ဖြည်းဖြည်းမှန်မှန်သည်သာ အကောင်းဆုံးပါ
ကျွန်တော်တို့ရဲ့ ကိုယ်တွင်းမှာအဆီပြင်တွေ ဘယ်လိုဖြစ်ပေါ်လာသလဲဆိုတာ ကျွန်တော်တို့ ခပ်ငယ်ငယ် တုန်းက ဆ၇ာဦးသာအောင် ကိုမေးခဲ့ဖူးပါတယ်။ လူကလည်း ဆယ်ကျော်သက် ခပ်သာသာဆိုတော့ ဆရာကလည်း ကျွန်တော်တို့ နားလည်လွယ်အောင် မင်း အဆီတက်တဲ့ အစာတွေ စားမယ် အရက်ဘီယာ တွေသောက်ရင် တက်မှာပေါ့ကွတဲ့ ဆိုပြီး ဆရာကတော့ သူ့ထုံးစံအတိုင်း ခပ်ပြတ်ပြတ်ပဲပြောခဲ့သည်။
ကွှန်တော်တို့လည်း ထပ်ပြီး အထွန့်မတက်ရဲ
ဒီလောက်နှင့်သာကျေနပ်ခဲ့သည်။ တဖြည်းဖြည်းနှင့် အရွယ်တွေ လွန်မြောက်လာပြီး ဟိုစာဖတ်ဒီစာဖတ်နဲ့ကျမှ နားလည်လာသည်။ကာဘိုဟိုက်ဒရိတ် ပရိုတင်း အဆီ စတာတွေ ရဲ့ သဘောတရားတွေကို နားလည်လာချိန်မှာတော့ အာဟာရပိုင်းသည် အရမ်းကို နက်နဲခက်ခဲသည်ဆိုတာ သိမြင်လာသည်။
လေ့ကျင့်မှုအပိုင်းကို ကျွှန်တော်တို့ လစ်ဟင်းမှု မရှိအောင် ဂရုစိုက်ပြီး လေ့ကျင့်နိုင်သည်။ အာဟာရပိုင်းကိုတော့ မလွယ်ကူနိုင်ပေ။ အလုပ်တစ်ဖက် နှင့် မိသားစုအရေး ရုန်းကန်နေရသည့် ခေတ်ကြီးထဲမှာ ၀ါသနာပါရာ ကာယဗလအားကစားကို ကျွန်တော်တို့တွေ လုံလုံလောက်လောက် အချိန်မပေးနိုင်ဖြစ်နေရသည်။အာဟာပိုင်းဆိုလျင်ကား ပြောဖွယ်ရာမရှိ။သို့သော် သိထားသင့်သည်။ ဒါမှလည်း လိုအပ်ချက် အားနည်းချက်များကို လိုက်နာရှောင်ရှားနိုင်မည်။
တစ်နေ့ တစ်နေ့ Gymထဲမှာ အသက်ထွက်မတတ် အားစိုက်ထုတ်၍ လေ့ကျင့်နေသော်လည်း ရလဒ်မထူးခြားသည့် အဖြစ်အပျက်များရှိနေသည်။ နည်းပြဆရာ ဘယ်လောက်ကောင်းကောင်း သင်ကိုယ်တိုင်ကလည်း လေ့ကျင့်မှု ဘယ်လောက်အားစိုက်နေပါစေ အာဟာရ ပိုင်းတွင် စည်းမရှိ ကမ်းမရှိ ဆိတ်ပါးစပ်လို တွေ့ရာ စားနေရင် သင်အတွက် ပေးဆပ်ထားသည့် အချိန် ငွေ တို့သည် အလဟဿပင်။
