What the helly hahaha 🤣😂

🍽 ထမင်းစားပြီးနောက် မလုပ်သင့်သည့် ကျန်းမာရေး အန္တရာယ် (၈) ရပ်
🔹(၁) ဆေးလိပ် မသောက်ပါနှင့်။
ထမင်းစားပြီးနောက် စီးကရက် ၁-လိပ်သောက်ခြင်း သည် သာမန် အချိန် စီးကရက်၁၀-လိပ်သောက်ခြင်းနှင့် ညီ မျှပြီး၊ ကင်ဆာ ရောဂါဖြစ်နိုင်ချေ အလားအလာပိုများကြောင်း ဆေးသိပ္ပံပညာရှင် များက သတိပေးထား သည်။
🔹(၂) သစ်သီးများ အလျင်စလို မစားပါနှင့်။
ထမင်စားပြီးနောက် အချိုပွဲ သစ်သီး စားခြင်းသည် မှားယွင်းသော အစဉ်အလာ တစ်ခုဖြစ်နေကြပါသည်။ အမှန် အားဖြင့် ထမင်းစား ပြီးပြီးချင်း သစ်သီးစားခြင်းက လေပွစေပြီး၊ အစာအိမ် ကို ဘေးဥပါသ်ဖြစ်စေ၏။
ထို့ကြောင့် ထမင်းစားပြီး အနည်းဆုံး နာရီ၀က်ခန့် ကြာမှ သာ သစ်သီး စားသင့်သည်။
(ကျန်းမာရေး အမြင် ရှိသော ဟိုတယ်ကြီးများနှင့် စားသောက်ဆိုင် အချို့တွင် သစ်သီးအစား၊ ဥပမာ ဌက်ပျောသီးပေါင်း (သို့မဟုတ်) ရွှေဖရုံသီးပေါင်း စသည့် တို့ကို အချိုပွဲ အဖြစ်တည်ခင်း ဧည့်ခံလာကြသည်)
🔹(၃) လ္ဘက်ရည် မသောက်ပါနှင့်။
လ္ဘက်ရည် အချိုခြောက် ထဲတွင် အက်ဆစ်ဓာတ် အမြောက်အများ ပါရှိကြပေရာ၊ ၄င်းတို့က ထမင်း ဟင်းထဲတွင် ပါရှိသည့် ပရိုတင်း များကို အနှောင့်် အယှက်ပြုကာ အစာချေဖျက်မှု ကိုလည်း ဟန့်တားစေပါသည်။
🔹(၄) ခါးပတ်ကြိုး မလျော့ပါနှင့်။
ထမင်း စားပြီးပြီးချင်း ခါးပတ်ကြိုး (သို့မဟုတ်) ပုဆိုး၊ လုံချည်လျော့၀တ်ခြင်း က အူသိမ် အူမ တို့ကို လိမ်ခေါက် ၍ အူလမ်းကြောင်း ပိတ်ဆို့စေပါသည်။
🔹(၅) ရေ မချိုးပါနှင့်။
ထမင်းစားပြီးနောက် ရေချိုးခြင်း သည် လက်/ခြေထောက်နှင့် ခန္ဓာကိုယ် တစ်ခုလုံးရှိ သွေး လည်ပတ်စီးဆင်း မှု တိုးပွားလာပြီး၊ အစာအိမ် တဝိုက် သွေးလည်ပတ် စီးဆင်းမှု လျော့ကျ လာသောကြောင့် အစာအိမ်ကောင်းစွာ အလုပ် မလုပ်နိုင်တော့ပေ။
🔹(၆) သွက်သွက် လမ်း မလျှောက်ပါနှင့်။
ရှေး လူကြီးမျာက ထမင်းစားပြီး အချိုစား၊ ခြေလှမ်း ၂၀၀ သွား ဟု အဆို ရှိခဲ့ကြလေ၏။ ထို အဆိုမှာ တက် တက် စင် မှားယွင်းနေ ကြောင်း ယနေ့ဆေးသိပ္ပံပညာရှင် များက အတည်ပြုထားကြသည်။
