ကာရာဘောင် နဲ့အတူ တွေ့ရသော ဖလား ၄လုံး ချန်ပီယံလောင်း လီဗာပူး

port ပျောက်ဖုန်းဖြစ်မယ်လို့ သတင်းထွက်နေတဲ့ iPhone 17 Air

Apple အတွက် iPhone 17 Air ကမှ တကယ့် Special Edition မော်ဒယ်လို့ ဆိုရမှာပါ။

ဒီနှစ်ဆောင်းမှာ မြင်ရမယ့် ဒေါ်လာ ၉၀၀ ဝန်းကျင်တန် iPhone 17 Air က Apple ရဲ့ အပါးလွှာဆုံး နဲ့ အပေါ့ပါးဆုံး iPhone ဖြစ်လာပါလိမ့်မယ်။ ဒီဇိုင်းကလည်း လုံးဝအသစ်စက်စက် ကွဲထက်နေတဲ့ ဖက်ရှင်နဲ့ လာမှာပါ။

iPhone 17 Air မှာ Apple က စမ်းသပ်မှုတစ်ခုပါ လုပ်ကောင်းလုပ်လာနိုင်ပါတယ်။ အဲ့ဒါကတော့ USB-C port မသုံးတဲ့ ပထမဆုံး port-free iPhone ဆိုတဲ့ စမ်းသပ်ချက်ပါ။ ဒါက ဟိုအရင်ကတည်းက ကြံထားပြီး အခုထိ အထမမြောက်သေးတဲ့ Apple ရဲ့ အကြံတစ်ခုလည်း ဖြစ်ပါတယ်။

နာမည်ကြီး Analysts နဲ့ tipster တွေကလည်း iPhone 17 Air မှာ port-free အိုင်ဒီယာကို အကောင်အထည်ဖော်လာနိုင်တယ်ဆိုပြီး ပြောနေကြပါတယ်။ တကယ်လို့သာ port-free iPhone ထုတ်မယ်ဆိုရင် အားသွင်းတာနဲ့ ဒေတာအပေးအယူကို wireless charging နဲ့ cloud data transfer ပေါ်ပဲ လုပ်နေရမှာပါ။

အိုင်ဒီယာက တော်တော်ဆန်းပေမယ့် တကယ့်လက်တွေ့ ဖြစ်လာဖို့တော့ ခက်ပါတယ်။ အကြောင်းတစ်ခုက EU ရဲ့ ဘုံအားသွင်းစံညွှန်ကြားချက်ကြောင့် ဖြစ်နိုင်ပါတယ်။ EU ရဲ့ စည်းမျဉ်းထဲမှာ ၂၀၂၄ ဒီဇင်ဘာက စလို့ ထုတ်ကုန်တွေမှာ USB-C အားသွင်းစံကို မဖြစ်မနေ သုံးစွဲရမယ်လို့ ညွှန်ကြားထားလို့ပါ

လူတစ်ယောက်ရဲ့ Prime Time ဆိုတာ အချိန်အတိအကျ သတ်မှတ်လို့မရဘူး။ ဘာကာမှာ ဆေးရုံတက် အုပ်ကြီးဘဝနဲ့ ငယ်ရွယ်စဉ်ကို ဖြတ်သန်းခဲ့ရတဲ့ ဒမ်ဘီလီကို ပီအက်ဂျီမှာတော့ ရှယ်ကိုမိုက်နေတယ်။
ဒမ်ဘီလီရဲ့ Prime Time က ပီအက်ဂျီပဲ၊ ဒီရာသီမှာ ကောင်းကောင်းကြီး ဦးဆောင်ပြီး အသင်းကို ထမ်းပိုးပေးထားတယ်။ ဒါ့အပြင် ခြေစွမ်းကလည်း လုံးဝကိုထိပ်တန်းဖြစ်နေတယ်။ မနေ့ကလည်း ဂိုးသွင်းတယ်။
ဒီတစ်ရာသီလုံး ပီအက်ဂျီအတွက် ပြိုင်ပွဲစုံ ဂိုး ၃၀ အထိသွင်းထားပြီးပြီ။ ရာသီမကုန်ခင်အထိကို ဒမ်ဘီလီက ကြမ်းနေဦးမှာ။ လူဝစ်အင်းနရစ်နဲ့ တွေ့ဆုံရတာ ပီအက်ဂျီအဖို့ အတော်လေးကောင်းတယ် ပြောရပါမယ်။

