တိုက်ခန်းအထိ လာဆဲတာခံခဲ့ရတဲ့ Snow White သရုပ်ဆောင် Rachel Zegler
မတ်လ ၂၄၊ ၂၀၂၅
Rachel Zegler ကတော့ Disney က ရိုက်တဲ့ Snow White Live Action ဇာတ်ကားမှာ သူမသရုပ်ဆောင်တဲ့ Character နဲ့ပတ်သက်ပြီး သူမရဲ့ အိမ်အထိ လာဆဲတာခံရကြောင်း ဖွင့်ဟခဲ့ပါတယ်။
ဒီအကြောင်းကိုတော့ Cosmopolitan နဲ့ စကားပြောရင်းမျှဝေခဲ့တာဖြစ်ပြီး လူတွေက သူ့ရဲ့ တိုက်ခန်းအပြင်ဘက်မှာ ရပ်ပြီး အော်ဟစ် ဆဲဆိုခဲ့ကြောင်းပြောခဲ့ပါတယ်။ အကြောင်းကတော့ စနိုးဝှိုက် အဖြစ် သရုပ်ဆောင်ခံရပြီးနောက် ဒီကိစ္စတွေ ဆက်တိုက်ဖြစ်ပေါ်ခဲ့လာခဲ့တာလို့ဆိုပါတယ်။
နောက်ပြီး သူမကလည်း ဒီလိုမျိုး အဆဲခံရတာကနေ သူမကိုယ်တိုင် ဘယ်လိုမျိုးတွေ လေ့လာခဲ့ရတယ်ဆိုတဲ့ အကြောင်းနဲ့ သူမကိုယ်သူမ ဘယ်လို ပြုပြင်ခဲ့ရတယ်ဆိုတဲ့ အကြောင်းတွေကို ပြောလာခဲ့ပါတယ်။
“ အသားအရေညိုတဲ့အတွက်။ စနိုးဝှိုက်အဖြစ် သရုပ်ဆောင်တဲ့အတွက်။ လူတစ်စုကနေ လူအများကြီး နှောင့်ယှက်မှုတွေ ရှိခဲ့တယ်၊ သူတို့က ကျွန်မရဲ့ တိုက်ခန်းမှာ ရောက်လာပြီး အော်ဟစ် ဆဲဆိုနေကြတယ်”
“ပထမကတော့ ဒီကိစ္စကို ခဏလေးနောက်ပြောင်နေတယ်ပဲထင်ထားတာ။ နောက်ပိုင်း အဲဒါက ရယ်စရာမဟုတ်တော့တဲ့ အချိန်တစ်ခုထိ ရောက်သွားခဲ့တယ်၊ ပြီးတော့ တခြားလူတွေက ကျွန်မအကြောင်း ပြောနေတဲ့အရာတွေအတွက် ကျွန်မ ကိုယ့်ကိုယ်ကို အရမ်းမုန်းမိသွားတယ်။ ဒါပေမယ့် အဲဒါကနေ ပြန်လည်ထူထောင်နိုင်ပြီး ဒီ Project အတွက် ကျွန်မလုပ်ခဲ့တဲ့ အလုပ်ကို ဆက်လက် စိတ်အားထက်သန်နိုင်ခဲ့တာက ကျွန်မကိုယ်ကျွန်မ သဘောကျတဲ့ အရာတစ်ခုပဲ”လို့ဆိုပါတယ်။
ပြီးတော့ လူမျိုးရေးခွဲခြားမှုတွေ အမြစ်တွယ်နေတဲ့သူတွေက Zegler ကို ကိုလံဘီယန် မျိုးရိုးဖြစ်တာကြောင့် အသားအရေမညီမညာသူတစ်ဦးက စနိုးဝှိုက်နေရာမှာ သရုပ်ဆောင်သင့်မသင့် စတဲ့ မှတ်ချက်တွေလည်း များစွာပေါ်ထွက်လာခဲ့ပါတယ်။
ဒဏ္ဍာရီပုံပြင်တွေထဲမှာတော့ စနိုးဝှိုက်ရဲ့ နာမည်ဟာ ဖြူဖွေးတဲ့ အသားအရေကြောင့် မှည့်ခဲ့တာဖြစ်ပြီး၊ Rachel Zegler ရဲ့ Live Action Snow White မှာတော့ နှင်းမုန်တိုင်းတစ်ခုကနေ အသက်ရှင်ကျန်ရစ်လို့ Snow White လို့ မှည့်ဖြစ်ခဲ့တာဖြစ်ပါတယ်။
နောက်ပြီး Rachel Zegler က 1937 ခုနှစ်ကထွက်ထားတဲ့ Snow White Animation ထဲက မင်းသားက Snow White နောက်ကို လိုက်နေတာနဲ့ပတ်သက်ပြီး ပြောထားတာလည်း ဝေဖန်ခံခဲ့ရပါတယ်။
လက်ရှိမှာတော့ Snow White Live Action ဟာ Rating တွေမှာလည်း အားရစရာမကောင်းသလို Box Office အဖွင့်မှာလည်း စိတ်ကျေနပ်မှုမရရှိသေးတဲ့ ဇာတ်ကားဖြစ်နေတုန်းပါပဲ။
