ပုစွန်ထုပ်ဆီပြန်ဟင်း

ပုစွန်ဆတ်ထုပ်ကို သန့်စင်ပြီး အမြီးလေးတွေချန်ထားပါ။ပြီးရင် ဆား၊အရသာမှုန့်၊ဆနွင်း၊ငံပြာရည်တိုနဲ့နယ်ထားပါ။ကြက်သွန်ဖြူ၊နီ၊ဂျင်းကို ထောင်းထားပါ။ဆီအိုးတည်ပြီး ဆီဆူရင် ထောင်းထားတဲ့ကြက်သွန်ထည့်ပါ။ဆနွင်းမှုန့်နဲနဲထည့်ပါ။အရောင်တင်မှုန့်ကို ပါလေဟန်လေးသာထည့်ပါ။ကြက်သွန်နွမ်းရင် ပုစွန်တွေထည့်ပါ။
ခဏနေမှ တဖက်တချက်လှန်ပေးပါ။ပုစွန်တင်းလာမှ ရေနဲနဲထည့်ပါ။ဆီပြန်ရင် ရပါပြီနော်။ပုစွန်ချက်ရင် အရောင်တင်မှုန့်တွေ အများကြီးမထည့်ရပါ။ပြီးရင် အကြာကြီးမချက်ရပါ။ကြာသွားရင် မာပြီး စားမကောင်းပါ