AI ပညာရှင် ထောင်ချီ အလုပ်ခန့်မယ့် ဟောင်ကောင်
AI ကျွမ်းသူတွေအတွက် အလုပ်အကိုင်တွေ တန်းစီနေပါပြီ။
ဟောင်ကောင်မှာ မတ်လ ၂၁-၂၂ ရက် ကျင်းပမယ့် Cyberport Career Fair အလုပ်အကိုင်ပြပွဲမှာဆို ကုမ္ပဏီ ၁၀ မှာ ၇၀ က AI ပညာရှင်တွေ အလုပ်ခန့်ဖို့ ရှာနေတယ်လို့ ပြောပါတယ်။ အလုပ်အကိုင်နေရာအနေနဲ့ဆို ၂၀၀၀ ကျော် ရှိပါတယ်။
Cyberport အလုပ်အကိုင်ပြပွဲမှာ startup ၊ နည်းပညာကုမ္ပဏီနဲ့ အစိုးရဌာနတွေ အပါအဝင် အဖွဲ့အစည်းပေါင်း ၅၈၀ ကျော် တက်ရောက်မှာပါ။ ဒီအဖွဲ့အစည်းတွေ အဓိကလိုချင်သူတွေက AI professionals တွေလို့ ဆိုပါတယ်။ ခေါ်မယ့် အလုပ်နေရာရဲ့ ၆၀% လောက်ကလည်း AI နယ်ပယ်နဲ့ ဆက်စပ်နေတာပါ။
ဟောင်ကောင်ဆိုတာ စတော့ခ်အိတ်ချိန်းတွေ လည်ပတ်ရာဌာနတစ်ခုအနေနဲ့ လူသိများခဲ့ရာကနေ အခုဆို smart-living ဘက် ရောက်လာပြီလို့ ပြောနေကြပါတယ်။ smart-living နယ်ပယ်ထဲမှာ သဘာဝပတ်ဝန်းကျင် ၊ လက်လီ ၊ ကျန်းမာရေး ၊ စက်ရုပ်နည်းပညာ ၊ IoT နဲ့ ပညာရေးဆိုင်ရာနည်းပညာတွေ ပါပါတယ်။
AI skills ကောင်းတဲ့သူတွေအတွက် ဟောင်ကောင်ဟာ တံခါးကြီးကြီး ဖွင့်လာတာ ဖြစ်လို့ အခုဆို ပရော်ဖက်ရှင်နယ် ၃ ယောက်မှာ ၁ ယောက်က AI နဲ့ ဆိုင်တဲ့ အလုပ်အကိင်ဘက် ကူးပြောင်းဖို့ လုပ်နေကြပြီလို့ TechJobAsia က ပြောပါတယ်။ AI Skill ရှိတဲ့သူတွေက ပုံမှန်ထက် လစာ ၂၄% ပို ရကြတယ်လို့လည်း ဆိုပါတယ်။
အငယ်တန်း AI အင်ဂျင်နီယာတစ်ယောက်ရဲ့ တစ်လစာဟာ ဟောင်ကောင်ဒေါ်လာ ၂၄၀၀၀ (ကန်ဒေါ်လာ ၃၀၈၈) ကနေ ဟောင်ကောင်ဒေါ်လာ ၃၁၀၀၀ (ကန်ဒေါ်လာ ၃၉၈၈) လောက်အထိ ရှိနေတာပါ။ Cyberport ကလည်း AI ပိုင်း အလုပ်ရှာသူတွေကို ပညာရေးနောက်ခံ အမြင့်ကြီးတွေ မျှော်လင့်မထားဘူးလို့ ဆိုပါတယ်။
"အလုပ်ရှာသူတွေအနေနဲ့ ဘာမှမပြနိုင် blank state ဖြစ်နေရင်တောင် ရပါတယ်။ အဓိကကျတာက အသစ်အသစ်တွေနဲ့ ရင်ဆိုင်ရာမှာ သူတို့ခံယူချက်နဲ့ တွေးခေါ်နိုင်စွမ်းရည်ပါပဲ" လို့ ပွဲမှာ တက်ရောက်မယ့် blockchain ကုမ္ပဏီ DefyPay ရဲ့ CEO ပယ်ရီချန်က ပြောပါတယ်။
ဟောင်ကောင်မှာတော့ AI ဖွံ့ဖြိုးမှုကို အဓိကကျတဲ့ စီးပွားရေးမောင်းနှင်မှု ဖြစ်လာဖို့ ရည်မှန်းထားပြီး AI သုတေသနနဲ့ ဖွံ့ဖြိုးရေးအင်စတီကျူ့ဒ်တစ်ခု ထောင်ဖို့ပါ အစိုးရအနေနဲ့ ဟောင်ကောင်ဒေါ်လာ ၁ ဘီလျံ သုံးဖို့ စီစဉ်ထားပါတယ်။

ဂေါ်ဖီထုပ် စိုက်ပျိုးနည်း

နိဒါန်း
မြန်မာနိုင်ငံ တွင် ဒုတိယ အများဆုံး စိုက်ပျိုးသော ဟင်းသီး ဟင်းရွက် အမျိုးအစား ဖြစ်သည်။ ဂေါ်ဖီ ထုပ်ကို တစ်နှစ် ပတ်လုံး ဈေးကွက်တွင် တွေ့မြင် ရပြီး အစိမ်း လိုက် တို့မြုပ်၍ စားခြင်း၊ အသုပ်သုပ် စားခြင်း၊ ကြော် ချက်၍ စားခြင်း၊ အရည်သောက် အဖြစ်ပြုပ်စားခြင်းနှင့် အခြောက်လှမ်းစားခြင်း စသည်ဖြင့် နည်းမျိုးစုံနှင့် စားသုံး ကြသည်။

စိုက်ပျိုးချိန်
မြေပြန့်ဒေသ - စက်တင်ဘာ၊ အောက်တိုဘာ
တောင်ပေါ်ဒေသ - မတ်လမှ အောက်တိုဘာထိစိုက်ပျိုးနိုင်သည်။

မျိုးစေ့နှုန်း
ပိုးမွှားနှင့် ရောဂါ ဒဏ်ခံ နိုင်သော မျိုးကို ရွေးစိုက်ပါ။ တစ်ဧက အတွက် မျိုးစေ့ ၄၀၀ ဂရမ် ပျိုးထောင်ပါ။