အကြောင်းရင်း မှာ . ထမင်း စားပြီးချင်း ခပ် သွက်သွက် လမ်းလျှောက်ခြင်း က ဗိုက်အောင့်စေတတ်ပြီး၊ ထမင်း ဟင်း ထဲမှပါ၀င်သော အာဟာရ စုပ်ယူရန် အတွက် အစာချေ စံနစ်ကို အနှောင့် အယှက်ဖြစ် စေ တတ် သည်။ (ထမင်းစားပြီး ငြိမ်ငြိမ် ထိုင်နေရမည် ဟု မဆိုလိုပါ) ကျန်းမာရေး နဲ့ ညီညွတ်စေဖို့အတွက် ထမင်းစားပြီး ပါက အနည်းဆုံး ၁၅-မိနစ်ခန့် မတ်တပ် ရပ်နေပါ (သို့မဟုတ်) ဖြည်းဖြည်း မှန်မှန်လမ်းလျှောက်ပါ။
🔹(၇) မအိပ်ပါနှင့်။
ထမင်းစားပြီး ချက်ချင်း လှဲအိပ်ခြင်းသည် အစာကောင်းစွာ မကျေညက်စေတော့ဘဲ၊ အစာအိမ်ရောဂါဖြစ်စေသည့်ပြင်၊ အူ များကို ကူးစက်ရောဂါပိုး ဝင်စေပါသည်။
🔹(၈) အားကစား မလုပ်ပါနှင့်။
အားကစား မလုပ်ခင် အနည်းဆုံး နာရီ၀က် မှ အများဆုံး ၂-နာရီ ခန့်ကြိုတင်၍ ထမင်းစားထားပါ။ သို့မဟုတ် ပါက၊ အကြော ဆွဲခြင်း (သို့မဟုတ်) ရုတ်တရက်နှလုံးခုန် ရပ်တန့်ခြင်း (သို့မဟုတ်) အသက်သေစေနိုင်သည်
ကိုယ်ကျန်းမာ စိတ်ချမ်းသာကြပါစေ။🙏

အိမ်မှာက အငယ်ဆုံ:လေ
ဘာမှမလုပ်လည်းစာ:ရတယ်

ထိုင်းလမ်းဘေးဆိုင်တွေမှာ ရောင်းတဲ့ မကျည်းသီးနှစ် အသားလုံးဆော့စ်က ပြုလုပ်နည်း။ ချို၊ ချဉ်၊ စပ် အရသာ အကုန်ပါဝင်ပြီး အသားလုံးတွေနဲ့ တွဲစားလို့ အကောင်းဆုံးပါပဲ။
​🌶️ ပါဝင်ပစ္စည်းများ......
* ​မကျည်းမှည့်နှစ် - ၁/၂ ခွက်
(အရည်ညှစ်ပြီး အဖတ်စစ်ထား)
* ​ထန်းလျက် - စားပွဲတင်ဇွန်း ၃ ဇွန်း
* ​ငံပြာရည် - စားပွဲတင်ဇွန်း ၂-၃ ဇွန်း
* ​ငရုတ်သီးမှုန့် - စားပွဲတင်ဇွန်း ၁-၂ ဇွန်း
(စိတ်ကြိုက်ထည့်နိုင်ပါသည်)
* ​ကြက်သွန်ဖြူ - ၅-၆ တက်
(နုတ်နုတ်စဉ်း သို့မဟုတ် ကြမ်းကြမ်းထောင်းပါ)
* ​ငရုတ်သီးခြောက်ကြော် - ၁၀-၁၅ တောင့်
(အနံ့မွှေးစေရန်နှင့် အလှဆင်ရန်အတွက်)
* ​နံနံပင် - အပေါ်မှဖြူးရန်
* ​ရေအနည်းငယ် (အနှစ်ကိုပျစ်အောင်လုပ်ချင်လျှင်)
​🍳 ပြုလုပ်နည်းအဆင့်ဆင့်.......
