Discover postsExplore captivating content and diverse perspectives on our Discover page. Uncover fresh ideas and engage in meaningful conversations
ပင်မှည့်သီးဂျယ်လီ လုပ်နည်း 🍹🍹
ပင်မှည့်သီဂျယ်လီ နဲ့ အမောပြေ အအေးလေးလုပ်သောက်မယ် 🍹🍹🍹
လုပ်နည်းပုံမှာကြည့်ပေးပါ##
❝ဓာတ်မြေဩဇာအရည်အသွေး မှန်ကန်မှုရှိစေရေးအတွက် ဓာတ်ခွဲစစ်ဆေးရန် ဆောင်ရွက်လျက်ရှိဟုဆို❞
စက်တင်ဘာ ၂၃
နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်လျက်ရှိသော စိုက်ပျိုးရေးစီမံကိန်းများအတွက် ၂၀၂၄-၂၀၂၅ ခုနှစ် မိုးစပါးနှင့်မိုးသီးနှံများတွင် လိုအပ်သည့် မြေဩဇာများကို ရာသီချိန်မီဖြန့်ဖြူးပေးနိုင်ရေးနှင့် ဓာတ်မြေဩဇာအရည်အသွေး မှန်ကန်မှုရှိစေရေးတို့အတွက် တိုင်းဒေသကြီး၊ ပြည်နယ်စစ်ဆေးရေးမှူးများက ဓာတ်ခွဲစစ်ဆေးရန် ဆောင်ရွက်လျက်ရှိကြောင်း စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ဒုတိယဝန်ကြီး ဒေါက်တာတင်ထွဋ်က ပြောကြားသည်။
စက်တင်ဘာ ၁၈ ရက်တွင် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီးရုံး အစည်းအဝေးခန်းမ၌ ကျင်းပသည့် မြေဩဇာကော်မတီ၏ (၄၅)ကြိမ်မြောက် အစည်းအဝေးတွင် ပြောကြားခဲ့ခြင်းဖြစ်သည်။
အလားတူ သီးနှံများအထွက်နှုန်းကောင်းမွန်စေရေးနှင့် အကြောင်းအမျိုးမျိုးကြောင့် ထိခိုက်ခဲ့ရသည့် သီးနှံစိုက်ခင်းဧရိယာများကို သွင်းအားစုများဖြင့် အချိန်မီပြန်လည်ကုစားရေးလုပ်ငန်းများ ဆောင်ရွက်ရာ၌ သဘာဝမြေဩဇာနှင့် ဓာတ်မြေဩဇာများ တွဲဖက်အသုံးပြုခြင်းအပြင် မြေနမူနာဓာတ်ခွဲစစ်ဆေးချက် အပေါ်မူတည်ပြီး သက်ဆိုင်ရာတိုင်းဒေသကြီး၊ ပြည်နယ်များ၌ သီးနှံအလိုက်ထည့်သွင်းရမည့် မြေဩဇာထောက်ခံနှုန်းထားများပေးခြင်း၊ သွင်းအားစုများ စနစ်တကျထည့်သွင်းရေးအတွက် တောင်သူများအား နည်းပညာပေးခြင်းလုပ်ငန်းများအပြင် ဝန်ထမ်းများအနေဖြင့် ကွင်းဆင်းဆောင်ရွက်ခြင်းလုပ်ငန်းများကို ဆောင်ရွက်လျက်ရှိကြောင်း၊ တောင်သူများဘက်က တန်ဖိုးကြီးမြင့်သည့် ဓာတ်မြေဩဇာများကို အကျိုးရှိစွာအသုံးပြုနိုင်ရန် အပင်အာဟာရစီမံခန့်ခွဲမှု နည်းလမ်းများအတိုင်း စနစ်တကျလိုက်နာဆောင်ရွက်ကြရန် လိုအပ်ကြောင်း ပြောကြားသည်။