ကျွန်တော်တို့တစ်တွေ ခွန်အားအတွက် ကာဘိုဟိုက်ဒရီတ်ကိုမှီဝဲသည်။ ကြွက်သားကြီးထွားဖို့အတွက် ပရိုတိန်း၊ ဆဲလ်များတည်ဆောက်ဖို့ ဟော်မုန်းများထုတ်လုပ်မှုမှန်ကန်စေဖို့ စတာတွေအတွက် အဆီသည်လည်း မရှိမဖြစ်။သို့သော် ဘယ်အရာမဆို အချိန်အဆ လိုသည်။ကာဘိုဟိုက်ဒရီတ်ကို ဂလူးကိုစ့် အဖြစ်ပြောင်းပြီး ခွန်အားအတွက် အသုံးပြုတယ်။မသုံးဖြစ်တာတွေကို ကြွက်သားနှင့်အသည်းများမှာ စုဆောင်းတယ်။ဒီထက်ပိုနေသေးတယ်ဆိုရင်တော့ သင်မလိုချင်နေတဲ့ အဆီပို အဖြစ် နေရာအနှံမှာ စုဆောင်းပါတော့တယ်။ကာဘိုဟိုက်ဒရီတ် တစ်ခုတည်းပဲလားဆိုတော့ မဟုတ်သေး ကျန်သည့် ပရိုတင်း အဆီ စတာတွေသည်လည်း ဒီသဘောတရားအတိုင်းပင်။
အဆိုပါ ၃မျိုးလုံးကို လိုတာထက်ပိုစားရင် တစ်နည်းအားဖြင့် အသုံးပြုတဲ့ အင်အားဓာတ်ပမာဏ ကနည်းနေပြီး စားတာကများနေ ရင် သင့်ကိုယ်တွင်းမှာ အဆီပြင်တွေ တိုးလာမှာ မလွဲသေချာပါ။တစ်နေ့မှာ ၅၀၀ကယ်လိုရီပိုစားတိုင်း တစ်ပတ်မှာ ကိုယ်အလေးချိန် ၁ပေါင်တက်လာနိုင်တယ်ဆိုတာ သိပြီးသားပါ။ကယ်လိုရီတွက်နည်းတွေလည်း page ထဲမှာ ရေးပေးပြီးသားတွေရှိပါတယ်။
ကျွန်တော်တို့ မြန်မာတွေအတွက်ကတော့ အဓိက အ၀လွန်စေတာ ပရိုတိန်းတော့ဖြစ်မယ်မထင်ပါဘူး အခုလိုဈေးကြီးတဲ့ ခေတ်ကြီးထဲမှာ သားငါးဆေးကလည်း မိုးပေါ်မှာရောက် နေချိန် ဆန် ဂျုံ ပြောင်း အာလူးပိန်းဥ စတဲ့ ဈေးသက်သာတဲ့ အစား
အသောက် တွေ အရက် ဘီယာ စတဲ့ နေရာတိုင်းမှာ အလွယ်တကူ သောက်လို့ရတဲ့အရာတွေ နောက်ဆုံးခပ်ရှင်းရှင်းပြောရရင် ခွန်အားဖြည့်အချိုရည် ဆိုတဲ့ အရာတွေပါပဲ ။
ဒီအပြင် အခုလို ခေတ်မှီ အစားအစာတွေ အမြန်စာတွေမိုးဦးကျ မှိုလို ပေါများနေတော့ အဆီတက်ဖို့ ဆိုတာ သိပ်မဆန်းတော့ပေ။ ကိုယ်တွင်းမှာ တက်လာတဲ့ အဆီကို မြန်မြန်ကျနိုင်ဖို့အတွက် တစ်ချို့ကလည်း အလွယ်လမ်းကနေ ချကြပါတယ်။
မှန်ကန်ပါသလား?
တစ်ချို့သောသူများဟာ အစားလျှော့စားတဲ့နည်းနဲ့ ကိုယ်အလေးချိန်ကို အမြန်ဆုံးချနိုင်ကြတယ်။ရလဒ်လည်းထူးခြားပါတယ်။ မိမိရဲ့ ကိုယ်အလေးချိန်ကျသွားပါတယ် သို့သော် အဆီချည်းပဲလားဆိုတာ သေချာသလား?အစားလျှော့စားပြီး ကိုယ်အလေးချိန်ကျသွားခြင်းရဲ့ ရလဒ်ထဲမှာ မိမိကိုယ်တွင်းမှ ပရိုတင်းများလည်း ပါသွားတယ်ဆိုတာ သတိမပြုမိကြပါဘူး။
ဆိုးကျိုးဘယ်လိုရှိသလဲ?
