ပုဗ္ဗသီရိ ကန်ဦးကျောင်း ကထိန်အလှူ

အာလင်း ဟာလန်း ရဲ့ ပရီးမီးယားလိဂ်တွင် ဂိုးသွင်းယူနိုင်ခဲ့သော ကစားကွင်းများ

Credit Photo

#ဘောလုံးသတင်းစုံ

စပါးစ်ကို စံချိန်တင်ကြေး ပေါင် ၄.၅ ဘီလီယံဖြင့် ဝယ်ယူရေး နောက်ဆုတ်လိုက်ပြီ ဖြစ်တဲ့ အာရစ်ခ်

အောက်တိုဘာ ၇

အမေရိကန်နည်းပညာလုပ်ငန်းရှင် ဘရွတ်ကလင်းအာရစ်ခ်က စပါးစ်ကို ဝယ်ယူရေး ကမ်းလှမ်းရန် စီစဉ်ထားမှုအား နောက်ဆုတ်လိုက်ပြီ ဖြစ်ကြောင်း ကြေညာလာပါတယ်။

အာရစ်ခ်ဦးဆောင်တဲ့ အမေရိကန်ရင်းနှီးမြှပ်နှံသူများဟာ ပြီးခဲ့တဲ့လတုန်းက စပါးစ်ကို ကမ္ဘာ့စံချိန်တင်အသင်းဝယ်ယူတဲ့ ကြေး ပေါင် ၄.၅ ဘီလီယံအထိ ပေးကာ ကမ်းလှမ်းရန် စီစဉ်ထားခဲ့တာ ဖြစ်ပါတယ်။

ဒါပေမယ့် စပါးစ်အသင်းပိုင်ရှင် Enic Sports & Developments Holdings Ltd က စပါးစ်ကို လုံးဝ ရောင်းချရန် အစီအစဉ်မရှိကြောင်း ချက်ချင်းဆိုသလို ကြေညာချက်ထုတ်ပြန်ခဲ့ပါတယ်။

ယင်းကဲ့သို့ ပိုင်ရှင်ဘက်က မည်သည့်ကြေးနှင့်မျှ ရောင်းချရန် အစီအစဉ်မရှိမှုနှင့်အတူ အာရစ်ခ်ဘက်က စပါးစ်ကို ဝယ်ယူရေး ကြိုးပမ်းမှုအား နောက်ဆုတ်လိုက်ရပြီလည်း ဖြစ်ပါတယ်။

ဥက္ကဌဟောင်းဒါနီရယ်လီဗိုင်းနှင့်မိသားစုဝင်များက ရှယ်ယာ ၃၀ ရာခိုင်နှုန်းပိုင်ဆိုင်တဲ့ Enic Sports & Developments Holdings Ltd က စပါးစ်ရဲ့ ရှယ်ယာ ၈၇ ရာခိုင်နှုန်းအထိ ထိန်းချုပ်ထားတာ ဖြစ်ပါတယ်။

ဒီဂျေသမားဟောင်းတစ်ဦးဖြစ်တဲ့ အာရစ်ခ်ဟာ Nasa ရဲ့ အာကသသုသေသနလုပ်ငန်းတွင်လည်း အလုပ်လုပ်ခဲ့ဖူးသလို နည်းပညာ၊ မီဒီယာ၊ အားကစားနှင့် ဖျော်ဖြေရေးလုပ်ငန်းများတွင်လည်း ရင်းနှီးမြှပ်နှံမှုများ ပြုလုပ်ထားသူလည်း ဖြစ်ပါတယ်။

Credit - Playmaker Journal

#ဘောလုံးသတင်းစုံ

အင်ဒိုနီးရှားနိုင်ငံမှာ စာသင်ကျောင်းပြိုကျမှုကြောင့် သေဆုံးသူအရေအတွက်(၆၃)ဦးအထိရှိလာ