ထို့နောက် မြေဩဇာကော်မတီအတွင်းရေးမှူးက အစည်းအဝေးတွင် ဆွေးနွေးဆောင်ရွက်ရမည့် လုပ်ငန်းရပ်များအားတင်ပြရာ မြေဩဇာကော်မတီဥက္ကဋ္ဌနှင့်အဖွဲ့ဝင်များ၊ မြေဩဇာကျွမ်းကျင်ပညာရှင်များက အကြောင်းအရာတစ်ခုချင်းအပေါ် သုံးသပ်ဆွေးနွေးကြသည်။
စိုက်ပျိုးထုတ်လုပ်မှု တိုးတက်မြင့်မားစေရေးနှင့် စားရေရိက္ခာဖူလုံစေရေးအတွက် အရေးပါသော သွင်းအားစုတစ်ခုဖြစ်သည့် အရည်အသွေးပြည့်မီသော မြေဩဇာများကို အချိန်နှင့်တစ်ပြေးညီသုံးစွဲနိုင်ရန် မြေဩဇာမှတ်ပုံတင်ခြင်းအား မြေဩဇာကော်မတီက သုံးလတစ်ကြိမ် အစည်းအဝေးကျင်းပပြီး မြေဩဇာထုတ်လုပ်ခွင့်၊ တင်သွင်းခွင့်မှတ်ပုံတင် ပေးခြင်းလုပ်ငန်းများကို မြေဩဇာဥပဒေ၊ နည်းဥပဒေများနှင့်အညီ ကြီးကြပ်ဆောင်ရွက်ပေးလျက်ရှိကြောင်း သိရသည်။
မြေဩဇာကော်မတီ၏ (၄၄)ကြိမ်မြောက် အစည်းအဝေးအထိ မြေဩဇာမှတ်ပုံတင်လက်မှတ်ပေါင်း ၁၂၇၄၁ စောင်ကို စိစစ်ခွင့်ပြုပေးခဲ့ပြီးဖြစ်သော်လည်း မှတ်ပုံတင်သက်တမ်းကျော်လွန်၍ ဖျက်သိမ်းခြင်း၊ ကာယကံရှင်များ၏ တင်ပြချက်အရပယ်ဖျက်ခြင်းများ ဆောင်ရွက်ခဲ့ရသဖြင့် လက်ရှိတွင် တရားဝင်ခွင့်ပြုထားသည့် မြေဩဇာမှတ်ပုံတင် ၇၆၂၃ စောင်ဖြင့်လုပ်ငန်းများ ဆောင်ရွက်လျက်ရှိကြောင်းလည်း သိရသည်။
#centralnewsnaypyitaw
😁
❝ရွေးကောက်ပွဲပျက်အောင် ရန်ရည်ရွယ် နှောင့်ယှက်ဟန့်တားဖျက်ဆီးခြင်း ပြုလုပ်သည့် အသက် ၁၄/၁၆/၁၇ နှစ်အရွယ် တရားခံများအပါအဝင် ၉ ဦးကို အရေးယူ❞
စက်တင်ဘာ ၂၃
ပါတီစုံဒီမိုကရေစီ အထွေထွေရွေးကောက်ပွဲ ကျင်းပမှုကိုပျက်ပြားစေရန် ရည်ရွယ်၍ နှောက်ယှက်ဟန့်တားဖျက်ဆီးခြင်းများ ပြုလုပ်ခဲ့သည့် အသက် ၁၄/၁၆/ ၁၇ နှစ်အရွယ် တရားခံများအပါအဝင် လူ ၉ ဦးတို့ကို အရေးယူလိုက်ကြောင်း နိုင်ငံပိုင်သတင်းများက ယနေ့ စက်တင်ဘာ ၂၂ ရက်တွင် အသိပေးထုတ်ပြန်ခဲ့သည်။
၎င်းတရားခံများမှာ လွိုင်ကော်မြို့၊ ဒေါနိုးကူးရပ်ကွက်နေ ပိုင်ပိုင်စိုး(ခ) မျိုးမင်းခန့်(ခ) ပိုင်စိုး (၁၈)နှစ်၊ ဟန်ထွန်းအောင်(ခ) ရဲမင်းကိုကို (ခ)ဟန်ကြီး (၁၈)နှစ်၊ အောင်နိုင်လင်း (၁၇)နှစ်၊ ဖြိုးပိုင်ဇေအောင် (၁၆)နှစ်နှင့် ထွန်းနေဦးလှိုင် (၁၄)နှစ်တို့ဖြစ်ကြပြီး ၎င်းတို့ (၅) ဦးကို စက်တင်ဘာလ ၁၄ ရက်နေ့တွင် လွိုင်ကော်မြို့မရဲစခန်း(ပ)၂၁၈/၂၀၂၅ ဖြင့် အမှုဖွင့်ခဲ့ခြင်းဖြစ်သည်။
