#နိုင်ငံတကာသတင်း
◼ အောင်ပွဲခံနေသည့်လီဗာပူးအသင်း‌ပရိသတ်များအတွင်းကားဝင်တိုက်မိပြီး လူ၂၇ ဦး ဆေးရုံရောက်
လီဗာပူးအသင်း ပရီးမီးယားလိဂ်ဖလားရရှိခဲ့ခြင်းအတွက် ကျင်းပခဲ့သော အောင်ပွဲခံချီတက်ပွဲတွင် ကားတစ်စီး က ပရိသတ်များကြားထဲသို့ ဝင်ရောက်သွားခဲ့ပြီးနောက် ၂၇ ဦး ကို ဆေးရုံတင်ထားရပြီး နှစ်ဦးမှာဒဏ်ရာပြင်းထန်ကြောင်း ရိုက်တာသတင်းအရသိရသည်။
သို့သော် ယင်းမှာအကြမ်းဖက်ဝါဒနှင့် ဆက်စပ်သည်ဟု မယူဆကြောင်း ရဲတပ်ဖွဲ့ကဆိုသည်။
အင်္ဂလန်အနောက်မြောက်ပိုင်းမြို့မှ အောင်ပွဲခံလှည့်လည်ပွဲ၌လူအုပ်ကြီးထဲသို့ ဝင်ရောက်သွားခဲ့သည့်ကားကို မောင်းနှင်ခဲ့သူဟု ယုံကြည်ရပြီး လီဗာပူးဧရိယာမှာပင်နေထိုင်သူ အသက် ၅၃ နှစ်အရွယ် လူဖြူဗြိတိန်နိုင်ငံသားတစ်ဦးကို ဖမ်းဆီးလိုက်ကြောင်း ရဲတပ်ဖွဲ့ က ပြောကြားသည်။
လူ ၂၀ ဦးအား အခင်းဖြစ်ပွားသည့်နေရာမှာပင် ကုသမှုပေးခဲ့ကြောင်းသိရပြီး ဆေးရုံသို့ပို့ဆောင်ခဲ့သည့် ၂၇ ဦးအနက် လေးဦးမှာ ကလေးငယ်များဖြစ်ကြောင်း အရေးပေါ်ကယ်ဆယ်‌ရေး အရာရှိများက ပြောသည်။
ကလေးတစ်ဦးနှင့် လူကြီးတစ်ဦးမှာ ဒဏ်ရာပြင်းထန်ပြီး ကားအောက်တွင် ရောက်နေသူ လေးဦးအား မီးသတ်တပ်ဖွဲ့က ဖယ်ထုတ်ခဲ့ရသည်။
ပရိသတ်များအား ကားဝင်တိုက်ချိန်တွင် လူတချို့လေထဲသို့ မြောက်တက်သွားသည်ကို ဆိုရှယ်မီဒီယာပေါ်မှ ဗီဒီယိုများတွင် မြင်တွေ့ရသည်။
ကားရပ်သွားချိန်တွင် ဒေါသထွက်နေသောပရိသတ်များက ကားဆီသို့ စုပြုံရောက်လာခဲ့ကြပြီး မှန်ပြတင်းများကို ရိုက်ခွဲခဲ့ကြရာ ယာဉ်မောင်းကို ရဲတပ်ဖွဲ့ က အကာအကွယ်ပေးခဲ့ရသည်။
“ ဒါဟာ သီးခြားဖြစ်ရပ်တစ်ခုဖြစ်တယ်လို့ပဲ ယုံကြည်ပါတယ်။ ဒါနဲ့ ဆက်စပ်ပြီး တခြားဘယ်သူ့ကိုမှ ရှာဖွေမနေပါဘူး။ ဒီဖြစ်ရပ်ကို အကြမ်းဖက်ဝါဒလို့လည်း သဘောထားကိုင်တွယ်တာ မလုပ်ပါဘူး။” ရဲတပ်ဖွဲ့ ယာယီဒုတိယအကြီးအကဲ ဂျန်နီဆင်းစ် က သတင်းထောက်များအား ပြောကြားသည်။
