ Easy Rider နဲ့ စနာမည်ကြီးလာပါတယ်။ လူဆိုတာ နာမည်ကြီးရင်လည်းလုံးဝ နာမည်ကြီးတာဗျ။ Oscar မှာစံကာတင်အခံရပါလေရော်။ 1970 ကာလတွေမှာ Chinatown နဲ့လုံးဝ နာမည်ကြီးသွားပါတယ် ထိန်းမနိုင်သိမ်းမနိုင် ကမ္ဘာကျော်သွားပါတယ်။ ဒါပေမဲ့ ပရိတ်သတ်တွေတောင့်တ သလို Oscar မရပါဘူး။ ဒါပေမဲ့ 1975 မှာ One Flew Over the Cuckoo's Nest နဲ့ Oscar ကိုထိုက်တန်စွာရခဲ့ပြီး သူ့ခေတ်ဆိုတာဖြစ်လာတယ်။
ဒီလူ့ကို သူ့အသိုင်းအဝိုင်းကလူတွေက သဘောထားကြီးသူ၊ စိတ်ထားကောင်းသူ၊ လူရိုးကြီးအဖြစ်သိကြပါတယ်။ တစ်ခါက Godfather နေရာကမ်းလှမ်းတဲ့ Francis Ford Coppola ကိုသူဟာ Italian လည်းမဟုတ် အီတလီစကားလည်းမတက်တာကြောင့် အဆင်ပြေမှာမဟုတ်ဘူးဆိုပြီးပြောခဲ့သလို သူ့ကိုယ်တိုင်ပါလိုက်ပြီး Michael Corleone နေရာအတွက်လိုက်ရှာပေးခဲ့ပါတယ်။ Silence Of The Lambs မှာလည်းသူဟာ မျက်လုံးနဲ့အဓိကသရုပ်ဆောင်ရင် ဟာသပုံစံဖြစ်တာကြောင့် ငြင်းခဲ့ပြီး သဘောထားကြီးကြီးနဲ့ သူနဲ့အဲ့ဒီခေတ်က ခေတ်ပြိုင် Anthony Hopkins ကို recommended ပေးတဲ့အထိ ရိုးသားတဲ့သူပါ။ Batman, Shining, A few good man တို့လို iconic ရုပ်ရှင်တွေမှာ ပရိတ်သတ် အားပေးမှုကိုရထားပေမဲ့လည်း The Departed ရုပ်ရှင်အပြီးမှာ ရုတ်တရက် ကားရိုက်တာနည်းလာပါတယ်။ သူကိုယ်တိုင်ပဲသူဟာ memory issues, alzimer ဝေဒနာကိုခံစားနေရတာကြောင့်လို့ဆိုပြီး ဒီ့အတွက်သူဟာ လုံးဝ စိတ်မကောင်းပါဘူး။
ဒီလူဟာ သူ့ခေတ်သူ့အခါက Bad Boy ဗျ။ Play Boy Magazine မှာသူ့ပုံတွေပါဖူးပါတယ်။အခုလက်ရှိ အိမ်ထဲမှာပဲ ‌အနေများပြီး သူ့ဝါသနာ အနုပညာ လက်ရှာတွေကိုစုဆောင်းပြီး သူ့ကြိုက်တဲ့ Lakers ရဲ့ basketball ပွဲတွေကို တော့ အားပေးလေ့ရှိပါတယ်။ Oscar 3 ခုနဲ့အများဆုံးရတဲ့ actor တွေထဲက တစ်ယောက်လည်းဖြစ်ပါတယ်။ fun facts ကတော့ သူ့ရဲ့ ရီသံတွေဟာ နောင်ပိုင်း Joker cosmic တွေမှာ inspired ယူရသလို၊ သူဟာ ထိုခေတ်က Bruce Lee ကို ခနခန ခနဲ့တက်ပါတယ်။ ဇာတ်ပို့အနေနဲ့ မင်းသားထက် ကားရိုက်ခပိုရတဲ့မင်းသားလည်းဖြစ်ပြီး one take (နောက်တစ်ခါရိုက်စရာမလိုတဲ့ မင်းသား)ဖြစ်ပါတယ်။ One Flew ရုပ်ရှင်အတွက်သူကိုယ်တိုင် အရူးထောင်မှာ ၆လအထိနေခဲ့ရသလို နာမည်ကြီးရုပ်ရှင်တွေကို အများဆုံးငြင်းတဲ့မင်းသား လည်းဖြစ်ပါတယ်။ အခုလက်ရှိ ၈၈နှစ်ရှိပြီဖြစ်ပေမဲ့ သူဟာ သူ့နောက်ဆုံးရုပ်ရှင်ရိုက်ဖို့ အမြဲပြောလေ့ရှိတဲ့ ဘိုးတော်ကြီးပါပဲ။