Discover postsExplore captivating content and diverse perspectives on our Discover page. Uncover fresh ideas and engage in meaningful conversations
အသင်းသစ်နဲ့ ပထမဆုံးပွဲမှာ ဂိုးပြတ်နိုင်ခဲ့တဲ့ ဆိုးရှား
တူရကီကလပ် ဘက်ဆစ်တပ်အသင်းကို နည်းပြအဖြစ်ကိုင်တွယ်နေပြီဖြစ်တဲ့ မန်ချက်စတာ ယူနိုက်တက်နည်းပြဟောင်း အိုလေဂန်နာဆိုးရှား ဟာ ဒီကနေ့ ကစားခဲ့တဲ့ ယူရိုပါလိဂ်ပွဲစဉ်မှာ အသင်းသစ်ကို စတင်ကိုင်တွယ်ခဲ့ပြီး နိုင်ပွဲ ရယူပေးခဲ့ပါတယ် ။
ဘက်ဆစ်တပ်အသင်းဟာ စပိန်လာလီဂါကလပ် ဘီဘာအို အသင်းကို အိမ်ကွင်းမှာ ၄-၁ နဲ့ အနိုင်ရရှိခဲ့တာဖြစ်ပြီး အဖွင့်ဂိုးကို ဆိုးရှား မန်ယူနိုက်တက်မှာ နာမည်ကြီးခဲ့တဲ့ counter play ကနေ သွင်းယူခဲ့တာပဲ ဖြစ်ပါတယ် ။
ဒီနိုင်ပွဲဟာ ဘက်ဆစ်တပ်အတွက် အဖိုးတန်ခဲ့ပြီး ယူရိုပါလိဂ် ရှုံးထွက်အဆင့်ကို တက်ရောက်နိုင်ဖို့ မျှော်လင့်ချက်တွေ ဖြစ်လာစေခဲ့ပါတယ်
#ဘောလုံးသတင်းစုံ
ရပ်ထားသည့်တွဲယာဉ်ကို ဟိုက်ဂျက်ယာဉ်မှ တိုက်မိရာ အမျိုးသမီး(၁) ဦးသေ၊ (၃) ဦးဒဏ်ရာရ
ဇန်နဝါရီ ၂၃
ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်းမြို့နယ်)၊ (၁) ရပ်ကွက်၊ တပင်ရွှေထီးလမ်းနှင့် တောင်ငူလမ်းထောင့်တွင် ရပ်ထားသည့်တွဲယာဉ်ကို ဟိုက်ဂျက်ယာဉ်မှ အရှိန်လွန်၍ တိုက်မိရာ အမျိုးသမီး(၁) ဦးသေဆုံးပြီး၊ (၃) ဦးဒဏ်ရာရရှိခဲ့ကြောင်း သိရသည်။
ဇန်နဝါရီလ ၂၃ ရက် နံနက် ၅ နာရီအချိန်ခန့်တွင် ယာဉ်တိုက်မှုဖြစ်ပွားရာ လူတစ်ဦးညှပ်နေကြောင်း သတင်း ရရှိသောကြောင့် ဖြစ်စဉ်နေရာသို့ လှိုင်သာယာမြို့နယ်မီးသတ်စခန်းမှ ရှာဖွေကယ်ဆယ်ယာဉ်(၁) စီး၊ သန္ဓေမီးသတ်တပ်ဖွဲ့ဝင်များနှင့်အတူ လူမှုကူညီရေးအသင်းတို့မှ ဝိုင်းဝန်းကူညီမှုများပြုလုပ်ခဲ့ကြောင်း သိရသည်။