နွေဦးရာသီ ဘဏ်ပိတ်ရက်ဖြစ်ခြင်းကြောင့် လီ‌ဗာပူးအသင်းနှင့် ဝန်ထမ်းများက ပရီးမီးယားလိဂ်ဖလားကြီးနှင့်အတူ အမိုးဖွင့်ဘတ်စ်ကားကြီးဖြင့် မြို့လယ်ခေါင်၌ လှည့်လည်သွားသည်ကို ပရိတ်သတ်‌ထောင်ပေါင်းများစွာ စုဝေးအားပေးခဲ့ကြသည်။
လီ‌ဗာပူးအသင်း ဘတ်စ်ကားကြီးယင်းနေရာမှ ဖြတ်သွားပြီး ဆယ်မိနစ်ခန့်အကြာတွင် ကားဖြင့်ဝင်တိုက်မှု ဖြစ်ပွားခဲ့ကြောင်း မျက်မြင်သက်သေတစ်ဦးက ဘီဘီစီသတင်းဌာနကို ပြောကြားခဲ့သည်။
ယင်းဖြစ်ရပ်ကြောင့် အလွန်ပျော်ရွှင်စရာကောင်းသော နေ့တစ်နေ့အား အရိပ်မည်းထိုးသွားခဲ့ကြောင်း လီဗာပူမြို့တော်ကောင်စီခေါင်းဆောင် လီယမ်ရော်ဘင်ဆင် က ပြောကြားသည်။
ဖမ်းဆီးလိုက်သူအကြောင်းကို ရဲတပ်ဖွဲ့ ကထုတ်ဖော်ပြောကြားရာတွင် ပုံမှန်ထက်ပိုမိုမြန်ဆန်ခဲ့ပြီး ယင်းမှာ အစ္စလာမ်မစ်တိုက်ခိုက်မှုဟု ဆိုရှယ်မီဒီယာပေါ်မှ မှန်းဆပြောဆိုမှုများကို ရပ်တန့်သွားစေရန် ကြိုးပမ်းမှုဖြစ်ကြောင်း လန်ဒန်မက်ထရိုပိုလစ်တန် ရဲတပ်ဖွဲ့မှအရာရှိဟောင်းတစ်ဦးဖြစ်သူ ဒယ်ဘာဘူက ဘီဘီစီ သတင်းအား ပြောကြားသည်။
ယင်းဖြစ်ရပ်ကြောင့် ထိခိုက်ခဲ့သူများအား ကိုယ်ချင်းစာမိပြီး ဆုတောင်းမေတ္တာပို့သနေကြောင်း ရဲတပ်ဖွဲ့နှင့်တိုက်ရိုက်ဆက်သွယ်မှုရှိကြောင်း လီဗားပူးအသင်းက X ဆိုရှယ်မီဒီယာပေါ်မှ ပြောကြားသည်။
သတင်း-ရဲမင်း
ကိုးကား-Reuters

#ယနေ့ထုတ်သတင်းစာ_သတင်း
◼ အလုပ်ရှင်က ရဲခေါ် ဖမ်းခိုင်းခဲ့သည့် မြန်မာလုပ်သားများ၏ လစာဘတ်လေးသိန်းကျော် ပြန်ရ
ထိုင်းနိုင်ငံ စမွတ်ပရာကန်ခရိုင်ပရာ့ပရဒဲင်မြို့ရှိ ဆေးဘဲဥစက်ရုံတွင် လုပ်ကိုင်နေသည့် မြန်မာရွှေ့ပြောင်းအလုပ်သမား ၁၈ ဦး၏ လုပ်ခလစာဘတ်လေးသိန်းကျော် ပြန်လည်ရရှိခဲ့ကြောင်း သိရသည်။
ထိုင်းအလုပ်ရှင်က လုပ်အားခမပေးနိုင်၍ မြန်မာရွှေ့ပြောင်း အလုပ်သမား ၁၈ ဦးအား မေ ၁၇ ရက်တွင် ထိုင်းရဲတပ်ဖွဲ့ကို လိမ်လည်တိုင်ကြားပြီး ဖမ်းဆီးခိုင်းခဲ့ခြင်းဖြစ်ကာ အဆိုပါ စက်ရုံပိုင်ရှင်ကလုပ်အားခ ငါးလစာရှင်းပေးခြင်းမရှိသဖြင့် မြန်မာအလုပ်သမားများက လုပ်ခလစာများ ရှင်းပေးရန်ပြောကြားရာ စက်ရုံပိုင်ရှင်က လုပ်အားခမပေးနိုင်၍ ထိုင်းရဲတပ်ဖွဲ့အား ဖုန်းဆက်တိုင်ကြားကာ ဖမ်းဆီးခိုင်းခဲ့ခြင်းဖြစ်ကြောင်း သိရသည်။
