small tattoo

small tattoo

small tattoo

#ပြည်တွင်းသတင်း
◼ရွှေစာရံဘုရားဖူးယာဉ်တိမ်းမှောက် ခြောက်ဦးသေဆုံး၊ ခုနစ်ဦးဒဏ်ရာရ
မန္တလေးတိုင်း၊ စဉ့်ကိုင်မြို့နယ်နှင့်ပုသိမ်ကြီးမြို့နယ်အစပ်ရှိ ရွှေစာရံ-ကျောက်ဆည်လမ်းမီးသွေးဖုတ်ရွာအနီး၌ ဘုရားဖူးယာဉ်တစ်စီးတိမ်းမှောက်မှု ယမန်နေ့(မတ် ၁၅ ရက်) ညနေပိုင်းတွင်ဖြစ်ပွားခဲ့ပြီး ကလေးသုံးဦးအပါအဝင် ခြောက်ဦးသေဆုံးကြောင်း လူမှုကူညီရေးအသင်းများထံမှသိရသည်။
အဆိုပါဘုရားဖူးယာဉ်ပေါ်တွင် လူ ၁၃ ဦးလိုက်ပါလာပြီး အမျိုးသားတစ်ဦး၊ အမျိုးသမီးနှစ်ဦးနှင့် ကလေးသုံးဦးသေ ဆုံးကြောင်း အခင်းဖြစ်ရာသို့သွားရောက်ကူညီခဲ့သည့် လူမှုကူညီရေးအသင်းတစ်ခုမှ တာဝန်ရှိသူတစ်ဦးကပြောသည်။
“ကလေးသုံးယောက်၊ လူကြီးနှစ်ယောက်အရင်ဆုံးတယ်။ ည ၁၂ နာရီကျော်လောက်က အမျိုးသမီးတစ်ယောက်ထပ်ဆုံးသွားတယ်။ ကျန်တဲ့လူနာတွေကတော့ ဒဏ်ရာအခြေ အနေသိပ်မဆိုးဘူး” ဟု ၎င်းကပြောသည်။
အဆိုပါမော်တော်ယာဉ်ပေါ်တွင်လိုက်ပါလာသူများသည် ပြင်ဦးလွင်မြို့တွင် နေထိုင်သူများဖြစ်ပြီး ရွှေစာရံဘုရားဖူးအပြန်တွင် (အုန်းချော) မန္တလေး-ပြင်ဦးလွင်လမ်းဘက်သို့မထွက်ဘဲ လုံထိန်းကွေ့မှကျောက်ဆည်လမ်း ဒုဌဝတီမြစ်ကူးတံတားသို့လမ်းမှားထွက်မိခြင်းကြောင့် ကားနောက်ပြန်ဆုတ်ရာမှ တိမ်းမှောက်ခဲ့ခြင်းဖြစ်ကြောင်း လူမှုကယ်ဆယ်ရေးအသင်းများထံမှသိရသည်။
လက်ရှိတွင်ယာဉ်တိမ်းမှောက်မှုကြောင့် သေဆုံးခဲ့သူများကို နေရပ်ပြန်လည်ပို့ဆောင်နိုင်ရေးဆောင်ရွက်လျက်ရှိကြောင်း လူမှုကူညီရေးအသင်းများထံမှသိရသည်။
သတင်း - နေသစ်ဦး
ဓာတ်ပုံ - သန္တိသုခ လူမှုကူညီရေးအသင်း