#နိုင်ငံတကာသတင်း
◼အစ္စရေး က ယီမင်ဆိပ်ကမ်းသုံးခုကို ဟူသီပစ်မှတ်များအဖြစ် တိုက်ခိုက်
ယီမင်ဆိပ်ကမ်းသုံးခုနှင့် ဓာတ်အားပေးရုံ တစ်ခုတို့အား ဟူသီပစ်မှတ်များအဖြစ် တိုက်ခိုက်ခဲ့ကြောင်း အစ္စ‌ရေးစစ်ဘက် က ယနေ့နံနက်အစောပိုင်းတွင်ပြောကြားခဲ့ပြီး ယင်းမှာ တစ်လနီးပါးကာလအတွင်း အစ္စရေးက ယီမင်ကို ပထမဆုံး ပြန်လည်တိုက်ခိုက်မှုဖြစ်ကြောင်း ရိုက်တာသတင်းအရ သိရသည်။
ဟူသီအဖွဲ့က အစ္စ‌ရေးအား အကြိမ်ကြိမ်တိုက်ခိုက်နေခြင်းကို လက်တုံ့ပြန်၍ ဟိုဒေးဒါ၊ ရက်စ်အီဆာ နှင့် ဆာလစ်ဆိပ်ကမ်းတို့ကို တိုက်ခိုက်ခြင်းဖြစ်ကြောင်း စစ်ဘက်ကပြောသည်။
ယင်းတိုက်ခိုက်မှုများလုပ်ဆောင်ပြီးနောက် နာရီပိုင်းအကြာတွင် ယီမင်နိုင်ငံမှ ဒုံးကျည်နှစ်စင်း ပစ်လွှတ်ခဲ့ပြီး ၎င်းတို့ကို ကြားဖြတ်ပစ်ချရန် လုပ်ဆောင်ခဲ့ကြောင်း ၊ ရလဒ်ကို စိစစ်နေဆဲဖြစ်ကြောင်း အစ္စ‌ရေးစစ်ဘက် က ထပ်လောင်းပြောကြားသည်။
ယင်းဒုံးကျည်များ၏ရိုက်ခတ်မှု သို့မဟုတ် ထိခိုက်ဒဏ်ရာရခြင်းများနှင့် ဆက်စပ်၍ ဖုန်းခေါ်ဆိုမှုမရရှိခဲ့ကြောင်း အစ္စရေးအရေးပေါ်ဌာနက ပြောကြားသည်။
၂၀၂၃ ခုနှစ်အောက်တိုဘာလတွင် ဂါဇာစစ်ပွဲ စတင်ပြီးနောက်ပိုင်း ပါလက်စတိုင်းများနှင့် သွေးစည်းညီညွတ်မှု ပြသခြင်းဖြစ်ကြောင်း ပြောကြားကာ အီရန်တို့နှင့် လက်တွဲထားသော ဟူသီအဖွဲ့က အစ္စ‌ရေးနှင့် ပင်လယ်နီမှ သင်္ဘောများအား ပစ်ခတ်ခဲ့ပြီး ကမ္ဘာ့ကုန်သွယ်ရေးအား ထိခိုက်စေခဲ့သည်။
ဟူသီအဖွဲ့က အစ္စရေးသို့ ပစ်လွှတ်ခဲ့သော ဒါဇင်နှင့်ချီသော ဒုံးကျည်များနှင့် ဒရုန်းအများစုမှာ ကြားဖြတ်ပစ်ချခံရ သို့မဟုတ် ပစ်မှတ်အထိ မရောက်ခဲ့ဘဲ အစ္စ‌ရေးက လက်တုံ့ပြန်သော တိုက်ခိုက်မှုအများအပြား လုပ်ဆောင်ခဲ့သည်။
ယခုနောက်ဆုံး အစ္စ‌ရေး၏ တိုက်ခိုက်မှုတွင် ဟူသီတို့က ပြန်ပေးဆွဲသိမ်းပိုက်ထားပြီး ရက်စ်အီဆာဆိပ်ကမ်းတွင် ကမ်းကပ်ထားသော Galaxy Leader သင်္ဘောလည်း ပါဝင်ခဲ့ကြောင်း စစ်ဘက် က ပြောသည်။
ဟူသီအကြမ်းဖက်အဖွဲ့ က ယင်းသင်္ဘောပေါ်တွင် ‌ရေဒါစနစ်တစ်ခု တပ်ဆင်ထားကာ နိုင်ငံ တကာ ရေ လမ်း ကြောင်းမှ သင်္ဘောများအား ခြေရာခံနေကြောင်း အစ္စ‌ရေးစစ်ဘက် က ပြောသည်။
အစ္စ‌ရေးတို့၏ တိုက်ခိုက်မှုများအား ၎င်းတို့အဖွဲ့က ပြည်တွင်းမှာပင် ထုတ်လုပ်ထားသော မြေပြင်မှ ဝေဟင်ပစ် ဒုံးကျည်များဖြင့် တန်ပြန်ခဲ့ကြောင်း ဟူသီစစ်ဘက်ပြောခွင့်ရသူ က ပြောကြားသည်။
ပင်လယ်နီပေါ်ရှိ ဟိုဒေးဒါ ဆိပ်ကမ်းမြို့မှ လျှပ်စစ်ဓာတ်အားပေးရုံကို အစ္စရေးက တိုက်ခိုက်ခဲ့ပြီးနောက် မြို့မှာ မှောင်အတိကျသွားခဲ့ကြောင်း ဒေသခံများက ရိုက်တာသတင်းဌာနကို ပြောကြားသည်။
လက်ရှိတွင်ထိခိုက်ဒဏ်ရာရမှုသတင်းများကို မသိရသေးကြောင်း သတင်းက ဆက်လက်ဖော်ပြသည်။
သတင်း-ရဲမင်း
ကိုးကား-Reuters

" ပုဇွန်ဆိတ်အိုးကပ်ချက်လေး "

ချက်နည်းသိချင်ရင်တော့
ပုဇွန်ဆိတ်လေးကိုဆားနနွင်းနဲ့နယ်ထားပါ
ဂျင်းကြက်သွန်ဖြူနီကြိတ်ပြီးဆီသတ်ပါ
ရေခမ်းပြီးခြောက်သွားရင် နနွင်း ငရုပ်သီးအရောင်တင်လေးထည့်မွှေပါ
ငံပြာရည်လေးထည့်ပါ
ခရမ်းချဥ်သီးကြိတ်ထားတာထည့်ပါ
ရေခမ်းရင် ပုဇွန်လေးထည့်ပါ
ကျက်ခါနီး ပင်စိမ်းငြုပ်သီးစိမ်းအုပ်ပါ
ကျက်ရင်ရပါပြီစင့်