နှလုံးခုန်နှေးခြင်း အားအင်ကုန်ခမ်းမောပန်းလွယ်ခြင်း ဆံသားခြောက်သွေ့ခြင်း စိတ်ကျဝေဒနာ ဦးနှောက်နှင့် အာရုံကြောအားနည်းခြင်းစတာတွေအပြင် အခြားသောဆိုးကျိုးများစွာရှိပါတယ်။
ဒီလိုဆို ဘယ်လိုမျိုး အလေးချိန်ချခြင်းသည် အကောင်းဆုံးလဲ?
နည်းစနစ်တကျဖြင့် လေ့ကျင့်ခန်းနှင့်အစားအသောက်ဆင်ခြင်ပြီး ကိုယ်အလေးချိန်ကို တဖြည်းဖြည်းချင်းချသွားခြင်းသည်သာ အကောင်းဆုံးဖြစ်သလို ၀ိတ် ပြန်မတက်အောင် ဆက်လက် ထိန်းသိမ်းရာမှာလည်း လွယ်ကူပါတယ်။လေ့ကျင့်မှုလည်းမှန်ကန်စွာပြုလုပ်သင့်သလို တစ်ဖက်ကလည်း စားသုံးမှု အာဟာရပိုင်းနှင့်ပတ်သက်၍ အမူအကျင့်ကိုပြောင်းလဲရမည်။အရင်လို တစ်ခါစား သုံးပန်းကန်နေရာမှာ တစ်ပန်းကန်မျိုး အဆိပါဝင်မှုများတဲ့အစားအစာလျှော့စားတာမျိုး တစ်ခွက်တစ်ဖလား လောက်ပါဆိုရာမှ ပေပါကိုင်းတပ်သောက်တတ်သည့်အကျင့်မျိုးတွေကိုပါပြောင်းလဲဖို့ကြိုးစားသင့်သည်။
အစားအစာရဲ့ ပမာဏ( PORTION SIZE) ကိုလျှော့ချခြင်း အာဟာဖြစ်စေသည့် အစားအသောက်မျိုးကို တွဲဖက်စားသောက်တတ်ခြင်းစသည့်အမူအကျင့် မျိုးကိုတတ်နိုင်ရင် ရေရှည်ကျင့်သုံးသင့်သည်။ သို့မဟုတ်ပါက ကိုယ်အလေးချိန်ကျသွားပြီဆိုတာနှင့် အရင်လို ပြန်စားမယ် လေ့ကျင့်မှုလည်း ရပ်လိုက်မယ်ဆို အရင်လို ပြန်တက်လာဖို့ ပိုလွယ်နိုင်ပါတယ်။ အဓိကပြင်ရမှာက ပါးစပ်အလိုလိုက်ပြီး ကယ်လိုရီပါဝင်မှုများသည့်အရာများ ဆီကြော်မုန့်များ အရက် ဘီယာများ သောက်စားခြင်းနှင့် လှုပ်ရှားမှုနည်းပြီး ထိုင်ရာမထ TVကြည့်လိုက် ဂိမ်းဆော့လိုက်ဆိုတာတွေပင်ဖြစ်သည်။
မြန်မြန်ပိန်ချင်ဇောနှင့်ရေရှည်မကျင့်သုံးနိုင်လာက်သည့် ကယ်လိုရီ လျှော့ချမှုမျိုလည်း မပြုလုပ်သင့်ပေ။ထို့ကြောင့် လျှော့တာတော့ လျှော့ပါ သို့သော် အလျှော့လွန်ပြီး ရှော နိုင် တယ် ဆိုတာလည်း မမေ့ပါနှင့် ဖြည်းဖြည်းမှန်မှန်သည်သာအကောင်းဆုံးပါ။ လေ့ကျင့်မှု နှင့် အစားအသောက်အမူအကျင့် ပြောင်းလဲခြင်း တွဲဖက်ဲ၍ အလေးချိန်လျှော့ချခြင်းသည်သာ အကောင်းဆုံးဖြစ်သည်ဆိုတာတော့ မမေ့ပါနှင့်။ဖြည်းဖြည်းမှန်မှန်သည်သာ အကောင်းဆုံးပါ။
#အောင်အောင်_လှိုင်

အလေးမပြီး မူးလဲကျတာ မနိုင်ဝန်ထမ်းလို့လား???