ပျိုးထောင်ခြင်း
ဘောင်နှင့် ပျိုးထောင် လေ့ရှိသည်။ အကျယ် သုံးပေ၊ အမြင့် ခြောက်လက် မရှိ ပျိုးဘောင်ဖော်ပေး ရမည်။ ပျိုးဘောင် အတွင်းသို့ သဘာ၀ မြေသြဇာကို အောက်ခံ မြေနှင့် ဆတူရောစပ်၍ထည့်ပေးရမည်။ မြေကို မှုန့်ညက် အောင် ဆွ၍ ပေါင်း၊ မြက်နှင့် အမှိုက်၊ ကျောက်ခဲများကို ကောက်ပစ်ရမည်။ ပျိုးဘောင်ပေါ်တွင် လေးလက်မကွာ၍ လက်မဝက်အနက်ရှိသည့် မြောင်းငယ်များကို ဝါးခြမ်းပြားဖြင့် ကန့်လန့်ဖြတ်ဆွဲပါ။ မျိုးစေ့ကို တစ်လက် မကြားချပါ။ မြေပါးပါးပြန်ဖုံးပါ။ ရေကို ရေပန်းခရားအပေါက်သေး ဖြင့် နေ့စဉ် နှစ်ကြိမ်လောင်းပါ။ နေလောင်ဒဏ်၊ မိုးဒဏ်ခံနိုင်ရန် ကောက်ရိုးနှင့် အရိပ်မိုးပေးထားပါ။

သုံးရက်ခန့်တွင် အပင်ပေါက်လာပြီး ငါးရက်တွင် အပင်ပေါက်စုံလာမည်။ ပျိုးသက် ၁၄ ရက်သားတွင် အချိုးညီ (၂၀ း ၂၀ း ၂၀)ရွက်ဖျန်း မြေသြဇာပက်ဖျန်းပေးပါ။ ရေကိုနေ့စဉ်မပြတ်အောင် လောင်းပြီး ပိုးမွှားရောဂါကာကွယ် ဂရုစိုက်ပါ။

မြေပြုပြင်ခြင်း
စိုက်ခင်းမြေကိုလည်း အကြိမ်ကြိမ် ထယ်ထိုး၊ ထွန်မွှေ၍ မှုန့်ညက်အောင် ပြုလုပ်ရမည်။ ပေါင်းမြက်နှင့် ပင်ကြင်းပင်ကျန်များ ဖယ်ရှားထားရပါမည်။ ရေသွင်း၊ ရေထုတ်မြောင်းများပြုလုပ်၍ မိုးစိုက်တွင်စိုက်ကျင်းများ ကြိုဖော်ထားပြီး သဘာဝမြေသြဇာနှင့် တီစူပါထည့်ထားရမည်။ မြေချဉ်ပါက မြေအချဉ်အငန်ဓာတ် ၆ ဒသမ ၅ တွင် ထိန်းထားရန် ထုံးထည့်ပေးပါ။

မြေသြဇာထည့်သွင်းခြင်း
ဂေါ်ဖီထုပ် တစ်ဧကအတွက် မြေခံအဖြစ် သဘာဝမြေသြဇာ ငါးတန်၊ ယူရီးယား ၃၆ တန်၊ တီစူပါ ၄၅ ကီလိုနှင့် ပိုတက်ရှ် ၃၆ ကီလိုထည့်ပေးပါ။ ထို့နောက် ရွှေ့စိုက်ပြီး ၁၀ ရက်သားတစ်ကြိမ် ၂၅ ရက်သားတွင် တစ်ကြိမ်ယူရီးယား ကိုး ကီလိုစီ ထပ်မံထည့် ပေး၍ ခေါင်းအထုပ်စတင်ဖြစ်ချိန်တွင် ပိုတက်ရှ် ၂၇ ကီလိုနှင့် ယူရီးယား ၁၈ ကီလိုအား အပင်သန်စွမ်းမှုကိုကြည့်၍ ထည့်ပေးပါ။

စိုက်ပျိုးခြင်း
ပျိုးသက် ၂၅ ရက်သားတွင် ရေဖြတ်ပြီး ၃၀ ရက်သားတွင် စိုက်ခင်းသို့ ရွှေ့စိုက်ပါ။ ရွှေ့စိုက်ပြီးပြီးချင်း ရေဝအောင်လောင်းပါ။ သုံးရက်ဆက်တိုက် အစိုဓာတ်မပြတ်ရန် ဂရုစိုက်ပါ။ ရွှေ့ပြောင်းစိုက်ရာတွင် မျိုးကို လိုက်၍ ပင်ကြား နှစ်ပေ၊ တန်းကြား (၂ - ၂ ဒသမ ၅)ပေထိထားပါ။ တစ်ဧကတွင် အပင်ဦးရေ (၁၀,၀၀၀- ၁၂,၀၀၀)အထိ စိုက်ပါ။

အပင်ပြုစုခြင်း
ပေါင်းကို ရွှေ့စိုက်ပြီး ၁၀ ရက်မှစ၍ အပင်များ အရွက်ချင်း မထိခင်အထိ ဂရုတစိုက်ရှင်းပေးရမည်။ အပင်၊ အရွက်၊ အမြစ်များ မထိခိုက် စေရန် မြေဆွပေး၍ ဓာတ်မြေသြဇာကိုပါ တစ်ပါတည်းထည့်ပေးရသည်။ ရေကိုမပြတ်လောင်းခြင်း၊ သွင်းခြင်းဖြင့် အစိုဓာတ် မပြတ်စေရန် ဂရုစိုက်ပါ။ အထုပ်စတင်ကြီးထွားချိန် တွင် ရေပိုမိုလိုအပ်ပြီး ရင့်ခါနီးတွင် ရေလျော့ပေးရမည်။ အစိုဓာတ်များလွန်း နေပါက အထုပ်မကွဲစေရန် အထုပ်ကိုနှဲ့ပေးပါ။