#နိုင်ငံတကာသတင်း
◼အိမ်မွေးခြင်္သေ့က လူသုံးဦးကို တိုက်ခိုက်ခဲ့မှုကြောင့်ပိုင်ရှင်အားဖမ်းဆီး
လွတ်မြောက်သွားသော အိမ်မွေးခြင်္သေ့တစ်ကောင်က အမျိုးသမီးတစ်ဦးတစ်ဦး နှင့် ၎င်း၏ကလေးငယ်နှစ်ဦးအား တိုက်ခိုက်ခဲ့ပြီးနောက် ပါကစ္စတန်ရဲတပ်ဖွဲ့ က ပိုင်ရှင်များအား ဖမ်းဆီးလိုက်သည်။
ပါကစ္စတန်အရှေ့ပိုင်းလာဟိုးမြို့တွင် ခြင်္သေ့က အိမ်ခြံဝင်းအုတ်နံရံကို ကျော်တက်ကာအမျိုးသမီးတစ်ဦးနောက်ကို လိုက်လံတိုက်ခိုက်ပြီး အခြား ကြောက်လန့်နေသော လမ်းသွားလမ်းလာများ ထွက်ပြေးသွားကြသည့် ဗီဒီယိုကို စီစီတီဗီ မှတ်တမ်း၌မြင်တွေ့ရသည်။
အဆိုပါအမျိုးသမီးနှင့် အသက် ငါးနှစ် နှင့် ခုနှစ်နှစ် အရွယ် ကလေးနှစ်ဦးသည် လက်မောင်းနှင့်မျက်နှာတွင် ဒဏ်ရာများ ရရှိခဲ့သော်လည်း ယခုအခါ၌ ဆေးရုံတွင်ကုသမှုခံယူနေပြီး စိုးရိမ်စရာမရှိတော့ကြောင်း သိရသည်။
ခြင်္သေ့ပိုင်ရှင်များက လိုင်စင်မရှိဘဲ တောရိုင်းတိရိစ္ဆာန်တစ်ကောင်ကို လက်ဝယ် ထားရှိခဲ့ပြီး ၎င်းတို့၏ပေါ့ဆမှုကြောင့် ခြင်္သေ့လွတ်မြောက်ခဲ့ကြောင်း ရဲတပ်ဖွဲ့က စွပ်စွဲထားသည်။
ယခုအခါ ယင်းခြင်္သေ့ကို ဖမ်းဆီးပြီး ဘေးမဲ့တောတစ်ခုသို့ ပို့ဆောင်ထားသည်။
တောရိုင်းတိရိစ္ဆာန်များအား အိမ်မွေးတိရိစ္ဆာန် အဖြစ် ထားရှိခြင်းမှာ ပါကစ္စတန်တွင် ဂုဏ်ဒြပ်တစ်ခုဖြစ်ကာ ခြင်္သေ့များ၊ ကျားများ၊ ကျားသစ်များ ၊ အမေရိကန်ကျားသစ်များ အစရှိသော သတ္တဝါများကို လိုင်စင်ရယူကာ တစ်ကောင်လျှင် တစ်ကြိမ်တည်း ရူပီး ငါးသောင်း( ကန်ဒေါ်လာ ၁၇၆ ) ပေးဆောင်ပြီးပါက မွေးမြူထားနိုင်ကြောင်း သိရသည်။
သို့သော်လည်း ယင်းအကောင်ကြီးများကို မြို့၏အဝန်းအဝိုင်း ပြင်ပတွင် ထားရှိရမည်ဖြစ်သည်။ ပန်ဂျပ်ပြည်နယ်၏ မြို့တော် လာဟိုးမြို့မှာ ပါကစ္စတန်၏ ဒုတိယအကြီးဆုံးမြို့ဖြစ်သည်။
ဗုဒ္ဒဟူးနေ့က အဆိုပါ ဖြစ်ရပ် ဖြစ်ပွားခဲ့ပြီးနောက် အာဏာပိုင်များက တောရိုင်းတိရိစ္ဆာန် တရားမဝင်ပိုင်ဆိုင်မှုများကို နှိမ်နင်းမှုများ လုပ်ဆောင်ခဲ့ရာ လူ ငါးဦးကို ဖမ်းဆီးခဲ့သလို ခြင်္သေ့ ၁၃ ကောင်ကိုလည်း သိမ်းဆည်းရမိခဲ့ကြောင်း သိရသည်။
သတင်း- ရဲမင်း
ကိုးကား-BBC