သည်မေးခွန်းကို မေးကြတာ muscle professor ဂရုထဲမှာ ၂၀၁၆ ကနေ ယနေ့တိုင်ပါပဲ။ ကျွန်တော်ကလည်း ဝင်မဖြေဘူး။ တိုတိုလေး ဖြေလို့ရပေမဲ့ အဲသည့်အဖြေထဲက အသုံးအနှုံးတွေကို လိုက်ရှင်းရင် အရှည်ကြီး ဖြစ်ကုန်မှာမို့လို့။ သည်တော့ Superego ကနေ အတိုချုံး ရှင်းပြပါမယ်။ နည်းပညာရပ်ဆိုင်ရာ စကားလုံးတွေ သည်းခံကြပါ။
အလေးမရင်း မူးလဲတာ video တွေ ရှိပါတယ်။ အထူးသဖြင့် deadlift နဲ့ squat တွေပေါ့။ ဘာကြောင့်လဲဆိုတော့ သူတို့နှစ်ခုလုံးမှာ တူညီတဲ့ နည်းစနစ်တစ်ခုကို သုံးရလို့။ အဲတာကတော့ အသက်ရှု အောင့်ခြင်းပါ။
Valsalva Maneuver ဆိုတာ ရှိတယ်။ လေမထွက်အောင် အသက်ရှုထုတ်ခြင်းပေါ့။ လွယ်လွယ်ပြောရင် အီးညှစ်သလိုပါပဲ။ အဲ... ဝိတ်မတဲ့အခါကြတော့ ဖင်ပါ ပိတ်ပြီး ညှစ်ရတာပေါ့။ နို့မို့ဆို အီးပါထွက်ကျကုန်မယ်။ သည်ယန္တယားကို ထိန်းချုပ်တာ vagus ဆိုတဲ့ အာရုံကြော။ သည်အာရုံကြောကို လှုံ့ဆော်ရင် သူထိန်းချုပ်တဲ့ နှလုံးပါ ခုန်နှုန်း နှေးသွားတယ်။ ဒါဟာ သွေးပေါင်ချိန်မှာ ကျစေတယ်။ အဲ သည်လောက်ဆိုရပြီ။ ဝိတ်မခြင်းဆီ ပြန်သွားကြစို့။
အလေးများများမတဲ့အခါ အထူးသဖြင့် deadlift လုပ်တဲ့အခါ valsalva maneuver (VM) သုံးရပါတယ်။ ဒါဟာ ဝမ်းဗိုက်အတွင်း ဖိအားတိုးစေပြီး ခါးရိုးကို လွဲထွက်မသွားအောင် ပတ်ပတ်လည်ကနေ ဖိအားပေးထားစေပါတယ်။ အလေးအရမ်းများလာတဲ့အခါ VM သုံးတဲ့အချိန်ကာလ ပိုကြာလာတယ်။ အလေးက မြန်မြန်မရွေ့တော့ဘူးကိုး။ VM ကြာလာတဲ့အခါ သွေးပေါင်ချိန်ကျတဲ့ကာလ ကြာမြင့်လာပြီး ဦးနှောက်ဆီ သွေးထောက်ပံ့မှု လျော့ကျသွားတယ်။ သည်မှာ ခေတ္တ သတိလစ်ခြင်း syncope ပါ ရကုန်ပါတယ်။ syncope ဟာ ရောဂါမဟုတ်ဘဲ ဦးနှောက်ဆီ သွေးရောက်အောင် ခန္ဓာကိုယ်က ဖန်တီးထားခြင်းပါ။ သတိလစ်သွားတဲ့အခါ လူဟာ ပြုတ်ကျသွားပြီး ဦးနှောက်နဲ့ နှလုံး တစ်တန်းထဲ ဖြစ်ပြီး သွေးထောက်ပံ့ဖို့ လွယ်သွားလို့ပါ။ ဒါကြောင့် deadlift လုပ်ရင်း သတိလစ်လဲကျသွားတဲ့အခါ လူတွေ ဝိုင်းလာတုန်း သတိပြန်လည်လာကြတာပါ။
