ယူနိုက်တက်ကို ပိုင်ရှင်သစ်ထံ ရောင်းချရန် နီးစပ်နေပြီ ဖြစ်ကြောင်း ဆော်ဒီလက်ဝှေ့ပွဲသွင်းသူ ဖွင့်ချလာ

အောက်တိုဘာ ၁၀

တာကီအယ်ရှိတ်က မန်ချက်စတာယူနိုက်တက်ကို ပိုင်ရှင်သစ်လက်ထဲသို့ ရောင်းချရန် နီးစပ်နေပြီ ဖြစ်ကြောင်း ဖွင့်ချလာပါတယ်။

ဆော်ဒီလက်ဝှေ့ပွဲသွင်းသူက အိုးထရက်ဖို့ဒ်အား ရင်းနှီးမြှပ်နှံသူသစ်က ဝယ်ယူရေး ကြိုးပမ်းနေပြီး အဆင်ပြေချောမွေ့တဲ့ အခြေအနေတွင် ရှိနေကြောင်း ပြောကြားလာတာလည်း ဖြစ်ပါတယ်။

အသက် ၄၄ နှစ်ရှိ အယ်ရှိတ်ဟာ Follower ၇.၂ သန်းအထိ ရှိတဲ့ ဆိုရှယ်မီဒီယာအကောင့်မှ တဆင့် အထက်ပါသတင်းကို ဖွင့်ချလာတာလည်း ဖြစ်ပါတယ်။

၎င်းက ပိုင်ရှင်သစ်တို့က ယူနိုက်တက်အား ဝယ်ယူရန် အလွန်နီးစပ်နေပြီ ဖြစ်ကြောင်း ဆိုသွားတဲ့အပြင် ပိုင်ရှင်သစ်လက်အောက်သို့ အမြန်ဆုံးရောက်စေလိုကြောင်းလည်း ဆိုသွားပါတယ်။

၎င်းက "ဒီနေ့ ကြားရတဲ့ အကောင်းဆုံးသတင်းကတော့ မန်ချက်စတာယူနိုက်တက်ကို ရင်းနှီးမြှပ်နှံသူသစ်တစ်ဦးဆီကို ရောင်းဖို့ အပြီးသတ်တော့မယ့် အခြေအနေမှာ ရှိနေတယ်ဆိုတဲ့သတင်းပါ။ အရင်ပိုင်ရှင်ထက် ပိုကောင်းလာဖို့ မျှော်လင့်တယ်"လို့ ဆိုသွားပါတယ်။

ဂလေဇာမိသားစုဟာ ယူနိုက်တက်ကို လွန်ခဲ့တဲ့နှစ်ပေါင်း ၂၀ ခန့်တုန်းက အကြွေးဖြင့် ဝယ်ယူလာခဲ့တာ ဖြစ်ပါတယ်။

၎င်းတို့ဟာ ယူနိုက်တက်ရဲ့ ရှယ်ယာ ၄၈.၉ ရာခိုင်နှုန်းပိုင်ဆိုင်သလို မဲပေးပိင်ခွင့် ၆၇.၉ ရာခိုင်နှုန်းကိုလည်း ထိန်းချုပ်ထားပါတယ်။

ဆာဂျမ်ရက်ကလစ်ဖ်က ၂၀၂၄ ခုနှစ် ဖေဖော်ဝါရီတွင် ယူနိုက်တက်ရှယ်ယာ ၂၉ ရာခိုင်နှုန်းကို ဝယ်ယူပြီး ကလပ်ကို ဦးစီးဦးဆောင် ပြုလုပ်နေပါတယ်။

ဒါပေမယ့် ဆာဂျမ်ရက်ကလစ်ဖ်ဦးဆောင်နေစဉ်အတွင်း ကလပ်မှာ ကွင်းတွင်း ရလဒ်ဆိုးရွားမှုများနှင့် နေရပါတယ်။

ယူနိုက်တက်ရောင်းချမယ့်သတင်းကို ဖွင့်ချလာတဲ့ အယ်ရှိတ်မှာ ဆော်ဒီ အထွေထွေဖျော်ဖြေရေးဌာနရဲ့ ဥက္ကဌဖြစ်ပြီး စပိန်ကလပ် အယ်မာရီယာကိုလည်း ယခု ၂၀၂၅ ခုနှစ်အထိ ၆ နှစ်တိုင်တိုင် ပိုင်ဆိုင်ခဲ့သူ ဖြစ်ပါတယ်။