ဂေါ်ဖီထုပ်တွင် စိန်ကွက်ဖလံ၊ ဂေါ်ဖီထုပ်ဖလံ၊ လှေးကျိုင်း၊ ငမြောင်တောင်များ ကျရောက်ဖျက်ဆီးတတ် ၍ တမာပိုးသတ်ဆေးကို တစ်ပတ်တစ်ကြိမ်ကာကွယ်ဆေးဖျန်းပေးပါ။ ဆိုးရွားစွာကျရောက်ပါက နီးစပ်ရာ မြန်မာ့စိုက်ပျိုးရေးလုပ်ငန်းနှင့် ဆက်သွယ်၍ နှိမ်နင်းပါ။

ဂေါ်ဖီထုပ်အပျော့ပုပ်၊ ဒေါင်းနီရွက်ခြောက်၊ ခြေထောက်ပုပ်၊ တင်းပုပ်ရောဂါများ ဖြစ်ပွားတတ်ပြီး တစ်နေရာတည်းတွင် ဆက်တိုက်စိုက်ခြင်း ရှောင်ပါ။ ရောဂါ ကာကွယ် ဆေးများဖြင့် ရောဂါမဖြစ်ခင် ကြိုတင်ကာကွယ် ထားပါ။ မြေချဉ်လွန်းပါက တင်းပုပ်ရောဂါ ကျတတ်သဖြင့် မဖောက်ထုံးကို ရွှေ့ပြောင်းမစိုက်မီ ကြိုတင်ထည့် ပေးပါ။

ခူးယူခြင်း
သက်လျင်မျိုးကို (၉၀-၁၀၀)ရက်၊ သက်လတ်နှင့်သက်ကြီးကို (၁၃၀-၁၅၀)ရက်တွင် ခုတ်သိမ်းနိုင် သည်။ ရင့်လာသောအထုပ်ကို အပေါ်မှ နှိပ်ကြည့်၍ အထုပ်ကျစ်လစ်မှုကို ခန့်မှန်း၍ခုတ်သိမ်းနိုင်သည်။ စိုက်ခင်းမှ ပွဲရုံ၊ ကားတင်သည့်နေရာ စသည့်နေရာများသို့ သယ်ဆောင်ရာတွင် မထိခိုက်စေရန် အထုပ်ကို ဂရုတစိုက်ကိုင်တွယ်ရမည်။ အောက်ရွက်ပါအောင် ခုတ်၍ အထုပ်ကို အောက်ဆုံးအထပ်တွင် အတည့်၊ ဒုတိယအထပ်တွင် ပြောင်းပြန်လှန်ထပ်၍ မျက်နှာချင်းဆိုင် တစ်လှည့်စီထပ်၍ ထည့်ခြင်းဖြင့် အထုပ်များကို ထိခိုက်မှု သက်သာစေပါသည်။

မျိုးစေ့ ထုတ်ယူခြင်း
ဒေသမျိုး ကိုသာ မျိုးစေ့ထုတ်သင့်သည်။ နိုင်ငံရပ်ခြားမျိုးများကို မထုတ်သင့်ပါ။ မျိုးစေ့ထုတ်ခင်းကို သီးသန့်ထား၍ အချိန်တူပန်း ပွင့်နိုင်သော တခြားမျိုးတူပင်များ မရှိစေရပါ။ မျိုးထုတ်ယူမည့်အပင်သည် အမျိုးအစားပုံသဏ္ဌာန်မှန်ရမည်။ အထုပ်ကျစ်လစ်ကြီး
မားရမည်။ ခါးတံ ခြောက်လက်မရှိရမည်။ ရောဂါပိုးမွှားကင်းစင်ရမည်။

ရွေးချယ်ထားသော အပင်ကိုအောက်ရွက်များ အားလုံးလှီးပစ်ပြီး အထုပ်၏အလယ် ပင်စည်တိုင်အသားကို (၁-၂)လက်မချန်၍ လေးထောင့်ပုံဖြစ်အောင် လှီးပစ်ပါ။ ပျိုးပင်ကို မြေလုံးမပျက်ယူ၍ စိုက်ဘောင်သို့ရွှေ့စိုက်ပါ။ ပင်ကြား၊ တန်းကြား(၂ x ၂)ပေ စိုက်သင့်ပြီး အမြစ် စွဲကောင်းအောင် ရေမပြတ်လောင်းပါ။

နေဒဏ်၊ ဆီးနှင်းဒဏ်ကာကွယ်နိုင်ရန် အရိပ်လုပ်ပေးပါ။ အမြစ်စွဲပြီးနောက်တွင် တဖြည်းဖြည်းပွင့်တန်များထွက်လာမည်။ သန်မာ
သော သီးကိုင်းများကိုယူပါ။ ကောင်းစွာရင့်မှည့်ချိန်၊ အစေ့အများစု အညိုရင့်ရောင် ပြောင်းချိန်တွင် ရိတ်သိမ်းအခြောက်ခံသန့်စင်၍ သန့်ရှင်းသော လေလုံပုံးများတွင်ထည့်၍ သိုလှောင်ပါ။ အပင်တစ်ပင်မှ မျိုးစေ့ ၂၅ ဂရမ်ခန့်ရရှိသည်။

- ကျမ်းကိုး- ဟင်းသီးဟင်းရွက်စိုက်ပျိုးခြင်း လမ်းညွှန် (စားနပ်ရိက္ခာဖူလုံမှုပူးပေါင်းဆောင်ရွက်ရေးအဖွဲ့)

