Hti Bwar

Hti Bwar

Hti Bwar

Hti Bwar

Hti Bwar

လူကောင်းတစ်ယောက်မဟုတ်သလို
လူလိမ္မာလည်း မဟုတ်ပြန်ဘူး
ဒါပေမယ့် သိပ်ရိုးရှင်းသော
သာမန်လူတစ်ယောက်ပါ
တတ်နိုင်သလောက် ကူညီလိုက်တယ်
တန်ပြန် ကျေးဇူးတရားတွေကို
မျှော်လင့်မထားဘူး
အကောင်းဆုံး ချစ်ပေးလိုက်တယ်
ဘာမှမမျော်ဘူးဘာကြောင့်ဆို.....
တချို့က
ချစ်ခြင်းမေတ္တာရဲ့တန်ဖိုးကိုမသိတာထက် တစ်ဖက်လူရဲ့တန်ဖိုးကိုမသိတာ
ဒါကြောင့်
လူတွေကိုသံယောဇဥ်ရှိခြင်းထက်
ပန်းတွေနဲ့စာအုပ်တွေကို ပိုတွယ်တာမိတယ် သူတို့က ငါ့ကို ဘယ်တော့မှ
နာကျင်အောင်မလုပ်နိုင်တဲ့
အေးချမ်းခြင်းတွေ ဖြစ်နေလို့ပဲ။

လူတစ်ချို့က သူ့ကိုယ်သူတော့
အပေါ်စည်းကဆိုပြီး ဂုဏ်ဆာနေတာ
သူရောက်နေတဲ့အပေါ်စည်းဆိုတာ
ဘေးလူအမြင်မှာတော့ လူတကာကို နိူင်းထက်စည်းနင်း
အောက်တန်းကျလွန်းနေတယ်ဆိုတာ
သူ့ကိုယ်သူတော့ သိနေမယ်မထင်ဘူး
လူဆိုတာ သူ့ဘက်ကိုယ့်ဘက် မျှတွေးတတ်ရတယ်
မှန်လိုပဲ တစ်နေ့တူသောအကျိုး ပေးလာရင်
ခံနိူင်ရည်ရှိအောင်လဲ သင်ယူထားရတယ်....
#စာပေ

#ဟန်ဆောင်ကောင်းမှလူလေးစားခံရတဲ့ခေတ်

ဟန်ဆောင်ကောင်းမှ
လူလေးစားခံနေရတဲ့ ခေတ်မှာ
အရှိကိုအရှိအတိုင်းနေတတ်တဲ့
သင်ဟာ အရာမဝင်တဲ့သူတစ်ယောက်
ဖြစ်ချင်ဖြစ်နေနိုင်တယ်။

အပြောကောင်းမှ
လူအထင်ကြီးခံနေရတဲ့ ခေတ်မှာ
အမှန်ကိုအမှန်အတိုင်းပြောတတ်တဲ့
သင်ဟာ လူ့ကန့်လန့်တစ်ယောက်
ဖြစ်ချင်ဖြစ်နေနိုင်တယ်။

ပေးနိုင် ကမ်းနိုင်မှ
မျက်နှာကောင်းရနေတဲ့ခေတ်မှာ
ဝမရှိဘဲ ဝိမလုပ်တတ်တဲ့
သင်ဟာ အပယ်ခံတစ်ယောက်
ဖြစ်ချင်ဖြစ်နေနိုင်တယ်။

ကပ်ဖား ရပ်ဖားလုပ်မှ
နေရာကောင်းရနေတဲ့ ခေတ်မှာ
ကိုယ့်လမ်းကိုယ်ဖောက်ဖို့ကြိုးစားနေတဲ့သင်ဟာ လူရယ်ချင်စရာ
ဖြစ်ချင်ဖြစ်နေနိုင်တယ်။

သူတစ်ပါးကိုနင်းခွနိုင်မှ
အထက်ကိုရောက်နိုင်တဲ့ခေတ်မှာ
ကိုယ့်ထက်နိမ့်ကျသူတွေကို
တတ်နိုင်သလောက်တွဲယူချင်နေတဲ့
သင်ဟာ လူနုံလူအတစ်ယောက်
ဖြစ်ချင်ဖြစ်နေနိုင်တယ်။

သူတစ်ပါးကို တွန်းတိုက်ပြီးမှ
အောင်မြင်နိုင်တဲ့ခေတ်မှာ
လိပ်ပြာသန့်သန့်နဲ့အသက်ရှင်နေထိုင်
နိုင်အောင်ကြိုးစားနေတဲ့သင်ဟာ
လူတွေနဲ့အံမဝင်သူတစ်ယောက်
ဖြစ်ချင်ဖြစ်နေနိုင်တယ်။

ဒါပေမယ့်...
လူရာမဝင်လို့လည်း အားငယ်မနေပါနဲ့။
ဖယ်ကျဉ်ခံနေရလို့လည်း သိမ်ငယ်မနေပါနဲ့။
အလှောင်အပြောင်ခံနေရလို့လည်း
ဒေါသထွက်မနေပါနဲ့။
ကဲ့ရဲ့ခံနေရလို့လည်း စိတ်ဓာတ်ကျမနေနဲ့။
မထီမဲ့မြင်အပြုခံနေရလို့လည်း
ဝမ်းနည်းမနေပါနဲ့။
မသမာသူတွေရဲ့ စည်းအပြင်ဘက်ကို
ရောက်နေလို့လည်း ပူပန်မနေပါနဲ့။
သင် ငယ်ငယ်တုန်းက
အရမ်းကြိုက်နှစ်သက်ခဲ့ကြတဲ့
စင်ဒရဲလားပုံပြင်လေးကိုမှတ်မိဦးမယ်
ထင်ပါတယ်။