Credit - Playmaker Journal

#ဘောလုံးသတင်းစုံ

NCA (၁၀)နှစ်ပြည့် နှစ်ပတ်လည်နေ့ အခမ်းအနားကျင်းပရေး ဦးစီးကော်မတီ စတုတ္ထအကြိမ် လုပ်ငန်းညှိနှိုင်းအစည်းအဝေးကျင်းပ

အောက်တိုဘာ ၁၀

၂၀၁၅ ခုနှစ်၊ အောက်တိုဘာလ ၁၅ ရက်တွင် လက်မှတ်ရေးထိုးခဲ့ကြသည့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ၏ (၁၀) နှစ်ပြည့် နှစ်ပတ်လည်နေ့ အခမ်းအနားကျင်းပရန်အတွက် ဦးစီးကော်မတီ၏ စတုတ္ထအကြိမ် လုပ်ငန်းညှိနှိုင်းအစည်းအဝေးကို အောက်တိုဘာ ၉ ရက်၊ မွန်းလွဲပိုင်းက နေပြည်တော် MGallery ဟိုတယ်၌ ကျင်းပပြုလုပ်ခဲ့သည်ဟု သိရသည်။ 

ယင်းအစည်းအဝေးသို့ NCA (၁၀) နှစ်ပြည့် နှစ်ပတ်လည်နေ့အခမ်းအနား ကျင်းပရေးဦးစီးကော်မတီဥက္ကဋ္ဌ ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်၊ NCA (၁၀) နှစ်ပြည့်နှစ်ပတ်လည်နေ့ အခမ်းအနား ကျင်းပရေး ဦးစီးကော်မတီ ဒုတိယဥက္ကဋ္ဌ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်း၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှုညှိနှိုင်းရေးကော်မတီအတွင်းရေးမှူး ဒုတိယဗိုလ်ချုပ်ကြီး မင်းနိုင်နှင့် ကော်မတီဝင်များ၊ ဦးစီးကော်မတီအဖွဲ့ဝင် များဖြစ်ကြသည့် ပြည်ထောင်စုဝန်ကြီးဌာနများမှ ဒုတိယဝန်ကြီးများ၊ အမြဲတမ်း အတွင်းဝန်များ၊ ညွှန်ကြားရေးမှူးချုပ်များ နှင့် တာဝန်ရှိပုဂ္ဂိုလ်များ တက်ရောက်ကြသည်။

အစည်းအဝေးတွင် ဦးစီးကော်မတီ ဥက္ကဋ္ဌ ဒုတိယဗိုလ်ချုပ်ကြီးရာပြည့်က လုပ်ငန်းကော်မတီများ အနေဖြင့် ဆောင်ရွက်ရမည့်လုပ်ငန်းများ အဆင်သင့်ဖြစ်နေပြီဟု မျှော်လင့်ကြောင်း၊ မြေပြင်တွင် အမှန်တကယ်ဆောင်ရွက်မည့် အနေအထားအား အစမ်းလေ့ကျင့်ဆောင်ရွက်ရန်လိုကြောင်း၊ တိုင်းဒေသကြီးနှင့်ပြည်နယ်မှ ယဉ်ကျေးမှုအကအဖွဲ့များအနေဖြင့် အစမ်းလေ့ကျင့်ရန် လိုအပ်ကြောင်း၊ ပထမပိုင်းတွင် ဖွင့်ပွဲအခမ်းအနားအား ဆောင်ရွက်ပြီး ဒုတိယပိုင်းတွင် အလုပ်ရုံဆွေးနွေးပွဲအား ဆောင်ရွက်မည်ဖြစ်ကြောင်း၊ သတင်းထုတ်ပြန်နိုင်ရေးအတွက် ကြိုတင်ပြင်ဆင်ဆောင်ရွက်ရန် လိုကြောင်း၊ သယ်ယူပို့ဆောင်ရေးလုပ်ငန်းကော်မတီအနေဖြင့်လည်း အခမ်းအနားကျင်းပသည့်နေရာသို့ အချိန်မီရောက်ရှိနိုင်ရေး မြေပြင်တွင် အချိန်ကိုက်ကြိုတင်လေ့ကျင့် ထားသင့်ကြောင်း၊ ခန်းမတွင်းနေရာ ချထားရေး လုပ်ငန်းကော်မတီအနေဖြင့်လည်း လိုအပ်သည့်ကြိုတင်ပြင်ဆင်မှုများ ဆောင်ရွက်ထား စေလိုကြောင်း ပြောကြားသည်။  