#crd
#greengarden

❌အကယ်ဒမီကနေ အသက် ၁၁ နှစ်မှာ အထုတ်ပယ်ခံရ
🛒 စူပါမားကတ်မှာ တွန်းလှည်းတွန်းတဲ့အလုပ်သမားလုပ်
🙏 လိဂ်ပွဲတွေ ပြန်ကစားရ
✍️ 29 မှာ နယူးကာဆယ်ကိုရောက်
🤩 31 နှစ်မှာ ချန်ပီယံလိဂ်ဂိုးသွင်းနိုင်ခဲ့
🏴󠁧󠁢󠁥󠁮󠁧󠁿 32 နှစ်မှာ အင်္ဂလန်လက်ရွေးစင်ရွေးခံရ
🏆 Wembley မှာ အကောင်းဆုံးကစားဆုရ
🏆 Wembley မှာ ဖလားရ

ဒန်ဘန်းရဲ့ ဘောလုံးပုံပြင်ကတော့ တကယ်ကိုခမ်းနားခဲ့ရပါပြီ

❝ဘုရားဂုဏ်​တော် ၉-ပါး❞
❝အရဟံ ဂုဏ်တော်❞
ကိလေသာကင်းစင်၍ အမြတ်ဆုံး ပုဂ္ဂိုလ်ဖြစ်ခြင်း၊ လူ၊ နတ်၊ ဗြဟ္မာတို့၏ ပူဇော်အထူးကို ခံယူထိုက်တော်မူထိုက်သော မြတ်စွာဘုရား။ ဆိတ်ကွယ်ရာအရပ်၌ပင် မကောင်းမှုကို ပြုလုပ်တော်မမူသော မြတ်စွာဘုရား။
အရဟံဂုဏ်တော် (၅) ချက်-
၁။ အာရကတ္တာ- ကိလေသာတို့မှ ဝေးတော်မူသောကြောင့် အရဟမည်၏။
၂။ ပစ္စယာဒီနံ အရဟတ္ထာပိ- လူနတ်ဗြဟ္မာသုံးပါးတို့၏ ပစ္စည်းလေးပါး စသော ပူဇော်အထူးကို ခံထိုက်သည်၏ အဖြစ်ကြောင့် အရဟမည်၏။
၃။ နတ္ထိ ရဟော ဧတဿာတိ- ဆိတ်ကွယ်ရာ အရပ်၌ မကောင်းမှုပြုခြင်းသည် မရှိသောကြောင့် အရဟမည်၏။
၄။ အရီနံ ဟတတ္တာပိ- ကိလေသာ တည်းဟူသော ရန်သူကို သတ်အပ်သည်၏ အဖြစ်ကြောင့် အရဟမည်၏။
၅။ အရာနံ ဟတတ္တာပိ- သံသရာ စက်တို့ ၏အကန့်တို့ကို ဖျက်ဆီးအပ်သည်၏ အဖြစ်ကြောင့် အရဟမည်၏။
❝သမ္မာသမ္ဗုဒ္ဓေါ ဂုဏ်တော်❞
တရားအလုံးစုံကို သဗ္ဗညုတဉာဏ်ဖြင့် အလိုလိုသိခြင်း၊ ဉာဏ်ပညာအကြီးဆုံးပုဂ္ဂိုလ်ဖြစ်တော်မူသောမြတ်စွာဘုရား။
(အရာအားလုံးကို ကိုယ်ပိုင်ဉာဏ်စွမ်းဖြင့် အမှန်အတိုင်းသိမြင်တော်မူသော မြတ်စွာဘုရား။)
❝ဝိဇ္ဇာစရဏ သမ္ပန္နော ဂုဏ်တော်❞
ဝိဇ္ဇာဉာဏ် ၃-ပါး(၈ပါး)၊ စရဏ အကျင့် ၁၅ ပါးတို့နှင့် ပြည့်စုံတော်မူခြင်း၊ အကြီးဆုံး ဝိဇ္ဇာနှင့် အကောင်းဆုံး အကျင့်ရှိသူဖြစ်တော်မူသောမြတ်စွာဘုရား။
ဝိဇ္ဇာဉာဏ် (၃) ပါး-
၁။ ပုဗ္ဗေနိဝါသဉာဏ်-ရှေးဘဝမှ နေခဲ့သော ခန္ဓာအစဉ်ကို အောက်မေ့နိုင်သော ဉာဏ်။
၂။ ဒိဗ္ဗစက္ခုဉာဏ် - နတ်တို့၏ မျက်စိကဲ့သို့ အပိတ်အပင် အတားအဆီးမရှိ မြင်နိုင်သော ဉာဏ်။
၃။ အာသဝက္ခယဉာဏ် - အာသဝေါတရား လေးပါးကို ကုန်စင်အောင် ပြုတတ်သော အရဟတ္တမဂ်ဉာဏ်။
ဝိဇ္ဇာဉာဏ် (၈) ပါး-
၁။ ဣဒ္ဓိဝိဓဉာဏ် - တန်ခိုးအမျိုးမျိုး ဖန်ဆင်းနိုင်သောဉာဏ်။
၂။ မနောမယိဒ္ဓိဉာဏ် - စိတ်သွားတိုင်း ကိုယ်ပါနိုင်သောဉာဏ်။
၃။ ဒိဗ္ဗသောတဉာဏ် - နတ်တို့၏ နားကဲ့သို့ ကြားနိုင်သောဉာဏ်။
၄။ ပရစိတ္တဝိဇာနနဉာဏ် - သူတပါး၏စိတ်ကိုပိုင်းခြား၍သိနိုင်သောဉာဏ်။
၅။ ပုဗ္ဗေနိဝါသဉာဏ် - ရှေးရှေးသော ဘဝပေါင်းခြားများစွာက နေခဲ့ဘူးသော ခန္ဓာအစဉ်ကို အောက်မေ့နိုင်သောဉာဏ်။
၆။ ဒိဗ္ဗစက္ခုဉာဏ် - နတ်တို့၏မျက်စိကဲ့သို့ မြင်နိုင်သောဉာဏ်။
၇။ ဝိပဿနာဉာဏ် - ဖြစ်ပေါ်သမျှသော သင်္ခါရတရားတို့ကို လက္ခဏာသုံးပါးတင်၍ ရှုမြင်ဆင်ခြင်နိုင်သောဉာဏ်။
၈။ အာသဝက္ခယဉာဏ် - အာသဝေါတရားလေးပါးကို ကုန်စင်အောင်ပြုတတ်သော အရဟတ္တမဂ်ဉာဏ်။