အောက်တိုဘာ ၇

အင်ဒိုနီးရှားနိုင်ငံမှာ စာသင်ကျောင်းပြိုကျမှုကြောင့် သေဆုံးသူအရေအတွက်ဟာ (၆၃)ဦးအထိ မြင့်တက်လာခဲ့ပြီ ဖြစ်တယ်လို့ သိရပါတယ်။ အဲဒီစာသင်ကျောင်းအဆောက်အဦးဟာ ပြီးခဲ့တဲ့သီတင်းပတ်တုန်းက ပြိုကျခဲ့တာဖြစ်ပြီး လက်ရှိအချိန်အထိ အပျက်အစီးအောက်တွေမှာရှိနေတဲ့ရုပ်အလောင်းတွေကို ကယ်ဆယ်ရေးသမားတွေက ဆွဲထုတ်နေတုန်းပဲဖြစ်တယ်လို့ သိရပါတယ်။

ကျောင်းသားပေါင်း(၁၅၀)ကျော်ဟာ ဘုရားရှိခိုးဖို့အတွက် စုစည်းနေတဲ့အချိန်မှာ အင်ဒိုနီးရှားနိုင်ငံ ဂျာဗားကျွန်းပေါ် မှာရှိတဲ့အထပ်ပေါင်းများစွာပါတဲ့ စာသင်ကျောင်းအဆောက်အဦးဟာ ပြိုကျခဲ့တာဖြစ်တယ်လို့လည်း သိရပါတယ်။

လက်ရှိအချိန်အထိ လူငယ်တစ်ဒါဇင်ခန့်က ပျောက်ဆုံးနေလျက်ရှိပြီး ရှာဖွေတွေ့ရှိတာမျိုး မရှိသေးဘူးလို့ အာဏာပိုင်တွေက ထုတ်ပြန်ပြောကြားခဲ့ပါတယ်။ အမျိုးသားရှာဖွေရေးနဲ့ကယ်ဆယ်ရေးအေဂျင်စီ ဒါရိုက်တာ Yudhi Bramantyo က “ရုပ်အလောင်းတွေအားလုံးကိုပြန်လည်ရယူပြီး မိသားစုဝင်တွေဆီကို ပြန်လည်ပေးအပ်နှံဖို့ ကျွန်တော်တို့ မျှော်လင့်ထားပါတယ်” လို့ ပြောခဲ့ပါတယ်။

အဲဒီစာသင်ကျောင်းအဆောက်အဦးပြိုကျမှုဟာ အင်ဒိုနီးရှားနိုင်ငံမှာ ယခုနှစ်အတွင်း လူအသေအပျောက်အများဆုံး မတော်တဆမှုတစ်ခုဖြစ်တယ်လို့ အမျိုးသားသဘာဝဘေးအန္တရာယ်အေဂျင်စီရဲ့လက်ထောက်အကြီးအကဲ Budi Irawan က ထုတ်ပြန်ပြောကြားခဲ့ပါတယ်။ ဒါ့ပြင် စာသင်ကျောင်းအဆောက်အဦးပြိုကျရတဲ့ အကြောင်းအရင်းတွေ ကို စုံစမ်းစစ်ဆေးရေးမှူးတွေက စုံစမ်းစစ်ဆေးမှုတွေ ဆက်လက်လုပ်ဆောင်နေတယ်လို့လည်း သိရပါတယ်။

Credit - NP News Agency

#centralnewsnaypyitaw

ယာဥ်မောင်း အိပ်ငိုက်ပြီး ရှေ့ကကုန်ကားကို ဝင်တိုက်မိရာက နောက်မှလိုက်ပါလာသည့် မြန်မာလုပ်သားသေဆုံးမှု ဘန်ကောက်မှာ ဒီမနက်ဖြစ်ပွား

အောက်တိုဘာ ၇

​အသက် ၄၀ အရွယ် မြန်မာအမျိုးသားတစ်ဦးသည် ယနေ့ အောက်တိုဘာ ၇ ရက် နံနက်အစောပိုင်းတွင် ထိုင်းနိုင်ငံ၊ ဘန်ကောက်မြို့၊ ဘိုရွမ်မရတ်ချာချိုနန်နီ (Borommaratchachonnani) လမ်းပေါ်၌ ဆယ်ဘီးကားတစ်စီးကို ဝင်တိုက်မိသည့် ပစ်ကပ်ထရပ်ကားနောက်ဘက်မှ လွင့်စင်ကျကာ သေဆုံးသွားခဲ့သည်။