ဆက်လက်၍ NCA (၁၀) နှစ်ပြည့် နှစ်ပတ်လည်နေ့ အခမ်းအနားကျင်းပရေး ဦးစီးကော်မတီအတွင်း ရေးမှူး ဒုတိယဗိုလ်ချုပ်ကြီး မင်းနိုင်က NCA(၁၀)နှစ်ပြည့် နှစ်ပတ်လည်နေ့ အခမ်းအနားကျင်းပရေး ဦးစီးကော်မတီအစည်းအဝေးအား သုံးကြိမ်ကျင်းပဆောင်ရွက်ခဲ့ပြီး လုပ်ငန်းကော်မတီများနှင့် ပူးပေါင်းညှိနှိုင်းရေးလုပ်ငန်း ကော်မတီအစည်းအဝေးအား နှစ်ကြိမ်တိုင်တိုင်ပြုလုပ်၍ လိုအပ်သည်များအား ပေါင်းစပ်ညှိနှိုင်းဆောင်ရွက်ပြီး ဖြစ်ကြောင်း၊ ယနေ့အစည်းအဝေးတွင်လုပ်ငန်း ကော်မတီများမှ လိုအပ်ချက်များမရှိစေရေး အသေးစိတ်တင်ပြဆွေးနွေးပေးစေလိုပြီး လိုအပ်ချက် များအား အပြီးသတ်ပေါင်းစပ်ညှိနှိုင်း ဖြေရှင်းပေးသွားမည် ဖြစ်ကြောင်းပြောကြား၍ ဝန်ကြီးဌာနများမှ ဒုတိယဝန်ကြီးများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များကကဏ္ဍအလိုက် ရှင်းလင်းဆွေးနွေးကြပြီး တက်ရောက်လာသူများက လိုအပ်သည်များ အကြံပြုဆွေးနွေးကြသည်။

NCA အထိမ်းအမှတ် အလုပ်ရုံဆွေးနွေး ပွဲတွင် ၁၀ နှစ်တာကာလအတွင်း NCA ပါ ငြိမ်းချမ်းရေးလုပ်ငန်းစဉ် အကောင် အထည်ဖော်ဆောင်ရွက်မှု၊ အောင်မြင်မှုများနှင့် စိန်ခေါ်မှုများကို ပြန်လည်သုံးသပ်ပြီး အနာဂတ်ငြိမ်းချမ်းရေးလုပ်ငန်းစဉ်တွင် ဆက်လက်ဆောင်ရွက်ရမည့် ငြိမ်းချမ်းရေးလုပ်ငန်းစဉ် (Forward Action Plan) ကို ဖော်ထုတ်ရန်၊ အစိုးရနှင့် ပြည်သူလူထုအကြားယုံကြည်မှုနှင့် ပူးပေါင်းဆောင်ရွက် မှုတိုးမြှင့်လာနိုင်စေရေးအတွက် NCA နှင့် ပတ်သက်သည့် အသိပညာများ ပြည်သူလူထုအတွင်း ကျယ်ကျယ်ပြန့်ပြန့် သိရှိလာစေရန်၊ ရှေ့ဆက်လက်ဆောင်ရွက်မည့် ထိရောက်သောငြိမ်းချမ်းရေးမူဝါဒ များ၊ လုပ်ငန်းအစီအစဉ်များ ချမှတ်ဆောင်ရွက်ရာတွင် အထောက်အကူပြုနိုင်ရန်၊ မြန်မာ့ငြိမ်းချမ်းရေးလုပ်ငန်းစဉ် အကောင်အထည်ဖော် ဆောင်ရွက်မှုအခြေအနေများကို ဒေသတွင်းနှင့်နိုင်ငံတကာမှ သိမြင်လာစေရန်၊ NCA နှစ်ပတ်လည်နေ့အခမ်းအနားနှင့် အထိမ်းအမှတ် အလုပ်ရုံဆွေးနွေးပွဲမှ ရရှိလာသည့် သက်ဆိုင်ရာအခန်းကဏ္ဍ၊ အလွှာအသီးသီးမှ အမြင်သဘော ထားများ၊ အကြံပြုချက်များကိုစုစည်းပြီး အနာဂတ် မြန်မာနိုင်ငံတော်တည်ဆောက် ခြင်းလုပ်ငန်းစဉ်တွင် ရွေးကောက်ပွဲအပြီး ပေါ်ပေါက်လာမည့် အစိုးရအနေဖြင့် ငြိမ်းချမ်းရေးလုပ်ငန်းစဉ်ကို အရှိန်အဟုန် မပြတ် ဆက်လက်အကောင်အထည်ဖော်နိုင်ရန်အတွက် ပေါင်းစပ်ဆောင်ရွက်နိုင် မည့်နည်းလမ်းများကို ဖော်ထုတ်နိုင်ရန်တို့ကို မျှော်မှန်းဆောင်ရွက်လျက်ရှိကြောင်း သိရသည်။