တရုတ်လူမျိုးစက်ရုံပိုင်ရှင်က ထိုင်းရဲတပ်ဖွဲ့ကိုဖုန်းဆက်ကာ ဖမ်း ဆီးခိုင်းခဲ့သည့်အပေါ် နစ်နာသူအလုပ်သမားများက ကျေနပ်ခြင်းမရှိသဖြင့်ဆက်သွယ်အကူအညီတောင်းခံခဲ့ပြီး လုပ်ခလစာပြန်လည်ရအောင် ဆောင်ရွက်ပေးနိုင်ခဲ့ကြောင်း M.H. A.C မဟာမိတ်အဖွဲ့မှ သိရသည်။
ထိုင်းဥပဒေနှင့်အညီ သက်ဆိုင်ရာထိုင်းအစိုးရအလုပ်သမား ဖြေရှင်းရေးဌာနများဖြင့် ပူးပေါင်း၍တရုတ်လုပ်ငန်းရှင်အား အမှုဖွင့်တိုင်ကြားပေးခဲ့ပြီးနောက် မေ ၂၃ ရက်တွင်မြန်မာအလုပ်သမား စုစုပေါင်း ၂၁ ဦး၏ လုပ်ခလစာထိုင်းဘတ်ငွေ ၄ဝ၉ဝ၇၂ နှင့် စာရွက်စာတမ်းမျာကို မြန်မာအလုပ်သမားများ၏ လက်ဝယ်ရရှိအောင် ကူညီဆောင်ရွက်ပေးနိုင်ခဲ့ကြောင်း M.H.A.C မဟာမိတ်အဖွဲ့မှ သိရသည်။

Two people have been arrested in connection to the death of an 18-year-old who was killed in a jet ski hit-and-run while kayaking in Texas over the weekend, according to prosecutors.
Read more: https://abcnews.visitlink.me/K2TJcT

The State Department is ramping up efforts to dissuade Americans from traveling to Venezuela after revealing on Tuesday that the country is unjustly imprisoning more Americans than any other country.
Read more: https://abcnews.visitlink.me/KKNXhz

#ပြည်တွင်းသတင်း
◼ပြည်တွင်း၌ COVID-19 ဓာတ်ခွဲအတည်ပြုလူနာသစ်ခြောက်ဦးတွေ့ရှိ
ပြည်တွင်း၌ COVID-19 ရောဂါ ဓာတ်ခွဲအတည်ပြုလူနာသစ်ခြောက်ဦး ထပ်မံတွေ့ရှိကြောင်း ယနေ့ (မေ ၂၇ ရက်)ရက်ထုတ် နိုင်ငံပိုင်သတင်းစာတွင် နစက၏ ကျန်းမာရေးဝန်ကြီးဌာနက ထုတ်ပြန်ထားသည်။
ယခုမေလ ၁၈ ရက်မှ ၂၅ ရက်အထိ ဓာတ်ခွဲနမူနာစုစုပေါင်း ၂၇၅၄ ခုအားစစ်ဆေးခဲ့ရာ COVID-19 ဓာတ်ခွဲအတည်ပြုလူနာသစ်ခြောက်ဦးတွေ့ရှိခဲ့ခြင်းဖြစ်ကြောင်းသိရသည်။
