၂၀၂၃ ခုနှစ် ဩဂုတ်လ ၁၂ ရက်နေ့ ထိုင်းနိုင်ငံရဲ့အမေများနေ့မှာ Ban Noen Kroi စာသင်ကျောင်းမှာ မိဘမေတ္တာကြားက နွေးထွေးစရာဖြစ်ရပ်တစ်ခုဖြစ်ပွါးခဲ့ပါတယ်
ဂျိုးလွတ်ဖုန်းဘောဒီ လို့အမည်ရတဲ့အမျိုးသားတစ်ဦးဟာ အသက် ၄၈ နှစ် အရွယ် single father တစ်ယောက်ဖြစ်ပြီး သမီးဖြစ်သူ ခရင်မ်ကို မွေးစားထားခြင်း ဖြစ်ပါတယ် နောက်ပြီး သူဟာ သမီးဖြစ်သူ ကျောင်းတက်နေတဲ့ ကျောင်းမှာပင် ကာယဆရာဆရာအဖြစ် လုပ်ကိုင်နေခြင်း ဖြစ်ပါတယ် ကျောင်းသားတွေက သူ့ကို ဆရာဂျိုး လို့ ခေါ်ကြပါတယ် ခရင်မ် ဟာ အသက် ၁၅ နှစ်ဝန်းကျင် ကျောင်းသူတစ်ဦးဖြစ်ပြီး ဖခင်ဂျိုးက တစ်ဦးတည်း ပြုစုပျိုးထောင်ထားခဲ့တာပါ
ထိုင်းနိုင်ငံက စာသင်ကျောင်းတွေမှာ အမေများနေ့မှာ ကျောင်းသားတွေက မိမိတို့ရဲ့ အမေတွေရှေ့မှာ ဒူးထောက်အရိုအသေပေးကာ စံပယ်ပန်းတွေနဲ့ ဂါရဝပြုတဲ့ အစဉ်အလာရှိပါတယ်
အမေ မရှိတဲ့ ခရင်မ်ဟာ ဒီအခမ်းအနားမှာ ပစ်ပယ်ခံရပြီး သူငယ်ချင်းတွေရဲ့ လှောင်ပြောင်မှုနဲ့ စိတ်အားငယ်မှာကို ဂျိုးတစ်ယောက် စိုးရိမ်ခဲ့ပါတယ်
အဲ့တာကြောင့် ဂျိုးဟာ သူရဲ့ဂုဏ်သိက္ခာ နဲ့ လူအများရဲ့အမြင်ကို ဂရုမစိုက်ဘဲ သမီးဖြစ်သူ ပျော်ရွှင်ရန်အတွက် အမျိုးသမီးဝတ်ဆုံအဖြစ် ဆံပင်ရှည်အတု နဲ့ ဂါဝန် တို့ကို ဝတ်ဆင်ကာ အခမ်းအနားသို့ တက်ရောက်ခဲ့ပါတယ်
သူက ‘’ကျောင်းရဲ့ အမေများနေ့ လှုပ်ရှားမှုတွေ လုပ်တဲ့အခါ ကျွန်တော့်ကလေးကို စိတ်ဓာတ်မကျစေချင်ဘူး ကျွန်တော် ရှက်စရာမလိုပါဘူး ဘာလို့လဲဆိုတော့ ကျွန်တော့်သမီးကို ချစ်လို့ပါဘဲ " လို့ မီဒီယာတွေကို ရှင်းပြခဲ့ပါတယ်
ခရင်မ်ဟာ သူ့ဖခင်ရဲ့ ပုံစံကို မြင်လိုက်ရတဲ့အခါ အလွန်ဝမ်းသာအားရ ပြုံးရယ်ကာ ဖခင်ရဲ့ရင်ခွင်ထဲသို့ ပြေးဝင်ပွေ့ဖက်ခဲ့ပါတယ် သူမဟာ အခြားအတန်းဖော်တွေလိုဘဲ အမေတွေရဲ့ရှေ့မှာအရိုအသေပေးခဲ့ကြပါတယ်
ခရင်မ်က သူမ ဖခင်ရဲ့ လုပ်ရပ်ကြောင့်လုံးဝရှက်ရွံ့ခြင်း မရှိကြောင်း ပြောကြားခဲ့ပြီး "ဒီနှစ် အမေများနေ့မှာ သမီးဖေဖေကို အရမ်းချစ်တယ်လို့ ပြောချင်ပါတယ် သမီးကို ပြုစုပျိုးထောင်ပေးပြီး ပျော်ရွှင်အောင် လုပ်ပေးတဲ့အတွက် ကျေးဇူးတင်ပါတယ် ဒီဘဝမှာ ဘာမှ လိုအပ်တယ်လို့ မခံစားရပါဘူး’’ လို့ ပြောခဲ့ပါတယ်
ဂျိုးဟာ ၎င်းရဲ့ TikTok နဲ့ Facebook တွေမှာ ဒီမြင်ကွင်းကို ရိုက်ကူးထားတဲ့ ဗီဒီယိုတွေနဲ့ ဓာတ်ပုံတွေကို မျှဝေခဲ့ရာ ကမ္ဘာတစ်ဝန်းရှိ လူမှုကွန်ရက် အသုံးပြုသူတွေထံမှချီးကျူးထောက်ခံမှုများစွာရရှိခဲ့ပါတယ်