၁။ မကျည်းသီးအနှစ်ကို အိုးထဲထည့်ပြီး
ထန်းလျက်၊ ငံပြာရည်နဲ့ ငရုတ်သီးမှုန့်တို့ကို ထည့်ပါ။
၂။ ပြီးနောက် သမအောင်မွှေပြီး မီးအေးအေးနဲ့ ပျစ်လာသည်
အထိ ဆူအောင်တည်ပါ။
၃။ ပြီးလျှင် နုတ်နုတ်စဉ်းထားတဲ့ ကြက်သွန်ဖြူကို ထည့်ပြီး
အနံ့မွှေးလာသည်အထိ ၂-၃ မိနစ်ခန့် ဆက်တည်ပါ။
၄။ မီးပိတ်ပြီး အအေးခံပါ။
၅။ စားခါနီးမှ ငရုတ်သီးခြောက်ကြော်နဲ့ နံနံပင်တို့ကို
အပေါ်ကနေဖြူးပြီး သုံးဆောင်နိုင်ပါပြီး။
​💡အရသာပိုကောင်းစေမယ့် အကြံပြုချက်များ......
* ​လမ်းဘေးဆိုင်တွေလို အစပ်ပိုပြီး အနံ့မွှေးတဲ့အရသာမျိုး
ရချင်ရင် ကြက်သွန်ဖြူနဲ့ ငရုတ်သီးမှုန့်ကို အိုးထဲမထည့်ခင်
ထောင်းပြီးမှ ထည့်ပါ။
* ​အနှစ်ပျစ်စေချင်ရင် ရေအနည်းငယ် (သို့မဟုတ်)
ရေနွေးကြိုထားတာကို နည်းနည်းချင်းစီ ထည့်ပါ။

အစစ်တွေနဲ့ပူဇော်ထုလုပ်ထားလို့အံ့ဩစရာဖူးရတယ်

#ယနေ့ထုတ်သတင်းစာ_နိုင်ငံတကာသတင်း
◼ ဂျူးဆန့်ကျင်ရေးဝေဖန်မှုကြောင့် အမေရိကန်သံအမတ်ကြီးကို ပြင်သစ်ဆင့်ခေါ်
ပြင်သစ်နိုင်ငံသည် ဂျူးလူမျိုး ဆန့်ကျင်ရေးအကြမ်းဖက်မှုများ တိုးပွားလာမှုကို ကိုင်တွယ်ဖြေရှင်းရာတွင် ပျက်ကွက်ခဲ့သည်ဟူသော စွပ်စွဲချက်အတွက် ပါရီမြို့ရှိ အမေရိကန်သံအမတ်ကြီး ချားလ်စ်ကပ်ရှ်နာကို ဆင့်ခေါ်သွားမည်ဟု ပြင်သစ်တာဝန်ရှိသူများက ဩဂုတ် ၂၅ ရက်တွင် ပြောသည်။
ကပ်ရှ်နာသည် ဂျူးလူမျိုးဖြစ်ပြီး ၎င်း၏သားသည် အမေရိကန်သမ္မတ ဒေါ်နယ်ထရန့်၏သမီး အိုင်ဗန်ကာနှင့် လက်ထပ်ထားသူဖြစ်သည်။ ကပ်ရှ်နာသည် ပြင်သစ်သမ္မတ အီမန်နျူရယ်မက်ခရွန်ထံ ပေးစာဖြင့်ထိုသို့ဝေဖန်မှုများ ပြုလုပ်ခဲ့ခြင်းဖြစ်သည်။
သံအမတ်ကြီး၏စာတွင် ပြင်သစ်အနေဖြင့် အစ္စရေးနိုင်ငံအား ဝေဖန်ပြစ်တင်မှုများကို လျှော့ချရန်တောင်းဆိုထားသည်။ ပြင်သစ်နိုင်ငံတွင် လမ်းပေါ်၌ ဂျူးလူမျိုးများတိုက်ခိုက်ခံရခြင်း၊ တရားဇရပ်များ သို့မဟုတ် ကျောင်းများကိုပိတ်ပင်ခြင်းနှင့် ဂျူးပိုင်လုပ်ငန်းများကို ဖျက်ဆီးခံရခြင်းများ ဆက်တိုက်ဖြစ်ပွားနေသည်ဟု ဆိုသည်။