“စုစုပေါင်း ၅ ယောက်။ ယာဉ်မောင်းက ပွန်းပဲ့ဒဏ်ရာရတယ်။ ယာဉ်ခေါင်းမှာ လိုက်လာတဲ့အမျိုးသမီးတစ်ဦး သေတယ်။ အသက် (၁၄)နှစ်အရွယ်ရှိတဲ့ မိန်းကလေးက ဦးခေါင်းကွဲတယ်။ နောက်ထပ် (၁၅) နှစ်ဝန်းကျင်ရှိတဲ့ ကောင်လေးက လက်ကျိုးတယ်။ ကျန်တစ်ယောက်ကတော့ ဘာမှမဖြစ်ဘူး” လို့ မြေပြင်အားသွားရောက် ကူညီသည့် မြို့ခံလူမှုကူညီရေးအသင်းမှ တာဝန်ရှိသူတစ်ဦးမှ ပြောသည်။
အဆိုပါဒဏ်ရာရရှိသူများကို ရန်ကုန်ပြည်သူ့ဆေးရုံ၊ မြောက်ဥက္ကလာပဆေးရုံနှင့် လှိုင်သာယာဆေးရုံသို့ ပို့ဆောင်ပေးလိုက်ကြောင်း သိရသည်။
#သတင်းဟင်းလေးအိုးကြီး
မြဝတီဒေသက ကျားဖြန့်ကို တရုတ်၊မြန်မာ၊ထိုင်း ပူးပေါင်းနှိမ်နင်းမည်
ကူမင်း၊ ဇန်နဝါရီ ၂၃
မြန်မာနိုင်ငံ၊ မြဝတီမြို့နယ်ရှိ အွန်လိုင်းငွေလိမ်လည်မှုလုပ်ငန်း(ကျားဖြန့်)ကို တရုတ်၊ မြန်မာ၊ ထိုင်း ပူးပေါင်း၍ နှိမ်နင်းနိုင်ရေး ဆွေးနွေးခဲ့ကြသည်ဟု တရုတ်သတင်းဌာန Global Times က ဖော်ပြခဲ့သည်။
တရုတ်နိုင်ငံ အနောက်တောင်ပိုင်း ကူမင်း (Kunming) မြို့တွင် ဇန်နဝါရီ ၂၁ ရက်က တရုတ်ထိပ်သီးအရာရှိများ သည် ကမ္ဘောဒီးယား၊ လာအို၊ မြန်မာ၊ ထိုင်းနှင့် ဗီယက်နမ်နိုင်ငံများမှ ကိုယ်စားလှယ်များနှင့်အတူ လန်ကန်-မဲခေါင် (Lancang-Mekong) တရားဥပဒေစိုးမိုးရေး ပူးပေါင်းဆောင်ရွက်မှု အစည်းအဝေးကို ပြုလုပ်ခဲ့ကြသည်။
ထိုအစည်းအဝေးအတွင်း တရုတ်၊ မြန်မာနှင့် ထိုင်းနိုင်ငံတို့မှ ထိပ်သီးအရာရှိများသည် မြန်မာနိုင်ငံ၊ မြဝတီမြို့ရှိ ကျားဖြန့် လုပ်ငန်းများကို တိုက်ဖျက်ရေးအတွက် ပူးပေါင်းဆောင်ရွက်မှုအပေါ် သဘောထားများ ဖလှယ်ခဲ့ကြသည်။
လန်ကန်-မဲခေါင် တရားဥပဒေစိုးမိုးရေးနှင့် လုံခြုံရေးပူးပေါင်းဆောင်ရွက်မှု ယန္တရား၏ မူဘောင်အောက်တွင် လက်တွေ့ကျသည့် ပူးပေါင်းဆောင်ရွက်မှုကို မြှင့်တင်ရန် သဘောတူခဲ့ကြသည်။
ထိုယန္တရားအတွင်း ထောက်လှမ်းရေး သတင်းအချက်အလက်များ မျှဝေမှု၊ ပူးတွဲစစ်ဆင်ရေးများ၊ စွမ်းဆောင်ရည် မြှင့်တင်မှု၊ ပြည်သူ့လုံခြုံရေး ဖြစ်စဉ်များကို တုန့်ပြန်ရာတွင် ဆက်သွယ်ရေးနှင့် အရေးပေါ် ညှိနှိုင်းဆောင်ရွက်ရေး၊ နယ်စပ်ဖြတ်ကျော် ရာဇဝတ်မှုများကို ပူးပေါင်းတိုက်ဖျက်ရေးတို့ ပါဝင်သည်။