စရဏ အကျင့် ၁၅ ပါး-
၁။ သဒ်ဓါ
၂။ သတိ
၃။ ဟိရီ
၄။ ဩတ်တပ်ပ
၅။ ဝီရိယ
၆။ သုတ
၇။ ပညာ
၈။ ဘောဇနမတ္တညုတာ
၉။ ဇာဂရိယာနုယောဂ
၁၀။ သီလ
၁၁။ ဣန္ဒြိယသံဝရ
၁၂။ ပထမဈာန်
၁၃။ ဒုတိယဈာန်
၁၄။ တတိယဈာန်
၁၅။စတုတ္ထဈာန် တို့ကို စရဏတစ်ဆယ့်ငါးပါးဟု ခေါ်ဆိုသည်။
❝သုဂတော ဂုဏ်တော်❞
အကျိုးရှိသော ဟုတ်မှန်သောစကားကိုသာ ကောင်းစွာဆိုတတ်သောမြတ်စွာဘုရား။
❝လောကဝိဒူ ဂုဏ်တော်❞
သတ္တလောက၊ သင်္ခါရလောက၊ ဩကာသလောက တည်းဟူသော လောကသုံးပါးကို အကုန်အစင်သိမြင်တော်မူသော မြတ်စွာဘုရား။
❝အနုတ္တရော ပုရိသဓမ္မသာရထိ ဂုဏ်တော်❞
မယဉ်ကျေးသော ဆုံးမထိုက်သူတို့ကို
ယဉ်ကျေးသိမ်မွေ့အောင် ဆုံးမရာ၌ အသာလွန်ဆုံးဖြစ်တော်မူသောမြတ်စွာဘုရား။
❝သတ္ထာဒေဝ မနုဿာနံ ဂုဏ်တော်❞ လူ၊ နတ်၊ ဗြဟ္မာ သတ္တဝါအားလုံးတို့၏ ဆရာတစ်ဆူ ဖြစ်တော်မူသော မြတ်စွာဘုရား။
❝ဗုဒ္ဓေါ ဂုဏ်တော်❞
သစ္စာလေးပါးကို ကိုယ်ပိုင်ဉာဏ်ဖြင့် သိတော်မူပြီးတစ်ပါးသူ တို့အားလည်း ဟောကြားညွှန်ပြနိုင်သောမြတ်စွာဘုရား။
၁။ ဒုက္ခသစ္စာ - ဒုက္ခဟူသော ဆင်းရဲခြင်းတရားသည် အမှန်တကယ်ရှိသည်။
၂။ သမုဒယသစ္စာ - သမုဒယသည် 'ဒုက္ခ'ကိုဖြစ်စေသော အကြောင်းအရင်း အမှန်ဖြစ်သည်။
၃။ နိရောဓသစ္စာ - ဒုက္ခ၏ ငြိမ်းအေးရာ နိဗ္ဗာန်သည် အမှန်တကယ်ရှိသည်။
၄။ မဂ္ဂသစ္စာ - နိဗ္ဗာန်ကိုရရှိရန် နည်းလမ်းသည် မဂ္ဂင်ရှစ်ပါး အမှန်ပင်ဖြစ်သည်။
❝ဘဂဝါ ဂုဏ်တော်❞
ဘုန်းတော် ၆-ပါးနှင့် ပြည့်စုံတော်မူခြင်း၊ ဘုန်းတန်ခိုးအကြီးဆုံးပုဂ္ဂိုလ်ဖြစ်သော မြတ်စွာဘုရား။
ဘုန်းတော်ခြောက်ပါး-
၁။ ဣဿရိယဘုန်းတော် - မိမိစိတ်ကိုရော၊ တစ်လောကလုံးကိုပါ အစိုးရတော်မူသော မြတ်စွာဘုရား။
၂။ ဓမ္မဘုန်းတော် - မဂ်၊ ဖိုလ်၊ နိဗ္ဗာန်တရားနှင့် ပြည့်စုံတော်မူသော မြတ်စွာဘုရား။
၃။ ယသဘုန်းတော် - များပြားသော အခြံအရံ၊ ပျံနှံ့သော အကျော်အစောနှင့် ပြည့်စုံတော်မူသော မြတ်စွာဘုရား။
၄။ သိရီဘုန်းတော် - အတုမရှိသော ကျက်သရေတော် နှင့် ပြည့်စုံတော်မူသော မြတ်စွာဘုရား။
၅။ ကာမဘုန်းတော် - လိုအင်ဆန္ဒမှန်သမျှ ခဏချက်ချင်း ပြည့်ဝတော်မူသော မြတ်စွာဘုရား။
၆။ ပယတ္တဘုန်းတော် - အတုမရှိသော လုံလဝီရိယနှင့် ပြည့်စုံတော်မူသော မြတ်စွာဘုရား။
ဗုဒဓှံ သရဏံ ဂစဆှာမိ၊ ဓမမှံ သရဏံ ဂစဆှာမိ၊ သံဃံ သရဏံ ဂစဆှာမိ။
ဗုဒ္ဓံပူဇေမိ၊ ဓမ္မံပူဇေမိ၊ သံဃံပူဇေမိပါဘုရား။
သတ္တဝါအားလုံး ​ဘေးရန်ကင်းကြ ပါ​စေ။
၇ - ရက်သားသမီး အားလုံး
ကျန်းမာ၊​ ချမ်းသာကြပါစေ။
​ကောင်းကျိုးလိုရာဆန္ဒ ပြည့်ဝကြပါ​စေ။
အလုပ်အကိုင်လုပ်ငန်းများ ​အောင်မြင်တိုးတက်ကြပါ​စေ...
❝ပေးကမ်းမျှ​ဝေကူညီနိုင်​သော လက်ပိုင်ရှင်များ ဖြစ်ကြပါ​စေ။❞
❝ပေးကမ်းမျှ​ဝေကူညီနိုင်​သော လက်တစ်စုံပိုင်ရှင်ဖြစ်ရပါလို၏။❞
❝ရယူလို့ဖြစ်တဲ့ ပျော်ရွှင်ခြင်းထက် ပေးကမ်းမျှ​ဝေကူညီနိုင်​လို့ရတဲ့ ပျော်ရွှင်မှုက ပိုမိုပြီး ချမ်း​မြေ့ပျော်ရွှင်ကြည်နူးပိတိဖြစ်ရပါတယ်။❞