ကဲ ဘယ်လို သတိလစ်ရသလဲ သိပြီးတဲ့အခါ ဘာ အန္တရာယ် ရှိလဲ ကြည့်ရအောင်။ နှလုံးရောဂါ သွေးကြောနံရံ မူမမှန်တဲ့ aneurysm လို ရောဂါ သမားတွေ လုံးဝ မလုပ်သင့်ပါ။ နောက်ပြီး လဲကျချိန်မှာ ထိခိုက်ဒဏ်ရာ ရနိုင်ပါတယ်။
သည်တော့ မနိုင်တဲ့အလေး မခြင်းထက် အလေးမတဲ့အခါ VM ကို ကြာကြာ မလုပ်ဖို့ပါပဲ။ ဒီလိုပြောလို့ မနိုင်တဲ့အလေးကို မကြပါလို့ ပြောတာမဟုတ်ဘူးနော်။ မနိုင်တဲ့အလေးကိုမရင်း အရိုးနဲ့ ကြွက်သား အရွတ်တွေ ထိခိုက်နိုင်ပါတယ်။ သည် မူးမေ့လဲခြင်းကတော့ အလေး အရမ်းအရမ်း မများဘဲ VM ကြာရင် ဖြစ်တတ်တာကို ပြောချင်တာပါ။
level 2 မေးခွန်း။ ။ အဲလို လဲကျတာက အလေးမနေတုန်းမဟုတ်ဘဲ အလေးချလိုက်ပြီးမှ ပိုဖြစ်ကြတာ ဘာလို့လဲ။
အဲဒါ ဘာလို့လဲဆိုတော့ အလေးပစ်ချပြီးချိန် ညှစ်ထားတဲ့ ကြွက်သားတွေ လျှော့ချလိုက်ချိန်မှာ ရုတ်တရက် ရင်ခေါင်းနဲ့ ဝမ်းဗိုက်အတွင်းက ဖိအားကျဆင်းမှုကြောင့် ခြေထောက်ကသွေးတွေ ရင်ခေါင်းနဲ့ ဝမ်းဗိုက်အတွင်း ခိုအောင်းသွားပြီး နှလုံးဆီ သွေးသွားမှု လျော့သွားတာကြောင့် VM ကြောင့် ကျတဲ့ သွေးပေါင်ချိန် ကို ပိုမို ဆိုးရွားစေတာပါ။
level 3 မေးခွန်း။ ။ Superego ရော အဲလို ဖြစ်ဖူးလား။
ဟုတ်ကဲ့ ဖြစ်ဖူးပါတယ်။ ဘာကြောင့်ဖြစ်မှန်း သိလို့ ကြိုတင် စီမံပြီးတော့ အလးမ ပါတယ်။ Deadlift ကို 1RM မတဲ့အခါ သည် VM ကြာမြင့်ခြင်းကို တိမ်းရှောင်လို့တော့ မရဘူးလေ။ ကျွန်တော်ကတော့ အလေးပစ်ချပြီးတာနဲ့ ထိုင်ချလိုက်ပြီး VM ကို ဖြည်းဖြည်းခြင်းလျှော့ ( အသက်ကို ဖြည်းဖြည်းဖြင်း ပြန်ထုတ်) ပြီးတော့ barbell ကို ကိုင်ထားပါတယ်။ လဲကျမသွားအောင်ပါ။ မျက်လုံးကို ဖွင့်ထားရပါတယ်။ ရေဓာတ်လုံလောက်နေပါစေ။ သွေးတွင်းသကြားဓာတ် လုံလောက်နေပါစေ။ ဒါတွေက မူးမေ့ခြင်းကို ပိုဆိုးစေပါတယ်။ ဒါဆို အလွန်ဆုံး စက္ကန့်ပိုင်း မျက်စိ ပြာခနဲ ဖြစ်သွားပြီး ပြန်ကောင်းသွားပါတယ်။ ( လိုက်လုပ်ကြဖို့ ပြောနေတာ မဟုတ်ပါ။ တကယ်လို့ ကျွန်တော့်လို deadlift ကို အကွဲအပြဲ ဆွဲချင်တဲ့သူတွေအတွက် ကျွန်တော့် နည်းနိဿယ လေးပါ။) safety first အကောင်းဆုံးကတော့ ရှောင်ရှားကြပါ။