​ယာဉ်တိုက်မှုသည် အဆိုပါလမ်းမကြီး၏ လမ်းခွဲ ၁၂၁ အနီး၊ သာ၀ီ ၀ဿနခရိုင်တွင် နံနက် ၅ နာရီခန့်က ဖြစ်ပွားခဲ့ခြင်းဖြစ်ပြီး၊ ပစ်ကပ်ကားမောင်းသူ အိပ်ငိုက်၍ ရှေ့မှထရပ်ကားကို ဝင်တိုက်မိခြင်းဖြစ်သည်။

​သေဆုံးသူ မြန်မာနိုင်ငံသားသည် လမ်းပေါ်သို့ လွင့်ကျသွားခဲ့ပြီး နောက်မှလိုက်လာသည့် ယာဉ်တစ်စီးဖြင့် ထပ်မံတိုက်မိခဲ့ခြင်းဖြစ်သည်။ ပစ်ကပ်ကား၏ ယာဉ်မောင်းနှင့် ရှေ့ခန်းမှ ခရီးသည်တို့မှာ ဒဏ်ရာရရှိခဲ့ပြီး ဆေးရုံတင်ထားရသည်။

သေဆုံးသူမြန်မာလုပ်သား၏ ရုပ်အလောင်းကို Siriraj ဆေးရုံ၏ မှုခင်းဆေးပညာဌာနသို့ ပို့ဆောင်ကာ စစ်ဆေးနေကြောင်းလည်း ကနဦး သိရသည်။

Credit - Myanmar Transparency News Agency

#သတင်းဟင်းလေးအိုးကြီး

ဗီလာရီးရဲလ်နှင့် ဘာစီလိုနာ၊ အေစီမီလန်နှင့် ကိုမိုပွဲတို့အား ပထမဆုံးနှင့် နောက်ဆုံးအဖြစ် နိုင်ငံခြားတွင် လိဂ်ပွဲ ကစားခွင့်ပေးလိုက်ပြီ ဖြစ်တဲ့ ယူအီးအက်ဖ်အေ
​
အောက်တိုဘာ ၇

ယူအီးအက်ဖ်အေဥက္ကဌအလက်ဇန္ဒားစီဖီရန်က ဥရောပလိဂ်ပွဲ ၂ ပွဲအား နောင်တများစွာဖြင့် ပထမဆုံးအကြိမ်အဖြစ် ပြည်ပတွင် ကစားခွင့်ပြုခဲ့ကြောင်း၊ ခြွင်းချက်အနေဖြင့် ခွင့်ပြုချက်ပေးခဲ့ခြင်းသာ ဖြစ်ကာ၊ နောင်တွင် ခွင့်ပြုသွားမှာ မဟုတ်ကြောင်း ပြောကြားလာပါတယ်။

ယူအီးအက်ဖ်အေရဲ့ ခွင့်ပြုချက် ရရှိလာမှုနှင့်အတူ ဗီလာရီးရဲလ်နှင့် ဘာစီလိုနာတို့ရဲ့ လာလီဂါပွဲစဉ်ကို လာမယ့် ဒီဇင်ဘာလတွင် မိုင်ယာမီမှာ ကစားလာတော့မှာ ဖြစ်ပြီး ယင်းပွဲမှာ ပြည်ပတွင် ပထမဆုံးကစားတဲ့ ဥရောပလိဂ်ပွဲ ဖြစ်လာပါမယ်။

ယင်းနောက်‌ ဖေဖော်ဝါရီလတွင် အေစီမီလန်နှင့်ကိုမိုတို့ရဲ့ စီးရီးအေပွဲစဉ်မှာလည်း ဩစတြေးလျနိုင်ငံ၊ ပတ်တွင် ကစားလာပါမယ်။

ယူအီးအက်ဖ်အေဟာ ပြည်တွင်းလိဂ်ပွဲများအား ပြည်ပတွင် ကစားမှုအား မထောက်ခံပေမယ့်လည်း ဥပဒေလမ်းကြောင်းပိုင်းအရ တားဆီးပိုင်ခွင့် မရှိမှုနှင့်အတူ မချင့်မရဲဖြင့် ခွင့်ပြုချက်ပေးလာရတာလည်း ဖြစ်ပါတယ်။

