🏞️ဟိုပုံးမြို့နယ်၊ မဲနယ်တောင်တန်းဒေသ၊ ကျောက္ကချားရွာ🍀
တစ်ရွာလုံးနီးပါး သစ်သားတွေနဲ့ပဲတည်ဆောက်ထားတဲ့ ရိုးရာနေအိမ်လေးတွေ🏠
အနမ်းဝိုင်ရုပ်ရှင်ရို.က်ခဲ့တဲ့ရွာလေးပေါ့☘️
အခုနှစ်ပိုင်းမှသာတိုက်အိမ်လေးတွေဆောက်လာကြတာကိုတွေ့ရတယ်🏡
🏞️“ကျောက္ကချား” လို့ ဆိုလိုက်တာနဲ့ နှစ်တစ်ကျော်သက်တမ်းရှိတဲ့ တိုင်တစ်ရာနမ်းဟုတ်ကျောင်း၊ ရှေးဟောင်းပအိုဝ်းရိုးရာအိမ်များ၊ လှပတဲ့မဲနယ်တောင်တန်း၊ လှပတဲ့ရှုခင်းတွေကြောင့် ခရီးသွား Vloger များ၊ ရုပ်ရှင်ရိုက်သူများ၊ ဓာတ်ပုံရိုက်သူများ၊ ပြည်တွင်းပြည်ပခရီးသွားများအကြိုက်တွေ့တဲ့ ကျေးရွာဖြစ်ပြီး မြန်မာသာမက ကမ္ဘာပေါ်ပါနာမည်ကျော်ကြားတဲ့ ကျေးရွာလို့ဆိုကြပါတယ်🍀
🏞️တောင်ကြီး-ဟိုပုံး-လွိုင်လင် ပြည်ထောင်လမ်းမအတိုင်း ဟိုပုံးအကျော် ထမ်ဆမ်းဂူမရောက်ခင် ရွာသစ်ကျေးရွာအတွင်းရှိ အထူးဒေသ(၆)၊ မဲနယ်တောင်ဒေသ သို့ ဆိုသော ဆိုင်းဘုတ်အတိုင်း တောင်ဘက်ကတ္တရာလမ်းအတိုင်း ကွေ့တက်ရပါတယ်။
🏞️မဲနယ်တောင်ဒေသလမ်းအတိုင်း တက်ရင်း လမ်းပေါ်ရှိ လှပတဲ့ကျေးရွာများ(ထီလေန်၊ ထီဗွာ၊ စငေါ၊ နမ့်ဟူး၊ ယုတ်ပေး၊ လုဲင်းကင်၊ လုဲင်းကွဉ်၊ လုဲင်းပေး၊ ဗန်းစောက်၊ လုံးဟီ(စံဖူး) စတဲ့ကျေးရွာများကို ကျော်လိုက်တာနဲ့ လှပတဲ့ ကျောက္ကချား ကျေးရွာနဲ့ နမ်းဟုတ်တိုင်တစ်ရာကျောင်းကို ရောက်ပါပြီ။
🏞️ကျောက္ကချားကျေးရွာဆိုတာ အိမ်ခြေ (၇၀၀) ကျော်ရှိပြီး ပုံစံတူတဲ့ ရှေးဟောင်းအိမ်၊ နှစ်ဆောင်၊ သုံးဆောင်အိမ် (လမ်းကိုခေ့ꩻလမ်းဒေ့ꩻဆုံး) အများစုဖြစ်ကြပါတယ်။ ကတ္တရာလမ်းလမ်း ရွာထိပေါက်ပြီး အထက်တန်းကျောင်း၊ ဆေးပေးခန်း၊ ဆက်သွယ်ရေးလုပ်ငန်း၊ လျှပ်စစ်မီး အစုံအလင်ရှိပြီး ရှေးဟောင်းအိမ်အများစုဖြစ်ပေမယ့် ခေတ်မီပြီး သန့်ရှင်းသာယာတဲ့ စံပြကျေးရွာဖြစ်ပါတယ်။
🏞️တောတောင်ထူထပ်ပြီး သစ်ပင်ဖုံးလွှမ်းမှုများပြားတာကြောင့် ရေလည်း အိမ်ပေါ်ထိရောက်ပြီး နွေ၊ မိုး၊ ဆောင်း သုံးရာသီလုံး ကျေးရွာအတွင်း ရေစီးရေလာတဲ့အထိ
ရေပေါများတဲ့ကျေးရွာဖြစ်ပါတယ်။
🏞️အဓိကစိုက်ပျိုးရေးကတော့ လယ်၊ သနပ်ဖက်၊ ပြောင်း၊ ကော်ဖီ၊ ထောပတ်၊ လက်ဖက်တွေအပြင် အခြားသီးနှံများလည်း စုံစုံလင်လင်စိုက်ပျိုး အမွေးကြပါတယ်။
🏞️ယခုအခါ ကျောက္ကချား ကျေးရွာရဲ့ အလှအပကို အပြည့်အဝခံစားနိုင်ဖို့ ဒေသခံများက View Point မျှော်စင်တစ်ခု တည်ဆောက်ပေးထားပါတယ်။
🏞️ကျောက္ကချား ကျေးရွာကတော့ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ စံဖူးကျေးရွာအုပ်စု အတွင်း တည်ရှိပါတယ်
ရေကြီးတုန်းက တချို့လမ်းတွေပျက်စီးကုန်တာတွေတော့ရှိတယ်