#superego

လက်သီးသံတွေပဲနားထောင်ကြည့်ပါ

#fightnews
မကြာခင် ပွဲပြန်ထိုးတော့မယ့် သွေးလင်းထက်
*********
ONE Friday Fights စင်မြင့်ထက် မြန်မာကိုယ်စားပြု ထိုးနေတဲ့ ဖိုက်တာတွေထဲမှာ ရလာဒ်အကောင်းဆုံး ဖိုက်တာကို ပြပါဆိုရင် သွေးလင်းထက်ကို ပြရမှာပါ။
စုစုပေါင်း 4 ပွဲ ထိုးတယ် ၊ 3 ပွဲ နိုင်တယ် ၊ 1 ပွဲ ရှုံးတယ် ၊ 2 ကြိမ် ဘောနပ် ရထားပါတယ်။
ဒီနှစ်ထဲမှာ ထူးထူးခြားခြား နိုင်ပွဲဆက်တာလဲ သူ တစ်ယောက်ပဲ ရှိပါတယ်။
ထပ်ပြီး ထူးခြားတာက သွေးလင်းထက် ထိုးထားတဲ့ 4 ပွဲ စလုံးဟာ အိမ်ရှင် ထိုင်းဖိုက်တာတွေနဲ့ချည်းပါ။
များသောအားဖြင့် မြန်မာဖိုက်တာတွေက ထိုင်းဖိုက်တာတွေ ဆိုရင် အသာစီးရတာ နည်းပါတယ်။ သွေးလင်းထက်ကတော့ ရှားပါးတဲ့ စွမ်းဆောင်ရည်မျိုး ချပြထားသူလို့ ပြောနိုင်ပါတယ်။
တစ်ချိန်တည်းမှာ သူ့ရဲ့ ကစားပုံနဲ့ ပတ်သက်လို့ ဝေဖန် ထောက်ပြမှုတွေလဲ ခံထားရပြန်ပါတယ်။
ထရိန်နင် မမှန်တာ ၊ ပြင်ဆင် လေ့ကျင့်တဲ့အပိုင်း အားနည်းတာ စသဖြင့် ထောက်ပြကြတာပါ။ ဒါကလဲ ဖြစ်စေချင်တဲ့ ဆန္ဒမျိုးနဲ့ ပြောကြတာလို့ နားလည်ပါတယ်။
ဘာလို့လဲ ဆိုတော့ သွေးလင်းထက် ရဲ့ အတွေးခေါ်ကောင်းကောင်းနဲ့ ကစားတတ်တဲ့ ပုံစံနဲ့ စိတ်နှစ် ကိုယ်နှစ် ကြိုးစားလိုက်မယ်ဆိုရင် အတိုင်းတာတစ်ခုထိ ခရီးရောက်သွားမှာကို မြင်ကြလို့ ဂရုဏာသောသော ပြောကြတာ နေမှာပါ။
စောင့်ကြည့်ချင်တာက သွေးလင်းထက် ဒီတစ်ခါ ပွဲ ထိုးတာ နည်းနည်းလေး နောက်ကျပါတယ်။
သူနဲ့ ပြိုင်ပွဲတစ်ခုထဲမှာ ထိုးခဲ့တဲ့ အဲမွီက ထိုးပြီးသွားပြီ။ သူ့ရှေ့မှာ ထိုးခဲ့တဲ့ စူပါရေချမ်းကလဲ မနက်ဖြန် ထိုးတော့မယ် ဆိုတော့ သွေးလင်းထက် ပွဲလက်ခံတာ နောက်ကျတယ်လို့ ဆိုလို့ရပါတယ်။
ဒါက ပြင်ဆင်မှုပိုင်းတွေ ပိုပြီး အားစိုက်ထားလို့လား ၊ ထောက်ပြနေတဲ့အချက်တွေကို ပိုပြီး လုပ်ပြနေလို့လား ဆိုတာ မကြာခင် ကြိုးဝိုင်းထဲမှာ သိခွင့်ရတော့မှာပါ။