ဂါဇာစစ်ပွဲ စတင်ချိန်မှစ၍ ပြင်သစ်နိုင်ငံတွင် ပြင်သစ်နိုင်ငံတွင် ဂျူးဆန့်ကျင်ရေး စိတ်ဓာတ်များ ပိုမိုမြင့်တက်ခဲ့ပြီးအစိုးရက ကိုင် တွယ်ဖြေရှင်းရန်ပျက်ကွက်ကြောင်း ကပ်ရှ်နာက ဝေဖန် သည်။ ပြင်သစ်နိုင်ငံကမူ အဆိုပါစွပ်စွဲချက်များကို ပြင်းပြင်းထန်ထန် ငြင်းဆိုထားပြီးလက်ခံနိုင်ဖွယ်မရှိဟု ဆိုသည်။
ယင်းကိစ္စနှင့်ပတ်သက်၍ ကပ်ရှ်နာကို ဩဂုတ် ၂၅ ရက်တွင် ဆင့်ခေါ်ထားကြောင်း ပြင်သစ်နိုင်ငံခြားရေးဝန်ကြီးဌာနက ပြောသည်။
၁၉၆၁ ခုနှစ် ဗီယင်နာကွန်ဗင်းရှင်းအရ သံအမတ်ကြီးများသည် နိုင်ငံတစ်နိုင်ငံ၏ ပြည်တွင်းရေးကိစ္စများကိုဝင်ရောက်စွက်ဖက်ခွင့်မရှိကြောင်း ပြင်သစ်နိုင်ငံခြားရေးဝန်ကြီးဌာနက သတိပေးထားသည်။
ဘီဘီစီ

ယီမင်မြို့တော်ကို အစ္စရေးလေကြောင်းတိုက်ခိုက်မှု ခြောက်ယောက်သေပြီး ၈၀ ကျော်ဒဏ်ရာရ

အစ္စရေးစစ်တပ်ဟာ ယီမင်နိုင်ငံ မြို့တော် ဆာနားကို လေကြောင်းတိုက်ခိုက်ခဲ့တာကြောင့် လူခြောက်ယောက်သေပြီး ၈၀ ကျော်ဒဏ်ရာရခဲ့တယ်လို့ သိရပါတယ်။
ယီမင်အခြေစိုက် ဟူသီသူပုန်တွေဟာ အစ္စရေးနိုင်ငံကို ဒုံးကျည်တွေ ပစ်လွှတ်ခဲ့တာကို တုံ့ပြန်တဲ့အနေနဲ့ တိုက်ခိုက်ခဲ့တာဖြစ်ပြီး ဓာတ်အားပေးစက်ရုံတွေ၊ လောင်စာသိုလှောင်ရုံ အပါအဝင် ဟူသီ ပစ်မှတ်တွေကို တိုက်ခိုက်ခဲ့ကြောင်း အစ္စရေးစစ်တပ်က ပြောပါတယ်။
ဒါဟာ ဩဂုတ် ၂၃ ရက်မှာ ဟူသီတို့က အစ္စရေးကို ကလက်စတာ ဗုံးတွေနဲ့ တိုက်ခိုက်မှုအပေါ် တုံ့ပြန်ခြင်းဖြစ်ပြီး ဟူသီ စစ်ရေးအဆောက်အအုံတွေကို ပစ်မှတ်ထားတိုက်ခိုက်ခဲ့တာလို့ အစ္စရေးစစ်တပ်က ပြောပါတယ်။ အီရန်ကျောထောက်နောက်ခံပြု ဟူသီအဖွဲ့က အဲဒီဗုံးတွေကို ပထမဆုံးအကြိမ် အသုံးပြုတာဖြစ်ပြီး ဗုံးတွေတင်ဆောင်ပစ်ခတ်တဲ့ ဒုံးကျည်ကို မတားဆီးနိုင်မှုအပေါ် အစ္စရေးစစ်တပ်က စုံစမ်းစစ်ဆေးနေပါတယ်။