လက်ရှိအချိန်အထိ ရောဂါပိုးတွေ့ရှိမှုရာခိုင်နှုန်းမှာ (၀ ဒသမ ၂) ရာခိုင်နှုန်းဖြစ်ပြီး COVID-19 ရောဂါဖြင့် သေဆုံးလူနာမရှိသေးကြောင်း ထုတ်ပြန်ချက်တွင်ဖော်ပြထားသည်။
အိမ်နီးချင်းနိုင်ငံများဖြစ်သည့် ထိုင်း၊ တရုတ်နှင့်စင်ကာပူနိုင်ငံတို့တွင် COVID-19 ရောဂါကူးစက်မှုများ မြင့်တက်လျက်ရှိကြောင်း သတင်းမီဒီယာများ၏ဖော်ပြချက်အရသိရသည်။
မြန်မာနိုင်ငံတွင် COVID-19 ရောဂါဖြစ်ပွားမှုနှင့်ပတ်သက်၍ စိုးရိမ်ဖွယ်ရာ အခြေအနေမရှိသော်လည်း ရောဂါများဖြစ်ပွားမှုမှ ကြိုတင်ကာကွယ်နိုင်ရန် လက်ကိုရေနှင့်ဆပ်ပြာ (သို့မဟုတ်) ရေမလို လက်သန့်စင်ဆေးရည် (Hand Sanitizer) ဖြင့် မကြာခဏစနစ်တကျဆေးကြောခြင်း၊ အသက်ရှူ လမ်းကြောင်းဆိုင်ရာ ရောဂါလက္ခဏာများဖြစ်သော ဖျားခြင်း၊ နှာစေးခြင်း၊ နှာချေခြင်းချောင်းဆိုးခြင်း၊ လည်ပင်းနာခြင်း စသည့်လက္ခဏာများရှိသူများအနေဖြင့် လူထူထပ်သောနေရာများသို့သွားခြင်းမှ ရှောင်ကြဉ်ခြင်းနှင့် မဖြစ်မနေသွားရောက်ရန်ရှိပါက ပါးစပ်နှင့်နှာခေါင်းစည်း (Mask) အား စနစ်တကျ ဝတ်ဆင်ခြင်းတို့ကို လိုက်နာဆောင်ရွက်ရန် ကျန်းမာရေးပညာရှင်များကအသိပေးနှိုးဆော်ထားသည်။
သတင်း - အင်ကြင်း

#ပြည်တွင်းသတင်း
◼တိုင်းနှင့်ပြည်နယ်တချို့၌ လေပြင်းတိုက်ခတ်ခြင်းနှင့် မိုးသီးကြွေခြင်းများဖြစ်ပေါ်နိုင်
မိုးတိမ်တောင်များရွေ့လျားရာတစ်လျှောက်တိုင်းနှင့်ပြည်နယ်တချို့၌ ယနေ့(မေ ၂၇ ရက်) ညနေပိုင်း အထိ လေပြင်းတိုက်ခတ်ခြင်းနှင့် မိုးသီးကြွေခြင်းများဖြစ်ပေါ်လာနိုင်ကြောင်း မိုးလေ၀သနှင့်ဇလဗေဒ ညွှန်ကြားမှုဦးစီးဌာနကထုတ်ပြန်သည်။
ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း(အောက်ပိုင်း)၊ ဧရာဝတီတိုင်း၊ တနင်္သာရီတိုင်း၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်(တောင်ပိုင်း) တို့တွင် မိုးတိမ်တောင်ဖြစ်ထွန်းမှု အားကောင်းနေကြောင်း မိုးဇလကယနေ့နံနက်ပိုင်းကထုတ်ပြန်ထားသည်။
အဆိုပါမိုးတိမ်တောင်များရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူလေပြင်း တိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းများဖြစ်ပေါ် နိုင်ကြောင်း ထုတ်ပြန်ချက်အရသိရသည်။