စီချွမ့် ချဉ်စပ် ဟင်းချို
--------------------------------------
တခြား စီချွမ့်ချက်နည်းတွေနဲ့ မတူပဲ ဒီချဉ်စပ် ဟင်းချိုမှာ ချဉ်တဲ့အရသာကို ဗီနီကာကြောင့် ရရှိတာ ဖြစ်ပါတယ်။ စီချွမ့် နံမည်ကြီး ဟင်းချိုတစ်ခုဖြစ်တဲ့ ချဉ်စပ်ဟင်းချိုထဲမှာ ကြက်သား၊ ကြွက်နားရွက်မှို၊ တို့ဟူး၊ မျှစ် အစုံနဲ့ အရမ်းသောက်လို့ ကောင်းမွန်ပါတယ်။
--------------------------------------
ပါဝင်ပစ္စည်းများ

ကြက်ရင်ဗုံ – ၁ခု (ကျက်အောင်ပြုတ်ပြီ အသားနွှင်းထားပါ)
ငရုတ်သီးနီ – ၃တောင့်(နှုတ်နှုတ်စဉ်းပါ)
ပဲပြား(သို့)တို့ဟူး – ၁တုံး (အရှည်ပါးပါးလှီးပါ(သို့) အတုံးလေးများ တုံးပါ)

မျှစ် – ၂ခု (အရှည်ပါးပါးလှီးပါ)
ကြွက်နားရွက်မှို – လက်တဆုပ်စာ (ရေစိမ်ထားပြီ ပါးပါးလှီးပေးပါ)
ရေ(သို့)ကြက်ပြုတ်ရည် – ၆ခွက်
ဂျင်း – ၃ပြား
ဆား – လက်ဖက်ရည်ဇွန်း ၁ဇွန်း
သကြား – လက်ဖက်ရည်ဇွန်း ၁ဇွန်း
ကြက်သားမှုန့် – လက်ဖက်ရည်ဇွန်း ၁ဇွန်းခွဲ
ပဲငံပြာရည်(အကြည်) – စားပွဲတင်ဇွန်း ၂ဇွန်း
ဗီနီကာ – စားပွဲတင်ဇွန်း ၂ဇွန်း
နှမ်းဆီ – လက်ဖက်ရည်ဇွန်း ၁ဇွန်း
ငရုတ်ကောင်းမှုန့် – အနည်းငယ်
ငရုတ်သီး ဆီချက် – စားပွဲတင်ဇွန်း ၁ဇွန်း
ကော်မှုန့် – စားပွဲတင်ဇွန်း ၁ဇွန်းခွဲ (ရေအနည်းငယ်ဖြင့် ရောမွှေထားပါ)
ကြက်ဥ – ၁လုံး (ခလောက်ထားပါ)
တရုတ် နံနံပင် – အနည်းငယ် (ပါးပါးလှီးပါ)
--------------------------------------
ချက်ပြုတ်နည်း

၁။ ဒယ်ထဲ ရေ(၆ခွက်) ထည့်ပြီ ဆူအောင် တည်ထားပါ။ ဆူလာလျှင် ဂျင်း၊ ငရုတ်သီးနီ ထည့်ပေးပါ။

၂။ ပြီမျှ မျှစ်၊ ကြွက်နားရွက်မှို ထည့်ပေးပြီ ကြက်သား ထည့်ပါ။

၃။ အရသာအတွက် ဆား၊ ကြက်သားမှုန့်၊ သကြား၊ ပဲငံပြာရည်၊ ဗီနီကာ၊ နှမ်းဆီ ထည့်ရောမွှေပါ။

၄။ အရသာ မြည်းကြည့်လို့ အနေတော်လျှင် ကော်ရည်ထည့်ကာ ရောမွှေပါ။

၅။ ကော်ရည် ဆူလာမှ ခလောက်ထားသော ကြက်ဥကို ဖြည်းဖြည်း ထည့်ပြီ တူဖြင့် ရောမွှေပေးပါ။

၆။ အပေါ်မှ ငရုတ်သီး ဆီချက်၊ ငရုတ်ကောင်း၊ ကြက်သွန်မြိတ်(သို့)နံနံပင် ဖြူးပေးပြီ အရသာရှိစွာ သုံးဆောင်လို့ရပါပြီ…