NCA နှစ်ပတ်လည်နေ့အခမ်းအနားနှင့် အထိမ်းအမှတ် အလုပ်ရုံဆွေးနွေးပွဲမှ ရရှိလာသည့် သက်ဆိုင်ရာ အခန်းကဏ္ဍ၊ အလွှာအသီးသီးမှ အမြင်သဘောထားများ၊ အကြံပြုချက်များကို စုစည်းပြီး အနာဂတ်မြန်မာနိုင်ငံတော်တည်ဆောက် ခြင်းလုပ်ငန်းစဉ်တွင် ရွေးကောက်ပွဲအပြီး ပေါ်ပေါက်လာမည့် အစိုးရအနေဖြင့် ငြိမ်းချမ်းရေးလုပ်ငန်းစဉ်ကို အရှိန်အဟုန် မပြတ်ဆက်လက်အကောင်အထည်ဖော် နိုင်ရန်အတွက် ပေါင်းစပ်ဆောင်ရွက်နိုင် မည့်နည်းလမ်းများကို ဖော်ထုတ်နိုင်ရေး ဆောင်ရွက်သွားမည်ဖြစ်ကြောင်းလည်း သိရသည်။

#သတင်းဟင်း​လေးအိုးကြီး

သရက်ရွက်သည် သွေးတွင်းသကြားဓာတ်ကို လျှော့ချပေးနိုင်ပြီး ကောင်းမွန်သော အကျိုးပြုဘက်တီးရီးယားဓာတ်များစွာ ပါဝင်သောကြောင့် အစာအိမ်နှင့် အူလမ်းကြောင်းကျန်းမာရေးအတွက် အထူးကောင်းမွန်ပါသည်။
+++ သောက်သုံးရန် ပြုလုပ်နည်းအဆင့်ဆင့်
၁။ ရင့်မာသော သရက်ရွက် ၁၀-၁၅ ရွက်ကို ခူးယူပါ။
၂။ ၎င်းတို့ကို ရေ ၁ လီတာနှင့်အတူ ရော၍ အိုးထဲထည့်ပြီး တည်ပါ။
၃။ မိနစ် ၂၀ ခန့်ကြာအောင် ရေခန်းသည်အထိ ပြုတ်ပါ။
၄။ ရလာသော အရည်ကိုစစ်၍ တစ်နေ့လျှင် ၁ ဖန်ခွက်နှုန်းဖြင့် အစားမစားမီ သောက်သုံးနိုင်ပါသည်။
သရက်ရွက်ပြုတ်ရည်၏ ကျန်းမာရေးအကျိုးကျေးဇူးများ
အစာအိမ်အူလမ်းကြောင်းနှင့် ပတ်သက်သော ပြဿနာများ (အစာအိမ်နာ၊ အူလမ်းကြောင်းရောင်ရမ်းခြင်း၊ လေပွလေထိုးခြင်း၊ ရင်ပူရင်ဆာခြင်း) များကို သက်သာစေသည်။
အကျိုးပြုဘက်တီးရီးယားဓာတ်များစွာ ပါဝင်သောကြောင့် အူလမ်းကြောင်းရှိ အကျိုးပြုဘက်တီးရီးယားများ ကောင်းစွာအလုပ်လုပ်နိုင်ရန် အထောက်အကူပြုသည်။
ဆီးချိုနှင့် သွေးတိုးရောဂါရှိသူများ သောက်သုံးရန် အလွန်ကောင်းမွန်ပါသည်။
ခန္ဓာကိုယ်အတွင်း သကြားဓာတ် စုပ်ယူမှုကို လျှော့ချပေးနိုင်ခြင်း။
အိုမင်းရင့်ရော်မှုကို နှေးကွေးစေပြီး၊ ဓာတ်တိုးဆန့်ကျင်ပစ္စည်း (Antioxidants) များစွာ ပါဝင်ခြင်း။
သရက်ရွက်ပြုတ်ရည်ကို နေ့စဉ်မှန်မှန် သောက်သုံးခြင်းဖြင့် သင့်အစာအိမ်နဲ့ အူလမ်းကြောင်းကို ကောင်းစွာဂရုစိုက်နိုင်ပါတယ်။