"ငလျင်ဒဏ်သင့်ဒေသတွေကသတိထားသင့်တယ်။ အဓိက မြေပျော့တာ။ မြေကျွံတာတွေဖြစ်တတ် တာကိုသတိထားရမယ်။ ကျွန်တော်တို့ ခြေထောက်အောက်မှာရှိနေတဲ့ မြေကြီးရဲ့လုံခြုံစိတ်ချရမှုက ငလျင်ဒဏ်ထိထားတဲ့ဒေသတွေမှာ မြေလွှာတွေဘယ်လောက်ပျက်တယ်ဆိုတာ အဲ့ဒါလေးသတိထားဖို့ လိုပါတယ်" ဟု မိုးလေဝသစောင့်ကြည့်လေ့လာသူ ဦးဝင်းနိုင်ကစံတော်ချိန်ဒစ်ဂျစ်တယ်သို့ပြောသည်။
နောက်နှစ်ရက်အတွက်ခန့်မှန်းချက်များအရ ရန်ကုန်တိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီတိုင်း၊ ကချင်ပြည်နယ်၊ ကရင်ပြည်နယ်၊ မွန်ပြည်နယ် နှင့် ရခိုင်ပြည်နယ် တို့တွင်မိုးထစ်ချုန်းပြီး နေရာကွက်၍မိုးကြီးနိုင်ကြောင်း မိုးဇလကခန့်မှန်းချက်ထုတ်ပြန်ထားသည်။
သတင်း - အင်ကြင်း
ဓာတ်ပုံ - CJ

#နိုင်ငံတကာသတင်း
◼ အမေရိကန်၏ ရွှေကွန်ချာဒုံးကျည်ကာကွယ်ရေးစနစ် အလွန်အန္တရာယ်များကြောင်း မြောက်ကိုရီးယားပြော
အ‌မေရိကန်သမ္မတ ဒေါ်နယ်ထရန့်၏ ရွှေကွန်ချာဒုံးကျည်ကာကွယ်ရေး အစီ အစဉ်သည် အာကာသတွင် နျူကလီးယားစစ်ပွဲ ဖြစ်လာစေနိုင်သည့် အလွန်အန္တရာယ်များသော ခြိမ်းခြောက်မှုဖြစ်သည်ဟု မြောက်ကိုရီးယားက ရှုတ်ချပြောဆိုလိုက်ကြောင်း နိုင်ငံပိုင် KCNA သတင်းဌာနက ဖော်ပြသည်။
ယင်းဒုံးကျည် ကာကွယ်ရေးစနစ်သစ် နှင့် ပတ်သက်၍ အသေးစိတ်အချက်အလက် အသစ်များနှင့် ကနဦးရန်ပုံငွေ အား ထရန့်က ပြီးခဲ့သည့် သီတင်းပတ်တွင် ကြေညာခဲ့ပြီး ယင်းအစီအစဉ်မှာ အောင်မြင်ဖို့အရေးကြီးသလို အမေရိကန်နိုင်ငံရှင်သန်ရေးအတွက်ပင် အရေးပါသည်ဟု ပြောကြားခဲ့သည်။
၎င်းအစီအစဉ်သည် နည်းပညာပိုင်းနှင့် နိုင်ငံ‌‌ရေးအရ ကြီးမားသောစိန်ခေါ်မှုများ ရင်ဆိုင်နေရကြောင်း လေ့လာဆန်းစစ်သူများက ပြောကြားပြီး ကုန်ကျစရိတ်လည်း အလွန်များပြားနိုင်ကြောင်း သိရသည်။
ယင်းမှာ နျုကလီးယားလက်နက်ပိုင်နိုင်ငံများ၏ မဟာဗျူဟာမြောက်လုံခြုံရေးကို ခြိမ်းခြောက်နေသော အလွန်အန္တရာယ်များသည့် အစီအစဉ်အဖြစ် မြောက်ကိုရီးယားနိုင်ငံခြားရေးဝန်ကြီးဌာနက ရှုတ်ချပြောဆိုလိုက်ကြောင်း KCNA သတင်းထုတ်ပြန်ချက် က ဆိုသည်။