ဒီလက်နက်တွေကို နိုင်ငံပေါင်း ၁၀၀ ကျော်က ပိတ်ပင်တားမြစ်ထားပါတယ်။ ဟူသီပစ်မှတ်တွေ တိုက်ခိုက်မှုကို ၀န်ကြီးချုပ် နေတန်ယာဟုနဲ့ ကာကွယ်ရေးဝန်ကြီး အစ္စရေးကတ်ဇ်တို့က တဲလ်အဗစ်ရှိ ကွပ်ကဲရေးစင်တာမှ ကြီးကြပ်ခဲ့ပါတယ်။
ဟူသီသူပုန်တွေဟာ မြို့တော်ယီမင်ကို ထိန်းချုပ်ထားပြီး ဂါဇာမှာပြုလုပ်နေတဲ့ အစ္စရေးရဲ့ စစ်ဆင်ရေးတွေကို ဆန့်ကျင်ကာ ဟားမတ်စ်တို့နဲ့အတူ ရပ်တည်ကြောင်း ကတိပြုထားပြီး အစ္စရေးကို တိုက်ခိုက်မှုတွေ ပြုလုပ်ခဲ့ပါတယ်။
ဟူသီတွေဟာ အစ္စရေးနိုင်ငံသို့ ဒုံးကျည်တွေနဲ့ တိုက်ခိုက်မှုတွေကိုလည်း ပြုလုပ်နေပြီး ပင်လယ်နီ‌ဒေသမှာ အစ္စရေးနဲ့ ဆက်စပ်တဲ့ သင်္ဘောတွေနဲ့ အခြားကုန်တင်သင်္ဘောတွေကို တိုက်ခိုက်မှုတွေ ပြုလုပ်နေပါတယ်။
Ref:BBC
Photo:Reuters

ကြာကြာစိတ်မဆိုးနိုင်တာကလည်း
ချစ်ခြင်းမေတ္တာပါပဲ။

ကွမ်းယာနဲ့ ဆက်စပ်ပစ္စည်းတွေ ဈေးအဆမတန်တက်လာ
ဩဂုတ် ၂၆ - ၂ဝ၂၅
KKO(VOM)
ကွမ်းယာဆိုင်သုံးပစ္စည်းများဈေးအဆမတန်တက်လာပြီး ယခုလက်ရှိကာလမှာ ကွမ်းရွက်ဈေးနဲ့ကွမ်းစားဆေးအမျိုးမျိုးတို့ရဲ့ဈေး နှုန်းတွေဟာနှစ်ဆခန့်မြင့် တက်နေတယ်လို့ ကွမ်းယာဆိုင်လုပ်ငန်းလုပ်ကိုင်သူတွေက ပြောပါတယ်။
ဒီလိုအခြေအနေတွေကြောင့် ဆေးမွှေးနဲ့ဆိုပါက ငါးရာဖိုးကွမ်းနှစ်ရာနဲ့ တထောင်ဖိုးဆိုပါကကွမ်းငါးရာခန့်သာရရှိတော့တယ်လို့ကွမ်းစားသုံး သူတွေက ပြောပြပါတယ်။
“ကွမ်းဈေးက ကုန်စိမ်းဈေးမှာတင် သုံးသောင်းကျော်နေတယ်။ဒါကတပိဿာဈေးပါ။ဆေးမွှေးနဲ့ငါးရာဖိုးကိုနှစ်ရာ၊တထောင်ဖိုးကိုငါးရာပါ။မိုးတွေဆက်တိုက်ရွာတဲ့အတွက်ကွမ်းခြံတွေပျက်စီးတဲ့အတွက်၊ဈေးတက်ရပါသတဲ့။သီတင်းကျွတ်ကျော်မှဈေးပြန်ငြိမ်ပါမယ်တဲ့ အဲလိုပြောပါတယ်”လို့ ကွမ်းယာဆိုင်လုပ် ငန်းအသိုင်းအ၀ိုင်းနဲ့ နီးစပ်သူတယောက်က ပြောပါတယ်။
