တစ်နေ့ကို ရေချို လီတာပေါင်း သန်း ၆၀၀ ထုတ်လုပ်ပေးနေတဲ့ ကာတာနိုင်ငံမှ ရေချိုစက်ရုံကြီး
ရေချိုရင်းမြစ် နည်းပါးတဲ့ သဲကန္တာရထဲမှ ကာတာနိုင်ငံဟာ ကမ္ဘာပေါ်မှာ အကြီးမားဆုံး ရေချိုထုတ်စက်ရုံကြီး တစ်ရုံကို လည်ပတ်လျက်ရှိပြီး နေ့စဉ်နေ့တိုင်း သောက်ရေ လီတာပေါင်း သန်း ၆၀၀ ထုတ်လုပ်လျက်ရှိပါတယ်။
အဲဒီစက်ရုံဟာ ပင်လယ်ရေထဲမှ ဆားဓာတ်နဲ့ အညစ်အကြေးတွေကို ဖယ်ရှားနိုင်ဖို့ thermal distillation (ပေါင်းခံနည်းပညာ)နဲ့ reverse osmosis(RO) နည်းပညာတွေကို အသုံးပြုထားတာ ဖြစ်ပြီး ကာတာနိုင်ငံရဲ့ ရေချိုလိုအပ်ချက် ၇၀ ရာခိုင်နှုန်းကို ဖြည့်ဆည်းပေးနေတာပါ။
ရေချိုစက်ရုံမှာ တွင်းထွက်လောင်စာ အသုံးပြုမှု(ကာဗွန် ထုတ်လွှတ်မှု) လျော့နည်းစေဖို့အတွက် ပြည်ဖြိုးမြဲစွမ်းအင်တွေနဲ့ ပေါင်းစပ်အသုံးပြုလျက် ရှိပါတယ်။ ရေချို ရှားပါးမှုဟာ အရှေ့အလယ်ပိုင်းနိုင်ငံတွေ ကြုံရလေ့ရှိတဲ့ အကြီးမားဆုံး စိန်ခေါ်မှုတစ်ရပ်ဖြစ်ပြီး ကာတာနိုင်ငံမှာ လည်ပတ်နေတဲ့ ရေချိုစက်ရုံကြီးဟာ အခြားရေချိုရှားပါးတဲ့နိုင်ငံတွေအတွက်လည်း ရှေ့ဆောင်လမ်းပြမှုတစ်ရပ်အဖြစ် ရှိနေပါတယ်။
Ref: Qatar operates one of the largest desalination plants in the world, producing 600 million liters of drinking water daily