ထိုအစည်းအဝေးသည် အာဆီယံနိုင်ငံများက ပြည်သူများ၏ အကျိုးစီးပွားကို ထိခိုက်နစ်နာစေသည့် ထိုင်း-မြန်မာ နယ်စပ်တစ်လျှောက်ရှိ အွန်လိုင်းလောင်းကစား လုပ်ငန်းများနှင့် ကျားဖြန့်လုပ်ငန်းများ၏ စိုးရိမ်ဖွယ်ကောင်းသော အခြေအနေကို မီးမောင်းထိုးပြသရာ ရောက်ခဲ့သည်။
အစည်းအဝေးသို့ တက်ရောက်လာသည့် ကိုယ်စားလှယ်များက ကျားဖြန့်လုပ်ငန်းကို အမြစ်ပြတ် တိုက်ဖျက်ရန် အတွက် စီမံကိန်းများ ချမှတ်ရန်၊ ပူးပေါင်းဆောင်ရွက်မှုများနှင့် စစ်ဆင်ရေးများပြုလုပ်ရန် တညီတညွတ်တည်း သဘောတူခဲ့ကြသည်။
ထို့ပြင် ကျားဖြန့်လုပ်ငန်းများတွင် ပိတ်မိနေသည့် နစ်နာသူများကို ကယ်တင်ရန်၊ ရာဇဝတ်ဂိုဏ်း ခေါင်းဆောင် များကို ဖမ်းဆီးရန်၊ ကျားဖြန့်စင်တာများကို ဖျက်သိမ်းရန်၊ လန်ကန်-မဲခေါင်ဒေသတွင် နေထိုင်သူများအတွက် ဘေးကင်းလုံခြုံသည့် ပတ်ဝန်းကျင်ကို ဖန်တီးပေးရန် စသဖြင့် ပူးပေါင်းဆောင်ရွက် သွားကြမည်ဖြစ်သည်။
ဇန်နဝါရီ ၂၁ ရက်တွင် လန်ကန်-မဲခေါင် ပူးတွဲ တရားဥပဒေ စိုးမိုးရေးနှင့် လုံခြုံရေး ပူးပေါင်းဆောင်ရွက်ရေးစင်တာ (LMLECC) က သီးခြားထုတ်ပြန်သည့် ကြေညာချက် တစ်စောင်တွင် ၂၀၂၄ ခုနှစ်၊ ဩဂုတ်လမှ ဒီဇင်ဘာလအတွင်း ကမ္ဘောဒီးယား၊ တရုတ်၊ လာအို၊ မြန်မာ၊ ထိုင်းနှင့် ဗီယက်နမ် နိုင်ငံများတွင် ပူးတွဲပြုလုပ်သည့် စစ်ဆင်ရေးများ အတွင်း ကျားဖြန့်လုပ်ငန်း လုပ်ကိုင်သည်ဟု သံသယရှိရသူ ၇၀,၀၀၀ ခန့်ကို ဖမ်းဆီးရမိပြီး နစ်နာသူ ၁၆၀ ကျော် အား ကယ်တင်ခဲ့သည်ဟု ဖော်ပြထားသည်။
LMLECC သည် လန်ကန်-မဲခေါင် ပူးပေါင်းဆောင်ရွက်ရေး ယန္တရား၏ မူဘောင်အောက်တွင် လန်ကန်-မဲခေါင် ဒေသ၏ နိုင်ငံရေးလုံခြုံမှုအတွက် ဖွဲ့စည်းထားသော ပထမဆုံး နိုင်ငံတကာ အစိုးရအချင်းချင်း ပူးပေါင်းဆောင်ရွက် သည့် အဖွဲ့အစည်းတစ်ခု ဖြစ်သည်။
Source: Global Times
ပုံ - မြဝတီမြို့နယ် ရွှေကုက္ကိုလ်က ကျားဖြန့်အရေး BGF-DKBA-တရုတ်လုပ်ငန်းရှင်များ ဆွေးနွေးကြစဉ်
#centralnewsnaypyitaw