#နိုင်ငံတကာသတင်း
◼အပစ်ရပ်ရေးအလားအလာ မရေမရာမှုအတွင်းရုရှားနှင့်ယူကရိန်းလေ ကြောင်းဆက်လက်တိုက်ခိုက်
သုံးနှစ်ကြာစစ်ပွဲအတွက် အဆိုပြုထားသော အပစ်အခတ်ရပ်စဲရေး အလား အလာ ဆက်လက်၍ မ ရေမရာဖြစ်နေချိန်တွင် ရုရှားနှင့်ယူကရိန်းတို့အပြန်အလှန်လေကြောင်းတိုက်ခိုက်မှုများ ဆက် လက်ဖြစ်ပွားနေပြီး ထိခိုက်ဒဏ်ရာရမှုများဉ ပျက်စီးမှုများ ဖြစ်ပေါ်ခဲ့ကြောင်း တာဝန်ရှိသူများက ပြော ကြားကြသည်။
ရက်ပေါင်း ၃၀ အပစ်အခတ် ရပ်စဲ‌ရေး ဝါရှင်တန်၏ အဆိုပြုချက်ကို မူအားဖြင့် ထောက်ခံကြောင်း ရုရှားသမ္မတ ဗလာဒီမာပူတင်က ကြာသပတေးနေ့တွင်ပြောကြားခဲ့ပြီး အဆိုပြုချက်မှ အရေးပါသော သတ်မှတ်ချက်များကို ကိုင်တွယ်ပြီးချိန်အထိ ၎င်းတို့တပ်ဖွဲ့များက ဆက်လက်တိုက်ခိုက်နေမည်ဟု ဆို သည်။
ကြီးမားသောလေကြောင်းတိုက်ခိုက်မှုများကိုနှစ်ဖက်စလုံးကဆက်လက်လုပ် ဆောင်ခဲ့ကြပြီးရုရှားအနောက်ပိုင်း ကာ့ချ်ဒေသထဲတွင် လပေါင်းများစွာ ခြေကုပ်ယူထားသော ယူကရိန်းတပ်ဖွဲ့များအား ဖယ်ရှားပစ်ရန် ရုရှားတပ်ဖွဲ့များက စစ်မြေပြင်တွင် ဆက်လက်ထိုးစစ်ဆင်နေသည်။
၎င်းတို့၏ လေကြောင်း ကာကွယ်ရေးတပ်ဖွဲ့များက ရုရှားပိုင်နက်ပေါ်တွင် ယူကရိန်း ဒရုန်း ၃၁ စင်းကို ပစ်ချခဲ့ကြောင်း ရုရှားကာကွယ်ရေးဝန်ကြီးဌာနက ပြောကြားသည်။
ယူကရိန်းနှင့်ထိစပ်နေသည့် ဘဲလ်ဂိုရော့ ပြည်နယ်တွင် ယူကရိန်း ဒရုန်းများကြောင့် အသက် ခုနစ်နှစ်အရွယ် က‌လေးတစ်ဦးအပါအဝင် သုံးဦး ဒဏ်ရာရရှိခဲ့ကြောင်း ဒေသဆိုင်ရာအုပ်ချုပ်ရေးမှူး ဂလက်ဒေါ့ဗ် က တယ်လီဂရမ် တွင် ပြော ကြားသည်။
ယူကရိန်းတွင်လည်း ရုရှားတို့၏ ဒရုန်းဖြင့် တိုက်ခိုက်မှုဖြစ် ရပ် အများအပြားကို အာဏာပိုင်များက သတင်းပေးပို့ခဲ့ကြသည်။
ယူကရိန်းမြောက်ပိုင်း ချာနီဟစ် ဒေသတွင် အထပ်မြင့်အ ဆောက်အအုံတစ်ခု မီးလောင်ခဲ့ပြီး မီးသတ်တပ်ဖွဲ့များက ငြှိမ်းသတ်နေရကြောင်း ယူကရိန်းအစိုးရ အရေးပေါ်ဌာနက ပြောကြားကာမြို့တော် ကိဗ် ပတ်ဝန်းကျင်ဒေသများတွင်လည်း ပေါက် ကွဲမှုအများအပြားဖြစ်ပေါ်ခဲ့ကြောင်း ယူက ရိန်းမီဒီယာများက သတင်းဖော်ပြကြသည်။
သတင်း-ရဲမင်း
ကိုးကား-Reuters

ကျောက္ကချားရွာ

ကျောက္ကချားရွာ

ကျောက္ကချားရွာ

ကျောက္ကချားရွာ

ကျောက္ကချားရွာ