နေ့စဉ်မိုးလေဝသသတင်း
===============
(၂၀၂၅ ခုနှစ်၊ မတ်လ ၁၈ ရက်နေ့ နံနက်(၇:၀၀)နာရီအချိန် ထုတ်ပြန်ချက်)
-----------------------------------------------------------------------
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့် အတင့် ဖြစ်ထွန်းနေပြီး၊ ကျန်ဘင်္ဂလားပင်လယ်အော်တွင် တိမ်အနည်းငယ် ဖြစ်ထွန်းနေပါသည်။
ယနေ့ညနေအထိခန့်မှန်းချက်။ ကချင်ပြည်နယ်တွင် နေရာကျဲကျဲနှင့် တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်ကျား မိုးထစ်ချုန်းရွာမည်။ ရွာရန်ရာနှုန်း ၈၀ ဖြစ်ပါသည်။ နေပြည်တော်၊ ပဲခူးတိုင်း ဒေသကြီး၊ မကွေးတိုင်းဒေသကြီးနှင့် ကယားပြည်နယ်တို့တွင် အများအားဖြင့် သာယာပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်။
မြန်မာ့ပင်လယ်ပြင်။ လှိုင်းအနည်းငယ်မှ လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၄ ပေမှ ၆ ပေခန့် ရှိနိုင်ပါသည်။
နောက်(၂)ရက်အတွက်ခန့်မှန်းချက်။ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင် ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် နေရာကွက်ကျားမှ နေရာကျဲကျဲ မိုးထစ်ချုန်းရွာ နိုင်ပါသည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ တိမ်အနည်းငယ် ဖြစ်ထွန်းမည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။

DeepSeek အင်ဂျင်နီယာတွေ ပတ်စ်ပို့ အသိမ်းခံရ
ကမ္ဘာကို ကိုင်လှုပ်ခဲ့တဲ့ AI ကုမ္ပဏီရဲ့ ထိပ်တန်း အင်ဂျင်နီယာတွေ ပြည်ပထွက်ခွင့် ကန့်သတ်ခံရတယ်လို့ သတင်းထွက်နေပါတယ်။
DeepSeek ရဲ့ တန်ဖိုးနည်း စွမ်းရည်မြင့် AI model ပေါ်လာတဲ့နောက် အမေရိကန်စတော့ဈေးကွက်တွေ အလဲလဲ အပြိုပြို ဖြစ်သွားခဲ့တာ သိကြမှာပါ။ ဒါက တရုတ်ပြည်အတွက် ဂုဏ်ယူဖွယ်ရာ နည်းပညာအစွမ်းပြချက် ဖြစ်ခဲ့သလို တန်ဖိုးနည်း AI model သစ်တွေ ပေါ်ပေါက်လာဖို့လည်း DeepSeek က စံနည်းယူဖွယ် လမ်းပြကောင်း ဖြစ်ခဲ့ပါတယ်။
တန်ဖိုးကြီးလို့ သော့ခတ်ထားတယ်ဆိုတဲ့ စကားလိုပါပဲ။ R1 model နဲ့ ကမ္ဘာ့ AI လောကကို မွှေနှောက်သွားခဲ့တဲ့နောက် DeepSeek ရဲ့ နည်းပညာကို အပြင်မရောက်အောင် DeepSeek ရဲ့ အဓိကကျတဲ့ ဝန်ထမ်းတွေရဲ့ တရုတ်ပတ်စ်ပို့တွေ သိမ်းထားလိုက်တယ်လို့ ဆိုပါတယ်။
The Information သတင်းမှာတော့ ကုန်သွယ်ရေးလျှို့ဝှက်ချက် နဲ့ နိုင်ငံ့လျှို့ဝှက်ချက်တွေ ပါတဲ့ လျှို့ဝှက်သတင်းအချက်အလက် ပေါက်ကြားမှုကနေ ကာကွယ်ဖို့ ခရီးသွားခွင့်ပိတ်တာလို့ ပြောပါတယ်။ တရုတ်အစိုးရက နိုင်ငံရဲ့ ထိပ်တန်း AI ပညာရှင်တွေ အမေရိကန်ကို ခရီးသွားလာမှု ရှောင်ကြဉ်ဖို့ မကြာသေးခင်ကတည်းက ညွှန်ကြားထားတာပါ။
ကမ္ဘာ့ထိပ်တန်းနိုင်ငံတွေ AI ပါဝါချင်း ယှဉ်ပြိုင်လာချိန်မှာ DeepSeek ဟာ တစ်ကမ္ဘာလုံးက အာရုံစိုက်စရာ ဖြစ်ခဲ့ပါတယ်။ တချို့ နိုင်ငံတွေမှာတော့ DeepSeek ကို အချက်အလက်လုံခြုံရေးစိုးရိမ်မှုကြောင့် ပိတ်ပင်တာတွေ ရှိလာနေပါတယ်။

