ယူကရိန်းတပ်ဖွဲ့ဝင် ၁၂၀၀ ကျော်ရဲ့ ရုပ်အလောင်းတွေကို ရုရှားပြန်လွှဲပေး
မော်စကို၊ ဇွန်-၁၇-၂၀၂၅
ရတီ(VOM)
ရုရှားနဲ့ ယူကရိန်းတို့အကြား စစ်သုံ့ပန်းလဲလှယ်ရေးအစီအစဉ်ရဲ့ တစိတ်တပိုင်းအဖြစ် ယူကရိန်းတပ်ဖွဲ့ဝင် ၁၂၁၂ ယောက်ရဲ့ ရုပ်အလောင်းတွေကို ရုရှားက ယူကရိန်းကို ပြန်လည်လွှဲပြောင်း ပေးအပ်ခဲ့ပါတယ်။
ဒီလိုလဲလှယ်ရာမှာ ရုရှားဘက်ကတော့ ရုရှားတပ်ဖွဲ့ဝင် ၂၇ ယောက်ရဲ့ ရုပ်အလောင်းတွေကို လက်ခံရရှိခဲ့တယ်လို့ ရုရှားကဆိုပါတယ်။ စစ်သုံ့ပန်းလဲလှယ်ရေး သဘောတူညီချက်ဟာ ပြီးခဲ့တဲ့သီတင်းပတ်က တူရကီမှာပြုလုပ်တဲ့ ဆွေးနွေးပွဲရဲ့ ရလဒ်ဖြစ်ပါတယ်။
နှစ်ဖက်စလုံးအနေနဲ့ စစ်သုံ့ပန်း ခြောက်ထောင်စီလဲလှယ်ဖို့သဘောတူခဲ့ပြီး နာမကျန်းဖြစ်ပြီး အပြင်းအထန်ဒဏ်ရာရထားသူတွေနဲ့ အသက် ၂၅ နှစ်အောက် စစ်သုံ့ပန်းတွေကို ဦးစားပေး လဲလှယ်သွားမှာဖြစ်ပါတယ်။
လာမယ့် ကြာသပတေးနေ့မှာတော့ ဒဏ်ရာအပြင်းအထန်ရထားတဲ့ စစ်သုံ့ပန်းတွေကို လဲလှယ်မယ်လို့ ရုရှားညှိနှိုင်းရေးမှူး ဗလာဒီမာ မက်ဒင်စကီးက ပြောပါတယ်။ သေဆုံးသွားတဲ့ စစ်သားတွေဟာ ဒွန်တက်စ်၊ ခါဆန်၊ ဇာပိုရစ်ဇီးယားအပါအဝင် ယူကရိန်းဒေသအသီးသီးမှာ ကျဆုံးခဲ့သူတွေလို့ သူကပြောပါတယ်။
သေဆုံးသူတွေရဲ့ အထောက်အထားတွေကို အတတ်နိုင်ဆုံး ဖော်ထုတ်ပေးသွားမယ်လို့ ပြောပါတယ်။ ရုပ်အလောင်းတွေ လွှဲပြောင်းမှုပေးမှု ဒါပထမဆုံးအကြိမ် မဟတ်ဘဲ ယခင်ကလည်း လှဲလှယ်ခဲ့ဖူးပါတယ်။ ရုပ်အလောင်းတွေကို ရယူဖို့ ယူကရိန်းကပျက်ကွက်ခဲ့တယ်လို့ ရုရှားကစွပ်စွဲပြီးနောက် ရက်ပိုင်းအကြာမှာ ယခုလွှဲပြောင်းမှု ထွက်ပေါ်လာတာဖြစ်ပါတယ်။
ဒီအတောအတွင်း စစ်သုံ့ပန်းလဲလှယ်မှုကို ယူကရိန်းက မမျှော်လင့်ဘဲ ရွှေ့ဆိုင်းခဲ့တယ်လို့ ဗလာဒီမာမက်ဒင်စကီးက စွပ်စွဲထားပါတယ်။ ယူကရိန်းကတော့ ရုရှားဟာ လှည့်ကွက်တွေနဲ့ အသုံးချနေတယ်လို့ တုံ့ပြန်ဝေဖန်ထားပါတယ်။
ပြီးခဲ့တဲ့ ညမှာတော့ ရုရှားယား ယူကရိန်းနိုင်ငံ မြို့တော်ကိဗ်ယက်ကို ဒရုန်း ၃၁၅ စင်းနဲ့ တိုက်ခိုက်ခဲ့ပြီး လူလေးယောက်သေဆုံးခဲ့ကာ မြို့တော်ရဲ့ခရိုင်ဆယ်ခုအနက် ခုနှစ်ခုမှာ ကျယ်ကျယ်ပြန့်ပြန့် ထိခိုက်ပျက်စီးမှုတွေ ဖြစ်ပေါ်ခဲ့ပါတယ်။
