(၁) 🌸🌸 လွန်းထားထား - ဆေးတက္ကသိုလ် 🌸🌸
🌸 ❤ " ရင်ခွင်နန်းတော် " ❤ 🌸
🌹 "နင်နဲ့အတူရှိနေတဲ့ အချိန်တွေမှာ ငါပျော်နေတတ်တာ
နင်သိပါတယ်နော်၊ ငါ တစ်ခုစဉ်းစားမိတယ်...ငါ
ရည်းစားထားမိရင်တောင် ငါ့ရည်းစားဘေးမှာနေရတာဟာ နင့်ဘေးမှာနေရတာလောက် ပျော်မိပါ့မလားလို့"
❤ "ငါ့ လက်စွပ်ကလေးကို နင် ဘယ်တော့မှမချွတ်နိုင်တဲ့လက်မှာပဲ ငါ စွပ်ပေးချင်တာ၊ ညာလက်သူကြွယ်မှာ ငါ့လက်စွပ်ကို နင်စွပ်ထားရင် နင့်ရဲ့လက်ထပ်လက်စွပ်အစစ်ရောက်လာတဲ့အခါ ငါ့လက်စွပ်ကလေးကို နင်ချွတ်ပစ်လိုက်မှာကို ငါ မခံနိုင်ဘူး"
"ငါ မချွတ်ပစ်ဘူး ဆိုရင်ကော"
🌹 "ငါ ကောင်မလေးတစ်ယောက်ကို Propose လုပ်တော့မလို့ "
"ဟင်..."
သူမ အံ့ဩသွားသည်။ ဟင့်အင်း...အံ့ဩသွားခြင်းသက်သက် မကပါ၊ တုန်လှုပ်သွားကာ မျှော်လင့်ချက်အားလုံး ရိုက်ချိုးဖျက်ဆီး ခံလိုက်ရခြင်း ဖြစ်သည်။
သူ...ကိုယ့်ကို တစ်သက်လုံးဖွင့်မပြောတော့ဘူး ဆိုတာကိုတော့ ကြိုတင်ရိပ်မိခဲ့ပါသည်။ သို့သော် တိတ်တခိုး မျှော်လင့်ခြင်းကတော့ ကိန်းဝပ်ခဲ့သေးသည်ပင်။ "အချစ်"ဆိုတာကို ကြိုတင်တွက်ဆ မထားရဲခဲ့...။ ခုတော့ အားလုံး ပြိုလဲပျက်စီးခဲ့ပြီ။ သူမ တို့နှစ်ယောက် ဘယ်သောအခါမှ ချစ်သူတွေဖြစ်လာနိုင်စရာ အကြောင်းမရှိတော့...။
"မင်း...ဘာဖြစ်လို့ ငိုင်ကျသွားတာလဲ "
သူမက သူ့ကို မျက်လုံးလှန်ကြည့်ကာ ခပ်ဖြေးဖြေး ခေါင်းခါ ပြလိုက်သည်။
"မဟုတ်ဘူး...ငါ စဉ်းစားနေတာပါ၊ နင် Propose လုပ်မယ့် မိန်းမမှာ ဘယ်လောက်ထူးခြားတဲ့ အချက်အလက်တွေများ ရှိနေနိုင် မလဲလို့ပါ"
❤ "ငါ တစ်ခုမေးမယ်၊ နင် မှန်မှန်ဖြေပါ...၊ နင် သူ့ကို တကယ်ချစ်သလား"
"ငါ သူ့ကို Propose လုပ်တဲ့အခါ ခင်ဗျားကိုကျွန်တော် လက်ထပ်ချင်တယ်လို့ စပြောမှာ...ငါလိုချင်တာ ဒါပဲလေ၊ ငါ သူ့ကို ဦးနှောက်ကပဲ လိုချင်တာ...ငါ့နှလုံးသားက လိုချင်တာမှမဟုတ်ဘဲ၊ ငါ သူ့ကိုမချစ်ဘူး"
"မိန်းမတစ်ယောက်ကို မချစ်ဘဲ လက်ထပ်ဖို့ကမ်းလှမ်းတဲ့ ယောကျာ်းဟာ ဘယ်လောက်မတရားလိုက်သလဲလို့ နင်မတွေးမိဘူးလား "