စိတ်ထားယုတ်မာတဲ့မိထွေးနဲ့
ညီအစ်မတွေကြားမှာ ဝိုင်းဝန်း
လက်ညိုး အထိုးခံပြီးကြီးပြင်းလာရတဲ့
စင်ဒရဲလားလေးဟာနောင်တစ်ချိန်မှာတော့ပျော်ရွှင်စရာတွေနဲ့ ဇာတ်သိမ်းခဲ့ရပါတယ်။

ဒါက ပုံပြင်ထဲမှာပဲလေ
အပြင်လောကမှာတော့
ဒီလောက် ကံမကောင်းနိုင်ဘူးလို့
စောဒကမတက်လိုက်ပါနဲ့။

သင့်ကံကြမ္မာဆိုတာ
သင့်လက်ထဲမှာရှိတဲ့ သင်ပိုင်ဆိုင်တဲ့
အဖိုးတန်ရတနာတစ်ခုပါ။

သင်ကောင်းရင် သင့်ကံလည်း
ကောင်းနေမှာဖြစ်သလို
သင်ဆိုးရင်တော့ သင့်ကံလည်း
ဆိုးနေပါလိမ့်မယ်။

လက်ရှိအခြေအနေမှာ
မအောင်မြင်ခြင်း၊ဆုံးရှုံးခြင်း၊
အနှိမ်ခံရခြင်းတွေအတွက်
စိတ်ပျက်နေစရာမလိုပါဘူး။
ဘယ်သူ့ကိုမှ၊ဘယ်အရာကိုမှ
အပြစ်တင်နေဖို့လည်းမလိုပါဘူး။
"သူကောင်းဖို့မလိုပါ။
ကိုယ်ကောင်းဖို့သာလိုပါတယ်"
ဆိုတဲ့စကားလေးအတိုင်းပါပဲ။
သင်ကသူတစ်ပါးအပေါ်
ကောင်းနေပါလျှက်နဲ့
တစ်ဖက်သားကသင့်အပေါ်
မကောင်းတာတွေနဲ့ကြုံရတဲ့အခါ
ဒီစကားလေးကိုသတိရလိုက်ပါ။
သူ မကောင်းတာကသူ့ရဲ့တာဝန်ပါ။
သင် ကောင်းဖို့ကတော့
သင့်ရဲ့တာဝန်ပဲပေါ့။
သူ မကောင်းလို့သင်လည်းတုံ့ပြန်ပြီး
မကောင်းတာတွေပြန်လုပ်မယ်ဆိုရင်
သင်လည်းသူနဲ့အဆင့်တူ၊
မကောင်းတဲ့လူဖြစ်သွားမှာပါပဲ။
အရေးကြီးဆုံးကတော့
လောကမှာကိုယ့်တာဝန်
ကိုယ်ကျေပွန်အောင်
ထမ်းဆောင်တတ်ဖို့လိုပါတယ်။
လောကမှာ တာဝန်ကျေပွန်တဲ့
သူဟာ သေတာတောင်မှ
နောင်တနဲ့မသေရတတ်ပါဘူး။

တစုံတယောက်ကပြောဖူးတယ်
မင်းတခုခုကို အရမ်းစွဲလမ်းနေတဲ့အခါ
လက်လွတ်ကြည့်လိုက်ပါ
တကယ်လိုသူက မင်းဆီ
ပြန်ရောက်လာတယ်ဆိုရင်
အဲအရာကို မင်းထာ၀ရ ပိုင်ဆိုင်သွားလိုက်မယ်

တကယ်လိုသူက မင်းဆီပြန်မရောက်
လာဘူးဆိုရင်တော့
အစကတည်းက မင်း
မပိုင်ဆိုင်ခဲ့ဖူးလိုပဲ။

ကိုယ့်ရဲ့ ပျော်ရွှင်ခြင်း
ဝမ်းနည်းခြင်းတွေဟာ
ဘယ်သူနဲ့မှ သက်ဆိုင်မနေပါဘူးဆိုတဲ့
အတွေးတွေ ဝင်လာတဲ့နေ့ကစပြီး
အရာအားလုံးကို သိမ်းထားလိုက်တော့တာပါပဲ ...
ပျော်နေတယ် ပျော်မနေဘူး
ပြောပြမနေတော့သလို ငိုနေတယ် ငိုမနေဘူးဆိုတာလည်း
ဘယ်သူမှ သိဖိုမှ မလိုပဲလေ ။
ဘယ်သူက ဂရုစိုက်မှာမိုလိုလဲ
ဘယ်သူ့အတွက် အရေးကြီးမှာ မိုလိုလဲ
ဒီတိုင်းလေးထားပြီး ပြောစရာဖြစ်မလာအောင်
ဒီတိုင်းလေး သိမ်းထားလိုက်တာပဲ အဆင်ပြေပါတယ် ။