အလားတူ ရွှေပြည်သာမြို့နယ်၌ ရွေးကောက်ပွဲ လုပ်ငန်းစဉ်များ ပျက်ပြားစေရန် ဆန္ဒပြ၊ လှုံ့ဆော်ခြင်းပြုလုပ်ခဲ့သူ ရွှေပြည်သာမြို့နယ် အမှတ် (၅) ရပ်ကွက်နေသူများဖြစ်ကြသည့် ရဲသူရအောင် (၃၆)နှစ်၊ ကျော်ဝဏ္ဏ (၂၅)နှစ်၊ ချစ်ဝင်း (၄၅)နှစ်နှင့် ပြေထွန်း (၃၄)တို့ကိုလည်း စက်တင်ဘာလ ၁၆ ရက်နေ့က ရွှေပြည်သာမြို့မရဲစခန်း (ပ) ၃၄၇/၂၀၂၅ ဖြင့် အမှုဖွင့်ခဲ့ခြင်းလည်းဖြစ်သည်။
လက်ရှိတွင် ၎င်းတရားခံ (၉) ဦးတို့ကို ပါတီစုံဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားခြင်းမှ ကာကွယ်ပေးရေးဥပဒေပုဒ်မ ၂၃ (က)ဖြင့် အသီးသီးအမှုဖွင့် ဖမ်းဆီး အရေးယူစစ်ဆေးလျက်ရှိကြောင်း သိရသည်။
#သတင်းဟင်းလေးအိုးကြီး
တိလေးတွေမှာ Medical Check Up မလုပ်ရင် မသိနိုင်တဲ့ရောဂါမျိုးဖြစ်နေတဲ့အခါ အပြင်ပန်းပုံစံကတော့ ကျန်းမာကောင်းကျန်းမာနေပါလိမ့်မယ်။ 🐶😺
တိလေးတွေကိုယ်တိုင်က နာကျင်မှုကိုလစ်လျူရှုပြီး ရောဂါမခံစားရသလို ဖုံးကွယ်နေထိုင်တတ်တဲ့ သဘာဝရှိလို့ပါရှင့် 🥺
ရောဂါဖြစ်နေမှန်းသိနိုင်တဲ့ တစ်ခုတည်းသောနည်းလမ်းကတော့ ဆေးစစ်တာပဲဖြစ်ပါတယ်။
ဒီနေ့မှာတော့ တိဆေးခန်းမှာ စမ်းသပ်စစ်ဆေးမှုတွေလုပ်မှ တိလေးတွေမှာ ဝေဒနာခံစားနေရမှန်းသိနိုင်မဲ့ ရောဂါတချို့ကို ပြောပြသွားပါမယ်နော်...
1️⃣ နှလုံးရောဂါနဲ့နာတာရှည်ကျောက်ကပ်ရောဂါ
သက်ကြီးမြှောင်တွေနဲ့ အာဝုတို့မှာ အဖြစ်များတဲ့ရောဂါတွေပါ။ အသံတိတ်သတ်ဖြတ်သူတွေလို့တောင် တင်စားကြတဲ့ဒီရောဂါမျိုးဖြစ်ရင် လက္ခဏာပြလေ့မရှိပါဘူး။ နှလုံးနံရံထူလာတဲ့ရောဂါက အစောပိုင်းလက္ခဏာပြပေမဲ့ မသိသာတဲ့အထဲပါဝင်ပါတယ်။
2️⃣ အူလမ်းကြောင်းဆိုင်ရာရောဂါများ
မြှောင်တို့ရဲ့ အူထဲမှာကပ်ပါးကောင်တွေနဲ့သန်ကောင်တွေ ရှိနေတာ၊ အူလမ်းကြောင်းမှာ အကျိတ်ဖြစ်တာနဲ့ အူသိမ် အူရောင်ရမ်းတာတွေဖြစ်ရင် လက္ခဏာတွေက မသိသာပါဘူး။ ဝုတို့ ခြင်ကိုက်ခံရလို့အဖြစ်များတဲ့ နှလုံးသန်ကောင်ရောဂါကလည်း တူတူပါပဲနော်
အချိန်မီမသိရင် အသက်ဆုံးရှုံးနိုင်ချေလည်း များပါတယ်။
3️⃣ HSA( Canine Hemangiosarcoma )
ဒီရောဂါကတော့ သွေးကြောဖွဲ့စည်းပုံကြောင့်ဖြစ်ပြီးတော့ German Shepherds, Golden Retrievers, Labrador Retrievers ကိုယ်ခန္ဓာကြီးတဲ့ မျိုးစိတ်တွေမှာ အဖြစ်များပါတယ်။ သွေးကြောအတွင်းက ဆဲလ်တွေမကျန်းမာလို့ဖြစ်တဲ့ရောဂါဖြစ်ပြီး လက္ခဏာတွေကလည်း အပြင်ပန်းကြည့်ရင် ပုံမှန်နေမကောင်းဖြစ်တာတွေနဲ့ ရောထွေးနေနိုင်ပါတယ်။