ယူအီးအက်ဖ်အေက ယခုကဲ့သို့ ဥရောပထိပ်သီး လိဂ်ကြီး ၂ ပွဲကို ပြည်ပတွင် ကစားရေး စီစဉ်လာမှုအား ဥပဒေကြောင်းအရ တားဆီးလာနိုင်ခြင်းမရှိပေမယ့်လည်း Football Supporters Europe (FSE) က နောင်တွင် ယင်းသို့ မဖြစ်လာစေရန်အတွက် စည်းမျဉ်းဥပဒေ အတိအကျ ထည့်သွင်းရေးဆွဲသင့်ကြောင်း ဆိုထားပါတယ်။

စီးရီးအေနှင့် လာလီဂါတို့ဟာ ဈေးကွက်ချဲ့ထွင့်တဲ့အနေဖြင့် ယင်း လိဂ်ပွဲ နှစ်ပွဲအား ပြည်ပတွင် ကစားရန် စီစဉ်လာခဲ့တာလည်း ဖြစ်ပါတယ်။

ယင်းသို့ နိုင်ငံခြားတွင် လိဂ်ပွဲများ ကစားရန် စီစဉ်မှုနှင့်အတူ ပရိသတ်များမှာ ခရီးစရိတ်များစွာ ကုန်ကျလာတော့မှာလည်း ဖြစ်ပါတယ်။

လာလီဂါဟာ ပြီးခဲ့တဲ့နှစ်ကတည်းက ဘာစီလိုနာနှင့် အက်သလက်တီကိုပွအား မိုင်ယာမီတွင် ကစားရေး ကြိုးပမ်းခဲ့ပေမယ့် မအောင်မြင်ခဲ့ပါဘူး။

ယင်းမတိုင်မီ ၂၀၁၉ ခုနှစ်တုန်းကလည်း ဘာစီလိုနာဟာ ဂီရိုနာနှင့် လိဂ်ပွဲစဉ်အား မိုင်ယာမီတွင် ကစားရန် ကြိုးပမ်းခဲ့ပါသေးတယ်။

တဖက်တွင် အီတာလီယာစူပါဖလားနှင့် စပိန်စူပါဖလားပွဲတို့အား နိုင်ငံခြားတွင် ကစားလာခဲ့တာ ကြာမြင့်လာပြီလည်း ဖြစ်ပါတယ်။

ပရီးမီးယားလိဂ်ဟာလည်း ၂၀၀၈ ခုနှစ်တုန်းက ပရီးမီးယားလိဂ်ပွဲများအား ပြည်ပတွင် ကစားရေး ကြိုးပမ်းခဲ့ပေမယ့် ပရိသတ်များရဲ့ ကန့်ကွက်မှုကြောင့် နောက်ဆုတ်ခဲ့ရပါတယ်။

Credit - Playmaker Journal

#ဘောလုံးသတင်းစုံ

သက်ကြီးပိုင်း အငှားယာဉ်မောင်းကို သတ်ဖြတ် လုယက်သွားပြီး ရဲတပ်ဖွဲ့က ကနဦးအနေနဲ့ ကျူးလွန်သူ သုံးဦးကို အချိန်တိုအတွင်း ဖမ်းဆီးရမိ

အောက်တိုဘာ ၇

အငှားယာဉ်‌မောင်းကို သတ်ပြီး လုယက်တဲ့ ဖြစ်စဉ် အောက်တိုဘာ ၅ ရက်နေ့ညက ရန်ကုန်တိုင်း၊ သန်လျင်မြို့နယ်၊ သန်လျင် ခြောက်လမ်းသွားလမ်းမပေါ်မှာ ဖြစ်ပွားခဲ့တယ်လို့ သိရှိရပြီး ပြစ်မှုကျူးလွန်သူ သုံးဦးကို ဖမ်းဆီးရမိထားပြီဖြစ်တယ်လို့ ရဲတပ်ဖွဲ့နဲ့ နီးစပ်သူထံကနေ သိရပါတယ်။