🚫 အိမ်သား တွေ နေမကောင်း ဖြစ်ရင်
ဒီအစားအစာ တွေ မကျွေးရဘူးနော် 🚫
နေမကောင်း ဖြစ်နေ တဲ့ အချိန် မှာ
ရှောင်ရမယ့် အစားအစာ တွေ ရှိပါတယ်။
အိမ်ရှင်မတွေသာမက
အိမ်သားအားလုံး သိထား မှ
တစ်ဦးနဲ့တစ်ဦး စောင့်ရှောက် နိုင် မှာပါ။
လူတစ်ယောက်နဲ့ တစ်ယောက်
ကိုယ်ခံအား ခံနိုင်စွမ်း မတူ ပေမယ့်
သတိထားရှောင်လိုက် တာ အကောင်းဆုံး ပါ။
#နှာစေးနေလျှင်_____
ငှက်ပျောသီး၊ လိမ္မော်သီး၊ ရေခဲ၊ ဆိတ်သား၊ မစားရ
ဆေးလိပ် နှင့် အရက်မသောက်ရ
#ချောင်းဆိုးနေလျှင်_____
ရေခဲမုန့်၊ လိမ္မော်သီး၊ ဆီကြော်စာ၊ အကင်၊ အစပ်၊
မြေပဲ၊ အရက် နှင့် ချိုသော အစားအစာ များ မစားရ
#ရုတ်တရက်အစာအိမ်ရောင်လျှင်___$
အကြော်အလှော်၊ အရက်၊ ငရုပ်သီးနှင့် ကောက်ညှင်း မစားရ
#နာတာရှည်အစာအိမ်ရောင်လျှင်_____
ကောက်ညှင်း၊ အသုတ်၊
အချဉ်ဖောက် ထား သော အစာများ မစားရ
#အူရောင်နေလျှင်_____
ငှက်ပျောသီး၊ မာလာကာသီး မစားရ
#အသည်းရောဂါဖြစ်နေလျှင်____
ငန်း (ကြက်၊ဘဲ) အရေခွံ၊ ဝက်သားဆီ၊
ဆေးလိပ် နှင့် အရက်ဖြစ်ပြီး
အရေးကြီးဆုံး က အိပ်ရေးပျက်ခံ လို့ မရပါ။ မစားရ
#နှလုံးရောဂါဖြစ်လျှင်____
ကယ်လိုရီများ သော အစာ နှင့်
ငန်သော အစားအစာ များ မစားရ
#ကျောက်ကပ်ရောဂါဖြစ်နေလျှင်____
ဘီယာ၊ အချိုရည်၊ ငါးခြောက် နှင့် မျှစ်ခြောက် မစားရ
#ဆီးချိုရောဂါဖြစ်လျှင်____
အချိုစာ၊ အရက်၊ အဆီများ သော အစာ၊
ဆီကြော်စာ နှင့် အကင် မစားရ
#သွေးအားနည်းနေလျှင်____
တရုတ်နံနံ မစားရ
#သွေးတိုးရောဂါဆိုရင်______
အငန်ဓာတ် များသော အစာ၊
ဥအနှစ်၊ တိရိစ္ဆာန် ကလီစာ မစားရ
#အစာအိမ်နာဖြစ်လျှင်_____
ပဲမျိုစုံ၊ ကညွတ်၊ ဆားစိမ်သော ဟင်း၊
ကောက်ညှင်း၊ အရက်၊ နာနတ်သီး၊
ငရုတ်သီး နှင့် မာလာကာသီး မစားရ
#အရိုးကာအမြှေးရောင်နာဖြစ်လျှင်____
ငှက်ပျောသီး၊ ကညွတ်၊ အရက်၊ ငရုတ်သီး မစားရ
#လိပ်ခေါင်းရောဂါဖြစ်လျှင်____
အရက်၊ ဆေးလိပ်၊ အစပ် နှင့် ဆီကြော်စာ များ မစားရ
#လေးဖက်နာရောဂါဖြစ်လျှင်____
ဘီယာ၊ ငှက်ပျောသီး နှင့် အသားများ
မစားရ
#အရေပြားallergicဖြစ်လျှင်_____
ပင်လယ်စာ၊ ပိန်းဥ၊ ၊ ရေခဲ၊
လိုင်ချီးသီး နှင့် သရက်သီး မစားရ
#အာရုံကြောအားနည်းလျှင်_____
ငရုပ်သီး၊ အရက်၊ ကော်ဖီ၊
ကြက်သွန်နီ နှင့် ကြက်သွန်ဖြူ မစားရ
တချို့အစားသောက်တွေကဆေးဖြစ်ကြမဲ့
နေမကောင်းချိန် ရောဂါအခံနဲ့
မတည့်ကြတာမို့
ရှောင်ကျဉ်ကြရပါမယ်
Credit... Original Uploader