အောင်လအန်ဆန်း အတွက် ဂုဏ်ယူနေတဲ့ ဟင်နရီဟုဖ်
*************
အောင်လအန်ဆန်း ဟာ လွန်ခဲ့တဲ့ အပတ်ကပဲ အသက် 40 ပြည့်မြောက်ခဲ့ပါပြီ။
နည်းပြဘဝကလဲ အရင်ကထက် ပိုပြီး ပီပီပြင်ပြင်ဖြစ်လာတာ တွေ့ရပါတယ်။
ပိုလန်မှာ ကျင်းပတဲ့ KSW ပရိုမိုးရှင်းထိ ခြေဆန့်ခဲ့သလို ၊ ကနေဒါမှာ ကျင်းပတဲ့ UFC 315 ပြိုင်ပွဲမှာလဲ ရှိခဲ့တာပါပဲ။
ဟိုတနေ့ကတော့ Fury FC က ကျင်းပတဲ့ ပြိုင်ပွဲမှာ ဒါဂက်စတန်က တပည့်တစ်ယောက်ကို ကြီးကြပ်ဖို့အတွက် လိုက်ပါလာခဲ့ပါတယ်။
ဒီအချက်တွေကို ထောက်ကြည့်ရင်ပဲ အောင်လအန်ဆန်း ရဲ့ MMA နည်းပြဘ၀ က အတော်ကြီး ပီပြင်လာပြီလို့ ပြောလို့ ရပါတယ်။
Kill Cliff FC ရဲ့ နည်းပြချုပ်ကြီး ဟင်နရီဟုဖ် ကတော့ အောင်လ လို နှစ်ထပ်ကွမ်းချန်ပီယံဟောင်း တစ်ယောက် သူတို့ အနာဂတ် Team ရဲ့ အစိတ်ပိုင်းတစ်ခုဖြစ်နေတာ ဂုဏ်ယူမိတယ် ဆိုတဲ့ အကြောင်း My Day Story မှာ ရေးသားသွားခဲ့ပါတယ်။
ဆက်လက် အောင်မြင်ပါစေ ကချင်သားကြီးရေ..............👏👏👏

အကောင်းဆုံးထဲက အကောင်းဆုံးအသင်း TEAM LIQUID PH
MPL PH CHAMPIONS - TEAM LIQUID PH
Team Liquid PH အနေနဲ့ Onic Ph ရဲ့ Win Streak တွေကိုရပ်တန့်နိုင်ရုံသာမက MSC ပြိုင်ပွဲ ကို MPL Champions ဆုနဲ့ တတ်ရောက်နိုင်ခဲ့တဲ့ Back To Back Champions အသင်းအဖြစ်လည်း မှတ်တမ်းဝင်သွားခဲ့ပါတယ်။
ဒါ့အပြင် KarlTzy, Jaypee, Oheb တို့ကလည်း MPL များရှင်ဆုတွေကို အသီးသီးပိုင်ဆိုင်ခဲ့ကြပါတယ်။
နောက်ထပ်ထူးခြားတာကတော့ Coach Arsy အနေနဲ့ Team Liquid နဲ့အတူ MPL PH ရဲ့ပထမဆုံးရာသီမှာတင် အစမ်းသပ်ခံခဲ့ပြီး MPL ဆုကိုပါ အရယူနိုင်ခဲ့ပါတယ်။
ဒါ့အပြင် Sanji အတွက်ပါ FINAL MVP ဆုကိုရယူခဲ့တဲ့ နှစ်ဖြစ်ပြီး အကောင်းဆုံးပါဆိုတာတွေကို ထပ်မံသက်သေပြနိုင်ခဲ့တဲ့ နှစ်ဖြစ်လာခဲ့ပါတယ်။
Congratulations TEAM LIQUID PH 🥇🏆

MPL PH ရဲ့ Final ပွဲဆိုတော့ ပြိုင်ဆိုင်မှု့က ပြောစရာတောင်မလိုဘူး <br>Team Liquid PH Vs Onice PH Game 7 Highlight