အသတ်ခံရသူက အသက် ၆၅ နှစ်အရွယ် ဦးစံသိန်းလို့ သိရှိရပြီး ရန်ကုန်မြို့၊ သာကေတ {၃) ရပ်ကွက် ၊ ရန်ပြေ (၁၈) လမ်းအနောက်မှာ နေထိုင်သူလို့ သိရပါတယ်။ အခင်းဖြစ်တဲ့‌ အောက်တိုဘာ ၅ ရက်နေ့က ည ၉ နာရီ နောက်ပိုင်းကတည်းက ဆက်သွယ်လို့ မရဘဲ ကားရော လူပါ ပျောက်ဆုံးနေတာကြောင့် အောက်တိုဘာ ၆ ရက်နေ့ မနက်ပိုင်းမှာ လူမှုကွန်ရက်ကနေတစ်ဆင့် လူပုံရော ကားကိုပါ ပို့စ်တင်ကာ အသိပေးကြေညာခဲ့သလို သက်ဆိုင်ရာကို လူပျောက်တိုင်ကြားခဲ့တယ်လို့ သိရပါတယ်။

အောက်တိုဘာ ၆ ရက်နေ့ ညနေ ၃ နာရီခန့်အချိန်မှာ‌တော့ သန်လျင် ခြောက်လမ်းသွားလမ်းမပေါ်မှာ Taxi သမားတစ်ဦး အသတ်ခံရပြီးသေဆုံးနေတာကို တွေရှိကြောင်း ကနဦး သိရှိရပြီး၊ ရဲတပ်ဖွဲ့က ဆက်လက် စစ်ဆေးအတည်ပြုချက်အရ သေဆုံးသူမှာ ဦးစံသိန်း ဖြစ်ကြောင်း အတည်ပြုနိုင်ခဲ့ကာ ပြစ်မှုကျူးလွန်သူတွေကို အမြန်ဆုံး ဖမ်းဆီးရမိနိုင်ရေး လက်ဦးမှုရရှိနိုင်အောင် သတိကြီးစွာနဲ့ ဆောင်ရွက်ခဲ့ရတယ်လို့ ရဲတပ်ဖွဲ့နဲ့ နီးစပ်သူက ဆိုပါတယ်။

ကျူးလွန်သူလို့ ယူဆရသူ သုံးဦးကို အချိန်တိုတွင်း ပူးပေါင်းဖမ်းဆီးနိုင်ခဲ့ပြီး၊ လက်ရှိမှာဖမ်းဆီးရမိထားတဲ့ ပြစ်မှုကျူးလွန်သူ သုံးဦးကို ရဲလုပ်ငန်းစဉ်တွေဆက်လက်ဆောင်ရွက်လျက် အမှုတည်ဆောက်နိုင်ရေး စုံစမ်းစစ်ဆေးနေတယ်လို့လည်း သိရပါတယ်။

Credit - Myanmar Transparency News Agency

#centralnewsnaypyitaw

မြင်းခြံတွင် အကျဉ်းဦးစီးအရာရှိ၏ မိသားစုဝင်များကို အကြမ်းဖက်အဖွဲ့က ဖမ်းဆီးသွား

အောက်တိုဘာ ၇

မြင်းခြံတွင်အကျဉ်းဦးစီးအရာရှိ၏ မိသားစုဝင်များကို အကြမ်းဖက်အဖွဲ့က ဖမ်းဆီးသွားခဲ့ကြောင်း ပြည်ထဲရေးဝန်ကြီးဌာနက သတင်းထုတ်ပြန်ထားသည်။

ဖြစ်စဉ်မှာ ပြီးခဲ့သည့် အောက်တိုဘာ ၅ ရက် နံနက် ၉ နာရီက မန္တလေးတိုင်းဒေသကြီး၊ မြင်းခြံမြို့နယ်၊ နွားကူးအိုင်ကျေးရွာအနီးတွင် ဖြစ်ပွားခဲ့ခြင်းဖြစ်သည်။

မြင်းခြံမြို့နယ်၊ အကျဉ်းဦးစီးဌာနမှ ဦးစီးအရာရှိ ဦးဝင်းနိုင်စိုး ၏ ဇနီးဖြစ်သူ ဒေါ်နီနီဝင်း(၄၈)နှစ်သည် မြေးဖြစ်သူ မရွန်းချယ်ရီဟိန်း(၃)နှစ်တို့သည် မြင်းခြံမြို့၊ အမှတ်(၁၃)ရပ်ကွက်နေ ဦးမင်းခန့်(၄၃)နှစ်မောင်းနှင်သည့် အငှားမော်တော်ယာဉ်ဖြင့် စဥ့်ကိုင်မြို့နယ်၊ ဘယ်လင်းကျေးရွာရှိ မိဘများထံသို့ မြင်းခြံ-မြို့သာ-တံတားဦး-မန္တလေးလမ်းအတိုင်း ထွက်ခွာလာခဲ့ကြောင်း သိရသည်။