အခုလက်ရှိကာလတွင် ကွမ်းရွက်တပိဿာကို ၃၂၀၀၀ ကျပ်၊ကွမ်းသီးတစ်ပိဿာကို ၃၄၀၀၀ ကျပ်၊ကွမ်းစားဆေး 92 - တဘူးကို ၁၆၀၀၀ ကျပ်၊ဘုရင်မဆေးတဘူးကို ၁၆၀၀၀ ကျပ်နဲ့ ဆင်ကနယ်ဆေးတဘူး(ဘူးကြီး)တဘူးကိုကျပ် ၆၀၀၀၀ အထိပေါက်ဈေးရှိနေတာဖြစ်တယ်လို့ ကွမ်းယာဆိုင်လုပ်ငန်းလုပ် ကိုင်သူတွေက ပြောပါတယ်။
“ဆေးမွှေးတဘူးကိုနှစ်ဆတက်ပါတယ်။ကွမ်း ယာဆိုင်အသေးလေးတွေရပ်တည်နိုင်ဖို့မလွယ်ကူတော့ပါဘူး။ကွမ်းစားတဲ့သူတွေလည်းမ လွယ်တော့ပါဘူး။တချို့ဆိုင်ကငါးရာဖိုးကိုနှစ်ယာပေးတယ်၊အချိူ့ဆိုင်ကသုံးယာပေးပါတယ်”လို့ ကွမ်းစားသုံးသူတယောက်က ဆက်ပြီး ပြောပြပါတယ်။
ဒီလိုကွမ်းစားဆေးတွေဈေးနှုန်းအဆမတန်မြင့်တက်လာရတာဟာ အဓိကပြဿနာကတော့နယ်စပ်၀င်ပေါက်တွေကနေ ပစ္စည်းတွေမ၀င်တော့လို့ဖြစ်တယ်လို့ ကွမ်းယာဆိုင်လုပ် ငန်းလုပ်ကိုင်သူတွေနဲ့ ကုန် သည်တွေက ထပ်လောင်းပြောပြပါတယ်။
"နယ်စပ်အပေါက်တွေအကုန်ပိတ်တော့ဈေးတွေက အကုန်နှစ်ဆ၊သုံးဆတွေဖြစ်ကုန်တာပါ"လို့ ကုန်သည်တယောက်က VOM ကို ပြောပါတယ်။
စားသုံးသူရေးရာဦးစီးဌာနက ထုတ်ပြန်ထားတဲ့ အချက်အလက်တွေအရ ကွမ်းယာစိုက်ပျိုးသူတွေအနေနဲ့ မုတ်သုံရာသီထက် ဆောင်းရာသီမှာ အမြတ်အစွန်းပိုမိုရရှိနေတယ်လို့ ဆိုပါတယ်။
ဒါအပြင်မုတ်သုံရာသီမှာကွမ်းခြံတွေပျက်စီးတတ်ပြီး ပိုးမွှားတွေက စိုက်ခင်းတွေကို ဖျက်စီးတာတွေကိုပြုလုပ်တတ်ကြလို့ ကွမ်းအထွက်နှုန်း‌လျော့တယ်လို့ သိရပါတယ်။
"မိုးရာသီကျလေပြင်းတိုက်ခတ်တာတွေရေကြီးတာပိုးမွှားဝင်ရောက်တယ်။ဒါကြောင့်လည်းကွမ်းအ ထွက်နှုန်းကျပါတယ်"လို့ ကွမ်းစိုက်တောင်သူတွေကပြောပါတယ်။
ကွမ်းပင်ဟာစိုက်ပျိုးပြီးငါးလမှ ခြောက်လအတွင်းကွမ်းရွက်ကို ဆွတ်ယူနိုင်သလိုကွမ်းသီးမျိုးစိတ်ပေါ်မူတည်ပြီးတော့ သုံးနှစ်မှငါးနှစ်အထိရိတ်သိမ်းနိုင်တယ်လို့လည်းကွမ်းစိုက်တောင်သူတွေက ဆိုပါတယ်။
အဲဒါအပြင်ကွမ်းယာစိုက်ပျိုးခြင်းဟာအသေးစားတောင်သူလယ်သ မားတွေအတွက်လုပ်အားနဲ့ ၀င်ငွေရစေမယ့်လုပ်ငန်းတခုဖြစ်တယ်လို့လည်း သိရှိရပါတယ်။
Photo - Google