ကမ္ဘာ့ပြင်ပ အာကာသအား စစ်‌ရေးနယ်ပယ်ဖြစ်‌လာစေရန် အမေရိကန်က ပိုင်းဖြတ် လုပ်ဆောင်နေကြောင်း မြောက်ကိုရီးယားနိုင်ငံခြား‌‌ရေးဌာနကပြောသည်။
နျူကလီးယားလက်နက်ပိုင်နိုင်ငံများ၏ လုံခြုံ‌‌‌ရေးစိုးရိမ်မှုများကို နှိုးဆွပေးပြီး ပြင်ပအာကာသအား နျူကလီယားစစ်မြေပြင် အဖြစ် ပြောင်းလဲနိုင်ချေကြောင့် ဒုံးကျည်ကာကွယ်ရေးစနစ်သစ်တည်ဆောက်မည့် အမေရိကန်၏ အစီအစဉ်သည် ကမ္ဘာလုံးဆိုင်ရာ နျူကလီးယားနှင့် လက်နက်ပြိုင်ပွဲ၏ အခြေခံအကြောင်းရင်း ဖြစ်ကြောင်း ပြုံယမ်းထုတ်ပြန်ချက် က ဆက်လက်ပြောကြားသည်။
ဝါရှင်တန်၏ ရွှေကွန်ချာဒုံးကျည်ကာကွယ်‌ရေး စနစ်နှင့်ပတ်သက်၍ တရုတ်ကလည်း အလားတူပြင်းထန်သော စိုးရိမ်မှုများကို ထုတ်ဖော်ပြောကြားခဲ့ကာ အမေရိကန်က ကမ္ဘာလုံးဆိုင်ရာ တည်ငြိမ်မှုကို အားနည်းအောင်လုပ်နေကြောင်း စွပ်စွဲပြောကြားသည်။
ပဲ့ထိန်းဒုံးကျည် နှင့် အသံထက်မြန်သောဒုံးကျည်နည်းပညာများတွင် ပေကျင်းက ဝါရှင်တန်နှင့် ကွာဟမှု ကျဉ်းမြောင်းအောင်လုပ်ဆောင်နေကြောင်း ၊ မော်စကိုက ၎င်းတို့၏ တိုက်ချင်းပစ် ဒုံးကျည်စနစ်များကို ပိုမို ခေတ်မီအောင်လုပ်ဆောင်နေကာ တိကျမှုမြင့်မားသော ဒုံးကျည်စနစ်များကိုလည်း တီထွင်နေကြောင်း အမေရိကန်စစ်ဌာနချုပ် ပင်တဂွန်၏ ၂၀၂၂ ခုနှစ် သုံးသပ်မှုက ဖော်ပြခဲ့သည်။
ဒေါ်နယ်ထရန့်၏ အစီအစဉ်နှင့်ပတ်သက်၍ ရုရှားက ကနဦးတွင် ရှုတ်ချခဲ့သော်လည်း နောက်ပိုင်းတွင် လေသံလျှော့သွားခဲ့သည်။
သတင်း-ရဲမင်း
ကိုးကား-AFP

#နိုင်ငံတကာသတင်း
◼ ပါကစ္စတန်နှင့်တင်းမာမှုများရှိနေစဉ် တိုက်လေယာဉ်အစီအစဉ်သစ်ကို အိန္ဒိယအတည်ပြု
နှစ်နိုင်ငံကြား စစ်‌ရေးပဋိပက္ခဖြစ်ပြီးနောက် သီတင်းပတ်အနည်းငယ်အကြာ ပါကစ္စတန်နှင့်လက်နက်ပြိုင်ဆိုင်မှု အသစ် ဖြစ်ပေါ်နေစဉ် ‌ရေဒါမမိဘဲ လျှို့ဝှက်ပျံသန်းနိုင်မည့် နိုင်ငံ၏ အဆင့်အမြင့်ဆုံး တိုက်လေယာဉ်သစ် တည် ဆောက်ရေး စီမံကိန်းကို ကာကွယ်ရေးဝန်ကြီးက အတည်ပြုလိုက်ကြောင်းအိန္ဒိယကာကွယ်ရေးဝန်ကြီးဌာနက ပြောကြားသည်။