#ပြည်တွင်းသတင်း
◼အိုမန်နိုင်ငံ၌ မြန်မာအမျိုးသမီးအချင်းချင်း လူသတ်မှုဖြစ်၊ သံသယရှိသူတစ်ဦးကိုဖမ်းဆီးမိထားဟုဆို
အိုမန်နိုင်ငံ၊ ဆိုဟာမြို့၌ မြန်မာအမျိုးသမီးတစ်ဦးဓားဖြင့်ထိုးသတ်ခံရမှု ယမန်နေ့(ဇူလိုင် ၆ ရက်) တွင်ဖြစ်ပွားခဲ့ပြီး သံသယရှိသူမြန်မာအမျိုးသမီးတစ်ဦးကို ဖမ်းဆီးမိထားကြောင်း အိုမန်ရဲတပ်ဖွဲ့ကထုတ်ပြန်သည်။
သေဆုံးသူမြန်မာအမျိုးသမီးမှာ ဧရာဝတီတိုင်း၊ မြန်အောင်မြို့ဇာတိဖြစ်ပြီး အသက်(၂၃) နှစ်အရွယ်ရှိ မယုနန္ဒာဖြစ်ကြောင်း၊ ၎င်းသည်အိုမန်နိုင်ငံဆိုဟာမြို့တွင် မြန်မာအလုပ်သမားအကျိုးဆောင် ဝန်ဆောင်မှုလုပ်ငန်းလုပ်ကိုင်သူဖြစ်ကြောင်းသိရသည်။
ဖမ်းဆီးမိထားသည့်သံသယရှိသူအမျိုးသမီးမှာ ရန်ကုန်တိုင်းသန်လျင်မြို့နေ အသက်(၄၃) နှစ်အရွယ်ရှိ အမျိုးသမီးဖြစ်ပြီး အိုမန်နိုင်ငံသို့ရောက်ရှိသည်မှာ ရက်ပိုင်းသာရှိသေးကြောင်းသိရသည်။
အဆိုပါလူသတ်မှုဖြစ်စဉ်နှင့်ပတ်သက်ပြီး မြန်မာအလုပ်သမားအကျိုးဆောင်ဝန်ဆောင်မှုလုပ်ငန်းလုပ်ကိုင်သူနှင့် အိမ်အကူလုပ်ကိုင်သူအလုပ်သမားကြား ပုဂ္ဂိုလ်ရေးမကြေလည်မှုများကြောင့် ဖြစ်ပွားခြင်းဖြစ်ကြောင်း အလုပ်သမားရေးကူညီနေသူများက သုံးသပ်ပြောဆိုသည်။
လက်ရှိတွင်ဖမ်းဆီးမိထားသည့် မြန်မာနိုင်ငံသားအမျိုးသမီးနှင့်ပတ်သက်ပြီး တရားဥပဒေဆိုင်ရာ လုပ်ထုံးလုပ်နည်းများအတိုင်း ဆက်လက်ဆောင်ရွက်လျက်ရှိကြောင်း အိုမန်ရဲတပ်ဖွဲ့မှတာဝန်ရှိသူတစ်ဦးက ယင်းနိုင်ငံအခြေစိုက် the arabian stories သတင်းဌာနသို့ပြောဆိုထားသည်။
အိုမန်နိုင်ငံရောက်မြန်မာနိုင်ငံသားများကလည်း သတ်ဖြတ်မှုဖြစ်စဉ်နှင့်ပတ်သက်သည့်အသေးစိတ်အချက်အလက်များကို အိုမန်ရဲတပ်ဖွဲ့ကထုတ်ပြန်ခြင်းမရှိသေးသကဲ့သို့ သတ်ဖြတ်မှုဖြစ်ပွားသည့်အကြောင်းရင်းကိုလည်း ရှင်းလင်းစွာမသိရသေးကြောင်း လူမှုကွန်ရက်တွင်ပြောဆိုထားကြသည်။
သတင်း - ပိုင်လေး