မြေငလျင်သတင်း
၂၀၂၅ ခုနှစ်၊ အောက်တိုဘာလ ၁၀ ရက်နေ့၊ မြန်မာစံတော်ချိန် (၀၈) နာရီ၊ (၁၃) မိနစ်၊ (၅၄) စက္ကန့် အချိန်တွင် နေပြည်တော်မြေငလျင်စခန်းမှ အရှေ့တောင်ဘက် (၂၁၈၂) မိုင်ခန့်ကွာဝေးသော မြန်မာနိုင်ငံပြည်ပ (Mindanao, Philippines)၊ မြောက်လတ္တီတွဒ် (၇.၃၇) ဒီဂရီ၊ အရှေ့လောင်ဂျီတွဒ် (၁၂၆.၇၇) ဒီဂရီ၊ အနက် (၁၀) ကီလိုမီတာခန့်ကို ဗဟိုပြု၍ အင်အား ရစ်(ခ်)တာစကေး (၇.၄) အဆင့်ရှိ အင်အားပြင်းထန်သော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။

နိုင်ငံတော်ဝန်ကြီးချုပ်ထံသို့ မလေးရှားနိုင်ငံ နိုင်ငံခြားရေးဝန်ကြီး လာရောက်တွေ့ဆုံ

အောက်တိုဘာ ၁၀

နိုင်ငံတော်ဝန်ကြီးချုပ် ဦးညိုစောထံသို့ မလေးရှားနိုင်ငံ နိုင်ငံခြားရေးဝန်ကြီး H.E.Dato' Seri Utama Haji Mohamad Bin Haji hasan ဦးဆောင်သော ကိုယ်စားလှယ်အဖွဲ့ အောက်တိုဘာ ၉ ရက်၊ မွန်းလွဲပိုင်းက နေပြည်တော်ရှိ ပြည်ထောင်စုအစိုးရ အဖွဲ့ရုံး၊ ရုံးအမှတ်(၁၈) ဧည့်ခန်းမ၌ လာရောက်တွေ့ဆုံခဲ့သည်ဟု သိရသည်။

ထိုသို့တွေ့ဆုံစဉ် နှစ်နိုင်ငံအကြားချစ်ကြည်ရင်းနှီးမှု၊ ကုန်သွယ်မှု၊ ရင်းနှီးမြှုပ်နှံမှုအပါအဝင် အခြားကဏ္ဍပေါင်းစုံတွင် ပူးပေါင်းဆောင်ရွက်မှု တိုးမြှင့်ရေးဆိုင်ရာကိစ္စရပ်များ၊ မြန်မာနိုင်ငံ၏ ငြိမ်းချမ်းရေးလုပ်ငန်းစဉ်များ၌ NCA စာချုပ်ပါ သဘောတူညီချက်များနှင့်အညီ ဆောင်ရွက်နေမှု အခြေအနေများ၊ လွတ်လပ်ပြီး တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပနိုင်ရန် ကြိုတင်ပြင်ဆင်ဆောင်ရွက်လျက်ရှိမှုများ၊ နှစ်နိုင်ငံအကြား ဆက်ဆံရေး ပိုမိုအရှိန်မြှင့်တင်နိုင်ရေးဆိုင်ရာကိစ္စရပ်များ၊ အာဆီယံနှင့် နိုင်ငံတကာ မျက်နှာစာတွင် အပြုသဘောဆောင်သော ပူးပေါင်းဆောင်ရွက်မှုများ ဆက်လက်တိုးမြှင့် ဆောင်ရွက်သွားမည့် ကိစ္စရပ်များနှင့် စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်အပြန် အလှန်ဆွေးနွေးခဲ့ကြသည်။

တွေ့ဆုံပွဲသို့ နိုင်ငံတော်ဝန်ကြီးချုပ်နှင့်အတူ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်း၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်နှင့်တာဝန်ရှိသူများ တက်ရောက်ကြပြီး မလေးရှားနိုင်ငံ နိုင်ငံခြားရေးဝန်ကြီးနှင့်အတူ အာဆီယံအလှည့်ကျ ဥက္ကဋ္ဌ၏ မြန်မာနိုင်ငံဆိုင်ရာ အထူးကိုယ် စားလှယ်နှင့် တာဝန်ရှိသူများ တက်ရောက်ခဲ့ကြကြောင်း သတင်းရရှိသည်။