ယင်းတိုက်လေယာဉ် နမူနာပုံစံသစ် တည်ဆောက်ရေးအတွက် ကာကွယ်ရေးကုမ္ပဏီများထံမှ ကနဦးစိတ်ဝင်စားမှုကို တိုက်လေယာဉ်သစ်အစီအစဉ်ကို လုပ်ဆောင်နေသည့် နိုင်ငံပိုင် လေကြောင်းလုပ်ငန်း ဖွံ့ဖြိုးတိုးတက်ရေးအေဂျင်စီ က မကြာမီ ဖိတ်ခေါ်သွားမည်ဖြစ်ကြောင်း ဝန်ကြီးဌာနက ပြောသည်။
အင်ဂျင်နှစ်လုံးတပ် ပဥ္စမမြောက်မျိုးဆက် တိုက်လေယာဉ်စီမံကိန်းမှာ အိန္ဒိယလေတပ်အတွက် အလွန်အရေးပါပြီး လေတပ်တွင် ခွင့်ပြုထားသော တိုက်လေယာဉ်အုပ်စု ၄၁ စုမှ ၃၁ စု သို့ အင်အား လျော့ကျနေချိန်တွင် ဒေသတွင်းပြိုင်ဘက် တရုတ်က လေတပ်ကို အကြီးအကျယ်တိုးချဲ့နေပြီး ပါကစ္စတန်တွင်လည်း တရုတ်၏ အဆင့်အမြင့်ဆုံးတိုက်လေယာဉ် J-10 များ ပိုင်ဆိုင်ထားသောကြောင့်ဖြစ်သည်။
နျူကလီးယားလက်နက်များပိုင်ဆိုင်ထားသော အိန္ဒိယနှင့်ပါကစ္စတန်တို့က ယခုလအတွင်း လေးရက်ကြာ စစ်ဆင်နွှဲခဲ့ကြပြီး နှစ်ဖက်စလုံးက တိုက်လေယာဉ်များ ၊ ဒရုန်းများ ၊ ဒုံးကျည်များ ၊ လက်နက်ကြီးများဖြင့် တိုက်ခိုက်ခဲ့ကြကာအမေရိကန်သမ္မတ ဒေါ်နယ်ထရန့် က အပစ်အခတ်ရပ်စဲမှု ကြေညာပြီးနောက်တွင်မှ ရပ်တန့်သွားခဲ့သည်။
တိုက်လေယာဉ်သစ်အစီအစဉ်အတွက် အိန္ဒိယက ပြည်တွင်းကုမ္ပဏီတစ်ခုနှင့် ပူးတွဲလုပ်ကိုင်သွားမည်ဖြစ်ကာ ကုမ္ပဏီများအနေဖြင့် သီးခြားဖြစ်စေ ၊ပူးပေါင်း၍ဖြစ်စေ လုပ်ကိုင်ခွင့် လျောက်ထားနိုင်ပြီး ပုဂ္ဂလိက နှင့် အစိုးရလုပ်ငန်းများ အားလုံး ပါဝင်နိုင်ကြောင်း သိရသည်။
အိန္ဒိယနိုင်ငံက အသုံးပြုနေသော ပြည်တွင်းဖြစ်တိုက်လေယာဉ် အများစုကို ထုတ်လုပ်ပေးနေသည့် နိုင်ငံပိုင် Hindustan Aeronautics Ltd အပေါ် ဝန်မပိစေရန် ပုဂ္ဂလိကကဏ္ဍကိုပါ စစ်လေယာဉ်ထုတ်လုပ်မှုများတွင် ပါဝင်လာစေရေး အိန္ဒိယကာကွယ်ရေးကော်မတီ က မတ်လအတွင်း ထောက်ခံအကြံပေးခဲ့သည်။
သတင်း-ရဲမင်း
ကိုးကား-Reuters

How does a cone crusher work?

အရမ်းပိန်လွန်းရင် ဒါတွေလုပ်ပါ။