🥥 ဆေးဖက်ဝင် ပေါက်ပန်းဖြူ အုန်းရည်စိမ်🥥

ပြင်ဆင်ရန် ပါဝင်ပစ္စည်းများ.......
* ပေါက်ပန်းဖြူပန်း - ကီလိုဝက်
* သကြား - ထမင်းစားဇွန်း ၁ ဇွန်း
* ဆား - ၂၀၀ ဂရမ်
* ဆန်ဆေးရည် - ၄၅၀ မီလီလီတာ
* အုန်းရည် - ၂၀၀ မီလီလီတာ

စိမ်နည်း........
▪️ ပေါက်ပန်းဖြူများကို သေချာစွာ ဆေးကြောပါ။ ခါးသက်ခြင်း မဖြစ်စေရန် အလယ်ရှိ အဖူးဆံများကို ဖယ်ထုတ်လိုက်ပါ။ ပြီးရင် ရေစစ် ထားပါ။
▪️ ထို့နောက် ကျန်ရှိသော ပါဝင်ပစ္စည်းများအားလုံးကို သမအောင် ရောမွှေပြီး သန့်ရှင်းခြောက်သွေ့သော ဖန်ပုလင်းထဲ ထည့်ပါ။
▪️ အဖုံးကို လုံအောင်ပိတ်ပြီး နေပူထဲတွင် ၂-၃ ရက်လောက် နေပူလှန်းထားပါ။ ထိုအခါ ချို၊ ချဉ်၊ ငန်ပြီး အုန်းနံ့သင်းတဲ့ ပေါက်ပန်းဖြူ အုန်းရည်စိမ်ကို သုံးဆောင်နိုင်ပါပြီ......။

🍴 သုံးဆောင်နည်း......
* ထမင်းဖြူနှင့် တွဲဖက်စားသုံးနိုင်ပါသည်။
* ငပိရည်ထမင်းနှင့် တွဲဖက်စားသုံးနိုင်ပါသည်။
* အချဉ်ဖတ်အစား သရေစာအဖြစ် စားသုံးနိုင်ပါသည်။

🌿 ပေါက်ပန်းဖြူ၏ ကျန်းမာရေး အကျိုးကျေးဇူးများ.....
* ဓါတ်တိုးဆန့်ကျင်ပစ္စည်းများ ပါဝင်သည်။
* မျက်စိအားကောင်းစေသည်။
* ခန္ဓာကိုယ်ရောင်ရမ်းမှုကို လျှော့ချပေးသည်။
* အေးမြသော သတ္တိရှိပြီး ခန္ဓာကိုယ်အပူကို လျှော့ချပေးသည်။

Credit..

#ယနေ့ထုတ်သတင်းစာ_သတင်း
◼ ​ဗန်ကောက်တွင် ရေလှောင်ကန် တည်ဆောက်နေစဉ် စတီးပြားများပြိုကျ မြန်မာလုပ်သား ခုနစ်ဦး ဒဏ်ရာရခဲ့
ထိုင်းနိုင်ငံ ဗန်ကောက်မြို့တွင် ဇူလိုင် ၆ ရက် ညပိုင်းက ရေလှောင်ကန် တည်ဆောက်နေစဉ် စတီးပြားများ ပြိုကျပြီး မြန်မာလုပ်သား ခုနစ်ဦးဒဏ်ရာရရှိခဲ့ကြောင်း ထိုင်းသတင်းများတွင် ဖော်ပြချက်အရသိရသည်။
ထိုင်းနိုင်ငံ ဗန်ကောက်မြို့ မင်ဘူရီရှိမက်ထရိုပိုလီတန် ရေသန့် စက်ရုံတွင် ရေလှောင်ကန် တည်ဆောက်နေစဉ် စတီးပြားများ ပြိုကျခဲ့ရာ လုပ်ငန်းခွင်အတွင်းရှိအလုပ်သမား ၁၆ဝ အနက် ၁၂ ဦး ထိခိုက်ဒဏ်ရာ ရရှိခဲ့ခြင်းဖြစ်ကြောင်း သိရသည်။
၎င်းတို့အနက် အမျိုးသားကိုးဦးနှင့် အမျိုးသမီးသုံးဦးတို့ဖြစ်ပြီး ထိုင်းနိုင်ငံသား နှစ်ဦး၊ မြန်မာနိုင်ငံသားခုနစ်ဦးနှင့် ကမ္ဘောဒီးယားနိုင်ငံသား သုံးဦးတို့ပါဝင်ကာ ၎င်းတို့သည် လက်နှင့် ခြေထောက်တို့တွင် ဒဏ်ရာများရရှိခဲ့ပြီး ကယ်ဆယ်ရေးအဖွဲ့များက ထိခိုက်ဒဏ်ရာရရှိသူများကို ဆေးရုံသို့ ပို့ဆောင်ခဲ့ကြောင်း သိရသည်။
ပြီးခဲ့သည့် ဇွန် ၈ ရက်တွင်လည်း ဗန်ကောက်မြို့ ချွမ်ထောင်းဒေသ ရာမ ၂ လမ်းရှိ ဆောက်လုပ်ရေးလုပ်ငန်းခွင်၌ မြေအောက် သုံးမီတာအနက်တွင် မိလ္လာပိုက်လိုင်းတပ်ဆင်နေစဉ် ကွန်ကရစ်နှင့် မြေသားများပြိုကျမှုကြောင့် မြန်မာလုပ်သားတစ်ဦး သေဆုံးခဲ့ကြောင်း သိရသည်။
ဓာတ်ပုံ - Khaosod