#centralnewsnaypyitaw

အဖြေမှန်ကိုရွေးပေးပါ။

နယ်စပ်ရေးရာဝန်ကြီးဌာန
ပညာရေးနှင့်လေ့ကျင်ရေး ဦးစီးဌာနက
နည်းပြရာထူး လျှောက်လွှာခေါ်စာ

#govjob

ဆီချိုးနဲ့သွေးတိုး ရောဂါရှိသူ အများဆုံးနိုင်ငံထဲမှာ ကျနော်တို့နိုင်ငံလည်း အပါဝင်ဖြစ်ပြီး...
၎င်းရောဂါ ရှိသူတွေဟာ အခြားသော ရောဂါတွေဖြစ်တဲ့ ကျောက်ကပ်အပါဝင် လေဖြတ် လေဖျန်းခြင်းတွေကိုလည်း အချိန်မရွေး ခံစားရနိုင်ပြီး...
အခန့်မသင့်ရင် အသက်ပါဆုံးရှုံးနိုင်ပါတယ်။
ဆိုတော့....
အကောင်းဆုံးနဲ့ အလွယ်ဆုံးကူဆုံးလုပ်ထားလို့ရတဲ့နည်းလမ်းလေး ပေးပါရစေ....
လုပ်ချင်စိတ်ရှိမှ လုပ်ပါ။
ဆီးဖြူသီး သို့မဟုတ် ပုံမှာပြထားတဲ့ သဘ်ောဆီးဖြူသီး စိမ်ရေကို သောက်ပေးပါ။
ဆီးချိုနဲ့ သွေးတိုးဝေဒနာရှိသူများ...
ဆီးဖြူသီး ဆို ၃လုံး(or)
သဘ်ောဆီဖြူသီးဆို ၅လုံး ဓားနဲ့ပါးပါးလှီးပြီး..
ရေတစ်လီတာဗူးထဲ ထည့်ပြီး စိမ်ထားပါ။
၎င်းစိမ်ရေကို သောက်ပေးခြင်းက...
ရောဂါဝေဒနာအတွက် များစွာအထောက်အကူဖြစ်စေပါမယ်။
ဆီးဖြူသီးဟာ ရောဂါပေါင်းများစွာကို ကုသနိုင်စွမ်းရှိပြီး...
ကင်ဆာဖြစ်နိုင်ချေရှိသော သွေးသားမျိုး လက္ခဏာမျိုး ရှိနေသူများအနေဖြင့်...
ဆီးဖြူသီးကို ပြုတ်ပြီး ၎င်းပြုတ်ရေကို သောက်ပေးပါက ကင်ဆာရောဂါမဖြစ်အောင် တားဆီးနိုင်ပါတယ်ဗျ။
ကျနော့်မိတ်ဆွေများအားလုံး အနာရောဂါဘေးမှ
ကင်းဝေးကြပါ‌စေ။
ချစ်ခြင်းမေတ္တာဖြင့်...
👤လယ်တွင်းသား
(ပန်းလောင်မြေ)