4️⃣ IBD (Inflammatory Bowel Disease)
ဝုရော မြှောင်ရောမှာဖြစ်နိုင်ပြီး
အူထဲမှာရှိတဲ့ ဘတ်တီးရီးယားတွေကြောင့်အပါအဝင် အဆိပ်အတောက်ပါတာတွေကို စားမိရင်ဖြစ်တဲ့ အူလမ်းကြောင်းဆိုင်ရာ ရောဂါပါနော်
အစောပိုင်းလက္ခဏာမပြင်းထန်ပေမဲ့ နောက်ပိုင်းမှာ ကလေးတွေမှာ အစာမစားနိုင်ဘဲ အာဟာရပြတ်တာ၊ ဝမ်းပျက်တာတွေအပြင် အိပ်ယာထဲလဲတဲ့အထိ ဖြစ်စေနိုင်ပါတယ်။
5️⃣ Heartworm နဲ့ Blood parasite
ဒီနှစ်မျိုးစလုံးက ခြင်ကိုက်ခံရတာကနေ ဖြစ်တဲ့ရောဂါတွေဖြစ်ပြီး သန်ကောင်က နှလုံးနဲ့သွေးကြောတွေအထဲထိဝင်ရောက်ပြီး အဆုတ်၊ အသည်း၊ နှလုံး၊ သွေးနီဥတွေကို ထိခိုက်ပျက်စီးစေပါတယ်။ Blood parasite ကတော့ မွှားတွယ်ကပ်ရာကနေ ကူးဆက်နိုင်ပြီး သာမန်အဖျားရောဂါလက္ခဏာတွေ ဆင်တူရိုးမှားဖြစ်လို့ ရောဂါနှစ်မျိုးစလုံးက သွေးစစ်မှသာပေါ်နိုင်ပြီး ဆိုးဆိုးရွားရွားကို အသက်အန္တရာယ်ရှိပါတယ်။
6️⃣ Anemia (သွေးနီဥနည်းခြင်း)
သွေးနီဥနည်းတာက အရင်းခံရောဂါတစ်ခုကြောင့် ထပ်ဆင့်ဖြစ်ပွားတဲ့ ရောဂါနောက်တစ်မျိုးပါ။ ခွဲစိတ်ကုသမှုခံယူထားဖူးတဲ့၊ ပြင်းထန်တဲ့သွေးဆုံးရှုံးမှု ဖြစ်ဖူးတဲ့ကလေးတွေဆီမှာ အဖြစ်များပါတယ်။
ရိုးတွင်းခြင်ဆီနဲ့ကျောက်ကပ်လို ကိုယ်တွင်းအင်္ဂါပြဿနာများ၊ ခန္ဓာကိုယ်အတွင်းအပြင်ကပ်ပါးကောင်များ(သန်ကောင်၊သန်းမွှား) စတာတွေကြောင့်လည်း သွေးနီဥပျက်စီးပြီး ဖြစ်လာနိုင်တာမို့ ဆေးစစ်ပြီ သေချာအတည်ပြုနိုင်တဲ့ရောဂါပါ။
‼️အခုပြောပြပေးသွားတာတွေက အဖြစ်များတတ်တဲ့ရောဂါတွေပဲ ရှိသေးတာပါ။‼️
သားသားမီးမီးတွေကို ရုပ်ပိုင်းဆိုင်ရာစမ်းသပ်မှုတွေအပြင် ခန္ဓာကိုယ်တွင်း၊ ဆီး၊ ဝမ်း၊ သွေးစစ်ဆေးမှုတွေပြုလုပ်မှ သိနိုင်တဲ့ရောဂါတွေရှိသေးတာမို့ ထွေထွေထူးထူးကိစ္စရှိမှ ဆေးစစ်ပေးတာမျိုး လုံးဝ မလုပ်သင့်ပါဘူးရှင် 🙅🏼♀️
တိဖေဖေမေမေတို့အနေနဲ့
✅ ဝုတို့ဆိုရင် အသက် (၆) ပတ်၊
✅ မြှောင်တို့ဆိုရင် အသက် (၈) ပတ်ကနေစပြီး ဆေးစစ်မှုပြုလုပ်လို့ရပြီဖြစ်ပြီး ကလေးတွေ ကျန်းမာရေးပြဿနာစတင်တဲ့ အသက် (၇) နှစ်ရောက်ရင်တော့ "အနည်းဆုံး (၆) လကိုတစ်ကြိမ်" ဆေးစစ်ပေးပါနော်..