ထိုသို့ထွက်ခွာလာစဉ် မြင်းခြံမြို့နယ်၊ နွားကူးအိုင်ကျေးရွာအနီးအရောက် PDF အဖွဲ့ဝင်များက မော်တော်ယာဉ်အား တားဆီး၍ ၎င်းတို့သုံးဦးအား မော်တော်ယာဉ်နှင့်အတူ ဖမ်းဆီးခေါ်ဆောင်သွားခဲ့ကြောင်း သိရသည်။

အထက်ပါဖြစ်စဉ်မှ အကြမ်းဖက်သမားများအား ဖော်ထုတ်ဖမ်းဆီး အရေးယူနိုင်ရေးနှင့် ဖမ်းဆီးခံထားရသူအား ပြန်လည်ကယ်တင်နိုင်ရေး လုံခြုံရေး တပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက်လျက်ရှိကြောင်း သိရသည်။

Credit - NP News Agency

#သတင်းဟင်းလေးအိုးကြီး

ပဲလေ့စ်နောက်ခံလူဂူဟီကို အလွတ်ပြောင်းရွှေ့ကြေးဖြင့် ခေါ်ယူရေး ဘိုင်ယန်ကြိုးပမ်းလာ

အောက်တိုဘာ ၇

ဂျာမန်ထိပ်သီး ဘိုင်ယန်မြူးနစ်ဟာ ခရစ္စတယ်ပဲလေ့စ်အသင်းခေါင်းဆောင်မာ့ခ်ဂူဟီကို အလွတ်ပြောင်းရွှေ့ကြေးဖြင့် ခေါ်ယူရေး ကြိုးပမ်းလာပါတယ်။

အသက် ၂၅ နှစ်ရှိ ဂူဟီဟာ ပြီးခဲ့တဲ့ရာသီတုန်းက ပဲလေ့စ်အား ကလပ်သမိုင်းတွင် ပထမဆုံး ဆုဖလားအဖြစ် အက်ဖ်အေဖလား ရရှိအောင် ဦးဆောင်ပေးခဲ့သလို ရာသီအစတုန်းကလည်း ကွန်မြူနတီဒိုင်းရယူပေးထားသူ ဖြစ်ပါတယ်။

သူဟာ ကလပ်နှင့် အင်္ဂလန်အသင်းတို့တွင် ခြေစွမ်းပြကစားနိုင်မှုနှင့်အတူ ကလပ်အမြောက်အမြားရဲ့ စိတ်ဝင်စားခြင်းခံနေရပါတယ်။

Sky Sports ရဲ့ ဖော်ပြလာမှုအရ ဂူဟီအား ခေါ်ယူရေး ကြိုးပမ်းလာတဲ့အသင်းများတွင် အသင်းသစ်အဖြစ် ဘိုင်ယန်မြူးနစ်လည်း ပါဝင်လာကြောင်း သိရပါတယ်။

ဂူဟီဟာ ယခုရာသီအကုန်တွင် ပဲလေ့စ်နှင့် စာချုပ်သက်တမ်းကုန်ဆုံးမှာ ဖြစ်ပြီး လာမယ့် ဇန်နဝါရီလမှ စတင်ကာ နိုင်ငံခြားကလပ်များနှင့်လွတ်လပ်စွာ ဆွေးနွေးခွင့် ရှိနေသူ ဖြစ်ပါတယ်။

သူဟာ နွေရာသီအပြောင်းအရွှေ့ဈေးကွက် နောက်ဆုံးနေ့တုန်းက လီဗာပူးသို့ ပြောင်းလုနီးပါး ဖြစ်ခဲ့ပေမယ့်လည်း ပဲလေ့စ်ဘက်က အစားထိုးနိုင်မယ့် ကစားသမားရှာမရလို့ အပြောင်းအရှေ့ပျက်ပြယ်ခဲ့ရသူလည်း ဖြစ်ပါတယ်။