◾️ဂါဇာအပစ်ရပ်ရေး နှင့် ဓားစာခံများ လွှတ်ပေးရေးအစ္စ ရေးနှင့်ဟားမားစ်သဘောတူ
လူပေါင်း၆၇၀၀၀ကျော် သေဆုံးခဲ့ပြီး အရှေ့အလယ်ပိုင်းကို ပြန်လည်ပုံသွင်းခဲ့သော ဂါဇာစစ်ပွဲ အဆုံး သတ်ရေးအ တွက် အမေရိကန်သမ္မတဒေါ်နယ်ထရန့်၏ အစီအစဉ်ဖြင့် အပစ်ရပ်ရေးနှင့် ဓား စာခံများ လဲလှယ်‌ရေးပါဝင်သည့် ပ ထမအဆင့်ကို သဘောတူလိုက်ကြောင်း အစ္စရေးနှင့် ဟားမားစ်တို့က ပြောကြားကြသည်။
ဂါဇာအပေါ် အစ္စရေးတို့၏ ရက်စက်သောတိုက်ခိုက်မှုများဖြစ်ပေါ်လာစေခဲ့သည့် အစ္စရေးအတွင်းသို့ ဟားမားစ်တို့ နယ်စပ်ဖြတ်ကျော်ဝင်ရောက်ကာလူပေါင်း ၁၂၀၀ ကျော်ကို သတ်ဖြတ်ခဲ့ပြီး အများအပြားကို ဓားစာခံအဖြစ် ဖမ်းဆီးသွားခဲ့သည့် ဖြစ်ရပ် ဖြစ်ပေါ်ခဲ့သော နှစ်နှစ်ပြည့် နှစ် ပတ် လည်ပြီး နောက်တစ်ရက်မှာပင် အီဂျစ်နိုင်ငံမှ တိုက် ရိုက်မဟုတ်သော ဆွေးနွေးမှုများတွင် ထရန့်၏ အချက် ၂၀ ပါ မူဘောင်အစီအစဉ်မှ ပထမအဆင့်ကို သဘောတူခဲ့ကြခြင်းဖြစ်သည်။
သို့ရာတွင် ယမန်နေ့ညပိုင်းက ဒေါ်နယ်ထရန့် ကြေညာခဲ့သော သဘောတူညီချက်သည် အသေးစိတ်အချက်များ မပါဝင်ကြောင်း နှင့် မဖြေရှင်းရသေးသော မေးခွန်းပေါင်းများစွာကိုလည်း ချန်ထားခဲ့သဖြင့် ယခင် က လုပ် ဆောင်ခဲ့သော ငြိမ်းချမ်းရေးကြိုးပမ်းမှုများကဲ့သို့ပင် ပြိုကွဲသွားနိုင်သည့် အန္တရာယ်ရှိကြောင်း ရိုက်တာသတင်းက ဖော် ပြ သည်။
“ကျွန်တော်တို့ ငြိမ်းချမ်းရေးအစီအစဉ်ရဲ့ ပထမအဆင့်ကို အစ္စရေးနဲ့ ဟားမားစ် နှစ်ဖက်စလုံး က သဘောတူလိုက်ကြပြီဆိုတာကို ကျွန်တော် ဂုဏ်ယူစွာ ကြေညာပါတယ်။” ဟု ဒေါ်နယ်ထရန့်က ၎င်း၏ လူမှုကွန်ရက် Truth Social တွင် ပြောကြားသည်။
ယင်းမှာ ဓားစာခံများအားလုံးကို မကြာမီပြန်လွှတ်ပေးသွားမည် နှင့် အစ္စရေးကလည်း တပ်ဖွဲ့များကို သဘောတူထားသည့် မျဉ်းများအထိ ဆုတ်ခွာသွားမည် ဆိုသည့် အဓိပ္ပာယ်ဖြစ်ကြောင်း ထရန့်က ဆက်လက်ပြောကြားသည်။
ပထမအဆင့် သဘောတူညီချက်အား အတည်ပြုရန် ၎င်း ၏ အစိုးရအဖွဲ့ ကို ယနေ့ အစည်း အဝေးခေါ်ယူသွားမည်ဖြစ်ကြောင်း အစ္စ‌ရေးဝန်ကြီးချုပ် နေတန်ယာဟု က ပြောကြားသည်။
ပထမအဆင့် သဘောတူညီချက်ဖြင့် ဓားစာခံများအားလုံးကို အိမ်ပြန်ခေါ်လာမည်ဖြစ်ကာ ယင်းမှာ သံတမန်ရေးအောင်မြင်မှုနှင့် အစ္စရေးနိုင်ငံအတွက် အမျိုးသားရေး နှင့် စိတ်ဓာတ်ပိုင်းအရ အောင်ပွဲဖြစ်ကြောင်း နေတန်ယာဟုက ဆက်ပြောသည်။
စစ်ပွဲအဆုံးသတ်ရေးသဘောတူညီချက်ရရှိပြီဖြစ်ကြောင်း ဟားမားစ်အဖွဲ့ကလည်း အတည်ပြုခဲ့ပြီး ဂါဇာမှ အစ္စရေးတို့ ဆုတ်ခွာမှု နှင့်အတူ ဓားစာခံနှင့် အကျဉ်းသားလဲလှယ်မှု ပါဝင်မည်ဖြစ်ကြောင်း ဟားမားစ်အဖွဲ့ က ပြောကြားသည်။
သဘောတူညီချက်ကို အစ္စ‌ရေးအစိုးရက အတည်ပြုပြီးနောက် ၇၂ နာရီအတွင်းမှာပင် အသက်ရှင်နေသေးသော ဓားစာခံများကို ပြန်လွှတ်ပေးသွားမည်ဟု ဟားမားစ်သ တင်းရင်းမြစ်တစ်ဦးက ပြောကြားခဲ့သည်။
ထရန့်အစီအစဉ်ပထမပိုင်းကို သဘောတူညီမှုနှင့်အတူ စစ်ပွဲအဆုံးသတ်ရန်မျှော်လင့်ချက်များ မြင့် တက်လာခဲ့သော်လည်း စစ်ပွဲကို လုံးဝအဆုံးသတ်မည့်အချိန်၊ စစ်ပွဲအလွန်ဂါဇာကမ်းမြောင်အား အုပ်ချုပ်ရေး နှင့် ဟားမားစ်အဖွဲ့၏ ကံကြမ္မာအစရှိသည့် အရေးပါသော အသေးစိတ်များကို မဖြေရှင်းရသေးကြောင်း ရိုက်တာသတင်းက ဖော် ပြသည်။
သို့ရာတွင် နှစ်ဖက်သဘောတူညီချက်ရရှိကြောင်း ကြေ ညာချက်ထွက်ပေါ်လာပြီးနောက်တွင် ဂါဇာနှင့် အစ္စရေးရှိ သာမန်ပြည်သူလူထုကြားတွင် အောင်ပွဲခံမှု ကြိုဆိုမှုများ ထွက်ပေါ်လာခဲ့သည်။
သတင်း-ရဲမင်း
သတင်း-Reuters
#နိုင်ငံတကာသတင်း