"ဘာဖြစ်လို့ မတရားရမှာလဲ၊ ငါ့ဖက်ကိုလည်း နင်ပြန်တွေးပါဦး၊ ငါ ချစ်တဲ့မိန်းမကိုတောင် ငါ လက်မထပ်ဘဲ နေခဲ့သေးတာပဲ၊ ချစ်တိုင်းလည်း လက်မထပ်ဖြစ်သလို လက်ထပ်တိုင်းလည်း မချစ်ပါဘူး၊ ငါတို့ လူမှုရေးတစ်ခုကို လုပ်လိုက်တာပဲရှိတယ်၊ ချစ်တဲ့လူချင်းပေါင်းတာက တစ်မျိုးပေါ့"
🌹 "ငါလိုချင်တဲ့မိန်းမဟာ ကမ္ဘာပေါ် မှာ တစ်ယောက်တည်းရှိတာလည်း သေချာတယ်၊ အဲဒါထက် ပိုသေချာ တာက ငါ သူ့ကို မရနိုင်ဘူးဆိုတဲ့အချက်ပဲ"
❤ သူမ သဘောကျသော...ယောကျာ်းသည် ဘယ်လိုဖြစ်ရမည် ဟု "စံ"သတ်မှတ်ထားစရာ ထူးထူးခြားခြား မရှိခဲ့ဘဲ...ထိုယောကျာ်း တွင်ရှိသမျှ အရည်အသွေး၊ စိတ်နေစိတ်ထား၊ အကျင့်စရိုက်၊ တွေးခေါ် မြော်မြင်မှု၊ လောကကြီးအပေါ် ရှုမြင်သုံးသပ်မှု၊ စိတ်ဓာတ်၊ ဉာဏ်ပညာ၊ ရည်ရွယ်ချက်အားလုံးသည် အံ့ဩစရာကောင်းလေစွာ သူမရဲ့ "စံ"များ သာဖြစ်ခဲ့သည်။
သူ ဘာလုပ်လုပ် သူမက ရင်သပ်ရှုမောလက်ခံအောင် သူက ဖမ်းစားနိုင်ခဲ့သည်။ သူနှင့် သူမသည် နေရာတော်
တော်များများမှာ အံ့မခန်းဖွယ် တူညီနေတတ်သည်။ စိတ်
ဆတ်ပုံချင်းရော၊ စိတ်ထက် ပုံခြင်းရော၊ ဆတ်ဆတ်ထိမခံတတ်ချင်းရော၊ ကြွပ်ဆတ်ကြွစောင်းကာ ဒေါသကြီတာ
ချင်းရော၊ မထီမဲ့မြင် ပြုတတ်ပုံချင်းရော၊ အရွဲ့တိုက် သရော်တတ်ပုံချင်းရော...အားလုံးအားလုံး တူသည်။
လောကတွင် သူမ၏ ချစ်သူရည်းစားဖြစ်ဖို့ အကောင်းဆုံး ယောကျာ်းမှာ သူတစ်ယောက်တည်းသာ ရှိပါသည်။ အဲဒီအချက်ကို သူမကိုယ်တိုင် တစ်ထစ်ချယုံကြည်လက်ခံသည်။ သူ့လောက်စိတ် တိုင်းကျစရာ အကောင်းဆုံး...၊ နှစ်ယောက်သား လက်ချင်းတွဲကာ လောကကို သရော်ရွဲ့စောင်းဖို့ အကောင်းဆုံး...နောက်ထပ် ယောကျာ်း တစ်ယောက် သူမသေသည်အထိ ထပ်မံပေါ်ပေါက်လာတော့မည် မဟုတ်တော့ပါ။
"ကိုယ့်ကိုယ်ကိုယ်အချစ်ဆုံး"ဟု အတ္တကြီးစွာ အမြဲကြွေးကြော်ခဲ့သော သူမတွင် ကိုယ်နှင့်ထပ်တူ ချစ်မြတ်နိုးစရာ ယောကျာ်းတစ်ယောက် ပေါ်ပေါက်ခဲ့သည်ဆိုလျှင် ထိုယောကျာ်းမှာ သူပဲဖြစ်ရမည်။
Crd
