မနေ့ညက ဖြစ်ပေါ်ခဲ့တဲ့ G4 အဆင့်ရှိတဲ့
ကမ္ဘာ့သံလိုက်စက်ကွင်းမုန်တိုင်း ဖြစ်စဉ်ဟာ ဒီနေ့ ဇွန်လ ၂ ရက်နေ့မှာလည်း ဆက်လက် အရှိန်ကောင်းပြီး တည်ရှိနေနိုင်ပါသေးတယ်။
နေမှ လွှင့်ထွက်လာတဲ့ CMEs ခေါ် ( Coronal mass ejections ) များဟာ အားကောင်းတဲ့ Charged particle ခေါ် ions များဖြစ်ပါတယ်။
ဒီ CMEs particle များဟာ ကမ္ဘာ့သံလိုက်စက်ကွင်းများနဲ့ ထိမိတဲ့အခါ Geo magnetic storm လို့ခေါ်တဲ့ သံလိုက်မုန်တိုင်းဖြစ်စဉ်များဖြစ်ပေါ်လာပါတယ်။
ဒီ ကမ္ဘာ့သံလိုက်မုန်တိုင်း အားပြင်းမှု အတိုင်းအတာ များကိုတော့ G1 အဆင့်ကနေ 1,2,3,4,5 အစီအစဉ်လိုက်တိုင်းထားရှိပြီး G5 အဆင့်ကတော့ အမြင့်ဆုံးအားအပြင်းဆုံးအနေအထားဖြစ်ပါတယ်။
ဒီလို မုန်တိုင်းများဖြစ်ပေါ်တဲ့အထဲမှာ မနေ့က ဖြစ်ပေါ်ခဲ့တာက G4 အဆင့်ရှိတဲ့ သံလိုက်မုန်တိုင်းတစ်ခုဖြစ်ပါတယ်။
ဒီလိုပုံမှန်မဟုတ်ပဲ ထူးကဲ သံလိုက်မုန်တိုင်းဖြစ်စဉ်ဖြစ်ပေါ်ခဲ့တာကြောင့် အမေရိကန်နိုင်ငံ ဥရောပအချို့ဒေသများနဲ့ နယူးဇီလန် အစရှိတဲ့နိုင်ငံများမှာ သာမန်အားဖြင့်မြင်တွေ့ရဖို့ခက်တဲ့ Aurora light ခေါ် ညအလင်းတန်းများကို မြင်တွေ့ခဲ့ရပါတယ်။
ယနေ့ ဇွန်လ ၂ ရက်နေ့ ညမှာလည်း နောက်ထပ် CMEs ဝင်ရောက်မှုဖြစ်စဉ်များနဲ့ Geo magnetic storm များ ထပ်မံဖြစ်ပေါ်နေနိုင်သေးတာကြောင့် အဆိုပါ Aurora light များကို အမေရိကားနိုင်ငံမှ အချို့ ဒေသများနဲ့ ဥရောပမြောက်ပိုင်းဒေသအချို့ကထပ်မံမြင်တွေ့ရဖို့ရှိနေပါတယ်။
အမေရိကန်နိုင်ငံက Aurora light များကို ဒီနေ့ည ထပ်ပြီးမြင်တွေ့ရနိုင်တဲ့ ပြည်နယ်များကိုတော့ NOAA အဖွဲ့အစည်းက ထုတ်ပြန်ထားတာကိုတော့ သိရှိနိုင်အောင်ဖော်ပြပေးလိုက်ပါတယ်။
