❝ စမ်းရေကြည်နု ❞ စာအုပ်ကို ဖတ်ပြီးသွားရင်
❝ မေတ္တာ ❞ ဆိုတာ ရောင်ပြန်ဟပ်ပါတယ်ဆိုတဲ့
ယုံတမ်းစကားအပေါ်အနည်းငယ်
သံသယရှိကောင်းရှိလာလိမ့်မယ် ။
ဘာလို့ဆို ကိုယ်ကြည်နုတစ်ဘဝလုံး
ပေးဆပ်ခဲ့သမျှတွေအတွက်
သူ့ဇနီးသည်ညိုမာဆီက ပြန်ရခဲ့တာက
သေဆုံးကြောင်း အတည်ပြုနိုင်ဖို့ရာ
ချောင်းဟန့်သံရပ်တန့်သွားဖို့
အမြန်ဆုံးသေဆုံးသွားဖို့
ထရံအကွယ်ကနေ ချောင်းမြောင်း
နားထောင်နေခဲ့ခြင်းတွေပဲ ။
အဲဒီထက်ဘာမှမပိုခဲ့သလို
ဘာမေတ္တာဓာတ်တစ်ခုမှ ပြန်မရရှိခဲ့ပါဘူး ။
" ကိုကြည်နုနဲ့ ညိုမာတို့
လင်မယားရဲ့ ဆက်ဆံရေးကို
နားလည်ဖို့ကြိုးစားတာဟာ
တကယ်တော့မိုက်မဲတာပါပဲ။
အိမ်ထောင်သက် နှစ်ဆယ့်ငါးနှစ်အတွင်း
သူတို့နှစ်ယောက်ကိုတစ်ယောက်နဲ့
တစ်ယောက် ချည်နှောင်ထားတဲ့
အရာဟာအချစ်ပဲလို့ ပြောရတာလည်း
အချစ်ဆိုတဲ့ စကားလုံးကို
အားနာစရာ ကောင်းမယ် "
စာအုပ်အကြောင်းပြောရမယ်ဆိုရင်
စမ်းရေဆိုတဲ့ အိမ်ခြေ၁၄အိမ်လောက်သာ
ရှိတဲ့ တစ်ဖက်ပိတ်ပျံကျ ရပ်ကွက်လေးထဲက
ကြည်နု ဆိုတဲ့ လူတစ်ယောက်ရဲ့အကြောင်း။
ကိုကြည်နုဟာ ဘယ်လိုလူလဲမေးလာခဲ့ရင်
တစ်ဘဝလုံး ခက်ခဲပင်ပန်းခဲ့တာတောင်
မိသားစု စားဝတ်နေရေးမပြေလည်ခဲ့တာကြောင့်
တကယ်မရူးပါဘဲနဲ့ အရူးဟန်ဆောင်ကာ
မြို့လေးထဲမှာ လှည့်လည်သွားလာ
တောင်းရမ်းပြီး မိသားစုကို ရှာဖွေကျွေးမွေး
ခဲ့တဲ့ အိမ်ထောင်ဦးစီးကောင်းတစ်ယောက်ပဲ ။
စာအုပ်နာမည်က " စမ်းရေကြည်နု " ဆိုပေမဲ့
စမ်းရေလိုကြည်လင်အေးမြနေတဲ့
လူတွေဘဝတွေအကြောင်းမြင်ရကြားရမှာ
မဟုတ်ပါဘူး။ လူ့အဖွဲ့အစည်းရဲ့
အောက်ဆုံးအလွှာကလူတန်းစားတွေ
ဆင်းရဲမွဲတေမှုရေသေအိုင်ထဲကဘဝတွေ
ပျံကျရပ်ကွက်တစ်ခုရဲ့စရိုက်တွေ၊
ပြဿနာတွေ၊ နိမ့်ကျတဲ့လူနေမှုဘဝတွေ
စုတ်ပြတ်ယိုယွင်းနေတဲ့ လူ့ကျင့်ဝတ်တွေ
အပါအဝင် ချစ်ခြင်းမေတ္တာနဲ့
သေခြင်းတရားတွေအကြောင်း
နာနာကျင်ကျင်ဖတ်ရှုရမဲ့ ဆရာလင်းခါးရဲ့
လက်ရာကောင်း စာအုပ်တစ်အုပ်ပါပဲ ။
#revi3wbyစာအုပ်ရောင်းမယ်
လူ့အဖွဲ့အစည်းရဲ့
အနိမ့်ဆုံးအလွှာကလူတန်းစားတွေ
စုတ်ပြတ်နေတဲ့ စနစ်တွေ၊
ဆင်းရဲမွဲတေမှုနဲ့ ပျံကျရပ်ကွက်တွေရဲ့
စရိုက်လက္ခဏာတွေ၊
နိမ့်ကျတဲ့လူနေမှုဘဝတွေ၊
လူငယ်ဘဝရဲ့အချိုးအကွေ့တွေ၊
ချစ်ခြင်းမေတ္တာနဲ့သေခြင်းတရားတွေ
စသည်ဖြင့် ဇာတ်အိမ်တည်ရေးသားလေ့ရှိပြီး
စာဖတ်သူတွေရဲ့ ထိလွယ်ရှလွယ်
နှလုံးသားတွေကို ယောင်ကိုင်းကွဲကြေစေခဲ့သော
" ဆရာလင်းခါး " စာအုပ်များစုစည်းမှု ။ ။