◾️ကိုယ်စားလှယ်လောင်းအတွက် တပ်မတော်မှ ရှစ်ဦးတောင်းသော်လည်း မရဟု ဒေါ်သက်သက်ခိုင်ပြော
ပြည်သူ့ရှေ့ဆောင်ပါတီ(PPP) ကိုယ်စားပြု၍ ရွေးကောက်ပွဲတွင် ဝင်ရောက်ယှဉ်ပြိုင်ရန် အလယ် အလတ်အဆင့်ရှိ တပ်မတော်သားရှစ်ဦးကို တပ်မတော်ထံမှတောင်းသော်လည်း မရခဲ့ကြောင်း ယင်းပါတီဥက္ကဋ္ဌဒေါ်သက်သက်ခိုင်က ယမန်နေ့ (အောက်တိုဘာ ၈ ရက်)က ဆီဒိုနားဟိုတယ်တွင်ပြုလုပ်သည့် သတင်းစာရှင်းလင်းပွဲတွင်ပြောသည်။
“ကျွန်မတို့ပါတီကိုဝင်ရောက်ပြီးတော့ ကိုယ်စားလှယ်လောင်းလုပ်ဖို့ တပ်မတော်ကအလယ်အလတ် အဆင့်ရှိသူရှစ်ဦးရှိပါတယ်။ ကာယကံရှင်တွေရဲ့ဆန္ဒလည်းရှိတယ်။ ဒါကြောင့်သူတို့ကို By name နဲ့ တောင်းလိုက်ပါတယ်။ တောင်းလိုက်တော့မပေးပါဘူးရှင်။ ဒါအမှန်အတိုင်းပါပဲ။ သို့သော်လည်းပဲ ကျွန်မတို့ပါတီမှာ တပ်မတော်သားတွေမရှိဘူးလားဆိုတော့ ရှိပါတယ်ရှင့်။ အဲဒါကတော့ တပ်မတော် ကနေ အနားယူပြီးတော့မှ အရပ်သားဖြစ်တာ၊ တပ်မတော်ကနေအနားယူပြီးတော့မှ အစိုးရဌာနတွေမှာ အရပ်ဘက်ဌာနတွေမှာအလုပ်လုပ်ပြီးတော့မှ ပင်စင်ယူပြီး‌တော့မှလာကြတဲ့ ပုဂ္ဂိုလ်တွေရှိပါတယ်” ဟုဒေါ်သက်သက်ခိုင်က ပြောသည်။
ပြည်သူ့ရှေ့ဆောင်ပါတီသည် လာမည့်ရွေးကောက်ပွဲတွင် တနိုင်ငံလုံးအတိုင်းအတာဖြင့် ဝင်ရောက်ယှဉ်ပြိုင်မည့်ပါတီဖြစ်ပြီး လက်ရှိကိုယ်စားလှယ်လောင်း ၆၇၂ ဦး စာရင်းတင်သွင်းထားကြောင်းသိရသည်။
သတင်း - ပိုင်လေး
ဓာတ်ပုံ - PPP
#ပြည်တွင်းသတင်း