ငါးဟင်းများစုစည်းရာ တစ်အိုးနဲ့တစ်အိုးချက်နည်း

လေးတွေ တစ်မျိုးဆီ အရသာလဲမရိုးရဘူးပေါ့

ငါးဟင်းကြိုက်တဲ့အဖွဲ့ဘဲစုမယ်😋👩‍🍳

ငါးကင်ပွန်းချဉ်ရွက်ဟင်း ငါးခရမ်းချဉ်သီးဟင်း

ငါးသရက်သီးဟင်း ငါးမန်ကျည်းမှည့်ရည်နဲ့ချက်တဲ့

ဟင်း ငါးဟင်းကြိုက်တဲ့အဖွဲ့ဆိုတော့ ငါးဟင်းဆို
ဘယ်တော့မှမမုန်းဘူး😋

💁‍♀️ ဒီရေတစ်ဖန်ခွက်က ကျောက်ကပ်ကို အားဖြည့်ပေးတယ်၊ အသည်းကို အားဖြည့်ပေးတယ်၊ သွေးကို အားဖြည့်ပေးတယ်၊ မောပန်းနွမ်းနယ်တာကို ပြေစေတယ်၊ အူလမ်းကြောင်းရဲ့ ကိုယ်ခံအားစနစ်ကို မြှင့်တင်ပေးတယ်၊ အစာအိမ်အနာကို သက်သာစေပါတယ်။

ရေမှာပျော်ဝင်နိုင်တဲ့ အမျှင်ဓာတ်တွေပါဝင်တာကြောင့် သွေးတွင်းသကြားဓာတ်၊ အဆီ နဲ့ ဆီးချိုကို လျှော့ချပေးပါတယ်။

တစ်ညလုံးအိပ်ထားတာတောင် တစ်နေကုန် သမ်းနေတဲ့သူတွေအတွက် ခရမ်းကစော့သီး ၁၀ လုံးလောက်ကို အနည်းငယ် ထုထောင်းပြီး ဖန်ခွက်ထဲထည့်ကာ ရေနွေးပူပူလောင်းထည့်ပြီး မနက်တစ်ခွက်၊ နေ့လယ်တစ်ခွက် သောက်ပေးပါ။
ကိုလက်စထရော ပုံမှန်အဆင့်ကို ပြန်ရောက်လာတာကို တွေ့ရမှာဖြစ်ပြီး ဆီးချိုလည်း ထိန်းညှိပေးတယ်၊ သွေးလည်ပတ်မှု ကောင်းမွန်စေတယ်၊ အစာကြေစေတယ်၊ ချောင်းဆိုးတာကို သက်သာစေတယ်၊ ပွန်းပဲ့တာကို သက်သာစေတယ်၊ ပန်းနာရင်ကျပ်ကို သက်သာစေပါတယ်။

ခရမ်းကစော့သီးကို ရေနွေးစိမ်ပြီး သောက်လိုက်ပါနော်.....။

Credit..