အစောပိုင်းတုန်းက ထွက်ပေါ်နေတဲ့သတင်းများအရ ဂူဟီဟာ လာမယ့် နွေရာသီတွင် ရီးရဲလ်မက်ဒရစ်သို့သာ ပြောင်းရွှေ့လိုနေကြောင်း သိရပါတယ်။

ရီးရဲလ်မက်ဒရစ်ကလည်း လာမယ့်နွေရာသီတွင် ခံစစ်ကို ပြန်လည်တည်ဆောက်ရန် စီစဉ်ထားပြီး ၎င်းတို့ ခေါ်ယူမယ့် စာရင်းထဲတွင် ဂူဟီက ထိပ်ဆုံးက ပါဝင်နေတယ်လို့ ယုံကြည်ရပါတယ်။

Credit - Playmaker Journal

#ဘောလုံးသတင်းစုံ

ယနေ့ ရွှေဈေးနဲ့ နိုင်ငံခြားငွေလဲနှုန်းများ

အောက်တိုဘာ ၇

#ရွှေဈေး

-ကမ္ဘာ့ရွှေဈေး
တအောင်စ ၃၉၆၅ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၉၉၀၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

* စနစ်ဟောင်း
(၁ိ - ၁၆.၆၀၆ ဂရမ် = ၁၂၈ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၀၂၀၀၀၀ ကျပ်
ဝယ်ဈေး ၇၉၈၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၇၆၂၀၀၀၀ ကျပ်
ဝယ်ဈေး ၇၅၈၀၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၉၀၀၀၀၀ ကျပ်
ဝယ်ဈေး ၇၈၆၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၇၅၀၀၀၀၀ ကျပ်
ဝယ်ဈေး ၇၄၆၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၉ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၀၈၅ ကျပ်
ဝယ်ဈေး - ၃၉၈၅ ကျပ်

-စင်္ကာပူဒေါ်လာ
ရောင်းဈေး - ၃၁၆၅ ကျပ်
ဝယ်ဈေး - ၃၀၈၅ ကျပ်

-ယူရို
ရောင်းဈေး - ၄၇၈၅ ကျပ်
ဝယ်ဈေး - ၄၆၆၅ ကျပ်

-ထိုင်းဘတ်
ရောင်းဈေး - ၁၂၅.၇၉ ကျပ်
ဝယ်ဈေး - ၁၂၂.၇ ကျပ်

-မလေးရှားရင်းဂစ်
ရောင်းဈေး - ၉၆၉ ကျပ်
ဝယ်ဈေး - ၉၄၅ ကျပ်

-တရုတ်ယွမ်
ရောင်းဈေး - ၅၇၄ ကျပ်
ဝယ်ဈေး - ၅၆၀ ကျပ်

-ဂျပန်ယန်း
ရောင်းဈေး - ၂၇.၁၇ ကျပ်
ဝယ်ဈေး - ၂၆.၅ ကျပ်

-အိန္ဒိယရူပီး
ရောင်းဈေး - ၄၆.၀၆ ကျပ်
ဝယ်ဈေး - ၄၄.၉၃ ကျပ်

-ကိုရီးယားဝမ်
ရောင်းဈေး - ၂.၉ ကျပ်
ဝယ်ဈေး - ၂.၈၂ ကျပ်

-စတာလင်ပေါင်
ရောင်းဈေး - ၅၅၁၀ ကျပ်
ဝယ်ဈေး - ၅၃၇၅ ကျပ်

-ဩစတြေးလျဒေါ်လာ
ရောင်းဈေး - ၂၇၀၅ ကျပ်
ဝယ်ဈေး - ၂၆၄၀ ကျပ်

-ကနေဒါဒေါ်လာ
ရောင်းဈေး - ၂၉၃၀ ကျပ်
ဝယ်ဈေး - ၂၈၆၀ ကျပ်

-ဟောင်ကောင်ဒေါ်လာ
ရောင်းဈေး - ၅၂၅ ကျပ်
ဝယ်ဈေး - ၅၁၂ ကျပ်

-ယူအေအီး
ရောင်းဈေး - ၁၁၁၃ ကျပ်
ဝယ်ဈေး - ၁၀၈၆ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

Credit - Voice of Myanmar News Agency

#သတင်းဟင်းလေးအိုးကြီး