SRG OG အနေနဲ့ Back To Back Champions ဆုကိုရယူသွားနိုင်မလား
အခု ကျင်းပသွားတော့မယ့် MSC 2025 ပြိုင်ပွဲအတွက် လက်ရှိ Champions SRG OG အသင်းက တတ်ရောက်ခွင့် ရလာခဲ့ပါတယ်။
အဲ့တာနဲ့အတူပဲ တစ်ခြားသောထူးခြားတာတွေအများကြီးပါဝင်လာပါတယ်။
SRG အနေနဲ့ ဒီတစ်ခေါက်မှာလည်း 18-1 ဆိုတဲ့ ရလဒ်မျိုးနဲ့ MPL MY ပြိုင်ပွဲ တစ်လျှောက် ဒုတိယမြောက်ရှုံးပွဲမရှိ Regular Season ကိုဖြတ်သန်းနိုင်ခဲ့တာဖြစ်ပါတယ်။
ဒါကြောင့် SRG OG အနေနဲ့ MPL Champions ဆုအတွက်ပါရေပန်းစားနေပါတယ်။
ဒါဆိုရင် MLBB ရပ်ဝန်းမှာ SRG OG အတွက် မေးခွန်းတစ်ခုပေါ်လာရှိနေပါတယ်။
"SRG အနေနဲ့ MSC Champions ဆုကို ရယူပြီး Back To Back Champions ဖြစ်သွားမလား " ဆိုတာပါပဲ။
ဒါက လွယ်ကူတဲ့ ကိစ္စမျိုးတော့ဟုတ်မနေပြန်ပါဘူး။
MSC ကိုတတ်လာတဲ့အသင်းတွေထဲမှာ MPL PH ရဲ့အကောင်းဆုံး အသင်းတွေဖြစ်တဲ့ Team Liquid PH နဲ့ Onic PH တို့ပါဝင်ပါတယ်။
ဒီနှစ်သင်းက SRG ကို ပူပူနွေးနွေးအနိုင်ယူပြထားတဲ့အသင်းတွေဖြစ်ပါတယ်။
M6 World Championship ပြိုင်ပွဲမှာ Onic PH က 2-0 နဲ့အနိုင်ယူပြခဲ့ပြီး TEAM LIQUID ကလည်း 2024 ခုနှစ်ရဲ့ ESL Challenge Final မှာ 3-2 နဲ့အနိုင်ယူပြထားပါတယ်။
ဒါက SRG OG အတွက်ခက်ခဲတဲ့ လမ်းကြောင်းတစ်ခုဖြစ်တယ်ဆိုတာကို သူတို့သေချာသဘောပေါက်ထားပုံရပါတယ်။
အရင် ရက်သတ္တပတ်ကပဲ Dota 2 Legend ကြီး Ceb ကို အသင်းရဲ့ Technical Director အဖြစ်ခန့်အပ်ခဲ့ပါတယ်။
Ceb က TI (The International) ပြိုင်ပွဲ ကို Back To Back Champions ဆုရယူဖူးတဲ့သူဖြစ်ပါတယ်။
ပြိုင်ပွဲတစ်ခုမှာ အသင်းတစ်သင်းအနေနဲ့ နှစ်ကြိမ်ဆက် Champions ဖြစ်နိုင်ဖို့ လိုအပ်ချက်တွေကို ကောင်းကောင်းသိနိုင်ပါတယ်။
ဒီလိုအချက်တွေကိုကြောင့် SRG OG ရဲ့ ခရီးလမ်းကတော့ ထင်သလောက်မလွယ်ကူပေမယ့် ဖြစ်နိုင်ချေအချို့လည်း ရှိပါကြောင်းတင်ဆက်လိုက်ရပါတယ်။

ရှမ်းပဲပုတ်လေးကျွန်တော် // စိုင်းထီးဆိုင်

မုန်းမေ့ဖို့ခက်တယ် အချစ်ရယ် // ဂျေမောင်မောင်